ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯩﻴﻰ ﻳﯧﻘﯩﻨﻼﺷﻘﺎﻧﺴﯩﺮﻯ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﻧﻰ ﺑﺎﺳﺘﯘﺭﯗﺵ ﺷﯘﻧﭽﻪ ﺟﯩﺪﺩﯨﻲ ﺗﯜﺱ ﺋﺎﻟﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺩﯗﻧﻴﺎﻏﺎ ﺋﯧﻨﮕﯩﻠﯩﺰﭼﻪ ﯞﻩ ﺧﯩﺘﺎﻳﭽﻪ ﻳﯧﺰﯨﻘﻼﺭﺩﺍ ﻛﻪﯓ ﺗﺎﺭﻗﯩﻠﯩﺪﯨﻐﺎﻥ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﺍﺷﻨﻰ ﻧﯩﺸﺎﻥ ﻗﯩﻠﻐﺎﻥ 'ﺗﻴﻪﻧﯟﺍﯓ' ﻳﻪﻧﻰ 'ﺗﻪﯕﺮﯨﻨﯩﯔ ﺗﻮﺭﻯ' ﻧﺎﻣﻠﯩﻖ ﺋﯩﻨﺘﯧﺮﻧﯧﺖ ﺗﻮﺭ ﺑﯧﺘﯩﻨﯩﯔ ﺳﯩﻨﮕﺎﭘﻮﺭ، ﺩﺍﻧﯩﻴﻪ، ﺳﯩﭽﯘﺋﻪﻧﻠﻪﺭﺩﯨﻜﻰ ﺧﯩﺰﻣﻪﺗﭽﯩﻠﯩﺮﻯ ﺑﯜﮔﯜﻥ، ﻣﻪﺯﻛﯘﺭ 'ﺗﻴﻪﻧﯟﺍﯓ ﺗﻮﺭ ﺑﯧﺘﻰ' ﻧﯩﯔ ﻣﻪﯕﮕﯜﻟﯜﻙ ﺗﺎﻗﺎﻟﻐﺎﻧﻠﯩﻘﯩﻨﻰ ﺋﺎﻣﯧﺮﯨﻜﺎ ﺷﯩﺮﻛﻪﺗﻠﯩﺮﻯ ﺋﺎﺭﻗﯩﻠﯩﻖ ﺋﯧﻨﯩﻘﻠﯩﻐﺎﻥ. 'ﺑﻮﺷﯜﻥ ﺗﻮﺭ ﺑﯧﺘﻰ' ﻧﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﻛﯩﺸﯩﻠﯩﻚ ﻫﻮﻗﯘﻗﻨﻰ ﻗﻮﻏﺪﺍﺷﻨﻰ ﻧﯩﺸﺎﻥ ﻗﯩﻠﻐﺎﻥ ﻣﻪﺯﻛﯘﺭ 'ﺗﻴﻪﻧﯟﺍﯓ ﺗﻮﺭ ﺑﯧﺘﯩﮕﻪ ﺋﯘﻟﯩﻨﯩﺪﯨﻐﺎﻥ ﺑﻪﺯﻯ ﺑﺎﺷﻘﺎ ﺗﻮﺭ ﺑﻪﺗﻠﯩﺮﯨﻤﯘ ﺑﯘﻧﯩﯔ ﺑﯩﻠﻪﻥ ﺗﻪﯓ ﭼﻪﻛﻠﻪﻧﮕﻪﻥ. ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺗﻴﻪﻧﯟﺍﯓ ﺗﻮﺭ ﺑﯧﺘﯩﻨﯩﯔ ﺋﯘﭼﯘﺭ ﺋﯩﺴﻜﯩﻼﺗﻰ ﻧﺎﻫﺎﻳﯩﺘﻰ ﭼﻮﯓ، ﺋﯘﭼﯘﺭ ﺋﯩﺰﺩﻩﺵ ﻳﺎﻛﻰ ﺗﺎﺭﻗﯩﺘﯩﺶ ﻗﺎﺑﯩﻠﯩﻴﯩﺘﻰ ﻧﺎﻫﺎﻳﯩﺘﻰ ﻛﯜﭼﻠﯜﻙ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ، ﺋﯩﻨﺘﯧﺮﻧﯧﺖ ﺷﯩﺮﻛﻪﺗﻠﯩﺮﻯ ﻣﻪﺯﻛﯘﺭ ﺗﻮﺭ ﺑﯧﺘﯩﻨﻰ ﺗﺎﻗﺎﺵ ﺟﻪﻫﻪﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯩﻘﺘﯩﺴﺎﺩﯨﻲ ﺑﯧﺴﯩﻤﯩﻐﺎ ﺋﯘﭼﺮﯨﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ.

ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﻧﻰ ﺑﺎﺳﺘﯘﺭﯗﺵ ﺟﻪﻫﻪﺗﺘﻪ ﻳﯧﻘﯩﻨﺪﺍ ﺋﻪﯓ ﻗﺎﺗﺘﯩﻖ ﺑﺎﺳﺘﯘﺭﻏﯩﻨﻰ 'ﺗﻴﻪﻧﯟﺍﯓ ﺗﻮﺭ ﺑﯧﺘﻰ'

ﺑﯘ ﻗﯧﺘﯩﻢ ﻣﻪﯕﮕﯜﻟﯜﻙ ﺗﺎﻗﯩﯟﯦﺘﯩﻠﮕﻪﻥ 'ﺗﻴﻪﻧﯟﺍﯓ ﺗﻮﺭ ﺑﯧﺘﻰ' ﻧﯩﯔ ﺳﺎﻫﯩﺒﻰ ﺧﯘﺋﺎﯕﭽﻰ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ 4 ‏- ﺋﯩﻴﯘﻥ ﯞﻩﻗﻪﻟﯩﺮﯨﻨﻰ ﺋﺎﺷﻜﺎﺭﯨﻼﻳﺪﯨﻐﺎﻥ 'ﺗﻴﻪﻧﯟﺍﯓ" ﺗﻮﺭ ﺑﯧﺘﯩﻨﻰ ﺑﺎﺳﺘﯘﺭﯗﺷﻨﻰ 2000 ‏- ﻳﯩﻠﻰ ﺑﺎﺷﻠﯩﻐﺎﻥ ﺋﯩﺪﻯ. ﺋﻪﻣﺪﻯ ﻳﯧﻘﯩﻨﺪﺍ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﻧﻰ ﺑﺎﺳﺘﯘﺭﯗﺵ ﺟﻪﻫﻪﺗﺘﻪ ﺋﻪﯓ ﻗﺎﺗﺘﯩﻖ ﺑﺎﺳﺘﯘﺭﻏﯩﻨﻰ ﻳﻪﻧﯩﻼ 'ﺗﻴﻪﻧﯟﺍﯓ ﺗﻮﺭ ﺑﯧﺘﻰ' ﺑﻮﻟﯘﭖ ﻗﺎﻟﺪﻯ.

ﺋﺎﻣﯧﺮﯨﻜﯩﻨﯩﯔ 2002 ‏- ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﯩﺪﺍ 'ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻘﻨﯩﯔ ﺩﯨﻨﯩﻲ ﺋﯧﺘﯩﻘﺎﺕ ﺋﻪﺭﻛﯩﻨﻠﯩﻜﻰ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺳﯩﻴﺎﺳﯩﺘﻰ، ﺳﯩﻴﺎﺳﯩﻲ ﻣﻪﻫﺒﯘﺳﻼﺭ ﺳﯩﻴﺎﺳﯩﺘﻰ ﯞﻩ ﺋﯩﻨﺘﯧﺮﻧﯧﺖ ﺋﯘﭼﯘﺭﻟﯩﺮﻯ ﻗﺎﻧﯘﻧﻰ ﺟﻪﻫﻪﺗﻠﻪﺭﺩﻩ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺩﻩﭘﺴﻪﻧﺪﻩ ﻗﯩﻠﺪﻯ' ﺩﻩﭖ ﺑﺎﻳﺎﻥ ﻗﯩﻠﯩﻨﻐﺎﻥ ﺋﯩﺪﻯ. ﺋﻪﻳﻨﻰ ﯞﺍﻗﯩﺘﺘﺎ ﺷﯘ ﺩﻭﻛﻼﺗﺘﺎ ﻣﻪﺷﯘﺭ ﺋﯘﻳﻐﯘﺭ ﻛﺎﺭﺧﺎﻧﯩﭽﻰ ﺭﺍﺑﯩﻴﻪ ﻗﺎﺩﯨﺮ ﺑﯩﻠﻪﻥ ﺗﻴﻪﻧﯟﺍﯓ ﺗﻮﺭ ﺑﯧﺘﯩﻨﯩﯔ ﺳﺎﻫﯩﺒﻰ ﺧﯘﺋﺎﯓ ﭼﻰ ﺋﻪﭘﻪﻧﺪﯨﻨﯩﯔ ﺑﻪﺗﻨﺎﻡ ﺑﯩﻠﻪﻥ ﺟﺎﺯﺍﻟﻼﻧﻐﺎﻧﻠﯩﻘﻰ ﺗﯩﭙﯩﻚ ﻣﯩﺴﺎﻝ ﻗﯩﻠﯩﭗ ﺗﯩﻠﻐﺎ ﺋﯧﻠﯩﻨﻐﺎﻥ ﺋﯩﺪﻯ.

ﺑﯘ ﻗﯧﺘﯩﻢ ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﯕﮕﯜﻟﯜﻙ ﺗﺎﻗﯩﯟﻩﺗﻜﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ 'ﺗﻴﻪﻧﯟﺍﯓ ﺗﻮﺭ ﺑﯧﺘﻰ' ﻧﯩﯔ ﺳﺎﻫﯩﺒﻰ ﺧﯘﺋﺎﯕﭽﻰ ﺋﻪﭘﻪﻧﺪﻯ ﻫﻪﻗﻘﯩﺪﯨﻜﻰ ﺋﯘﭼﯘﺭ ﺋﺎﺭﺧﯩﭙﻠﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﺧﯘﺋﺎﯓ ﭼﻰ ﺋﻪﭘﻪﻧﺪﻯ 1998 ‏- ﻳﯩﻠﻰ ﺗﻴﻪﻧﯟﺍﯓ ﻧﺎﻣﻠﯩﻖ ﺋﺎﺩﻩﻡ ﺋﯩﺰﺩﻩﺵ ﺗﻮﺭ ﭘﻮﻧﻜﯩﺘﻰ ﻗﯘﺭﻏﺎﻥ، ﺑﯩﺮ ﻳﯩﻠﺪﯨﻦ ﻛﯧﻴﯩﻦ 1989 ‏- ﻳﯩﻠﯩﺪﯨﻜﻰ 4 ‏- ﺋﯩﻴﯘﻥ ﯞﻩﻗﻪﺳﯩﻨﻰ ﺋﺎﺷﻜﺎﺭﯨﻼﻳﺪﯨﻐﺎﻥ ﺗﻴﻪﻧﯟﺍﯓ ﺗﻮﺭ ﭘﻮﻧﻜﯩﺘﻰ ﻗﯘﺭﯗﭖ، ﺧﻪﻟﻖ ﺋﯩﭽﯩﺪﯨﻜﻰ 4 ‏- ﺋﯩﻴﯘﻥ ﯞﻩﻗﻪﺳﻰ ﺗﻮﻏﺮﯨﺴﯩﺪﯨﻜﻰ ﺋﯩﻨﻜﺎﺳﻼﺭ ﯞﻩ ﺗﻪﻟﻪﭖ ﯞﻩ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﻪﺭ، ﺑﯘ ﻫﻪﺭﯨﻜﻪﺗﻠﻪﺭﻧﯩﯔ ﻗﺎﻧﺪﺍﻕ ﻧﻪﺗﯩﺠﯩﮕﻪ ﺋﯧﺮﯨﺸﻜﻪﻧﻠﯩﻜﻰ ﺗﻮﻏﺮﯨﺴﯩﺪﯨﻜﻰ ﺋﯘﭼﯘﺭﻻﺭﻧﻰ ﺋﯧﻼﻥ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ. 2000 ‏- ﻳﯩﻠﻰ 6 ‏- ﺋﺎﻳﺪﺍ ﻛﻮﻣﻤﯘﻧﯩﺴﺖ ﺳﺎﻗﭽﯩﻠﯩﺮﻯ ﺧﯘﺋﺎﯕﭽﻰ ﺋﻪﭘﻪﻧﺪﯨﻨﻰ ﺳﯩﭽﯘﺋﻪﻧﺪﻩ ﻗﻮﻟﻐﺎ ﺋﯧﻠﯩﭗ، ﻧﻪﻕ ﺟﯩﻨﺎﻳﻪﺕ ﭘﺎﻛﯩﺘﻠﯩﺮﻯ ﺑﻮﻟﻤﯩﻐﺎﻥ ﺋﻪﻫﯟﺍﻝ ﺋﺎﺳﺘﯩﺪﺍ 5 ﻳﯩﻠﻠﯩﻖ ﻗﺎﻣﺎ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ. ﺧﯘﺋﺎﯓ ﭼﻰ ﺋﻪﭘﻪﻧﺪﻯ ﻗﺎﻣﺎﻕ ﻣﯘﺩﺩﯨﺘﻰ ﺗﻮﺷﯘﭖ 2005 ‏- ﻳﯩﻠﻰ ﺗﯜﺭﻣﯩﺪﯨﻦ ﭼﯩﻘﻘﺎﻧﺪﯨﻦ ﻛﯧﻴﯩﻦ، 'ﺗﻴﻪﻧﯟﺍﯓ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻰ' ﻗﯘﺭﻏﺎﻥ. 2007 ‏- ﻳﯩﻠﻰ 6 ‏- ﺋﺎﻳﺪﺍ، ﺧﯘﺋﺎﯓ ﭼﻰ ﺋﻪﭘﻪﻧﺪﻯ ﺋﺎﻣﯧﺮﯨﻜﯩﺪﺍ 'ﺗﻴﻪﻧﯟﺍﯓ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺭﻛﯩﺰﻯ' ﺩﯦﮕﻪﻥ ﺑﯩﺮ ﺗﻪﺷﻜﯩﻼﺗﻨﻰ ﻗﺎﻧﯘﻥ ﺑﻮﻳﯩﭽﻪ ﺗﯩﺰﯨﻤﻐﺎ ﺋﺎﻟﺪﯗﺭﻏﺎﻥ.

ﺧﯘﺋﺎﯓ ﭼﻰ: ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯩﻨﺘﯧﺮﻧﯧﺖ ﻣﯘﻫﺎﺳﯩﺮﯨﺴﯩﻨﻰ ﺑﯘﺯﯗﭖ ﺗﺎﺷﻼﺷﻘﺎ ﺑﯩﺰﻧﯩﯔ ﻗﺎﺑﯩﻠﯩﻴﯩﺘﯩﻤﯩﺰ ﺗﺎﻣﺎﻣﻪﻥ ﻳﯧﺘﯩﺪﯗ

‏-‏-‏- ﺗﻴﻪﻧﯟﺍﯓ ﺗﻮ ﺑﯧﺘﯩﻨﯩﯔ ﻣﻪﯕﮕﯜﻟﯜﻙ ﺗﺎﻗﺎﻟﻐﺎﻧﻠﯩﻘﻰ ﻫﺎﺯﯨﺮ ﺑﯩﺰﮔﻪ ﻣﻪﻟﯘﻡ ﺑﻮﻟﺪﻯ،‏ ﺩﻩﻳﺪﯗ ﺧﯘﺋﺎﯕﭽﻰ ﺋﻪﭘﻪﻧﺪﻯ،‏-‏-‏- ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯩﻨﺘﯧﺮﻧﯧﺖ ﻣﯘﻫﺎﺳﯩﺮﯨﺴﯩﻨﻰ ﺑﯘﺯﯗﭖ ﺗﺎﺷﻼﺷﻘﺎ ﺑﯩﺰﻧﯩﯔ ﻗﺎﺑﯩﻠﯩﻴﯩﺘﯩﻤﯩﺰ ﺗﺎﻣﺎﻣﻪﻥ ﻳﯧﺘﯩﺪﯗ. ﺋﯘ ﺗﻪﺭﻩﭖ ﻗﺎﺭﺍﯕﻐﯘ ﺑﻮﻟﺴﺎ، ﺩﯗﻧﻴﺎﻧﯩﯔ ﻳﻪﻧﻪ ﺑﯩﺮ ﺗﻪﺭﯨﭙﯩﺪﻩ ﻳﻮﺭﯗﻗﻠﯘﻕ ﺑﺎﺭ. ﺑﯩﺰ ﺑﯩﺮ ﻧﻪﭼﭽﻪ ﻛﯜﻥ ﺋﯩﭽﯩﺪﯨﻼ ﺑﯘﻧﺪﺍﻕ ﺗﻮﺭ ﺑﯧﺘﯩﺪﯨﻦ ﻳﻪﻧﻪ ﺑﯩﺮﻧﻰ ﯞﯗﺟﯘﺗﻘﺎ ﭼﯩﻘﯩﺮﺍﻻﻳﻤﯩﺰ. ﺋﻪﻣﻤﺎ ﻫﺎﺯﯨﺮﻗﻰ ﺩﻩﯞﺭ ﻗﺎﻧﯘﻥ ﺩﻩﯞﺭﻯ، ﻗﺎﻧﯘﻧﻠﯘﻕ ﺩﻩﯞﺍ ﻗﯩﻠﯩﺶ ﺋﯜﭼﯜﻥ ﻗﻮﻟﺪﺍ ﻧﻪﻕ ﭘﺎﻛﯩﺖ ﺑﻮﻟﯘﺷﻰ ﻛﯧﺮﻩﻙ. ﮔﻪﺭﭼﻪ ﺑﯘ ﺗﻮﺭ ﺑﯧﺘﯩﻨﯩﯔ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺗﻪﺭﯨﭙﯩﺪﯨﻦ ﺑﺎﺳﺘﯘﺭﯗﻟﻐﺎﻧﻠﯩﻘﻰ ﺷﻪﻙ-ﺷﯜﺑﻬﯩﺴﯩﺰ ﺑﻮﻟﺴﯩﻤﯘ، ﺋﻪﻣﻤﺎ ﻗﺎﻧﺪﺍﻕ ﺑﺎﺳﺘﯘﺭﻏﺎﻧﻠﯩﻘﻨﯩﯔ ﻧﻪﻕ ﭘﺎﻛﯩﺘﻠﯩﺮﯨﻨﻰ ﺳﻮﺗﺘﺎ ﻛﯚﺭﺳﯩﺘﯩﺶ ﻛﯧﺮﻩﻙ. ‏-‏-‏- ﺧﯘﺋﺎﯓ ﭼﻰ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﺋﯘﻻﺭ ﻫﺎﺯﯨﺮ ﭘﺎﻛﯩﺘﻼﺭﻧﻰ ﺋﯧﻨﯩﻘﻼﯞﺍﺗﯩﺪﯗ.

ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺧﻪﻟﻘﻨﯩﯔ ﭘﯘﻟﯩﻨﻰ ﺧﻪﻟﻘﻨﻰ ﺑﺎﺳﺘﯘﺭﯗﺵ ﺋﯜﭼﯜﻥ ﺋﺎﻳﯩﻤﺎﻱ ﺳﻪﺭﭖ ﻗﯩﻠﯩﺪﯗ

ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﻟﻴﯘﻧﻴﻪﻧﭽﯜﻧﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯩﻴﻰ ﺋﯧﭽﯩﻠﯩﺸﻘﺎ ﺋﺎﺯ ﻗﺎﻟﺪﻯ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺑﺎﺷﻠﯩﻨﯩﺪﯨﻐﺎﻥ ﯞﺍﻗﺘﯩﻤﯘ ﻳﯧﻘﯩﻨﻼﯞﺍﺗﯩﺪﯗ، ﻛﻮﻣﻤﯘﻧﯩﺴﯩﺖ ﺧﯩﺘﺎﻱ ﻫﯚﻛﯜﻣﯩﺘﻰ ﻫﻪﺭ ﻳﯩﻠﻰ ﺋﯚﻛﺘﻪﺑﯩﺮ ﺋﯧﻴﯩﺪﯨﻦ ﺑﯘﺭﯗﻥ ﺑﯩﺮ ﻗﯧﺘﯩﻢ ﭼﻮﯓ ﺑﺎﺳﺘﯘﺭﯨﺪﯨﻐﺎﻥ ﻣﻪﯞﺳﯜﻣﻤﯘ ﻛﯧﻠﯩﯟﺍﺗﯩﺪﯗ. ﻫﺎﺯﯨﺮ 'ﺗﻴﻪﻧﯟﺍﯓ ﺗﻮﺭ ﺑﯧﺘﻰ' ﻧﯩﯔ ﺑﺎﺳﺘﯘﺭﯗﻟﻐﺎﻧﻠﯩﻘﻰ ﺑﯘﻧﺪﺍﻕ ﺑﯩﺮ ﭼﻮﯓ ﺑﺎﺳﺘﯘﺭﯗﺷﻨﯩﯔ ﺋﺎﻟﺪﯨﻨﻘﻰ ﺷﻪﭘﯩﺴﻰ.

ﺧﯩﺘﺎﻱ ﻫﯚﻛﯜﻣﯩﺘﻰ ﻫﺎﺯﯨﺮ، ﻫﯧﭻ ﺑﻮﻟﻤﯩﻐﺎﻧﺪﺍ 'ﺗﻴﻪﻧﯟﺍﯓ ﺗﻮﺭ ﺑﯧﺘﻰ' ﺩﻩﻙ ﻛﯩﺸﯩﻠﯩﻚ ﻫﻮﻗﯘﻕ ﺋﺎﯞﺍﺯﻟﯩﺮﯨﻨﻰ ﺋﻪﯓ ﺋﺎﺟﯩﺰ ﻫﺎﻟﻪﺗﻜﻪ ﭼﯜﺷﯜﺭﯛﺷﻨﯩﯔ ﭼﺎﺭﯨﺴﯩﻨﻰ ﻗﯩﻠﯩﯟﺍﺗﯩﺪﯗ. ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺧﻪﻟﻘﻨﯩﯔ ﭘﯘﻟﯩﻨﻰ ﺧﻪﻟﻘﻨﻰ ﺑﺎﺳﺘﯘﺭﯗﺵ ﺋﯜﭼﯜﻥ ﺋﺎﻳﯩﻤﺎﻱ ﺳﻪﺭﭖ ﻗﯩﻠﯩﺪﯗ. ﺋﻮﺧﺸﯩﻤﯩﻐﺎﻥ ﭘﯩﻜﯩﺮﺩﯨﻜﻰ ﻛﯩﺸﯩﻠﻪﺭﻧﻰ ﻫﯧﭽﻨﯧﻤﻪ ﻗﯩﻼﻟﻤﯩﺴﺎ، ﺳﺎﻗﭽﻰ ﻗﻮﻳﯘﭖ ﻗﺎﻧﯘﻧﺴﯩﺰ ﻧﻪﺯﻩﺭﺑﻪﻧﺪ ﺋﺎﺳﺘﯩﻐﺎ ﺋﺎﻟﯩﺪﯗ، ﻫﯚﻛﯜﻣﻪﺕ ﺑﯘﻧﺪﺍﻕ ﺋﯘﻻﺭﻧﻰ ﭘﯘﻟﻐﺎ ﺳﯧﺘﯩﯟﯦﻠﯩﭗ، ﺗﻪﺭﺑﯩﻴﯩﻠﻪﭖ ﻳﯧﺘﯩﺸﺘﯜﺭﯛﭖ ﭼﯩﻘﺎﻻﻳﺪﯗ.

ﺋﯘﻳﻐﯘﺭﭼﻪ ﺗﻮﺭ ﺑﻪﺗﻠﯩﺮﯨﺪﯨﻤﯘ ﻫﯚﻛﯜﻣﻪﺕ ﻫﺎﺯﯨﺮ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﻧﻰ ﻗﻮﭘﺎﻟﻠﯩﻖ ﺑﯩﻠﻪﻥ ﭼﻪﻛﻠﻪﻳﺪﯗ

ﻫﺎﺯﯨﺮ ﺋﯘﻳﻐﯘﺭﭼﻪ ﺗﻮﺭ ﺑﻪﺗﻠﯩﺮﯨﮕﻪ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻗﻤﯘ، ﺋﯘﻧﯩﯖﺪﺍ ﺋﻮﺧﺸﯩﻤﯩﻐﺎﻥ ﻛﯚﺯ ﻗﺎﺭﺍﺷﻼﺭﻧﻰ ﻗﻮﭘﺎﻟﻠﯩﻖ ﺑﯩﻠﻪﻥ ﭼﻪﻛﻠﻪﻳﺪﯨﻐﺎﻥ ﻫﺎﺩﯨﺴﯩﻠﻪﺭ ﻛﯚﭖ. ﺋﯘﻳﻐﯘﺭ ﺗﻮﺭ ﺑﻪﺗﻠﯩﺮﯨﺪﻩ 'ﺑﯘ ﺗﻮﺭ ﺑﯧﺘﯩﮕﻪ ﻛﯩﺮﯨﺸﻜﻪ ﺭﯗﺧﺴﻪﺕ ﻗﯩﻠﯩﻨﻤﯩﺪﻯ'، 'ﺑﯘ ﻣﺎﻗﺎﻟﯩﻨﻰ ﭼﺎﭘﻼﺵ ﻣﻪﻧﺌﻰ ﻗﯩﻠﯩﻨﺪﻯ' ﺩﯦﮕﻪﻧﺪﻩﻙ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﻧﻰ ﺋﯘﭼﯘﻕ-ﺋﺎﺷﻜﺎﺭﺍ ﭼﻪﻛﻠﻪﻳﺪﯨﻐﺎﻥ ﺋﻪﺧﻼﻗﺴﯩﺰﻟﯩﻖ -ﻗﺎﻧﯘﻧﺴﯩﺰﻟﯩﻖ ﻫﺎﺩﯨﺴﯩﻠﯩﺮﻯ ﻛﯚﭖ ﺋﯘﭼﺮﺍﻳﺪﯗ.

ﻫﻪﺗﺘﺎ ﺗﻮﺭﻏﺎ ﻛﯩﺮﯨﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺴﻰ ﻛﯩﻤﻠﯩﻜﻰ ﺗﻪﻛﺸﯜﺭﯛﭖ، ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺗﯩﺰﯨﻤﻐﺎ ﺋﯧﻠﯩﻨﯩﺪﯗ. ﺷﯘﻧﺪﺍﻗﻼ ﻫﺎﺯﯨﺮ ﻛﯚﭘﯩﻨﭽﻪ ﺋﺎﺩﻩﻣﻨﯩﯔ ﭼﻪﺗﺌﻪﻟﺪﯨﻜﻰ ﺗﯘﻏﻘﺎﻧﻠﯩﺮﻯ ﺑﯩﻠﻪﻥ ﺧﻪﺕ ﻳﺎﻛﻰ ﺗﯧﻠﯧﻔﻮﻥ ﺋﺎﻻﻗﯩﺴﻰ ﺋﯜﺯﯛﭖ ﺗﺎﺷﻠﯩﻨﯩﯟﺍﺗﯩﺪﯗ.(ﯞﻩﻟﻰ)