ﺧﻪﻟﯩﻖ "ﯞﻩﻛﯩﻠﻰ" ﺩﯨﻠﻨﺎﺭ ﺋﺎﺑﺪﯗﻟﻼ ﻣﯘﺧﺒﯩﺮﯨﻤﯩﺰﻧﯩﯔ ﺯﯨﻴﺎﺭﯨﺘﯩﺪﯨﻦ ﺋﯚﺯﯨﻨﻰ ﻗﺎﭼﯘﺭﺩﻯ

• ﻣﯘﺧﺒﯩﺮﯨﻤﯩﺰ ﺷﯚﻫﺮﻩﺕ ﻫﻮﺷﯘﺭﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﻨﯩﯔ 11 ‏ - ﻧﯚﯞﻩﺗﻠﯩﻚ ﻣﻪﻣﻠﯩﻜﻪﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ ﺗﯜﻧﯜﮔﯜﻥ ﻳﻪﻧﻰ 5 ‏ - ﻣﺎﺭﺕ ﻛﯜﻧﻰ ﺭﻩﺳﻤﯩﻲ ﺋﯧﭽﯩﻠﺪﻯ. ﻳﯩﻐﯩﻨﺪﺍ ﺑﺎﺵ ﻣﯩﻨﯩﺴﺘﯩﺮ ﯞﯦﻦ ﺟﻴﺎﺑﺎﯞ ﺋﯧﭽﯩﻠﯩﺶ ﻧﯘﺗﻘﻰ ﺳﯚﺯﻟﯩﺪﻯ. ﯞﯦﻦ ﺟﻴﺎﺑﺎﯞ ﻧﯘﺗﻘﯩﺪﺍ، ﺧﯩﺘﺎﻳﻨﯩﯔ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﻪ ﻳﯧﺘﻪﻛﭽﯩﻠﯩﻜﯩﺪﻩ ﺳﻮﺗﺴﯩﻴﺎﻟﯩﺴﺘﯩﻚ ﺩﯦﻤﻮﻛﺮﺍﺗﯩﻴﯩﻨﻰ ﺗﯧﺨﯩﻤﯘ ﻛﯧﯖﻪﻳﺘﯩﺪﯨﻐﺎﻧﻠﯩﻘﻰ، ﺟﯜﻣﻠﯩﺪﯨﻦ ﺩﯙﻟﻪﺕ ﺋﺎﭘﭙﺎﺭﺍﺗﻠﯩﺮﯨﺪﺍ ﺋﯩﺴﻼﻫﺎﺕ ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﻰ، ﻣﺎﻝ ﺑﺎﻫﺎﺳﯩﻨﯩﯔ ﺋﯚﺳﯜﺷﻰ ﯞﻩ ﭘﯘﻝ ﭘﺎﺧﺎﻟﻠﯩﻘﯩﻨﻰ ﻛﻮﻧﺘﺮﻭﻝ ﻗﯩﻠﯩﺪﯨﻐﺎﻧﻠﯩﻘﻰ ﻗﺎﺗﺎﺭﻟﯩﻖ ﻧﯘﻗﺘﯩﻼﺭﺩﺍ ﺋﺎﻻﻫﯩﺪﻩ ﺗﻮﺧﺘﺎﻟﺪﻯ. ﺋﻪﻣﻤﺎ ﺧﯩﺘﺎﻳﺪﯨﻜﻰ ﻣﯩﻠﻠﯩﻲ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﺋﯧﻐﯩﺰ ﺋﺎﭼﻤﯩﺪﻯ.

ﯞﯦﻦ ﺟﻴﺎﺑﺎﯞ: " ﺋﻮﻟﯩﻤﭙﯩﻜﻜﻪ ﺳﺎﻫﯩﭙﺨﺎﻧﻠﯩﻖ ﻗﯩﻠﯩﺶ ﺧﯩﺘﺎﻱ ﻣﯩﻠﻠﯩﺘﯩﻨﯩﯔ ﺋﯩﭙﺘﯩﺨﺎﺭﻯ"

ﯞﯦﻦ ﺟﻴﺎﺑﺎﯞ ﺳﯚﺯﯨﺪﻩ، ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻨﯩﯔ ﺧﯩﺘﺎﻱ ﺧﻪﻟﻘﯩﻨﯩﯔ ﻣﯩﻠﻠﯩﻲ ﺋﯩﭙﺘﯩﺨﺎﺭﻯ ﺋﯩﻜﻪﻧﻠﯩﻜﯩﻨﻰ، ﺋﻮﻟﯩﻤﭙﯩﻜﻨﯩﯔ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﯨﻲ ﯞﻩ ﺋﯩﺠﺘﯩﻤﺎﺋﯩﻲ ﺗﻪﺭﻩﻗﻘﯩﻴﺎﺗﯩﻨﻰ ﺋﯩﻠﮕﯩﺮﻯ ﺳﯜﺭﯛﭘﻼ ﻗﺎﻟﻤﺎﻱ ﺩﯗﻧﻴﺎ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﯞﯦﻦ ﺟﻴﺎﺑﺎﯞﻧﯩﯔ ﺑﯩﻠﺪﯛﺭﯛﺷﯩﭽﻪ، ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺧﯩﺘﺎﻱ ﻣﯩﻠﻠﯩﺘﯩﻨﯩﯔ ﻳﯜﺯ ﻳﯩﻠﻠﯩﻖ ﺋﺎﺭﺯﯗ - ﺋﺎﺭﻣﯩﻨﯩﻨﯩﯔ ﺋﻪﻣﻪﻟﮕﻪ ﺋﯧﺸﯩﺶ ﭘﯘﺭﺳﯩﺘﯩﺪﯗﺭ. ﻳﻪﻧﻪ ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﻧﯚﯞﻩﺗﺘﻪ ﺋﻪﯓ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﻣﻪﺳﯩﻠﻪ ﺋﻮﻟﯩﻤﭙﯩﻜﻨﯩﯔ ﺑﯩﺨﻪﺗﻪﺭ ﺋﯚﺗﻜﯜﺯﯗﻟﯩﺸﯩﺪﯗﺭ.

ﺭﻭﻳﺘﯧﺮﯨﺴﻨﯩﯔ 5 ‏ - ﻣﺎﺭﺗﺘﯩﻜﻰ ﺧﻪﯞﯨﺮﯨﺪﯨﻦ ﻗﺎﺭﯨﻐﺎﻧﺪﺍ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﻰ ﻣﻪﺳﯩﻠﯩﺴﯩﺪﻩ ﺋﻪﯓ ﭼﻮﯓ ﺋﻪﻧﺪﯨﺸﯩﺴﻰ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﺪﯗﺭ. ﺷﯘﯕﺎ ﺧﯩﺘﺎﻱ، ﺑﯘ ﻫﻪﻗﺘﻪ، ﺧﻪﻟﻘﺌﺎﺭﺍ ﺳﺎﻗﭽﻰ ﺋﻮﺭﮔﯩﻨﻰ،ﺧﻪﻟﻘﺌﺎﺭﺍ ﺋﺎﺗﻮﻡ - ﺋﯧﻨﯧﺮﮔﯩﻴﻪ ﺗﻪﻛﺸﯜﺭﯛﺵ ﺋﻮﺭﻧﻰ، ﺋﺎﻣﯧﺮﯨﻜﺎ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﺋﯩﺪﺍﺭﯨﺴﻰ ﻗﺎﺗﺎﺭﻟﯩﻖ ﺋﺎﻻﻗﯩﺪﺍﺭ ﺋﻮﺭﯗﻧﻼﺭﺩﯨﻦ ﻳﺎﺭﺩﻩﻡ ﺳﻮﺭﯨﻐﺎﻥ. ﺑﯘﻻﺭﺩﯨﻦ، ﺑﯜﮔﯜﻥ ﺧﻪﻟﻘﺌﺎﺭﺍ ﺳﺎﻗﭽﻰ ﺋﻮﺭﮔﯩﻨﻰ ﺧﯩﺘﺎﻳﻨﯩﯔ ﺑﯘ ﺗﻮﻏﺮﯨﺪﯨﻜﻰ ﺋﻪﻧﺪﯨﺸﯩﺴﯩﻨﻰ ﺋﯩﺴﭙﺎﺗﻠﯩﻐﯩﺪﻩﻙ ﭘﺎﻛﯩﺖ ﺗﺎﭘﺎﻟﻤﯩﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ. ﺧﯩﺘﺎﻳﻨﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﯩﺪﯨﻦ ﺑﯘ ﺩﻩﺭﯨﺠﯩﺪﻩ ﺋﻪﻧﺪﯨﺸﻪ ﻗﯩﻠﯩﭗ ﺗﯘﺭﯗﻗﻠﯘﻕ، 11 ‏ - ﻧﯚﯞﻩﺗﻠﯩﻚ ﻣﻪﻣﻠﯩﻜﻪﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﯩﺪﺍ ﺧﯩﺘﺎﻳﺪﯨﻜﻰ ﻣﯩﻠﻠﯩﻲ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﻫﯧﭻ ﺗﻮﺧﺘﺎﻟﻤﺎﺳﻠﯩﻘﻰ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻤﺎﻗﺘﺎ. ﺋﻪﻣﻤﺎ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭ ﺑﯘ ﻗﯧﺘﯩﻤﻘﻰ ﻗﯘﺭﯗﻟﺘﺎﻱ ﺧﻪﯞﻩﺭﻟﯩﺮﯨﺪﻩ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﺋﺎﻻﻫﯩﺪﻩ ﺋﯧﺘﯩﺒﺎﺭ ﺑﻪﺭﺩﻯ.

ﺩﯨﻠﺸﺎﺕ ﺭﯨﺸﯩﺖ: " ﺑﺎﻳﺎﻧﺎﺗﻠﯩﺮﯨﻤﯩﺰﺩﯨﻦ ﻣﻪﻗﺴﻪﺕ، ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺧﻪﻟﻘﺎﺭﺍ ﻛﯜﻧﺘﻪﺭﺗﯩﭙﺘﻪ ﺗﯘﺗﯘﺵ"

ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ، ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﻰ، ﯞﺍﺷﯩﻨﮕﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﻰ ﻗﺎﺗﺎﺭﻟﯩﻖ ﺩﺍﯕﻠﯩﻖ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺑﺎﻳﺎﻧﺎﺗﯩﻐﺎ ﻛﻪﯓ ﺋﻮﺭﯗﻥ ﺑﻪﺭﺩﻯ. ﺑﻮﻟﯘﭘﻤﯘ ﺩﯨﻠﺸﺎﺕ ﺭﯨﺸﯩﺘﻨﯩﯔ، 11 ‏ - ﻗﯘﺭﯗﻟﺘﺎﻳﺪﺍ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﯚﺯ ﺗﻪﻗﺪﯨﺮﯨﻨﻰ ﺋﯚﺯﻯ ﺑﻪﻟﮕﯩﻠﻪﺵ ﻫﻮﻗﯘﻗﻰ ﻣﯘﺯﺍﻛﯩﺮﻩ ﻗﯩﻠﯩﻨﯩﺸﻰ ﻛﯧﺮﻩﻛﻠﯩﻜﻰ، ﺋﯘﻳﻐﯘﺭ ﯞﻩﺗﯩﻨﯩﻨﯩﯔ ﻧﺎﻣﯩﻨﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺩﯦﮕﻪﻥ ﻗﻪﺩﯨﻤﯩﻲ ﯞﻩ ﻗﺎﻧﯘﻧﯩﻲ ﻧﺎﻣﯩﻨﯩﯔ ﺋﻪﺳﻠﯩﮕﻪ ﻛﻪﻟﺘﯜﺭﯛﻟﯜﺷﻰ ﻛﯧﺮﻩﻛﻠﯩﻜﻰ ﻫﻪﻗﻘﯩﺪﯨﻜﻰ ﺗﻪﻛﻠﯩﭙﻰ ﺧﻪﯞﻩﺭﻟﻪﺭﻧﯩﯔ ﺳﻪﺭﻟﻪﯞﻫﯩﺴﻰ ﻗﯩﻠﯩﻨﺪﻯ.

ﺩﯨﻠﺸﺎﺕ ﺭﯨﺸﯩﺖ 11 ‏ - ﻗﯘﺭﯗﻟﺘﺎﻱ ﯞﻩ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺗﻮﺧﺘﯘﻟﯘﭖ ﻣﯘﻧﺪﺍﻕ ﺩﻩﻳﺪﯗ: ‏11 - " ﻗﯘﺭﯗﻟﺘﺎﻳﻨﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺗﯩﻠﻐﺎ ﺋﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﯩﻤﯩﺰ، ﭼﯜﻧﻜﻰ ﺧﯩﺘﺎﻳﻨﯩﯔ ﻣﻪﻗﺴﯩﺘﻰ، ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺧﻪﻟﻘﺌﺎﺭﺍ ﻛﯜﻧﺘﻪﺭﺗﯩﭙﺘﯩﻦ ﺋﯘﺯﺍﻕ ﺗﯘﺗﯘﺵ؛ ﺑﯩﺰ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺧﻪﻟﻘﺌﺎﺭﺍ ﻛﯜﻧﺘﻪﺭﺗﯩﭙﻜﻪ ﺋﻪﻛﯩﻠﯩﺶ، ﺋﯘﻳﻐﯘﺭﻻﺭﻧﯩﯔ ﺋﯚﺯ ﻫﻪﻕ - ﻫﻮﻗﯘﻗﯩﺪﯨﻦ ﻣﻪﯕﮕﯜ ﯞﺍﺯ ﻛﻪﭼﻤﻪﻳﺪﯨﻐﺎﻧﻠﯩﻘﯩﻨﻰ ﺧﯩﺘﺎﻱ ﯞﻩ ﺩﯗﻧﻴﺎ ﺟﺎﻣﺎﺋﯩﺘﯩﮕﻪ ﺑﯩﻠﺪﯛﺭﯛﺵ ﺋﯜﭼﯜﻧﻼ ﺑﯘ ﺑﺎﻳﺎﻧﺎﺗﻼﺭﻧﻰ ﺑﯧﺮﯨﯟﺍﺗﯩﻤﯩﺰ. ﺑﯘ ﺑﺎﻳﺎﻧﺎﺗﯩﻤﯩﺰ ﻫﻪﺭﮔﯩﺰ، ﺧﯩﺘﺎﻳﻨﯩﯔ ﻗﯘﺭﯗﻟﺘﺎﻳﻠﯩﺮﯨﺪﯨﻦ ﺋﯘﻳﻐﯘﺭﻻﺭﻧﯩﯔ ﺩﻩﺭﺩﯨﮕﻪ ﺩﺍﯞﺍ ﺗﯧﭙﯩﺶ ﺋﯜﭼﯜﻥ ﺋﻪﻣﻪﺱ. ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﻰ ﺋﻪﻣﻪﺱ، ﻛﻪﻟﮕﯜﺳﯩﺪﯨﻜﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﭘﺎﺭﻻﻣﯧﻨﺘﯩﻼ ﻣﯘﺯﺍﻛﯩﺮﻩ ﻗﯩﻠﯩﺪﯗ ﯞﻩ ﻫﻪﻝ ﻗﯩﻼﻻﻳﺪﯗ. ﺑﯩﺰﻧﯩﯔ ﻣﻪﻗﺴﯩﺘﯩﻤﯩﺰ ﻣﻪﺳﯩﻠﯩﻨﻰ ﻛﯜﻧﺘﻪﺭﺗﯩﭙﻜﻪ ﺋﻪﻛﯩﻠﯩﺶ ﯞﻩ ﻛﯜﻧﺘﻪﺭﺗﯩﭙﺘﻪ ﺗﯘﺗﯘﭖ ﺗﯘﺭﯗﺵ."

ﺧﯩﺘﺎﻱ ﯞﺍﻗﯩﺖ ﮔﯧﺰﯨﺘﯩﻨﯩﯔ ﺗﯜﻧﯜﮔﯜﻧﻜﻰ ﺧﻪﯞﯨﺮﯨﺪﻩ ﺑﯩﻠﺪﯛﺭﯛﻟﯩﺸﯩﭽﻪ، ﺩﯨﻠﺸﺎﺕ ﺭﯨﺸﯩﺖ، 11 - ﻗﯘﺭﯗﻟﺘﺎﻱ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯘﻳﻐﯘﺭ ﺋﯧﻠﯩﻨﯩﯔ ﯞﻩﻛﯩﻠﻠﯩﺮﯨﮕﻪ ﻣﯘﺭﺍﺟﯩﺌﻪﺕ ﺋﯧﻼﻥ ﻗﯩﻠﻐﺎﻥ. ﺋﯘ ﻣﯘﺭﺍﺟﯩﺌﯩﺘﯩﺪﻩ ﻣﯘﻧﺪﺍﻕ ﺩﯦﮕﻪﻥ: ﻣﻪﺯﻛﯘﺭ ﯞﻩﻛﯩﻠﻠﻪﺭﻧﻰ ﺋﯘﻳﻐﯘﺭ ﺧﻪﻟﻘﻰ ﺋﯜﺯ ﺋﯩﺮﺍﺩﯨﺴﻰ ﺑﯩﻠﻪﻥ ﺳﺎﻳﻼﭖ ﭼﯩﻘﻤﯩﺪﻯ، ﺷﯘﻧﺪﺍﻗﺘﯩﻤﯘ، ﺋﯘﻻﺭﻧﯩﯔ ﺋﯩﭽﯩﺪﻩ ﻣﯩﻠﻠﯩﺘﯩﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ﺳﯚﺯ ﻗﯩﻠﯩﺸﻨﻰ ﺋﻮﻳﻼﻳﺪﯨﻐﺎﻥ ﺑﯩﺮﻗﺎﻧﭽﻪ ﻛﯩﺸﯩﻨﯩﯔ ﺑﺎﺭﻟﯩﻘﯩﻐﺎ ﺋﯩﺸﯩﻨﯩﻤﯩﺰ. ﺋﯘﻻﺭ، ﻗﯘﺭﯗﻟﺘﺎﻳﺪﺍ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺗﻪﻧﻘﯩﺪ ﻗﯩﻠﻤﯩﺴﯩﻤﯘ، ﺋﻪﻳﯩﺒﻠﯩﻤﯩﺴﯩﻤﯘ، ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﻣﻪﯞﺟﯘﺕ ﻣﻪﺳﯩﻠﯩﺴﯩﺪﯨﻦ ﺑﯩﺮ - ﺋﯩﻜﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺴﺎ، ﻫﻪﻡ ﻣﯩﻠﻠﯩﻲ، ﻫﻪﻡ ﺋﯩﻨﺴﺎﻧﯩﻲ ﻣﻪﺟﺒﯘﺭﯨﻴﯩﺘﯩﻨﻰ ﺋﺎﺩﺍ ﻗﯩﻠﻐﺎﻥ ﺑﻮﻟﯩﺪﯗ ﺩﻩﭖ ﻗﺎﺭﺍﻳﻤﯩﺰ. ﺋﯘﻻﺭﻧﯩﯔ ﺑﯘ ﺧﯩﺰﻣﯩﺘﯩﻨﻰ ﺑﯜﮔﯜﻥ ﺋﯘﻳﻐﯘﺭ ﺧﻪﻟﻘﻰ ﻣﯘﻛﺎﭘﺎﺗﻠﯩﻴﺎﻟﻤﺎﻳﺪﯨﻐﺎﻧﻠﯩﻘﻰ ﺋﯧﻨﯩﻖ، ﺋﻪﻣﻤﺎ ﺗﺎﺭﯨﺦ ﺑﯘﻧﯩﯖﻐﺎ ﺟﺎﯞﺍﺏ ﻗﺎﻳﺘﯘﺭﯨﺪﯗ.

ﯞﻩﻛﯩﻞ ﺩﯨﻠﻨﺎﺭ ﺋﺎﺑﺪﯗﻟﻼ ﺋﻪﻫﯟﺍﻟﻠﯩﺸﯩﺸﻘﯩﻤﯘ ﺟﯜﺭﺋﻪﺕ ﻗﯩﻼﻟﻤﯩﺪﻯ

ﺑﯘ ﻗﯧﺘﯩﻤﻘﻰ ﻳﯩﻐﯩﻨﻐﺎ ﺋﯘﻳﻐﯘﺭ ﺭﺍﻳﻮﻧﯩﺪﯨﻦ ﻛﻪﻟﮕﻪﻥ ﯞﻩﻛﯩﻠﻠﻪﺭ 60ﺗﯩﻦ ﺋﺎﺭﺗﯘﻕ ﺑﻮﻟﯘﭖ، ﺑﯘﻧﯩﯔ ﺋﯜﭼﺘﯩﻦ ﺑﯩﺮ ﻗﯩﺴﻤﯩﻨﻰ ﺋﯘﻳﻐﯘﺭﻻﺭ ﺋﯩﮕﯩﻠﻪﻳﺪﯗ. ﺑﯩﺰ ﺑﯧﻴﺠﯩﯖﺪﯨﻜﻰ ﺷﯩﻨﺠﺎﯓ ﯞﻩﻛﯩﻠﻠﯩﺮﻯ ﺋﯚﻣﯩﻜﯩﻨﯩﯔ ﺑﺎﺷﻠﯩﻘﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺗﯧﻠﯧﻔﻮﻥ ﺋﯧﻠﯩﻨﻤﯩﺪﻯ، ﯞﻩﻛﯩﻠﻠﻪﺭﺩﯨﻦ ﺳﻪﻧﺌﻪﺗﭽﻰ ﺩﯨﻠﻨﺎﺭ ﺋﺎﺑﺪﯗﻟﻼﻏﺎ ﺗﯧﻠﯧﻔﻮﻥ ﻗﯩﻠﺪﯗﻕ. ﺗﯧﻠﯧﻔﻮﻧﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺩﯨﻠﻨﺎﺭ ﺋﻪﻫﯟﺍﻟﻠﯩﺸﯩﺸﻘﯩﻤﯘ ﺟﯜﺭﺋﻪﺕ ﻗﯩﻼﻟﻤﯩﺪﻯ.

ﺑﯘ ﺋﺎﯞﺍﺯ، ﮔﻪﭖ ﻗﯩﻼﻻﻳﺪﯨﻐﺎﻥ ﺗﯘﺭﯗﭖ ﮔﻪﭖ ﻗﯩﻠﻤﺎﻳﯟﺍﺗﻘﺎﻥ ﻳﺎﻛﻰ ﮔﻪﭖ ﻗﯩﻼﻟﻤﺎﻳﯟﺍﺗﻘﺎﻥ ﯞﻩ ﻳﺎﻛﻰ ﻗﯩﻠﺪﯗﺭﯗﻟﻤﺎﻳﯟﺍﺗﻘﺎﻥ، ﺑﯘ ﻗﯧﺘﯩﻤﻘﻰ ﺋﯘﻳﻐﯘﺭ ﺭﺍﻳﻮﻧﯩﺪﯨﻦ ﻛﻪﻟﮕﻪﻥ ﯞﻩﻛﯩﻠﻠﻪﺭﺩﯨﻦ ﺑﯩﺮﻯ، ﮔﯜﻟﻨﺎﺭ ﺋﺎﺑﺪﯗﻟﻼﻧﯩﯔ ﺋﺎﯞﺍﺯﯨﺪﯗﺭ. ﺑﯘ ﻳﻪﺭﺩﻩ ﮔﻪﭖ ﻗﯩﻼﻟﻤﺎﻳﯟﺍﺗﻘﺎﻥ ﻳﺎﻟﻐﯘﺯ ﺩﯨﻠﻨﺎﺭ ﺋﺎﺑﺪﯗﻟﻼﻫﻤﯘ ﻳﺎﻛﻰ ﺋﯘﻳﻐﯘﺭ ﻣﯩﻠﻠﯩﺘﯩﻤﯘ؟ ﺑﯘ ﺳﻮﺋﺎﻟﻨﯩﯔ ﺟﺎﯞﺍﺑﻰ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻧﯩﯔ ﺩﯨﻘﻘﯩﺘﯩﮕﻪ ﻫﺎﯞﺍﻟﻪ.

ﺗﯚﯞﻩﻧﺪﻩ، ﻳﯧﻘﯩﻨﻘﻰ ﺯﺍﻣﺎﻥ ﺋﯘﻳﻐﯘﺭ ﺳﯩﻴﺎﺳﯩﻲ ﺗﺎﺭﯨﺨﯩﺪﺍ، ﺑﯩﺮ ﺋﯘﻳﻐﯘﺭ ﯞﻩﻛﯩﻞ ﺗﻪﺭﯨﭙﯩﺪﯨﻦ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺋﺎﺷﻜﺎﺭﺍ ﺗﯩﻠﻐﺎ ﺋﯧﻠﯩﻨﻐﺎﻥ ﺑﯩﺮ ﻳﯩﻐﯩﻨﻨﻰ ﺋﻪﺳﻠﻪﭖ ﺋﯚﺗﯜﺵ ﺑﯩﻠﻪﻥ ﭘﺮﻭﮔﯩﺮﺍﻣﯩﻤﯩﺰﻧﻰ ﺋﺎﺧﯩﺮﻻﺷﺘﯘﺭﯨﻤﯩﺰ، ﺑﯘ ﻳﯩﻐﯩﻦ، 1996 ‏ - ﻳﯩﻠﻰ ﺑﯧﻴﺠﯩﯖﺪﺍ ﺋﯧﭽﯩﻠﻐﺎﻥ ﻣﻪﻣﻠﯩﻜﻪﺗﻠﯩﻚ ﺳﯩﻴﺎﺳﯩﻲ ﻛﯧﯖﻪﺵ ﻳﯩﻐﯩﻨﯩﺪﯗﺭ، ﻳﯩﻐﯩﻨﺪﺍ ﯞﺍﯓ ﻟﯧﭽﯜﺋﻪﻧﻨﯩﯔ ﺋﯘﻳﻐﯘﺭ ﺧﻪﻟﻘﯩﻨﻰ ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﻯ، ﻣﺎﺋﺎﺭﯨﭗ ﯞﻩ ﭘﯩﻼﻧﻠﯩﻖ ﺗﯘﻏﯘﺕ ﻗﺎﺗﺎﺭﻟﯩﻖ ﺟﻪﻫﻪﺗﻠﻪﺭﺩﻩ ﭼﻪﺗﻜﻪ ﻗﺎﻗﻘﺎﻧﻠﯩﻘﻰ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﯩﻨﻐﺎﻥ. ﺑﯘ ﺗﻪﻧﻘﯩﺪﻧﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻛﯩﺸﻰ ﺳﺎﺑﯩﻖ ﺳﯩﻴﺎﺳﯩﻲ ﻛﯧﯖﻪﺵ ﯞﻩﻛﯩﻠﻰ، ﻧﯚﯞﻩﺗﺘﻪ ﻏﯘﻟﺠﯩﺪﺍ " ﺋﯘ ﺋﯘﻳﻐﯘﺭ ﺧﻪﻟﻘﯩﻨﻰ ﺑﻪﺧﯩﺘﻜﻪ ﺋﯧﺮﯨﺸﺘﯜﺭﻩﻟﻪﻣﺪﯗ " ﺩﻩﭖ ﺗﻪﻧﻘﯩﺪ ﻗﯩﻠﯩﻨﯩﯟﺍﺗﻘﺎﻥ، ﻫﺎﺯﯨﺮ ﻣﯘﻫﺎﺟﯩﺮﻩﺗﺘﻪ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﺪﯗﺭ. (ﺷﯚﻫﺮﻩﺕ ﻫﻮﺷﯘﺭ)