ﭼﻪﺕ ﺋﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭ ﭘﻪﺭﺯﻩﻧﺘﻠﯩﺮﯨﻨﯩﯔ ﺋﺎﻧﺎ ﺗﯩﻞ ﺋﯚﮔﯩﻨﯩﺸﯩﮕﻪ ﺋﻪﻫﻤﯩﻴﻪﺕ ﺑﻪﺭﻣﻪﻛﺘﻪ

• ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﭼﻪﺕ ﺋﻪﻟﻠﻪﺭﺩﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺑﺎﻟﯩﻠﯩﺮﻯ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ، ﺋﯚﺯﻟﯩﺮﻯ ﺗﯘﺭﯗﺷﻠﯘﻕ ﺩﯙﻟﻪﺗﻠﻪﺭﻧﯩﯔ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﻰ ﺑﻮﻳﯩﭽﻪ ﺗﻪﺭﺑﯩﻴﯩﻠﯩﻨﯩﭗ، ﻳﺎﺧﺸﻰ ﻧﻪﺗﯩﺠﯩﻠﻪﺭﮔﻪ ﺋﯧﺮﯨﺸﯩﭗ، ﺩﺍﯕﻠﯩﻖ ﺋﺎﻟﯩﻲ ﻣﻪﻛﺘﻪﭘﻠﻪﺭﮔﻪ ﻗﻮﺑﯘﻝ ﻗﯩﻠﯩﻨﻤﺎﻗﺘﺎ. ﺋﻪﻣﻤﺎ، ﺋﯘﻳﻐﯘﺭ ﺋﺎﺗﺎ ‏- ﺋﺎﻧﯩﻼﺭ ﺑﺎﻟﯩﻠﯩﺮﯨﻨﯩﯔ ﻧﻪﺗﯩﺠﯩﻠﯩﺮﯨﺪﯨﻦ ﻗﺎﻧﺎﺋﻪﺗﻠﯩﻨﯩﺶ ﺑﯩﻠﻪﻥ ﭼﻪﻛﻠﯩﻨﯩﭗ ﻗﺎﻟﻤﺎﻱ، ﺋﯘﻻﺭﻧﯩﯔ ﺋﺎﻧﺎ ﺗﯩﻞ ﺋﯚﮔﯩﻨﯩﺸﯩﮕﯩﻤﯘ ﻧﺎﻫﺎﻳﯩﺘﻰ ﺋﻪﻫﻤﯩﻴﻪﺕ ﺑﻪﺭﻣﻪﻛﺘﻪ.

ﺑﺎﻟﯩﻼﺭﻧﯩﯔ ﺋﻪﯓ ﻛﯩﭽﯩﻜﻰ 3 ﻳﺎﺷﺘﺎ

ﻣﻪﻳﻠﻰ ﻗﺎﻳﺴﻰ ﺩﯙﻟﻪﺗﺘﻪ ﺑﻮﻟﻤﯩﺴﯘﻥ، ﺋﯘﻳﻐﯘﺭﻻﺭﻧﯩﯔ ﺑﺎﻟﯩﻼﺭﻏﺎ ﺋﯘﻳﻐﯘﺭ ﺗﯩﻠﻰ ﺋﯚﮔﯩﺘﯩﺶ ﺋﯜﭼﯜﻥ ﻣﻪﻛﺘﻪﭘﻠﻪﺭﻧﻰ ﺋﺎﭼﻘﺎﻧﻠﯩﻘﯩﻨﻰ، ﻫﯧﭻ ﺑﻮﻟﻤﯩﺴﺎ ﺑﺎﻟﯩﻼﺭﻧﻰ ﺑﯩﺮ ﺋﺎﺭﯨﻐﺎ ﺟﻪﻡ ﻗﯩﻠﯩﭗ، ﺋﯚﻳﻠﻪﺭﺩﻩ ﺋﯘﻳﻐﯘﺭ ﺗﯩﻠﻰ ﺩﻩﺭﺳﻰ ﺑﯧﺮﯨﻠﯩﯟﺍﺗﻘﺎﻧﻠﯩﻘﯩﻨﻰ ﺋﺎﯕﻼﭖ ﺗﯘﺭﯨﺴﯩﺰ. ﺋﺎﻣﯧﺮﯨﻜﯩﻨﯩﯔ ﻟﻮﺱ - ﺋﺎﻧﺠﯩﻠﯩﺲ ﺷﻪﻫﯩﺮﯨﺪﯨﻜﻰ ﻳﺎﺵ ﺯﯨﻴﺎﻟﯩﻴﻼﺭ ﺧﺎﻟﯩﺴﺎﻧﻪ ﺗﻪﺷﻜﯩﻠﻠﯩﻨﯩﭗ، ﺋﯘﻳﻐﯘﺭ ﺑﺎﻟﯩﻠﯩﺮﯨﻐﺎ ﺋﺎﻧﺎ ﺗﯩﻞ ﺩﻩﺭﺳﻰ ﺋﯚﺗﯜﺷﻨﻰ ﺋﯚﺯﯨﮕﻪ ﯞﻩﺯﯨﭙﻪ ﻗﯩﻠﻐﺎﻥ ﺑﻮﻟﯘﭖ، ﻛﯩﺸﯩﻨﻰ ﺗﻪﺳﯩﺮﻟﻪﻧﺪﯛﺭﯨﺪﯨﻐﯩﻨﻰ ﺷﯘﻛﻰ ﺋﺎﻧﺎ ﺗﯩﻞ ﺋﯚﮔﯩﻨﯩﯟﺍﺗﻘﺎﻥ ﺑﺎﻟﯩﻼﺭﻧﯩﯔ ﺋﻪﯓ ﻛﯩﭽﯩﻜﻰ 3 ﻳﺎﺷﺘﺎ ﺋﯩﻜﻪﻥ.

ﺋﺎﻣﯧﺮﯨﻜﯩﻨﯩﯔ ﻟﻮﺱ - ﺋﺎﻧﺠﯩﻠﯩﺲ ﺷﻪﻫﯩﺮﯨﺪﯨﻜﻰ ﻳﺎﺵ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ، ﺑﯘ ﺷﻪﻫﻪﺭﺩﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﭘﻪﺭﺯﻩﻧﺘﻠﻪﺭﻧﯩﯔ ﺋﺎﻧﺎ ﺗﯩﻞ ﺋﯚﮔﯩﻨﯩﺶ ﻗﯩﻴﯩﻨﭽﯩﻠﯩﻘﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ، ﺑﺎﻟﯩﻼﺭﻧﻰ ﺑﯩﺮ ﺋﺎﺭﯨﻐﺎ ﺟﻪﻡ ﻗﯩﻠﯩﭗ، ﺋﯘﻳﻐﯘﺭ ﺗﯩﻠﻰ ﺋﯚﮔﻪﺗﻤﻪﻛﺘﻪ.

ﻫﻪﭘﺘﯩﺪﻩ ﺑﯩﺮ ﻛﯜﻥ ﺑﺎﻟﯩﻼﺭ ﺋﯜﭼﯜﻥ

ﺧﯩﺰﻣﻪﺕ ﯞﻩ ﺋﯚﮔﯩﻨﯩﺶ ﯞﻩﺯﯨﭙﯩﻠﯩﺮﯨﻨﯩﯔ ﺋﯧﻐﯩﺮﻟﯩﻘﻰ ﺷﯘﻧﯩﯖﺪﻩﻙ ﯞﺍﻗﯩﺘﻨﯩﯔ ﻗﯩﺴﻠﯩﻘﯩﻐﺎ ﻗﺎﺭﯨﻤﺎﻱ، ﺑﺎﻟﯩﻼﺭﻏﺎ ﺋﯘﻳﻐﯘﺭ ﺗﯩﻠﻰ ﺋﯚﮔﯩﺘﯩﺶ ﺋﯜﭼﯜﻥ ﺗﻪﺷﻜﯩﻠﻠﻪﻧﮕﻪﻥ ﻣﯧﻬﺮﺍﻱ ، ﺯﻩﻣﯩﺮﻩ، ﻗﯘﺭﺑﺎﻧﺠﺎﻥ ﯞﻩ ﻧﯘﺭﻧﯩﺴﺎﻻﺭ ﻫﻪﭘﺘﯩﺪﻩ ﺑﯩﺮ ﻛﯜﻧﻨﻰ ﺋﺎﺟﺮﯨﺘﯩﭗ ﺩﻩﺭﺱ ﺋﯚﺗﻜﻪﻧﺪﯨﻦ ﺳﯩﺮﺕ، ﺩﻩﺭﺱ ﺋﯚﺗﯩﺪﯨﻐﺎﻥ ﺳﯩﻨﯩﭗ ﺑﻮﻟﻤﺎﺳﻠﯩﻘﺘﻪﻙ ﻗﯩﻴﯩﻨﭽﯩﻠﯩﻘﻼﺭﻧﻰ ﺑﻮﻟﺴﺎ، ﺋﯚﺯ ﺋﯚﻳﻠﯩﺮﯨﻨﻰ ﺳﯩﻨﯩﭗ ﻗﯩﻠﯩﭗ ﺋﯩﺸﻠﯩﺘﯩﺶ ﺋﺎﺭﻗﯩﻠﯩﻖ ﻳﻪﯕﮕﻪﻥ.

ﺑﻮﻟﯘﭘﻤﯘ ﻛﯩﺸﯩﻨﻰ ﻫﺎﻳﺎﺟﺎﻧﻼﻧﺪﯗﺭﯨﺪﯨﻐﯩﻨﻰ ﺷﯘﻛﻰ، ﺋﺎﻧﺎ ﺗﯩﻞ ﺋﯚﮔﯩﻨﯩﯟﺍﺗﻘﺎﻥ ﺑﺎﻟﯩﻼﺭﻧﯩﯔ ﺋﻪﯓ ﻛﯩﭽﯩﻜﻰ 3 ﻳﺎﺷﺘﺎ ﺑﻮﻟﯘﭖ، ﺋﯩﻨﮕﻠﯩﺰ ﺗﯩﻠﻰ ﻳﻪﺳﻠﯩﻠﯩﺮﯨﺪﯨﻜﻰ ﺋﯘﻳﻐﯘﺭ ﺑﺎﻟﯩﻼﺭﻧﻰ ﻧﻪﺯﻩﺭﺩﻩ ﺗﯘﺗﻘﺎﻥ ﺋﻮﻗﯘﺗﻘﯘﭼﯩﻼﺭ ﻛﯩﭽﯩﻚ ﻳﺎﺷﺘﯩﻜﻰ ﺋﯘﻳﻐﯘﺭ ﭘﻪﺭﺯﻩﻧﺘﻠﯩﺮﯨﮕﯩﻤﯘ، ﺋﺎﻧﺎ ﺗﯩﻠﻰ ﺋﯚﮔﯩﺘﯩﺶ ﻛﯧﺮﻩﻛﻠﯩﻜﯩﻨﻰ ﺗﻮﻧﯘﭖ ﻳﻪﺗﻜﻪﻥ.

ﺋﻮﻗﯘﺗﻘﯘﭼﯩﻼﺭ ، ﻛﯩﭽﯩﻚ ﻳﺎﺷﺘﯩﻜﻰ ﺑﺎﻟﯩﻼﺭﻏﺎ ﻗﯩﺰﯨﻘﺎﺭﻟﯩﻖ ﺋﻮﻳﯘﻧﻼﺭ، ﺗﯧﭙﯩﺸﻤﺎﻕ ﻫﯧﻜﺎﻳﯩﻠﻪﺭ ﺳﯚﺯﻟﻪﺵ ﺋﺎﺭﻗﯩﻠﯩﻖ ﺋﯘﻻﺭﻧﯩﯔ ﺗﯩﻞ ﺋﯚﮔﯩﻨﯩﺸﯩﮕﻪ ﻗﻮﻻﻳﻠﯩﻖ ﺷﺎﺭﺍﺋﯩﺖ ﻫﺎﺯﯨﺮﻟﯩﻐﺎﻥ.

ﻳﺎﺵ ﺯﯨﻴﺎﻟﯩﻲ ﺯﻩﻣﯩﺮﻩ ﺧﺎﻧﯩﻢ، ﺋﯚﺯ ﺋﯚﻳﯩﻨﻰ ﺑﺎﻟﯩﻼﺭﻏﺎ ﺩﻩﺭﺳﺨﺎﻧﺎ ﻗﯩﻠﯩﭗ ﻫﺎﺯﯨﺮﻻﭖ، ﺑﺎﻟﯩﻼﺭﻏﺎ ﺋﯚﺯﯨﮕﻪ ﻻﻳﯩﻖ ﻗﯩﺰﯨﻘﺎﺭﻟﯩﻖ ﺋﯘﺳﯘﻟﻼﺭ ﺑﯩﻠﻪﻥ ﺋﯘﻳﻐﯘﺭ ﺗﯩﻠﻰ ﺋﯚﮔﻪﺗﻤﻪﻛﺘﻪ .

ﻳﻪﻧﻪ ﺑﯩﺮ ﺋﻮﻗﯘﺗﻘﯘﭼﻰ ﻣﯧﻬﺮﺍﻱ ﺧﺎﻧﯩﻢ ﺑﻮﻟﺴﺎ، ﺑﺎﻟﯩﻼﺭﻏﺎ ﺋﺎﻧﺎ ﺗﯩﻞ ﺋﯚﮔﯩﺘﯩﺸﻨﯩﯔ ﺋﻪﻫﻤﯩﻴﯩﺘﯩﻨﯩﯔ ﺯﻭﺭﻟﯘﻗﯩﻨﻰ ﺗﻪﻛﯩﺘﻠﯩﺪﻯ. (ﺋﻪﻗﯩﺪﻩ)