17 ‏- ﻗﯘﺭﯗﻟﺘﺎﻱ ﺋﯘﻳﻐﯘﺭﻻﺭ ﺋﯜﭼﯜﻥ ﻗﺎﻧﺪﺍﻕ ﻳﺎﺧﺸﯩﻠﯩﻖ ﺋﯧﻠﯩﭗ ﻛﯧﻠﯩﺪﯗ؟

• ﻣﯘﺧﺒﯩﺮﯨﻤﯩﺰ ﯞﻩﻟﯩﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ 17 ‏- ﻗﯘﺭﯗﻟﺘﯧﻴﻰ10 ‏- ﺋﺎﻳﻨﯩﯔ 22 ‏- ﻛﯜﻧﻰ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﻯ ﻟﯩﻦ ﺩﯨﻨﯩﯔ ﺑﯧﻴﺠﯩﯖﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، 17‏- ﻗﯘﺭﯗﻟﺘﺎﻱ ﻳﻪﻛﺸﻪﻧﺒﻪ ﻛﯜﻧﻰ ﺋﺎﻳﺎﻏﻼﺷﻘﺎﻧﺪﯨﻦ ﻛﯧﻴﯩﻨﻼ، ﺩﯛﺷﻪﻧﺒﻪ ﻛﯜﻧﻰ ﺋﯧﭽﯩﻠﻐﺎﻥ 1 ‏- ﺋﻮﻣﯘﻣﻴﯩﻐﯩﻨﺪﺍ، ﺧﯘ ﺟﯩﻨﺘﺎﯞ ﻣﻪﺭﻛﯩﺰﻯ ﻛﻮﻣﯩﺘﯧﺘﻨﯩﯔ 9 ﻧﻪﭘﻪﺭ ﺩﺍﺋﯩﻤﯩﻲ ﺋﻪﺯﺍﺳﯩﻨﻰ ﺳﻪﻫﻨﯩﮕﻪ ﭼﯩﻘﯩﺮﯨﭗ ﺋﯘﻻﺭﻧﻰ ﺧﻪﻟﻘﻘﻪ ﻛﯚﺭﺳﻪﺗﻜﻪﻥ.

"ﺧﯩﺘﺎﻳﺪﺍ ﺋﻪﻣﻪﻝ-ﻣﻪﻧﺴﻪﭖ ﺩﯦﮕﻪﻧﻨﻰ ﭘﯘﻟﻐﺎ ﺳﺎﺗﯩﺪﯗ"

ﺑﯧﻴﺠﯩﯖﺪﯨﻜﻰ ﺑﯜﻳﯜﻙ ﺧﻪﻟﻖ ﺳﺎﺭﯨﻴﯩﻨﯩﯔ ﺋﻪﺗﺮﺍﭘﯩﻨﻰ ﺳﺎﻗﭽﯩﻼﺭ ﻗﺎﭘﻼﭖ ﻛﻪﺗﻜﻪﻥ. ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﻰ ﺋﻪﺗﺮﺍﭘﯩﺪﺍ ﺋﺎﺩﻩﻣﻠﻪﺭ ﺷﺎﻻﯓ، ﻣﯘﻫﯩﺖ ﯞﻩﻫﯩﻤﯩﻠﯩﻚ. ﻛﯘﭼﺎ ﺋﺎﭘﺘﻮﺑﻮﺳﻠﯩﺮﯨﺪﯨﻤﯘ ﺳﺎﻗﭽﯩﻼﺭ ﺧﻪﻟﻘﻨﻰ ﻛﯚﺯﻩﺗﻤﻪﻛﺘﻪ. ﻗﯘﺭﯗﻟﺘﺎﻳﻨﻰ ﺋﺎﻟﻘﯩﺸﻼﻳﺪﯨﻐﺎﻥ ﺋﺎﯞﺍﺯﻻﺭ ﺗﯧﻠﯧﯟﯨﺰﻭﺭﻻﺭﺩﯨﻼ ﺑﺎﺭ. ﺳﺎﻗﭽﯩﻼﺭ ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﯩﺪﯨﻦ ﺋﯚﺗﻜﻪﻧﺪﯨﻦ ﻛﯧﻴﯩﻦ ﺋﺎﭘﺘﻮﺑﯘﺳﻼﺭﺩﯨﻦ ﭼﯜﺷﯜﭖ ﻛﯧﺘﯩﺪﯗ.

ﻣﯘﺧﺒﯩﺮﯨﻤﯩﺰ ﺑﯩﺮ ﺋﺎﺷﺨﺎﻧﯩﺪﺍ ﺋﻮﻟﺘﯘﺭﻏﺎﻥ ﻛﯩﺸﯩﻠﻪﺭ ﺑﯩﻠﻪﻥ ﺳﯚﺯﻟﻪﺷﻜﻪﻧﺪﻩ، ﺟﺎﯕﺠﺎﻛﯘﺩﯨﻦ ﻛﻪﻟﮕﻪﻥ ﺑﯩﺮ ﺑﻮﯞﺍﻱ " ﺑﯧﻴﺠﯩﯖﺪﯨﻜﻰ ﺋﺎﺩﻩﻣﻠﻪﺭﮔﻪ ﻗﺎﺭﯨﺴﺎ، ﺋﯘﻻﺭﻧﯩﯔ ﺋﺎﺩﻩﻡ ﺳﯩﻴﺎﻗﻰ ﺑﺎﺭ ﺋﯩﻜﻪﻥ، ﻟﯧﻜﯩﻦ ﺑﯩﺰ ﺗﻪﺭﻩﭘﺘﻪ ﺳﺎﭘﻼ ﺑﯘﻻﯕﭽﻰ، ﻛﯘﭼﯩﻼﺭﺩﺍ ﺳﺎﭘﻼ ﺑﯘﻻﯕﭽﻰ، ﺋﺎﻳﺎﻟﻼﺭ ﻛﯘﭼﯩﻼﺭﺩﺍ ﺳﻮﻣﻜﺎ ﺗﯘﺗﯘﭖ ﻣﺎﯕﺎﻟﻤﺎﻳﺪﯗ، ﺳﻮﻣﻜﺎ ﺗﯘﺗﯘﭖ ﻣﺎﯕﺴﯩﻼ ﺑﯘﻻﯕﭽﯩﻼﺭ ﺑﯘﻻﭖ ﻛﯧﺘﯩﺪﯗ. ﻫﺎﺯﯨﺮ ﺋﻪﻣﻪﻝ -ﻣﻪﻧﺴﻪﭖ ﺩﯦﮕﻪﻧﻨﻰ ﭘﻮﻟﻐﺎ ﺳﺎﺗﯩﺪﯗ، ﺑﺎﺷﻘﺎﺭﻣﺎ ﺩﻩﺭﯨﺠﯩﻠﯩﻚ ﺋﻪﻣﻪﻟﻨﯩﯔ ﺑﺎﻫﺎﺳﻰ 150 ﻣﯩﯔ، ﺑﯘﻧﺪﺍﻕ ﺋﻪﻣﻪﻟﻨﻰ ﺳﯧﺘﯩﯟﺍﻟﻐﺎﻥ ﻛﯩﺸﻰ، ﺳﻪﺭﭖ ﻗﯩﻠﻐﺎﻥ ﭘﯘﻟﻨﻰ ﺑﯩﺮ ﻳﯩﻠﺪﯨﻼ ﺗﯧﭙﯩﯟﺍﻟﯩﺪﯗ" ﺩﯦﮕﻪﻥ.

"ﺋﻪﻫﯟﺍﻟﻨﻰ ﺋﯘﻗﻤﺎﻳﻤﯩﺰ "

ﻣﻪﺭﻛﯩﺰﻯ ﻫﻪﺭﺑﯩﻲ ﻛﻮﻣﯩﺘﯧﺖ ﻣﯧﻬﻤﺎﻧﺨﺎﻧﯩﺴﯩﻨﯩﯔ ﺑﯩﺮ ﺧﯩﺰﻣﻪﺗﭽﯩﺴﻰ ﻣﯘﺧﺒﯩﺮﯨﻤﯩﺰﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، 17 ‏- ﻗﯘﺭﯗﻟﺘﺎﻱ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻧﺪﺍ " ﻗﯘﺭﯗﻟﺘﺎﻳﻨﻰ ﻫﻪﻣﻤﻪ ﻛﯩﺸﻰ ﻳﺎﺧﺸﻰ ﺑﻮﻟﺪﻯ ﺩﯦﻴﯩﺸﯩﺪﯨﻐﯘ ؟ ﺑﯩﺰ ﺗﯧﻠﯧﯟﯨﺰﻭﺭ ﻛﯚﺭﻣﯩﺪﯗﻕ. ﺋﻪﻫﯟﺍﻟﻨﻰ ﺋﯘﻗﻤﺎﻳﻤﯩﺰ" ﺩﻩﭖ ﺟﺎﯞﺍﺏ ﺑﻪﺭﮔﻪﻥ.

ﺧﻮﯕﻜﻮﯕﺪﯨﻜﻰ 'ﯞﯦﻨﺨﯘﻳﺒﺎﯞ'، 'ﺩﺍﮔﻮﯕﺒﺎﯞ' ﺩﯦﮕﻪﻥ ﮔﯧﺰﯨﺘﻠﻪﺭ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺋﯚﺯﯨﻨﯩﯔ ﮔﯧﺰﯨﺘﻠﯩﺮﻯ

ﺧﻮﯕﻜﻮﯕﺪﺍ ﭼﯩﻘﯩﺪﯨﻐﺎﻥ ﺷﻪﭘﻪ ﮊﯗﺭﻧﯩﻠﯩﻨﯩﯔ ﻣﯘﻫﻪﺭﺭﯨﺮﻯ ﺟﯩﻦ ﺟﯘﯓ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﭼﻮﯓ ﻗﯘﺭﯗﻗﻠﯘﻗﺘﺎ ﺧﻮﯕﻜﻮﯕﺪﯨﻜﻰ 'ﯞﯦﻨﺨﯘﻳﺒﺎﯞ'، 'ﺩﺍﮔﻮﯕﺒﺎﯞ' ﺩﯦﮕﻪﻥ ﮔﯧﺰﯨﺘﻠﻪﺭﻧﻰ ﺧﻮﯕﻜﻮﯓ ﺧﻪﻟﻘﻨﯩﯔ ﺋﺎﯞﺍﺯﻯ ﺩﻩﭖ ﺩﻩﯞﺍﭘﺘﯘ، ﺋﻪﻣﻪﻟﯩﻴﻪﺗﺘﻪ ﺑﯘ ﮔﯧﺰﯨﺘﻠﻪﺭ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﺋﯚﺯﯨﻨﯩﯔ ﮔﯧﺰﯨﺘﻠﯩﺮﻯ، ﺋﯘﻧﯩﯖﺪﺍ ﺩﯦﻴﯩﻠﮕﻪﻥ ﮔﻪﭘﻠﻪﺭ ﺧﻮﯕﻜﻮﯓ ﺧﻪﻟﻘﻨﯩﯔ ﺋﺎﯞﺍﺯﻯ ﺋﻪﻣﻪﺱ، ﺋﯘﻧﯩﯔ ﺧﻮﯕﻜﻮﯓ ﺧﻪﻟﻘﯩﮕﻪ ﯞﻩﻛﯩﻠﻠﯩﻚ ﻗﯩﻠﯩﺶ ﻫﻮﻗﯘﻗﻰ ﻳﻮﻕ.

ﺋﺎﻣﯧﺮﯨﻜﯩﺪﯨﻜﻰ ﯞﻩ ﺗﻪﻳﯟﻩﻧﺪﯨﻜﻰ ﺳﺎﻳﻼﻣﻼﺭﺩﺍ ﻧﺎﻣﺰﺍﺗﻼﺭ ﺋﯚﺯﯨﻨﯩﯔ ﺧﻪﻟﻘﻘﻪ ﻧﯧﻤﻪ ﺋﯩﺶ ﻗﯩﻠﯩﭗ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﯞﻩﺩﻩ ﺑﯧﺮﯨﺪﯗ. ﺧﻪﻟﻖ ﺷﯘﻧﯩﯖﻐﺎ ﻗﺎﺭﺍﭖ ﺳﺎﻳﻼﺵ ﻳﺎﻛﻰ ﺳﺎﻳﻠﯩﻤﺎﺳﻠﯩﻘﻨﻰ ﺑﻪﻟﮕﯩﻠﻪﻳﺪﯗ. ﺧﯩﺘﺎﻳﺪﺍ ﺋﯘﻧﺪﺍﻕ ﺋﻪﻣﻪﺱ، ﺧﯩﺘﺎﻳﺪﺍ ﺳﺎﻳﻼﻡ ﻳﻮﻕ. 'ﺳﺎﻳﻼﻧﺪﻯ' ﺩﯦﮕﻪﻥ ﻛﯩﺸﯩﻠﻪﺭﻧﻰ ﺋﯘﻻﺭ ﺋﯚﺯﻟﯩﺮﻯ ﺋﺎﻟﺪﯨﻦ ﺑﻪﻟﮕﯩﻠﯩﯟﺍﻟﻐﺎﻥ.

ﺧﯘ ﺟﯩﻨﺘﺎﯞ 62 ﻗﯧﺘﯩﻢ ﺗﯩﻠﻐﺎ ﺋﺎﻟﻐﺎﻥ 'ﺩﯦﻤﻮﻛﺮﺍﺗﯩﻴﻪ' ﺋﻪﻣﻪﻟﯩﻴﻪﺗﺘﻪ ﺩﯗﻧﻴﺎﻧﯩﯔ ﭼﯜﺷﻪﻧﭽﯩﺴﯩﺪﯨﻜﻰ ﺩﯦﻤﻮﻛﺮﺍﺗﯩﻴﻪ ﺋﻪﻣﻪﺱ

ﺋﺎﻣﯧﺮﯨﻜﯩﺪﯨﻜﻰ ﻏﻪﺭﺏ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﻳﺎﯓ ﻟﯩﻴﻰ ﺋﻪﭘﻪﻧﺪﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯘ ﺟﯩﻨﺘﺎﯞ 17 ‏- ﻗﯘﺭﯗﻟﺘﺎﻳﺪﺍ ﻗﯩﻠﻐﺎﻥ ﺳﯚﺯﯨﺪﻩ، ﺩﯗﻧﻴﺎﻧﯩﯔ ﺑﯧﺴﯩﻤﯩﻐﺎ ﺗﺎﻗﺎﺑﯩﻞ ﺗﯘﺭﯗﺵ ﺋﯜﭼﯜﻥ 'ﺩﯦﻤﻮﻛﺮﺍﺗﯩﻴﻪ' ﺩﯦﮕﻪﻥ ﺋﺎﺗﺎﻟﻐﯘﻧﻰ 62 ﻗﯧﺘﯩﻢ ﺗﯩﻠﻐﺎ ﺋﺎﻟﺪﻯ. ﺋﻪﻣﻤﺎ ﺋﯘ ﺩﯦﮕﻪﻥ 'ﺩﯦﻤﻮﻛﺮﺍﺗﯩﻴﻪ' ﭘﯜﺗﯜﻥ ﺩﯗﻧﻴﺎﺩﺍ ﺩﯦﻴﯩﻠﯩﯟﺍﺗﻘﺎﻥ ﺩﯦﻤﻮﻛﺮﺍﺗﯩﻴﻪ ﺋﻪﻣﻪﺱ، ﺋﯘ ﻳﻪﻧﯩﻼ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﻣﯘﺳﺘﻪﺑﯩﺘﻠﯩﻜﻰ، ﺧﻪﻟﻖ ﺳﺎﻳﻼﻡ ﺋﯚﺗﻜﯜﺯﯨﺪﯨﻐﺎﻥ ﺩﯦﻤﻮﻛﺮﺍﺗﯩﻴﻪ ﺋﻪﻣﻪﺱ.

17 ‏- ﻗﯘﺭﯗﻟﺘﺎﻱ ﺋﯘﻳﻐﯘﺭ ﺧﻪﻟﻘﯩﮕﻪ ﻳﺎﺧﺸﯩﻠﯩﻖ ﺋﯧﻠﯩﭗ ﻛﻪﻟﻤﻪﻳﺪﯗ

ﻳﺎﯞﺭﯗﭘﺎﺩﺍ ﭼﯩﻘﯩﺪﯨﻐﺎﻥ ﻏﻪﺭﺏ ﺷﺎﻣﯩﻠﻰ ﮊﯗﺭﻧﯩﻠﯩﻨﯩﯔ ﺗﻪﻫﺮﯨﺮﻯ ﺋﺎﺑﺪﯨﺮﯦﺸﯩﺖ ﻫﺎﺟﻰ ﻛﯧﺮﯨﻤﻰ ﺋﻪﭘﻪﻧﺪﻯ ﺋﯚﺯﯨﻨﯩﯔ 17 ‏- ﻗﯘﺭﯗﻟﺘﺎﻱ ﻫﻪﻗﻘﯩﺪﯨﻜﻰ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺋﯘﻧﯩﯔ ﻗﺎﺭﯨﺸﯩﭽﻪ، 17 ‏- ﻗﯘﺭﯗﻟﺘﺎﻱ ﺋﯘﻳﻐﯘﺭ ﺧﻪﻟﻘﯩﮕﻪ ﻳﺎﺧﺸﯩﻠﯩﻖ ﺋﯧﻠﯩﭗ ﻛﻪﻟﻤﻪﻳﺪﯗ.

ﺋﺎﺑﺪﯗﺭﯦﺸﯩﺖ ﻫﺎﺟﻰ ﻛﯧﺮﯨﻤﻰ ﺋﻪﭘﻪﻧﺪﻯ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ، ﺋﺎﺑﻠﻪﺕ ﺋﺎﺑﺪﯗﺭﯦﺸﯩﺖ، ﻧﯘﺭ ﺑﻪﻛﺮﯨﻠﻪﺭﻧﯩﯔ ﺧﯩﺘﺎﻱ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺋﻪﺯﺍﺳﻰ ﺑﻮﻟﻐﺎﻧﻠﯩﻘﻰ ﻫﻪﻗﻘﯩﺪﯨﻤﯘ ﺗﻮﺧﺘﺎﻟﺪﻯ. ﺋﯘﻧﯩﯔ ﻗﺎﺭﯨﺸﯩﭽﻪ، ﺑﯘ ﻛﯩﺸﯩﻠﻪﺭ ﺋﯘﻳﻐﯘﺭﻻﺭﻏﺎ ﯞﻩﻛﯩﻠﻠﯩﻚ ﻗﯩﻠﯩﺪﯨﻐﺎﻥ ﺋﺎﺩﻩﻣﻠﻪﺭ ﺋﻪﻣﻪﺱ. (ﯞﻩﻟﻰ)