ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯩﻴﯩﺪﯨﻦ ﺑﯘﺭﯗﻧﻘﻰ ﺋﺎﻻﻣﻪﺗﻠﻪﺭ(1)

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯘ ﺟﯩﻨﺘﺎﯞ، ﯞﯦﻦ ﺟﻴﺎﺑﺎﯞ ﯞﻩ ﺯﯦﯔ ﭼﯩﯖﺨﻮﯕﻼﺭ 3 - ﺋﺎﻳﻨﯩﯔ 16 - ﻛﯜﻧﯩﺪﯨﻜﻰ، ﺧﯩﺘﺎﻱ ﻣﻪﻣﻠﯩﻜﻪﺗﻠﯩﻚ ﺧﻪﻟﯩﻖ ﻗﯘﺭﯗﻟﺘﯩﻴﯩﻨﯩﯔ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﺪﺍ. AFP Photo

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﭼﻮﯓ ﻗﯘﺭﯗﻟﺘﯩﻴﻰ ﻫﻪﺭ ﺑﻪﺵ ﻳﯩﻠﺪﺍ ﺑﯩﺮ ﻗﯧﺘﯩﻢ ﺋﯧﭽﯩﻠﯩﺪﯗ، ﻫﻪﺭ ﻗﯧﺘﯩﻢ ﺋﯧﭽﯩﻠﯩﺸﺘﯩﻦ ﺑﯘﺭﯗﻥ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﺪﺍ ﺩﯙﻟﻪﺕ ﭘﯘﻗﺮﺍﻟﯩﺮﯨﻨﯩﯔ ﺋﺎﺳﺎﺳﯩﻲ ﻫﻮﻗﯘﻗﻰ ﻫﻪﻗﻘﯩﺪﻩ ﺑﻪﻟﮕﯩﻠﻪﻧﮕﻪﻥ ﻣﺎﺩﺩﯨﻼﺭﻏﺎ ﻗﺎﺭﯨﻤﯘ-ﻗﺎﺭﺷﻰ ﻫﺎﻟﺪﺍ ﺳﯩﻴﺎﺳﻪﺕ ﺑﻪﻟﮕﯩﻠﻪﭖ، ﺳﯩﻴﺎﺳﯩﻲ ﻛﯚﺯ ﻗﺎﺭﯨﺸﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺩﯙﻟﻪﺕ ﭘﯘﻗﺮﺍﻟﯩﺮﯨﻨﻰ ﻗﺎﺗﺘﯩﻖ ﺑﺎﺳﺘﯘﺭﯨﺪﯗ. ﻫﺎﺯﯨﺮ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯩﻴﻰ ﺋﯧﭽﯩﻠﯩﺶ ﺋﺎﻟﺪﯨﺪﺍ ﺗﯘﺭﻣﺎﻗﺘﺎ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻗﯧﺘﯩﻢ ﻳﻪﻧﻪ ﺳﯩﻴﺎﺳﯩﻲ ﻛﯚﺯ ﻗﺎﺭﯨﺸﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺩﯙﻟﻪﺕ ﭘﯘﻗﺮﺍﻟﯩﺮﯨﻨﻰ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﻗﻮﻟﻠﯩﻨﯩﺸﻘﺎ ﺑﺎﺷﻠﯩﺪﻯ.

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺋﻪﺯﺍﺳﻰ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻯ ﺟﯘ ﻳﯘﯕﻜﺎﯓ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺩﯙﻟﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺩﯛﺷﻤﻪﻧﻠﯩﺮﯨﮕﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﭗ ﺟﻪﻣﺌﯩﻴﻪﺗﻨﻰ ﺗﯩﻨﭽﻼﻧﺪﯗﺭﯗﺵ ﭘﯩﻼﻧﯩﻨﻰ ﺋﯧﻼﻥ ﻗﯩﻠﺪﻯ. ﺟﯘ ﻳﯘﯕﻜﺎﯓ ﺑﯘ ﻫﻪﻗﺘﻪ ﻗﯩﻠﻐﺎﻥ ﺳﯚﺯﯨﺪﻩ ﺑﻮﻟﯘﭘﻤﯘ ﺷﯩﻨﺠﺎﯓ، ﺗﯧﺒﻪﺕ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﺪﻯ.

ﻫﺎﺯﯨﺮ ﺧﻪﻟﻘﺌﺎﺭﺍﺩﯨﻜﻰ ﺋﯘﭼﯘﺭ ﯞﺍﺳﺘﯩﻠﯩﺮﯨﺪﺍ ﺋﯩﻨﻜﺎﺱ ﻗﯩﻠﯩﻨﯩﯟﺍﺗﻘﺎﻥ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯩﻴﯩﺪﯨﻦ ﺑﯘﺭﯗﻧﻘﻰ ﺋﺎﻻﻣﻪﺗﻠﻪﺭ ﺗﯚﯞﻩﻧﺪﯨﻜﯩﭽﻪ.

1 ‏- ﺧﯘﺟﯩﻨﺘﺎﯞﻧﯩﯔ ﻗﺎﻳﺘﯩﺪﯨﻦ ﻫﻮﻗﯘﻕ ﺗﻪﻗﺴﯩﻤﻠﯩﺸﻰ

ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﻣﯘﺧﺒﯩﺮﻟﯩﺮﻯ ﺋﯧﻨﯩﻘﻠﯩﻐﺎﻥ ﺧﻪﯞﻩﺭﮔﻪ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ 4 ‏- ﺋﺎﻳﺪﺍ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ، ﭘﻪﻥ-ﺗﯧﺨﻨﯩﻜﺎ ﻣﯩﻨﯩﺴﺘﯩﺮﻟﯩﻘﻰ، ﺩﯙﻟﻪﺕ ﻳﻪﺭ-ﺑﺎﻳﻠﯩﻖ ﻣﯩﻨﯩﺴﺘﯩﺮﻟﯩﻘﻰ، ﺳﯘ ﺋﯩﻨﺸﺎﺋﺎﺗﻰ ﻣﯩﻨﯩﺴﺘﯩﺮﻟﯩﻘﻰ ﻗﺎﺗﺎﺭﻟﯩﻖ ﻣﯩﻨﯩﺴﺘﯩﺮﻟﯩﻘﻼﺭﻧﯩﯔ ﻣﯩﻨﯩﺴﺘﯩﺮﻟﯩﺮﯨﻨﻰ ﺋﺎﻟﻤﺎﺷﺘﯘﺭﻏﺎﻧﺪﯨﻦ ﻛﯧﻴﯩﻦ، 8 ‏- ﺋﺎﻳﻨﯩﯔ 30 ‏- ﻛﯜﻧﻰ ﻳﻪﻧﻪ ﻣﺎﻟﯩﻴﻪ ﻣﯩﻨﯩﺴﺘﯩﺮﻟﯩﻘﻰ، ﻛﺎﺩﯨﺮﻻﺭ ﻣﯩﻨﯩﺴﺘﯩﺮﻟﯩﻘﻰ، ﺑﯩﺨﻪﺗﻪﺭﻟﯩﻚ ﻣﯩﻨﯩﺴﺘﯩﺮﻟﯩﻘﻰ، ﺗﻪﭘﺘﯩﺶ ﻣﯩﻨﯩﺴﺘﯩﺮﻟﯩﻘﻰ، ﺩﯙﻟﻪﺕ ﻣﯘﺩﺍﭘﯩﺌﻪ ﺳﺎﻧﺎﺋﯩﺘﻰ ﻛﻮﻣﯩﺘﯧﺘﻰ، ﺩﯙﻟﻪﺕ ﺑﺎﺝ ﺋﯩﺪﺍﺭﯨﺴﻰ ﻗﺎﺗﺎﺭﻟﯩﻖ ﻣﯘﻫﯩﻢ ﺗﺎﺭﻣﺎﻗﻼﺭﻧﯩﯔ ﻣﯩﻨﯩﺴﺘﯩﺮﻟﯩﺮﯨﻨﻰ ﺋﺎﻟﻤﺎﺷﺘﯘﺭﺩﻯ.

ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﯩﻨﯩﯔ ﻳﯘﻗﯩﺮﻯ ﻗﺎﺗﻼﻣﺪﯨﻜﻰ ﻛﺎﺩﯨﺮﻻﺭ ﺋﻪﻫﯟﺍﻟﯩﻨﻰ ﺑﯩﻠﯩﺪﯨﻐﺎﻥ ﮔﺎﯞ ﺷﯩﻦ ﺋﻪﭘﻪﻧﺪﯨﻨﯩﯔ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﺪﺍ ﺋﯧﻼﻥ ﻗﯩﻠﻐﺎﻥ ﺋﻮﺑﺰﻭﺭﯨﺪﺍ ﺋﯧﻴﺘﯩﻠﯩﺸﯩﭽﻪ، 17 ‏- ﻗﯘﺭﯗﻟﺘﺎﻳﺪﯨﻦ ﺑﯘﺭﯗﻧﻘﻰ ﺋﻪﻣﻪﻟﺪﺍﺭ ﺋﺎﻟﻤﺎﺷﺘﯘﺭﯗﺵ ﺑﯘﺭﯗﻧﻘﯩﻐﺎ ﺋﻮﺧﺸﯩﻤﺎﻳﺪﯗ.

ﺑﯘ ﻗﯧﺘﯩﻢ ﻗﯘﺭﯗﻟﺘﺎﻳﺪﯨﻦ ﺧﯧﻠﻰ ﺑﯘﺭﯗﻧﻼ ﺋﺎﺷﻜﺎﺭﺍ ﺋﯧﻼﻥ ﻗﯩﻠﯩﭗ ﺋﺎﻟﻤﺎﺷﺘﯘﺭﻏﺎﻥ ﺋﻪﻣﻪﻟﺪﺍﺭﻻﺭﻧﯩﯔ 12 ﺳﻰ 1950 ‏- ﻳﯩﻠﯩﺪﯨﻦ ﻛﯧﻴﯩﻦ ﺗﯘﻏﯘﻟﻐﺎﻥ ، ﺑﻪﻟﻜﻰ ﻳﯘﻗﯩﺮﻯ ﺑﯩﻠﯩﻢ ﺋﯘﻧﯟﺍﻧﻰ ﺑﺎﺭ ﻛﻮﻣﻤﯘﻧﯩﺴﺘﻼﺭ. ﺧﯘ ﺟﯩﻨﺘﺎﯞﻧﯩﯔ ﺑﯘ ﺗﻪﺩﺑﯩﺮﻯ ﺋﺎﺳﺎﺳﻪﻥ 17 ‏- ﻗﯘﺭﯗﻟﺘﺎﻳﺪﯨﻜﻰ 'ﺳﺎﻳﻼﻡ'ﺩﺍ ﺋﯘﻗﯘﺷﻤﺎﺳﻠﯩﻖ ﻳﯜﺯ ﺑﯧﺮﯨﭗ، ﺋﯘﻻﺭﻧﯩﯔ ﺳﺎﻳﻠﯩﻨﺎﻟﻤﺎﻱ ﻗﯧﻠﯩﺸﯩﺪﯨﻦ ﺳﺎﻗﻠﯩﻨﯩﺸﻨﻰ ﻣﻪﻗﺴﻪﺕ ﻗﯩﻠﯩﺪﯗ.

2 ‏- ﺧﯩﺘﺎﻳﺪﺍ 12 ﻣﯩﻠﻴﻮﻥ ﺩﺍﻧﻪ ﻗﻮﺭﺍﻝ ﺟﻪﻣﺌﯩﻴﻪﺗﻜﻪ ﺗﺎﺭﺍﭖ ﻛﻪﺗﻜﻪﻧﻠﯩﻜﻰ

ﺧﻮﯕﻜﻮﯕﺪﺍ ﭼﯩﻘﯩﺪﯨﻐﺎﻥ 'ﺷﻪﭘﻪ' ﮊﯗﺭﻧﯩﻠﯩﻨﯩﯔ 6‏-7 ‏- ﺋﺎﻳﻠﯩﻖ ﺳﺎﻧﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻳﻨﯩﯔ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﻰ 5 ‏- ﺋﺎﻳﻨﯩﯔ 25 ‏- ﻛﯜﻧﻰ ﻫﻪﺭ ﻗﺎﻳﺴﻰ ﺋﯚﻟﻜﻪ ﯞﻩ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﻼﺭﻏﺎ "ﻗﺎﻧﯘﻧﺴﯩﺰ ﻣﯩﻠﺘﯩﻖ ﯞﻩ ﺋﻮﻕ-ﺩﻭﺭﯨﻼﺭﻧﻰ ﺋﯧﻨﯩﻘﻼﺵ، ﻳﯩﻐﯩﯟﯦﻠﯩﺶ ﻫﻪﻗﻘﯩﺪﻩ ﭘﯩﻜﯩﺮ" ﺩﯦﮕﻪﻥ ﻫﯚﺟﺠﻪﺗﻨﻰ ﭼﯜﺷﯜﺭﮔﻪﻧﺪﯨﻦ ﻛﯧﻴﯩﻦ، 5 ‏- ﺋﺎﻳﻨﯩﯔ 28 ‏- ﻛﯜﻧﻰ ﻳﻪﻧﻪ ﺩﯙﻟﻪﺕ ﻛﺎﺑﯩﻨﯧﺘﻰ ﯞﻩ ﺩﯙﻟﻪﺕ ﻫﻪﺭﺑﯩﻲ ﻛﻮﻣﯩﺘﯧﺘﻰ "ﺷﻪﺧﺴﯩﻴﻠﻪﺭﻧﯩﯔ ﻗﻮﻟﯩﺪﺍ ﺳﺎﻗﻠﯩﻨﯩﯟﺍﺗﻘﺎﻥ ﻣﯩﻠﺘﯩﻖ، ﺋﻮﻕ-ﺩﻭﺭﯨﻼﺭﻧﻰ ﺟﯩﺪﺩﯨﻲ ﺑﯩﺮ ﺗﻪﺭﻩﭖ ﻗﯩﻠﯩﺶ ﻫﻪﻗﻘﯩﺪﻩ ﺑﻪﻟﮕﯩﻠﯩﻤﻪ" ﺩﯦﮕﻪﻥ ﺋﯩﻜﻜﻰ ﻫﯚﺟﺠﻪﺗﻨﻰ ﺗﺎﺭﻗﺎﺗﻘﺎﻥ.

ﺳﯩﻴﺎﺳﯩﻲ ﺑﻴﯘﺭﻭﻧﯩﯔ ﺩﺍﺋﯩﻤﯩﻲ ﺋﻪﺯﺍﺳﻰ ﻟﻮ ﮔﻪﻧﻨﯩﯔ ﺋﯧﻴﺘﯩﺸﯩﭽﻪ، ﻫﺎﺯﯨﺮ ﺟﻪﻣﺌﯩﻴﻪﺗﻜﻪ ﺗﺎﺭﻗﯩﻠﯩﭗ ﻛﻪﺗﻜﻪﻥ ﻗﻮﺭﺍﻝ ﺳﺎﻧﻰ ﺗﻪﺧﻤﯩﻨﻪﻥ 12 ﻣﯩﻠﻴﻮﻥ. ﺋﻪﮔﻪﺭ ﺟﻪﻣﺌﯩﻴﻪﺗﻜﻪ ﺗﺎﺭﻗﯩﻠﯩﭗ ﻛﻪﺗﻜﻪﻥ ﺑﯘ ﻗﻮﺭﺍﻝ ﯞﻩ ﺋﻮﻕ-ﺩﻭﺭﯨﻼﺭ ﻫﺎﺯﯨﺮﻻ ﺑﯩﺮ ﺗﻪﺭﻩﭖ ﻗﯩﻠﯩﻨﻤﯩﺴﺎ، ﺑﯘﻧﯩﯖﺪﯨﻦ ﻛﯧﻴﯩﻦ ﺩﯙﻟﻪﺗﺘﻪ ﺗﯩﻨﭻ ﻛﯜﻥ ﺑﻮﻟﻤﺎﻳﺪﯗ.

9 ‏- ﺋﺎﻳﻨﯩﯔ 18 ‏- ﻛﯜﻧﻰ ﺧﯩﺘﺎﻳﻨﯩﯔ 'ﺷﯩﻨﺠﺎﯓ ﺧﻪﯞﻩﺭ ﺗﻮﺭﻯ' ﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﻰ 9 ‏- ﺋﺎﻳﻨﯩﯔ 13 ‏- ﻛﯜﻧﻰ، ﻗﯩﺰﯨﻞ ﻗﯩﻴﺎ ﻛﯚﻟﻰ ﺷﯩﻤﺎﻟﻰ ﻳﻮﻝ 8 ‏- ﻛﻮﭼﯩﺪﯨﻜﻰ ﺑﯩﺮ ﭘﻮﺟﺎﯕﺰﺍ ﺋﯩﺴﻜﯩﻼﺗﯩﻨﻰ ﻣﯘﻫﺎﺳﯩﺮﯨﮕﻪ ﺋﯧﻠﯩﭗ، 8791 ﺳﺎﻧﺪﯗﻕ ﺳﺎﻟﻴﻮﺕ، ﭘﻮﺟﺎﯕﺰﺍ ﻗﺎﺗﺎﺭﻟﯩﻖ 8 ﺗﯜﺭﻟﯜﻙ ﭘﺎﺭﺗﻼﺗﻘﯘﭺ ﺋﻮﻟﺠﺎ ﺋﺎﻟﻐﺎﻥ، ﺋﻮﻣﯘﻣﯩﻲ ﻗﯩﻤﻤﯩﺘﻰ 800 ﻣﯩﯔ ﻳﯜﻩﻥ. ﺳﺎﻗﭽﯩﻼﺭ ﺑﯘ ﺋﯩﺴﻜﯩﻼﺗﻨﯩﯔ ﺧﯩﺰﻣﻪﺗﭽﯩﻠﯩﺮﯨﻨﻰ ﺗﯘﺗﻘﺎﻥ. ﺋﯩﺴﻜﯩﻼﺗﻨﯩﯔ ﯞﯦﻲ ﻓﺎﻣﯩﻠﯩﻠﯩﻚ ﺧﻮﺟﺎﻳﯩﻨﻰ ﻫﺎﺯﯨﺮ ﻗﺎﭼﺎﻗﺘﺎ.

3 ‏- ﺋﯩﻨﺘﯧﺮﻧﯧﺘﻨﻰ ﺗﻮﺳﯘﺷﻘﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯩﻘﺘﯩﺪﺍﺭﻯ ﺋﺎﺟﯩﺰ ﻛﯧﻠﯩﯟﺍﺗﻘﺎﻧﻠﯩﻘﻰ

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﺗﻪﺷﯟﯨﻘﺎﺕ ﻣﯩﻨﯩﺴﺘﯩﺮﻟﯩﻘﻰ 7 ‏- ﺋﺎﻱ ﯞﻩ 8 ‏- ﺋﺎﻳﻼﺭﺩﯨﻼ ﻫﯚﺟﺠﻪﺕ ﺗﺎﺭﻗﯩﺘﯩﭗ، ﺋﺎﺩﻩﺗﺘﯩﻜﻰ ﺩﯙﻟﻪﺕ ﭘﯘﻗﺮﺍﻟﯩﺮﯨﻨﯩﯔ ﺋﯩﻨﺘﯧﺮﻧﯧﺘﻜﻪ ﻛﯩﺮﯨﺸﯩﻨﻰ ﺋﯩﻤﻜﺎﻥ ﻗﻪﺩﻩﺭ ﺗﻮﺳﯘﺵ ﯞﻩ 17 ‏- ﻗﯘﺭﯗﻟﺘﺎﻳﻨﻰ ﻛﯜﺗﯩﯟﯦﻠﯩﺶ ﺋﯜﭼﯜﻥ، ﮔﯧﺰﯨﺘﻠﻪﺭﺩﻩ ﺋﯧﻼﻥ ﻗﯩﻠﯩﻨﯩﺪﯨﻐﺎﻥ ﺧﻪﯞﻩﺭﻟﻪﺭ ﯞﻩ ﻓﻮﺗﻮ ﺳﯜﺭﻩﺗﻠﻪﺭﻧﯩﯔ ﻣﻪﺯﻣﯘﻧﻰ ﺋﻮﺧﺸﺎﺵ ﺑﻮﻟﯘﺷﻰ، ﻳﻪﺭ-ﺯﯦﻤﯩﻦ ﻫﻮﻗﯘﻗﻰ ﺩﻩﯞﺍﺳﻰ ﺋﯩﻨﻜﺎﺱ ﻗﯩﻠﯩﻨﻤﺎﺳﻠﯩﻘﻰ ﻻﺯﯨﻢ، ﺩﻩﭖ ﺗﻪﻛﯩﺘﻠﯩﮕﻪﻥ ﺋﯩﺪﻯ.

ﺋﺎﻣﯧﺮﯨﻜﯩﻨﯩﯔ ﻛﺎﻟﯩﻔﻮﺭﻧﯩﻴﯩﺪﯨﻜﻰ ﺩﻩﻳﯟﯨﺲ ﻛﻮﻣﭙﻴﯘﺗﯧﺮ ﺗﻪﺗﻘﯩﻘﺎﺕ ﺋﻮﺭﻧﻰ ﯞﻩ ﻳﯧﯖﻰ ﻣﯧﻜﯩﺴﻜﻮ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﺋﯧﻨﯩﻘﻠﯩﺸﯩﭽﻪ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺋﯩﻨﺘﯧﺮﻧﯧﺘﻨﻰ ﺗﻮﺳﯘﺵ ﺋﯜﭼﯜﻥ ﺋﻮﺭﯗﻧﻼﺷﺘﯘﺭﻏﺎﻥ 'ﺋﻮﺗﻠﯘﻕ ﺗﺎﻡ' ﺩﻩﭖ ﺋﺎﺗﯩﻠﯩﺪﯨﻐﺎﻥ ﺋﯘﭼﯘﺭ ﺳﯜﺯﮔﯜﭺ ﻳﯘﻣﺸﺎﻕ ﺩﯦﺘﺎﻟﻠﯩﺮﯨﻨﯩﯔ ﺋﯜﻧﯜﻣﻰ ﻳﺎﺧﺸﻰ ﺑﻮﻟﻤﺎﻳﯟﺍﺗﯩﺪﯗ. ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﭼﯘﺭ ﺳﯜﺯﮔﯜﭼﻰ ﻳﯘﻣﺸﺎﻕ ﺩﯦﺘﺎﻟﻠﯩﺮﻯ، ﮔﻪﺭﭼﻪ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻳﺎﻣﺎﻥ ﻛﯚﺭﯨﺪﯨﻐﺎﻥ ﺳﻪﺯﮔﯜﺭ ﺳﯚﺯ-ﺋﯩﺒﺎﺭﯨﻠﻪﺭﻧﻰ ﺳﯜﺯﯛﭖ ﺗﻮﺳﯘﺵ ﯞﻩ ﺑﯘﺯﯗﺷﻘﺎ ﺗﯩﺮﯨﺸﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﭘﯜﺗﯜﻥ ﺩﯗﻧﻴﺎ ﺑﯩﺮﻻ ﯞﺍﻗﯩﺘﺘﺎ ﻛﯩﺮﯨﺪﯨﻐﺎﻥ ﭼﻮﯓ ﺋﯩﻨﺘﯧﺮﻧﯧﺖ ﺗﻮﺭ ﺑﻪﺗﻠﯩﺮﯨﺪﯨﻜﻰ 'ﺩﯛﺷﻤﻪﻥ' ﻟﻪﺭﻧﻰ ﺗﻮﺳﯘﺷﺘﺎ ﺋﯘﻧﯩﯔ ﺋﯩﻘﺘﯩﺪﺍﺭﻯ ﺋﺎﺟﯩﺰ ﻛﻪﻟﻤﻪﻛﺘﻪ. (ﯞﻩﻟﻰ)