" ﺧﯘ ﺟﯩﻨﺘﺎﯞ ﻛﻮﻣﭙﺎﺭﺗﯩﻴﻪ 17 ‏- ﻗﯘﺭﯗﻟﺘﯩﻴﯩﺪﺍ ﺟﻴﺎﯓ ﺯﯦﻤﯩﻨﻨﯩﯔ ﺗﻪﺳﯩﺮﯨﻨﻰ ﺗﺎﺯﯨﻼﺷﻨﻰ ﻣﻪﻗﺴﻪﺕ ﻗﯩﻠﯩﺪﯗ "

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﯘﺵ، 2007 - ﻳﯩﻠﻰ 8 - ﺋﯩﻴﯘﻧﺪﯨﻜﻰ G 8 ﺩﯙﻟﻪﺗﻠﯩﺮﻯ ﺑﺎﺷﻠﯩﻘﻠﯩﺮﻯ ﻳﯩﻐﯩﻨﯩﺪﺍ، ﺧﯘ ﺟﯩﻨﺘﺎﺋﻮ ﺑﯩﻠﻪﻥ. AFP PHOTO

ﻫﻪﺭ ﺑﻪﺵ ﻳﯩﻠﺪﺍ ﺑﯩﺮ ﻧﯚﯞﻩﺕ ﺋﯧﭽﯩﻠﯩﺪﯨﻐﺎﻥ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ 17 - ﻗﯘﺭﯗﻟﺘﯩﻴﻰ، ﺑﯘ ﻳﯩﻞ 15 - ﺋﯚﻛﺘﻪﺑﯩﺮ ﺑﯧﻴﺠﯩﯖﺪﺍ ﺋﯧﭽﯩﻠﯩﺪﯨﻐﺎﻥ ﺑﻮﻟﯘﭖ، ﺑﯘ ﻳﯩﻐﯩﻨﺪﺍ ﺧﯩﺘﺎﻳﻨﯩﯔ ﻛﻪﻟﮕﯜﺳﻰ ﺑﻪﺵ ﻳﯩﻠﻠﯩﻖ ﺳﯩﻴﺎﺳﯩﻲ ﯞﻩ ﺋﯩﻘﺘﯩﺴﺎﺩﻯ ﭘﯩﻼﻧﻰ ﺑﯧﻜﯩﺘﯩﻠﯩﺪﯗ.

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ، ﺑﯧﻴﺠﯩﯔ ﺗﯧﺨﻨﻮﻟﻮﮔﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺧﯩﺘﺎﻱ ﺳﯩﻴﺎﺳﻰ ﺗﻪﺗﻘﯩﻘﺎﺗﭽﻰ ﺧﯘ ﺷﯩﯖﺪﯗﻧﯩﯔ ﺋﯧﻴﺘﻘﺎﻧﻠﯩﺮﯨﻨﻰ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺧﯘ، ﻫﺎﺯﯨﺮ ﭘﯜﺗﯜﻥ ﺩﯗﻧﻴﺎ ﺧﯩﺘﺎﻳﻐﺎ ﺩﯨﻘﻘﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﯞﻩ "ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺯﯨﺪﺩﯨﻴﻪﺗﻠﻪﺭ ﺑﯩﻠﻪﻥ ﺗﻮﻟﻐﺎﻥ ﺟﻪﻣﺌﯩﻴﻪﺗﻨﻰ ﺋﯩﻨﺎﻕ ﺟﻪﻣﺌﯩﻴﻪﺗﻜﻪ ﺋﯚﺯﮔﻪﺭﺗﯩﺶ ﺋﯜﭼﯜﻥ ﺗﯩﺮﯨﺸﯩﯟﺍﺗﻘﺎﻥ ﭘﻪﻳﺘﺘﻪ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ، ﭘﺎﺭﺗﯩﻴﻪ 17 ‏- ﻗﯘﺭﯗﻟﺘﯩﻴﻰ ﺧﯩﺘﺎﻱ ﺋﯜﭼﯜﻥ ﺋﯧﻠﯩﭗ ﺋﯧﻴﺘﻘﺎﻧﺪﺍ ﺑﻪﻙ ﻣﯘﻫﯩﻢ ﺋﯩﺶ" ﺩﯦﺪﻯ.

ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ 1921- ﻳﯩﻠﻰ ﻗﯘﺭﯗﻟﻐﺎﻥ ﺑﻮﻟﯘﭖ، ﻫﺎﺯﯨﺮﻏﺎ ﻗﻪﺩﻩﺭ 73 ﻣﯩﻠﻴﻮﻥ ﺋﻪﺯﺍ ﺗﻪﺭﻩﻗﻘﻲ ﻗﯩﻠﺪﯗﺭﻏﺎﻥ ، ﺑﯘ ﻧﯚﯞﻩﺗﻠﯩﻚ ﻳﯩﻐﯩﻨﻐﺎ 2217 ﻧﻪﭘﻪﺭ ﯞﻩﻛﯩﻞ ﻗﺎﺗﻨﯩﺸﯩﺪﯗ.

ﺷﯧﻦ ﺷﯚ :"ﺑﯘ ﻳﯩﻐﯩﻨﻨﯩﯔ ﻛﯧﭽﯩﻜﺘﯜﺭﯛﻟﯜﺷﻰ ﭘﺎﺭﺗﯩﻴﯩﻨﯩﯔ ﺋﯩﭽﻜﻰ ﻗﯩﺴﻤﯩﺪﯨﻜﻰ ﻫﻮﻗﯘﻕ ﺗﻪﯕﭙﯘﯕﺴﯩﺰﻟﯩﻘﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ"

ﺳﻪﻳﺸﻪﻧﺒﻪ ﻛﯜﻧﻰ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ، ﺧﯘ ﺟﯩﻨﺘﺎﯞﻧﯩﯔ ﻳﯧﺘﻪﻛﭽﯩﻠﯩﻜﯩﺪﻩ ﺋﯧﭽﯩﻠﻐﺎﻥ ﺑﯩﺮ ﻧﯚﯞﻩﺗﻠﯩﻚ ﺳﯩﻴﺎﺳﯩﻲ ﻳﯩﻐﯩﻨﺪﺍ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﭘﺎﺭﺗﯩﻴﻪ 17- ﻗﯘﺭﯗﻟﺘﯩﻴﯩﻨﯩﯔ ﺋﯧﭽﯩﻠﯩﺶ ﯞﺍﻗﺘﻰ ﺑﯘ ﻳﯩﻞ 10- ﺋﺎﻳﻨﯩﯔ 15- ﻛﯜﻧﯩﮕﻪ ﺑﯩﻜﯩﺘﯩﻠﮕﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﺪﻯ.

ﺋﻪﺳﻠﻰ ﺑﯘ ﻳﯩﻐﯩﻦ 9 ‏- ﺋﺎﻳﻼﺭﺩﺍ ﺋﯧﭽﯩﻼﺗﺘﻰ. ﻫﺎﺯﯨﺮ ﻛﺎﻧﺎﺩﺍﺩﺍ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﺳﯩﻴﺎﺳﯩﻲ ﺗﻪﻫﻠﯩﻠﭽﻰ ﺷﯧﻦ ﺷﯚﻧﯩﯔ ﻗﺎﺭﯨﺸﯩﭽﻪ، ﺑﯘ ﻳﯩﻐﯩﻨﻨﯩﯔ ﻛﯧﭽﯩﻜﺘﯜﺭﯛﻟﯜﭖ 10 -ﺋﺎﻳﻐﺎ ﺑﯧﻜﯩﺘﯩﻠﯩﺸﻰ ﻳﻪﻧﯩﻼ ﭘﺎﺭﺗﯩﻴﯩﻨﯩﯔ ﺋﯩﭽﻜﻰ ﻗﯩﺴﻤﯩﺪﯨﻜﻰ ﻫﻮﻗﯘﻕ ﺗﻪﯕﭙﯘﯕﺴﯩﺰﻟﯩﻘﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺋﯩﻜﻪﻥ.

ﺷﯧﻦ ﺷﯚ ﻣﯘﻧﺪﺍﻕ ﺩﯦﺪﻯ: "ﺋﻪﻣﻪﻟﯩﻴﻪﺗﺘﻪ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺑﯘ ﺧﯩﻠﺪﯨﻜﻰ ﻳﯩﻐﯩﻨﻰ ﻛﯚﭘﯩﻨﭽﻪ ﻫﺎﻟﻼﺭﺩﺍ، ﺋﯚﺯﯨﻨﯩﯔ ﺋﯩﭽﻜﻰ ﻗﯩﺴﻤﯩﺪﯨﻜﻰ ﻫﻮﻗﯘﻕ ﺗﻪﯕﺸﻪﺵ ﺋﯧﻠﯩﭗ ﺑﯧﺮﯨﺸﻨﻰ ﻣﻪﻗﺴﻪﺕ ﻗﯩﻠﯩﺪﯗ . ﺑﯩﺰ ﺑﯘ ﻳﯩﻐﯩﻨﻨﯩﯔ 9 - ﺋﺎﻳﻼﺭﺩﺍ ﺋﯧﭽﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﻪﺗﺘﯘﻕ، ﺋﻪﻣﻤﺎ ﻛﯧﭽﯩﻜﺘﯜﺭﯛﻟﯜﭖ ﺋﻪﻣﺪﻯ 10- ﺋﺎﻳﻨﯩﯔ 15 - ﻛﯜﻧﻰ ﺋﯧﭽﯩﻠﯩﺪﯨﻐﺎﻧﻠﯩﻘﻰ ﺋﯧﻼﻥ ﻗﯩﻠﯩﻨﺪﻯ. ﺋﯩﺸﯩﻨﯩﻤﻪﻧﻜﻰ، ﻣﯘﺷﯘ ﺟﻪﺭﻳﺎﻧﺪﺍ ﺋﯘﻻﺭﻧﯩﯔ ﺋﯩﭽﻜﻰ ﻗﯩﺴﻤﯩﺪﯨﻜﻰ ﻫﻮﻗﯘﻕ ﺗﻪﯕﭙﯘﯕﻼﺷﻤﯩﻐﺎﻥ ﻫﻪﻣﺪﻩ ﺋﯩﭽﻜﻰ ﻗﯩﺴﯩﻤﺪﯨﻜﻰ ﻛﯜﺭﻩﺵ ﻛﻪﺳﻜﯩﻦ ﺑﻮﻟﯘﭖ ﻛﻪﺗﻜﻪﻧﻠﯩﻜﻰ ﺳﻪﯞﻩﺑﻠﯩﻚ، ﺋﯘﻻﺭ ﻳﯩﻐﯩﻨﻨﯩﯔ ﻛﯧﭽﯩﻜﺘﯜﺭﯛﻟﯜﺷﻰ ﺑﯩﻠﻪﻥ ﺋﯩﭽﻜﻰ ﻗﯩﺴﯩﻤﺪﺍ ﺑﻪﺯﯨﺒﯩﺮ ﺗﻪﺭﻩﭘﻠﻪﺭﺩﻩ ﻫﻮﻗﯘﻕ ﺗﻪﯕﺸﻪﺵ ﺋﯧﻠﯩﭗ ﺑﺎﺭﻏﺎﻥ."

ﺷﯧﻦ ﺷﯚ ﺳﯚﺯﯨﺪﻩ ﻳﻪﻧﻪ، ﺑﯘﺭﯗﻧﻘﻰ ﺭﻩﻫﺒﻪﺭﻟﻪﺭ ﺳﯩﻴﺎﺳﯩﻲ ﻣﻪﻧﭙﻪﺋﻪﺕ ﺗﺎﻟﯩﺸﯩﭗ ﻛﯜﺭﻩﺵ ﻗﯩﻠﻐﺎﻥ ﺑﻮﻟﺴﺎ ، ﻫﺎﺯﯨﺮﻗﻰ ﺭﻩﻫﺒﻪﺭﻟﻪﺭﻧﯩﯔ ﺋﯩﻘﺘﯩﺴﺎﺩﻯ ﻣﻪﻧﭙﻪﺋﻪﺕ ﻛﯚﺯﻟﻪﻳﺪﯨﻐﺎﻧﻠﯩﻘﯩﻨﻰ ، ﺷﯘﯕﺎ ﻫﺎﺯﯨﺮ ﺧﯩﺘﺎﻳﺪﺍ ﻧﯘﺭﻏﯘﻥ ﺧﯩﻴﺎﻧﻪﺗﭽﻰ ﺋﻪﻣﻪﻟﺪﺍﺭﻧﯩﯔ ﺑﺎﺭﻟﯩﻘﯩﻨﻰ، ﻣﯘﺷﯘﻧﺪﺍﻕ ﺷﺎﺭﺍﺋﯩﺘﺘﺎ ﻫﻪﺗﺘﺎ ﻫﺎﻛﯩﻤﯩﻴﻪﺗﻨﯩﯔ ﻳﯘﻗﯩﺮﻯ ﻗﺎﺗﻠﯩﻤﯩﺪﯨﻜﻰ ﺭﻩﻫﺒﻪﺭﻟﻪﺭﻧﯩﯔ ﭘﻪﺭﺯﻩﻧﺘﻠﯩﺮﯨﻤﯘ ﻣﯘﺷﯘ ﻣﻪﻧﭙﻪﺋﻪﺕ ﺗﺎﻟﯩﺸﯩﺶ ﭼﻪﻣﺒﯩﺮﯨﻜﯩﮕﻪ ﻛﯩﺮﮔﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ ﯞﻩ " ﭼﻮﯓ ﺟﻪﻫﻪﺗﺘﯩﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ ﺑﯘ ﺗﻪﺭﻩﭘﺘﯩﻜﻰ ﺗﻪﯕﺸﻪﺵ ﻣﻪﻧﭙﻪﺋﻪﺕ ﺗﺎﻟﯩﺸﯩﺶ ﻛﯜﺭﯨﺸﯩﮕﻪ ﺑﯧﺮﯨﭗ ﺗﺎﻗﯩﻠﯩﺪﯗ" ﺩﯦﺪﻯ.

ﺗﻪﻫﻠﯩﻠﭽﯩﻠﻪﺭ، ﭘﺎﺭﺗﯩﻴﻪ 17 - ﻗﯘﺭﯗﻟﺘﯩﻴﻰ ﺋﺎﺭﻗﯩﻠﯩﻖ ﺧﯘ ﺟﯩﻨﺘﺎﯞ ﺋﯚﺯ ﺋﻮﺭﻧﯩﻨﻰ ﻣﯘﺳﺘﻪﻫﻜﻪﻣﻠﻪﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ

ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ، ﺷﯩﺨﻪﻧﺰﻩ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﺎﺑﯩﻖ ﺋﻮﻗﯘﺗﻘﯘﭼﯩﺴﻰ، ﺳﯩﻴﺎﺳﻰ ﻛﯚﺯﻩﺗﭽﻰ ﺋﯩﻠﺸﺎﺕ ﺋﻪﭘﻪﻧﺪﻯ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﺋﻪﻧﺌﻪﻧﯩﺴﻰ ﺑﯘﻳﯩﭽﻪ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﺋﻪﻣﻪﻟﯩﻴﻪﺗﺘﻪ ﺑﯩﺮ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﻮﻗﯘﻕ ﺳﻪﻫﻨﯩﺴﯩﮕﻪ ﭼﯩﻘﻘﺎﻧﺪﺍ ﺋﯚﻣﺮﯨﻨﯩﯔ ﺋﺎﺧﯩﺮﯨﻐﯩﭽﻪ ﻫﻮﻗﯘﻗﺘﺎ ﺗﯘﺭﯗﺷﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ، ﮔﻪﺭﭼﻪ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﺗﻪﻗﺪﯨﺮﺩﯨﻤﯘ ﻫﺎﻛﯩﻤﯩﻴﻪﺕ ﺋﯩﺸﻠﯩﺮﯨﻐﺎ ﭘﻪﺭﺩﻩ ﺋﺎﺭﻗﯩﺴﺪﺍ ﺗﯘﺭﯗﭖ ﻳﯧﺘﻪﻛﭽﯩﻠﯩﻚ ﻗﯩﻠﯩﺸﻨﻰ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺧﯘ ﺟﯩﻨﺘﺎﯞﻧﯩﯔ ﺳﺎﺑﯩﻖ ﺩﯙﻟﻪﺕ ﺭﻩﺋﯩﺴﻰ ﺟﻴﺎﯓ ﺯﯦﻤﯩﻨﻨﯩﯔ ﺗﻪﺳﯩﺮﯨﻨﻰ ﺗﺎﺯﯨﻼﺷﻨﻰ ﻣﻪﻗﺴﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ.

ﺟﻪﻧﯘﺑﻰ ﺧﯩﺘﺎﻱ ﺳﻪﻫﻪﺭ ﮔﯧﺰﯨﺘﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، 17 - ﻗﯘﺭﯗﻟﺘﺎﻱ ﭘﺎﺭﺗﯩﻴﻪ ﯞﻩ ﻣﻪﺭﻛﯩﺰﻯ ﻫﻪﺭﺑﯩﻲ ﻛﻮﻣﯩﺘﯧﺘﯩﻨﯩﯔ ﺑﺎﺷﻠﯩﻘﻰ ﺧﯘ ﺟﯩﻨﺘﺎﯞ، ﺑﺎﺵ ﻣﯩﻨﯩﺴﺘﯩﺮ ﯞﯦﻦ ﺟﻴﺎﺑﺎﯞ، ﻣﯘﺋﺎﯞﯨﻦ ﻣﯩﻨﯩﺴﺘﯩﺮ ﺯﯦﯔ ﭼﯩﯖﺨﯘﯕﻨﯩﯔ ﻳﺎﺩﺭﻭﻟﯘﻗﯩﺪﯨﻜﻰ ﺭﻩﻫﺒﻪﺭﻟﯩﻜﻨﻰ ﻗﻮﻟﻼﺷﻨﻰ ﺗﻪﺷﻪﺑﺒﯘﺱ ﻗﯩﻠﯩﺪﯨﻜﻪﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘ ﻧﯚﯞﻩﺗﻠﯩﻚ ﻳﯩﻐﯩﻨﺪﯨﻦ ﻛﯩﻴﯩﻦ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺋﻪﺯﺍﺳﻰ، ﻣﻪﺭﻛﯩﺰﯨﻲ ﺋﯩﻨﺘﯩﺰﺍﻡ ﺗﻪﻛﺸﯜﺭﯛﺵ ﻛﻮﻣﯩﺘﯧﺘﯩﻨﯩﯔ ﺑﺎﺵ ﺳﯧﻜﺮﯦﺘﺎﺭﻯ ﯞﯗ ﮔﯘﻩﻧﺠﯧﯔ، ﺳﯩﻴﺎﺳﯩﻲ ﺑﻴﯘﺭﻭ ﺋﻪﺯﺍﺳﻰ ﻟﻮﮔﻪﻥ ﻗﺎﺗﺎﺭﻟﯩﻘﻼﺭ ﺳﯩﻴﺎﺳﯩﻲ ﺑﻴﯘﺭﻭﻏﺎ ﻛﯩﺮﮔﯜﺯﯛﻟﻤﻪﺳﻠﯩﻜﻰ ﻣﯘﻣﻜﯩﻦ ﺋﯩﻜﻪﻥ.

ﺑﯘ ﺟﻪﻫﻪﺗﺘﻪ ﺳﯩﻴﺎﺳﯩﻲ ﻛﯚﺯﻩﺗﭽﻰ ﺋﯩﻠﺸﺎﺕ ﺋﻪﭘﻪﻧﺪﯨﻤﯘ ﻳﯘﻗﯩﺮﯨﻐﺎ ﺋﻮﺧﺸﺎﺵ ﻗﺎﺭﺍﺷﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺗﻪﻫﻠﯩﻠﭽﯩﻠﻪﺭ، ﺑﯘ ﻧﯚﯞﻩﺗﻠﯩﻚ ﭘﺎﺭﺗﯩﻴﻪ 17 - ﻗﯘﺭﯗﻟﺘﯩﻴﯩﺪﯨﻦ ﻛﯩﻴﯩﻦ ﺧﯘ ﺟﯩﻨﺘﺎﯞ ﺋﯚﺯ ﻗﻮﻟﻠﯩﻐﯘﭼﯩﻠﯩﺮﯨﻨﻰ ﻳﯘﻗﯩﺮﻯ ﺋﻮﺭﯗﻧﻼﺭﻏﺎ ﻗﻮﻳﯘﺵ ﺋﺎﺭﻗﯩﻠﯩﻖ ﺋﯚﺯ ﻫﻮﻗﯘﻗﯩﻨﻰ ﻣﯘﺳﺘﻪﻫﻜﻪﻣﻠﻪﭖ ﻳﻪﻧﻪ ﻛﻪﻟﮕﯜﺳﻰ ﺑﻪﺵ ﻳﯩﻞ ﻫﻮﻗﯘﻕ ﺋﯩﮕﯩﻠﻪﭖ ﺗﯘﺭﯗﺷﯩﻨﻰ ﻣﻪﻗﺴﻪﺕ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻤﻪﻛﺘﻪ.

ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺳﯩﻴﺎﺳﯩﻲ ﺑﻴﯘﺭﻭﺳﯩﺪﺍ 9 ﺩﺍﺋﯩﻤﯩﻲ ﺋﻪﺯﺍ ﺑﺎﺭ ﺑﻮﻟﯘﭖ ، ﺑﯘﻻﺭﻧﯩﯔ ﺋﺎﺭﯨﺴﯩﺪﯨﻜﻰ ﻣﯘﺋﺎﯞﯨﻦ ﻣﯩﻨﯩﺴﺘﯩﺮ ﺧﯘﺍﯓ ﺟﯘ ﺑﯘ ﻳﯩﻞ 6- ﺋﺎﻳﺪﺍ ﺭﺍﻙ ﻛﯧﺴﻪﻝ ﺑﯩﻠﻪﻥ ﺋﺎﻟﻪﻣﺪﯨﻦ ﺋﯚﺗﻜﻪﻧﺪﯨﻦ ﻛﯩﻴﯩﻦ 8 ﺋﻮﺭﯗﻥ ﻗﺎﻟﻐﺎﻥ . ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﻣﯘﺷﯘ ﻧﯚﯞﻩﺗﻠﯩﻚ ﻳﯩﻐﯩﻨﺪﺍ ﺳﯩﻴﺎﺳﯩﻲ ﺑﻴﯘﺭﻭﻧﯩﯔ ﺋﻪﺯﺍﻟﯩﺮﯨﺪﯨﻦ ﺑﯩﺮ ﻧﻪﭼﭽﯩﻨﻰ ﺋﺎﻟﻤﺎﺷﺘﯘﺭﯨﺪﯨﻜﻪﻥ. (ﺟﯜﻣﻪ)