Қарақаш пурчақчи аһалилири: мәһәллимиздә әрләр асасән қалмиди, һәммиси «тәрбийәләш» тә

Мухбиримиз шөһрәт һошур
2017-10-05
Елхәт
Пикир
Һәмбәһр
Принт
  • Принт
  • Һәмбәһр
  • Пикир
  • Елхәт
Хитай һөкүмити хотәндә өткүзгән «террорлуқ» қа қарши қәсәмйад йиғинлириниң биридин көрүнүш.
Хитай һөкүмити хотәндә өткүзгән «террорлуқ» қа қарши қәсәмйад йиғинлириниң биридин көрүнүш.
Social Media

Қарақаш наһийисиниң пурчақчи йезилиқ сақчи хадими 7000 аилилик нопусқа игә болған мәзкур йезида 4000 чә кишиниң аталмиш «йепиқ тәрбийәләш мәркәзлири» дә қамақлиқ икәнлики ашкариланди.

Мухбиримиз бу сақчи хадими тәминлигән телефон номурлириға асасән, бәзи тутқунлар аилә-Тавабиатлири биләнмә алақиләшти. Башқудуқла кәнтидики бир аилә әзаси, өзиниң 3 қериндиши вә йолдишиниң тәрбийәләштә икәнликини ашкарилиса, аһалиләрдин йәнә бири өзиниң 3 қериндишиниң қамақта икәнликини байан қилди. Һәр иккиси нөвәттә пурчақчида кочиларда әрләр асасән дегүдәк қалмиғанлиқини мәлум қилди.

Йепиқ тәрбийәләш мәркәзлири һәққидики ениқлашлиримиз давамида қарақаш наһийисиниң пурчақчи йезисида 4000 чә кишиниң тәрбийәләш мәркизигә әвәтилгәнлики ашкариланди.

Мәлум болушичә, тәрбийәләш мәркизигә әң көп апирилғанлар, башқудуқла вә айаққудуқла кәнти. Биз сақчи хадиминиң тәминлигән алақә учурлириға асасән баш қудуқла кәнтидики бир бир аилигә телефон алдуқ.

Телефонимизни қобул қилған ханим, өзиниң бир акиси, укиси вә сиңлиси билән бирликтә йәнә йолдишиниңму қамақта икәнликини байан қилди.

Биз йәнә сақчи хадимниң көрсәтмиси бойичә, айаққудуқла кәнтидики бир аһалигә телефон қилдуқ. Һәр иккиси, өз мәһәллисидә көрүлгән, әр әмгәк күчи қалмаслиқ һадисисиниң йалғуз өзлири туруватқан кәнттила әмәс, буниң пурчақчиниң һәммила мәһәллиридә мәвҗут икәнликини байан қилди.

БӘйду учур амбирида көрситилишичә, пурчақчи йезиси 28 кәнт, 132 мәһәллидин тәшкилләнгән, нопуси 31497, аилә сани 7603. Йезида уйғур нопуси 99.96%.

Пурчақчи йезисида2013‏- Вә 2014-Йиллири арқиму-Арқан бирқанчә мәйдан қанлиқ вәқәләр йүз бәргән иди.

Пикирләр (0)
  • Принт
  • Һәмбәһр
  • Елхәт
Толуқ бәт