ﺧﯩﺘﺎﻱ ﺳﯩﻴﺎﺳﯩﻲ ﻛﯧﯖﯩﺸﯩﻨﯩﯔ 11 - ﻧﯚﯞﻩﺗﻠﯩﻚ ﻗﯘﺭﯗﻟﺘﯩﻴﻰ 1 - ﻳﯩﻐﯩﻨﻰ ﺋﺎﻳﺎﻏﻼﺷﺘﻰ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯖﺪﺍ ﺋﯧﭽﯩﻠﯩﯟﺍﺗﻘﺎﻥ ﺧﯩﺘﺎﻱ ﺳﯩﻴﺎﺳﯩﻲ ﻛﯧﯖﯩﺸﯩﻨﯩﯔ 11 - ﻧﯚﯞﻩﺗﻠﯩﻚ ﻗﯘﺭﯗﻟﺘﯩﻴﻰ 1 - ﻳﯩﻐﯩﻨﻰ 14 - ﻣﺎﺭﺕ ﭘﻪﻳﺸﻪﻧﺒﻪ ﻛﯜﻧﻰ ﻳﯧﭙﯩﻠﻐﺎﻥ ﺑﻮﻟﯘﭖ، ﻳﯩﻐﯩﻦ ﻧﻪﺗﯩﺠﯩﺴﯩﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻧﯚﯞﻩﺗﻠﯩﻚ ﺳﯩﻴﺎﺳﯩﺴﻰ ﻛﯧﯖﯩﺸﯩﻨﯩﯔ ﺭﻩﺋﯩﺴﻰ ﺟﻴﺎﯓ ﭼﯩﯖﻠﯩﻦ ﺋﻪﺳﻠﯩﺪﯨﻜﻰ ﺋﻮﺭﻧﻰ ﺳﺎﻗﻼﭖ ﻗﺎﻟﻐﺎﻧﺪﯨﻦ ﺑﺎﺷﻘﺎ، ﻣﯘﺋﺎﯞﯨﻦ ﺭﻩﺋﯩﺴﻠﯩﻚ ﺋﻮﺭﻧﯩﺪﺍ ﻣﻪﻟﯘﻡ ﺋﯚﺯﮔﯩﺮﯨﺸﻠﻪﺭ ﺑﻮﻟﻐﺎﻥ.

ﺋﯩﻠﺸﺎﺕ ﺋﻪﭘﻪﻧﺪﻯ:"ﺳﯩﻴﺎﺳﯩﻲ ﻛﯧﯖﻪﺵ ﺋﻪﻣﯩﻠﻰ ﺭﻭﻟﻰ ﻳﻮﻕ ﺩﯙﻟﻪﺕ ﺋﺎﭘﭙﺎﺭﺍﺗﻰ"

ﺑﯘ ﻧﯚﯞﻩﺗﻠﯩﻚ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ 25 ﻧﻪﭘﻪﺭ ﻣﯘﺋﺎﯞﯨﻦ ﺭﻩﺋﯩﺴﻠﯩﺮﻯ ﺋﯩﭽﯩﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺳﺎﺑﯩﻖ ﺭﻩﺋﯩﺴﻰ ﺋﺎﺑﻠﻪﺕ ﺋﺎﺑﺪﯗﺭﯦﺸﯩﺖ ﯞﻩ ﺧﯩﺘﺎﻳﻨﻰ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺳﺎﺑﯩﻖ ﺳﯧﻜﺮﯦﺘﺎﺭﻯ ﺩﯦﯔ ﺷﻴﺎﯞﭘﯩﯖﻨﯩﯔ ﺋﻮﻏﻠﻰ ﺩﯦﯔ ﭘﯘﻓﺎﯓ ﻗﺎﺗﺎﺭﻟﯩﻘﻼﺭ ﺑﺎﺭ.

ﺳﯩﻴﺎﺳﯩﻲ ﻛﯚﺯﻩﺗﭽﻰ ﺋﯩﻠﺸﺎﺕ ﺋﻪﭘﻪﻧﺪﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺋﯩﻠﮕﯩﺮﯨﻜﻰ ﺭﻩﻫﺒﻪﺭﻟﯩﺮﯨﮕﻪ ﻣﻪﺭﻛﯩﺰﻯ ﺳﯩﻴﺎﺳﯩﻲ ﻛﯧﯖﻪﺷﺘﯩﻦ ﺋﻮﺭﯗﻥ ﺑﯧﺮﯨﻠﻤﯩﮕﻪﻥ، ﺋﺎﺑﻠﻪﺕ ﺋﺎﺑﺪﯗﺭﯦﺸﯩﺖ ﺷﯘﻻﺭﻧﯩﯔ ﺋﯩﭽﯩﺪﯨﻜﻰ ﺳﯩﻴﺎﺳﯩﻲ ﻛﯧﯖﻪﺷﻜﻪ ﺑﯧﻜﯩﺘﯩﻠﮕﻪﻥ ﺗﯘﻧﺠﻰ ﺋﯘﻳﻐﯘﺭ ﻛﺎﺩﯨﺮ ﺋﯩﻜﻪﻥ. ﺋﻪﻣﻤﺎ ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﺪﺍ ﺳﯩﻴﺎﺳﯩﻲ ﻛﯧﯖﻪﺵ ﺋﻪﻣﯩﻠﻰ ﺭﻭﻟﻰ ﻳﻮﻕ ﺩﯙﻟﻪﺕ ﺋﺎﭘﭙﺎﺭﺍﺗﻰ ﺑﻮﻟﻐﺎﭼﻘﺎ ﺑﯘ ﺋﻮﺭﯗﻧﻐﺎ ﻛﯚﭘﯩﻨﭽﻪ ﻫﺎﻟﻼﺭﺩﺍ ﺧﯩﺘﺎﻱ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﯩﺪﺍ ﺑﺎﺷﻘﺎ ﺋﻮﺭﯗﻧﻼﺭﺩﺍ ﯞﻩﺯﯨﭙﻪ ﺗﻪﮔﻤﯩﮕﻪﻥ ﻛﯩﺸﯩﻠﻪﺭﻧﻰ ﻛﯩﺮﮔﯜﺯﯛﭖ ﻗﻮﻳﯩﺪﯨﻜﻪﻥ.

ﻛﯚﺯﻩﺗﻜﯜﭼﯩﻠﻪﺭ:" ﻳﯩﻐﯩﻦ ﺟﻪﺭﻳﺎﻧﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺗﻪﻛﻠﯩﭙﻠﻪﺭﻧﯩﯔ ﺋﯩﻜﻜﯩﻨﭽﯩﻠﻪﭖ ﺧﻪﯞﯨﺮﻯ ﺑﻮﻟﻤﺎﻳﺪﯗ"

ﻳﯩﻐﯩﻦ ﺧﻪﯞﻩﺭﻟﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺳﯩﻴﺎﺳﯩﻲ ﻛﯧﯖﻪﺷﻜﻪ ﺳﯘﻧﯘﻟﻐﺎﻥ 4772 ﺗﯜﺭﻟﯜﻙ ﺗﻪﻛﻠﯩﭙﻨﯩﯔ 4526ﺳﻰ ﺭﻩﺳﻤﯩﻲ ﺗﻪﻛﻠﯩﭗ ﺳﯜﭘﯩﺘﯩﺪﻩ ﺑﯧﻜﯩﺘﯩﻠﮕﻪﻥ. ﺑﯘ ﺗﻪﻛﻠﯩﭙﻠﻪﺭﻧﯩﯔ ﺋﻪﻣﻪﻟﯩﻴﻠﯩﺸﯩﺶ ﺩﻩﺭﯨﺠﯩﺴﻰ ﻗﺎﻧﭽﯩﻠﯩﻚ؟ ﺑﯘ ﻫﻪﻗﺘﻪ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺑﻪﺭﮔﻪﻥ ﺑﺎﻫﺎﺳﻰ ﺋﺎﺳﺎﺳﻪﻥ ﺋﻮﺧﺸﺎﺵ ﺑﻮﻟﯘﭖ، ﺑﯘ ﺗﻪﻛﻠﯩﭙﻠﻪﺭ ﭘﻪﻗﻪﺕ ﻳﯩﻐﯩﻦ ﺟﻪﺭﻳﺎﻧﯩﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﭖ ﺳﯘﻧﯘﻟﻐﺎﻧﺪﯨﻦ ﻛﯧﻴﯩﻦ ﻣﻪﺯﻛﯘﺭ ﺗﻪﻛﻠﯩﭙﻠﻪﺭﻧﯩﯔ ﺋﯩﻜﻜﯩﻨﭽﯩﻠﻪﭖ ﺧﻪﯞﯨﺮﻯ ﺑﻮﻟﻤﺎﻳﺪﯨﻜﻪﻥ.

ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺳﯩﻴﺎﺳﯩﻲ ﻛﯚﺯﻩﺗﭽﻰ ﯞﻩ ﺟﯘﯕﮕﻮ ﺋﯩﻨﻔﻮﺭﻣﺎﺗﺴﯩﻴﻪ ﻣﻪﺭﻛﯩﺰﯨﺪﯨﻜﻰ ﺗﻪﺗﻘﯩﻘﺎﺗﭽﻰ ﺗﻴﻪﻥ ﭼﯩﻠﻴﺎﯞ ﺧﺎﻧﯩﻤﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻳﺪﺍ ﺑﯘ ﺧﯩﻠﺪﯨﻜﻰ ﺗﻪﻛﻠﯩﭙﻠﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﺘﺎ 3 ﺧﯩﻞ ﺗﻪﺭﺗﯩﭗ ﺑﻮﻟﯘﭖ، ﺋﺎﯞﯞﺍﻝ ﺑﯩﺮﻩﺭ ﯞﻩﻛﯩﻞ ﺑﯩﺮﻩﺭ ﺗﻪﻛﻠﯩﭙﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﺴﺎ ﻣﻪﺭﻛﯩﺰﻯ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﺋﯘﻻﺭﻧﯩﯔ ﺑﯘ ﺗﻪﻛﻠﯩﭙﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﻘﯩﺪﯨﻦ ﻣﯩﻨﻨﻪﺗﺪﺍﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯗﺭﯗﺷﯩﺪﯨﻜﻪﻥ، ﺋﯩﻜﻜﯩﻨﭽﯩﺪﯨﻦ، ﻣﻪﺭﻛﯩﺰﻯ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﯞﻩﻛﯩﻠﻠﻪﺭ ﻗﻮﻳﻐﺎﻥ ﺗﻪﻛﻠﯩﭙﻠﻪﺭﮔﻪ ﻗﺎﺭﯨﺘﺎ ﻣﻪﺭﻛﯩﺰﯨﻲ ﻫﯚﻛﯜﻣﻪﺗﻨﯩﯔ ﺑﯘ ﺧﯩﻠﺪﯨﻜﻰ ﻣﻪﺳﯩﻠﯩﻠﻪﺭﻧﻰ ﺋﺎﻟﻠﯩﻘﺎﭼﺎﻥ ﺗﻮﻧﯘﭖ ﻳﻪﺗﻜﻪﻧﻠﯩﻜﯩﻨﻰ ﯞﻩ ﺑﯘ ﻻﺭﻧﻰ ﻫﻪﻝ ﻗﯩﻠﯩﺶ ﭼﺎﺭﯨﺴﻰ ﺋﯜﺳﺘﯩﺪﻩ ﺋﯩﺰﺩﯨﻨﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯨﺪﯨﻜﻪﻥ ﺋﺎﺧﯩﺮﯨﺪﺍ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﯞﻩﻛﯩﻠﻠﻪﺭﮔﻪ ﻳﻪﻧﻪ ﻣﯘﺷﯘﻧﺪﺍﻕ ﺗﻪﻛﻠﯩﭙﻠﻪﺭﻧﻰ ﻛﯚﭘﺮﻩﻙ ﺋﻮﺗﺘﯘﺭﯨﻐﺎ ﻗﻮﻳﯘﺷﻰ ﻛﯧﺮﻩﻛﻠﯩﻜﯩﻨﻰ ﻫﻪﻣﺪﻩ ﺋﯘﻻﺭﻧﯩﯔ ﺑﯘ ﻣﻪﺳﯩﻠﯩﻠﻪﺭﻧﻰ ﺑﯩﺮﻟﯩﻜﺘﻪ ﻫﻪﻝ ﻗﯩﺸﻘﺎ ﺗﯩﺮﯨﺸﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﻪﻳﺪﯨﻜﻪﻥ.

ﺗﻴﻪﻥ ﭼﯩﻠﻴﺎﯞ ﺧﺎﻧﯩﻢ" ﻣﺎﻧﺎ ﺑﯘ ﺋﯘﻻﺭﻧﯩﯔ ﺗﻪﻛﻠﯩﭙﻠﻪﺭﻧﻰ ﻗﺎﻧﺪﺍﻕ ﻫﻪﻝ ﻗﯩﻠﯩﺸﺘﯩﻜﻰ ﺗﯩﭙﯩﻚ ﺋﯘﺳﯘﻟﻰ. ﻣﺎﻧﺎ ﺷﯘﻧﯩﯔ ﺑﯩﻠﻪﻥ ﺳﯩﺰ ﺑﯘ ﺗﻪﻛﻠﯩﭙﻠﻪﺭ ﻫﻪﻗﻘﯩﺪﻩ ﺋﯩﻜﻜﯩﻨﭽﯩﻠﻪﭖ ﺧﻪﯞﻩﺭ ﺋﺎﻻﻟﻤﺎﻳﺴﯩﺰ" ﺩﯦﺪﻯ.

ﺗﻴﻪﻥ ﭼﯩﻠﻴﺎﯞ ﺧﺎﻧﯩﻢ ﻳﻪﻧﻪ، ﺑﯘ ﻧﯚﯞﻩﺕ ﯞﻩﻛﯩﻠﻠﻪﺭﻧﯩﯔ ﻣﺎﺋﺎﺭﯨﭗ، ﺋﯩﻘﺘﯩﺴﺎﺩ ﻫﻪﺗﺘﺎ ﭘﯩﻼﻧﻠﯩﻖ ﺗﯘﻏﯘﺗﺘﯩﻦ ﺋﯩﺒﺎﺭﻩﺕ ﻧﺎﺯﯗﻙ ﺳﺎﻫﻪﻟﻪﺭﮔﻪ ﭼﯧﺘﯩﻠﯩﺪﯨﻐﺎﻥ ﻧﯘﺭﻏﯘﻥ ﺳﻪﺯﮔﯜﺭ ﻣﻪﺳﯩﻠﯩﻠﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻧﻠﯩﻘﯩﻨﻰ، ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﺑﯘ ﺧﯩﻠﺪﯨﻜﻰ ﺗﻪﻛﻠﯩﭙﻠﻪﺭﻧﻰ ﻫﻪﺭﮔﯩﺰﻣﯘ ﺭﻩﺕ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﻣﻤﺎ ﺑﯘ ﺗﻪﻛﻠﯩﭙﻠﻪﺭ ﻳﯘﻗﯩﺮﯨﻐﺎ ﺳﯘﻧﯘﻟﻐﺎﻥ ﻳﺎﻛﻰ ﺳﯘﻧﯘﻟﻤﯩﻐﺎﻧﻠﯩﻘﯩﻨﻰ ﻫﻪﻣﺪﻩ ﻧﻪﺗﯩﺠﯩﺴﯩﻨﯩﯔ ﻗﺎﻧﺪﺍﻕ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﮕﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯨﺪﯗ.

ﺋﯩﻠﺸﺎﺕ ﺋﻪﭘﻪﻧﺪﻯ:"ﺗﻪﻛﻠﯩﭗ ﻗﻮﻳﻐﯘﭼﻰ ﻫﻪﺭﮔﯩﺰﻣﯘ ﺋﯚﺯ ﺧﻮﺟﺎﻳﯩﻨﯩﻨﯩﯔ ﺧﺎﺗﺎﻟﯩﻘﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺸﻜﻪ ﺟﯜﺭﺋﻪﺕ ﻗﯩﻼﻟﻤﺎﻳﺪﯗ"

ﺋﯩﻠﺸﺎﺕ ﺋﻪﭘﻪﻧﺪﯨﻨﯩﯔ ﺑﯩﻠﺪﯛﺭﯛﺷﯩﭽﻪ ﺧﯩﺘﺎﻳﺪﺍ ﺳﯩﻴﺎﺳﯩﻲ ﻛﯧﯖﻪﺵ ﯞﻩ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ ﻗﻮﻳﯘﻟﻐﺎﻥ ﺑﯘ ﺧﯩﻠﺪﯨﻜﻰ ﺗﻪﻛﻠﯩﭙﻠﻪﺭﻧﯩﯔ ﻫﻪﻝ ﺑﻮﻟﻤﺎﺳﻠﯩﻘﯩﺪﯨﻜﻰ ﺳﻪﯞﻩﺑﻠﻪﺭ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺑﯘﻧﯩﯔ ﺗﯜﺯﯛﻣﺪﯨﻜﻰ ﺳﻪﯞﻩﺏ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﯩﺘﯩﭗ، "ﺗﻪﻛﻠﯩﭗ ﻗﻮﻳﻐﯘﭼﻰ ﻫﻪﺭﮔﯩﺰﻣﯘ ﺋﯚﺯ ﺧﻮﺟﺎﻳﯩﻨﯩﻨﯩﯔ ﺧﺎﺗﺎﻟﯩﻘﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺸﻜﻪ ﺟﯜﺭﺋﻪﺕ ﻗﯩﻼﻟﻤﺎﻳﺪﯗ،" ﺩﻩﻳﺪﯗ.

ﻳﯩﻐﯩﻨﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺗﻪﻛﻠﯩﭙﻠﻪﺭﻧﯩﯔ ﻧﻪﺗﯩﺠﯩﺴﯩﺰ ﻗﯧﻠﯩﺸﯩﺪﯨﻜﻰ ﺳﻪﯞﻩﺑﻨﯩﯔ ﺋﯩﻨﺘﺎﻳﯩﻦ ﺭﻭﺷﻪﻥ ﺋﯩﻜﻪﻧﻠﯩﻜﯩﻨﻰ ﺑﯘ ﭼﯜﺷﯩﻨﯩﺸﺘﻪ ﺋﯩﻠﮕﯩﺮﯨﻜﻰ ﻧﯚﯞﻩﺗﻠﯩﻚ ﺷﻪﻧﺪﯗﯕﻠﯘﻕ ﺳﯩﻴﺎﺳﯩﻲ ﻛﯧﯖﻪﺵ ﯞﻩﻛﯩﻠﻰ ﻳﻪﻧﺘﻪﻱ ﺋﯘﻧﯩﯟﯦﺮﺳﯩﺘﯧﺘﻨﯩﯔ ﺋﻮﻗﯘﺗﻘﯘﭼﯩﺴﻰ ﯞﺍﯓ ﭼﯜﻧﺠﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺗﻪﻛﻠﯩﭙﻨﯩﯔ ﻣﯩﺴﺎﻝ ﺑﻮﻻﻻﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ ﺗﻴﻪﻥ ﺧﺎﻧﯩﻤﻨﯩﯔ ﺑﯩﻠﺪﯛﺭﯛﺷﯩﭽﻪ، ﯞﺍﯓ ﭼﯜﻧﺠﻰ ﺑﺎﺭﻟﯩﻖ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﺋﯚﺯ ﺋﯩﻠﻜﯩﺪﯨﻜﻰ ﺑﯩﺴﺎﺗﯩﻨﯩﯔ ﺗﯩﺰﻣﯩﻨﻰ ﺋﻪﻝ - ﺟﺎﻣﺎﺋﻪﺗﻜﻪ ﺋﺎﺷﻜﺎﺭﯨﻠﯩﺸﻰ ﻛﯧﺮﻩﻛﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﯘﭖ، ﺋﯘﻧﯩﯔ ﺑﯘ ﺗﻪﻛﻠﯩﭙﻰ ﺭﻩﺕ ﻗﯩﻠﯩﻨﻐﺎﻧﺪﯨﻦ ﺑﺎﺷﻘﺎ ﺋﯘﻧﯩﯔ ﯞﻩﻛﯩﻠﻠﯩﻚ ﺳﺎﻻﻫﯩﻴﯩﺘﻰ ﺋﯧﻠﯩﭗ ﺗﺎﺷﻼﻧﻐﺎﻥ.

"ﺋﻪﻟﯟﻩﺗﺘﻪ ﺑﯘ ﺗﻪﻛﻠﯩﭙﻜﻪ ﺋﺎﻻﻗﯩﺪﺍﺭ ﻗﺎﻧﯘﻥ ﻣﺎﻗﯘﻟﻼﻧﻤﺎﻳﺪﯗ. ﺋﻪﻣﻤﺎ ﺑﯘ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻻﺭﻧﯩﯔ ﻣﻪﻧﭙﻪﺋﻪﺗﯩﮕﻪ ﺑﯩﯟﺍﺳﯩﺘﻪ ﺗﺎﻗﯩﻠﯩﺪﯨﻐﺎﻥ ﺑﯩﺮ ﺗﯧﻤﺎ ﺑﻮﻟﻐﺎﭼﻘﺎ ﺋﯘﻻﺭ ﺑﯘ ﻫﻪﻗﻘﯩﺪﻩ ﺋﯧﻐﯩﺰ ﺋﺎﭼﻤﺎﻳﻼ ﻗﺎﻟﻤﺎﻱ ﺑﯘﻧﻰ ﺭﻩﺕ ﻗﯩﻠﯩﺪﯗ."

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﻧﯚﯞﻩﺗﻠﯩﻚ ﻳﯩﻐﯩﻨﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺗﻪﻛﻠﯩﭙﻠﻪﺭ ﺋﯩﭽﯩﺪﻩ ﺧﻮﯕﻜﻮﯕﻠﯘﻕ ﯞﻩﻛﯩﻞ ﯞﺍﯓ ﻣﯩﯖﭽﯜﻩﻥ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﮕﻪ ﺧﻮﯕﻜﻮﯕﻠﯘﻕ ﺩﯦﻤﻮﻛﺮﺍﺗﯩﻚ ﺯﺍﺗﻼﺭﻧﯩﯔ ﺧﯩﺘﺎﻳﻐﺎ ﻛﯩﺮﯨﺸﻰ ﺋﯜﭼﯜﻥ "ﻳﯘﺭﺗﻘﺎ ﻗﺎﻳﺘﯩﺶ ﻛﯩﻨﯩﺸﻜﯩﺴﻰ" ﺗﻪﺳﯩﺲ ﺋﯩﻠﯩﺶ ﺗﻪﻛﻠﯩﭙﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﯘﭖ، ﻫﺎﺯﯨﺮﭼﻪ ﺑﯘ ﺗﻪﻛﻠﯩﭙﻨﯩﯔ ﻗﻮﺑﯘﻝ ﻗﯩﻠﻐﺎﻥ ﻳﺎﻛﻰ ﻗﯩﻠﯩﻨﻤﯩﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﻪﯞﻩﺭ ﻳﻮﻕ. (ﺟﯜﻣﻪ)