ﺧﻪﻟﻘﺌﺎﺭﺍﻧﯩﯔ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﻰ ﻫﻪﻗﻘﯩﺪﯨﻜﻰ ﺋﯩﻨﻜﺎﺳﻠﯩﺮﻯ

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯘ ﺟﯩﻨﺘﺎﯞ ﺳﯚﺯﺩﻩ. AFP Photo

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﻰ 8 ﻛﯜﻥ ﺩﺍﯞﺍﻡ ﻗﯩﻠﯩﭗ 10 ‏- ﺋﺎﻳﻨﯩﯔ 22 ‏- ﻛﯜﻧﻰ ﺋﺎﻳﺎﻗﻼﺷﺘﻰ. ﻳﯩﻐﯩﻦ ﺋﺎﻳﺎﻗﻼﺷﻘﺎﻧﺪﺍ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ 9 ﻧﻪﭘﻪﺭ ﺩﺍﺋﯩﻤﯩﻲ ﺋﻪﺯﺍﺳﻰ ﻫﻪﻣﻤﯩﺴﻰ ﺑﯩﺮﺩﻩﻙ ﻗﯧﻨﯩﻖ ﺭﻩﯕﻠﯩﻚ ﻏﻪﺭﺑﭽﻪ ﻛﯩﻴﯩﻨﯩﭗ ﺗﯩﺰﯨﻠﯩﭗ ﺳﻪﻫﻨﯩﮕﻪ ﭼﯩﻘﯩﭗ ﺋﯚﺯﯨﻨﻰ ﺋﺎﺷﻜﺎﺭﯨﻠﯩﻐﺎﻧﺪﯨﻦ ﻛﯧﻴﯩﻦ، ﺋﺎﻧﺪﯨﻦ ﺧﯩﺘﺎﻱ ﺧﻪﻟﻘﻰ ﯞﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﻛﻪﻟﮕﯜﺳﻰ ﻳﯚﻧﯩﻠﯩﺸﯩﺪﯨﻦ ﺧﻪﯞﻩﺭ ﺗﺎﭘﺘﻰ.

ﺏ ﺏ ﺱ ﻧﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯘﺟﯩﻨﺘﺎﯞ ﺑﯘ ﻗﯧﺘﯩﻤﻘﻰ ﻗﯘﺭﯗﻟﺘﺎﻱ ﺋﺎﻳﺎﻗﻼﺷﻘﺎﻧﺪﺍ، ﺋﯩﻤﺰﺍﺳﯩﺰ ﺑﯧﻠﻪﺕ ﺗﺎﺷﻼﺵ ﺋﺎﺭﻗﯩﻠﯩﻖ ﺳﺎﻳﻼﻡ ﺋﯚﺗﻜﯜﺯﯛﻟﮕﻪﻧﻠﯩﻜﯩﻨﻰ، ﺋﯚﺯﯨﻨﯩﯖﻤﯘ ﺑﯘ ﻗﯧﺘﯩﻢ ﻳﻪﻧﻪ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﺑﺎﺵ ﺳﯧﻜﺮﯨﺘﺎﺭﻟﯩﻘﯩﻐﺎ ﺳﺎﻳﻼﻧﻐﺎﻧﻠﯩﻘﯩﻨﻰ، 9 ﻛﯩﺸﯩﻨﯩﯔ ﺳﯩﻴﺎﺳﯩﻲ ﺑﻴﯘﺭﻭﻧﯩﯔ ﺩﺍﺋﯩﻤﯩﻲ ﺋﻪﺯﺍﻟﯩﻘﯩﻐﺎ ﺳﺎﻳﻼﻧﻐﺎﻧﻠﯩﻘﯩﻨﻰ، ﺑﯘﻧﯩﯔ ﺋﯩﭽﯩﺪﻩ 4 ﻛﯩﺸﯩﻨﯩﯔ ﻳﯧﯖﯩﺪﯨﻦ ﺳﺎﻳﻼﭖ ﭼﯩﻘﯩﻠﻐﺎﻧﻠﯩﻘﯩﻨﻰ، ﺑﯘﻧﯩﯔ ﺋﯩﻜﻜﯩﺴﻰ ﺋﻪﻟﻠﯩﻚ ﻧﻪﭼﭽﻪ ﻳﺎﺷﻠﯩﻖ ﻣﯘﻧﻪﯞﯞﻩﺭ ﻳﺎﺵ ﺭﻩﻫﺒﻪﺭ ﺋﯩﻜﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ ﺋﯩﺪﻯ.

ﺧﯘﺟﯩﻨﺘﺎﯞ ﺧﯩﺘﺎﻳﺪﺍ ﺋﯩﻨﺎﻕ ﺟﻪﻣﺌﯩﻴﻪﺕ ﻗﯘﺭﯗﺷﻨﻰ ﻛﻮﻣﻤﯘﻧﯩﺴﺖ ﺑﻪﮒ - ﺧﺎﻧﺰﺍﺩﯨﻠﯩﺮﻯ ﺋﺎﺭﻗﯩﻠﯩﻖ ﺋﻪﻣﻪﻟﮕﻪ ﺋﺎﺷﯘﺭﯗﺷﻘﺎ ﯞﻩ ﺑﻪﺭﺩﻯ

ﺭﻭﻳﺘﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯘ ﻗﯘﺭﯗﻟﺘﺎﻱ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﻳﯧﯖﻰ ﺋﻪﯓ ﻳﯘﻗﯩﺮﻯ ﺭﻩﻫﺒﻪﺭﻟﯩﻚ ﻗﺎﺗﻠﯩﻤﯩﻨﻰ ﺗﻪﺳﺘﯩﻘﻠﯩﺪﻯ.

ﺑﯘﻧﯩﯔ ﺋﯩﭽﯩﺪﻩ 4 ﻛﯩﺸﻰ 1949 ‏- ﻳﯩﻠﯩﺪﯨﻜﻰ 'ﺋﯩﻨﻘﯩﻼﺑﯩﻲ ﺋﯚﺯﮔﯩﺮﯨﺶ'ﺗﯩﻦ ﻛﯧﻴﯩﻦ ﺗﯘﻏﯘﻟﻐﺎﻥ ﻛﻮﻣﻤﯘﻧﯩﺴﺖ ﺑﻪﮔﺰﺍﺩﯨﻠﯩﺮﯨﺪﯨﻦ ﺗﺎﻟﻠﯩﯟﯦﻠﯩﻨﻐﺎﻥ. ﺧﯘﺟﯩﻨﺘﺎﯞ ﺑﯘ ﻗﯘﺭﯗﻟﺘﺎﻳﺪﺍ، ﻣﻪﺭﻛﯩﺰﻯ ﻛﻮﻣﯩﺘﯧﺘﻘﺎ ﻛﯩﺮﯨﺪﯨﻐﺎﻥ 204 ﻛﯩﺸﯩﻨﻰ ﯞﻩ ﺋﯘﻧﯩﯖﺪﯨﻦ ﺳﯩﻴﺎﺳﻪﺕ ﺑﻪﻟﮕﯩﻠﻪﻳﺪﯨﻐﺎﻥ ﺋﻪﯓ ﻳﯘﻗﯩﺮﯨﻰ ﺋﻮﺭﮔﺎﻥ ‏-‏ ﺳﯩﻴﺎﺳﯩﻲ ﺑﻴﯘﺭﻭﻏﺎ ﻛﯩﺮﯨﺪﯨﻐﺎﻥ 25 ﻛﯩﺸﯩﻨﻰ ﺳﺎﻳﻼﭖ ﭼﯩﻘﯩﭗ، ﺑﯘ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﻫﻮﻗﯘﻗﯩﻨﻰ ﻣﯘﺳﺘﻪﻫﻜﻪﻣﻠﯩﺪﻯ. ﺷﯘﻧﺪﺍﻗﻼ ﺋﯘ ﺧﯩﺘﺎﻳﺪﺍ ﻗﯘﺭﯗﭖ ﭼﯩﻘﯩﻠﯩﺪﯨﻐﺎﻥ 'ﺋﯩﻨﺎﻕ ﺟﻪﻣﺌﯩﻴﻪﺕ'ﻧﻰ ﯞﻩ ﺋﺎﺩﯨﻞ ﺑﯘﻟﯘﺷﻘﺎ ﺋﻪﻫﻤﯩﻴﻪﺕ ﺑﯧﺮﯨﺸﻨﻰ ﺳﯩﺮﻟﯩﻖ ﺳﯩﭙﯩﻠﻨﯩﯔ ﺋﯩﭽﯩﺪﻩ ﭼﻮﯓ ﺑﻮﻟﻐﺎﻥ ﺋﯩﻤﺘﯩﻴﺎﺯﻟﯩﻖ ﻛﻮﻣﻤﯘﻧﯩﺴﺖ ﺑﻪﮒ - ﺧﺎﻧﺰﺍﺩﯨﻠﯩﺮﻯ ﺋﺎﺭﻗﯩﻠﯩﻖ ﺋﻪﻣﻪﻟﮕﻪ ﺋﺎﺷﯘﺭﯗﺷﻘﺎ ﯞﻩﺩﻩ ﺑﻪﺭﺩﻯ.

ﺭﻩﻫﺒﻪﺭﻟﯩﻚ ﻗﺎﺗﻠﯩﻤﯩﺪﺍ ﺟﺎﯓ ﺯﯦﻤﯩﻨﻨﯩﯔ ﺗﻪﺳﯩﺮﻯ ﺋﺎﺟﯩﺰﻟﯩﺪﻯ

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯘﺟﯩﻨﺘﺎﯞ ﺩﯛﺷﻪﻧﺒﻪ ﻛﯜﻧﻰ، ﺧﯩﺘﺎﻳﺪﺍ ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﺑﻪﺵ ﻳﯩﻠﺪﺍ ﺳﯩﻴﺎﺳﻪﺕ ﺑﻪﻟﮕﯩﻠﻪﻳﺪﯨﻐﺎﻥ ﺳﯩﻴﺎﺳﯩﻲ ﺑﻴﯘﺭﻭﻧﯩﯔ 9 ﻧﻪﭘﻪﺭ ﺩﺍﺋﯩﻤﯩﻲ ﺋﻪﺯﺍﻟﯩﺮﯨﻨﯩﯔ ﭼﯜﻣﭙﻪﺭﺩﯨﺴﯩﻨﻰ ﺋﯧﭽﯩﺶ ﺋﺎﺭﻗﯩﻠﯩﻖ، ﻫﺎﺯﯨﺮ ﺟﺎﯓ ﺯﯦﻤﯩﻨﻨﯩﯔ ﺗﻪﺳﯩﺮﯨﻨﻰ ﺋﺎﺟﯩﺰﻻﺗﻘﺎﻧﻠﯩﻘﯩﻨﻰ ﻧﺎﻣﺎﻳﻪﻥ ﻗﯩﻠﺪﻯ.

ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﻣﻪﺳﯩﻠﻪ

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﯩﺴﻨﯩﯔ ﺑﺎﺵ ﺳﯧﻜﺮﯨﺘﺎﺭﻯ ﺧﯘﺟﯩﻨﺘﺎﯞ ﺑﯘ ﻗﯧﺘﯩﻤﻘﻰ ﻗﯘﺭﯗﻟﺘﺎﻳﺪﺍ ﻳﻪﻧﻪ ﻛﯧﻠﻪﺭﻛﻰ ﺑﻪﺵ ﻳﯩﻞ ﺋﯩﭽﯩﺪﻩ ﺩﺍﯞﺍﻣﻠﯩﻖ ﻫﻮﻗﯘﻕ ﺗﯘﺗﯘﺷﻘﺎ ﺋﯧﺮﯨﺸﺘﻰ ﺷﯘﻧﺪﺍﻗﻼ ﺋﯘ ﺋﯚﺯﯨﻨﯩﯔ ﻳﯧﯖﻰ ﺋﯩﺰ ﺑﺎﺳﺎﺭﯨﻨﻰ ﺑﻪﻟﮕﯩﻠﻪﺷﺘﻪ ﺟﯩﺪﺩﯨﻲ ﻫﻮﻗﯘﻕ ﻛﯚﺭﯛﺷﻰ ﭘﺎﺭﺗﻼﺷﻨﯩﯔ ﺋﺎﻟﺪﯨﻨﻰ ﺋﺎﻻﻟﯩﺪﻯ.

ﮔﻪﺭﭼﻪ ﺧﯘﺟﯩﻨﺘﺎﯞ ﺳﻪﻛﻜﯩﺰ ﻛﯜﻧﻠﯜﻙ ﻗﯘﺭﯗﻟﺘﺎﻳﺪﺍ، ﺟﯩﺪﺩﯨﻲ ﺩﺍﯞﺍﻣﻼﺷﻘﺎﻥ ﻫﻮﻗﯘﻕ ﺗﻪﻗﺴﯩﻤﺎﺗﻰ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﺳﯩﻴﺎﺳﯩﻲ ﺋﯜﺳﺘﯜﻧﻠﯜﻛﯩﻨﻰ ﺗﯩﻜﻠﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﻣﻪﺳﯩﻠﻪ ﻳﻪﻧﯩﻼ ﺋﯘﻧﯩﯔ ﺋﺎﺭﻗﺎ ﻛﯚﺭﯛﻧﯜﺷﻰ ﺑﯩﺮ -ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯨﻐﺎﻥ ﻛﯩﺸﯩﻠﻪﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﯘﻧﺪﺍﻕ ﺳﯩﻴﺎﺳﯩﻲ ﮔﻪﯞﺩﯨﻨﻰ ﻗﺎﻧﺪﺍﻕ ﺑﺎﺷﻘﯘﺭﯗﺷﯩﻐﺎ ، ﺑﺎﻳﻼﺭ ﺑﯩﻠﻪﻥ ﻧﺎﻣﺮﺍﺗﻼﺭﻧﯩﯔ ﺋﻮﺗﺘﯘﺭﯨﺴﯩﺪﯨﻜﻰ ﻏﺎﻳﻪﺕ ﺯﻭﺭ ﭘﻪﺭﻕ ﭘﻪﻳﺪﺍ ﻗﯩﻠﻐﺎﻥ ﺟﯩﺪﺩﯨﻴﻠﯩﻜﻨﻰ ﻗﺎﻧﺪﺍﻕ ﭘﻪﺳﻪﻳﺘﯩﺸﯩﮕﻪ ﯞﻩ ﺧﯩﺘﺎﻳﻨﯩﯔ 'ﺗﯩﻨﭻ ﺑﺎﺵ ﻛﯚﺗﯜﺭﯛﭖ ﭼﯩﻘﯩﺶ' ﺩﯦﮕﻪﻥ ﺷﯘﺋﺎﺭﻯ ﺑﺎﺷﻘﺎ ﺩﯙﻟﻪﺗﻠﻪﺭﺩﻩ ﭘﻪﻳﺪﺍ ﻗﯩﻠﻐﺎﻥ ﻗﺎﺭﺷﯩﻠﯩﻘﻨﻰ ﻗﺎﻧﺪﺍﻕ ﻳﻮﻕ ﻗﯩﻠﯩﺸﯩﻐﺎ ﺑﺎﻏﻠﯩﻖ.

ﺑﯘﻧﯩﯖﺪﯨﻦ ﻛﯧﻴﯩﻦ ﺧﯘﺟﯩﻨﺘﺎﯞ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﻨﻰ ﺋﯚﺯﻯ ﻛﻮﻧﺘﺮﻭﻝ ﻗﯩﻠﻤﺎﻗﭽﻰ

ﺗﺎ ﺱ ﺱ ﺭ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯘﺟﯩﻨﺘﺎﯞﻧﯩﯔ ﺑﯘ ﻗﯧﺘﯩﻢ ﻳﻪﻧﻪ ﻣﻪﺭﻛﯩﺰﻯ ﻛﻮﻣﯩﺘﯧﺖ ﻫﻪﺭﺑﯩﻲ ﻛﻮﻣﯩﺘﯧﺖ ﺭﻩﺋﯩﺴﻰ ﺑﻮﻟﻐﺎﻧﻠﯩﻘﻰ ﺋﯘﻧﯩﯔ ﺩﯗﻧﻴﺎﺩﯨﻜﻰ ﺳﺎﻧﻰ ﺋﻪﯓ ﻛﯚﭖ ﻗﻮﺭﺍﻟﻠﯩﻖ ﻗﻮﺷﯘﻧﻨﻰ ‏-‏ ﺧﻪﻟﻖ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﻰ ﺩﺍﯞﺍﻣﻠﯩﻖ ﺗﯜﺭﺩﻩ ﺋﯚﺯﻯ ﻳﺎﻟﻐﯘﺯ ﻛﻮﻧﺘﺮﻭﻝ ﻗﯩﻠﯩﺸﻘﺎ ﺑﻪﻝ ﺑﺎﻏﻠﯩﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ.

ﻳﻪﻧﯩﻼ ﻗﺎﺭﺍ ﭘﻪﺭﺩﻩ ﺗﺎﺭﺗﯩﻠﻐﺎﻥ ﺳﯩﻴﺎﺳﯩﻲ ﺳﻪﻫﻨﻪ

ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯧﻴﺠﯩﯔ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺳﯩﻴﺎﺳﻪﺗﺸﯘﻧﺎﺱ ﻣﯘﺗﻪﺧﻪﺳﺴﯩﺴﻰ ﺟﺎﯓ ﺯﯗﺧﯘﺍ ﺋﻪﭘﻪﻧﺪﻯ ﻣﯘﻻﻫﯩﺰﯨﺴﯩﺪﻩ "ﺋﻮﻥ ﻳﻪﺗﺘﯩﻨﭽﻰ ﻗﯘﺭﯗﻟﺘﺎﻳﻨﯩﯔ ﭘﯜﺗﯜﻥ ﺋﯩﺸﻠﯩﺮﻯ ﺳﯩﻴﺎﺳﯩﻲ ﻗﺎﺭﺍ ﭘﻪﺭﺩﻩ ﻛﻪﻳﻨﯩﺪﻩ ﺋﻮﺭﯗﻧﻼﻧﺪﻯ، ﺑﯘ ﺋﻮﭼﯘﻕ-ﻳﻮﺭﯗﻕ ﺑﻮﻟﻤﯩﻐﺎﻧﻠﯩﻘﻨﯩﯔ ﺗﯧﭙﯩﻚ ﻣﯩﺴﺎﻟﻰ. ﺑﯘ ﻗﯘﺭﯗﻟﺘﺎﻳﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺳﺎﻳﻠﯩﻤﯩﻨﯩﯔ ﻫﻪﻗﯩﻘﯩﻲ ﺟﻪﺭﻳﺎﻧﯩﻨﻰ ﻫﯧﭽﻜﯩﻢ ﺑﯩﻠﻤﻪﻳﺪﯗ، ﺑﯘ ﺋﺎﻟﻐﺎ ﺑﺎﺳﻘﺎﻧﻠﯩﻘﻨﯩﯔ ﺑﻪﻟﮕﯩﺴﻰ ﺋﻪﻣﻪﺱ" ﺩﯦﮕﻪﻥ. ﺋﯘﻧﯩﯔ ﺋﯧﻴﺘﯩﺸﯩﭽﻪ، 17‏- ﻗﯘﺭﯗﻟﺘﺎﻳﺪﺍ ﮔﻪﺭﭼﻪ 'ﺩﯦﻤﻮﻛﺮﺍﺗﯩﻴﻪ' ﺩﯦﮕﻪﻥ ﺳﯚﺯ ﺗﯩﻠﻐﺎ ﺋﯧﻠﯩﻨﯩﭗ ﺗﯘﺭﻏﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯖﺪﺍ ﺩﯦﻤﻮﻛﺮﺍﺗﯩﻴﻪ ﺩﯦﮕﻪﻥ ﻧﻪﺭﺳﻪ ﻣﻪﯞﺟﯘﺕ ﺋﻪﻣﻪﺱ.

ﺟﺎﯞ ﺯﯨﻴﺎﯓ ﺯﺍﻣﺎﻧﯩﺪﺍ ﺋﯚﺗﻜﯜﺯﯛﻟﮕﻪﻥ 13 ‏- ﻗﯘﺭﯗﻟﺘﺎﻳﺪﺍ ﺳﯩﻴﺎﯨﺴﻲ ﺑﻴﯘﺭﻭ ﺋﻪﺯﺍﻟﯩﺮﻯ ﻣﯘﺧﺒﯩﺮﻻﺭ ﺑﯩﻠﻪﻥ ﺑﯩﯟﺍﺳﺘﻪ ﺳﯚﺯﻟﻪﺷﻜﻪﻥ ﺋﯩﺪﻯ، ﺋﻪﻣﻤﺎ ﺑﯘ ﻗﯧﺘﯩﻢ ﺋﯘﻻﺭ ﺳﻪﻫﻨﯩﮕﻪ ﭼﯩﻘﯩﭗ ﺑﯩﺮ ﻛﯚﺭﯛﻧﯜﭖ ﻗﻮﻳﯘﭘﻼ ﻛﯚﺯﺩﯨﻦ ﻳﻮﻗﺎﻟﺪﻯ.

ﺑﯧﻴﺠﯩﯖﺪﯨﻜﻰ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﭼﯧﻦ ﺯﯨﻤﯩﻨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، 17 ‏- ﻗﯘﺭﯗﻟﺘﺎﻳﺪﺍ ﻳﺎﺷﺎﻧﻐﺎﻧﻼﺭﻧﻰ ﺋﺎﺭﺍﻣﻐﺎ ﭼﯩﻘﯩﺮﯨﺪﯨﻐﺎﻥ ﺗﯜﺯﯛﻡ ﺑﻪﺭﭘﺎ ﻗﯩﻠﯩﻨﻐﺎﻧﺪﻩﻙ ﻗﯩﻠﯩﺪﯗ، ﺑﯘ ﺑﯩﺮ ﻳﯘﺭﯗﻕ ﻧﻮﻗﺘﺎ ﺑﻮﻟﯘﭖ ﻗﺎﻟﺪﻯ، ﻟﯧﻜﯩﻦ ﺑﯘﻧﯩﯔ ﺑﯩﻠﻪﻥ ﺋﯘﻧﻰ 'ﺩﯦﻤﻮﻛﺮﺍﺗﯩﻴﻪ' ﺩﯦﮕﯩﻠﻰ ﺑﻮﻟﻤﺎﻳﺪﯗ. ﺩﯦﻤﻮﻛﺮﺍﺗﯩﻴﯩﻨﯩﯔ ﺋﻪﯓ ﺋﯧﻨﯩﻖ ﺑﻪﻟﮕﯩﺴﻰ ﺳﺎﻳﻼﻡ، ﺋﻪﻣﻤﺎ ﺑﯘ ﺑﻪﻟﮕﻪ ﺑﯘ ﻗﯘﺭﯗﻟﺘﺎﻳﺪﺍ ﺑﯩﺮ ﻗﺎﺭﺍﯕﻐﯘ ﻧﻮﻗﺘﺎ. ﻳﯩﻐﯩﻨﺪﺍ ﺳﺎﻳﻼﻡ ﻗﺎﺭﺍ ﭘﻪﺭﺩﻩ ﺗﺎﺭﺗﯩﭗ ﺋﯚﺗﻜﯜﺯﯛﻟﺪﻯ، ﻳﯩﻐﯩﻦ ﺯﺍﻟﯩﺪﯨﻦ ﻣﯘﺧﺒﯩﺮﻻﺭ ﻗﻮﻏﻼﭖ ﭼﯩﻘﯩﺮﯨﻠﺪﻯ.

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﻳﻪﻧﯩﻼ ﺳﯧﭙﻰ ﺋﯚﺯﯨﺪﯨﻦ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ

ﺧﯩﺘﺎﻳﻨﯩﯔ ﺋﻪﺗﺮﺍﭘﯩﺪﯨﻜﻰ ﺑﺎﺷﻘﺎ ﺩﯙﻟﻪﺗﻠﻪﺭﺩﻩ ﺳﺎﻗﻠﯩﻨﯩﯟﺍﺗﻘﺎﻥ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻠﻪﺭ، ﻣﻪﺳﯩﻠﻪﻥ، ﻫﯩﻨﺪﻭﻧﯧﺰﯨﻴﻪ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ، ﻣﺎﻻﻳﺸﯩﻴﺎ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ، ﺋﺎﯞﺳﺘﺮﺍﻟﯩﻴﻪ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﻗﺎﺗﺎﺭﻟﯩﻖ ﭘﺎﺭﺗﯩﻴﯩﻠﻪﺭﻧﯩﯔ ﺋﯩﻨﻜﺎﺳﯩﻐﺎ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺑﯘ ﻗﯧﺘﯩﻤﻘﻰ ﻗﯘﺭﯗﻟﺘﺎﻱ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﺳﯧﭙﻰ ﺋﯚﺯﯨﺪﯨﻦ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯩﻜﻪﻧﻠﯩﻜﯩﻨﻰ، ﺩﺍﯞﺍﻣﻠﯩﻖ ﺗﯜﺭﺩﻩ ﻣﺎﺭﻛﯩﺴﯩﺰﻡ ﭘﺮﯨﻨﺴﯩﭙﯩﺪﺍ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﺪﻯ.

"ﻳﺎﺩﺭﻭ" ﺩﻩﭖ ﺋﺎﺗﯩﻠﯩﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﺑﻮﻟﻤﯩﻐﺎﻧﻠﯩﻘﻰ ﺋﺎﻟﻐﺎ ﺑﺎﺳﻘﺎﻧﻠﯩﻖ ﺋﻪﻣﻪﺱ

ﻛﯚﺯﯨﺘﯩﺶ ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ "ﺋﻮﻥ ﻳﻪﺗﺘﯩﻨﭽﻰ ﻗﯘﺭﯗﻟﺘﺎﻱ ﻫﻪﻗﻘﯩﺪﯨﻜﻰ ﻏﻪﻳﺮﻯ ﻛﯚﺯ ﻗﺎﺭﺍﺷﻼﺭﻏﺎ ﺭﻩﺩﺩﯨﻴﻪ" ﺩﯦﮕﻪﻥ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، 17 ‏- ﻗﯘﺭﯗﻟﺘﺎﻳﺪﺍ 'ﻳﺎﺩﺭﻭ' ﺩﻩﭖ ﺋﺎﺗﯩﻠﯩﺪﯨﻐﺎﻥ ﻛﯩﺸﻰ ﻳﻮﻕ، ﻛﯩﻤﻨﯩﯔ ﻳﺎﺩﺭﻭ ﺑﻮﻟﯩﺪﯨﻐﺎﻧﻠﯩﻘﯩﻤﯘ ﺑﻪﻟﮕﯩﻠﻪﻧﻤﯩﮕﻪﻥ ﺷﯘﯕﻼﺷﻘﺎ ﺑﻪﺯﻯ ﻛﯩﺸﯩﻠﻪﺭ ﺑﯘﻧﻰ ﺋﺎﻟﻐﺎ ﺑﺎﺳﻘﺎﻧﻠﯩﻖ ، ﺑﯩﺮ ﻣﯘﺳﺘﻪﺑﯩﺘﻨﯩﯔ ﻛﻮﻧﺘﺮﻭﻟﻠﯘﻗﯩﻐﺎ ﻗﺎﻟﻤﯩﻐﺎﻧﻠﯩﻖ، ﻛﻮﻟﻠﯧﻜﺘﯩﭗ ﺭﻩﻫﺒﻪﺭﻟﯩﻚ ﻳﻮﻟﻐﺎ ﻗﻮﻳﯘﻟﻐﺎﻧﻠﯩﻖ ، ﺩﻩﯞﺍﺗﯩﺪﯗ.

ﺋﻪﻣﻪﻟﯩﻴﻪﺗﺘﻪ، ﺑﯘ ﻗﯘﺭﯗﻟﺘﺎﻳﺪﯨﻜﻰ ﺋﯩﺸﻼﺭ ﺧﯘﺩﺩﻯ ﭘﺎﺩﯨﺸﺎﻫﻨﯩﯔ ﻳﯧﯖﻰ ﻛﯩﻴﯩﻤﻰ ﺩﯦﮕﻪﻥ ﻫﯧﻜﺎﻳﯩﻐﺎ ﺋﻮﺧﺸﺎﻳﺪﯗ، ﺋﯘﻧﯩﯔ ﻫﻪﻣﻤﻪ ﺋﻪﭘﺘﻰ-ﺑﻪﺷﯩﺮﯨﺴﻰ ﺋﻮﭼﯘﻕ ﻛﯚﺭﯛﻧﯜﭖ ﺗﯘﺭﯨﺪﯗ. ﺑﯘ ﻫﯧﭽﻘﺎﭼﺎﻥ ﺋﺎﻟﻐﺎ ﺑﺎﺳﻘﺎﻧﻠﯩﻖ ﺋﻪﻣﻪﺱ، ﺑﻪﻟﻜﻰ ﺋﯘﻧﯩﯔ ﻣﻪﻗﺴﯩﺘﻰ ﭘﻪﻗﻪﺕ ﺩﯦﻤﻮﻛﺮﺍﺗﯩﻴﯩﻨﻰ ﻳﻮﻟﻐﺎ ﻗﻮﻳﻤﺎﻱ ﻣﯘﻗﯩﻤﻠﯩﻘﻨﻰ ﺳﺎﻗﻼﺷﺘﯩﻨﻼ ﺋﯩﺒﺎﺭﻩﺕ. (ﯞﻩﻟﻰ)