ﻣﻪﺯﻛﯘﺭ ﻻﻳﯩﻬﻪ ﺑﯘﻟﺘﯘﺭ 8 - ﺋﺎﻳﺪﺍ ﺗﯜﺯﯛﻟﯜﺷﻜﻪ ﺑﺎﺷﻠﯩﻐﺎﻥ، ﺗﯜﺯﯛﺷﻜﻪ ﺋﺎﻻﻗﯩﺪﺍﺭ ﺋﯩﺪﺍﺭﻩ - ﺟﻪﻣﺌﯩﻴﻪﺕ، ﺋﺎﻣﻤﯩﯟﯨﻲ ﺗﻪﺷﻜﯩﻼﺕ ﯞﻩ ﺗﻪﺗﻘﯩﻘﺎﺕ ﺟﻪﻣﺌﯩﻴﻪﺗﻠﯩﺮﻯ ﺑﻮﻟﯘﭖ، 40 ﺗﯩﻦ ﺋﺎﺭﺗﯘﻕ ﺋﻮﺭﯗﻥ ﺋﯩﺸﺘﯩﺮﺍﻙ ﻗﯩﻠﻐﺎﻥ؛ ﻛﯚﺯﻩﺗﻜﯜﭼﯩﻠﻪﺭ ﻻﻳﯩﻬﻪﺩﻩ ﻫﯧﭽﻘﺎﻧﺪﺍﻕ ﺑﯩﺮ ﻳﯧﯖﯩﻠﯩﻖ ﻳﺎﻛﻰ ﻛﻮﻧﻜﺮﯦﺖ ﺑﯩﺮ ﭼﺎﺭﻩ ﻳﻮﻗﻠﯘﻗﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﺋﺎﻣﯧﺮﯨﻜﯩﺪﯨﻜﻰ ﺷﻪﺭﻕ - ﻏﻪﺭﺏ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﻳﺎﯓ ﻟﻴﯘ، ﺑﯜﮔﯜﻥ ﺭﺍﺩﯨﺌﻮﻣﯩﺰﻧﯩﯔ ﺧﯩﺘﺎﻳﭽﻪ ﺑﯚﻟﯜﻣﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺑﯘ ﻻﻳﯩﻬﻪ ﻫﻪﻗﻘﯩﺪﻩ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ. ﺋﯘ ﭘﯩﻜﯩﺮﯨﺪﻩ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﻣﻪﺳﯩﻠﯩﺴﯩﺪﻩ ﻳﻪﻧﯩﻼ ﻣﻪﺳﯩﻠﯩﻨﯩﯔ ﻳﯩﻠﺘﯩﺰﯨﺪﯨﻦ ﺋﯚﺯﯨﻨﻰ ﻗﺎﭼﯘﺭﯗﯞﺍﺗﻘﺎﻧﻠﯩﻘﯩﻨﻰ، ﺑﯘ ﻳﻪﺭﺩﯨﻜﻰ ﺗﻪﻟﯩﻢ - ﺗﻪﺭﺑﯩﻴﻪ ﺋﺎﺭﻗﯩﻠﯩﻖ ﺗﯜﺯﯛﻟﯩﺪﯨﻐﺎﻥ ﻣﻪﺳﯩﻠﻪ ﺋﻪﻣﻪﺳﻠﯩﻜﯩﻨﻰ، ﺑﻮﻟﯘﭘﻤﯘ ﺑﯩﺮ ﺗﻪﺭﻩﭘﺘﯩﻦ ﺑﺎﺳﺘﯘﺭﯗﭖ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﯩﺘﺘﯩﭙﺎﻗﻠﯩﻖ ﺗﻪﺭﺑﯩﻴﯩﺴﻰ ﺋﯧﻠﯩﭗ ﺑﯧﺮﯨﺸﻨﯩﯔ ﺑﯘﺭﯗﻥ ﺋﯜﻧﯜﻡ ﺑﻪﺭﻣﯩﮕﻪﻧﺪﻩﻙ، ﺑﯘﻧﺪﯨﻦ ﻛﯧﻴﯩﻨﻤﯘ ﺋﯜﻧﯜﻡ ﺑﻪﺭﻣﻪﻳﺪﯨﻐﺎﻧﻠﯩﻘﯩﻨﻰ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻣﯩﻠﻠﯩﻲ ﺯﯨﺪﺩﯨﻴﻪﺗﻨﯩﯔ ﭘﻪﻗﻪﺕ ﯞﻩ ﭘﻪﻗﻪﺕ ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﻯ ﺑﻪﻟﮕﯩﻠﻪﺵ ﺑﯩﻠﻪﻧﻼ ﺋﻪﻣﻪﻟﮕﻪ ﺋﺎﺷﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.