D u q rehberlirining yawropa parlaméntidiki paaliyetliri bashlandi

Ixtiyariy muxbirimiz ekrem
2017-10-18
Élxet
Pikir
Hembehr
Print
  • Print
  • Hembehr
  • Pikir
  • Élxet
D u q ning rehberliri yawropa parlaméntigha keldi. 2017-Yili 17-Öktebir, shiwétsiye.
D u q ning rehberliri yawropa parlaméntigha keldi. 2017-Yili 17-Öktebir, shiwétsiye.
RFA/Ekrem

D u q rehberliri 17-Öktebirdin bashlap yawropa parlaméntidiki paaliyetlirini resmiy bashlidi.

Shiwétsiye paytexti sitokholmda 13-Öktebir bashlinip 15-Öktebir axirlashqan «uyghur yashlirini démokratiye, kishilik hoquq we qanuniy bilimler bilen terbiyilesh kursi» din kéyin, d u q rehberliri 16-Öktebir bélgiye paytexti biryussélgha yétip keldi. Ular 17- Öktebirdin bashlap yawropa parlaméntining bezi ezaliri bilen uchrishish we ulargha uyghur mesilisini anglitish paaliyetlirini bashliwetti.

D u q ning reisi rabiye xanim, muawin reisi ömer qanat, bash katip dolqun eysa, qurultay programma yétekchisi pitér irwén we rayin ependiler 17-Öktebir küni yawropa parlaméntida parlamént ezasi hélga xanim, «sherqiy asiya démokratiye munbiri» ning reisi pawlo kasaka qatarliq kishiler bilen ayrim-Ayrim uchrishishlar ötküzdi.

18-Öktebir küni yene yawropa parlaméntidiki alte neper parlamént ezasi bilen uchrishish orunlashturulghan bolup, qurultay rehberliri yawropa parlaméntida paal heriket qilmaqta.

Bu uchrishish we söhbetlerde, uyghur diyarida xitay hakimiyiti nöwette yolgha qoyuwatqan diniy bésimlar, uyghur tili we medeniyitining depsende qilinishi, uyghurlarning pütün millet gewdisi bilen duch kéliwatqan milliy mewjutluq xirisliri, xitayning bu qeder zorawanliqi we insaniyetsizlik qilmishlirigha démokratik ellerning süküt qiliwatqanliqi otturigha qoyuldi. Shuning bilen bir waqitta, buninggha nisbeten b d t, yawropa parlaméntining jiddiy tedbir qollinishi we inkas bildürüshining zörürlüki tilgha élindi.

Bu ikki künlük söhbetler heqqide ziyaritimizni qobul qilghan dunya uyghur qurultiyining reisi rabiye qadir xanim, yawropa parlaméntida uyghurlar mesilisini dawamliq anglitishning muhimliqini tilgha aldi.

D u q muawin reisi ömer qanat ependimu bu heqte qarashlirini bayan qilip ötti.

D u q bash katipi, wakaletsiz milletler teshkilatining muawin reisi dolqun eysa ependi, yawropa parlaméntining bir qisim muhim xadimliri bilen 20-Öktebirge qeder uchrishishlarning dawam qilidighanliqini eskertip ötti.

19-Öktebir küni yawropa parlaméntida «uyghur dostluq guruppisi» qurulidighan bolup, qurulush murasimigha bir qisim parlamént ezaliri qatnishidiken hemde bezi parlamént ezaliri bu guruppining ezaliqigha saylinidiken. Dolqun eysa ependi bu heqtimu chüshenche berdi.

D u q rehberlirining yawropa parlaméntidiki paaliyetliri axirlashqandin kéyin, ular 21-Öktebir italiye paytexti rumgha bérip, xelqaraliq ilmiy muhakime yighinliri we namayishlargha qatnishidiken hemde italiyediki bir qisim dölet erbabliri bilen uchrishishlar ötküzidiken.

Toluq bet