ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﯩﺪﯨﻦ ﺑﯘﺭﯗﻧﻘﻰ ﺋﺎﻻﻣﻪﺗﻠﻪﺭ(2)

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯘ ﺟﯩﻨﺘﺎﯞ، ﯞﯦﻦ ﺟﻴﺎﺑﺎﯞ ﯞﻩ ﺯﯦﯔ ﭼﯩﯖﺨﻮﯕﻼﺭ 3 - ﺋﺎﻳﻨﯩﯔ 16 - ﻛﯜﻧﯩﺪﯨﻜﻰ، ﺧﯩﺘﺎﻱ ﻣﻪﻣﻠﯩﻜﻪﺗﻠﯩﻚ ﺧﻪﻟﯩﻖ ﻗﯘﺭﯗﻟﺘﯩﻴﯩﻨﯩﯔ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﺪﺍ. AFP Photo

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﭼﻮﯓ ﻗﯘﺭﯗﻟﺘﯧﻴﻰ ﻫﻪﺭ ﺑﻪﺵ ﻳﯩﻠﺪﺍ ﺑﯩﺮ ﻗﯧﺘﯩﻢ ﺋﯧﭽﯩﻠﯩﺪﯗ. ﻫﻪﺭ ﻗﯧﺘﯩﻢ ﺋﯧﭽﯩﻠﯩﺸﺘﯩﻦ ﺑﯘﺭﯗﻥ ، ﺳﯩﻴﺎﺳﯩﻲ ﻛﯚﺯ ﻗﺎﺭﯨﺸﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺩﯙﻟﻪﺕ ﭘﯘﻗﺮﺍﻟﯩﺮﯨﻨﻰ ﻗﺎﺗﺘﯩﻖ ﺑﺎﺳﺘﯘﺭﯗﭖ ﻛﯧﻠﯩﯟﺍﺗﯩﺪﯗ. ﺋﻪﻣﺪﻯ، ﻛﯧﻠﻪﺭ ﺋﺎﻳﺪﺍ 17 ‏- ﻗﯘﺭﯗﻟﺘﺎﻱ ﺋﯧﭽﯩﻠﯩﺶ ﺋﺎﻟﺪﯨﺪﺍ ﺗﯘﺭﻏﺎﻧﺪﺍ ﻳﻪﻧﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺋﻪﺯﺍﺳﻰ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻯ ﺟﯘ ﻳﯘﯕﻜﺎﯓ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺩﯙﻟﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺩﯛﺷﻤﻪﻧﻠﯩﺮﯨﮕﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﭗ ﺟﻪﻣﺌﯩﻴﻪﺗﻨﻰ ﺗﯩﻨﭽﻼﻧﺪﯗﺭﯗﺵ ﭘﯩﻼﻧﯩﻨﻰ ﺋﯧﻼﻥ ﻗﯩﻠﺪﻯ.

ﺟﯘ ﻳﯘﯕﻜﺎﯓ ﺑﯘ ﻫﻪﻗﺘﻪ ﻗﯩﻠﻐﺎﻥ ﺳﯚﺯﯨﺪﻩ، ﺑﻮﻟﯘﭘﻤﯘ ﺷﯩﻨﺠﺎﯓ، ﺗﯧﺒﻪﺕ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﺪﻯ. ﻣﯘﻻﻫﯩﺰﯨﻠﻪﺭﮔﻪ ﻗﺎﺭﯨﻐﺎﻧﺪﺍ ، ﻫﺎﺯﯨﺮ ﺧﯘ ﺟﯩﻨﺘﺎﯞ ﺑﯩﺮ ﻣﯘﻧﭽﻪ ﻗﯧﻴﯩﻦ ﻣﻪﺳﯩﻠﯩﮕﻪ ﺩﯗﭺ ﻛﻪﻟﮕﻪﻥ.

4 ‏- ﺧﯘ ﺟﯩﻨﺘﺎﯞﻧﯩﯔ 'ﺋﯩﺰ ﺑﺎﺳﺎﺭ ﺑﻪﻟﮕﯩﻠﻪﺵ' ﺟﻪﻫﻪﺗﺘﻪ ﻗﯧﻴﯩﻦ ﻣﻪﺳﯩﻠﯩﮕﻪ ﺩﯗﭺ ﻛﯧﻠﯩﯟﺍﺗﻘﺎﻧﻠﯩﻘﻰ

'ﻳﯧﯖﻰ ﺋﻪﺳﺮ ﮊﯗﺭﻧﯩﻠﻰ'ﺩﺍ ﺋﯧﻼﻥ ﻗﯩﻠﯩﻨﻐﺎﻥ "ﺋﻮﻥ ﻳﻪﺗﺘﯩﻨﭽﻰ ﻗﯘﺭﯗﻟﺘﺎﻱ ﯞﻩ ﺋﯩﺰ ﺑﺎﺳﺎﺭﻧﻰ ﻗﺎﻧﯘﻧﻼﺷﺘﯘﺭﯗﺵ ﻛﺮﯨﺰﯨﺴﻰ" ﺩﯦﮕﻪﻥ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯘ ﺟﯩﻨﺘﺎﯞ ﻫﺎﺯﯨﺮ 'ﺋﯩﺰ ﺑﺎﺳﺎﺭ ﺑﻪﻟﮕﯩﻠﻪﺵ' ﺟﻪﻫﻪﺗﺘﻪ ﻗﯧﻴﯩﻦ ﻣﻪﺳﯩﻠﯩﮕﻪ ﺩﯗﭺ ﻛﯧﻠﯩﯟﺍﺗﯩﺪﯗ. ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﻧﯩﺰﺍﻣﻨﺎﻣﯩﺴﯩﺪﺍ، ﮔﻪﺭﭼﻪ ﭘﺎﺭﺗﯩﻴﻪ ﻗﯘﺭﯗﻟﺘﯧﻴﻰ ﭘﺎﺭﺗﯩﻴﯩﻨﯩﯔ ﺋﻪﯓ ﺋﺎﻟﯩﻲ ﻫﻮﻗﯘﻗﻠﯘﻕ ﺋﻮﺭﮔﯩﻨﻰ ﺩﻩﭖ ﺑﻪﻟﮕﯩﻠﻪﻧﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﻪﻣﻪﻟﯩﻴﻪﺗﺘﻪ ﭘﺎﺭﺗﯩﻴﻪ ﻗﯘﺭﯗﻟﺘﯩﻴﯩﺪﺍ ﭘﻪﻗﻪﺕ ﺋﺎﻟﺪﯨﻦ ﺗﻪﻳﻴﺎﺭﻻﻧﻐﺎﻥ ﺳﯧﻬﯩﺮﻟﯩﻚ 'ﺋﻮﻳﯘﻧﻼﺭ' ﺳﻪﻫﻨﯩﺪﻩ ﺋﻮﻳﻨﯩﻠﯩﭗ ﺩﺍﻏﺪﯗﻏﺎ ﻗﯩﻠﯩﻨﯩﺪﯗ. 'ﯞﻩﻛﯩﻞ' ﻟﻪﺭﻧﯩﯔ ﺋﺎﻟﺪﯨﻦ ﻳﺎﺩﻟﯩﯟﺍﻟﻐﺎﻥ ﺗﯧﻜﯩﺴﺘﻠﻪﺭﻧﻰ ﺋﻮﻗﯘﭖ ﺑﯩﻠﺪﯛﺭﮔﻪﻥ ﺧﻮﺷﺎﻣﻪﺗﻠﯩﺮﻯ ﺗﯧﻠﯧﯟﯨﺰﻭﺭﺩﺍ ﻛﯚﺭﯛﻧﮕﻪﻧﺪﻩ، ﺧﻪﻟﻖ ﺋﯘﻻﺭﻏﺎ ﻟﻪﻧﻪﺕ ﺋﻮﻗﯘﻳﺪﯗ. ﺑﯘﻧﺪﺍﻕ ﻗﯘﺭﯗﻟﺘﺎﻳﺪﺍ ﺋﺎﺳﺎﺳﻪﻥ، ﺋﻪﯓ ﻧﻮﭘﯘﺯﻟﯘﻕ ﻛﯩﺸﯩﻠﻪﺭ ﯞﻩ 5 ﻳﯩﻠﺪﯨﻦ ﻛﯧﻴﯩﻦ ﺳﯩﻴﺎﺳﯩﻲ ﺳﻪﻫﻨﯩﮕﻪ ﭼﯩﻘﯩﺪﯨﻐﺎﻥ 'ﺋﯩﺰﺑﺎﺳﺎﺭﻻﺭ' ﺋﯚﺯﯨﻨﻰ ﻛﯚﺭﺳﯩﺘﯩﺪﯗ.

ﻣﻪﺯﻛﯘﺭ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﻗﯘﺭﯗﻟﯘﺷﺘﯩﻦ ﺑﯘﺭﯗﻥ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﯩﺴﻨﯩﯔ ﺑﺎﺷﻠﯩﻘﻠﯩﺮﯨﻨﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻣﻮﺳﻜﯟﺍﺩﯨﻦ ﺑﻪﻟﮕﯩﻠﻪﻳﺘﺘﻰ. ﻛﯧﻴﯩﻦ ﻣﺎﯞﺯﯦﺪﯗﯓ ﺋﯚﺯﻯ ﺑﻪﻟﮕﯩﻠﻪﻳﺪﯨﻐﺎﻥ ﺑﻮﻟﺪﻯ. ﺋﯘ ﺋﯩﻜﻜﯩﻨﻰ ﺑﻪﻟﮕﯩﻠﻪﭖ، ﻫﻪﺭ ﺋﯩﻜﻜﯩﻠﯩﺴﯩﻨﻰ ﺋﯚﺯﻯ ﻳﻮﻗﺎﺗﺘﻰ. ﺋﯘﻧﯩﯖﺪﯨﻦ ﻛﯧﻴﯩﻦ ﺩﯦﯔ ﺷﺎﯞﭘﯩﯖﻤﯘ ﺋﯚﺯﯨﻨﯩﯔ ﺋﯩﻜﻜﻰ ﺋﯩﺰ ﺑﺎﺳﺎﺭﯨﻨﻰ ﻳﻮﻗﯩﺘﯩﭗ، ﺟﺎﯓ ﺯﯦﻤﯩﻨﻨﻰ ﺑﻪﻟﮕﯩﻠﯩﺪﻯ. ﺋﻪﻣﻤﺎ ﺟﺎﯓ ﺯﯦﻤﯩﻦ ﺋﯚﺯﯨﻨﯩﯔ ﺋﯩﺰ ﺑﺎﺳﺎﺭﯨﻨﻰ ﺑﻪﻟﮕﯩﻠﯩﻴﻪﻟﻤﯩﺪﻯ، ﭼﯜﻧﻜﻰ ﺩﯦﯖﺸﺎﯞﭘﯩﯔ ﺋﯘﻧﯩﯔ ﺋﯩﺰ ﺑﺎﺳﺎﺭﻯ ﺧﯘ ﺟﯩﻨﺘﺎﯞ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﺎﻟﺪﯨﻦ ﺑﻪﻟﮕﯩﻠﻪﭖ ﻗﻮﻳﻐﺎﻥ ﺋﯩﺪﻯ.

ﻣﯘﺳﺘﻪﺑﯩﺘﻠﻪﺭﻧﯩﯔ 'ﻗﯘﺭﯗﻟﺘﺎﻱ' ، 'ﺳﺎﻳﻼﻡ' ﺩﯦﮕﻪﻥ ﺷﻪﻛﯩﻠﻠﻪﺭﺩﯨﻦ ﭘﺎﻳﺪﯨﻠﯩﻨﯩﺶ ﻧﻪﻳﺮﻩﯕﻠﯩﺮﯨﮕﻪ ﯞﺍﺭﯨﺴﻠﯩﻖ ﻗﯩﻠﻐﺎﻥ ﺧﯘ ﺟﯩﻨﺘﺎﯞ، 17 ‏- ﻗﯘﺭﯗﻟﺘﺎﻱ ﺋﯧﭽﯩﻠﯩﺸﺘﯩﻦ ﺑﯘﺭﯗﻥ ﺋﯧﻼﻥ ﻗﯩﻠﯩﻨﻐﺎﻥ 2217 ﻧﻪﭘﻪﺭ ﻗﯘﺭﯗﻟﺘﺎﻱ ﯞﻩﻛﯩﻠﯩﻨﯩﯔ ﺋﯩﭽﯩﮕﻪ، ﺳﯩﻴﺎﺳﯩﻲ ﺑﻴﯘﺭﻭﻧﯩﯔ ﻫﺎﺯﯨﺮﻗﻰ 8 ﻧﻪﭘﻪﺭ ﺩﺍﺋﯩﻤﯩﻲ ﺋﻪﺯﺍﺳﯩﺪﯨﻦ ﺑﺎﺷﻘﺎ ، ﺩﯙﻟﻪﺕ ﻛﺎﺑﯩﻨﯩﺘﻰ ﺋﯩﭽﻜﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﯩﻨﯩﺴﺘﯩﺮﻯ ﺯﯦﯔ ﺳﻪﻧﻨﯩﯔ ﺋﻮﻏﻠﻰ ﺯﯦﯔ ﭼﯩﯖﺨﯘﯓ، ﻫﻪﺭﺑﻰ ﻗﻮﻣﺎﻧﺪﺍﻥ ﻳﯧﺘﯩﺸﺘﯜﺭﯛﺵ ﺋﯩﻨﺴﺘﯩﺘﯘﺗﯩﺪﯨﻜﻰ ﮔﯧﻨﯧﺮﺍﻝ ﯞﯗﻧﯩﯔ ﺋﻮﻏﻠﻰ ﯞﯗ ﺑﺎﯕﮕﻮ، ﻳﯧﺰﺍ ﺋﯩﮕﯩﻠﯩﻚ ﻣﯩﯩﺴﺘﯩﺮﻟﯩﻘﯩﻨﯩﯔ ﻣﯘﺋﺎﯞﯨﻦ ﻣﯩﻨﯩﺴﺘﯩﺮﻯ ﻟﻴﯘ ﺭﯗﻳﻠﯘﯕﻨﯩﯔ ﻗﯩﺰﻯ ﻟﻴﯘ ﻳﻪﻧﺪﯗﯓ، ﺳﺎﺑﯩﻖ ﻣﯘﺋﺎﯞﯨﻦ ﺑﺎﺵ ﻣﯩﻨﯩﺴﺘﯩﺮ ﺑﻮ ﻳﯩﺒﻮﻧﯩﯔ ﺋﻮﻏﻠﻰ ﺑﻮ ﺷﯩﻠﻪﻱ، ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﭘﺎﺭﺗﯩﻴﻪ ﮔﯘﺭﯗﭘﭙﺎ ﺑﺎﺷﻠﯩﻘﻰ ﺧﯘﺍﯓ ﺟﯧﻨﻨﯩﯔ ﻛﯚﻳﺌﻮﻏﻠﻰ ﺩﻩﻱ ﺑﯩﯖﮕﻮ، ﺧﯘﺑﯧﻲ ﺋﯚﻟﻜﯩﺴﯩﻨﯩﯔ ﺑﺎﺷﻠﯩﻘﻰ ﺗﻴﻪﻥ ﻳﯩﯖﻨﯩﯔ ﺋﻮﻏﻠﻰ ﺗﻴﻪﻥ ﭼﯧﯖﭙﯩﯔ، ﺳﺎﺑﯩﻖ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺷﻰ ﺟﯘﯕﺸﯜﻧﻨﯩﯔ ﺋﻮﻏﻠﻰ ﺷﻰ ﺟﯩﻨﭙﯩﯔ، ﻣﺎﺷﯩﻨﯩﺴﺎﺯﻟﯩﻖ ﻣﯩﻨﯩﺴﯩﺘﯩﺮﻟﯩﻘﯩﻨﯩﯔ ﻣﯩﻨﯩﺴﺘﯩﺮﻯ ﺟﯘ ﺟﻪﻧﻨﻪﻧﻨﯩﯔ ﺋﻮﻏﻠﻰ ﺟﯘ ﺷﺎﯞﭼﯘﻩﻥ ... ﻗﺎﺗﺎﺭﻟﯩﻖ ﭘﻪﻗﻪﺕ ﻗﺎﻧﺪﺍﺷﻠﯩﻖ ﻣﯘﻧﺎﺳﯩﯟﯨﺘﯩﮕﻪ ﺗﺎﻳﯩﻨﯩﭙﻼ ﺩﯙﻟﻪﺗﻨﯩﯔ ﺑﺎﻳﻠﯩﻘﻠﯩﺮﯨﻨﻰ ﺗﻪﺧﺴﯩﯩﻤﻠﯩﯟﺍﻟﻐﺎﻥ ﻛﯩﺸﯩﻠﻪﺭﻧﯩﻤﯘ ﻛﯩﺮﮔﯜﺯﮔﻪﻥ. ﺧﯘ ﺟﯩﻨﺘﺎﯞ ﻫﻪﺗﺘﺎ ﺩﯦﯔ ﺷﺎﯞﭘﯩﯖﻨﯩﯔ ﺋﻮﻏﻠﻰ ﺩﯦﯔ ﺑﯘﻓﺎﯓ، ﻗﯩﺰﻯ ﺩﯦﯔ ﻧﻪﻥ، ﻟﻴﯘ ﺷﺎﯞﭼﯩﻨﯩﯔ ﺋﻮﻏﻠﻰ ﻟﻴﯘ ﻳﯘﻩﻥ، ﭼﯧﻦ ﻳﯩﻨﯩﯔ ﺋﻮﻏﻠﻰ ﭼﯧﻦ ﺧﺎﯞﺳﯘ، ﺧﯘ ﻳﺎﯞﺑﺎﯕﻨﯩﯔ ﺋﻮﻏﻠﻰ ﺧﯘ ﺩﯦﭙﯩﯔ ﻗﺎﺗﺎﺭﻟﯩﻘﻼﺭﻧﯩﻤﯘ ﺑﯘ ﺋﯩﺴﯩﻤﻠﯩﻜﻜﻪ ﻛﯩﺮﮔﯜﺯﯛﺷﻨﻰ ﺋﯘﻧﺘﯘﭖ ﻗﺎﻟﻤﯩﻐﺎﻥ. ﺧﯘ ﺟﯩﻨﺘﺎﯞ ﺑﯘ ﺋﺎﺭﻗﯩﻠﯩﻖ ﺳﺎﺑﯩﻖ ﻛﻮﻣﻤﯘﻧﯩﺴﺖ ﺋﻪﻣﻪﻟﺪﺍﺭﻟﯩﺮﯨﻨﯩﯔ 'ﻗﺎﻧﺪﺍﺷﻠﯩﻖ ﺗﻮﺭﻯ' ﻧﻰ ﺷﻪﻛﯩﻠﻠﻪﻧﺪﯛﺭﮔﻪﻥ.

ﻣﻪﺯﻛﯘﺭ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﮔﻪﺭﭼﻪ ﺧﯘ ﺟﯩﻨﺘﺎﯞ 'ﻗﯘﺭﯗﻟﺘﺎﻱ' ، 'ﺳﺎﻳﻼﻡ' ﺩﯦﮕﻪﻥ ﺷﻪﻛﯩﻠﻠﻪﺭﺩﯨﻦ ﭘﺎﻳﺪﯨﻠﯩﻨﯩﺸﻘﺎ ﻫﻪﺭ ﻗﺎﻧﭽﻪ ﻛﯚﭖ ﺗﯩﺮﯨﺸﯩﭗ ﺑﺎﻗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯘ ﺟﯩﻨﺘﺎﯞﻧﯩﯔ ﻛﯩﺸﯩﻨﻰ ﻗﺎﻳﯩﻞ ﻗﯩﻼﻟﯩﻐﯘﺩﻩﻙ ﭼﻮﯓ ﻧﻪﺗﯩﺠﯩﺴﻰ ﻳﺎﻛﻰ ﻧﻮﭘﯘﺯﻯ ﺑﻮﻟﻤﯩﻐﺎﻧﻠﯩﻘﺘﯩﻦ، ﺋﯘﻧﯩﯔ ﻫﺎﺯﯨﺮ ﺋﯩﺰ ﺑﺎﺳﺎﺭ ﺑﻪﻟﮕﯩﻠﻪﺷﻜﻪ ﺋﯩﻘﺘﯩﺪﺍﺭﻯ ﻳﻪﺗﻤﻪﻳﯟﺍﺗﯩﺪﯗ. ﻗﯘﺭﯗﻟﺘﺎﻱ ﯞﻩﻛﯩﻠﻠﯩﺮﻯ ﺋﯩﺴﯩﻤﻠﯩﻜﯩﺪﻩ ﺟﺎﯓ ﺯﯦﻤﯩﻨﻨﯩﯔ ﻧﺎﻣﻰ ﺑﻮﻟﻤﯩﻐﺎﻧﻠﯩﻘﯩﻤﯘ ﺋﯩﺰ ﺑﺎﺳﺎﺭ ﺑﻪﻟﮕﯩﻠﻪﺵ ﺟﻪﻫﻪﺗﺘﯩﻜﻰ ﺋﯩﭽﻜﻰ ﺋﯘﺭﯗﺷﻨﯩﯔ ﺋﯩﻨﻜﺎﺳﻰ.

5 ‏- ﻣﯩﯖﺪﯨﻦ ﺋﺎﺭﺗﯘﻕ ﺩﺍﯕﻠﯩﻖ ﺯﯨﻴﺎﻟﯩﻴﻼﺭ، ﺋﺎﺩﯞﻭﻛﺎﺗﻼﺭ ﺋﻮﭼﯘﻕ ﺧﻪﺕ ﺋﯧﻼﻥ ﻗﯩﻠﯩﭗ ﺋﻪﺭﻛﯩﻨﻠﯩﻚ ﺗﻪﻟﻪﭖ ﻗﯩﻠﻐﺎﻧﻠﯩﻘﻰ

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﻰ ﺋﯧﭽﯩﻠﯩﺸﺘﯩﻦ ﺑﯘﺭﯗﻧﻘﻰ ﺑﯘﻧﺪﺍﻕ ﯞﻩﺯﯨﻴﻪﺗﺘﻪ، 8 ‏- ﺋﺎﻳﻨﯩﯔ ﺋﺎﺧﯩﺮﯨﺪﺍ، ﺧﯩﺘﺎﻳﺪﺍ ﻣﯩﯖﺪﯨﻦ ﺋﺎﺭﺗﯘﻕ ﺩﺍﯕﻠﯩﻖ ﺯﯨﻴﺎﻟﯩﻴﻼﺭ، ﺋﺎﺩﯞﻭﻛﺎﺗﻼﺭ ﺋﯩﻤﺰﺍ ﻗﻮﻳﯘﭖ ﺋﻮﭼﯘﻕ ﺧﻪﺕ ﺋﯧﻼﻥ ﻗﯩﻠﯩﭗ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺪﯨﻦ ﺋﯚﺯﯨﻨﯩﯔ ﺑﯘﺭﯗﻧﻘﻰ ﯞﻩﺩﯨﻠﯩﺮﯨﮕﻪ ﺋﻪﻣﻪﻝ ﻗﯩﻠﯩﭗ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﺴﯩﺪﯨﻦ ﺑﯘﺭﯗﻥ ﺋﻪﺭﻛﯩﻨﻠﯩﻜﻨﻰ ﻳﻮﻟﻐﺎ ﻗﻮﻳﯘﺷﻨﻰ، ﻛﯩﺸﯩﻠﯩﻚ ﻫﻮﻗﯘﻗﻘﺎ ﻫﯚﺭﻣﻪﺕ ﻗﯩﻠﯩﺸﻨﻰ، ﻛﯩﺸﯩﻠﻪﺭﻧﯩﯔ ﭘﯩﻜﯩﺮ ‏- ﺑﺎﻳﺎﻥ ﺋﻪﺭﻛﯩﻨﻠﯩﻜﯩﻨﻰ، ﺋﯩﻨﺘﯧﺮﻧﯧﺖ ﺋﻪﺭﻛﯩﻨﻠﯩﻜﯩﻨﻰ ﻳﻮﻟﻐﺎ ﻗﻮﻳﯘﺷﻨﻰ، ﻗﯩﺴﻘﯩﺴﻰ 'ﺋﯧﻐﯩﺰ ﺧﺎﺗﺎﻟﯩﻘﻰ' ﺩﯦﮕﻪﻥ ﺟﯩﻨﺎﻳﻪﺗﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺷﯩﻨﻰ ﺗﻪﻟﻪﭖ ﻗﯩﻠﺪﻯ.

ﺑﯘ ﻫﺎﺯﯨﺮ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﯩﻠﻪﻥ ﺧﻪﻟﻖ ﺋﻮﺗﺘﯘﺭﯨﺴﯩﺪﯨﻜﻰ ﺟﯩﺪﺩﯨﻲ ﻗﺎﺭﯨﻤﯘ-ﻗﺎﺭﺷﯩﻠﯩﻘﻨﯩﯔ ﺋﯩﭙﺎﺩﯨﺴﻰ.

6 ‏- ﺧﯩﺘﺎﻳﺪﺍ ﻣﯩﻠﻠﻪﺗﭽﯩﻠﯩﻜﻨﯩﯔ ﺋﻪﯞﺝ ﺋﯧﻠﯩﯟﺍﺗﻘﺎﻧﻠﯩﻐﻰ

ﻛﯚﺯﯨﺘﯩﺶ ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ 'ﺧﯩﺘﺎﻳﺪﺍ ﺋﻪﯞﺝ ﺋﯧﻠﯩﯟﺍﺗﻘﺎﻥ ﻣﯩﻠﻠﻪﺗﭽﯩﻠﯩﻚ ﺗﻪﺗﯜﺭ ﺋﯧﻘﯩﻤﻰ' ﺩﯦﮕﻪﻥ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﭼﻮﯓ ﻗﯘﺭﯗﻗﻠﯘﻗﺘﺎ ﻫﺎﺯﯨﺮ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﻜﻰ ﻳﯘﻗﯩﺮﻯ ﭘﻪﻟﻠﯩﮕﻪ ﻛﯚﺗﯜﺭﯛﻟﻤﻪﻛﺘﻪ. ﺧﯩﺘﺎﻳﺪﺍ ﻫﺎﺯﯨﺮ ﺋﻪﯞﺝ ﺋﯧﻠﯩﯟﺍﺗﻘﺎﻥ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﻜﯩﻨﯩﯔ ﺑﯩﺮ ﺋﺎﻻﻫﯩﺪﯨﻠﯩﻜﻰ 'ﺋﯚﺯﻯ ﺑﯩﻠﻪﻥ ﺋﻮﺧﺸﯩﻤﯩﻐﺎﻥ ﻣﯩﻠﻠﻪﺗﻠﻪﺭﻧﻰ ﺧﯩﺘﺎﻳﻼﺷﺘﯘﺭﯗﺵ' ﺋﺎﺭﻗﯩﻠﯩﻖ ﺋﯩﻨﺴﯩﺎﻧﯩﻴﻪﺕ ﺩﯗﻧﻴﺎﺳﯩﺪﯨﻜﻰ ﺋﯩﻠﻐﺎﺭ ﻣﻪﺩﻩﻧﯩﻴﻪﺗﻠﻪﺭﻧﻰ ﭼﻪﺗﻜﻪ ﻗﯧﻘﯩﺸﻘﺎ ﺋﯘﺭﯗﻧﯘﺷﺘﯩﻦ ﺋﯩﺒﺎﺭﻩﺕ.

ﺧﻮﯕﻜﻮﯕﺪﺍ ﺋﯧﻼﻥ ﻗﯩﻠﯩﻨﯩﯟﺍﺗﻘﺎﻥ ﻣﯘﻻﻫﯩﺰﯨﻠﻪﺭﮔﻪ ﻗﺎﺭﯨﻐﺎﻧﺪﺍ، ﻫﺎﺯﯨﺮﻗﻰ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﻚ ﺋﻪﺳﻪﺑﯩﻴﻠﯩﻜﻰ ، ﺑﯩﺮﯨﻨﭽﯩﺪﯨﻦ، ﺳﯩﻴﺎﺳﯩﻲ ﺑﯩﻠﻪﻥ ﺩﯨﻨﻨﻰ ﺑﯩﺮﻟﻪﺷﺘﯜﺭﮔﻪﻥ ' ﻛﯘﯕﺰﯨﭽﯩﻠﯩﻖ ﺳﻮﺗﺴﯩﻴﺎﻟﯩﺰﻣﻰ' ﻗﯘﺭﯗﭖ، ﺑﯘ ﺋﺎﺭﻗﯩﻠﯩﻖ ﺋﯩﻨﺴﺎﻧﯩﻴﻪﺗﺘﯩﻜﻰ ﺑﺎﺷﻘﺎ ﺋﯩﻠﻐﺎﺭ ﻣﻪﺩﻩﻧﯩﻴﻪﺗﻠﻪﺭﻧﻰ ﭼﻪﺗﻜﻪ ﻗﯧﻘﯩﺶ؛ ﺋﯩﻜﻜﯩﻨﭽﯩﺪﯨﻦ، ﺋﯩﻘﺘﯩﺴﺎﺩﯨﻲ ﭘﺎﺋﺎﻟﯩﻴﻪﺗﻠﻪﺭﻧﻰ ﺳﯩﻴﺎﺳﯩﻴﻼﺷﺘﯘﺭﯗﺵ ﺋﺎﺭﻗﯩﻠﯩﻖ ﺩﯙﻟﻪﺕ ﺑﺎﻳﻠﯩﻘﯩﻨﻰ ﯞﻩ ﭼﻪﺗﺌﻪﻟﻠﻪﺭ ﺑﯩﻠﻪﻥ ﺷﯩﺮﯨﻜﻠﯩﺸﯩﭗ ﺗﻪﺭﻩﻗﻘﻰ ﻗﯩﻠﺪﯗﺭﯗﻟﻐﺎﻥ ﺋﯩﮕﯩﻠﯩﻜﻨﻰ ﺋﯚﺯﯨﻨﯩﯔ ﺧﯘﺳﯘﺳﯩﻲ ﻣﯜﻟﻜﯩﮕﻪ ﺋﺎﻳﻼﻧﺪﯗﺭﯗﯞﯦﻠﯩﺶ؛ ﺋﯜﭼﯩﻨﭽﯩﺪﯨﻦ، ﺋﯘﺭﯗﺵ ﯞﻩﻫﯩﻤﯩﺴﻰ ﭘﻪﻳﺪﺍ ﻗﯩﻠﯩﺶ ﺋﺎﺭﻗﯩﻠﯩﻖ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﻫﻪﺭﺑﯩﻲ ﻛﯜﭼﯩﻨﻰ ﺋﺎﺷﯘﺭﯗﺵ؛ ﺗﯚﺗﯩﻨﭽﯩﺪﯨﻦ ﻣﺎﺋﺎﺭﯨﭗ ﺳﺎﻫﻪﺳﯩﺪﻩ ﺑﺎﻟﯩﻼﺭﻏﺎ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﻜﯩﻨﻰ ﺳﯩﯖﺪﯛﺭﯛﺵ، ﺑﺎﺷﻘﺎ ﻣﯩﻠﻠﻪﺗﻠﻪﺭﻧﯩﯔ ﺗﯩﻞ -ﻳﯧﺰﯨﻖ ﯞﻩ ﻣﻪﺩﻩﻧﯩﻴﻪﺕ ﺋﻪﻧﺌﻪﻧﯩﻠﯩﺮﯨﻨﻰ ﯞﻩﻳﺮﺍﻥ ﻗﯩﻠﯩﺶ؛ ﺑﻪﺷﯩﻨﭽﯩﺪﯨﻦ، ﺧﯩﺘﺎﻱ ﻣﯩﻠﻠﯩﺘﯩﻨﯩﯔ ﻣﯩﻠﻠﻪﺕ ﮔﻪﯞﺩﯨﺴﯩﻨﻰ ﺗﻪﻛﯩﺘﻠﻪﺵ ﺋﺎﺭﻗﯩﻠﯩﻖ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﻰ ﺋﺎﺳﺴﯩﻤﯩﻼﺗﺴﯩﻴﻪ ﻗﯩﻠﯩﺸﻨﻰ ﺗﯧﺰﻟﯩﺘﯩﺶ؛ ﺋﺎﻟﺘﯩﻨﭽﯩﺪﯨﻦ، ﺋﯩﺪﯦﺌﻮﻟﻮﮔﯩﻴﻪ ﺳﺎﻫﻪﺳﯩﺪﻩ ﺗﯧﺮﺭﻭﺭﭼﯩﻠﯩﻖ ﺗﯘﻳﻐﯘﺳﯩﻨﻰ ﭘﻪﻳﺪﺍ ﻗﯩﻠﯩﭗ، ﺩﯗﻧﻴﺎ ﻣﻪﺩﻩﻧﯩﻴﯩﺘﯩﻨﯩﯔ ﺋﻪﺭﻛﯩﻨﻠﯩﻚ ﺭﻭﻫﯩﻨﻰ ﭼﻪﻛﻠﻪﺵ، ﺋﻪﺳﻪﺑﯩﻲ ﺳﻮﻟﭽﯩﻼﺭﻏﺎ ﺗﺎﻳﯩﻨﯩﭗ ﭘﯘﻗﺮﺍﻻﺭﻏﺎ ﺧﺎﻟﯩﻐﺎﻧﭽﻪ ﻗﺎﻟﭙﺎﻕ ﻛﯩﻴﮕﯜﺯﯛﺵ، ﺑﻪﺩﻧﺎﻡ ﺗﻮﻗﯘﭖ ﺯﻩﺭﺑﻪ ﺑﯧﺮﯨﺶ ﻗﺎﺗﺎﺭﻟﯩﻘﻼﺭﺩﯨﻦ ﺋﯩﺒﺎﺭﻩﺕ. ﻫﺎﺯﯨﺮ ﺧﯩﺘﺎﻳﺪﺍ ﺋﻪﯞﺝ ﺋﯧﻠﯩﯟﺍﺗﻘﺎﻥ ﺑﯘﻧﺪﺍﻕ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﻜﯩﻨﯩﯔ ﻣﻪﺯﻣﯘﻧﻠﯩﺮﻯ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﻰ ﺗﺎﺭﻗﺎﺗﻘﺎﻥ ﻫﯚﺟﺠﻪﺗﻠﻪﺭﺩﻩ ﺋﯩﭙﺎﺩﯨﻠﯩﻨﯩﺪﯗ. (ﯞﻩﻟﻰ)