ﺑﺎﺵ ﺋﻪﻟﭽﻰ ﺟﻮﻥ ﻫﯘﻧﺘﺴﻤﺎﻥ ﻣﯘﺧﺒﯩﺮﻻﺭﻏﺎ، ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ ﺑﯘ ﻳﯩﻞ ﻧﻮﻳﺎﺑﯩﺮﻧﯩﯔ ﺋﻮﺗﺘﯘﺭﯨﻠﯩﺮﯨﺪﺍ ﺧﯩﺘﺎﻳﺪﺍ ﺯﯨﻴﺎﺭﻩﺗﺘﻪ ﺑﻮﻟﯩﺪﯨﻐﺎﻧﻠﯩﻘﻰ، ﺑﯘﻧﯩﯔ ﺋﺎﻣﯧﺮﯨﻜﺎ - ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﺋﯩﻠﮕﯩﺮﻯ ﺳﯜﺭﯛﺷﻜﻪ ﭘﺎﻳﺪﯨﻠﯩﻖ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﺋﻪﻣﻤﺎ ﺋﯘ، ﭘﺮﯦﺰﯨﺪﯦﻨﺖ ﺋﻮﺑﺎﻣﺎﻧﯩﯔ ﻛﻮﻧﻜﺮﯦﺖ ﻗﺎﻳﺴﻰ ﻛﯜﻧﻰ ﺧﯩﺘﺎﻳﺪﺍ ﺑﻮﻟﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﺎﻟﻤﯩﻐﺎﻥ.
 
ﻣﻪﻟﯘﻡ ﺑﻮﻟﯘﺷﯩﭽﻪ، ﭘﺮﯦﺰﯨﺪﯦﻨﺖ ﺋﻮﺑﺎﻣﺎ ﺑﯘ ﻧﯚﯞﻩﺗﻠﯩﻚ ﺧﯩﺘﺎﻱ ﺯﯨﻴﺎﺭﯨﺘﯩﺪﻩ، ﺋﺎﻣﯧﺮﯨﻜﺎ ﺧﯩﺘﺎﻱ ﺳﻮﺩﺍ ﻣﯘﻧﺎﺳﯩﯟﻩﺗﻠﯩﺮﻯ، ﺋﯧﻨﯧﺮﮔﯩﻴﻪ، ﺩﯗﻧﻴﺎ ﻛﯩﻠﯩﻤﺎﺕ ﺋﯚﺯﮔﯩﺮﯨﺸﻰ، ﺋﯧﺮﺍﻥ ﯞﻩ ﺷﯩﻤﺎﻟﯩﻲ ﻛﻮﺭﯨﻴﻪ ﻳﺎﺩﺭﻭ ﻣﻪﺳﯩﻠﯩﺴﯩﺪﯨﻜﻰ ﻫﻪﻣﻜﺎﺭﻟﯩﻖ ﻗﺎﺗﺎﺭﻟﯩﻖ ﺗﯧﻤﯩﻼﺭﺩﺍ ﺳﯚﻫﺒﻪﺕ ﺋﯧﻠﯩﭗ ﺑﺎﺭﯨﺪﯨﻜﻪﻥ.

ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻰ ﺧﯩﺘﺎﻱ ﺋﺎﻣﯧﺮﯨﻜﺎ ﻣﯘﻧﺎﺳﯩﯟﻩﺗﻠﯩﺮﯨﺪﯨﻜﻰ ﻗﯩﺰﯨﻖ ﻧﯘﻗﺘﯩﻼﺭﻧﯩﯔ ﺑﯩﺮﻯ ﺋﯩﺪﻯ.

ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺑﺎﺵ ﺋﻪﻟﭽﻰ ﻫﯘﻧﺘﺴﻤﺎﻥ ﺋﻪﭘﻪﻧﺪﻯ: " ﻛﯩﺸﯩﻠﯩﻚ ﻫﻮﻗﯘﻕ ﺩﯨﺌﺎﻟﻮﮔﯩﻤﯩﺰ ﺑﯩﺰﻧﯩﯔ ﺑﺎﺷﻘﺎ ﺳﯚﻫﺒﻪﺗﻠﯩﺮﯨﻤﯩﺰﮔﯩﻤﯘ ﺳﯩﯖﺪﯛﺭﯛﻟﯜﺷﻰ ﻛﯧﺮﻩﻙ. ﺷﯘﻧﺪﺍﻕ ﺑﻮﻟﻐﺎﻧﺪﺍ ﺑﯘ، ﻫﻪﺭ ﻳﯩﻠﻰ ﺑﯩﺮﻯ ﻗﯧﺘﯩﻢ ﺋﯚﺗﻜﯜﺯﯛﻟﯩﺪﯨﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﯩﮕﯩﻼ ﻣﻪﺭﻛﻪﺯﻟﯩﺸﯩﭗ ﻗﺎﻟﻤﺎﻳﺪﯗ" ﺩﯦﺪﻯ. ﺋﯘ ﻳﻪﻧﻪ ﺷﯘﻧﺪﺍﻕ ﺑﻮﻟﻐﺎﻧﺪﺍ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﺪﻩ ﺋﺎﻣﯧﺮﯨﻜﺎ ﻗﯩﻤﻤﻪﺕ ﻗﺎﺭﺷﯩﻨﻰ ﺗﻮﻟﯘﻕ ﺋﻪﻛﺲ ﺋﻪﺗﺘﯜﺭﮔﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﺎﺵ ﺋﻪﻟﭽﻰ ﻫﯘﻧﺘﺴﻤﺎﻥ ﺋﻪﭘﻪﻧﺪﻯ ﺑﯘ ﻳﯩﻞ ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﺪﺍ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺴﻰ ﺑﻮﻟﯘﭖ ﺗﻪﻳﯩﻨﻠﻪﻧﮕﻪﻥ ﺑﻮﻟﯘﭖ، ﺋﯚﺗﻜﻪﻥ ﻫﻪﭘﺘﻪ ﺧﯩﺘﺎﻳﻐﺎ ﻳﯧﺘﯩﭗ ﺑﺎﺭﻏﺎﻥ ﺋﯩﺪﻯ.