ﺧﯘ ﺟﯩﻨﺘﺎﯞ ﻫﻮﻗﯘﻗﯩﻨﻰ ﻣﯘﺳﺘﻪﻫﻜﻪﻣﻠﻪﭖ ﻛﯧﺘﻪﻟﻪﻣﺪﯗ؟

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﻨﯩﯔ 17 - ﻗﯘﺭﯗﻟﺘﯩﻴﻰ ﻫﺎﺭﭘﯩﺴﯩﺪﯨﻜﻰ ﺧﯘ ﺟﯩﻨﺘﺎﯞ. ﺧﯘ ﺟﯩﻨﺘﺎﯞ ﻣﻪﻟﯘﻡ ﺑﯩﺮ ﻳﯩﻐﯩﻨﺪﺍ، ﺷﯩﺮﯨﻜﻠﯩﺮﻯ ﺑﯩﻠﻪﻥ ﺑﯩﺮﮔﻪ. AFP Photo

ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ 17- ﻗﯘﺭﯗﻟﺘﯩﻴﻰ ﻣﯘﺷﯘ ﺋﺎﻳﻨﯩﯔ 15- ﻛﯜﻧﻰ ﺑﯧﻴﺠﯩﯖﺪﺍ ﺋﯧﭽﯩﻠﯩﺪﯨﻐﺎﻥ ﺑﻮﻟﯘﭖ، ﺑﯘ ﻳﯩﻐﯩﻨﻐﺎ 2 ﻣﯩﯖﺪﯨﻦ ﺋﺎﺭﺗﯘﻕ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﯞﻩﻛﯩﻠﻠﯩﺮﻯ ﻗﺎﺗﻨﯩﺸﯩﺪﯗ. ﺧﯩﺘﺎﻱ ﻛﻮﻣﭙﺎﺭﺗﯩﻴﯩﻨﯩﯔ ﺑﯘ ﻳﯩﻐﯩﻨﻰ ﺋﯧﭽﯩﻠﯩﺸﺘﯩﻦ ﺑﯘﺭﯗﻥ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺋﯩﭽﯩﺪﻩ ﺑﯩﺮ ﻗﺎﺗﺎﺭ ﺗﻪﯕﺸﻪﺵ ﺋﯧﻠﯩﭗ ﺑﯧﺮﯨﻠﻐﺎﻥ ، ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯘ ﻳﯩﻐﯩﻦ ﺋﺎﺭﻗﯩﻠﯩﻖ ﺋﯚﺯ ﻫﻮﻗﯘﻗﯩﻨﻰ ﻛﯜﭼﻪﻳﺘﯩﺸﻨﻰ ﺑﺎﺵ ﻣﻪﻗﺴﻪﺕ ﻗﯩﻠﻐﺎﻥ ﺋﯩﻜﻪﻥ.

ﺑﯘ ﻳﯩﻐﯩﻦ ﺧﯘ ﺟﯩﻨﺘﺎﯞﻧﯩﯔ ﻛﯧﻴﯩﻨﻜﻰ ﻫﻮﻗﯘﻕ ﺳﻪﭘﯩﺮﻯ ﺋﯘﭼﯘﻥ ﺋﯩﻨﺘﺎﻳﯩﻦ ﻣﯘﻫﯩﻢ

ﻫﺎﺯﯨﺮ ﺧﯩﺘﺎﻳﻨﯩﯔ ﻫﻮﻗﯘﻕ ﺩﯗﻧﻴﺎﺳﯩﺪﺍ ﺋﯜﭺ ﺧﯩﻞ ﻣﻪﺯﻫﻪﭖ ﻣﻪﯞﺟﯘﺩ ﺑﻮﻟﯘﭖ، ﺑﯘﻻﺭ ﺳﺎﺑﯩﻖ ﺧﯩﺘﺎﻱ ﺭﻩﺋﯩﺴﻰ ﺟﻴﺎﯓ ﺯﯦﻤﯩﻦ ﺑﺎﺷﭽﯩﻠﯩﻘﯩﺪﯨﻜﻰ ﺷﺎﯕﺨﻪﻱ ﮔﯘﺭﯗﻫﻰ، ﻫﺎﺯﯨﺮ ﯞﻩﺯﯨﭙﻪ ﺋﯚﺗﻪﯞﺍﺗﻘﺎﻥ ﺧﯘ ﺟﯩﻨﺘﺎﯞ ﺑﺎﺷﭽﯩﻠﯩﻘﯩﺪﯨﻜﻰ ﻛﻮﻣﻤﯘﻧﯩﺴﺘﯩﻚ ﻳﺎﺷﻼﺭ ﺋﯩﺘﺘﯩﭙﺎﻗﻰ ﮔﯘﺭﯗﻫﻰ ﯞﻩ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﻫﻮﻗﯘﻕ ﺗﻪﺧﺘﯩﮕﻪ ﻳﻮﺷﯘﺭﯗﻥ ﺗﻪﺳﯩﺮ ﻛﯚﺭﺳﯩﺘﯩﭗ ﺗﯘﺭﯨﺪﯨﻐﺎﻥ، ﻛﻮﻧﺎ ﺧﯩﺘﺎﻱ ﻛﻮﻣﭙﺎﺭﺗﯩﻴﻪ ﺭﻩﻫﺒﻪﺭﻟﯩﺮﯨﻨﯩﯔ ﭘﻪﺭﺯﻩﻧﺘﻠﯩﺮﻯ ﭼﻪﻣﺒﯩﺮﯨﻜﻰ "ﺑﻪﮔﺰﺍﺩﯨﻠﻪﺭ ﮔﯘﺭﯗﻫﻰ" ﻗﺎﺗﺎﺭﻟﯩﻘﻼﺭ ﺑﺎﺭ.

ﺋﯘﻧﺪﺍﻗﺘﺎ ﻳﺎﺷﻼﺭ ﺋﯩﺘﺘﯩﭙﺎﻗﻰ ﮔﯘﺭﯗﻫﻰ ﺑﯘ ﻧﯚﯞﻩﺗﻠﯩﻚ ﻗﯘﺭﯗﻟﺘﺎﻱ ﺋﺎﺭﻗﯩﻠﯩﻖ ﺋﯚﺯ ﻫﻮﻗﯘﻕ ﺋﻮﺭﻧﯩﻨﻰ ﻣﯘﺳﺘﻪﻫﻜﻪﻣﻠﻪﭖ ﻛﯧﺘﻪﻟﻪﻣﺪﯗ؟ ﻣﺎﻧﺎ ﺑﯘ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﯞﻩ ﻫﺎﺯﯨﺮ ﻛﻮﻣﭙﺎﺭﺗﯩﻴﻪ ﺑﯧﺸﯩﺪﺍ ﻫﻮﻗﯘﻕ ﺗﯘﺗﯘﭖ ﺗﯘﺭﻏﯘﭼﻰ ﺧﯘ ﺟﯩﻨﺘﺎﯞﻧﯩﯔ ﻛﯧﻴﯩﻨﻜﻰ ﻫﻮﻗﯘﻕ ﺳﻪﭘﯩﺮﻯ ﺋﯘﭼﯘﻥ ﺋﯩﻨﺘﺎﻳﯩﻦ ﻣﯘﻫﯩﻢ ﺑﻮﻟﻐﺎﻥ ﺑﯘ ﻳﯩﻐﯩﻦ ﻣﻪﻳﺪﺍﻧﻐﺎ ﻛﻪﻟﺘﯜﺭﮔﻪﻥ ﺳﯘﺋﺎﻟﻼﺭﻧﯩﯔ ﺑﯩﺮﻯ.

ﺑﯘﺭﯗﻥ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﻳﯧﻘﯩﻨﺪﯨﻦ ﺑﯘﻳﺎﻥ ﺋﻮﺯ ﻳﯧﻘﯩﻨﻠﯩﺮﯨﻨﻰ ﻣﯘﻫﯩﻢ ﺋﻮﺭﯗﻧﻼﺭﻏﺎ ﻗﻮﻳﯘﺷﻘﺎ ﺑﺎﺷﻠﯩﺪﻯ. ﺟﯘﯕﮕﻮ ﺗﻮﺭﯨﺪﺍ 20 - ﺳﯧﻨﺘﻪﺑﯩﺮ ﺑﯧﺮﯨﻠﮕﻪﻥ ﻣﻪﻟﯘﻣﺎﺗﻘﺎ ﻗﺎﺭﯨﻐﺎﻧﺪﺍ، ﻟﯩﯔ ﺟﯩﺨﯘﺍ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﻣﻪﺭﻛﯩﺰﯨﻲ ﻛﻮﻣﯩﺘﯧﺘﻰ ﺳﯧﻜﺮﯦﺘﺎﺭﯨﻴﺎﺗﯩﻨﯩﯔ ﺳﯧﻜﺮﯦﺘﺎﺭﻯ ﻗﯩﻠﯩﭗ ﺋﯚﺳﺘﯜﺭﯛﻟﯜﭖ ، ﺋﻪﺳﻠﯩﺪﻩ ﺑﯘ ﺋﻮﺭﯗﻧﺪﺍ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﯞﺍﯓ ﮔﺎﯕﻨﯩﯔ ﺋﻮﺭﻧﯩﻐﺎ ﺩﻩﺳﺴﯩﺘﯩﻠﮕﻪﻥ.

ﺧﯘ ﺟﯩﻨﺘﺎﯞ ﻳﻪﻧﻪ 2003 - ﻳﯩﻠﻰ ﺧﯩﺘﺎﻳﺪﺍ ﺳﺎﺭﺱ ﻛﯧﺴﯩﻠﻰ ﺗﺎﺭﻗﺎﻟﻐﺎﻧﺪﺍ ﺑﯧﻴﺠﯩﯔ ﺷﻪﻫﯩﺮﯨﻨﯩﯔ ﺑﺎﺷﻠﯩﻘﻠﯩﻖ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻼﻧﻐﺎﻥ ﻣﯧﯔ ﺷﯚﻧﯘﯕﻨﻰ ﺷﻪﻧﺸﻰ ﺋﯚﻟﻜﯩﺴﯩﻨﯩﯔ ﺭﻩﺋﯩﺴﻠﯩﻜﯩﮕﻪ ﺗﻪﻳﯩﻨﻠﯩﮕﻪﻥ. ﻟﻰ ﯞﻩ ﻣﯧﯖﻼﺭﻧﯩﯔ ﻫﻪﺭ ﺋﯩﻜﻜﯩﻠﯩﺴﻰ ﺋﯩﻠﮕﯩﺮﻯ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﻰ ﻳﺎﺷﻼﺭ ﺋﯩﺘﺘﯩﭙﺎﻗﻰ ﺳﺎﻫﻪﺳﯩﺪﻩ ﺧﯩﺰﻣﻪﺕ ﻗﯩﻠﻐﺎﻥ ﺋﯩﻜﻪﻥ.

ﺧﯘ ﺟﯩﻨﺘﺎﯞ ﺑﯩﻠﻪﻥ ﺑﯩﺮﺩﻩﻛﻠﯩﻜﻨﻰ ﺳﺎﻗﻼﺵ ﺧﻪﻟﻖ ﺋﺎﻣﻤﯩﺴﯩﻨﯩﯔ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺷﺘﯩﻦ ﻛﯚﭖ ﻣﯘﻫﯩﻢ

ﺋﺎﻣﯧﺮﯨﻜﯩﺪﺍ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﺧﯩﺘﺎﻱ ﺗﯩﻠﯩﺪﺍ ﺗﺎﺭﻗﯩﺘﯩﻠﯩﺪﯨﻐﺎﻥ ﭘﺎﻳﺪﯨﻠﯩﻨﯩﺶ ﮔﯧﺰﯨﺘﻨﯩﯔ ﺳﺎﺑﯩﻖ ﻣﯘﻫﻪﺭﺭﯨﺮﻯ ﻟﻰ ﺧﻮﯕﻜﯘﻩﻥ ﺋﻪﭘﻪﻧﺪﯨﻨﯩﯔ ﺗﻪﻫﻠﯩﻠﯩﮕﻪ ﻗﺎﺭﯨﻐﺎﻧﺪﺍ ، ﻣﯧﯔ ﺷﯚﻧﯘﯓ ﺑﻮﻟﺴﺎ ﺋﯩﺘﺘﯩﭙﺎﻕ ﮔﯘﺭﯗﻫﯩﻐﺎ ﺗﻪﯞﻩ ﻛﯩﺸﻰ ﺑﻮﻟﯘﭖ ﺋﯚﺯ ﯞﺍﻗﺘﯩﺪﺍ ﺳﺎﺭﺱ ﻛﯧﺴﯩﻠﻰ ﺗﺎﺭﻗﺎﻟﻐﺎﻧﺪﺍ ﺋﯘﭼﯘﺭﻧﻰ ﻗﺎﻣﺎﻝ ﻗﯩﻠﯩﭗ ﻛﯧﺴﻪﻟﻠﯩﻜﻨﯩﯔ ﺗﺎﺭﻗﯩﻠﯩﭗ ﻛﯩﺘﯩﺸﯩﮕﻪ ﺳﻪﯞﻩﺏ ﺑﻮﻟﻐﺎﻥ ﺑﯩﺮ ﺋﺎﺩﻩﻣﻨﯩﯔ ﻳﻪﻧﻪ ﻗﺎﻳﺘﺎ ﺋﯚﺳﺘﯜﺭﯛﻟﯜﺷﻰ ﺋﺎﺳﺎﺳﻰ ﻗﺎﺗﻼﻡ ﺧﺎﺩﯨﻤﻠﯩﺮﯨﻐﺎ ﻣﻪﺯﻫﻪﭘﭽﯩﻠﯩﻜﻨﯩﯔ ﻣﯘﻫﯩﻤﻠﯩﻘﯩﻨﻰ ﻫﯧﺲ ﻗﯩﻠﺪﯗﺭﯨﺪﯨﻜﻪﻥ.

ﺧﯘ ﺟﯩﻨﺘﺎﯞ ﺋﯩﻨﺎﻕ ﺟﻪﻣﺌﯩﻴﻪﺕ ﺑﻪﺭﭘﺎ ﻗﯩﻠﯩﺶ ﺩﯦﮕﻪﻥ ﺷﻮﺋﺎﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺋﻪﻣﻪﻟﯩﻴﻪﺗﺘﻪ ﺋﯘ ﺧﻪﻟﻘﻨﯩﯔ ﻣﻪﻧﭙﻪﺋﻪﺗﯩﻨﻰ ﻧﻪﺯﻩﺭﮔﻪ ﺋﯧﻠﯩﭙﻤﯘ ﻗﻮﻳﻤﺎﻳﺪﯗ. ﺋﯘﻧﯩﯔ ﻛﯚﯕﯜﻝ ﺑﯚﻟﯩﺪﯨﻐﯩﻨﻰ ﭘﺎﺭﺗﯩﻴﻪ ﯞﻩ ﻫﯚﻛﯜﻣﻪﺕ ﺋﯩﭽﯩﺪﻩ ﺋﯚﺯ ﺋﺎﺩﻩﻣﻠﯩﺮﯨﻨﯩﯔ ﻗﺎﻧﭽﯩﻠﯩﻚ ﺋﻮﺭﯗﻧﻐﺎ ﺋﯧﺮﯨﺸﯩﺸﻰ. ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺑﻴﯘﺭﻭﻛﺮﺍﺕ ﺗﯜﺯﯛﻣﻰ ﺑﯘﻳﯩﭽﻪ، ﺧﯘ ﺟﯩﻨﺘﺎﯞ ﺋﻮﺭﻧﯩﻨﻰ ﻣﯘﺳﺘﻪﻫﻜﻪﻣﻠﻪﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻗﻮﻝ ﺋﺎﺳﺘﯩﺪﯨﻜﯩﻠﻪﺭ ﺋﯚﺯﻟﯜﻛﯩﺪﯨﻦ ﺟﻴﺎﯓ ﺯﯦﻤﯩﻦ ﮔﯘﺭﯗﻫﯩﻨﯩﯔ ﺋﺎﺩﻩﻣﻠﯩﺮﯨﺪﯨﻦ ﻳﯩﺮﺍﻗﻠﯩﺸﯩﭗ ﺋﯘﻧﯩﯖﻐﺎ ﻳﯧﻘﯩﻨﻠﯩﺸﯩﺪﯗ. ﺷﯘﯕﺎ ﻣﯧﯔ ﺷﯚﻧﯘﯕﻨﯩﯔ ﻗﺎﻳﺘﺎ ﯞﻩﺯﯨﭙﯩﮕﻪ ﺗﻪﻳﯩﻨﻠﯩﻨﯩﺸﯩﺪﯨﻦ ﺑﺎﺷﻘﯩﻼﺭ ﺧﯘ ﺟﯩﻨﺘﺎﯞ ﺑﯩﻠﻪﻥ ﺑﯩﺮﺩﻩﻛﻠﯩﻜﻨﻰ ﺳﺎﻗﻼﺵ ﺧﻪﻟﻖ ﺋﺎﻣﻤﯩﺴﯩﻨﯩﯔ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺷﺘﯩﻦ ﻛﯚﭖ ﻣﯘﻫﯩﻢ ﺋﯩﻜﻪﻥ ﺩﯦﮕﻪﻥ ﺳﯩﮕﻨﺎﻟﻨﻰ ﻗﻮﺑﯘﻝ ﻗﯩﻠﯩﺪﯗ .

ﺧﯩﺘﺎﻱ ﺳﯩﻴﺎﺳﯩﻲ ﺳﻪﻫﻨﯩﺴﯩﺪﯨﻜﻰ ﺋﯚﺯﮔﯩﺮﯨﺸﻠﻪﺭﮔﻪ ﻳﯧﻘﯩﻨﺪﯨﻦ ﻧﻪﺯﻩﺭ ﺳﯧﻠﯩﭗ ﺗﯘﺭﻏﺎﻥ ﺳﯩﻴﺎﺳﯩﻲ ﺗﻪﻫﻠﯩﻠﭽﻰ ﺷﯩﺨﻪﻧﺰﻩ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﺎﺑﯩﻖ ﭘﺮﻭﻓﯧﺴﺴﻮﺭﻯ ﺋﯩﻠﺸﺎﺕ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺧﯘ ﺟﯩﻨﺘﺎﯞﻧﯩﯔ ﭘﻪﻗﻪﺕ ﺋﯚﺯ ﻳﯧﻘﯩﻨﻠﯩﺮﯨﻨﻰ ﻣﯘﻫﯩﻢ ﺋﻮﺭﯗﻧﻼﺭﻏﺎ ﻛﯩﺮﮔﯜﺯﯛﺷﯩﺪﯨﻜﻰ ﺑﯩﺮﺩﯨﻦ ‏- ﺑﯩﺮ ﺳﻪﯞﻩﺏ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺋﯩﭽﯩﺪﯨﻜﻰ ﺋﻮﺭﻧﯩﻨﻰ ﻣﯘﻛﻪﻣﻤﻪﻟﻠﻪﺷﺘﯜﺭﯛﺵ، ﯞﻩ ﺋﯚﺯ ﮔﯘﺭﯗﻫﯩﻨﻰ ﻛﯚﭘﺮﻩﻙ ﻣﻪﻧﭙﻪﺋﻪﺗﻜﻪ ﺋﯧﺮﯨﺸﺘﯜﺭﯛﺵ ﺋﯩﻜﻪﻥ.

ﻫﻪﻗﯩﻘﯩﻲ ﯞﻩﺯﯨﭙﯩﮕﻪ ﺗﻪﻳﯩﻨﻠﻪﺵ ﯞﻩ ﻣﻪﻧﭙﻪﺋﻪﺕ ﺑﯚﻟﯜﺷﯜﺵ ﺋﯩﺸﻠﯩﺮﻯ ﻳﯩﻐﯩﻨﺪﯨﻦ ﺑﯘﺭﯗﻥ ﺋﻮﺭﯗﻧﻼﺷﺘﯘﺭﯗﻟﯘﭖ ﺑﻮﻟﻐﺎﻥ

17 - ﻗﯘﺭﯗﻟﺘﺎﻱ ﻫﺎﺭﭘﯩﺴﯩﺪﺍ، ﺑﯘ ﻗﯘﺭﯗﻟﺘﺎﻳﻨﯩﯔ ﻫﻪﺭﺧﯩﻞ ﺗﻪﻳﻴﺎﺭﻟﯩﻖ ﯞﻩ ﺧﯩﺰﻣﻪﺗﻠﯩﺮﻯ ﺋﯩﺸﻠﯩﻨﯩﭗ ﺑﻮﻟﺪﻯ. ﺋﻪﻣﻤﺎ ﺧﯩﺘﺎﻱ ﺗﻪﻫﻠﯩﻠﭽﻰ ﻟﻰ ﺧﯘﯕﻜﯘﺍﯕﻨﯩﯔ ﺋﯚﺯ ﻣﯘﺧﺒﯩﺮﯨﻤﯩﺰﻏﺎ ﺑﯩﻠﺪﯛﺭﯛﺷﯩﭽﻪ، ﻣﻪﺯﻛﯘﺭ ﻗﯘﺭﯗﻟﺘﺎﻱ ﺑﯩﺮ ﻳﻮﺳﯘﻥ ﺧﺎﺭﺍﻛﺘﯧﺮﯨﻨﻰ ﺋﺎﻟﻐﺎﻥ ﺑﻮﻟﯘﭖ ﻫﯧﭽﻘﺎﻧﺪﺍﻕ ﺋﻪﻣﻪﻟﯩﻲ ﺭﻭﻟﻐﺎ ﺋﯩﮕﻪ ﺋﻪﻣﻪﺳﻜﻪﻥ. ﺋﯘﻧﯩﯔ ﻛﯚﺭﺳﯩﺘﯩﺸﯩﭽﻪ، ﻣﻪﻳﻠﻰ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﻨﯩﯔ ﻗﯘﺭﯗﻟﺘﺎﻳﻠﯩﺮﻯ ﺑﻮﻟﺴﯘﻥ ﯞﻩ ﻳﺎﻛﻰ ﺑﺎﺷﻘﺎ ﺧﻪﻟﻖ ﯞﻩﻛﯩﻠﻠﻪﺭ ﻗﯘﺭﯗﻟﺘﯩﻴﻰ ﺑﻮﻟﺴﯘﻥ ، ﻫﻪﻣﻤﯩﺴﻰ ﺑﯩﺮ ﺧﯩﻞ ﻳﺎﻟﻐﺎﻥ ﺩﯦﻤﻮﻛﺮﺍﺗﯩﻴﻪ ﺷﻪﻛﻠﯩﻨﻰ ﺋﺎﻟﻐﺎﻥ ﺑﻮﻟﯘﭖ، ﺋﺎﺩﻩﻡ ﺑﻪﻟﮕﯩﻠﻪﺵ ﯞﻩ ﯞﻩﺯﯨﭙﯩﮕﻪ ﻗﻮﻳﯘﺵ ﺋﯩﺸﻠﯩﺮﻯ ﺑﯘﻧﺪﺍﻕ ﻳﯩﻐﯩﻨﻼﺭﺩﯨﻦ ﺑﯘﺭﯗﻥ ﺑﯧﻜﯩﺘﯩﻠﯩﭗ ﺑﻮﻟﯩﺪﯨﻜﻪﻥ.

ﺋﯘ " ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺑﯘﻧﺪﺍﻕ ﯞﻩﻛﯩﻠﻠﻪﺭ ﻳﯩﻐﯩﻨﻠﯩﺮﻯ ﺋﺎﺩﻩﺗﺘﻪ ﻗﻮﻝ ﻛﯚﺗﯩﺮﯨﭗ ﺑﯧﻜﯩﺘﯩﺶ ﻣﺎﺷﯩﻨﯩﺴﻰ. ﻫﻪﻗﯩﻘﯩﻲ ﯞﻩﺯﯨﭙﯩﮕﻪ ﺗﻪﻳﯩﻨﻠﻪﺵ ﯞﻩ ﻣﻪﻧﭙﻪﺋﻪﺕ ﺑﯚﻟﯜﺷﯜﺵ ﺋﯩﺸﻠﯩﺮﻯ ﻳﯩﻐﯩﻨﺪﯨﻦ ﺑﯘﺭﯗﻥ ﺋﻮﺭﯗﻧﻼﺷﺘﯘﺭﯗﻟﯘﭖ ﺑﻮﻟﻐﺎﻥ ﺑﻮﻟﯩﺪﯗ. ﺷﯘﯕﺎ ﻳﯩﻐﯩﻦ ﺋﯧﭽﯩﺶ ﺑﻮﻟﺴﺎ ﺑﯩﺮ ﺧﯩﻞ ﺩﯦﻤﻮﻛﺮﺍﺗﯩﻴﻪ ﻳﻮﺳﯘﻧﯩﺪﺍ ﺷﯘﻧﺪﺍﻗﻼ ﺑﯩﺮ ﻛﯚﺭﺳﯩﺘﯩﭗ ﻗﻮﻳﯘﺷﺘﯩﻦ ﺋﯩﺒﺎﺭﻩﺕ ﺑﻮﻟﯘﭖ، ﻳﯩﻐﯩﻦ ﺋﯧﭽﯩﻠﻐﺎﻧﺪﺍ ﭼﻮﯓ ﭼﺎﺗﺎﻕ ﭼﯩﻘﻤﺎﻳﺪﯗ " ﺩﻩﻳﺪﯗ.

ﺋﯘﻧﯩﯔ ﻛﯚﺭﺳﯩﺘﯩﺸﯩﭽﻪ ﻳﻪﻧﻪ، ﻫﺎﺯﯨﺮﻗﻰ ﺧﯩﺘﺎﻱ ﺩﯙﻟﯩﺘﻰ ﺑﯩﺮ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﻮﻟﻐﺎﻧﻠﯩﻘﺘﯩﻦ ﺧﯩﺘﺎﻳﻨﯩﯔ ﻫﺎﻛﯩﻤﯩﻴﻪﺕ ﺗﯜﺯﯛﻣﻠﯩﺮﯨﺪﻩ ﺋﺎﺯﺭﺍﻕ ﺩﯦﻤﻮﻛﺮﺍﺗﯩﻴﻪ ﺗﻪﻛﯩﺘﻠﯩﻨﯩﺪﯨﻐﺎﻥ ﺑﻮﻟﯘﭖ، ﺩﯨﯔ ﺷﻴﺎﯞﭘﯩﯔ ﺩﻩﯞﺭﯨﺪﯨﻜﯩﺪﻩﻙ ﭘﺎﺩﯨﺸﺎﻫﻨﯩﯔ ﺩﯦﮕﯩﻨﻰ ﺩﯦﮕﻪﻥ ﺑﻮﻟﯩﺪﯨﻐﺎﻥ ﺩﻩﯞﺭ ﺋﺎﻳﺎﻏﻼﺷﻘﺎﻥ ﺋﯩﻜﻪﻥ.

ﺋﯘ ﻳﻪﻧﻪ ﻣﯘﻧﺪﺍﻕ ﺩﻩﻳﺪﯗ " ﺟﯘﻣﻬﯘﺭﯨﻴﻪﺕ ﺗﯜﺯﯛﻣﻰ ﭼﻮﻗﯘﻡ ﺋﻮﭼﯘﻕ ‏- ﺋﺎﺷﻜﺎﺭﺍ ﺑﻮﻟﯘﺷﻰ، ﺋﺎﺩﯨﻞ ﺳﺎﻳﻼﻡ ﺋﯚﺗﻜﯜﺯﯛﻟﯜﺷﻰ ﻛﯧﺮﻩﻙ ﺑﻮﻟﻐﺎﭼﻘﺎ ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﻫﺎﺯﯨﺮ ﻗﯩﻠﯩﯟﺍﺗﻘﯩﻨﻰ، ﻣﻪﻳﻠﻰ ﺋﻮﻣﯘﻣﻰ ﺧﻪﻟﻖ ﻗﯘﺭﯗﻟﺘﯩﻴﻰ ﺑﻮﻟﺴﯘﻥ ﯞﻩ ﻣﻪﻳﻠﻰ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻳﯩﻐﯩﻨﻠﯩﺮﻯ ﺑﻮﻟﺴﯘﻥ ﻫﻪﻣﻤﯩﺴﻰ ﺋﻮﺧﺸﺎﺷﻼ ﺳﺎﺧﺘﺎ ﺩﯦﻤﻮﻛﺮﺍﺗﯩﻴﻪ ﺷﻪﻛﻠﯩﺪﯨﻨﻼ ﺋﯩﺒﺎﺭﻩﺕ."

ﺗﻪﻫﻠﯩﻠﭽﯩﻠﻪﺭ: ﺧﯘ ﺟﯩﻨﺘﺎﯞﻧﯩﯔ ﺋﻮﺭﯗﻥ ﺑﺎﺳﺎﺭ ﺗﻪﻳﯩﻨﻠﻪﺵ ﺋﯩﺸﻠﯩﺮﻯ ﺗﻮﺳﺎﻟﻐﯘﻏﺎ ﺋﯘﭼﺮﯨﺸﻰ ﻣﯘﻣﻜﯩﻦ

ﺗﻪﻫﻠﯩﻠﭽﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﯘ ﺟﯩﻨﺘﺎﯞ ﻫﺎﺯﯨﺮ ﻣﯘﺷﯘ ﻗﯧﺘﯩﻤﻠﯩﻖ ﻳﯩﻐﯩﻦ ﺟﻪﺭﻳﺎﻧﯩﺪﺍ ﺋﻮﺯ ﺋﻮﺭﯗﻥ ﺑﺎﺳﺎﺭﯨﻨﻰ ﺑﯧﻜﯩﺘﯩﭗ ﭼﯩﻘﯩﺸﻰ ﻣﯘﻣﻜﯩﻦ ، ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯘ ﺟﯩﻨﺘﺎﯞ ﻧﻪﺯﯨﺮﯨﻨﻰ ﻟﻴﺎﯞﻧﯩﯔ ﺋﯚﻟﻜﯩﺴﯩﻨﯩﯔ ﭘﺎﺭﺗﯩﻴﻪ ﺳﯧﻜﺮﯦﺘﺎﺭﻯ ﻟﻰ ﻛﯧﭽﻴﺎﯕﻐﺎ ﺗﯩﻜﻤﻪﻛﺘﻪ ﺋﯩﻜﻪﻥ. ﺋﻪﻣﻤﺎ، ﯞﺍﺷﯩﻨﮕﺘﻮﻥ ﭘﻮﭼﺘﺎ ﮔﯧﺰﯨﺘﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﺧﯘ ﺟﯩﻨﺘﺎﯞ ﺋﻮﺯ ﺋﯩﺰ ﺑﺎﺳﺎﺭﯨﻨﻰ ﺑﯧﻜﯩﺘﯩﺶ ﺟﻪﻫﻪﺗﺘﻪ ﺑﯘﺭﯗﻧﻘﻰ ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﻣﺎﯞ ﺯﯦﺪﯗﯓ ﯞﻩ ﺩﯦﯔ ﺷﻴﺎﯞﭘﯩﯖﻐﺎ ﺋﻮﺧﺸﺎﺵ ﺗﻪﯞﺭﻩﻧﻤﻪﺱ ﺳﯩﻴﺎﺳﯩﻲ ﺋﯩﻤﺘﯩﻴﺎﺯﻏﺎ ﺋﯩﮕﻪ ﺋﻪﻣﻪﺱ ﺋﯩﻜﻪﻥ.

ﺳﯩﻴﺎﺳﯩﻲ ﻛﯚﺯﻩﺗﻜﯜﭼﻰ ﺋﯩﻠﺸﺎﺕ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﻫﺎﺯﯨﺮ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﻛﺮﯨﺰﯨﺲ ﺋﯩﭽﯩﺪﻩ ﺗﯘﺭﯗﯞﺍﺗﻘﺎﻥ ﺑﻮﻟﯘﭖ، ﺑﯘ ﺧﯩﻠﺪﯨﻜﻰ ﻗﯘﺭﯗﻟﺘﺎﻱ ﺋﺎﻟﺪﯨﺪﺍ ﻫﯧﭽﻘﺎﭼﺎﻥ ﺑﯘﻧﺪﺍﻕ ﺟﯩﺪﺩﯨﻲ ﺋﺎﺩﻩﻡ ﺋﺎﻟﻤﺎﺷﺘﯘﺭﯗﺵ ﺋﯩﺸﻠﯩﺮﻯ ﺑﻮﻟﯘﭖ ﺑﺎﻗﻤﯩﻐﺎﻥ ﺑﻮﻟﯘﭖ، ﺋﯩﻠﺸﺎﺕ ﺋﻪﭘﻪﻧﺪﯨﻤﯘ ﺧﯘ ﺟﯩﻨﺘﺎﯞﻧﯩﯔ ﺋﯩﺰﺑﺎﺳﺎﺭ ﺗﻪﻳﯩﻨﻠﻪﺵ ﺟﻪﺭﻳﺎﻧﯩﺪﺍ ﻳﻮﻟﯘﻗﯩﺪﯨﻐﺎﻥ ﻗﯩﻴﯩﻨﭽﯩﻠﯩﻘﻠﯩﺮﻯ ﺟﻪﻫﻪﺗﺘﻪ ﯞﺍﺷﯩﻨﮕﺘﻮﻥ ﭘﻮﭼﺘﺎ ﮔﯧﺰﯨﺘﯩﺪﻩ ﻛﯚﺭﺳﯩﺘﯩﻠﮕﻪﻥ ﺳﻪﯞﻩﺑﻠﻪﺭﮔﻪ ﺋﻮﺧﺸﺎﺵ ﻗﺎﺭﺍﺷﻼﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. (ﺟﯜﻣﻪ)