ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﯞﻩ ﺋﺎﻣﻤﯩﯟﻯ ﺗﻪﺷﻜﯩﻼﺗﻼﺭﻧﯩﯔ ﯞﻩﻛﯩﻠﻠﯩﺮﯨﺪﯨﻦ ﺗﻪﺭﻛﯩﺐ ﺗﺎﭘﻘﺎﻥ ﺑﯘ 18 ﻧﻪﭘﻪﺭ ﻛﯩﺸﻰ ﻳﻪﻧﻪ، ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﻨﯩﯔ ﺋﯩﻨﺴﺎﻥ ﻫﻪﻗﻠﯩﺮﻯ ﺧﺎﺗﯩﺮﯨﺴﺪﻩ ﻗﯩﻠﭽﯩﻠﯩﻜﻤﯘ ﻳﺎﺧﺸﯩﻠﯩﻨﯩﺶ ﺑﻮﻟﻤﯩﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

2005 - ﻳﯩﻠﻰ ﺋﯚﺯﺑﯧﻜﯩﺴﺘﺎﻧﻨﯩﯔ ﺋﻪﻧﺠﺎﻥ ﺷﻪﻫﯩﺮﯨﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﺋﯚﺯﺑﯧﻜﯩﺴﺘﺎﻥ ﺩﺍﺋﯩﺮﯨﻠﯩﺮﻯ ﻗﻮﺭﺍﻟﻠﯩﻖ ﺑﺎﺳﺘﯘﺭﻏﺎﻥ، ﯞﻩﻗﻪﺩﻩ ﻧﯘﺭﻏﯘﻧﻠﯩﻐﺎﻥ ﻛﯩﺸﻰ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﻐﺎﻥ ﺋﯩﺪﻯ. ﺋﻪﻳﻨﻰ ﯞﺍﻗﯩﺘﺘﺎ ﻏﻪﺭﺏ ﺩﯗﻧﻴﺎﺳﻰ ﺋﯚﺯﺑﯧﻜﯩﺴﺘﺎﻧﻨﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﺎﺗﺘﯩﻖ ﺩﻩﭘﺴﻪﻧﺪﻩ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﻪﭖ ﻗﺎﺗﺘﯩﻖ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﯞﻩ ﻳﺎﯞﺭﯗﭘﺎ ﺑﯩﺮﻟﯩﻜﻰ ﺑﺎﺷﭽﯩﻠﯩﻘﯩﺪﯨﻜﻰ ﻏﻪﺭﺏ ﺩﯙﻟﻪﺗﻠﯩﺮﻯ ﺋﯚﺯﺑﯧﻜﯩﺴﺘﺎﻧﻐﺎ ﻗﻮﺭﺍﻝ - ﻳﺎﺭﺍﻕ ﺋﯩﻤﺒﺎﺭﮔﻮﺳﻰ ﻳﯜﺭﮔﯜﺯﯛﺷﻜﻪ ﺑﺎﺷﻠﯩﻐﺎﻥ ﺋﯩﺪﻯ.

ﺋﻪﻣﻤﺎ ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﻏﻪﺭﺏ ﺩﯙﻟﻪﺗﻠﯩﺮﻯ ﺋﺎﻓﻐﺎﻧﯩﺴﺘﺎﻥ ﺋﯘﺭﯗﺷﻰ ﯞﻩ ﺋﯚﺯﻟﯩﺮﯨﻨﯩﯔ ﺋﯧﻨﯩﺮﮔﯩﻴﯩﮕﻪ ﺑﻮﻟﻐﺎﻥ ﺋﯧﻬﺘﯩﻴﺎﺟﻰ ﺗﯜﭘﻪﻳﻠﻰ ﻳﯧﻘﯩﻨﺪﺍ ﺋﯚﺯﺑﯧﻜﯩﺴﺘﺎﻥ ﺑﯩﻠﻪﻥ ﻏﻪﺭﺏ ﺩﯙﻟﻪﺗﻠﯩﺮﻯ ﺋﺎﺭﯨﺴﯩﺪﯨﻜﻰ ﻣﯘﺯﻻﺭ ﺋﯧﺮﯨﺸﻜﻪ ﺑﺎﺷﻠﯩﻐﺎﻥ ﺋﯩﺪﻯ. ﻳﺎﯞﺭﯗﭘﺎ ﺋﯩﺘﺘﯩﭙﺎﻗﯩﻨﯩﯖﻤﯘ ﺑﯘ ﻳﯩﻞ ﺋﺎﺧﯩﺮﯨﺪﺍ ﺋﯚﺯﺑﯧﻜﯩﺴﺘﺎﻧﻐﺎ ﻗﺎﺭﺍﺗﻘﺎﻥ ﻗﻮﺭﺍﻝ - ﻳﺎﺭﺍﻕ ﺋﯩﻤﺒﺎﺭﮔﻮﺳﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﻨﻰ ﺋﻮﻳﻠﯩﺸﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﺋﯩﺪﻯ.

ﻣﻪﺭﻛﯩﺰﻯ ﻣﻮﺳﻜﯟﺍﺩﺍ ﺗﯘﺭﯗﺷﻠﯘﻕ ﺋﺎﺑﯩﺪﻩ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ ﺋﯩﺸﻠﯩﺮﻯ ﺑﯚﻟﯜﻣﻰ ﻣﻪﺳﺌﯘﻟﻰ ﯞﯨﺘﺎﻟﻰ ﺋﻪﭘﻪﻧﺪﻯ ﻳﺎﯞﺭﯗﭘﺎ ﺋﯩﺘﺘﯩﭙﺎﻗﯩﻨﯩﯔ ﻗﻮﺭﺍﻝ - ﻳﺎﺭﺍﻕ ﺋﯩﻤﺒﺎﺭﮔﻮﺳﯩﻨﻰ ﺑﯩﻜﺎﺭ ﻗﯩﻠﻤﺎﺳﻠﯩﻘﻰ ﻛﯧﺮﻩﻛﻠﯩﻜﯩﻨﻰ ﺋﯧﻴﺘﯩﭗ: "ﺋﯚﺯﺑﯧﻜﯩﺴﺘﺎﻧﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﺪﻩ ﺋﺎﺯﺭﺍﻗﻤﯘ ﺋﯩﻠﮕﯩﺮﯨﻠﻪﺵ ﺑﻮﻟﻤﯩﺪﻯ. ﺋﯚﺯﺑﯧﻜﯩﺴﺘﺎﻥ ﻫﯚﻛﯜﻣﯩﺘﻰ ﻫﺎﺯﯨﺮﻏﯩﭽﻪ ﺋﻪﻧﺠﺎﻥ ﯞﻩﻗﻪﺳﻰ ﺋﯜﺳﺘﯩﺪﯨﻦ ﻣﯘﺳﺘﻪﻗﯩﻞ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺶ ﺗﻪﻟﯩﭙﯩﻨﻰ ﺭﻩﺕ ﻗﯩﻠﯩﭗ ﻛﯧﻠﯩﯟﺍﺗﯩﺪﯗ. ﺋﯚﺯﺑﯧﻚ ﻫﯚﻛﯜﻣﯩﺘﻰ ﻫﻪﺭ ﺧﯩﻞ ﯞﺍﺳﺘﯩﻠﻪﺭ ﺋﺎﺭﻗﯩﻠﯩﻖ ﺩﯙﻟﻪﺕ ﺋﯩﭽﯩﺪﯨﻜﻰ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﺩﯨﻜﯩﻠﻪﺭﻧﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﻗﻮﻏﺪﯨﻐﯘﭼﯩﻠﯩﺮﯨﻨﻰ ﯞﻩﻳﺮﺍﻥ ﻗﯩﻠﯩﯟﺍﺗﯩﺪﯗ. ﮔﻪﺭﭼﻪ ﺋﯚﺯﺑﯧﻜﯩﺴﺘﺎﻧﻐﺎ ﻗﻮﺭﺍﻝ - ﻳﺎﺭﺍﻕ ﺋﯩﻤﺒﺎﺭﮔﻮﺳﻰ ﻳﻮﻟﻐﺎ ﻗﻮﻳﯘﺵ ﺋﯚﺯﺑﯧﻚ ﻫﯚﻛﯜﻣﯩﺘﯩﮕﻪ ﻧﯩﺴﺒﻪﺗﻪﻥ ﺋﻪﻣﻪﻟﯩﻲ ﺑﯩﺮ ﺗﻪﺳﯩﺮ ﻛﯚﺭﺳﯩﺘﻪﻟﻤﯩﺴﯩﻤﯘ، ﺋﻪﻣﻤﺎ ﻫﯧﭻ ﺑﻮﻟﻤﯩﻐﺎﻧﺪﺍ ﻏﻪﺭﺏ ﺩﯗﻧﻴﺎﺳﯩﻨﯩﯔ ﺋﯚﺯﺑﯧﻚ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮﻗﻰ ﻳﯜﺭﮔﯜﺯﯛﯞﺍﺗﻘﺎﻥ ﺳﯩﻴﺎﺳﯩﺘﯩﻨﻰ ﻗﻮﻟﻠﯩﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﻩ ﻗﯩﻼﺗﺘﻰ" ﺩﯦﺪﻯ.

ﻣﻪﻟﯘﻡ ﺑﻮﻟﯘﺷﯩﭽﻪ، ﻳﺎﯞﺭﯗﭘﺎ ﺋﯩﺘﺘﯩﭙﺎﻗﯩﻐﺎ ﻳﻮﻟﻼﻧﻐﺎﻥ ﺑﯘ ﺧﻪﺗﻜﻪ ﻗﻮﻝ ﻗﻮﻳﻐﯘﭼﯩﻼﺭ ﺋﯩﭽﯩﺪﻩ ﺋﯚﺯﺑﯧﻜﯩﺴﺘﺎﻧﺪﯨﻜﻰ ﺑﯩﺮ ﻗﯩﺴﯩﻢ ﺋﺎﺧﺒﺎﺭﺍﺕ ﺧﯩﺰﻣﻪﺗﭽﯩﻠﯩﺮﻯ ﯞﻩ ﻫﺎﺯﯨﺮ ﭼﻪﺗﺌﻪﻟﻠﻪﺭﺩﻩ ﺳﯜﺭﮔﯜﻧﺪﻩ ﻳﺎﺷﺎﯞﺍﺗﻘﺎﻥ ﺋﯚﺯﺑﯧﻚ ﺩﯦﻤﻮﻛﺮﺍﺗﻼﺭﻣﯘ ﺑﺎﺭ ﺋﯩﻜﻪﻥ.