2008‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﺵ ﺗﻮﻏﺮﺍ ﻗﺎﺭﺍﺭﻣﯘ ؟

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2008‏- ﻳﯩﻠﻠﯩﻖ ﺑﯧﻴﺠﯩﯔ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ، ﻫﻪﻡ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﺵ ﻫﻪﻣﺪﻩ 2008‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﺳﺎﻫﯩﺒﺨﺎﻧﻠﯩﻖ ﻗﯩﻠﯩﺶ ﻫﻮﻗﯘﻗﯩﻨﻰ ﺑﯧﻴﺠﯩﯖﻐﺎ ﺑﻪﺭﮔﻪﻥ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﻗﺎﺭﺷﻰ ﺗﻪﻧﻘﯩﺪ ﯞﻩ ﻧﺎﺭﺍﺯﯨﻠﯩﻘﻼﺭ ﻛﯚﭘﻪﻳﻤﻪﻛﺘﻪ. ﺑﻪﺯﻯ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﯞﻩ ﺋﺎﻣﯧﺮﯨﻜﺎ ﺳﯩﻴﺎﺳﻪﺗﭽﯩﻠﯩﺮﻯ ﻫﻪﺗﺘﺎ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﭼﺎﻗﯩﺮﻣﺎﻗﺘﺎ. ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﻣﻪﺗﺒﯘﺋﺎﺗﯩﺪﺍ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ، 1938‏- ﻳﯩﻠﻰ ﮔﯩﺘﻠﯧﺮ ﮔﯧﺮﻣﺎﻧﯩﻴﯩﺴﯩﺪﻩ ﺋﯚﺗﻜﯜﺯﯛﻟﮕﻪﻥ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻥ ﻣﺎﻗﺎﻟﻪ ﯞﻩ ﻣﯘﻻﻫﯩﺰﯨﻠﻪﺭ ﺋﯧﻼﻥ ﻗﯩﻠﯩﻨﻤﺎﻗﺘﺎ.

ﺧﯩﺘﺎﻱ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﺑﻪﺭﮔﻪﻥ ﯞﻩﺩﯨﺴﯩﮕﻪ ﺋﻪﻣﻪﻝ ﻗﯩﻠﻤﯩﺪﻯ

ﺩﺍﻧﺎ ﺭﻭﺭﺍﺑﺎﺧﻪﺭ ﻗﺎﺗﺎﺭﻟﯩﻖ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﻯ، 2008‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺸﻘﺎ ﭼﺎﻗﯩﺮﯨﯟﺍﺗﻘﺎﻥ ﺑﻮﻟﺴﺎ، ﻳﯧﻘﯩﻨﺪﺍ ﮔﻮﻟﻼﻧﺪﯨﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺗﻪﺭﯨﭙﯩﺪﯨﻦ ﮔﻮﻟﻼﻧﺪﯨﻴﯩﻨﯩﯔ ﭘﺎﻳﺘﻪﺧﺘﻰ ﮔﺎﺋﺎﮔﺎ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺑﯩﺮ ﻳﯩﻐﯩﻨﺪﺍ ﺳﯜﺯ ﻗﯩﻠﻐﺎﻥ،ﮔﻮﻟﻼﻧﺪﯨﻴﯩﻠﯩﻚ ﺋﺎﺗﺎﻗﻠﯩﻖ ﻛﯩﻨﻮ ﺋﺎﺭﺗﯩﺴﻰ ﺋﻪﺭﯨﻚ ﻓﺎﻥ ﻣﯩﻴﯘﺯﯞﯦﻨﻜﻪﻝ ﮔﻮﻟﻼﻧﺪﯨﻴﯩﻠﯩﻚ ﺗﻪﻧﻬﻪﺭﯨﻜﻪﺗﭽﯩﻠﻪﺭﺩﯨﻦ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﻗﺎﺗﻨﺎﺷﻤﺎﺳﻠﯩﻘﯩﻨﻰ ﺗﻪﻟﻪﭖ ﻗﯩﻠﺪﻯ ﺷﯘﻧﺪﺍﻗﻼ ﺋﻪﻧﮕﯩﻠﯩﻴﻪ ﺷﺎﻫﺰﺍﺩﯨﺴﻰ ﭼﺎﺭﻟﯩﺰ ﺋﯚﺯﯨﻨﯩﯔ 2008‏- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺋﯩﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﺋﯚﺗﻜﻪﻥ ﭘﻪﻳﺸﻪﻧﺒﻪ ﻛﯜﻧﻰ ﺑﯩﺮ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ،ﺧﯩﺘﺎﻱ 2008‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﺳﺎﻫﯩﺒﺨﺎﻧﯩﻠﯩﻖ ﻗﯩﻠﯩﺶ ﻫﻮﻗﯘﻗﻰ ﺑﯧﻴﺠﯩﯖﻐﺎ ﺑﯧﺮﯨﻠﮕﻪﻧﺪﻩ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺧﯩﺘﺎﻳﺪﯨﻜﻰ ﯞﻩﺯﯨﻴﯩﺘﯩﻨﻰ ﻳﺎﺧﺸﯩﻼﺵ ﺗﻮﻏﺮﯨﺴﯩﺪﺍ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻐﺎ ﺑﻪﺭﮔﻪﻥ ﯞﻩﺩﯨﺴﯩﮕﻪ ﺋﻪﻣﻪﻝ ﻗﯩﻠﻤﯩﺪﻯ ﺩﻩﭖ، ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﻐﺎﻥ.

ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﻣﻪﺗﺒﯘﺋﺎﺗﯩﺪﺍ، 2008‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﯩﺸﯩﮕﻪ ﻗﺎﺭﺷﻰ ﺋﯧﻼﻥ ﻗﯩﻠﯩﻨﯩﯟﺍﺗﻘﺎﻥ ﻣﺎﻗﺎﻟﻪ ﯞﻩ ﻣﯘﻻﻫﯩﺰﯨﻠﻪﺭ ﻛﯜﻧﺴﯧﺮﻯ ﻛﯚﭘﯩﻴﯩﯟﺍﺗﻘﺎﻥ ﺑﻮﻟﯘﭖ، 24‏- ﻳﺎﻧﯟﺍﺭ ﻛﯜﻧﻰ ﺋﺎﻣﯧﺮﯨﻜﯩﺪﺍ ﭼﯩﻘﯩﺪﯨﻐﺎﻥ ﻧﻴﯘﻳﻮﺭﻙ ﺗﺎﻳﻤﯩﺰ ﮔﯧﺰﯨﺘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ "ﺧﯩﺘﺎﻳﻨﯩﯔ ﻗﯩﺮﻏﯩﻨﭽﯩﻠﯩﻖ ﺋﻮﻟﯩﻤﭙﯩﻜﻰ" ﻣﺎﯞﺯﯗﻟﯘﻕ ﻣﺎﻗﺎﻟﻪ ﺑﯘﻧﯩﯔ ﺑﯩﺮ ﻣﯩﺴﺎﻟﻰ ﻫﯧﺴﺎﺑﻠﯩﻨﯩﺪﯗ.

ﻧﯩﻜﻮﻻﺱ ﻛﯩﺮﯨﺴﺘﻮﻑ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺪﻩ، "ﺑﯘ ﻳﯩﻞ ﻳﺎﺯﺩﺍ ﺑﯧﻴﺠﯩﯖﺪﺍ ﺋﯩﭽﯩﻠﯩﺪﯨﻐﺎﻥ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ، ﺧﯩﺘﺎﻳﻨﯩﯔ ﺋﯩﻜﻜﻰ ﻳﯩﻠﻠﯩﻖ ﺯﻩﺋﯩﭙﻠﯩﻚ، ﻧﺎﻣﺮﺍﺗﻠﯩﻖ ﯞﻩ ﻫﺎﻗﺎﺭﻩﺗﺘﯩﻦ ﻗﯘﺗﯘﻟﻐﺎﻧﻠﯩﻘﯩﻨﻰ ﺗﻪﻧﺘﻪﻧﻪ ﻗﯩﻠﯩﺶ ﺳﻮﺭﯗﻧﻰ ﺑﻮﻟﯘﺷﻰ ﻛﯧﺮﻩﻙ ﺋﯩﺪﻯ. ﺋﻪﻣﻤﺎ ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺩﺍﺭﻓﯘﺭﺩﯨﻜﻰ ﻗﯩﺮﻏﯩﻨﭽﯩﻠﯩﻘﻨﻰ ﻗﻮﻟﻼﺵ ﯞﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺩﺍﺭﻓﯘﺭﻏﺎ ﻫﻪﺭﺑﯩﻲ ﻛﯜﭺ ﺋﻪﯞﻩﺗﯩﺶ ﺗﻪﺷﻪﺑﺒﯘﺳﯩﻐﺎ ﺗﻮﺳﻘﯘﻧﻠﯘﻕ ﻗﯩﻠﯩﺶ ﺋﺎﺭﻗﯩﻠﯩﻖ، ﺧﻪﻟﻘﺌﺎﺭﺍﺩﺍ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﻗﯩﺮﻏﯩﻨﭽﯩﻠﯩﻖ ﺋﻮﻟﯩﻤﭙﯩﻜﻰ ﺩﻩﭖ ﺋﺎﺗﺎﺵ ﻫﻪﺭﯨﻜﯩﺘﯩﻨﯩﯔ ﻛﯜﭼﯩﻴﯩﺸﯩﮕﻪ ﺳﻪﯞﻩﺏ ﺑﻮﻟﻤﺎﻗﺘﺎ " ﺩﯦﻴﯩﻠﮕﻪﻥ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺩﻭﻟﻘﯘﻧﯩﺪﯨﻦ ﻗﺎﻳﻐﯘﺭﯗﯞﺍﺗﯩﺪﯗ

ﺧﻪﻟﻘﺌﺎﺭﺍﺩﺍ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﻗﺎﺭﺷﻰ ﻗﻮﺯﻏﺎﻟﻐﺎﻥ ﻫﻪﺭﯨﻜﻪﺕ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﻗﺎﺗﺘﯩﻖ ﺑﯩﺌﺎﺭﺍﻡ ﻗﯩﻠﻤﺎﻗﺘﺎ. ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺟﻴﺎﯓ ﻳﯜ 24 ‏- ﻳﺎﻧﯟﺍﺭ ﻛﯜﻧﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﮕﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ، ﺩﺍﺭﻓﯘﺭ ﻛﺮﯨﺰﯨﺴﻰ ﺗﻮﻏﺮﯨﺴﯩﺪﺍ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﺗﻪﻧﻘﯩﺪﻟﯩﺮﯨﻨﻰ ﻗﻪﺗﺌﯩﻲ ﻗﻮﺑﯘﻝ ﻗﯩﻠﻤﺎﻳﺪﯗ. ﺑﻪﺯﻯ ﺗﻪﺷﻜﯩﻼﺗﻼﺭ، ﺩﺍﺭﻓﯘﺭ ﻣﻪﺳﯩﻠﺴﯩﻨﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﻪﻧﺪﯛﺭﯛﺵ ﺋﺎﺭﻗﯩﻠﯩﻖ، 2008‏- ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺗﻪﻳﻴﺎﺭﻟﯩﻖ ﺧﯩﺰﻣﻪﺗﻠﯩﺮﯨﮕﻪ ﺗﻮﺳﻘﯘﻧﻠﯘﻕ ﻗﯩﻠﯩﺸﻘﺎ ﺗﯩﺮﯨﺸﯩﯟﺍﺗﯩﺪﯗ، ﺩﻩﭖ ﻛﯚﺭﺳﻪﺗﻜﻪﻥ.

ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺗﻪﺷﻜﯩﻠﻠﻪﺵ ﻛﻮﻣﯩﺘﯧﺘﯩﻨﯩﯔ ﺑﺎﻳﺎﻧﺎﺗﭽﯩﺴﻰ، ﯞﺍﯓ ﺧﯘﻱ، ﺋﻪﻧﮕﯩﻠﯩﻴﻪ ﺷﺎﻫﺰﺍﺩﯨﺴﻰ ﭼﺎﺭﻟﯩﺰﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺋﯩﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭﮔﻪ ﺩﻩﺭﻫﺎﻝ ﺋﯩﻨﻜﺎﺱ ﻗﺎﻳﺘﯘﺭﯗﭖ، ﺋﻪﻧﮕﯩﻠﯩﻴﻪ ﺷﺎﻫﺰﺍﺩﯨﺴﯩﻨﯩﯔ 2008‏- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺸﻰ، ﭘﯜﺗﯜﻥ ﺩﯗﻧﻴﺎﻏﺎ ﺋﺎﺋﯩﺖ ﺑﻮﻟﻐﺎﻥ ﺑﯩﺮ ﭘﺎﺋﺎﻟﯩﻴﻪﺗﻜﻪ ﺋﺎﺩﺍﻟﻪﺗﺴﯩﺰﻟﯩﻚ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﻐﺎﻧﻠﯩﻖ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ" ﺩﯦﮕﻪﻥ.

ﺋﺎﻣﯧﺮﯨﻜﺎ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﯩﺴﻰ ﻛﯩﺮﯨﺴﺘﻮﻓﯧﺮ ﺑﻮﺩﯨﻨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﯞﻩ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻳﻴﺎﺭﻟﯩﻖ ﻛﻮﻣﯩﺘﯧﺘﻰ ﺑﺎﻳﺎﻧﺎﺗﭽﯩﻠﯩﺮﯨﻨﯩﯔ ﻳﯘﻗﯩﺮﯨﺪﯨﻜﻰ ﺳﯚﺯﻟﯩﺮﻯ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﻮﻟﯘﭘﻤﯘ ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺩﯙﻟﻪﺗﻠﯩﺮﯨﺪﻩ، ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﺋﺎﺗﺎﻗﻠﯩﻖ ﺳﻪﻧﺌﻪﺗﭽﯩﻠﻪﺭﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﻗﺎﺭﺷﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭘﺎﺋﺎﻟﯩﻴﻪﺗﻠﯩﺮﯨﺪﯨﻦ ﺷﯘﻧﯩﯖﺪﻩﻙ ﻏﻪﺭﺏ ﻣﻪﺗﺒﯘﺋﺎﺗﯩﺪﺍ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﯩﺸﯩﮕﻪ ﻗﺎﺭﺷﻰ ﺋﯧﻼﻥ ﻗﯩﻠﯩﻨﯩﯟﺍﺗﻘﺎﻥ ﻣﺎﻗﺎﻟﻪ ﯞﻩ ﻣﯘﻻﻫﯩﺰﯨﻠﻪﺭﺩﯨﻦ ﺋﻪﻧﺪﯨﺸﻠﻪﻧﮕﯩﻠﻰ ﺑﺎﺷﻠﯩﻐﺎﻧﻠﯩﻘﻰ ﺑﯘ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺑﺎﻳﻘﯘﺕ ﻗﯩﻠﯩﺶ ﺩﻭﻟﻘﯘﻧﯩﻐﺎ ﺋﺎﻳﻠﯩﻨﯩﭗ ﻛﯧﺘﯩﺸﯩﺪﯨﻦ ﻗﺎﺗﺘﯩﻖ ﻗﺎﻳﻐﯘﺭﯗﯞﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯨﻜﻪﻥ. (ﺋﯚﻣﻪﺭ ﻗﺎﻧﺎﺕ)