"ﺑﻮﺯﻗﯩﺮ ﺑﯜﺭﻛﯜﺗﻰ - 2009" ﺩﻩﭖ ﺋﯩﺴﯩﻢ ﺑﯧﺮﯨﻠﮕﻪﻥ ﺑﯘ ﻫﻪﺭﺑﯩﻲ ﻣﺎﻧﯧﯟﯨﺮﻧﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﺋﻪﻧﮕﻠﯩﻴﯩﻨﯩﯔ ﻗﺎﺯﺍﻗﯩﺴﺘﺎﻧﺪﺍ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺴﻰ ﭘﺎﯞﻝ ﺑﺮﯗﻣﻤﯧﻞ، ﺋﺎﻣﯧﺮﯨﻜﯩﻨﯩﯔ ﻗﺎﺯﺍﻗﯩﺴﺘﺎﻧﺪﺍ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺴﻰ ﺭﯨﭽﺎﺭﺩ ﺧﺎﮔﻼﻧﺪ ﯞﻩ ﻧﺎﺗﻮﻧﯩﯔ ﻫﻪﺭﺑﯩﻲ ﯞﻩ ﺩﯨﭙﻠﻮﻣﺎﺗﯩﻚ ﺋﻪﻣﻪﻟﺪﺍﺭﻟﯩﺮﻯ ﻗﺎﺗﻨﺎﺷﻘﺎﻥ.

ﻗﺎﺯﺍﻗﯩﺴﺘﺎﻥ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﯩﻨﯩﺴﺘﯩﺮﻯ ﺋﺎﺩﯨﻠﺒﯧﻚ ﺟﺎﻛﺴﯩﺒﯧﻜﻮﯞ ﻫﻪﺭﺑﯩﻲ ﻣﺎﻧﯧﯟﯨﺮﻧﯩﯔ ﺋﯧﭽﯩﻠﯩﺶ ﻧﯘﺗﻘﻰ ﺳﯚﺯﻟﻪﭖ، ﺗﯧﻨﭽﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺋﯜﭼﯜﻥ ﺑﯘ ﻗﯧﺘﯩﻤﻠﯩﻖ ﻫﻪﺭﺑﯩﻲ ﻣﺎﻧﯧﯟﯨﺮﻧﯩﯔ ﺋﯩﻨﺘﺎﻳﯩﻦ ﻣﯘﻫﯩﻤﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﺋﯘ ﻳﻪﻧﻪ ﻛﯚﭖ ﻣﯩﻠﻠﻪﺗﻠﯩﻚ ﺋﻪﺳﻜﯩﺮﻯ ﺋﯩﺶ ﺑﯩﺮﻟﯩﻜﯩﻨﯩﯔ ﺗﻮﻗﻮﻧﯘﺵ ﺑﻮﻟﯘﯞﺍﺗﻘﺎﻥ ﺭﺍﻳﻮﻧﻼﺭﺩﯨﻜﻰ ﺗﯧﻨﭽﻠﯩﻘﻨﻰ ﻗﻮﻏﺪﺍﺵ ﯞﻩﺯﯨﭙﯩﺴﻰ ﺑﺎﺭﻟﯩﻘﯩﻨﻰ ﺋﯧﻴﺘﻘﺎﻥ.

ﺷﺎﯕﺨﻪﻱ ﺋﯩﺶ ﺑﯩﺮﻟﯩﻜﻰ ﺗﻪﺷﻜﯩﻼﺗﯩﻨﯩﯔ ﺋﻪﺯﺍﺳﻰ ﺑﻮﻟﻐﺎﻥ ﻗﺎﺯﺍﻗﯩﺴﺘﺎﻧﻨﯩﯔ ﺋﺎﻣﯧﺮﯨﻜﺎ ﯞﻩ ﻧﺎﺗﻮ ﻛﯜﭼﻠﯩﺮﻯ ﺑﯩﻠﻪﻥ ﻫﻪﺭﺑﯩﻲ ﻣﺎﻧﯧﯟﯨﺮ ﺋﯧﻠﯩﭗ ﺑﯧﺮﯨﺸﻰ ﻧﯧﻤﯩﻨﯩﯔ ﺋﯩﭙﺎﺩﯨﺴﻰ، ﺑﯘ ﺋﻪﻫﯟﺍﻝ ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻳﻨﻰ ﺑﯩﺌﺎﺭﺍﻡ ﻗﯩﻠﻤﺎﻣﺪﯗ؟

ﺑﯩﺰﻧﯩﯔ ﺑﯘ ﻫﻪﻗﺘﯩﻜﻰ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺗﯜﺭﻛﯩﻴﯩﻨﯩﯔ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺗﭽﯩﺴﻰ ﺳﯩﻨﺎﻥ ﺋﻮﮔﺎﻥ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﻗﺎﺯﺍﻗﯩﺴﺘﺎﻧﻨﯩﯔ ﺋﺎﻣﯧﺮﯨﻜﺎ ﯞﻩ ﻧﺎﺗﻮ ﻛﯜﭼﻠﯩﺮﻯ ﺑﯩﻠﻪﻥ ﺑﯩﺮﻟﯩﺸﯩﭗ ﻫﻪﺭﺑﯩﻲ ﻣﺎﻧﯧﯟﯨﺮ ﺋﯚﺗﻜﯜﺯﯛﺷﻰ ﺧﯩﺘﺎﻱ ﺑﯩﻠﻪﻥ ﺭﯗﺳﻴﯩﻨﻰ ﺑﯩﺌﺎﺭﺍﻡ ﻗﯩﻠﺴﯩﻤﯘ، ﺋﻪﻣﻤﺎ ﻗﺎﺯﺍﻗﯩﺴﺘﺎﻥ ﺑﺎﺯﯨﺮﯨﻐﺎ ﺋﻪﯓ ﻛﯚﭖ ﻣﻪﺑﻠﻪﻍ ﺳﯧﻠﯩﯟﺍﺗﻘﺎﻥ ﻳﻪﻧﯩﻼ ﻏﻪﺭﺏ ﺩﯙﻟﻪﺗﻠﯩﺮﻯ ﺷﯘﯕﺎ ﻗﺎﺯﺍﻗﯩﺴﺘﺎﻧﻨﯩﯔ ﺑﯘ ﺩﯙﻟﻪﺗﻠﻪﺭ ﺑﯩﻠﻪﻥ ﻫﻪﺭ ﺗﯜﺭﻟﯜﻙ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﺸﻰ ﺗﻪﺑﯩﺌﯩﻲ ﺑﯩﺮ ﺋﻪﻫﯟﺍﻝ.

ﻗﺎﺯﺍﻗﯩﺴﺘﺎﻥ ﺭﯗﺳﯩﻴﻪ ﯞﻩ ﺧﯩﺘﺎﻳﺪﻩﻙ ﺋﯩﻜﻜﻰ ﭼﻮﯓ ﻗﻮﺷﻨﯩﺴﻰ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﭗ ﻛﻪﻟﻤﻪﻛﺘﻪ. ﻗﺎﺯﺍﻗﯩﺴﺘﺎﻥ ﺷﺎﯕﺨﻪﻱ ﺋﯩﺶ ﺑﯩﺮﻟﯩﻜﯩﻨﯩﯖﻤﯘ ﺋﻪﺯﺍﺳﻰ ﯞﻩ ﺷﺎﯕﺨﻪﻱ ﺋﯩﺶ ﺑﯩﺮﻟﯩﻜﯩﻨﯩﯔ ﻫﻪﺭﺑﯩﻲ ﻣﺎﻧﯧﯟﯨﺮﻟﯩﺮﯨﻐﯩﻤﯘ ﻗﺎﺗﻨﯩﺸﯩﺪﯗ. ﻗﺎﺯﺍﻗﯩﺴﺘﺎﻧﻨﯩﯔ ﺋﺎﻣﯧﺮﯨﻜﺎ ﯞﻩ ﻧﺎﺗﻮ ﻛﯜﭼﻠﯩﺮﻯ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﻫﻪﺭﺑﯩﻲ ﻣﺎﻧﯧﯟﯨﺮﻯ ﻗﺎﺯﺍﻗﯩﺴﺘﺎﻧﻨﯩﯔ ﺑﯘ ﺋﯩﻜﻜﻰ ﻗﻮﺷﻨﯩﺴﯩﻨﻰ ﺑﯩﺌﺎﺭﺍﻡ ﻗﯩﻠﯩﺪﯨﻐﺎﻧﺪﻩﻙ ﻛﯚﺭﯛﻧﯜﯞﺍﺗﯩﺪﯗ. ﺋﻪﻣﻤﺎ ﺷﯘﻧﻰ ﺋﯘﻧﺘﯘﭖ ﻗﺎﻟﻤﺎﺳﻠﯩﻘﯩﻤﯩﺰ ﻛﯧﺮﻩﻛﻜﻰ، ﻗﺎﺯﺍﻗﯩﺴﺘﺎﻥ ﻣﯘﺳﺘﻪﻗﯩﻞ ﺑﯩﺮ ﺩﯙﻟﻪﺕ، ﺋﯘﻧﯩﯔ ﺋﯜﺳﺘﯩﮕﻪ ﺗﺎﺷﻘﻰ ﺳﯩﻴﺎﺳﯩﺘﯩﺪﯨﻤﯘ ﻫﯧﭽﻘﺎﻧﺪﺍﻕ ﺑﯩﺮ ﺩﯙﻟﻪﺗﻜﻪ ﺋﺎﻻﻫﯩﺪﻩ ﺑﯩﺮ ﺋﯜﺳﺘﯜﻧﻠﯜﻙ ﺑﻪﺭﻣﻪﻳﺪﯨﻐﺎﻥ ﺑﯩﺮ ﺩﯙﻟﻪﺕ. ﻗﺎﺯﺍﻗﯩﺴﺘﺎﻥ ﺧﯩﺘﺎﻱ ﯞﻩ ﺭﯗﺳﯩﻴﻪ ﺑﯩﻠﻪﻥ ﻳﺎﺧﺸﻰ ﺑﻮﻟﯘﺷﻰ ﻣﯘﻣﻜﯩﻦ، ﺋﻪﻣﻤﺎ ﺑﯩﺰ ﻫﺎﺯﯨﺮ ﺳﻮﻏﯘﻕ ﺋﯘﺭﯗﺵ ﻣﻪﺯﮔﯩﻠﯩﺪﻩ ﺋﻪﻣﻪﺱ. ﺋﯘﻧﯩﯔ ﺋﯜﺳﺘﯩﮕﻪ ﻗﺎﺯﺍﻗﯩﺴﺘﺎﻧﻐﺎ ﺋﻪﯓ ﻛﯚﭖ ﻣﻪﺑﻠﻪﻍ ﺳﯧﻠﯩﯟﺍﺗﻘﺎﻥ ﺷﯩﺮﻛﻪﺗﻠﻪﺭﻧﯩﯔ ﻫﻪﻣﻤﯩﺴﻰ ﻳﻪﻧﯩﻼ ﻏﻪﺭﺑﻨﯩﯔ ﺷﯩﺮﻛﻪﺗﻠﯩﺮﻯ. ﺋﻪﯓ ﭼﻮﯓ ﻧﯧﻔﯩﺖ ﺷﯩﺮﻛﻪﺗﻠﯩﺮﯨﻤﯘ ﻏﻪﺭﺑﻨﯩﯔ ﺋﯩﻠﻜﯩﺪﯨﻜﻰ ﺷﯩﺮﻛﻪﺗﻠﻪﺭ. ﺷﯘﯕﺎ ﻗﺎﺯﺍﻗﯩﺴﺘﺎﻥ ﻛﯚﺭﯛﻧﯜﺷﺘﻪ ﺧﯩﺘﺎﻱ ﯞﻩ ﺭﯗﺳﯩﻴﻪ ﺑﯩﻠﻪﻥ ﻳﯧﻘﯩﻨﺪﻩﻙ ﻛﯚﺭﯛﻧﺴﯩﻤﯘ، ﺑﯩﺮ ﻳﺎﻗﺘﯩﻦ ﺋﯘﻧﯩﯔ ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﻏﻪﺭﺏ ﺋﻪﻟﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﺗﯩﺠﺎﺭﯨﻲ، ﺳﯩﻴﺎﺳﯩﻲ ﯞﻩ ﺋﻪﺳﻜﯩﺮﻯ ﻣﯘﻧﺎﺳﯩﯟﻩﺗﻠﯩﺮﯨﻤﯘ ﺩﺍﯞﺍﻡ ﻗﯩﻠﯩﭗ ﻛﻪﻟﻤﻪﻛﺘﻪ. ﺷﯘﯕﺎ ﺑﯘ ﻫﻪﺭﺑﯩﻲ ﻣﺎﻧﯧﯟﯨﺮﻧﯩﻤﯘ ﻣﯘﺳﺘﻪﻗﯩﻞ ﺑﯩﺮ ﺩﯙﻟﻪﺗﻨﯩﯔ ﺭﯗﺳﯩﻴﻪ ﯞﻩ ﺧﯩﺘﺎﻱ ﺑﯩﻠﻪﻥ ﺋﯩﺶ ﺑﯩﺮﻟﯩﻜﻰ ﻗﯩﻠﻐﯩﻨﯩﺪﻩﻙ، ﻏﻪﺭﺏ ﺩﯙﻟﻪﺗﻠﯩﺮﻯ ﺑﯩﻠﻪﻧﻤﯘ ﺋﯩﺶ ﺑﯩﺮﻟﯩﻜﻰ ﻗﯩﻼﻻﻳﺪﯨﻐﺎﻧﻠﯩﻘﯩﻨﯩﯔ ﺑﯩﺮ ﺋﯩﭙﺎﺩﯨﺴﻰ ﺩﻩﭖ ﭼﯜﺷﯩﻨﯩﺸﻜﻪ ﺑﻮﻟﯩﺪﯗ.

ﺳﯩﻨﺎﻥ ﺋﻮﮔﺎﻥ ﺋﻪﭘﻪﻧﺪﻯ ﺑﯩﺰﻧﯩﯔ، "ﺋﺎﻣﯧﺮﯨﻜﺎ ﻳﯧﻘﯩﻨﺪﺍ ﺋﯚﺯﺑﯧﻜﯩﺴﺘﺎﻧﺪﯨﻜﻰ ﻫﻪﺭﺑﯩﻲ ﺑﺎﺯﯨﺴﯩﻨﻰ ﺗﻪﻛﺮﺍﺭ ﺋﺎﭼﯩﺪﯨﻐﺎﻧﻠﯩﻘﯩﻨﯩﯔ ﺳﯧﮕﻨﺎﻟﯩﻨﯩﻤﯘ ﺑﻪﺭﮔﻪﻥ ﺋﯩﺪﻯ. ﺋﺎﺭﻗﯩﺪﯨﻨﻼ ﻗﺎﺯﺍﻗﯩﺴﺘﺎﻥ ﺑﯩﻠﻪﻥ ﺑﯘ ﻫﻪﺭﺑﯩﻲ ﻣﺎﻧﯧﯟﯨﺮﻧﻰ ﺋﯚﺗﻜﯜﺯﯛﺷﯩﻨﻰ ﺋﺎﻣﯧﺮﯨﻜﯩﻨﯩﯔ ﺭﺍﻳﻮﻧﺪﺍ ﺋﻪﺳﻜﯩﺮﻯ ﻣﻪﯞﺟﯘﺗﻠﯘﻗﯩﻨﻰ ﻛﯜﭼﻠﻪﻧﺪﯛﺭﯨﺪﯨﻐﺎﻧﻠﯩﻘﯩﻨﯩﯔ ﺋﯩﭙﺎﺩﯨﺴﻰ ﺩﻩﭖ ﻗﺎﺭﺍﺷﻘﺎ ﺑﻮﻻﻣﺪﯗ؟" ﺩﯦﮕﻪﻥ ﺳﯘﺋﺎﻟﯩﻤﯩﺰﻏﺎ ﺗﯚﯞﻩﻧﺪﯨﻜﯩﺪﻩﻙ ﺟﺎﯞﺍﺏ ﺑﻪﺭﺩﻯ.

"ﺋﺎﻣﯧﺮﯨﻜﺎ ﺋﻮﺑﺎﻣﺎ ﻫﯚﻛﯜﻣﯩﺘﯩﺪﯨﻦ ﺋﺎﯞﺍﻟﻘﻰ ﺭﺍﻳﻮﻥ ﺳﯩﻴﺎﺳﻪﺗﻠﯩﺮﯨﺪﻩ ﻧﺎﻫﺎﻳﯩﺘﻰ ﭼﻮﯓ ﺧﺎﺗﺎﻟﯩﻘﻼﺭﻧﻰ ﺳﺎﺩﯨﺮ ﻗﯩﻠﺪﻯ. ﺑﯘ ﺑﻮﻟﺴﯩﻤﯘ، ﺋﺎﻣﯧﺮﯨﻜﺎ ﻫﻪﺩﺩﯨﺪﯨﻦ ﺯﯨﻴﺎﺩﻩ ﺋﯩﺮﺍﻕ ﺑﯩﻠﻪﻥ ﺑﻮﻟﯘﭖ ﻛﻪﺗﺘﻰ. ﭘﯜﺗﯜﻥ ﻛﯜﭼﯩﻨﻰ ﺋﯩﺮﺍﻗﻘﺎ ﺋﯩﺸﻠﻪﺗﺘﻰ. ﺑﯘﻧﯩﯔ ﺑﯩﻠﻪﻥ ﺋﺎﻣﯧﺮﯨﻜﺎ ﺑﺎﺷﻘﺎ ﺭﺍﻳﻮﻧﻼﺭﺩﯨﻜﻰ ﺑﻮﻟﯘﭘﻤﯘ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺋﯩﺶ ﭘﯩﻼﻧﻠﯩﺮﯨﺪﯨﻦ ﺋﯘﺯﺍﻗﺘﺎ ﻗﺎﻟﺪﻯ. ﺑﯘ ﻧﺎﻫﺎﻳﯩﺘﻰ ﭼﻮﯓ ﺑﯩﺮ ﺧﺎﺗﺎ. ﻫﺎﺯﯨﺮ ﺋﺎﻣﯧﺮﯨﻜﺎ ﺑﯘ ﺧﺎﺗﺎﻧﯩﯔ ﻳﯧﺮﯨﻨﻰ ﺗﻮﻟﺪﯗﺭﯗﺵ ﻳﻮﻟﯩﺪﺍ، ﭼﯜﻧﻜﻰ ﺋﺎﻣﯧﺮﯨﻜﺎ ﺋﯜﭼﯜﻥ ﻣﯘﻫﯩﻢ ﺑﻮﻟﻐﺎﻥ ﺗﯧﺮﺭﻭﺭﻧﯩﯔ ﺋﻪﺳﻠﻰ ﻣﻪﻧﺒﻪﺳﻰ ﺋﺎﻓﻐﺎﻧﯩﺴﺘﺎﻧﺪﯗﺭ. ﺋﻮﺑﺎﻣﺎ ﭘﺮﯦﺰﯨﺪﯦﻨﺖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯩﺮﺍﻗﺘﯩﻜﻰ ﺋﻪﺳﻜﻪﺭﻟﯩﺮﯨﻨﻰ ﺋﺎﻓﻐﺎﻧﯩﺴﺘﺎﻧﻐﺎ ﻳﯚﺗﻜﻪﺷﻜﻪ ﺑﺎﺷﻠﯩﺪﻯ. ﺋﻪﻣﻤﺎ ﺋﺎﻣﯧﺮﯨﻜﺎ ﺋﺎﻓﻐﺎﻧﯩﺴﺘﺎﻧﺪﺍ ﻛﯜﭼﻠﯜﻙ ﺑﻮﻟﯩﻤﻪﻥ ﺩﻩﻳﺪﯨﻜﻪﻥ، ﺋﺎﻟﺪﻯ ﺑﯩﻠﻪﻥ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﻣﻪﯞﺟﯘﺕ ﺑﻮﻟﯘﺷﻰ، ﺭﺍﻳﻮﻧﺪﯨﻜﻰ ﺋﻮﺭﻧﯩﻨﻰ ﻗﺎﻳﺘﯩﺪﯨﻦ ﺗﯘﺭﻏﯘﺯﯗﺷﻰ ﻛﯧﺮﻩﻙ. ﺷﯘﯕﺎ ﺋﺎﻣﯧﺮﯨﻜﺎ  ﻫﺎﺯﯨﺮ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺋﻮﺭﻧﯩﻨﻰ ﻗﺎﻳﺘﯩﺪﯨﻦ ﺗﯘﺭﻏﯘﺯﯗﺷﻘﺎ ﻫﻪﺭﯨﻜﻪﺕ ﻗﯩﻠﯩﯟﺍﺗﯩﺪﯗ."

ﺑﯩﺰ ﻳﻪﻧﻪ ﺑﯘ ﻫﻪﻗﺘﯩﻜﻰ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﯧﻠﯩﺶ ﺋﯜﭼﯜﻥ ﻫﺎﺟﻪﺗﺘﻪﭘﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﻮﻗﯘﺗﻘﯘﭼﯩﺴﻰ ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.  

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﺳﯚﻫﺒﯩﺘﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.