Sitokholmdiki uyghur yashlirini terbiyelesh kursi netijilik axirlashti

Ixtiyariy muxbirimiz ekrem
2017-10-16
Élxet
Pikir
Hembehr
Print
  • Print
  • Hembehr
  • Pikir
  • Élxet
Sitokholmdiki uyghur yashlirini terbiyelesh kursidin körünüsh. 2017-Yili 15-Öktebir, shiwétsiye.
Sitokholmdiki uyghur yashlirini terbiyelesh kursidin körünüsh. 2017-Yili 15-Öktebir, shiwétsiye.
RFA/Ekrem

Uyghur yashlirini démokratiye, kishilik hoquq, qanuniy bilimler bilen terbiyelesh kursi 15-Öktebir axirlashti.

13-Öktebir shiwétsiye paytexti sitokholmda bashlanghan uyghur yashlirini démokratiye, kishilik hoquq we qanuniy bilimler bilen terbiyelesh kursi resmiy bashlanghan idi. Kursning 2-Künidin bashlap, kurisqa qatnashqan uyghur yashlirigha muhajirettiki uyghur siyasiy herikitining ötmüshi we bügüni, amérika we yawropadiki diplomatik paaliyetlerning tereqqiyat ehwalliri, uyghur teshkilatlirining weziyiti qatarliqlar tonushturuldi. Amérikadin kelgen ömer qanat, nury türkel ependiler bu heqte mexsus léksiye sözlidi.

14-Öktebir künidiki kursta, wakaletsiz milletler teshkilatining xadimi lusiya xanim, d u q programma yétekchisi pitér irwén we qurultay xadimi rayin ependiler uyghur dewasini yawropa parlaménti, b d t we yawropadiki démokratik döletlerde xelqara sewiyede élip bérishning yolliri we buning uyghur dewasigha körsitidighan tesirliri heqqide léksiye sözlidi. Buning bilen kursqa qatnashqan yashlar uyghur dewasining xelqaradiki eng yéngi yüzlinishi heqqide köpligen bilimlerge ige boldi.

Birqanche künlük kursta sözlengen dersler uyghur yashlirining zor qiziqishini qozghidi. Ders jeryanida soal-Jawaplar bolup, muhajirettiki uyghur siyasiy herikitidin yéterlik sawati bolmighan, uyghur dewasining xelqaradiki sewiyisi heqqide bilmeydighan yashlar köp nersilerni biliwaldi. Bu dersler jeryanida yene uyghur mesilisini ijtimaiy taratqulardin paydilinip tereqqiy qildurushning ilmiy yoliri, diplomatik küresh we alaqilarning taktikilirimu tepsiliy ögitildi.

Kurs dawamida bezi yashlar bu kursqa bolghan inkaslirini bildürdi. Shiwétsiyediki uniwérsitétta oquydighan bir uyghur qizi öz tesiratlirini bildürüp ötti. Yene bir uyghur yigitimu bu kursqa bolghan qarashlirini bildürdi. Finlandiyedin kélip bu kursqa qatnashqan bir qiz bolsa, qaytip barghandin kéyin uyghur siyasiy paaliyetlirini öz dölitide qanat yayduridighanliqini bayan qildi.

D u q yashlar komitétining mudiri gheyur qurban ependi bu heqte toxtalghanda, bu qétimqi kursning netijilik bolghanliqini mueyyenleshtürdi.

Bu yerde kurs ehlining diqqitini jelp qilghan derslerdin biri, xelqara kechürüm tashkilati xadimi fokis xanimning nutqi we alaqe heqqide ötken dersi boldi. Bu ders emeliy tejribe bilen birleshtürülüp ötülgen bolghach, külke-Chaxchaq, qiziqish we hayajan ichide dawam qildi. Sehnige teklip qilinghan tartinchaq yashlar özidiki qorunushni terk étishke mejburlinip, kishiler bilen bolghan alaqide, nutuq jehette dadil, ünümlük bolushning yollirini ögendi.

15-Öktebir chüshtin kéyin 3 künlük bu kurs axirlashti. Yépilish murasimida d u q reisi rabiye xanim nutuq sözlep, yashlardin kütidighan ümid-Isteklirini bildürdi. Bu kursqa sahibxaniliq qilghan shiwétsiye uyghur maarip uyushmisi sherqiy türkistanning ay-Yultuzluq kökbayraqi we gérbining süriti chüshürülgen sharpini d u q rehberlirige mukapat süpitide teqdim qildi. Axirida kursantlargha guwahname tarqitip bérildi.

13-Nöwetlik uyghur yashlirini démokratiye, kishilik hoquq we qanuniy bilimler bilen terbiyelesh kursini d u q, wakaletsiz milletler teshkilati, shiwétsiye uyghur maarip uyushmisi birlikte uyushturghan we amérikadiki démokratiyini ilgiri sürüsh fondi (NED) maddiy jehettin qollighan idi.

Toluq bet