ﺗﺎﺭﯨﺨﺘﯩﻜﻰ ﺧﯩﺘﺎﻱ ﺳﯘﻻﻟﯩﻠﯩﺮﯨﻨﯩﯔ ﺋﺎﺭﻣﯩﻴﯩﺴﯩﺪﯨﻦ ﻫﺎﺯﯨﺮﻗﻰ ﺧﯩﺘﺎﻱ ﺗﺎﺭﯨﺨﭽﯩﻠﯩﺮﻯ ﻛﯜﭼﻠﯜﻙ ﭼﯩﻘﯩﯟﺍﺗﯩﺪﯗ
2007-05-21
ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﯚﻛﯜﻣﻪﺕ ﺗﻮﺭ ﺑﯧﺘﯩﺪﻩ 5 - ﺋﺎﻳﻨﯩﯔ 14 - ﻛﯜﻧﻰ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﺍ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﻪﺯﻛﯩﺮﯨﺴﻰ. ﺳﯩﻴﺎﺳﯩﻲ ﺋﯩﺸﻼﺭ ﺗﻪﭘﺴﯩﺮﺍﺗﻰ. ﻫﯚﻛﯜﻣﻪﺕ ﻗﯩﺴﻤﻰ" ﻧﻰ ﺭﻩﺳﻤﯩﻲ ﻧﻪﺷﺮ ﻗﯩﻠﺪﯗﺭﯗﭖ ﺗﺎﺭﻗﺎﺗﻘﺎﻥ. ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺑﯘ ﺗﻪﺯﻛﯩﺮﯨﺪﻩ ﻣﯩﻼﺩﯨﺪﯨﻦ ﺋﯩﻠﮕﯩﺮﯨﻜﻰ 60 - ﻳﯩﻠﻼﺭﺩﺍ ﺧﻪﻥ ﺳﯘﻻﻟﯩﺴﻰ 'ﻏﻪﺭﺑﯩﻲ ﻳﯘﺭﺕ ﻗﻮﺭﯗﻗﭽﯩﺒﻪﮒ ﻣﻪﻫﻜﯩﻤﯩﺴﻰ' ﺗﻪﺳﯩﺲ ﻗﯩﻠﻐﺎﻧﺪﯨﻦ ﺗﺎﺭﺗﯩﭗ 1995 - ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﯩﻜﻜﻰ ﻣﯩﯔ ﻳﯩﻠﺪﯨﻦ ﺋﺎﺭﺗﯘﻕ ﯞﺍﻗﯩﺖ ﺋﯩﭽﯩﺪﻩ، ﺧﯩﺘﺎﻳﻨﯩﯔ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﻫﺎﺯﯨﺮﻗﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﻰ ﺋﯩﺰﭼﯩﻞ ﺋﯩﺪﺍﺭﻩ ﻗﯩﻠﯩﭗ ﻛﯧﻠﯩﯟﺍﺗﻘﺎﻧﻠﯩﻘﻰ ﺑﺎﻳﺎﻥ ﻗﯩﻠﯩﻨﻐﺎﻥ.
ﺧﯩﺘﺎﻱ ﻫﯚﻛﯜﻣﯩﺘﻰ ﻧﻪﺷﺮ ﻗﯩﻠﺪﯗﺭﻏﺎﻥ ﺑﯘ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﻪﺯﻛﯩﺮﯨﺴﻰ" ﺩﻩﭖ ﺋﺎﺗﺎﻟﻐﺎﻥ ﭼﻮﯓ ﻫﻪﺟﯩﻤﻠﯩﻚ ﺑﯩﺮ ﻳﯜﺭﯛﺵ ﺗﺎﺭﯨﺨﯩﻲ ﻛﯩﺘﺎﺏ ﻣﻪﺧﺴﯘﺱ ﺳﺎﻫﻪﻟﻪﺭ ﺑﯘﻳﯩﭽﻪ ﻳﯧﺰﯨﭗ ﭼﯩﻘﯩﻠﻐﺎﻥ 79 ﭘﺎﺭﭼﻪ ﺗﻪﺯﻛﯩﺮﻩ ﯞﻩ 102 ﭘﺎﺭﭼﻪ ﺋﻮﺑﻼﺳﺖ، ﯞﯨﻼﻳﻪﺕ، ﻧﺎﻫﯩﻴﻪ ﺗﻪﺯﻛﯩﺮﯨﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻜﻪﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﻳﯩﮕﯩﺮﻣﻪ ﻳﯩﻞ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﻳﺎﺯﺩﯗﺭﯗﭖ ﭼﯩﻘﻘﺎﻥ ﺑﯘ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﻪﺯﻛﯩﺮﯨﺴﻰ" ﺩﻩﭖ ﺋﺎﺗﺎﻟﻐﺎﻥ ﭼﻮﯓ ﻫﻪﺟﯩﻤﻠﯩﻚ ﺑﯩﺮ ﻳﯜﺭﯛﺵ ﺗﺎﺭﯨﺨﯩﻲ ﻛﯩﺘﺎﺑﻼﺭﻧﻰ ﻗﺎﻳﺘﯩﺪﯨﻦ ﺗﻪﻛﺸﯜﺭﯛﭖ -ﺑﯧﻜﯩﺘﯩﺶ ﺋﯩﺸﻰ 2007 - ﻳﯩﻠﻰ ﺋﯩﭽﯩﺪﻩ ﺗﺎﻣﺎﻣﻠﯩﻨﯩﺪﯨﻜﻪﻥ.
ﺋﯩﻜﻜﻰ ﻣﯩﯔ ﻳﯩﻠﻠﯩﻖ ﺗﺎﺭﯨﺦ ﺟﻪﺭﻳﺎﻧﯩﺪﺍ ﺋﯘﻳﻐﯘﺭﻻﺭ ﺋﯚﺯﯨﮕﻪ ﺧﻮﺟﺎ ﺑﻮﻟﻐﺎﻥ ﺩﻩﯞﺭﻟﻪﺭ ﻣﯘﺗﻠﻪﻕ ﻛﯚﭖ ﺳﺎﻧﻨﻰ ﺗﻪﺷﻜﯩﻞ ﻗﯩﻠﯩﺪﯗ
ﺧﯩﺘﺎﻱ ﻫﯚﻛﯜﻣﯩﺘﻰ ﻧﻪﺷﺮ ﻗﯩﻠﺪﯗﺭﻏﺎﻥ ﺑﯘ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﻪﺯﻛﯩﺮﯨﺴﻰ" ﺩﻩﭖ ﺋﺎﺗﺎﻟﻐﺎﻥ ﭼﻮﯓ ﻫﻪﺟﯩﻤﻠﯩﻚ ﺑﯩﺮ ﻳﯜﺭﯛﺵ ﺗﺎﺭﯨﺨﯩﻲ ﻛﯩﺘﺎﺏ ﻫﻪﻗﻘﯩﺪﻩ، ﺗﺎﺭﯨﺨﺸﯘﻧﺎﺱ ﺩﻭﻛﺘﻮﺭ ﻗﺎﻫﺎﺭ ﺑﺎﺭﺍﺕ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ ﻣﯘﻻﻫﯩﺰﻩ ﺋﯧﻼﻥ ﻗﯩﻠﺪﻯ. ﻗﺎﻫﺎﺭ ﺑﺎﺭﺍﺗﻨﯩﯔ ﻗﺎﺭﯨﺸﯩﭽﻪ، ﺋﻪﻣﻪﻟﯩﻲ ﭘﺎﻛﯩﺘﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ، ﺋﯩﻜﻜﻰ ﻣﯩﯔ ﻳﯩﻠﻠﯩﻖ ﺗﺎﺭﯨﺦ ﺟﻪﺭﻳﺎﻧﯩﺪﺍ ﺋﯘﻳﻐﯘﺭﻻﺭ ﺋﯚﺯﯨﮕﻪ ﺧﻮﺟﺎ ﺑﻮﻟﻐﺎﻥ ﺩﻩﯞﺭﻟﻪﺭ ﻣﯘﺗﻠﻪﻕ ﻛﯚﭖ ﺳﺎﻧﻨﻰ ﺗﻪﺷﻜﯩﻞ ﻗﯩﻠﯩﺪﯗ.
ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﺭﯗﻧﻘﻰ ﺧﯩﺘﺎﻱ ﺳﯘﻻﻟﯩﻠﯩﺮﻯ ﺑﺎﺷﻘﺎ ﺋﻪﻟﻠﻪﺭﮔﻪ ﺗﺎﺟﺎﯞﯗﺯ ﻗﯩﻠﻐﺎﻥ ﺗﺎﺭﯨﺨﻨﻰ ﺗﻪﻧﻘﯩﺪﻟﯩﺸﻰ ﻛﯧﺮﻩﻙ ﺋﯩﺪﻯ
ﺗﺎﺭﯨﺨﺸﯘﻧﺎﺱ ﺩﻭﻛﺘﻮﺭ ﻗﺎﻫﺎﺭ ﺑﺎﺭﺍﺗﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﺋﻪﮔﻪﺭ ﺩﯦﻤﻮﻛﺮﺍﺗﯩﻚ ﻫﺎﻛﯩﻤﯩﻴﻪﺕ ﺑﻮﻟﺴﺎ، ﺑﯘﺭﯗﻧﻘﻰ ﺧﯩﺘﺎﻱ ﺳﯘﻻﻟﯩﻠﯩﺮﻯ ﺑﺎﺷﻘﺎ ﺋﻪﻟﻠﻪﺭﮔﻪ ﺗﺎﺟﺎﯞﯗﺯ ﻗﯩﻠﻐﺎﻥ ﺗﺎﺭﯨﺨﻨﻰ ﺗﻪﻧﻘﯩﺪﻟﯩﺸﻰ ﻛﯧﺮﻩﻙ ﺋﯩﻜﻪﻥ.
ﺗﺎﺭﯨﺨﺘﯩﻜﻰ ﺧﯩﺘﺎﻱ ﺳﯘﻻﻟﯩﻠﯩﺮﯨﻨﯩﯔ ﺋﺎﺭﻣﯩﻴﯩﺴﯩﺪﯨﻦ ﻫﺎﺯﯨﺮﻗﻰ ﺧﯩﺘﺎﻱ ﺗﺎﺭﯨﺨﭽﯩﻠﯩﺮﻯ ﻛﯜﭼﻠﯜﻙ ﭼﯩﻘﯩﯟﺍﺗﯩﺪﯗ
ﺋﺎﻣﯧﺮﯨﻜﯩﺪﯨﻜﻰ ﺟﻮﺭﺟﯩﺘﺎﯞﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﯩﺠﺘﯩﻤﺎﺋﯩﻲ- ﺗﺎﺭﯨﺦ ﭘﻪﻧﻠﯩﺮﻯ ﭘﺮﻭﻓﯧﺴﺴﻮﺭﻯ ﺟﺎﻳﻤﯩﺲ ﻣﯩﻠﯟﺍﺭﺩ ﺋﻪﭘﻪﻧﺪﯨﻤﯘ "ﻳﺎﯞﺭﻭ-ﺋﺎﺳﯩﻴﺎﻟﯩﻘﻼﺭﻧﯩﯔ ﺩﺍﻏﺪﺍﻡ ﻳﻮﻟﻠﯩﺮﻯ" ﻧﺎﻣﻠﯩﻖ ﻛﯩﺘﺎﺑﯩﻨﯩﯔ ﺑﺎﺵ ﻗﯩﺴﻤﯩﺪﺍ 'ﺷﯩﻨﺠﺎﯓ ﺋﻪﺯﻩﻟﺪﯨﻦ ﺟﯘﯕﮕﻮﻧﯩﯔ ﺑﯩﺮ ﻗﯩﺴﻤﻰ' ﺩﯦﻴﯩﻠﮕﻪﻥ ﻛﯚﺯ ﻗﺎﺭﺍﺷﻨﻰ ﺭﻩﺕ ﻗﯩﻠﯩﭗ "ﺑﯘ ﻣﻪﺳﯩﻠﯩﺪﻩ، ﺗﺎﺭﯨﺨﺘﯩﻜﻰ ﺧﯩﺘﺎﻱ ﺳﯘﻻﻟﯩﻠﯩﺮﯨﻨﯩﯔ ﺋﺎﺭﻣﯩﻴﯩﺴﯩﺪﯨﻦ ﻫﺎﺯﯨﺮﻗﻰ ﺧﯩﺘﺎﻱ ﺗﺎﺭﯨﺨﭽﯩﻠﯩﺮﻯ ﻛﯜﭼﻠﯜﻙ ﭼﯩﻘﯩﯟﺍﺗﯩﺪﯗ" ﺩﻩﭖ ﺗﻪﺳﯟﯨﺮﻟﯩﮕﻪﻥ. (ﯞﻩﻟﻰ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
