ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﯩﺪﯨﻦ ﺑﯘﺭﯗﻧﻘﻰ ﺋﺎﻻﻣﻪﺗﻠﻪﺭ(4)

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯘ ﺟﯩﻨﺘﺎﯞ، ﯞﯦﻦ ﺟﻴﺎﺑﺎﯞ ﯞﻩ ﺯﯦﯔ ﭼﯩﯖﺨﻮﯕﻼﺭ 3 - ﺋﺎﻳﻨﯩﯔ 16 - ﻛﯜﻧﯩﺪﯨﻜﻰ، ﺧﯩﺘﺎﻱ ﻣﻪﻣﻠﯩﻜﻪﺗﻠﯩﻚ ﺧﻪﻟﯩﻖ ﻗﯘﺭﯗﻟﺘﯩﻴﯩﻨﯩﯔ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﺪﺍ. AFP Photo

ﺧﯩﺘﺎﻳﺪﺍ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ 17 ‏- ﻗﯘﺭﯗﻟﺘﯧﻴﻰ ﺋﯧﭽﯩﻠﯩﺸﺘﯩﻦ ﺑﯘﺭﯗﻥ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺳﯩﻴﺎﺳﯩﻲ ﻛﯚﺯ ﻗﺎﺭﯨﺸﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺩﯙﻟﻪﺕ ﭘﯘﻗﺮﺍﻟﯩﺮﯨﻨﻰ ﻗﺎﺗﺘﯩﻖ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﻰ ﺟﻪﺭﻳﺎﻧﯩﺪﺍ، ﭘﯩﺸﻘﻪﺩﻩﻡ ﻛﻮﻣﻤﯘﻧﯩﺴﺘﻼﺭﺩﯨﻦ 170 ﻛﯩﺸﻰ ﺧﯘ ﺟﯩﻨﺘﺎﯞﻏﺎ ﺧﻪﺕ ﻳﯧﺰﯨﺶ ﺋﺎﺭﻗﯩﻠﯩﻖ، ﺋﻮﭼﯘﻕ-ﺋﺎﺷﻜﺎﺭﺍ ﻫﺎﻟﺪﺍ ﻣﺎﯞﺯﯦﺪﯗﯕﻨﻰ ﻫﯧﻤﺎﻳﻪ ﻗﯩﻠﯩﭗ، ﺩﯦﯔ ﺷﺎﯞﭘﯩﯖﻨﻰ ﺗﻪﻧﻘﯩﺪﻟﯩﺪﻯ. ﺑﯘ ﻫﺎﺯﯨﺮ ﺧﯘ ﺟﯩﻨﺘﺎﯞ ﺩﯗﭺ ﻛﯧﻠﯩﯟﺍﺗﻘﺎﻥ ﻳﻪﻧﻪ ﺑﯩﺮ ﻗﯧﻴﯩﻦ ﻣﻪﺳﯩﻠﻪ.

8 ‏- ﻳﯧﻘﯩﻨﺪﺍ 170 ﻛﯩﺸﯩﻨﯩﯔ ﺧﯘ ﺟﯩﻨﺘﺎﯞﻏﺎ ﺧﻪﺕ ﻳﯧﺰﯨﭗ ﺩﯦﯔ ﺷﺎﯞﭘﯩﯖﻐﺎ ﻗﺎﺭﺷﻰ ﺗﻪﻧﻘﯩﺪ ﺋﺎﭼﻘﺎﻧﻠﯩﻘﻰ

'ﺋﺎﻣﯧﺮﯨﻜﺎ ﺋﺎﯞﺍﺯﻯ'ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﻰ ﺋﯧﭽﯩﻠﯩﺶ ﯞﺍﻗﺘﻰ ﻳﯧﻘﯩﻨﻠﯩﺸﯩﯟﺍﺗﻘﺎﻥ ﻣﯘﺷﯘ ﭘﻪﻳﺘﺘﻪ، ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺋﻮﺭﮔﺎﻧﻠﯩﺮﯨﺪﺍ، ﻳﻪﺭﻟﯩﻚ ﺗﺎﺭﻣﺎﻗﻼﺭﺩﺍ ﺋﺎﺭﺍﻣﻐﺎ ﭼﯩﻘﻘﺎﻥ ﺋﻪﻣﻪﻟﺪﺍﺭﻻﺭ، ﻣﻪﺭﻛﯩﺰﻯ ﭘﺎﺭﺗﯩﻴﻪ ﻣﻪﻛﺘﯩﭙﻰ ﯞﻩ ﺑﻪﺯﻯ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﯨﻜﻰ ﭘﺮﻭﻓﯧﺴﺴﻮﺭﻻﺭﺩﯨﻦ 170 ﻛﯩﺸﻰ ﺑﯩﺮﻟﯩﻜﺘﻪ ﺧﯘ ﺟﯩﻨﺘﺎﯞﻏﺎ 24 ﻣﯩﯔ ﺧﻪﺗﻠﯩﻚ ﺗﻪﭘﺴﯩﻠﯩﻲ ﺗﻪﻛﻠﯩﭗ ﻳﺎﺯﻏﺎﻥ. ﺑﯧﻴﺠﯩﯔ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﯩﻴﺎﺳﻪﺕ ﺗﻪﺗﻘﯩﻘﺎﺗﭽﯩﺴﻰ ﺟﺎﯓ ﺯﯗﺧﯘﺍ ﺋﻪﭘﻪﻧﺪﯨﻨﯩﯔ ﭼﯜﺷﻪﻧﺪﯛﺭﯛﺷﻰ ﺑﯘﻳﯩﭽﻪ ﺋﯧﻴﺘﻘﺎﻧﺪﺍ، ﺑﯘ ﻗﯧﺘﯩﻢ ﺧﯘ ﺟﯩﻨﺘﺎﯞﻏﺎ ﺧﻪﺕ ﻳﺎﺯﻏﺎﻥ ﻛﻮﻧﺎ ﺳﻮﻟﭽﯩﻼﺭ ﺩﯦﯔ ﺷﺎﯞﭘﯩﯖﻨﻰ 'ﻛﺎﭘﯩﺘﺎﻟﯩﺰﻡ ﻳﻮﻟﯩﻐﺎ ﻣﺎﯕﻐﺎﻥ ﻫﻮﻗﯘﻗﺪﺍﺭ' ﺩﻩﭖ ﻛﯧﻠﯩﯟﺍﺗﻘﺎﻧﻼﺭ ﺋﯩﺪﻯ. ﺋﯘﻻﺭ ﺑﯘ ﻗﯧﺘﯩﻢ ﻳﻪﻧﻪ ﺩﯦﯔ ﺷﺎﯞﭘﯩﯖﻨﻰ ﻣﺎﺭﻛﯩﺴﯩﺰﻡ -ﻣﺎﯞﺯﯦﺪﯗﯓ ﺋﯩﺪﯨﻴﯩﺴﯩﻨﻰ ﺋﯚﺯﮔﻪﺭﺗﯩﭗ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﻰ، ﻫﻪﺗﺘﺎ ﻛﺎﭘﯩﺘﺎﻟﯩﺴﺘﻼﺭﻣﯘ ﺋﻪﺯﺍ ﺑﻮﻟﯘﭖ ﻛﯩﺮﻩﻟﻪﻳﺪﯨﻐﺎﻥ 'ﺋﻮﻣﯘﻣﺨﻪﻟﯩﻖ ﭘﺎﺭﺗﯩﻴﯩﺴﻰ' ﮔﻪ ﺋﯚﺯﮔﻪﺭﺗﯩﯟﻩﺗﺘﻰ؛ ﺩﯦﯔ ﺷﺎﯞﭘﯩﯖﻨﯩﯔ ﻏﺎﻳﯩﺴﯩﺪﯨﻜﻰ ﻛﺎﭘﯩﺘﺎﻟﯩﺰﻣﻨﻰ ﺟﺎﯓ ﺯﯦﻤﯩﻦ ﺋﻪﻣﻪﻟﮕﻪ ﺋﺎﺷﯘﺭﺩﻯ، ﺩﻩﭖ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ.

ﺑﯧﻴﺠﯩﯔ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺋﯩﻘﺘﯩﺴﺎﺩﺷﯘﻧﺎﺱ ﭘﺮﻭﻓﯧﺴﺴﻮﺭ ﺷﺎ ﻳﯧﻠﻴﺎﯕﻨﯩﯔ ﺗﻪﻫﻠﯩﻞ ﻗﯩﻠﯩﺸﯩﭽﻪ، ﺧﯘ ﺟﯩﻨﺘﺎﯞﻏﺎ ﺧﻪﺕ ﻳﺎﺯﻏﺎﻥ ﻛﻮﻣﻤﯘﻧﯩﺴﺖ ﺳﻮﻟﭽﯩﻠﯩﺮﻯ ﺑﯘ ﻗﯧﺘﯩﻢ ﺋﯧﭽﯩﻠﯩﺪﯨﻐﺎﻥ 17 ‏- ﻗﯘﺭﯗﻟﺘﺎﻱ ﺋﺎﺭﻗﯩﻠﯩﻖ 'ﻣﺎﯞﺯﯦﺪﯗﯓ ﺩﻩﯞﺭﻯ'ﺩﯨﻜﻰ 'ﭘﯩﻼﻧﻠﯩﻖ ﺋﯩﮕﯩﻠﯩﻚ' ﻛﻪ ﻗﺎﻳﺘﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ. ﺋﯘﻻﺭ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯩﭽﯩﺪﯨﻜﻰ ﻫﺎﺯﯨﺮﻗﻰ ﺧﯩﻴﺎﻧﻪﺗﭽﯩﻠﯩﻚ- ﭼﯩﺮﯨﻜﻠﯩﺸﯩﺸﻨﻰ ﺩﯦﯔ ﺷﺎﯞﭘﯩﯔ ﻧﻪﺯﯨﺮﯨﻴﯩﺴﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ ﺩﻩﭖ ﻗﺎﺭﯨﻐﺎﻥ.

ﺑﯘ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﯘ ﺟﯩﻨﺘﺎﯞ 6 ‏- ﺋﺎﻳﻨﯩﯔ 25 ‏- ﻛﯜﻧﻰ ﻗﯩﻠﻐﺎﻥ ﺳﯚﺯﯨﺪﻩ، ﺑﯘﻧﯩﯖﺪﯨﻦ ﻛﯧﻴﯩﻦ 'ﭘﻪﻥ-ﺋﯩﻠﯩﻤﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ' ﺷﯘﺋﺎﺭﯨﻨﻰ ﺋﺎﺳﺎﺳﯩﻲ ﺋﻮﺭﯗﻧﻐﺎ ﻗﻮﻳﯘﺷﻨﻰ ﺗﻪﻛﯩﺘﻠﻪﺵ ﺋﺎﺭﻗﯩﻠﯩﻖ، ﺑﯘﻧﯩﯖﺪﯨﻦ ﺑﯘﺭﯗﻧﻘﻰ 'ﺋﯩﻘﯩﺘﯩﺴﺎﺩﻧﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺵ' ﺷﯘﺋﺎﺭﻯ ﺋﺎﺳﺎﺳﯩﻲ ﺋﻮﺭﯗﻧﻐﺎ ﻗﻮﻳﯘﻟﻐﺎﻥ ﻳﯚﻧﯩﻠﯩﺸﯩﻨﻰ ﺋﯚﺯﮔﻪﺭﺗﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﮕﻪﻥ ﺋﯩﺪﻯ. ﺋﻪﻣﺪﻯ ﺧﯘ ﺟﯩﻨﺘﺎﯞ ﻣﺎﯞﺯﯦﺪﯗﯕﻨﻰ ﻳﺎﻗﻼﻳﺪﯨﻐﺎﻥ ﺗﻪﺭﻩﭘﺘﻪ ﺗﯘﺭﺍﻣﺪﯗ ﻳﺎﻛﻰ ﺩﯦﯔ ﺷﺎﯞﭘﯩﯖﻨﻰ ﻳﺎﻗﻼﻳﺪﯨﻐﺎﻥ ﺗﻪﺭﻩﭘﺘﻪ ﺗﯘﺭﺍﻣﺪﯗ؟ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﯩﻜﻜﯩﮕﻪ ﭘﺎﺭﭼﯩﻠﯩﻨﺎﻣﺪﯗ ﻳﺎﻛﻰ ﺧﯘ ﺟﯩﻨﺘﺎﯞ ﺋﯘﻧﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﻩﻣﺪﯗ؟ ﺧﯘ ﺟﯩﻨﺘﺎﯞ ﻫﺎﺯﯨﺮ ﺭﺍﺳﺘﯩﻨﻰ ﺋﯧﻴﺘﻤﯩﺴﺎ ﺑﻮﻟﻤﺎﻳﺪﯨﻐﺎﻥ ﯞﺍﻗﯩﺖ ﺑﻮﻟﯘﭖ ﻗﺎﻟﺪﻯ.

9 ‏- ﻣﺎﯞﺯﯦﺪﯗﯓ ﺩﻩﯞﺭﯨﺪﯨﻜﻰ 'ﺋﻮﯕﭽﻰ'ﻻﺭﻏﺎ ﻗﺎﺭﺷﻰ ﺗﯘﺭﯗﺵ ﻫﻪﺭﯨﻜﯩﺘﻰ ﻫﻪﻗﻘﯩﺪﯨﻜﻰ ﺗﻪﺗﻘﯩﻘﺎﺗﻼﺭﻧﯩﯔ ﺋﻪﯞﺝ ﺋﯧﻠﯩﯟﺍﺗﻘﺎﻧﻠﯩﻐﻰ

ﺧﯘ ﺟﯩﻨﺘﺎﯞ ﻫﺎﺯﯨﺮ ﺩﯗﭺ ﻛﯧﻠﯩﯟﺍﺗﻘﺎﻥ ﻳﻪﻧﻪ ﺑﯩﺮ ﻗﯧﻴﯩﻦ ﻣﻪﺳﯩﻠﻪ ﺷﯘﻛﻰ، ﮔﻪﺭﭼﻪ ﻫﺎﺯﯨﺮ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﭼﯘﺭ ﯞﺍﺳﺘﯩﻠﯩﺮﯨﻐﺎ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻗﻰ ﻧﺎﻫﺎﻳﯩﺘﻰ ﻗﺎﺗﺘﯩﻖ ﺑﻮﻟﺴﯩﻤﯘ، ﺋﻪﻣﻤﺎ ﺩﯙﻟﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺯﯨﻴﺎﻟﯩﻴﻼﺭ ﻗﺎﺗﺘﯩﻖ ﺑﯧﺴﯩﻤﻐﺎ ﻗﺎﺭﯨﻤﺎﻱ، ﻳﻪﻧﯩﻼ ﻣﺎﯞﺯﯦﺪﯗﯓ ﺩﻩﯞﺭﯨﺪﯨﻜﻰ 'ﺋﻮﯕﭽﻰ'ﻻﺭﻏﺎ ﻗﺎﺭﺷﻰ ﺗﯘﺭﯗﺵ ﻫﻪﺭﯨﻜﯩﺘﻰ ﻫﻪﻗﻘﯩﺪﯨﻜﻰ ﺗﻪﺗﻘﯩﻘﺎﺗﻼﺭﻧﻰ ﻛﻪﯓ ﺩﺍﺋﯩﺮﯨﺪﻩ ﻳﻮﻟﻐﺎ ﻗﻮﻳﯘﭖ، ﻣﺎﯞﺯﯦﺪﯗﯕﻨﯩﯔ ﺧﻪﻟﻘﻘﻪ ﺳﺎﻟﻐﺎﻥ ﺯﯗﻟﯘﻣﻠﯩﺮﯨﻨﻰ ﭘﺎﺵ ﻗﯩﻠﯩﯟﺍﺗﯩﺪﯗ.

'ﻛﯚﺯﯨﺘﯩﺶ ﮊﯗﺭﻧﯩﻠﻰ'ﻧﯩﯔ ﺑﺎﺵ ﻣﯘﻫﻪﺭﺭﯨﺮﻯ ﭼﯧﻦ ﻛﯘﻳﺪﯤ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻣﺎﯞﺯﯦﺪﯗﯓ ﺩﻩﯞﺭﯨﺪﻩ 'ﺋﻮﯕﭽﻰ' ﺩﯦﮕﻪﻥ ﺟﯩﻨﺎﻳﻰ ﻧﺎﻡ ﺟﺎﺯﺍﻻﻧﻐﺎﻥ ﻛﯩﺸﯩﻠﻪﺭ ﻧﯧﻤﻪ ﺋﯩﺶ ﻗﯩﻠﻐﺎﻧﻠﯩﻘﯩﺪﯨﻦ ﺋﻪﻣﻪﺱ، ﺑﻪﻟﻜﻰ ﺭﯨﺌﺎﻝ ﺋﻪﻫﯟﺍﻟﻨﻰ ﺭﺍﺳﺘﭽﯩﻠﻠﯩﻖ ﺑﯩﻠﻪﻥ ﺋﯩﻨﻜﺎﺱ ﻗﯩﻠﻐﺎﻧﻠﯩﻘﯩﺪﯨﻦ ﺟﺎﺯﺍﻻﻧﻐﺎﻥ ﻛﯩﺸﯩﻠﻪﺭ. ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺯﯨﻴﺎﻟﯩﻴﻼﺭ ﺋﻪﺭﻛﯩﻦ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺸﻨﻰ ﺋﺎﺭﺯﯗ ﻗﯩﻠﯩﺪﯗ، ﺑﯘ ﺋﯘﻻﺭﻧﯩﯔ ﺋﻮﺭﺗﺎﻕ ﺑﻪﻟﮕﯩﺴﻰ ﺋﯩﺪﻯ. ﺋﻪﻳﻨﻰ ﯞﺍﻗﯩﺘﺘﺎ ﺧﯩﺘﺎﻳﺪﺍ 5 ﻣﯩﻠﻴﻮﻥ ﺯﯨﻴﺎﻟﯩﻲ ﺑﺎﺭ ﺩﯦﻴﯩﻠﻪﺗﺘﻰ. ﻫﯚﻛﯜﻣﻪﺗﻨﯩﯔ ﺳﺎﻧﻠﯩﻖ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، 'ﺋﻮﯕﭽﻰ' ﺩﻩﭖ ﺑﯧﻜﯩﺘﯩﻠﮕﻪﻥ ﻛﯩﺸﯩﻠﻪﺭﻧﯩﯔ ﺳﺎﻧﻰ 550 ﻣﯩﯔ. ﺋﻪﻣﻤﺎ ﺑﯘ ﺳﺎﻧﻐﺎ ﻳﯧﺰﺍ- ﺑﺎﺯﺍﺭ ﺩﻩﺭﯨﺠﯩﻠﯩﻚ ﺋﻮﺭﯗﻧﻼﺭﺩﯨﻜﻰ ﺯﯨﻴﺎﻟﯩﻴﻼﺭ ﻛﯩﺮﮔﯜﺯﯛﻟﻤﯩﮕﻪﻥ. ﺋﯘﻧﻰ ﻗﻮﺷﻘﺎﻧﺪﺍ 10 ﻣﯩﻠﻴﻮﻧﺪﯨﻦ ﺋﺎﺷﯩﺪﯗ.

ﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﺎﻟﻰ ﺗﻪﺗﻘﯩﻘﺎﺗﭽﯩﺴﻰ ﮔﻮ ﻟﻮﺟﻰ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، 'ﭘﺎﺭﺗﯩﻴﯩﮕﻪ، ﺳﻮﺗﺴﯩﻴﺎﻟﯩﺰﻣﻐﺎ ﻗﺎﺭﺷﻰ ﺗﯘﺭﯗﺵ ﺟﯩﻨﺎﻳﯩﺘﻰ' ﺩﯦﮕﻪﻥ ﺟﯩﻨﺎﻳﻰ ﻧﺎﻣﻤﯘ 1957 ‏- ﻳﯩﻠﯩﺪﯨﻜﻰ ﺋﻮﯕﭽﯩﻼﺭﻏﺎ ﻗﺎﺭﺷﻰ ﺗﯘﺭﯗﺵ ﻫﻪﺭﯨﻜﯩﺘﯩﺪﯨﻦ ﺑﺎﺷﻼﭖ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ. ﻛﻮﻣﻤﯘﻧﯩﺴﺖ ﺳﻮﻟﭽﯩﻠﯩﺮﻯ ﻫﺎﺯﯨﺮﻣﯘ ﺑﯘ ﺟﯩﻨﺎﻳﻰ ﻧﺎﻣﻨﻰ ﻗﻮﻟﻠﯩﻨﯩﯟﺍﺗﯩﺪﯗ.

ﺋﺎﻣﯧﺮﯨﻜﯩﺪﯨﻜﻰ ﭘﺮﯨﻨﺴﺘﻮﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ، 21 ‏- ﺋﻪﺳﺮ ﻓﻮﻧﺪ ﺟﻪﻣﺌﯩﻴﯩﺘﯩﻨﯩﯔ ﺭﻩﺋﯩﺴﻰ ﭘﯧﺮﻯ ﻟﯩﻨﻚ ﺋﻪﭘﻪﻧﺪﯨﻨﯩﯔ ﺗﻪﻫﻠﯩﻞ ﻗﯩﻠﯩﺸﯩﭽﻪ، ﺧﯩﺘﺎﻳﺪﺍ 1950 ‏- ﻳﯩﻠﻼﺭﻧﯩﯔ ﺑﯧﺸﯩﺪﺍ ﻛﻪﻳﻨﻰ -ﻛﻪﻳﻨﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﻳﻪﺭ ﺋﯩﺴﻼﻫﺎﺗﻰ، ﺋﻪﻛﺴﯩﻴﻪﺗﭽﯩﻠﻪﺭﻧﻰ ﺑﯧﺴﯩﻘﺘﯘﺭﯗﺵ، ﺋﻪﻛﺴﯩﻠﺌﯩﻨﻘﯩﻼﺑﭽﯩﻼﺭﻧﻰ ﺗﺎﺯﯨﻼﺵ ﺩﯦﮕﻪﻥ ﻫﻪﺭﯨﻜﻪﺗﻠﻪﺭ، ﮔﻪﺭﭼﻪ ﻧﺎﻫﺎﻳﯩﺘﻰ ﻗﻪﺑﯩﻬ ﺋﯘﺳﯘﻝ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﺴﯩﻤﯘ، ﺋﯘﭼﺎﻏﺪﺍ ﻛﯩﺸﯩﻠﻪﺭ ﻗﺎﻧﺪﺍﻕ ﺋﺎﺯﺍﭘﻘﺎ ﺋﯘﭼﺮﯨﻐﺎﻧﻠﯩﻘﯩﻨﻰ ﺑﯩﺮﻛﯩﻤﮕﻪ ﺳﯚﺯﻟﻪﭖ ﺑﯧﺮﻩﻟﻪﻳﺘﺘﻰ.

ﺩﻩﺭﺩﯨﻨﻰ ﺑﺎﺷﻘﯩﻼﺭﻏﺎ ﺋﯧﻴﺘﯩﭗ ﺑﯧﺮﯨﺶ ﺋﺎﺭﻗﯩﻠﯩﻖ ﺑﻮﻟﺴﯩﻤﯘ، ﺳﯩﻘﯩﻨﺠﯩﺪﯨﻦ ﺧﺎﻟﯩﻲ ﺑﻮﻻﻻﻳﺘﺘﻰ. ﺋﻪﻣﻤﺎ 1957 ‏- ﻳﯩﻠﯩﺪﯨﻦ ﻛﯧﻴﯩﻦ، ﺋﯚﺯﯨﻨﯩﯔ ﻛﯚﯕﻠﯩﺪﯨﻜﻰ ﺋﺎﺭﺯﯗ- ﺋﯩﺴﺘﻪﻛﻠﻪﺭﻧﻰ ﺭﺍﺳﺘﭽﯩﻠﻠﯩﻖ ﺑﯩﻠﻪﻥ ﺋﯩﭙﺎﺩﯨﻠﻪﺵ ﻣﯘﻣﻜﯩﻦ ﺑﻮﻟﻤﺎﻳﺪﯨﻐﺎﻥ ﺑﯩﺮ ﺋﯩﺸﻘﺎ ﺋﺎﻳﻼﻧﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﻛﯩﺸﯩﻠﻪﺭ ﻳﺎﻟﻐﺎﻥ ﺳﯚﺯﻟﻪﺷﻜﻪ ﻣﻪﺟﺒﯘﺭ ﺑﻮﻟﺪﻯ. ﺧﯩﺘﺎﻱ ﺟﻪﻣﺌﯩﻴﯩﺘﯩﺪﻩ، ﻳﺎﻟﻐﺎﻥ ﺳﯚﺯﻟﻪﺵ، ﻳﺎﻟﻐﺎﻥ ﻣﺎﻝ ﺋﯩﺸﻠﻪﭘﭽﯩﻘﯩﺮﯨﺶ، ﻳﺎﻟﻐﺎﻥ ﺩﻭﺭﺍ ﻳﺎﺳﺎﺵ ﺩﯦﮕﻪﻧﺪﻩﻙ ﺧﯩﻠﻤﯘ ‏-ﺧﯩﻞ ﻳﺎﻟﻐﺎﻧﭽﯩﻠﯩﻖ ﻣﺎﯞﺯﯦﺪﯗﯕﻨﯩﯔ ﺋﻮﯕﭽﯩﻼﺭﻏﺎ ﻗﺎﺭﺷﻰ ﺗﯘﺭﯗﺵ ﻫﻪﺭﯨﻜﯩﺘﯩﺪﯨﻦ ﻛﯧﻴﯩﻦ ﭘﻪﻳﺪﺍ ﺑﻮﻟﻐﺎﻥ ﻫﺎﺩﯨﺴﻪ. (ﯞﻩﻟﻰ)