ﺗﯜﺭﻛﯩﻴﯩﺪﯨﻜﻰ ﺋﯘﻳﻐﯘﺭ ﺑﺎﻟﯩﻼﺭ ﺋﯜﭼﯜﻥ ﺋﺎﻧﺎ ﺗﯩﻞ ﻛﯘﺭﺳﻰ ﺭﻩﺳﻤﻰ ﺑﺎﺷﻼﻧﺪﻯ

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﯜﺭﻛﯩﻴﻪ ﺋﯘﻳﻐﯘﺭ ﻣﯘﻫﺎﺟﯩﺮﻻﺭ ﺋﻪﯓ ﻛﯚﭖ ﺋﻮﻟﺘﯘﺭﺍﻗﻼﺷﻘﺎﻥ ﺩﯙﻟﻪﺗﻠﻪﺭﺩﯨﻦ ﺑﯩﺮﻯ ﺑﻮﻟﯘﭖ، ﺭﻩﺳﻤﯩﻲ ﺑﻮﻟﻤﯩﻐﺎﻥ ﺳﯩﺘﺎﺗﯩﺴﺘﯩﻜﯩﻼﺭﻏﺎ ﻗﺎﺭﯨﻐﺎﻧﺪﺍ ﭘﻪﻗﻪﺗﻼ 1949-ﻳﯩﻠﯩﺪﯨﻦ ﻛﯧﻴﯩﻦ ﺗﯜﺭﻛﯩﻴﯩﮕﻪ ﻛﯚﭼﯜﭖ ﻛﻪﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﻰ 10ﻣﯩﯔ ﺋﻪﺗﺮﺍﭘﯩﺪﺍ ﺋﯩﻜﻪﻥ.

ﺋﯘﻻﺭ ﺋﯚﺯﻟﯩﺮﯨﻨﯩﯔ ﺋﯚﺭﭖ -ﺋﺎﺩﻩﺗﻠﯩﺮﯨﻨﻰ، ﺗﯩﻠﯩﻨﻰ، ﺗﺎﺭﯨﺨﯩﻨﻰ ﭘﻪﺭﺯﻩﻧﺘﻠﯩﺮﯨﻨﯩﯔ ﺋﯘﻧﺘﯘﭖ ﻗﺎﻟﻤﺎﺳﻠﯩﻘﻰ ﺋﯜﭼﯜﻥ ﻣﺎﻧﺎ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﭘﺎﺋﺎﻟﯩﻴﻪﺗﻠﻪﺭﮔﻪ ﺋﺎﻛﺘﯩﭗ ﻫﺎﻟﺪﺍ ﺋﺎﯞﺍﺯ ﺑﯧﺮﯨﭗ ﻛﻪﻟﻤﻪﻛﺘﻪ.

ﻣﺎﻧﺎ ﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ، ﺋﯩﺴﺘﺎﻧﺒﯘﻟﺪﺍ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﺎﺋﺎﺭﯨﭗ ﯞﻩ ﻫﻪﻣﻜﺎﺭﻟﯩﻖ ﺟﻪﻣﺌﯩﻴﯩﺘﯩﻨﯩﯔ ﺋﻮﺭﯗﻧﻼﺷﺘﯘﺭﯗﺷﯩﺪﺍ، 6-ﺋﺎﻳﻨﯩﯔ 25-ﻛﯜﻧﻰ، ﺋﯩﺴﺘﺎﻧﺒﯘﻟﺪﺍ ﻳﺎﺷﺎﯞﺍﺗﻘﺎﻥ ﺋﻮﻗﯘﺵ ﻳﯧﺸﯩﺪﯨﻜﻰ ﺋﯘﻳﻐﯘﺭ ﺋﯚﺳﻤﯜﺭﻟﯩﺮﯨﻨﯩﯔ ﺋﺎﻧﺎ ﺗﯩﻠﯩﻨﻰ ﻛﯜﭼﻪﻳﺘﯩﺶ، ﺳﺎﯞﺍﺗﯩﻨﻰ ﭼﯩﻘﯩﺮﯨﺶ، ﻗﯘﺭﺋﺎﻥ ﺋﻮﻗﯘﺷﻨﻰ ﺋﯚﮔﯩﺘﯩﺶ، ﻣﯩﻠﻠﻰ ﻛﯩﻤﻠﯩﻜﯩﻨﻰ ﺗﻮﻧﯘﺵ، ﺋﯚﺭﭖ- ﺋﺎﺩﻩﺕ، ﺋﻪﺩﻩﭖ - ﺋﻪﺧﻼﻕ ﺟﻪﻫﻪﺗﻠﻪﺭﺩﻩ ﺗﻪﻟﯩﻢ - ﺗﻪﺭﺑﯩﻴﻪ ﺑﯧﺮﯨﺶ ﻣﻪﻗﺴﯩﺘﯩﺪﻩ ﻳﺎﺯﻟﯩﻖ ﺗﻪﺗﯩﻠﺪﻩ ﺋﯩﻜﻜﻰ ﺋﺎﻳﻠﯩﻖ ﻛﯘﺭﺱ ﺑﺎﺷﻼﻧﺪﻯ.

ﺑﯘ ﻛﯘﺭﺳﻘﺎ ﺋﯘﻧﯟﯦﺮﺳﯩﺘﯧﺖ ﭘﯜﺗﺘﯜﺭﮔﻪﻥ ﺗﺎﻻﻧﺘﻠﯩﻖ ﺋﯘﻳﻐﯘﺭ ﻳﺎﺷﻠﯩﺮﯨﺪﯨﻦ 8 ﺋﻮﻗﯘﺗﻘﯘﭼﻰ ﺗﻪﻳﯩﻨﻠﯩﮕﻪﻥ. ﻛﯘﺭﺳﻘﺎ ﺋﯘﻳﻐﯘﺭﻻﺭ ﺯﯨﭻ ﺋﻮﺭﯗﻧﻼﺷﻘﺎﻥ ﺯﻩﻳﺘﯘﻧﺒﯘﺭﻧﯘ ﯞﻩ ﺋﺎﻗﺴﺎﺭﺍﻱ ﺭﺍﻳﻮﻧﯩﺪﯨﻦ 54، ﺳﻪﻓﺎﻛﯚﻳﺪﯨﻦ 44 ﺋﻮﻗﯘﻏﯘﭼﻰ ﺑﻮﻟﯘﭖ، ﺟﻪﻣﺌﯩﻲ 98 ﺋﻮﻗﯘﻏﯘﭼﻰ ﻗﺎﺗﻨﺎﺷﻘﺎﻥ. (ﺋﻪﺭﻛﯩﻦ)