ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ 2007 - ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﻮﻕ ﺧﺎﺗﯩﺮﯨﺴﻰ ﺩﻭﻛﻼﺗﻰ ﺋﯧﻼﻥ ﻗﯩﻠﺪﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

11- ﻣﺎﺭﺕ ﺳﻪﻳﺸﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﺘﺎ ﺧﯩﺘﺎﻳﻨﯩﯔ 2007- ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﯩﯔ ﻧﺎﭼﺎﺭ ﭘﯧﺘﻰ ﺗﯘﺭﻏﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ. Source: http://www.state.gov/

11- ﻣﺎﺭﺕ ﺳﻪﻳﺸﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺩﯙﻟﻪﺗﻨﯩﯔ 2007- ﻳﯩﻠﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﻮﻕ ﺧﺎﺗﯩﺮﯨﺴﻰ ﻫﻪﻗﻘﯩﺪﻩ ﻳﯩﻠﻠﯩﻖ ﺩﻭﻛﻼﺕ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺩﻭﻛﻼﺗﺘﺎ ﺧﯩﺘﺎﻳﻨﯩﯔ 2007- ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﯩﻨﯩﯔ ﻧﺎﭼﺎﺭ ﭘﯧﺘﻰ ﺗﯘﺭﻏﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

"ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﯩﺮ ﻣﯘﺳﺘﻪﺑﯩﺖ ﺩﯙﻟﻪﺕ "

ﺩﻭﻛﻼﺗﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﯩﻠﻐﺎﻥ ﻗﯩﺴﯩﻤﻰ 139 ﺑﻪﺗﻠﯩﻚ ﺑﻮﻟﯘﭖ ﺑﯘ ﻗﯩﺴﯩﻤﺪﺍ ﺧﯩﺘﺎﻳﻨﯩﯔ ﻫﯚﻛﯜﻣﻪﺕ ﺗﯜﺯﯛﻟﻤﯩﺴﯩﮕﻪ ﺑﺎﻫﺎ ﺑﯧﺮﯨﻠﮕﻪﻥ ﻫﻪﻣﺪﻩ " ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﯩﺮ ﻣﯘﺳﺘﻪﺑﯩﺖ ﺩﯙﻟﻪﺕ ﺑﻮﻟﯘﭖ، ﺋﯘﻧﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﺪﺍ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺋﻪﯓ ﻫﻮﻗﯘﻗﻠﯘﻕ ﭘﺎﺭﺗﯩﻴﻪ ﺩﻩﭖ ﺗﻪﻛﯩﺘﻠﻪﻧﮕﻪﻥ" ﺩﻩﭖ ﻛﯚﺭﺳﯩﺘﯩﻠﯩﭗ، ﺧﯩﺘﺎﻳﺪﯨﻜﻰ ﻫﯚﻛﯜﻣﻪﺕ، ﺳﺎﻗﭽﻰ ﯞﻩ ﻫﻪﺭﺑﯩﻴﺪﯨﻜﻰ ﺋﻪﯓ ﻳﯘﻗﯩﺮﻯ ﻫﻮﻗﯘﻗﻼﺭﻧﯩﯔ ﺧﯩﺘﺎﻳﺪﺍ ﭘﺎﺭﺗﯩﻴﻪ ﺋﻪﺯﺍﻟﯩﺮﯨﻨﯩﯔ ﻗﻮﻟﯩﺪﺍ ﺋﯩﻜﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺩﻭﻛﻼﺗﻨﯩﯔ ﺑﯘ ﻗﯩﺴﻤﯩﻨﯩﯔ ﺑﯧﺸﯩﺪﯨﻼ ﺧﯩﺘﺎﻳﻨﯩﯔ 2007- ﻳﯩﻠﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﻮﻗﻰ ﺧﺎﺗﯩﺮﯨﺴﯩﻨﯩﯔ ﻧﺎﭼﺎﺭ ﻫﺎﻟﻪﺗﻨﻰ ﺳﺎﻗﻼﭖ ﻛﻪﻟﮕﻪﻧﻠﯩﻜﻰ، ﺧﯩﺘﺎﻳﻨﯩﯔ ﺗﯩﺒﻪﺕ ﯞﻩ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﻰ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﭗ ﻛﻪﻟﮕﻪﻧﺪﯨﻦ ﺑﺎﺷﻘﺎ ﻳﻪﻧﻪ، ﺳﯚﺯ ﭘﯩﻜﯩﺮ ﺋﻪﺭﻛﯩﻨﻠﯩﻜﻰ، ﺋﺎﺧﺒﺎﺭﺍﺕ ﯞﻩ ﺋﯩﻨﺘﯧﺮﻧﯧﺖ ﺋﺎﻻﻗﯩﺴﯩﮕﻪ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻗﻨﻰ ﻛﯜﭼﻪﻳﺘﻜﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ ﯞﻩ: " ﻫﯚﻛﯜﻣﻪﺕ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﮔﻪ ﻗﺎﺭﯨﺘﯩﻠﻐﺎﻥ ﻣﻪﺩﻩﻧﯩﻲ ﯞﻩ ﺩﯨﻨﯩﻲ ﺟﻪﻫﻪﺗﺘﯩﻦ ﻗﺎﺗﺘﯩﻖ ﺑﺎﺳﺘﯘﺭﯗﺷﻨﻰ ﺩﺍﯞﺍﻣﻼﺷﺘﯘﺭﯗﭖ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺗﯧﺨﯩﻤﯘ ﻛﯜﭼﻪﻳﺘﻜﻪﻥ ﺑﻮﻟﺴﺎ، ﺗﯩﺒﻪﺗﺘﻪ ﺩﯨﻨﯩﻲ ﺋﻪﺭﻛﯩﻨﻠﯩﻜﻨﻰ ﺗﯧﺨﯩﻤﯘ ﺑﻮﻏﺪﻯ" ﺩﯦﻴﯩﻠﮕﻪﻥ.

" ﺋﯘﻳﻐﯘﺭ ﺋﯧﻠﯩﺪﻩ ﺋﯘﻳﻐﯘﺭﻻﺭﻧﻰ ﺑﯚﻟﮕﯜﻧﭽﯩﻠﯩﻚ ﺟﯩﻨﺎﻳﯩﺘﻰ ﺑﯩﻠﻪﻥ ﺟﺎﺯﺍﻻﺵ ﺋﯩﺰﭼﯩﻞ ﺩﺍﯞﺍﻣﻠﯩﺸﯩﭗ ﻛﻪﻟﺪﻯ"

ﺩﻭﻛﻼﺗﺘﺎ ﺧﯩﺘﺎﻳﺪﯨﻜﻰ "ﺳﻮﺗﻨﯩﯔ ﻫﯚﻛﯜﻣﯩﺴﯩﺰ ﺋﯚﻟﺘﯜﺭﯛﺵ، ﺟﯩﻨﺎﻳﻪﺗﭽﯩﻠﻪﺭﻧﻰ ﻗﯩﻴﻨﺎﭖ، ﻣﻪﺟﺒﯘﺭﯨﻲ ﺋﯩﻘﺮﺍﺭ ﻗﯩﻠﺪﯗﺭﯗﺵ، ﻣﻪﺟﺒﯘﺭﯨﻲ ﺋﻪﻣﮕﻪﻛﻜﻪ ﺳﯧﻠﯩﺶ" ﻗﺎﺗﺎﺭﻟﯩﻖ ﺷﻪﻛﯩﻠﺪﯨﻜﻰ ﺋﯧﻐﯩﺮ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﻯ ﻛﯚﺭﺳﯩﺘﯩﻠﮕﻪﻥ ﻫﻪﻣﺪﻩ " ﺧﯩﺘﺎﻱ ﻫﯚﻛﯜﻣﯩﺘﻰ ﻳﺎﺯﻏﯘﭼﻰ ﯞﻩ ﻣﯘﺧﺒﯩﺮﻻﺭﻧﻰ، ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ، ﺋﺎﻗﻠﯩﻐﯘﭼﻰ ﺋﺎﺩﯞﻭﻛﺎﺕ ﯞﻩ ﺋﯘﻻﺭﻧﯩﯔ ﺋﺎﺋﯩﻠﻪ ﺗﺎﯞﺍﺑﯩﺌﺎﺗﻠﯩﺮﯨﻨﻰ ﻛﯚﺯﯨﺘﯩﺶ، ﺯﻭﺭﻟﯘﻕ ﺋﯩﺸﻠﯩﺘﯩﺶ، ﺗﯘﺗﯘﭖ ﺗﯘﺭﯗﺵ، ﺗﯘﺗﻘﯘﻥ ﻗﯩﻠﯩﺶ ﯞﻩ ﻗﺎﻧﯘﻥ ﺋﺎﺳﺘﯩﺪﺍ ﺋﯚﺯ ﻫﻮﻗﯘﻗﯩﻨﻰ ﻗﻮﻏﺪﺍﺷﻘﺎ ﺋﯘﺭﯗﻧﻐﺎﻧﻼﺭﻧﻰ ﺑﺎﺳﺘﯘﺭﯗﺷﻨﻰ ﺋﯩﺰﭼﯩﻞ ﺩﺍﯞﺍﻣﻼﺷﺘﯘﺭﯗﭖ ﻛﻪﻟﺪﻯ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺋﯘﻧﯩﯖﺪﯨﻦ ﺑﺎﺷﻘﺎ ﺩﻭﻛﻼﺗﺘﺎ ﻳﻪﻧﻪ، ﺋﯘﻳﻐﯘﺭ ﺋﯧﻠﯩﺪﻩ ﺋﯘﻳﻐﯘﺭﻻﺭﻧﻰ ﺑﯚﻟﮕﯜﻧﭽﯩﻠﯩﻚ ﺟﯩﻨﺎﻳﯩﺘﻰ ﺑﯩﻠﻪﻥ ﺟﺎﺯﺍﻻﺵ ﺋﯩﺰﭼﯩﻞ ﺩﺍﯞﺍﻣﻠﯩﺸﯩﭗ ﻛﻪﻟﮕﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﺴﺎ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 2007- ﻳﯩﻠﯩﺪﺍ ﻳﻪﻧﻪ ﻗﻪﺳﺘﻪﻥ ﯞﻩ ﻗﺎﻧﯘﻧﺴﯩﺰ ﺋﺎﺩﻩﻡ ﺋﯚﻟﺘﯜﺭﯛﺵ ﻗﯩﻠﻤﯩﺸﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ ﻛﻪﻟﮕﻪﻧﻠﯩﻜﻰ، 2007- ﻳﯩﻠﻰ 5- ﻳﺎﻧﯟﺍﺭﺩﺍ ﭘﺎﻣﯩﺮ ﺋﯧﮕﯩﺰﻟﯩﻜﯩﺪﻩ 18 ﺋﺎﺩﻩﻣﻨﻰ ﺋﯚﻟﺘﯜﺭﯛﭖ 17 ﺋﺎﺩﻩﻣﻨﻰ ﺋﯚﻟﺘﯜﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﺳﺎﻧﻠﯩﻖ ﻣﻪﻟﯘﻣﺎﺗﻨﯩﯔ ﻳﻮﻗﻠﯘﻗﻰ ﺑﯘﻧﯩﯖﻐﺎ ﻣﯩﺴﺎﻝ ﻗﯩﻠﯩﭗ ﻛﯚﺭﺳﯩﺘﯩﻠﮕﻪﻥ.

ﺧﯩﺘﺎﻳﺪﺍ ﺳﯩﻴﺎﺳﯩﻲ ﺟﯩﻨﺎﻳﻪﺗﭽﯩﻠﻪﺭﻧﯩﯔ 2007- ﻳﯩﻠﯩﺪﺍ ﺗﯜﺭﻣﯩﺪﻩ ﻳﺎﻛﻰ ﺑﺎﺷﻘﺎ ﺷﻪﻛﯩﻠﺪﯨﻜﻰ ﺭﯦﺠﯩﻤﻐﺎ ﺋﯧﻠﯩﺶ ﺋﻮﺭﯗﻧﻠﯩﺮﯨﺪﺍ ﺗﯘﺗﯘﭖ ﺗﯘﺭﯗﻟﻐﺎﻧﻠﯩﻘﯩﻨﻰ، ﺑﯘﻻﺭﻧﯩﯔ ﺋﯩﭽﯩﺪﻩ ﺋﯘﻳﻐﯘﺭ ﺋﯩﻠﯩﺪﯨﻦ ﺗﻮﺧﺘﻰ ﺗﯘﻧﯩﻴﺎﺯ ﯞﻩ ﺩﯨﻠﻜﻪﺵ ﺗﯩﻠﯩﯟﺍﻟﺪﯨﻼﺭﻧﯩﯔ ﺑﺎﺭﻟﯩﻘﻰ، ﺧﯩﺘﺎﻳﺪﺍ ﺳﯩﻴﺎﺳﯩﻲ ﺟﯩﻨﺎﻳﻪﺗﭽﯩﻠﻪﺭﻧﯩﯔ ﺗﯜﺭﻣﯩﺪﻩ ﻣﯘﺩﺩﯨﺘﯩﻨﻰ ﻗﯩﺴﻘﺎﺭﺗﯩﺶ ﯞﻩ ﻛﯧﭙﯩﻠﻠﯩﻚ ﺑﯩﻠﻪﻥ ﻗﻮﻳﯘﭖ ﺑﯧﺮﯨﺸﻜﻪ ﺋﺎﺳﺎﻧﻠﯩﻘﭽﻪ ﺋﯧﺮﯨﺸﻪﻟﻤﻪﻳﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

"ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﯧﺴﯩﻤﻨﻰ ﺗﯧﺨﯩﻤﯘ ﺋﯧﻐﯩﺮﻻﺷﺘﯘﺭﺩﻯ"

ﺩﻭﻛﻼﺗﺘﺎ ﻫﯚﻛﯜﻣﻪﺕ ﺩﺍﺋﯩﺮﻟﯩﺮﯨﻨﯩﯔ 2001- ﻳﯩﻠﯩﺪﯨﻦ ﺑﯘﻳﺎﻥ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﯧﺴﯩﻤﻨﻰ ﺋﯧﻐﯩﺮﻻﺷﺘﯘﺭﻏﺎﻧﻠﯩﻘﻰ ﻛﯚﺭﺳﯩﺘﯩﻠﯩﭗ: " ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ 2001 ﺑﻮﻟﯘﭘﻤﯘ، ﺑﯘ ﺭﺍﻳﻮﻧﺪﯨﻜﻰ ﺋﻪﯓ ﭼﻮﯓ ﺋﯧﺘﻨﯩﻚ ﻣﯩﻠﻠﻪﺕ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺑﯧﺴﯩﻤﻨﻰ ﺗﯧﺨﯩﻤﯘ ﺋﯧﻐﯩﺮﻻﺷﺘﯘﺭﺩﻯ" ﺩﯦﻴﯩﻠﮕﻪﻥ ﺑﻮﻟﯘﭖ، ﺑﯘ ﻳﯩﻞ ﻳﺎﻧﯟﺍﺭﺩﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﭘﺎﺭﺗﯩﻴﻪ ﺳﯧﻜﺮﯦﺘﺎﺭﻯ ﯞﺍﯓ ﻟﯧﭽﯜﻩﻧﻨﯩﯔ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻨﻰ "ﺋﯜﭺ ﺧﯩﻞ ﻛﯜﭼﻠﻪﺭ" ﮔﻪ ﺯﻩﺭﺑﻪ ﺑﯧﺮﯨﺸﻜﻪ ﺭﯨﻐﺒﻪﺗﻠﻪﻧﺪﯛﺭﮔﻪﻧﻠﯩﻜﻰ ﻣﯩﺴﺎﻝ ﻗﯩﻠﯩﻨﻐﺎﻥ.

ﺑﯘ ﺑﯚﻟﻪﻛﺘﻪ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﻨﭻ ﻳﻮﺳﯘﻧﺪﺍ ﺳﯩﻴﺎﺳﯩﻲ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺷﻨﻰ ﺩﺍﯞﺍﻣﻼﺷﺘﯘﺭﯗﭖ ﻛﻪﻟﮕﻪﻧﻠﯩﻜﯩﻨﻰ ﯞﻩ ﺩﯨﻨﯩﻲ ﺭﻩﻫﺒﻪﺭﻟﻪﺭﻧﻰ ﺑﻪﺯﻯ ﯞﺍﻗﯩﺘﻼﺭﺩﺍ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﺗﯘﺭﯗﺵ ﺑﺎﻫﺎﻧﯩﺴﻰ ﺑﯩﻠﻪﻥ ﺑﺎﺳﺘﯘﺭﯗﭖ ﻛﻪﻟﮕﻪﻧﻠﯩﻜﻰ ﺑﯧﺮﯨﻠﮕﻪﻥ ﺑﻮﻟﺴﺎ، ﺋﯘﻧﯩﯖﺪﯨﻦ ﺑﺎﺷﻘﺎ، ﺋﯘﻳﻐﯘﺭﻻﺭﻧﯩﯔ ﺑﯚﻟﮕﯜﻧﭽﯩﻠﯩﻚ ﺟﯩﻨﺎﻳﯩﺘﻰ ﺑﯩﻠﻪﻥ ﺋﯧﻐﯩﺮ ﺟﺎﺯﺍﻏﺎ ﺗﺎﺭﺗﯩﻠﯩﺪﯨﻐﺎﻧﻠﯩﻘﻰ، ﻫﻪﺗﺘﺎ ﺑﻪﺯﻯ ﺋﻪﻫﯟﺍﻟﻼﺭﺩﺍ ﺋﯚﻟﯜﻣﮕﻪ ﻫﯚﻛﯜﻡ ﻗﯩﻠﯩﻨﯩﺪﯨﻐﺎﻧﻠﯩﻘﻰ ﻫﻪﻣﺪﻩ ﺑﯘﻧﯩﯔ ﻣﯩﺴﺎﻟﻰ ﺳﯜﭘﯩﺘﯩﺪﻩ ﺋﯩﺴﻤﺎﺋﯩﻞ ﺳﻪﻣﻪﺗﻨﯩﯔ "ﺩﯙﻟﻪﺗﻨﻰ ﭘﺎﺭﭼﯩﻼﺵ" ﺟﯩﻨﺎﻳﯩﺘﻰ ﺑﯩﻠﻪﻥ ﺋﻪﻳﯩﺒﻠﯩﻨﯩﭗ ﺋﯚﻟﯜﻣﮕﻪ ﺟﺎﺯﺍﺳﯩﻐﺎ ﺗﺎﺭﺗﯩﻠﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

"ﺧﯩﺘﺎﻱ ﻫﯚﻛﯜﻣﯩﺘﻰ ﺳﯜﺭﮔﯜﻧﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻏﺎ ﺯﻩﺭﺑﻪ ﺑﯧﺮﯨﺸﻨﻰ ﺩﺍﯞﺍﻣﻼﺷﺘﯘﺭﯗﭖ ﻛﻪﻟﺪﻯ"

ﺩﻭﻛﻼﺗﺘﺎ ﺋﯚﺗﻜﻪﻥ ﻳﯩﻠﯩﺪﺍ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﻐﺎ ﻗﺎﻳﺘﺎﻟﻤﺎﻱ ﺳﯜﺭﮔﯜﻧﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻏﺎ ﺯﻩﺭﺑﻪ ﺑﯧﺮﯨﺸﻨﻰ ﺩﺍﯞﺍﻣﻼﺷﺘﯘﺭﯗﭖ ﻛﻪﻟﮕﻪﻧﻠﯩﻜﯩﻨﻰ ﻫﻪﻣﺪﻩ ﺋﯘﻳﻐﯘﺭ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﭽﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺋﻮﻏﯘﻟﻠﯩﺮﻯ ﻗﺎﻫﺎﺭ، ﺋﺎﺑﻠﯩﻜﯩﻢ ﯞﻩ ﺋﺎﻟﯩﻢ ﺋﺎﺑﺪﯗﺭﯦﻬﯩﻤﻼﺭﻧﻰ ﻗﺎﻣﺎﻗﻘﺎ ﺋﺎﻟﻐﺎﻧﻠﯩﻘﯩﻨﻰ ﻛﯚﺭﺳﻪﺗﻜﻪﻥ.

ﺋﯘﻳﻐﯘﺭ ﺋﯧﻠﯩﺪﻩ ﻣﯘﺳﺘﻪﻗﯩﻠﻠﯩﻖ ﺋﯜﺳﺘﯩﺪﻩ ﺗﻪﻫﻠﯩﻞ ﺋﯧﻠﯩﭗ ﺑﺎﺭﯨﺪﯨﻐﺎﻥ ﻧﻪﺷﺮ ﯞﻩ ﺋﯜﻥ-ﺳﯩﻦ ﺑﯘﻳﯘﻣﻠﯩﺮﯨﻨﻰ ﺳﺎﻗﻼﺷﻘﺎ ﻳﻮﻝ ﻗﻮﻳﯘﻟﻤﺎﻳﺪﯨﻐﺎﻧﻠﯩﻘﯩﻨﻰ ﻫﻪﻣﺪﻩ ﺷﯘﻧﺪﺍﻕ ﻣﺎﺗﯧﺮﯨﻴﺎﻟﻼﺭﻧﻰ ﺳﺎﻗﻠﯩﺴﺎ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺗﯜﺭﻣﯩﮕﻪ ﺗﺎﺷﻠﯩﻨﯩﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ ﯞﻩ 2005- ﻳﯩﻠﯩﺪﺍ ﺋﯘﻳﻐﯘﺭ ﻣﯘﺳﺘﻪﻗﯩﻠﻠﯩﻘﯩﻨﻰ ﺗﻪﻟﻪﭖ ﻗﯩﻠﯩﺪﯨﻐﺎﻥ ﺷﺎﺋﯩﺮ ﺋﺎﺑﺪﯗﻟﻼ ﺟﺎﻣﺎﻟﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ ﯞﻩ ﺋﯚﺯ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺗﯩﻨﭻ ﻳﻮﺳﯘﻧﺪﺍ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯘﻳﻐﯘﺭ ﻳﺎﺯﻏﯘﭼﯩﻼﺭﺩﯨﻦ ﺗﻮﺧﺘﻰ ﺗﯘﻧﯩﻴﺎﺯ، ﺋﺎﺑﺪﯗﺧﯧﻠﯩﻞ ﺯﯗﻧﯘﻥ، ﺋﺎﺑﺪﯗﻏﻪﻧﻰ ﻣﻪﻣﺘﯩﻤﯩﻦ، ﻧﯘﺭﻣﻪﻣﻪﺕ ﻳﺎﺳﯩﻦ ﯞﻩ ﻛﯚﺭﻩﺵ ﻫﯚﺳﻪﻳﯩﻦ ﻗﺎﺗﺎﺭﻟﯩﻘﻼﺭﻧﯩﯔ ﺗﯧﺨﯩﭽﻪ ﺗﯜﺭﻣﯩﺪﻩ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺋﯚﺗﻜﻪﻥ ﻳﯩﻞ ﺟﻪﺭﻳﺎﻧﯩﺪﺍ ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻫﻪﺭﯨﻜﻪﺗﻠﻪﺭﻧﻰ ﺟﻪﻣﺌﯩﻴﻪﺕ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺷﺘﺎ ﺯﯙﺭﯛﺭ ﺩﻩﭖ ﺋﺎﻗﻼﭖ ﻛﻪﻟﮕﻪﻧﻠﯩﻜﯩﻨﻰ ﻫﻪﻣﺪﻩ ﺯﻭﺭﺍﯞﺍﻧﻠﯩﻖ ﺋﯩﺸﻠﯩﺘﯩﭗ ﺗﻪﻫﺪﯨﺖ ﺳﯧﻠﯩﺸﻨﻰ ﺋﺎﻣﺎﻧﻠﯩﻖ ﺳﺎﻗﻼﺷﺘﯩﻜﻰ ﭼﺎﺭﻩ ﺳﯜﭘﯩﺘﯩﺪﻩ ﻳﻪﺭﻟﯩﻚ ﺋﺎﻫﺎﻟﻪ ﯞﻩ ﺷﯘ ﺭﺍﻳﻮﻧﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﭼﻪﺕ ﺋﻪﻟﻠﯩﻜﻠﻪﺭﮔﻪ ﺋﯩﺸﻠﻪﺗﻜﻪﻧﻠﯩﻜﻰ، ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺋﯩﻘﺘﯩﺴﺎﺩﻯ ﻳﯜﻛﺴﯩﻠﯩﺶ ﯞﻩ ﻣﻪﻧﭙﻪﺋﻪﺗﻠﻪﺭﺩﯨﻦ ﻳﻪﺭﻟﯩﻜﻠﻪﺭﺩﯨﻦ ﻛﯚﺭﻩ ﺧﯩﺘﺎﻳﻼﺭﻧﯩﯔ ﺋﻪﯓ ﻛﯚﭖ ﻣﻪﻧﭙﻪﺋﻪﺗﻠﯩﻨﯩﭗ ﻛﯧﻠﯩﯟﺍﺗﻘﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ.

ﻛﺎﻧﺪﯨﻠﯩﺰﺍ ﺭﺍﻳﺲ : "ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻣﯩﻠﻴﻮﻧﻠﯩﻐﺎﻥ ﻛﯩﺸﯩﻠﻪﺭﻧﯩﯔ ﻫﻮﻗﯘﻗﻰ ﺋﯚﺯ ﺩﯙﻟﻪﺗﻠﯩﺮﻯ ﺗﻪﺭﯨﭙﯩﺪﯨﻦ ﺗﺎﺭﺗﯩﯟﯦﻠﯩﻨﺪﻯ"

11- ﻣﺎﺭﺕ ﭼﯜﺷﺘﯩﻦ ﻛﯧﻴﯩﻦ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﯩﺪﺍ ﻣﻪﺯﻛﯘﺭ ﺩﻭﻛﻼﺗﻨﯩﯔ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﯛﻟﺪﻯ.

ﻳﯩﻐﯩﻨﺪﺍ ﺳﯚﺯﮔﻪ ﭼﯩﻘﻘﺎﻥ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﺲ ﺧﺎﻧﯩﻢ ﮔﻪﺭﭼﻪ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﻫﻪﻣﻤﻪ ﺋﺎﺩﻩﻣﮕﻪ ﺋﻮﺭﺗﺎﻕ ﻧﻪﺭﺳﻪ ﺑﻮﻟﺴﯩﻤﯘ، ﺋﻪﻣﻤﺎ ﻳﻪﻧﻪ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﻧﯘﺭﻏﯘﻥ ﺋﯩﻨﺴﺎﻧﻼﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻨﯩﯔ ﺋﯚﺯ ﻫﯚﻛﯜﻣﻪﺗﻠﯩﺮﻯ ﺗﻪﺭﯨﭙﯩﺪﯨﻦ ﺗﺎﺭﺗﯩﯟﯦﻠﯩﻨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ:. ﮔﻪﺭﭼﻪ ﺑﯘ ﺋﺎﺭﺯﯗ- ﺗﯩﻠﻪﻛﻠﯩﺮﻯ ﻫﻪﻣﻤﻪﻳﻠﻪﻧﮕﻪ ﺋﻮﺭﺗﺎﻕ ﺑﻮﻟﺴﯩﻤﯘ، ﺋﻪﻣﻤﺎ ﺋﯧﭽﯩﻨﯩﺸﻠﯩﻖ ﻳﯧﺮﻯ، ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﻣﯩﻠﻴﻮﻧﻠﯩﻐﺎﻥ ﻛﯩﺸﯩﻠﻪﺭﻧﯩﯔ ﻫﻮﻗﯘﻗﻰ ﺋﯚﺯ ﺩﯙﻟﻪﺗﻠﯩﺮﻯ ﺗﻪﺭﯨﭙﯩﺪﯨﻦ ﺗﺎﺭﺗﯩﯟﯦﻠﯩﻨﺪﻯ" ﺩﯦﺪﻯ.

ﺋﯘ ﻳﻪﻧﻪ، ﻧﯘﺭﻏﯘﻥ ﺩﯙﻟﻪﺗﻠﻪﺭﺩﻩ ﻛﯩﺸﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﺟﺎﺯﺍﻏﺎ ﺗﺎﺭﺗﯩﻠﯩﭗ ﻛﻪﻟﮕﻪﻧﻠﯩﻜﯩﻨﻰ، ﺋﻪﻣﻤﺎ ﺋﻪﺷﯘ ﺟﻪﺳﯘﺭ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﺑﻪﻝ ﻗﻮﻳﯘﯞﻩﺗﻤﻪﻱ ﺗﯩﺮﯨﺸﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ ﯞﻩ " ﺋﯘﻻﺭ ﺋﯚﺯ ﯞﻩﺗﻪﻧﺪﺍﺷﻠﯩﺮﯨﻐﺎ ﺟﯜﻣﻠﯩﺪﯨﻦ ﻫﻪﻣﻤﯩﮕﻪ ﺋﯩﻠﻬﺎﻡ ﺑﯧﻐﯩﺸﻼﻳﺪﯗ" ﺩﯦﺪﻯ.

" ﻛﯩﺸﯩﻠﯩﻚ ﻫﻮﻗﯘﻕ ﺋﯜﭼﯜﻥ ﻛﯚﺭﻩﺵ ﻗﯩﻠﯩﺸﻨﻰ ﺗﻮﺧﺘﺎﺗﻤﯩﺴﯩﻼ، ﺋﯜﻣﯩﺪ ﺩﯦﮕﻪﻥ ﺋﻪﻧﻪ ﺷﯘ"

ﺋﯘ ﺋﺎﺧﯩﺮﯨﺪﺍ ﺩﯗﻧﻴﺎﻧﯩﯔ ﻫﻪﻣﻤﻪ ﺭﺍﻳﻮﻧﻠﯩﺮﯨﺪﺍ ﻣﯘﺳﺘﻪﺑﯩﺖ ﺩﯙﻟﻪﺗﻠﻪﺭﻧﯩﯔ ﻣﻪﯕﮕﯜ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯨﯟﻩﺭﻣﻪﻳﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯖﻐﺎ ﺋﯜﻣﯩﺪﯞﺍﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯛﭖ " ﺑﻪﻟﻜﯩﻢ ﺋﯚﺯﮔﯩﺮﯨﺸﻜﻪ ﯞﺍﻗﯩﺖ ﻛﯧﺘﯩﺸﻰ ﻣﯘﻣﻜﯩﻦ. ﺋﻪﻣﻤﺎ ﺋﯚﺯﮔﯩﺮﯨﺶ ﭼﻮﻗﯘﻡ ﺑﻮﻟﯩﺪﯗ. ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯩﻨﺴﺎﻧﻼﺭ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺋﯘﻧﯩﯟﯦﺮﯨﺴﺎﻝ ﻗﯩﻤﻤﻪﺕ ﻗﺎﺭﯨﺸﻰ ﺋﯜﭼﯜﻥ ﻛﯚﺭﻩﺵ ﻗﯩﻠﯩﺸﻨﻰ ﺗﻮﺧﺘﺎﺗﻤﯩﺴﯩﻼ، ﺋﯜﻣﯩﺪ ﺩﯦﮕﻪﻥ ﺋﻪﻧﻪ ﺷﯘ" ﺩﯦﺪﻯ.

ﮔﻪﺭﭼﻪ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺑﯘ ﻳﯩﻠﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﯩﺪﺍ ﺧﯩﺘﺎﻳﻨﻰ ﺋﺎﻟﺪﯨﻨﻘﻰ ﻳﯩﻠﻼﺭﺩﯨﻜﯩﮕﻪ ﺋﻮﺧﺸﺎﺵ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻪﯓ ﺋﯧﻐﯩﺮ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻥ ﺩﯙﻟﻪﺕ ﻗﺎﺗﺎﺭﯨﻐﺎ ﺗﯩﺰﯨﻤﻠﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻳﻨﯩﯔ ﺋﯚﺗﻜﻪﻥ ﻳﯩﻠﺪﯨﻜﻰ ﻛﯩﺸﯩﻠﯩﻚ ﻫﻮﻗﻮﻕ ﺧﺎﺗﯩﺮﯨﺴﯩﺪﻩ ﻫﯧﭽﻘﺎﻧﺪﺍﻕ ﺋﯚﺯﮔﯩﺮﯨﺶ ﺑﻮﻟﻤﯩﻐﺎﻧﻠﯩﻘﯩﻨﻰ ﯞﻩ ﻧﺎﭼﺎﺭ ﻫﺎﻟﻪﺗﻨﻰ ﺳﺎﻗﻼﭖ ﻛﻪﻟﮕﻪﻧﻠﯩﻜﯩﻨﻰ ﻛﯚﺭﺳﻪﺗﻜﻪﻥ. ﺧﯩﺘﺎﻱ ﺋﺎﻣﯧﺮﯨﻜﯩﻨﯩﯔ 2005- ﯞﻩ 2006 - ﻳﯩﻠﻠﯩﻖ ﺩﻭﻛﻼﺗﻠﯩﺮﯨﺪﺍ ﺩﯗﻧﻴﺎﺩﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻪﯓ ﺋﯧﻐﯩﺮ ﺩﻩﭘﺴﻪﻧﺪﻩ ﻗﯩﻠﯩﯟﺍﺗﻘﺎﻥ ﻗﺎﺗﺎﺭﯨﺪﯨﻦ ﺋﻮﺭﯗﻥ ﺋﯧﻠﯩﭗ ﻛﻪﻟﮕﻪﻥ ﺋﯩﺪﻯ.

ﻣﻪﺯﻛﯘﺭ ﺩﻭﻛﻼﺗﻨﯩﯔ ﺧﯩﺘﺎﻳﻐﺎ ﻗﺎﺭﯨﺘﯩﻠﻐﺎﻥ ﻗﯩﺴﯩﻤﯩﺪﺍ، ﺧﯩﺘﺎﻳﺪﺍ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﻫﻪﺭ ﺗﻪﺭﻩﭘﺘﯩﻦ ﺩﻩﭘﺴﻪﻧﺪﻩ ﻗﯩﻠﯩﻨﯩﯟﺍﺗﻘﺎﻧﻠﯩﻘﻰ ﺋﯩﻨﺘﺎﻳﯩﻦ ﺗﻪﭘﺴﯩﻠﯩﻲ ﻛﯚﺭﺳﯩﺘﯩﻠﮕﻪﻥ ﺑﻮﻟﯘﭖ، ﺑﯩﺰ ﺑﯘ ﻗﯧﺘﯩﻤﻠﯩﻖ ﭘﺮﻭﮔﺮﺍﻣﻤﯩﻤﯩﺰﺩﺍ ﺩﻭﻛﻼﺗﻨﯩﯔ ﺋﯘﻳﻐﯘﺭﻻﺭ ﺗﯩﻠﻐﺎ ﺋﯧﻠﯩﻨﻐﺎﻥ ﻗﯩﺴﻤﯩﻨﯩﻼ ﺗﻮﻧﯘﺷﺘﯘﺭﯗﭖ ﺋﯚﺗﺘﯘﻕ. (ﺟﯜﻣﻪ)‏