ﺋﯘﭺ ﺗﯘﺭﭘﺎﻥ ﻧﺎﻫﯩﻴﯩﺴﻰ ﻳﺎﺭﻛﯚﯞﺭﯛﻙ ﻳﯧﺰﯨﺴﯩﺪﯨﻜﻰ ﺋﺎﭘﻪﺗﺘﻪ ﻛﯚﭘﻠﯩﮕﻪﻥ ﺩﯦﻬﻘﺎﻧﻼﺭ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﯨﺪﻯ

• ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

2007 - ﻳﯩﻠﻰ 7- ﺋﺎﻳﻨﯩﯔ 11 - ﻛﯜﻧﻰ ﭘﯩﭽﺎﻥ ﻧﺎﻫﯩﻴﯩﺴﯩﺪﯨﻜﻰ ﻳﯧﺰﯨﻼﺭﺩﺍ ﻳﯜﺯ ﺑﻪﺭﮔﻪﻥ ﻛﻪﻟﻜﯜﻥ ﺋﺎﭘﯩﺘﻰ. AFP PHOTO

ﺋﯘﭼﺘﯘﺭﭘﺎﻥ ﻧﺎﻫﯩﻴﯩﺴﻰ ﻳﺎﺭﻛﯚﯞﺭﯛﻙ ﻳﯧﺰﯨﺴﯩﺪﺍ ﻳﯜﺯ ﺑﻪﺭﮔﻪﻥ ﻛﻪﻟﻜﯜﻥ ﺋﺎﭘﯩﺘﯩﺪﻩ 288 ﺩﯦﻬﻘﺎﻥ ﺋﺎﭘﻪﺗﻜﻪ ﺋﯘﭼﺮﺍﭖ، 100 ﺩﯨﻦ ﺋﺎﺭﺗﯘﻕ ﺋﯚﻱ ﺋﯚﺭﯛﻟﯜﭖ ﭼﯜﺷﻜﻪﻥ، ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺋﯧﻼﻥ ﻗﯩﻠﻐﺎﻥ ﺋﯘﭼﯘﺭﻻﺭﻏﺎ ﻗﺎﺭﯨﻐﺎﻧﺪﺍ ﺑﯘﻧﯩﯖﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺋﯩﻘﺘﯩﺴﺎﺩﯨﻲ ﺯﯨﻴﺎﻧﻨﯩﯔ ﻗﯩﻤﻤﯩﺘﻰ 5 ﻣﯩﻠﻴﻮﻧﻐﺎ ﻳﻪﺗﻜﻪﻥ. ﻳﺎ ﻛﯚﯞﺭﯛﻙ ﻳﯧﺰﯨﺴﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﯓ ﻧﺎﻣﺮﺍﺕ ﻳﯧﺰﯨﻼﺭﺩﯨﻦ ﺑﯩﺮﻯ ﺑﻮﻟﯘﺵ ﺑﯩﻠﻪﻥ ﺑﯩﺮﮔﻪ ﺋﺎﭘﻪﺕ ﻛﯚﭖ ﻳﯜﺯ ﺑﯧﺮﯨﺪﯨﻐﺎﻥ ﺭﺍﻳﻮﻥ ﻫﯧﺴﺎﺑﻠﯩﻨﯩﺪﯗ. ﮔﻪﺭﭼﻪ ﻳﻪﺭﻟﯩﻚ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺋﯩﻠﮕﯩﺮﻯ ﺑﯘ ﺟﺎﻳﺪﯨﻜﻰ ﺑﺎﺭﻟﯩﻖ ﺩﯦﻬﻘﺎﻧﻼﺭﻏﺎ ﺋﺎﭘﻪﺗﻜﻪ ﭼﯩﺪﺍﻣﻠﯩﻖ ﺋﯚﻳﻠﻪﺭﻧﻰ ﺳﯧﻠﯩﭗ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻥ ﺑﻮﻟﺴﯩﻤﯘ ، ﺑﯘ ﺯﯦﻤﯩﻨﺪﯨﻜﻰ ﺩﯦﻬﻘﺎﻧﻼﺭ ﻳﻪﻧﯩﻼ ﺋﺎﭘﻪﺕ ﻗﯘﺭﺑﺎﻧﯩﻐﺎ ﺋﺎﻳﻼﻧﻤﺎﻗﺘﺎ .

ﺋﯘﭼﺘﯘﺭﭘﺎﻥ ﻧﺎﻫﯩﻴﯩﺴﯩﺪﻩ ﻳﯜﺯ ﺑﻪﺭﮔﻪﻥ ﺋﺎﭘﻪﺗﺘﻪ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﻯ ﺋﯧﻐﯩﺮ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ ﺗﺎﺭﺗﺘﻰ

ﺋﯩﻜﻜﻰ ﻛﯜﻥ ﺋﯩﻠﮕﯩﺮﻯ ﻳﻪﺭﻟﯩﻚ ﺩﺍﺋﯩﺮﯨﻠﻪﺭﻧﯩﯔ ﻣﻪﻟﯘﻣﺎﺕ ﺑﯧﺮﯨﺸﯩﭽﻪ، ﺋﯘﭼﺘﯘﺭﭘﺎﻥ ﻧﺎﻫﯩﻴﯩﺴﯩﺪﻩ ﻳﯜﺯ ﺑﻪﺭﮔﻪﻥ ﻛﻪﻟﻜﯜﻥ ﺋﺎﭘﯩﺘﯩﺪﻩ 288 ﺩﯦﻬﻘﺎﻥ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺩﻩﺭﯨﺠﯩﺪﻩ ﺋﯚﻱ - ﻣﺎﻛﺎﻥ، ﺗﯧﺮﯨﻠﻐﯘ - ﻳﻪﺭ ﯞﻩ ﭼﺎﺭﯞﺍ - ﻣﺎﻟﻠﯩﺮﯨﺪﯨﻦ ﺋﺎﻳﺮﯨﻠﯩﭗ، ﺗﯧﺨﯩﻤﯘ ﺋﯧﻐﯩﺮ ﻧﺎﻣﺮﺍﺗﻠﯩﻘﻘﺎ ﺩﯗﭺ ﻛﻪﻟﺪﻯ. ﺑﻮﻟﯘﭘﻤﯘ ﻳﺎ ﻛﯚﯞﺭﯛﻙ ﻳﯧﺰﯨﺴﻰ 3 ‏- ﻛﻪﻧﺘﯩﻨﯩﯔ ﺋﺎﻫﺎﻟﯩﺴﻰ ﺋﺎﭘﻪﺗﻜﻪ ﺋﻪﯓ ﺋﯧﻐﯩﺮ ﺋﯘﭼﺮﯨﻐﺎﻥ ﺑﻮﻟﯘﭖ، ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﻗﯧﺘﯩﻤﻘﻰ ﺋﺎﭘﻪﺗﺘﯩﻦ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺋﯩﻘﺘﯩﺴﺎﺩﯨﻲ ﺯﯨﻴﺎﻧﻨﯩﯔ ﻗﯩﻤﻤﯩﺘﻰ 5 ﻣﯩﻠﻴﻮﻥ ﻳﯜﻩﻧﮕﻪ ﻳﯧﺘﯩﺪﯨﻜﻪﻥ.

ﺑﯩﺮﺍﻕ، ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﻛﯚﺯﻩﺗﻜﯜﭼﯩﻠﻪﺭ، ﺋﯜﭺ ﺗﯘﺭﭘﺎﻥ ﻧﺎﻫﯩﻴﯩﺴﯩﺪﻩ ﻳﯜﺯ ﺑﻪﺭﮔﻪﻥ ﺯﯨﻴﺎﻥ ﻗﯩﻤﻤﯩﺘﯩﻨﯩﯔ ﺑﯘﻧﯩﯖﺪﯨﻦ ﺋﯧﻐﯩﺮ ﺋﯩﻜﻪﻧﻠﯩﻜﯩﻨﻰ ﻗﯩﻴﺎﺱ ﻗﯩﻠﯩﺸﻤﺎﻗﺘﺎ.

ﮔﻪﺭﭼﻪ ﺑﯩﺰ ﺋﯘﭼﺘﯘﺭﭘﺎﻥ ﻧﺎﻫﯩﻴﯩﺴﻰ ﻳﺎ ﻛﯚﯞﺭﯛﻙ ﻳﯧﺰﯨﺴﻰ 3 ‏- ﻛﻪﻧﺘﯩﺪﯨﻜﻰ ﺩﯦﻬﻘﺎﻧﻼﺭﺩﯨﻦ ﺑﯩﯟﺍﺳﺘﻪ ﺋﻪﻫﯟﺍﻝ ﺋﯩﮕﯩﻠﻪﺵ ﺋﯜﭼﯜﻥ ﻛﯚﭖ ﺗﯩﺮﯨﺸﻘﺎﻥ ﺑﻮﻟﺴﺎﻗﻤﯘ، ﻛﻪﻟﻜﯜﻥ ﺋﺎﭘﯩﺘﯩﺪﯨﻦ ﻣﻪﻳﺪﺍﻧﻐﺎ ﻛﻪﻟﮕﻪﻥ ﺗﯧﻠﯧﻔﻮﻥ ﺳﯩﻤﻠﯩﺮﯨﺪﯨﻜﻰ ﺋﯚﺯﮔﯩﺮﯨﺶ ﺳﻪﯞﻩﺑﻠﯩﻚ ﻣﻪﺯﻛﯘﺭ ﻛﻪﻧﺖ ﺋﺎﻫﺎﻟﯩﺴﻰ ﺑﯩﻠﻪﻥ ﺋﺎﻻﻗﻪ ﺑﺎﻏﻠﯩﻴﺎﻟﻤﯩﺪﯗﻕ.

ﺷﯘﯕﺎ ﺋﻪﺗﺮﺍﭘﺘﯩﻜﻰ ﻗﻮﺷﻨﺎ ﻳﯧﺰﺍ ﺋﺎﻫﺎﻟﯩﻠﯩﺮﯨﺪﯨﻦ ، ﺋﺎﭘﻪﺕ ﻫﻪﻗﻘﯩﺪﻩ ﺋﺎﺯﺭﺍﻕ ﻣﻪﻟﯘﻣﺎﺕ ﺋﯩﮕﯩﻠﯩﺪﯗﻕ. ﻗﻮﺷﻨﺎ ﻳﯧﺰﯨﻼﺭﺩﯨﻜﻰ ﺩﯦﻬﻘﺎﻧﻼﺭ، ﻫﯚﻛﯜﻣﻪﺗﻨﯩﯔ ﺋﺎﭘﻪﺗﺘﻪ ﺋﯚﻱ ﻣﺎﻛﺎﻧﯩﺪﯨﻦ ﺋﺎﻳﺮﯨﻠﻐﺎﻥ ﺩﯦﻬﻘﺎﻧﻼﺭﻏﺎ ﭼﯧﺪﯨﺮ ﺋﯚﻱ ﺗﺎﺭﻗﯩﺘﯩﭗ ﺑﻪﺭﮔﻪﻧﻠﯩﻜﯩﻨﻰ، ﺑﯩﺮﺍﻕ ﻳﻪﻧﻪ ﺋﯚﺭﯛﻟﯜﺵ ﺋﯧﻬﺘﯩﻤﺎﻟﻠﯩﻘﻰ ﺑﺎﺭ ﺋﯚﻳﻠﻪﺭﻧﯩﯔ ﺋﯩﮕﯩﻠﯩﺮﻯ ﺗﻪﺷﯟﯨﺶ ﺋﯩﭽﯩﺪﻩ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺑﯩﺮ ﻗﺎﻧﭽﻪ ﻳﯩﻠﻼﺭ ﺋﯩﻠﮕﯩﺮﻯ، ﺋﯘﭺ ﺗﯘﺭﭘﺎﻥ ﻧﺎﻫﯩﻴﯩﺴﻰ ﺗﻪﯞﻩﺳﯩﺪﻩ ﻳﯜﺯ ﺑﻪﺭﮔﻪﻥ ﻳﻪﺭ ﺗﻪﯞﺭﻩﺵ ﺋﺎﭘﯩﺘﯩﺪﻩ ﺑﯘ ﺟﺎﻳﺪﯨﻜﻰ ﺩﯦﻬﻘﺎﻧﻼﺭﻧﯩﯔ ﭼﻮﻗﯘﻡ ﻳﻪﺭ ﺗﻪﯞﺭﻩﺷﻜﻪ ﺋﻮﺧﺸﺎﺵ ﺋﺎﭘﻪﺗﻠﻪﺭﮔﻪ ﭼﯩﺪﺍﻣﻠﯩﻖ ﺋﯚﻳﻠﻪﺭﮔﻪ ﻛﯚﭼﯜﺭﯨﻠﯩﺪﯨﻐﺎﻧﻠﯩﻘﯩﻨﻰ ﯞﻩﺩﻩ ﻗﯩﻠﻐﺎﻥ ﺋﯩﺪﻯ. ﺑﯩﺰ ﺩﯦﻬﻘﺎﻧﻼﺭﺩﯨﻦ ﻫﯚﻛﯜﻣﻪﺗﻨﯩﯔ ﻣﻪﺯﻛﯜﺭ ﯞﻩﺩﯨﺴﯩﻨﯩﯔ ﺋﻪﻣﯩﻠﻠﯩﺸﯩﺶ ﺋﻪﻫﯟﺍﻟﯩﻨﻰ ﺳﻮﺭﯨﻐﯩﻨﯩﻤﯩﺰﺩﺍ، ﻛﯩﻤﻠﯩﻜﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺑﯘ ﻛﯩﺸﻰ ﺑﯩﺰﮔﻪ ﻣﯘﻧﺪﺍﻕ ﺩﻩﭖ ﺟﺎﯞﺍﺏ ﺑﻪﺭﺩﻯ.

ﺋﯘﭼﺘﯘﺭﭘﺎﻥ ﻧﺎﻫﯩﻴﯩﺴﯩﻨﯩﯔ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻰ ﺧﻪﻟﻘﻨﯩﯔ ﺋﺎﭘﻪﺗﺘﯩﻦ ﻗﯘﺗﯘﻟﯩﺸﯩﻐﺎ ﻳﺎﺭﺩﻩﻡ ﻛﯚﺭﺳﯩﺘﻪﻟﻤﯩﮕﻪﻥ

ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺭﺍﻳﻮﻥ ﺧﻪﻟﻘﯩﻨﻰ ﺋﺎﭘﻪﺗﺘﯩﻦ ﻗﯘﺗﯘﻟﺪﯗﺭﯗﺵ ﻳﺎﻟﻐﯘﺯ ﻫﯚﻛﯜﻣﻪﺕ ﺋﻮﺭﯗﻧﻠﯩﺮﻯ ﺗﻪﺭﯨﭙﯩﺪﯨﻨﻼ ﺋﯧﻠﯩﭗ ﺑﯧﺮﯨﻠﻤﺎﺳﺘﯩﻦ، ﺑﻪﻟﻜﻰ ﺋﺎﭘﻪﺗﻜﻪ ﺋﯘﭼﺮﯨﻤﯩﻐﺎﻥ ﻗﻮﺷﻨﺎ ﻳﯧﺰﺍ ﺩﯦﻬﻘﺎﻧﻠﯩﺮﻯ ﻫﺎﺷﺎﺭ ﺋﻪﻣﮕﯩﻜﻰ ﺋﯘﺳﯘﻟﻰ ﺑﻮﻳﯩﭽﻪ ﺋﺎﭘﻪﺗﺘﯩﻦ ﻗﯘﺗﯘﻟﺪﯗﺭﯗﺵ ﺋﯩﺸﻠﯩﺮﯨﻐﺎ ﺳﯧﻠﯩﻨﻐﺎﻥ .

ﻳﻪﺭ ﺋﺎﺳﺘﻰ ﯞﻩ ﺋﯜﺳﺘﻰ ﺑﺎﻳﻠﯩﻘﻠﯩﺮﯨﻨﯩﯔ ﻣﻮﻟﻠﯘﻗﻰ ﯞﻩ ﻳﯧﺮﯨﻨﯩﯔ ﻣﯘﻧﺒﻪﺗﻠﯩﻜﻰ ﺑﯩﻠﻪﻥ ﺗﺎﺭﯨﺨﺘﯩﻦ ﺑﯘﻳﺎﻥ ﮔﯜﺯﻩﻝ، ﺑﺎﻱ ﺯﯦﻤﯩﻦ ﺩﻩﭖ ﺋﺎﺗﯩﻠﯩﭗ ﻛﻪﻟﮕﻪﻥ ﺋﯘﭼﺘﯘﺭﭘﺎﻥ ﻧﺎﻫﯩﻴﯩﺴﯩﮕﻪ ، ﺧﯩﺘﺎﻱ " ﻏﻪﺭﺑﺘﯩﻜﻰ ﻛﯚﺯﻧﻰ ﻗﺎﻣﺎﺷﺘﯘﺭﯨﺪﯨﻐﺎﻥ ﻣﻪﺭﯞﺍﻳﯩﺖ " ﺩﯦﮕﻪﻥ ﻧﺎﻣﻨﻰ ﺑﻪﺭﮔﻪﻥ.

ﻣﻪﺯﻛﯘﺭ ﻧﺎﻫﯩﻴﻪ ﻳﻪﻧﻪ ﺩﯙﻟﻪﺗﻨﯩﯔ ﯞﻩ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺋﺎﺷﻠﯩﻖ ﺑﺎﺯﯨﺴﻰ ﺑﻮﻟﯘﺷﺘﯩﻦ ﺳﯩﺮﺕ، ﻧﯚﯞﻩﺗﺘﻪ، ﺑﯘ ﻧﺎﻫﯩﻴﯩﺪﯨﻦ ﺋﺎﻟﺘﯘﻥ ﻗﺎﺗﺎﺭﻟﯩﻖ 16 ﺧﯩﻞ ﻣﻪﺩﻩﻥ ﺑﺎﻳﻠﯩﻘﻠﯩﺮﯨﻨﯩﯔ 59 ﻛﺎﻧﻰ ﺑﺎﻳﻘﺎﻟﻐﺎﻥ.

ﺑﯩﺮﺍﻕ، ﻛﯩﺸﯩﻨﻰ ﺋﻪﺟﻪﭘﻠﻪﻧﺪﯛﺭﯨﺪﯨﻐﯩﻨﻰ، ﺑﯘ ﺑﺎﻳﻠﯩﻘﻼﺭﻏﺎ ﺋﯩﮕﻪ ﺋﯘﭼﺘﯘﺭﭘﺎﻥ ﻧﺎﻫﯩﻴﯩﺴﯩﻨﯩﯔ ﺋﺎﻫﺎﻟﯩﺴﻰ ﺋﺎﭘﻪﺗﻠﻪﺭﮔﻪ ﺑﻪﺭﺩﺍﺷﻠﯩﻖ ﺑﯧﺮﻩﻟﻪﻳﺪﯨﻐﺎﻥ ﺋﯚﻳﻠﻪﺭﺩﻩ ﺋﻮﻟﺘﯘﺭﯗﺵ ﺋﻪﻣﻪﺱ ، ﺑﻪﻟﻜﻰ ﺑﯘ ﻧﺎﻫﯩﻴﻪ ﺧﯩﺘﺎﻱ ﺑﻮﻳﯩﭽﻪ، ﺩﯙﻟﻪﺕ ﺩﻩﺭﯨﺠﯩﻠﯩﻚ ﻗﯘﺗﻘﯘﺯﯨﻠﯩﺪﯨﻐﺎﻥ ﻧﯘﻗﺘﯩﻠﯩﻖ ﻧﺎﻣﺮﺍﺕ ﻧﺎﻫﯩﻴﯩﻠﻪﺭ ﻗﺎﺗﺎﺭﯨﻐﺎ ﻛﯩﺮﮔﯜﺯﯛﻟﮕﻪﻥ . ﺷﯘﯕﺎ ﺑﯘ ﻣﻪﺳﯩﻠﻪ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﻣﯘﻧﺎﺯﯨﺮﻩ ﭘﻪﻳﺪﺍ ﻗﯩﻠﻤﺎﻗﺘﺎ.(ﺋﻪﻗﯩﺪﻩ)