D u q 6-Nöwetlik wekiller qurultiyining teyyarliq xizmetliri axirlashti

Ixtiyariy muxbirimiz ekrem
2017-11-07
Élxet
Pikir
Hembehr
Print
  • Print
  • Hembehr
  • Pikir
  • Élxet
D u q 5-Nöwetlik omumiy wekiller qurultiyida xatire süret. 2016-Yili 13-Iyul, parizh.
D u q 5-Nöwetlik omumiy wekiller qurultiyida xatire süret. 2016-Yili 13-Iyul, parizh.
RFA

6-Nöwetlik wekiller qurultiyi teyyarliq komitéti teyyarliq xizmetlirining netijilik axirlashqanliqini bildürdi.

5-Noyabir küni 6-Nöwetlik pewquladde qurultay teyyarliq komitétining axirqi téléfon yighini chaqirilip, teyyarliq xizmetlirini toluq xulasiligen. 20 Din artuq dölettin 130 din artuq wekil qatnashmaqchi bolghan 6-Nöwetlik qurultay 2017-Yili 11-Ayning 10-Künidin 12-Künigiche gérmaniyening myunxén shehiride ötküzülmekchi.

Bügün bu xususta bizni melumat bilen teminligen d u q muawin reisi, 6-Qurultay teyyarliq komitéti ezasi perhat muhemmidi ependi bu toghruluq toxtalghanda, 6-Qurultayning teyyarliq xizmetlirining mukemmel tamamlanghanliqini tilgha aldi.

D u q bash katipi, 6-Qurultay teyyarliq komitéti mesuli dolqun eysa ependimu bu heqte konkrét uchur berdi. Perhat muhemmidi ependi sözide, gérmaniyediki uyghur jamaitining bu qétimqi qurultayni maddiy we meniwi tereplerdin qizghin qollighanliqinimu eskertip ötti.

Uyghur jamaet erbabi, myunxéndiki chonglar meshripining qazisi ablimit tursun ependi bolsa, 5-Noyabir ötküzülgen meshrepte 6-Qurultayning xizmitini qilish üchün meshrep ehlige konkrét wezipiler tapshurghan idi. U bu heqte toxtalghanda, myunxéndiki uyghurlarning bu qétimqi qurultaygha qedem teshrip qilghan méhmanlarni yaxshi kütüwalidighanliqini bildürdi.

D u q muawin reisi perhat muhemmidi ependi sözide, d u q ning 6-Nöwetlik qurultiyining uyghur xelqi üchün ünümlük xizmet qilidighanliqinimu qeyt qildi.

D u q xadimlirining bildürüshiche, 6-Qurultaygha qatnashmaqchi bolghan wekillerning birqismi gérmaniyege kélishke bashlighan bolup, omumiy wekiller 9-Noyabir myunxén shehirige toluq jem bolidiken.

D u q ning 5-Nöwetlik qurultiyi 2016-Yili 7-Ayning 11-Künidin 13-Künigiche firansiyening parizh shehiride chaqirilghan bolup, d u q da her 3 yilda bir qétim ötküzülüp kéliwatqan qurultay, bu qétim teshkilat ichide yüz bergen ichki krizislarni hel qilish zörüriyiti we künséri yamanlishiwatqan uyghur weziyiti seweblik muddettin burun chaqirilmaqchi bolghan.

Toluq bet