ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﻳﺪﯨﺰﻧﯩﯔ ﺧﯩﺘﺎﻱ ﯞﻩ ﺋﯘﻳﻐﯘﺭ ﺋﯧﻠﯩﺪﻩ ﻛﯜﻧﺴﯧﺮﻯ ﻳﺎﻣﺮﺍﯞﺍﺗﻘﺎﻧﻠﯩﻘﯩﻐﺎ ﺋﯩﻘﺮﺍﺭ ﺑﻮﻟﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺑﯧﻴﺠﯩﯖﺪﯨﻜﻰ ﻳﻪﺭ ﺋﺎﺳﺘﻰ ﭘﻮﻳﯩﺰ ﺋﯩﺴﺘﺎﻧﺴﯩﺴﯩﺪﯨﻜﻰ ﺋﻪﻳﺪﯨﺰ ﻫﻪﻗﻘﯩﺪﯨﻜﻰ ﺗﻪﺷﯟﯨﻘﺎﺕ ﺗﺎﺧﺘﯩﺴﻰ. 1-ﺩﯦﻜﺎﺑﯩﺮ. AFP

ﺩﯗﻧﻴﺎ ﺋﻪﻳﺪﯨﺰ ﻛﯜﻧﻰ ﻳﯧﺘﯩﭗ ﻛﯧﻠﯩﺶ ﺋﺎﻟﺪﯨﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﻣﻪﻣﻠﯩﻜﻪﺕ ﺋﯩﭽﯩﺪﯨﻜﻰ ﺋﻪﻳﺪﯨﺰ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﻣﻪﺧﺴﯘﺱ ﻣﻪﻟﯘﻣﺎﺗﻼﺭ ﺋﯧﻼﻥ ﻗﯩﻠﯩﭗ، ﺋﻪﻳﺪﯨﺰ ﺋﺎﭘﯩﺘﯩﻨﯩﯔ ﺧﯩﺘﺎﻳﺪﺍ ﯞﻩ ﺷﯘﻧﺪﺍﻗﻼ ﺋﯘﻳﻐﯘﺭ ﺋﯧﻠﯩﺪﻩ ﻛﯜﻧﺴﯧﺮﻯ ﻳﺎﻣﺮﺍﭖ ﻛﯧﺘﯩﯟﺍﺗﻘﺎﻧﻠﯩﻘﯩﻐﺎ ﺋﯩﻘﺮﺍﺭ ﺑﻮﻟﺪﻯ.

ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺸﯩﺪﯨﻜﻰ ﻳﯧﯖﻰ ﻣﻪﻟﯘﻣﺎﺕ

12 ‏- ﺋﺎﻳﻨﯩﯔ 1 ‏- ﻛﯜﻧﻰ ﻳﻪﻧﻰ ﺩﯗﻧﻴﺎ ﺋﻪﻳﺪﯨﺰ ﻛﯜﻧﻰ ﻳﯧﺘﯩﭗ ﻛﯧﻠﯩﺶ ﺋﺎﻟﺪﯨﺪﺍ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯ ﻣﻪﻣﻠﯩﻜﯩﺘﻰ ﺋﯩﭽﯩﺪﯨﻜﻰ ﺋﻪﻳﺪﯨﺰ ﺋﺎﭘﯩﺘﯩﻨﯩﯔ ﻫﻪﻗﯩﻘﻪﺗﻪﻥ ﺑﺎﺭﻏﺎﻧﺴﯧﺮﻯ ﻳﺎﻣﺮﺍﭖ ﻛﯧﺘﯩﯟﺍﺗﻘﺎﻧﻠﯩﻘﯩﻐﺎ ﺋﯩﻘﺮﺍﺭ ﺑﻮﻟﯘﭖ، ﺑﯘ ﻫﻪﻗﺘﻪ ﻳﯧﯖﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﺋﯧﻼﻥ ﻗﯩﻠﻐﺎﻥ. ﻣﻪﺳﯩﻠﻪﻥ، ﺑﯘﻧﺪﯨﻦ ﺑﯩﺮ ﻫﻪﭘﺘﻪ ﺋﯩﻠﮕﯩﺮﻯ ﺧﯩﺘﺎﻱ ﺳﻪﻫﯩﻴﻪ ﻣﯩﻨﯩﺴﺘﯩﺮﻯ، ﺑﯘ ﻳﯩﻠﻨﯩﯔ ﺋﯚﺯﯨﺪﻩ ﺧﯩﺘﺎﻳﺪﯨﻜﻰ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭ ﺳﺎﻧﯩﻨﯩﯔ ﺋﯩﻠﮕﯩﺮﯨﻜﯩﺪﯨﻦ ﻳﻪﻧﻪ 30% ﻛﯜﭼﻪﻳﮕﻪﻧﻠﯩﻜﯩﻨﻰ ﻣﻪﻟﯘﻡ ﻗﯩﻠﻐﺎﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﻳﻪﻧﻪ ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﺗﯜﺭﻟﯜﻙ ﻳﻮﻟﻼﺭ ﺋﺎﺭﻗﯩﻠﯩﻖ ﺋﺎﺩﻩﺗﺘﯩﻜﻰ ﭘﯘﻗﺮﺍﻻﺭ ﺋﺎﺭﯨﺴﯩﺪﺍ ﻛﻪﯓ ﻛﯚﻟﻪﻣﺪﻩ ﺗﺎﺭﻗﯩﻠﯩﺸﻘﺎ ﺑﺎﺷﻼﯞﺍﺗﻘﺎﻧﻠﯩﻘﯩﻐﺎ ﺋﯩﻘﺮﺍﺭ ﺑﻮﻟﯘﺵ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ ﺑﯘ ﺧﯩﻞ ﺋﺎﭘﻪﺗﻨﯩﯔ ﻛﯜﻧﺴﯧﺮﻯ ﻳﺎﻣﺮﺍﭖ ﻛﯧﺘﯩﺸﯩﻨﻰ "ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﯞﻩ ﻗﺎﻻﻳﻤﯩﻘﺎﻥ ﺟﯩﻨﺴﯩﻲ ﻣﯘﻧﺎﺳﯩﯟﻩﺕ ﻗﺎﺗﺎﺭﻟﯩﻘﻼﺭﺩﯨﻦ ﺑﺎﺷﻘﺎ ﻳﻪﻧﻪ ﻛﯚﭼﻤﻪﻧﻠﻪﺭ ﻧﻮﭘﯘﺳﯩﻨﯩﯔ ﻛﯜﻧﺴﯧﺮﻯ ﻛﯚﭘﯩﻴﯩﯟﺍﺗﻘﺎﻧﻠﯩﻘﯩﺪﯨﻦ" ﺩﻩﭖ ﻛﯚﺭﺳﻪﺗﻜﻪﻥ.

ﺧﯩﺘﺎﻱ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺗﻪﺭﯨﭙﯩﺪﯨﻦ ﺑﯧﺮﯨﻠﮕﻪﻥ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﺪﺍ ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﺋﻮﺧﺸﺎﺵ ﺟﯩﻨﯩﺴﺘﯩﻜﯩﻠﻪﺭ ﺋﺎﺭﯨﺴﯩﺪﺍ ﺗﺎﺭﻗﯩﻠﯩﺶ ﺋﻪﻫﯟﺍﻟﯩﻤﯘ ﺑﺎﺭﻏﺎﻧﺴﯧﺮﻯ ﺋﯧﻐﯩﺮﻻﺷﻘﺎﻥ ﺑﻮﻟﯘﭖ، ﺑﯘ ﺧﯩﻞ ﺋﻪﻫﯟﺍﻝ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﻰ ﺋﻮﻛﯘﻝ ﻗﯩﻠﯩﭗ ﺋﯘﺭﯗﺷﺘﯩﻦ ﻗﺎﻟﺴﺎ، ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﺗﺎﺭﻗﯩﻠﯩﺸﯩﺪﺍ ﺋﯩﻜﻜﯩﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺋﺎﺳﺎﺳﯩﻲ ﺳﻪﯞﻩﺏ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﻳﺪﯨﺰ ﺋﻪﻫﯟﺍﻟﻰ ﻛﯩﺸﯩﻨﻰ ﭼﯚﭼﯜﭼﯩﺪﯗ

ﺧﯩﺘﺎﻱ ﺋﺎﮔﯧﻨﺘﻠﯩﻘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻦ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﺍ، ﺑﯘﻟﺘﯘﺭ 9 ‏- ﺋﺎﻳﺪﯨﻦ ﺑﯘ ﻳﯩﻞ 9 ‏- ﺋﺎﻳﻐﯩﭽﻪ ﺑﻮﻟﻐﺎﻥ ﺑﯘ ﺑﯩﺮ ﻳﯩﻞ ﺋﯩﭽﯩﺪﻩ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﯧﯖﯩﺪﯨﻦ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﺳﺎﻧﻰ 6000 ﻏﺎ ﻳﻪﺗﻜﻪﻧﻠﯩﻜﻰ ﻫﻪﻣﺪﻩ ﻛﯜﻧﯩﮕﻪ ﺗﻪﺧﻤﯩﻨﻪﻥ 17 ﺩﯨﻦ ﻛﯚﭘﯩﻴﯩﯟﺍﺗﻘﺎﻧﻠﯩﻘﻰ ﺋﺎﺷﻜﺎﺭﯨﻼﻧﻐﺎﻥ. ﻣﻪﺯﻛﯘﺭ ﻣﻪﻟﯘﻣﺎﺗﺘﺎ ﻳﻪﻧﻪ، ﺑﯘ ﻳﯩﻞ 9 ‏- ﺋﺎﻳﻨﯩﯔ ﺋﺎﺧﯩﺮﯨﻐﺎ ﻗﻪﺩﻩﺭ، ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺗﯩﺰﯨﻤﻐﺎ ﺋﯧﻠﯩﻨﻐﺎﻥ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﺋﻮﻣﯘﻣﯩﻲ ﺳﺎﻧﯩﻨﯩﯔ 17 ﻣﯩﯖﺪﯨﻦ ﺋﺎﺷﻘﺎﻧﻠﯩﻘﻰ، ﺷﯘﻧﺪﺍﻗﻼ ﺋﻪﻳﺪﯨﺰ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﻐﯘﭼﯩﻼﺭ ﺳﺎﻧﯩﻨﯩﯔ 700 ﺩﯨﻦ ﺋﺎﺷﻘﺎﻧﻠﯩﻘﻰ ﺗﻪﻛﯩﺘﻠﯩﻨﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﻪﻳﺪﯨﺰ ﻛﯧﺴﯩﻠﻰ ﺗﯜﭘﻪﻳﻠﯩﺪﯨﻦ ﺋﯚﻟﮕﻪﻧﻠﻪﺭ ﺳﺎﻧﯩﻨﯩﯔ 100 ﺩﯨﻦ ﺋﺎﺷﻘﺎﻧﻠﯩﻘﻰ ﻫﻪﻣﺪﻩ ﺑﯘ ﺳﺎﻧﻨﯩﯔ ﺧﯩﺘﺎﻳﺪﯨﻜﻰ ﺋﻮﻣﯘﻣﯩﻲ ﺳﺎﻧﻨﯩﯔ 10% ﻧﻰ ﺋﯩﮕﯩﻠﻪﻳﺪﯨﻐﺎﻧﻠﯩﻘﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ. ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﻪﻫﯩﻴﻪ ﻧﺎﺯﺍﺭﯨﺘﯩﻨﯩﯔ ﻣﻪﻟﯘﻣﺎﺗﯩﺪﺍ ﺋﯧﻴﺘﯩﻠﯩﺸﯩﭽﻪ، ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰ ﻣﻪﺳﯩﻠﯩﺴﻰ ﺋﻪﯓ ﺋﯧﻐﯩﺮ ﺑﻮﻟﻐﺎﻥ ﺭﺍﻳﻮﻥ ﻏﯘﻟﺠﺎ ﯞﯨﻼﻳﯩﺘﻰ ﺑﻮﻟﯘﭖ، ﻣﻪﺯﻛﯘﺭ ﺟﺎﻳﺪﯨﻜﻰ ﻫﺎﻣﯩﻠﺪﺍﺭ ﺋﺎﻳﺎﻟﻼﺭﻧﯩﯔ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻠﯩﻨﯩﺶ ﻧﯩﺴﺒﯩﺘﯩﻨﯩﯔ ﺋﯚﺯﯨﻼ 1% ﻛﻪ ﻳﻪﺗﻜﻪﻥ. ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﺑﯘ ﻫﺎﻣﯩﻠﺪﺍﺭ ﺋﺎﻳﺎﻟﻼﺭﻧﯩﯔ ﻛﯚﭖ ﺳﺎﻧﺪﯨﻜﯩﺴﯩﻨﯩﯔ ﺋﻪﺭﻟﯩﺮﻯ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺗﯜﭘﻪﻳﻠﯩﺪﯨﻦ ﺋﻪﻳﺪﯨﺰ ﯞﯨﺮﯗﺳﻨﻰ ﺋﯚﺯﯨﮕﻪ ﻳﯘﻗﺘﯘﺭﯗﯞﺍﻟﻐﺎﻧﻼﺭ ﺋﯩﻜﻪﻥ.

ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺗﻪﺷﯟﯨﻘﺎﺕ ﺑﯩﻠﻪﻧﻼ ﭼﻪﻛﻠﯩﻨﯩﭗ ﻗﺎﻟﻤﺎﻗﺘﺎ

ﺋﻪﻳﺪﯨﺰ ﻣﯘﺗﻪﺧﻪﺳﺴﯩﺴﻠﯩﺮﻯ " ﺧﯩﺘﺎﻳﺪﯨﻜﻰ ﯞﻩ ﺷﯘﻧﺪﺍﻗﻼ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﻳﺪﯨﺰ ﺋﺎﭘﯩﺘﯩﻨﯩﯔ ﺑﯘﻧﺪﺍﻕ ﻳﺎﻣﺮﺍﭖ ﻛﯧﺘﯩﺸﯩﺪﯨﻜﻰ ﺳﻪﯞﻩﺏ، ﻳﻪﻧﯩﻼ ﻫﯚﻛﯜﻣﻪﺗﻨﯩﯔ ﻳﯧﺘﻪﺭﻟﯩﻚ ﻛﯚﯕﯜﻝ ﺑﯚﻟﻤﻪﻳﯟﺍﺗﻘﺎﻧﻠﯩﻘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ" ﺩﻩﭖ ﺗﻪﻛﯩﺘﻠﻪﭖ، "ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ ﭘﻪﻗﻪﺕ ﺗﻪﺷﯟﯨﻘﺎﺕ ﺧﯩﺰﻣﯩﺘﯩﻨﯩﻼ ﻛﯜﭼﻪﻳﺘﯩﭗ ﻗﺎﻟﻤﺎﻱ، ﺋﻪﯓ ﻣﯘﻫﯩﻤﻰ ﻫﯚﻛﯜﻣﻪﺕ ﺗﻪﯞﻩﺳﯩﺪﻩ ﺑﻮﻟﻤﯩﻐﺎﻥ ﺑﯩﺮ ﻗﯩﺴﯩﻢ ﺋﻪﻳﺪﯨﺰ ﺗﻪﺷﻜﯩﻼﺗﻠﯩﺮﯨﻨﻰ ﻳﯧﻘﯩﻨﺪﯨﻦ ﻗﻮﻟﻠﯩﺸﻰ ﻛﯧﺮﻩﻙ"، ﺩﻩﭖ ﻛﯚﺭﺳﻪﺗﻤﻪﻛﺘﻪ. ﺋﯘﻻﺭ ﻳﻪﻧﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻪﻳﺪﯨﺰ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﺧﯘ ﺟﻴﺎ ﯞﻩ ﯞﻩﻥ ﻳﻪﻧﺨﻪﻱ ﻗﺎﺗﺎﺭﻟﯩﻘﻼﺭﻧﻰ ﻗﻮﻟﻐﺎ ﺋﯧﻠﯩﭗ، ﻫﻪﺗﺘﺎ ﻗﺎﻣﺎﭖ ﻗﻮﻳﯘﭖ ﺳﻮﺭﺍﻕ ﻗﯩﻠﻐﺎﻧﻠﯩﻘﯩﻨﻰ ﻣﯩﺴﺎﻟﻐﺎ ﺋﯧﻠﯩﭗ، "ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺧﻪﻟﻖ ﺋﺎﺭﯨﺴﯩﺪﯨﻜﻰ ﺋﻪﻳﺪﯨﺰ ﭘﺎﺋﺎﻟﯩﻴﻪﺗﭽﯩﻠﯩﺮﯨﮕﻪ ﺑﯘﻧﺪﺍﻕ ﭘﻮﺯﯨﺘﺴﯩﻴﯩﺪﻩ ﺑﻮﻟﯘﭖ، ﺋﯘﻻﺭ ﻗﺎﻥ -ﺗﻪﺭ ﺳﯩﯖﺪﯗﺭﯗﭖ ﻗﯘﺭﯗﭖ ﭼﯩﻘﻘﺎﻥ ﺋﻪﻳﺪﯨﺰ ﺋﻮﺭﮔﺎﻧﻠﯩﺮﯨﻨﻰ ﺧﺎﻟﯩﻐﺎﻧﭽﻪ ﺗﺎﻗﯩﯟﯨﺘﯩﭗ، ﺗﻮﺳﺎﻟﻐﯘ ﻳﺎﺭﺍﺗﺴﺎ، ﺋﯘﻧﺪﺍﻗﺘﺎ ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﻳﺎﻣﺮﺍﭖ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﻪﻣﻪﺱ، ﺋﻪﻛﺴﯩﭽﻪ، ﺋﯘﻧﯩﯖﻐﺎ ﻳﻮﻝ ﺋﯧﭽﯩﭗ ﺑﻪﺭﮔﻪﻧﻠﯩﻚ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ" ﺩﻩﭖ ﺑﯩﻠﺪﯛﺭﻣﻪﻛﺘﻪ.

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﻳﺪﯨﺰ ﺋﺎﭘﯩﺘﯩﻨﻰ ﺋﺎﻟﺪﯨﻨﻰ ﺋﯧﻠﯩﺸﺘﺎ، ﺋﯜﻧﯜﻣﻠﯜﻙ ﭼﺎﺭﻩ ﺗﻪﺩﺑﯩﺮﻟﻪﺭﻧﻰ ﻗﻮﻟﻼﻧﻤﺎﻳﺪﯨﻜﻪﻥ. 2010 ‏- ﻳﯩﻠﯩﻐﺎ ﺑﺎﺭﻏﺎﻧﺪﺍ، ﺧﯩﺘﺎﻳﺪﯨﻜﻰ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭ ﺳﺎﻧﻰ 10 ﻣﯩﻠﻴﻮﻧﻐﺎ ﻳﯧﺘﯩﺸﻰ ﻣﯘﻣﻜﯩﻦ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﻪﺭﻟﯩﻚ ﺳﻪﻫﯩﻴﻪ ﺋﻮﺭﯗﻧﻠﯩﺮﯨﻨﯩﯔ ﭘﻪﺭﯨﺰﯨﺪﻩ، ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭﻧﯩﯔ ﺋﻮﻣﯘﻣﻰ ﺳﺎﻧﻰ 60 ﻣﯩﯖﺪﯨﻦ ﺋﺎﺷﻘﺎﻥ ﺑﻮﻟﯘﭖ، ﺑﯘ ﺳﺎﻥ ﻛﻪﻟﮕﯜﺳﻰ ﺑﯩﺮ ﻧﻪﭼﭽﻪ ﻳﯩﻞ ﺋﯩﭽﯩﺪﻩ، ﻳﻪﻧﯩﻼ ﺋﯩﺰﭼﯩﻞ ﻫﺎﻟﺪﺍ ﻛﯚﭘﯩﻴﯩﺪﯨﻜﻪﻥ.

ﺋﻮﺑﺰﻭﺭﭼﯩﻤﯩﺰ ﻟﻴﯘ ﺷﻴﺎﯞﺟﯘﻥ "ﺧﯩﺘﺎﻳﺪﯨﻜﻰ ﺋﻪﻳﺪﯨﺰ ﺋﺎﭘﯩﺘﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﯩﻜﻰ ﺑﯩﺮﺩﯨﻦ ﺑﯩﺮ ﺋﺎﻣﺎﻝ ﺧﻪﻟﻖ ﺋﺎﻣﻤﯩﺴﻰ ﺋﺎﺭﯨﺴﯩﺪﯨﻜﻰ ﺋﻪﻳﺪﯨﺰ ﺋﻮﺭﮔﺎﻧﻠﯩﺮﯨﻨﯩﯔ ﺳﺎﻧﯩﻨﻰ ﻛﯚﭘﻪﻳﺘﯩﭗ، ﺋﯘﻻﺭﻏﺎ ﺧﯩﺰﻣﻪﺕ ﻗﯩﻠﯩﺶ ﺷﺎﺭﺍﺋﯩﺘﻰ ﻳﺎﺭﯨﺘﯩﭗ ﺑﯧﺮﯨﺶ ﯞﻩ ﺷﯘﻧﺪﺍﻗﻼ ﺋﯘﻻﺭﻧﯩﯔ ﺋﻪﺭﻛﯩﻦ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﺸﯩﻐﺎ، ﺋﻪﺭﻛﯩﻦ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺸﯩﻐﺎ ﻳﻮﻝ ﻗﻮﻳﯘﺷﺘﯩﻦ ﺋﯩﺒﺎﺭﻩﺕ. ﺋﻪﮔﻪﺭ ﺑﯘﻧﺪﺍﻕ ﻗﯩﻠﻤﺎﻳﺪﯨﻜﻪﻥ، ﻳﻪﻧﻪ ﺑﯩﺮ ﻧﻪﭼﭽﻪ 10 ﻳﯩﻠﺪﯨﻦ ﻛﯧﻴﯩﻦ، ﺧﯩﺘﺎﻱ ﺋﯩﻠﮕﯩﺮﯨﻜﻰ "ﺷﻪﺭﻗﻰ ﺋﺎﺳﯩﻴﺎ ﻛﯧﺴﻪﻝ ﻛﯚﭘﯩﺴﻰ" ﺩﯨﻦ "ﺷﻪﺭﻗﻰ ﺋﺎﺳﯩﻴﺎ ﺋﻪﻳﺪﯨﺰ ﻛﯧﺴﻪﻝ ﻛﯚﺭﭘﯩﺴﻰ" ﺩﯦﮕﻪﻥ ﺋﺎﺗﺎﻗﻘﺎ ﻗﯧﻠﯩﺸﻰ ﻣﯘﻣﻜﯩﻦ" ﺩﻩﭖ ﺑﯩﻠﺪﯛﺭﺩﻯ. (ﻣﯧﻬﺮﯨﺒﺎﻥ)

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.