Uyghur saqchilar bilen xitay saqchilarning maash we qoshumche teminatidiki zor perq ashkarilandi

Muxbirimiz qutlan
2017-04-12
Élxet
Pikir
Hembehr
Print
  • Print
  • Hembehr
  • Pikir
  • Élxet
Aqtu nahiyelik hökümet chiqarghan xitay ölkiliridin yuqiri teminat bilen 600 neper xitay saqchi qobul qilish toghrisidiki uqturush.
Aqtu nahiyelik hökümet chiqarghan xitay ölkiliridin yuqiri teminat bilen 600 neper xitay saqchi qobul qilish toghrisidiki uqturush.
xjakt.gov.cn

Yéqindin buyan radiyomiz ziyaritini qobul qilghan uyghur élidiki bir qisim saqchixana xadimliri özlirining heddidin artuq xizmet bésimigha duch kéliwatqanliqi, uda 48 saet ulap ishligendin kéyinmu dem élish pursitining bolmighanliqi, maash we bashqa qoshumche teminatining töwenliki heqqide qaqshidi.

Xotenning kériye, chira, qaraqash we guma nahiyeliri, aqsuning awat we bay nahiyeliri shundaqla turpanning pichan nahiyeliri chiqarghan hökümet uqturushlirida yerliktin qobul qilinidighan yardemchi saqchilarning ayliq maashining eng köp bolghanda 3 ming yüen etrapida bolidighanliqi bildürülgen.

Halbuki, yéqindin buyan uyghur élidiki bir qisim nahiyeler xitay ölkiliridin yuqiri maash we alahide teminat bilen saqchi xadimi qobul qilish uqturushi chiqarghan.

Igilinishiche, aqtu nahiyelik hökümet 3-Ayning 31-Küni jiddiy uqturush chiqirip, xitay ölkiliridin 500 neper er, 100 neper ayal bolup, jemiy 600 neper saqchi qobul qilidighanliqini bildürgen.

Uqturushta körsitilishiche, qobul qilinghanlar eger aliy mektep püttürgen bolsa ayliq maashi 9064 yüen bolidiken. Eger toluq otturini püttürgenler bolsa 8886 yüen bolidiken.

Uningdin bashqa ulargha «yilliq mukapat» dégen namda 6000-8000 Yüengiche toluqlima bérilidiken. «Issinish puli» dégen namda yiligha yene 1400 yüen tarqitilidiken. Toy qilmighanlar heqsiz yataq we tamaq bilen teminlinidiken. Toy qilghanlar ailisini élip kelse bir yürüsh heqsiz öy bilen teminlinidiken.

Igilinishiche, aqtu nahiyelik j x idarisi mexsus ikki guruppa teshkillep, xitay ölkilirige saqchi qobul qilish üchün ewetken. Birinchi guruppa gensu, shenshi we senshi ölkilirige, ikkinchi guruppa sichüen, xénen we xunen ölkilirige ewetilgen.

Xitay ölkiliridin qobul qilinidighan xitay saqchilar bilen uyghur élining ichki qismidin qobul qilinidighan yerlik uyghur saqchilarning maash we qoshumche teminatidiki ghayet zor perq küchlük diqqet qozghimaqta.

Undaqta, yerliktin qobul qilinip, kéche-Kündüz ishlewatqan uyghur yardemchi saqchilar bilen xitay ölkiliridin «alahide teminat» bilen qobul qiliniwatqan xitay saqchilarning maashidiki emeliy perq zadi qanchilik?

Bu soalgha radiomiz ziyaritini qobul qilghan uyghur yardemchi saqchilarning özliri jawab bersun:

Bay nahiyesining tashériq saqchixanisidiki bir neper saqchi qiz ötken yilidin buyan 1800 yüen ayliqqa ishlewatqanliqini bildürdi.

Kériye nahiyesining siyek yéziliq saqchixanisidiki bir neper uyghur yardemchi saqchi özining eslide «ayda 4 ming yüen maash bérimiz, 24 saet ishlep 24 saet dem alisiler» dégen shert bilen saqchiliqqa kirgenlikini bildürdi. Halbuki, u yardemchi saqchi bolghandin buyan maash kartisigha her ayda aran 2500 yüen etrapida pul kiriwatqanliqini, 48 saettin dem almay ishlewatqanliqini ashkarilidi.

Pichan nahiyesining lemjin bazarliq saqchixanisidiki bir neper resmiy saqchi pichandiki yardemchi saqchilarning ayda 2200 yüen maash alidighanliqini bildürdi.

Qaraqash nahiyesining aqsaray saqchixanisidiki bir neper yardemchi saqchi ayda aran 1200 yüen maash alidighanliqi, undin bashqa 100 yüen tamaq puli bérilidighanliqi, kéche-Kündüz normidin artuq ishlise uninggha héchqandaq heq bérilmeydighanliqini ashkarilidi.

Guma nahiyesining mokuyla yéziliq saqchixanisidiki bir neper yardemchi saqchimu özlirining ayda aran 1300 yüen maash alidighanliqini delillidi.

Aqsuning awat nahiye dolan saqchixanisidiki bir neper yardemchi saqchi özlirining ayda hemmisi qoshulup 1800 yüen maash alidighanliqini bildürdi.

Qaraqash nahiyesining hökümetke qarashliq melum idarisidiki bir neper kéchilik közetchi xadim özining 4 yildin buyan 1500 yüen ayliqqa ishlewatqanliqini bildürdi.

Yuqiriqi bayanlar aqtu nahiyesige xitay ölkiliridin qobul qilinidighan saqchi xadimlirigha ayda bérilidighan 9 ming yüen yuqiri maash bilen uyghur élidiki yerlik yardemchi saqchilargha bériliwatqan 1300 yüendin 2500 yüengiche bolghan töwen maash otturisidiki ghayet zor perqni ashkarilap körsetmekte.

Toluq bet