Аманлиқ мудири: чәтәлгә чиққанлар пушайман сөзи язғандин кейин қоюп берилиду

Мухбиримиз шөһрәт һошур
2017-10-04
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Ақту наһийә пилал йеза тазилиқ кәнтидики «аммини агаһландуруш йиғини». 2017-Йил 3-июл, ақту пилал йезиси.
Ақту наһийә пилал йеза тазилиқ кәнтидики «аммини агаһландуруш йиғини». 2017-Йил 3-июл, ақту пилал йезиси.
xjakt.gov.cn

Уйғур районида кәң көләмдә тәсис қилинған йепиқ тәрбийиләш мәркәзлиридә конкрет немә ишлар болуватиду? аталмиш курсант йәни тутқунлар қайси хилдики тәкшүрүш яки соал-сорақларға дуч келиватиду?

Мухбиримизниң бу һәқтики ениқлашлири давамида чәтәлгә саяһәт чиққанлиқи үчүн тәрбийилиниватқанларниң чәтәлдики уйғур тәшкилатлири билән учришип-учрашмиғанлиқи қатарлиқ бир қатар сорақлар вә тәнқид-тәнбиһләрдин кейин, чәтәлгә чиққиниға пушайман баянати язидиғанлиқи вә пушайминини қанаәтлинәрлик ипадилимигичә қоюветилмәйдиғанлиқи ашкариланди.

Биз йепиқ тәрбийиләш мәркизидики чәтәлгә чиққанларниң қандақ сорақ-сорақларға дуч келидиғанлиқи һәққидә йәрлик даириләрдин мәлумат соридуқ.

Корла қара юлғундики аманлиқ мудириниң баян қилишичә, тәрбийиләш мәркизидә тутуп турулуватқан сабиқ саяһәтчиләр алди билән чәтәлдә немиләрни көргәнлики һәққидә сораққа тартилиду. Арқидин көргәнлири һәққидә тәсиратини баян қилишқа мәҗбурлиниду. 

Йәнә бу аманлиқ мудириниң дейишичә, чәтәлгә чиққанлар тәрбийиләш мәркизидә қанун-түзүм тәрбийисини көргәндин кейин, өз қилмишиниң, яки тәсиратиниң вә яки бу тәсиратини қолум-қошнилириға билдүрүшиниң тоғра болмиғанлиқини һес қилиду вә пушайман қилғанлиқини билдүриду. Әгәр курсантлар пушайман баянати язмиса вә яки пушайман ипадиси йетәрлик болмиса, таки пушайминини даириләр қанаәтләнгүдәк дәриҗидә язғанға қәдәр тәрбийилиниду.  

Мәлум болушичә, дуняда инсанларниң дәм елишиға, тәбиәт вә җәмийәттин һузурлинишиға, билим даирисини кеңәйтишигә вәсилә болуватқан сәйлә-саяһәт ишлири, уйғур җәмийитидә көп санлиқ кишиләргә несип болмиғанниң үстигә, бу пурсәт несип болған аз бир қисим кишиләр униңдин риязәт чәкмәктә. Йәни сәйлә-саяһәт ишлири уларниң турмушиға аваричилик, һәтта палакәтчилик елип кәлмәктә.

Мәлум болушичә, бәзи җайларда кишиләр чәтәлгә саяһәт қилғанлиқи үчүнла әмәс, һәтта паспортқа илтимас сунғанлиқи яки паспортиға виза қойдурғанлиқи үчүнму тутулған.

Илгирики ениқлашлиримиздин мәлум болушичә, йопурға йәкшәнбә базарда тутуп тәрбийиләнгән 12 яшлиқ әмруллаһниң икки тағиси түркийәни зиярәт қилғанлиқи үчүн нөвәттә қамақта. Ғулҗа наһийисиниң қаш йезисидики абдурешит җелил малайшияни саяһәт қилғанлиқи вә түркийәдики оғлини көргини барғанлиқи үчүн қамақта.

Пикирләр (0)
  • Принт
  • Һәмбәһр
  • Елхәт
Толуқ бәт