ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻰ ﺋﯧﭽﯩﺶ - ﺧﯩﺘﺎﻳﻨﯩﯔ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﯩﺸﻘﺎ ﺋﺎﺷﯘﺭﯗﺵ ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﺑﯩﺮ ﻗﯩﺴﻤﻰ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

2006 – ﻳﯩﻠﻰ 13 – ﺋﯚﻛﺘﻪﺑﯩﺮ ﻛﯜﻧﻰ ﺋﻮﻗﯘﻏﯘﭼﯩﻼﺭ ﺧﻮﺗﻪﻧﺪﯨﻜﻰ ﺑﯩﺮ ﻗﻮﺵ ﺗﯩﻠﻠﯩﻖ ﻣﻪﻛﺘﻪﭘﺘﯩﻜﻰ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﻗﯘﺭﻏﯘﭼﯩﺴﻰ ﻣﺎﯞ ﺯﯦﺪﻭﯕﻨﯩﯔ ﺭﻩﺳﯩﻤﻰ ﺋﯧﺴﯩﻠﻐﺎﻥ ﺳﯩﻨﯩﭙﻘﺎ ﻛﯩﺮﻣﻪﻛﺘﻪ. AFP

2000 ‏ - ﻳﯩﻠﻰ 4 - ﺋﺎﻳﻨﯩﯔ 6 – 7 - ﻛﯜﻧﻠﯩﺮﻯ ﺧﯩﺘﺎﻳﻨﯩﯔ ﻣﻪﺭﻛﯩﺰﻯ ﺑﯧﻴﺠﯩﯖﺪﺍ، ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﻣﻪﺭﻛﯩﺰﻯ ﻛﻮﻣﯩﺘﯧﺘﻰ ﺩﯙﻟﻪﺕ ﺋﯩﺸﻠﯩﺮﻯ ﻛﺎﺑﯩﻨﯧﺘﻰ (ﮔﻮﯞﯗﻳﯜﺋﻪﻥ ﺑﻪﻧﮕﯘﯕﺘﯩﯔ) 1999 - ﻳﯩﻠﻰ 85 - ﻧﻮﻣﯘﺭﻟﯘﻕ ﻫﯚﺟﺠﯩﺘﯩﻨﻰ ﺋﻪﻣﻪﻟﯩﻴﻠﻪﺷﺘﯜﺭﯛﺵ ﺧﯩﺰﻣﻪﺕ ﻳﯩﻐﯩﻨﻰ ﭼﺎﻗﯩﺮﯨﻠﺪﻯ. ﻣﺎﻧﺎ ﺑﯘ ﻳﯩﻐﯩﻦ ﺩﻩﻝ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﻣﻪﺧﺴﯘﺱ ﺋﯘﻳﻐﯘﺭ ﺋﯧﻠﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﻰ ﺗﻪﺭﺑﯩﻴﯩﻠﻪﻳﺪﯨﻐﺎﻥ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ ﭘﯩﻼﻧﯩﻨﯩﯔ ﺭﻩﺳﻤﯩﻴﻠﯩﺸﯩﺸﯩﻨﯩﯔ ﺑﯩﺮﯨﻨﭽﻰ ﻗﻪﺩﯨﻤﻰ ﺋﯩﺪﻯ.

ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻰ ﺋﯧﭽﯩﺶ ﻫﻪﻗﻘﯩﺪﻩ "ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺋﯩﭽﻜﻰ ﻫﯚﺟﺠﯩﺘﻰ" ﺩﯨﻜﻰ ﻣﯘﻫﯩﻢ ﻗﯘﺭﻻﺭ

ﻳﯩﻐﯩﻨﻐﺎ ﺧﯩﺘﺎﻱ ﺩﯙﻟﻪﺕ ﺋﯩﺸﻠﯩﺮﻯ ﻛﺎﺑﯩﻨﯧﺘﻰ، ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﻰ، ﻣﯩﻠﻠﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﺭﻩﻫﺒﻪﺭﻟﯩﺮﻯ ﯞﻩ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﻯ ﺋﯧﭽﯩﺶ ﻗﺎﺭﺍﺭ ﻗﯩﻠﯩﻨﻐﺎﻥ ﺋﯚﻟﻜﻪ ﻫﻪﻡ ﺷﻪﻫﻪﺭﻟﻪﺭﻧﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﺎﺩﻩﻣﻠﯩﺮﻯ ﺑﻮﻟﯘﭖ ﻳﻪﺗﻤﯩﺸﭽﻪ ﺋﺎﺩﻩﻡ ﻗﺎﺗﻨﺎﺷﺘﻰ.

ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﻣﻪﺯﻛﯘﺭ ﻳﯩﻐﯩﻨﻨﯩﯔ ﺭﻭﻫﯩﻨﻰ ﺋﯚﮔﯩﻨﯩﺶ ﻫﻪﻣﺪﻩ ﺋﻪﺳﺘﺎﻳﯩﺪﯨﻞ ﺋﻪﻣﻪﻟﯩﻴﻠﻪﺷﺘﯜﺭﯛﺵ ﻫﻪﻗﻘﯩﺪﻩ ﺗﺎﺭﻗﺎﺗﻘﺎﻥ ﺋﯩﭽﻜﻰ ﻫﯚﺟﺠﯩﺘﯩﺪﻩ ﻣﻪﺭﻛﻪﺯﻧﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺷﯩﻨﺠﺎﯓ ﺳﯩﻨﯩﭙﻰ ﺋﯧﭽﯩﺶ ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﻣﯘﻫﯩﻢ ﺑﯩﺮ ﺳﯩﻴﺎﺳﯩﻲ ﺋﯩﺴﺘﺮﺍﺗﯧﮕﯩﻴﻪ ﺋﯩﻜﻪﻧﻠﯩﻜﻰ ﻣﯘﻧﺪﺍﻕ ﺷﻪﺭﻫﻠﻪﻧﮕﻪﻥ:

"ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ، ﺧﯩﺘﺎﻱ ﻣﻪﺭﻛﯩﺰﻯ ﻛﻮﻣﯩﺘﯧﺘﻰ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ "ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺵ ﻣﻪﺧﺴﯘﺱ ﻳﯩﻐﯩﻨﻰ" ﺩﺍ ﺋﯧﻠﯩﻨﻐﺎﻥ ﻗﺎﺭﺍﺭ. ﻣﻪﺭﻛﻪﺯﻧﯩﯔ ﺑﯘ ﻫﻪﻗﺘﻪ 1996 - ﻳﯩﻠﻠﯩﻖ 7 - ﻧﻮﻣﯘﺭﻟﯘﻕ ﻫﯚﺟﺠﯩﺘﯩﺪﻩ "2000 - ﻳﯩﻠﻰ 9 - ﺋﺎﻳﻨﯩﯔ ﺑﯩﺮﯨﻨﭽﻰ ﻛﯜﻧﻰ ﺑﯧﻴﺠﯩﯔ، ﺷﺎﯕﺨﻪﻱ، ﺗﻴﻪﻧﺠﯩﻦ ﻗﺎﺗﺎﺭﻟﯩﻖ 12 ﺷﻪﻫﻪﺭﺩﯨﻜﻰ 25 ﺋﻮﺗﺘﯘﺭﺍ ﻣﻪﻛﺘﻪﭖ ﺭﻩﺳﻤﯩﻲ ﺩﻩﺭﺱ ﺑﺎﺷﻼﺷﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﻰ ﻛﯧﺮﻩﻙ. ﻣﻪﺭﻛﻪﺯﻧﯩﯔ ﺷﯩﻨﺠﺎﯓ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ ﻗﺎﺭﺍﺭﻯ، ﻏﻪﺭﺑﻨﻰ ﺋﯧﭽﯩﺶ ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﻣﯘﻫﯩﻢ ﺑﯩﺮ ﻗﯩﺴﻤﻰ، ﺑﯘ ﺷﯩﻨﺠﺎﯕﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﻣﯘﻗﯩﻤﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ، ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﯩﻨﻰ ﻛﯜﭼﻪﻳﺘﯩﭗ، ﺩﯙﻟﻪﺗﻨﯩﯔ ﺑﯩﺮ ﭘﯜﺗﯜﻧﻠﯩﻜﯩﻨﻰ ﻗﻮﻏﺪﺍﺵ، ﺋﯘﺯﺍﻕ ﻣﯘﺩﺩﻩﺗﻠﯩﻚ ﺗﯩﻨﭽﻠﯩﻖ ﻫﻪﻡ ﺗﻪﺭﻩﻗﻘﯩﻴﺎﺗﻨﻰ ﻣﻪﻗﺴﻪﺕ ﻗﯩﻠﻐﺎﻥ ﻣﯘﻫﯩﻢ ﺳﯩﻴﺎﺳﯩﻲ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻥ" ﺩﯦﻴﯩﻠﮕﻪﻥ.

ﺷﯩﻨﺠﺎﯓ ﺳﯩﻨﯩﭙﻰ ﺋﯧﭽﯩﻠﻐﺎﻥ ﺋﯚﻟﻜﯩﻠﻪﺭﻣﯘ ﻣﻪﺭﻛﯩﺰﻯ ﺑﯧﻴﺠﯩﯖﻨﯩﯔ ﺑﯘ ﺳﯩﻴﺎﺳﯩﻲ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻧﯩﻨﻰ ﺋﻮﺭﯗﻧﻼﺷﻨﻰ ﺳﯩﻴﺎﺳﯩﻲ ﯞﻩﺯﯨﭙﻪ ﺳﯜﭘﯩﺘﯩﺪﻩ ﺟﯩﺪﺩﯨﻲ ﺋﯜﺳﺘﯩﮕﻪ ﺋﺎﻟﻐﺎﻥ ﺑﻮﻟﯘﭖ، ﺟﻴﺎﯕﺴﯘ، ﺷﻪﻧﺪﯗﯓ ﻗﺎﺗﺎﺭﻟﯩﻖ ﺋﯚﻟﻜﯩﻠﯩﻚ ﻫﯚﻛﯜﻣﻪﺗﻨﯩﯔ ﺑﯘ ﻫﻪﻗﺘﯩﻜﻰ ﺋﯩﭽﻜﻰ ﻫﯚﺟﺠﻪﺗﻠﯩﺮﯨﺪﻩ "ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﺷﯩﻨﺠﺎﯓ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ ﯞﻩﺯﯨﭙﯩﺴﯩﻨﻰ ﺑﯩﺰﮔﻪ ﺑﯧﺮﯨﺸﻰ، ﺑﯩﺰﮔﻪ ﺋﯩﺸﻪﻧﮕﻪﻧﻠﯩﻜﻰ، ﺑﯩﺰ ﺑﯘ ﺳﯩﻴﺎﺳﯩﻲ ﯞﻩﺯﯨﭙﯩﻨﻰ ﺋﻪﺳﺘﺎﻳﯩﺪﯨﻞ ﺋﻮﺭﯗﻧﻠﯩﺸﯩﻤﯩﺰ ﺷﻪﺭﺕ. ﺑﯘ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﯩﺸﻘﺎ ﺋﺎﺷﯘﺭﯗﭖ، ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﭖ، ﺟﯘﯕﮕﻮﻧﯩﯔ ﭘﯜﺗﯜﻧﻠﯜﻛﯩﻨﻰ ﻗﻮﻏﺪﺍﺷﺘﯩﻜﻰ ﻣﯘﻫﯩﻢ ﻫﻪﻡ ﺋﯘﺯﺍﻕ ﻣﯘﺩﺩﻩﺗﻠﯩﻚ ﯞﻩﺯﯨﭙﻪ" ﺩﻩﭖ ﺗﻪﻛﯩﺘﻠﻪﻧﮕﻪﻥ.

ﺳﯩﻴﺎﺳﯩﻲ ﺋﯩﺪﯨﻴﯩﯟﻯ ﺗﻪﺭﺑﯩﻴﻪ ﺑﯩﺮﯨﻨﭽﻰ ﺋﻮﺭﯗﻧﺪﺍ

ﺧﯩﺘﺎﻱ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺷﯩﻨﺠﺎﯓ ﺳﯩﻨﯩﭙﯩﻨﻰ ﺋﯧﭽﯩﺶ ﺧﯩﺰﻣﯩﺘﯩﮕﻪ ﻗﯘﻳﯘﻟﯩﺪﯨﻐﺎﻥ ﺗﻪﻟﻪﭘﻠﻪﺭ ﺗﻮﻏﺮﯨﺴﯩﺪﺍ ﻫﻪﺭ ﻗﺎﻳﺴﻰ ﺋﯚﻟﻜﯩﻠﯩﻚ ﻫﯚﻛﯜﻣﻪﺕ ﻫﻪﻡ ﻣﺎﺋﺎﺭﯨﭗ ﻧﺎﺯﺍﺭﻩﺗﻠﯩﺮﯨﮕﻪ ﺗﺎﺭﻗﺎﺗﻘﺎﻥ ﻫﯚﺟﺠﯩﺘﯩﺪﻩ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻐﺎ ﻗﻮﺑﯘﻝ ﻗﯩﻠﯩﻨﯩﺪﯨﻐﺎﻥ ﺋﻮﻗﯘﻏﯘﭼﻰ ﻫﻪﻣﺪﻩ ﺋﻮﻗﯘﺗﻘﯘﭼﯩﻼﺭﻧﻰ ﺗﺎﻟﻠﯩﻐﺎﻧﺪﺍ ﻫﻪﻣﺪﻩ ﺋﻮﻗﯘﺗﯘﺵ ﺋﯩﺸﻠﯩﺮﯨﺪﺍ ﺳﯩﻴﺎﺳﯩﻲ ﺋﯩﺪﯨﻴﯩﯟﻯ ﺗﻪﺭﺑﯩﻴﯩﻨﻰ ﺑﯩﺮﯨﻨﭽﻰ ﺋﻮﺭﯗﻧﻐﺎ ﻗﻮﻳﯘﺵ ﺋﺎﻻﻫﯩﺪﻩ ﺗﻪﻛﯩﺘﻠﻪﻧﮕﻪﻥ، ﻳﻪﻧﻰ ﻫﯚﺟﺠﻪﺗﺘﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ:

ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ، ﻛﻮﻣﭙﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﯩﺸﻘﺎ ﺋﺎﺷﯘﺭﯗﺵ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻧﯩﻨﯩﯔ ﻣﯘﻫﯩﻢ ﺑﯩﺮ ﻗﯩﺴﻤﻰ.

"ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺷﯩﻨﺠﺎﯓ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ، ﻛﻮﻣﭙﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﻏﻪﺭﺑﻨﻰ ﺋﯧﭽﯩﺶ ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﻣﯘﻫﯩﻢ ﺑﯩﺮ ﻗﯩﺴﻤﻰ، ﺑﯘ ﺳﯩﻴﺎﺳﯩﻴﻠﯩﻘﻰ ﻛﯜﭼﻠﯜﻙ ﻫﻪﺭ ﺳﺎﻫﻪﻟﻪﺭﮔﻪ ﭼﯧﺘﯩﻠﯩﺪﯨﻐﺎﻥ ﻛﯜﭼﻠﯜﻙ ﻣﻪﺳﺌﯘﻟﯩﻴﻪﺗﭽﺎﻧﻠﯩﻖ ﺗﻪﻟﻪﭖ ﻗﯩﻠﯩﺪﯨﻐﺎﻥ ﺧﯩﺰﻣﻪﺕ. ﺷﯘﯕﺎ ﻫﯚﻛﯜﻣﻪﺕ ﺑﯘﻧﯩﯖﻐﺎ ﺋﺎﻻﻫﯩﺪﻩ ﺳﯩﻴﺎﺳﻪﺕ ﺑﯧﻜﯩﺘﻜﻪﻥ. ﺷﯩﻨﺠﺎﯓ ﺳﯩﻨﯩﭙﻠﯩﺮﻯ ﺋﺎﻻﻫﯩﺪﻩ ﺧﺎﺭﺍﻛﺘﯧﺮﮔﻪ ﺋﯩﮕﻪ ﻛﻮﻟﻠﯧﻜﺘﯩﭗ، ﺷﯘﯕﻼﺷﻘﯩﻤﯘ ﺋﻮﻗﯘﻏﯘﭼﻰ، ﺋﻮﻗﯘﺗﻘﯘﭼﯩﻼﺭﻧﻰ ﺗﺎﻟﻠﯩﻐﺎﻧﺪﺍ ﺋﻪﯓ ﺋﺎﻟﺪﻯ ﺑﯩﻠﻪﻥ ﺋﯘﻻﺭﻧﯩﯔ ﺳﯩﻴﺎﺳﯩﻲ ﺋﯩﺪﯨﻴﯩﺴﯩﮕﻪ ﻳﯘﻗﯩﺮﻯ ﺗﻪﻟﻪﭖ ﻗﻮﻳﯘﺵ ﻛﯧﺮﻩﻙ، ﺋﯘﻻﺭﻏﺎ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﯜﺵ ﺑﯩﻠﻪﻥ ﻗﺎﺗﺘﯩﻖ ﺑﺎﺷﻘﯘﺭﯗﺷﻨﻰ ﺑﯩﺮﻟﻪﺷﺘﯜﺭﯛﭖ، ﺋﯘﻻﺭﻧﻰ ﺋﯩﻨﺘﯩﺰﺍﻣﭽﺎﻥ، ﺳﯩﻴﺎﺳﯩﻲ ﻣﻪﻳﺪﺍﻧﻰ ﺋﯧﻨﯩﻖ، ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯨﺪﯨﻐﺎﻥ، ﻛﻪﻟﮕﯜﺳﯩﺪﻩ ﺩﯙﻟﻪﺗﻜﻪ ﻣﻪﻧﭙﻪﺋﻪﺕ ﻳﻪﺗﻜﯜﺯﯨﺪﯨﻐﺎﻥ ﻗﯩﻠﯩﭗ ﺗﻪﺭﺑﯩﻴﯩﻠﻪﭖ ﭼﯩﻘﯩﺸﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻛﯧﺮﻩﻙ ".

ﺑﯘﻻﺭﺩﯨﻦ ﺑﺎﺷﻘﺎ ﺷﯩﻨﺠﺎﯓ ﺳﯩﻨﯩﭙﯩﻐﺎ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﺎﻧﺪﺍ 90% ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ 10% ﺧﯩﺘﺎﻱ ﻧﯩﺴﺒﯩﺘﯩﻨﻰ ﺳﺎﻗﻼﺵ ﺑﯩﻠﻪﻥ ﺗﻪﯓ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺶ ﻛﯚﻟﯩﻤﯩﻨﻰ ﻳﯩﻠﺪﯨﻦ ‏ - ﻳﯩﻠﻐﺎ ﺋﺎﺷﯘﺭﯗﭖ 2007 - ﻳﯩﻠﯩﻐﺎ ﺑﺎﺭﻏﺎﻧﺪﺍ ﺑﻪﺵ ﻣﯩﯔ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺶ، ﺗﯚﺕ ﻳﯩﻞ ﺋﻮﻗﯘﺗﯘﺵ ﺟﻪﺭﻳﺎﻧﯩﺪﺍ ﺳﯩﻴﺎﺳﯩﻲ ﺋﯩﺪﯨﻴﯩﯟﻯ ﺗﻪﺭﺑﯩﻴﯩﻨﻰ ﺑﯧﺸﯩﻐﺎ، ﺋﯘﻧﯩﯖﺪﯨﻦ ﻛﯧﻴﯩﻦ ﺧﯩﺘﺎﻱ ﺗﯩﻠﻰ ﺗﻪﺭﺑﯩﻴﯩﺴﻰ ﯞﻩ ﺑﺎﺷﻘﺎ ﺗﻪﺭﻩﭘﻠﻪﺭﻧﻰ ﺑﯩﺮﻟﻪﺷﺘﯜﺭﯛﺵ، ﺋﺎﺳﺎﺳﻠﯩﻖ، ﺷﯩﻨﺠﺎﯓ ﺗﺎﺭﯨﺨﻰ ﺩﻩﺭﺳﻰ ﻫﻪﻣﺪﻩ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﺳﯩﻴﺎﺳﯩﻲ ﺋﯩﺪﯨﻴﯩﯟﻯ ﺗﻪﺭﺑﯩﻴﯩﺴﯩﻨﻰ ﻣﻪﺭﻛﻪﺯ ﻗﯩﻠﯩﺶ ﺑﻪﻟﮕﯩﻠﻪﻧﮕﻪﻥ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﻪﺷﯟﯨﻘﺎﺗﻼﺭ

ﮔﻪﺭﭼﻪ ﺑﻪﺯﻯ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﯧﭽﯩﻠﻐﺎﻥ ﺧﯩﺘﺎﻱ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﺪﺍ ﺗﻪﺭﺑﯩﻴﯩﻠﻪﺷﻨﻰ ﺋﺎﻧﭽﻪ ﻗﺎﺭﺷﻰ ﺋﺎﻟﻤﺎﻱ، ﺧﯩﺘﺎﻳﻨﯩﯔ ﺑﯘ ﺧﯩﻞ ﺳﯩﻴﺎﺳﯩﺘﯩﮕﻪ ﮔﯘﻣﺎﻥ ﺑﯩﻠﻪﻥ ﻗﺎﺭﺍﯞﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﺯﻛﯘﺭ ﺳﯩﻴﺎﺳﻪﺗﻨﻰ ﺋﯩﺸﻘﺎ ﺋﺎﺷﯘﺭﯗﺷﺘﺎ ﻗﻮﻟﻠﯩﻨﯩﯟﺍﺗﻘﺎﻥ ﻧﺎﻣﺮﺍﺕ ﻳﯧﺰﺍ - ﻗﯩﺸﻼﻗﻼﺭﺩﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﻰ ﺗﺎﻟﻼﺵ، ﻫﻪﻗﺴﯩﺰ ﺋﻮﻗﯘﺗﯘﺵ ﻗﺎﺗﺎﺭﻟﯩﻖ ﺋﻪﯞﺯﻩﻝ ﺷﺎﺭﺍﺋﯩﺘﻠﯩﺮﻯ ﻫﻪﻡ ﺗﻪﺷﯟﯨﻘﺎﺗﻠﯩﺮﻯ، ﻛﯚﭖ ﺳﺎﻧﺪﯨﻜﻰ ﺋﺎﺗﺎ - ﺋﺎﻧﯩﻼﺭﻧﯩﯔ ﻣﺎﻳﯩﻠﻠﯩﻘﯩﻨﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ. 2000 - ﻳﯩﻠﯩﺪﯨﻦ ﻫﺎﺯﯨﺮﻏﺎ ﻗﻪﺩﻩﺭ ﺋﯘﻳﻐﯘﺭ ﺋﯧﻠﯩﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻐﺎ ﺋﻪﯞﻩﺗﯩﻠﮕﻪﻥ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﯩﯔ ﺳﺎﻧﻰ 10 ﻣﯩﯖﺪﯨﻦ ﺋﺎﺷﻘﺎﻥ. 2007 - ﻳﯩﻠﻰ ﻳﻪﻧﻪ ﺑﻪﺵ ﻣﯩﯔ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﻨﻤﺎﻗﭽﻰ.

ﺧﯩﺘﺎﻳﻨﯩﯔ ﺗﻪﺷﯟﯨﻘﺎﺕ ﺧﻪﯞﻩﺭﻟﯩﺮﯨﺪﻩ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺋﺎﺗﺎ ‏ - ﺋﺎﻧﯩﻼﺭﻧﯩﯔ ﺷﯩﻨﺠﺎﯓ ﺳﯩﻨﯩﭙﯩﻐﺎ ﺑﺎﻟﯩﻠﯩﺮﯨﻨﻰ ﺋﻪﯞﻩﺗﯩﺶ ﻗﯩﺰﻏﯩﻨﻠﯩﻘﻰ ﺋﺎﻻﻫﯩﺪﻩ ﺋﯜﺳﺘﯜﻥ ﺑﻮﻟﻤﺎﻗﺘﺎ، ﻳﯩﻠﺪﺍ ﺋﯩﻤﺘﯩﻬﺎﻥ ﺑﯧﺮﯨﺪﯨﻐﺎﻥ ﺋﻮﻗﯘﻏﯘﭼﯩﻼﺭ ﻗﻮﺑﯘﻝ ﻗﯩﻠﯩﻨﯩﺪﯨﻐﺎﻥ ﺋﻮﻗﯘﻏﯘﭼﯩﻼﺭﺩﯨﻦ ﻧﻪﭼﭽﻪ ﺋﻮﻥ ﻫﻪﺳﺴﻪ ﻛﯜﭖ ﺑﻮﻟﻤﺎﻗﺘﺎ ﺩﻩﻳﺪﯗ. ﭼﯜﻧﻜﻰ ﺋﯩﮕﯩﻠﯩﺸﯩﻤﯩﺰﭼﻪ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﺎﺗﺎ ‏ - ﺋﺎﻧﯩﻼﺭ ﻫﻪﻣﺪﻩ ﺋﻮﻗﯘﻏﯘﭼﯩﻼﺭ ﺋﺎﺳﺎﺳﻪﻥ ﺑﯘﻧﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯚﺯﻟﯩﺮﯨﮕﻪ ﻗﯩﻠﻐﺎﻥ ﻳﺎﺭﺩﯨﻤﻰ، ﻛﯚﯕﯜﻝ ﺑﯚﻟﮕﻪﻧﻠﯩﻜﻰ، ﺑﺎﻟﯩﻠﯩﺮﯨﻨﯩﯔ ﺋﯩﺴﺘﯩﻘﺒﺎﻟﻰ ﺋﯜﭼﯜﻥ ﻣﯘﻫﯩﻢ ﺑﯩﺮ ﭘﯘﺭﺳﻪﺕ ﺩﻩﭘﻼ ﻗﺎﺭﺍﻳﺪﯗ ﺧﺎﻻﺱ. ﺑﯩﺮﺍﻕ ﺑﯘ ﺳﺎﺩﺩﺍ ﺑﯩﺮ ﻣﺎﺋﺎﺭﯨﭗ ﺳﯩﻴﺎﺳﯩﺘﻰ ﻳﺎﻛﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﻣﺎﺋﺎﺭﯨﭙﯩﻨﻰ ﮔﯜﻟﻠﻪﻧﺪﯛﺭﯛﺵ ﭘﯩﻼﻧﻰ ﺋﻪﻣﻪﺱ، ﺋﺎﺷﻜﺎﺭﯨﻼﻧﻐﯩﻨﯩﺪﻩﻙ ﺳﯩﻴﺎﺳﯩﻲ ﻏﻪﺭﻩﺯ ﻳﻮﺷﯘﺭﯗﻧﻐﺎﻥ ﺋﯘﺯﺍﻕ ﻣﯘﺩﺩﻩﺗﻠﯩﻚ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻥ.

ﺋﻪﻣﻤﺎ ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﯩﻨﯩﯔ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﻣﻪﻟﯘﻣﺎﺕ ﻫﻪﻡ ﺗﻪﺷﯟﯨﻘﺎﺗﻠﯩﺮﯨﺪﺍ ﺑﻮﻟﺴﺎ "ﺑﯘ ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﻣﺎﺋﺎﺭﯨﭙﯩﻨﻰ ﻗﻮﻟﻠﯩﻐﺎﻧﻠﯩﻘﻰ، ﺑﯘ ﺋﯘﻳﻐﯘﺭ ﺋﯧﻠﯩﻨﯩﯔ ﻛﻪﻟﮕﯜﺳﻰ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺋﯧﻠﯩﻨﻐﺎﻥ ﺋﺎﻻﻫﯩﺪﻩ ﺳﯩﻴﺎﺳﯩﺘﻰ" ﺩﻩﭖ ﺋﯧﻠﯩﻨﯩﭗ ﺋﯘﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﯩﻴﺎﺳﯩﻲ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻧﻰ ﺋﯩﻜﻪﻧﻠﯩﻜﻰ ﺗﯩﻠﻐﺎ ﺋﯧﻠﯩﻨﻤﺎﻳﺪﯗ.

ﺑﯩﺮﺍﻕ ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﯩﺪﺍ ﺗﯘﺭﯗﭖ ﻣﻪﺭﻛﻪﺯﻧﯩﯔ ﺑﯩﯟﺍﺳﺘﻪ ﺑﺎﺷﻘﯘﺭﯗﺷﯩﺪﯨﻜﻰ ﺑﯩﯖﺘﯘﺋﻪﻧﻨﯩﯔ ﺑﯘ ﻫﻪﻗﺘﻪ ﺗﺎﺭﻗﺎﺗﻘﺎﻥ ﺋﯩﭽﻜﻰ ﻫﯚﺟﺠﯩﺘﯩﺪﻩ ﺑﻮﻟﺴﺎ " ﺋﯩﭽﻜﯩﺮﻯ ﺋﯚﻟﻜﯩﻠﻪﺭﺩﻩ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺶ، ﻛﻮﻣﭙﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺘﯩﻨﯩﯔ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﯩﺸﻘﺎ ﺋﺎﺷﯘﺭﯗﺵ ﺋﯩﺴﺘﯩﺮﺍﺗﯧﮕﯩﻴﯩﻠﯩﻚ ﭘﯩﻼﻧﯩﻨﯩﯔ ﻣﯘﻫﯩﻢ ﺑﯩﺮ ﻗﯩﺴﻤﻰ" ﺩﻩﭖ ﺷﻪﺭﻫﯩﻠﻪﻧﮕﻪﻥ.

ﺑﯘ ﻫﻪﻗﺘﻪ ﺑﯩﯖﺘﯘﺋﻪﻧﻨﯩﯔ ﺗﻮﺭ ﺑﯧﺘﯩﺪﻩ 2004 - ﻳﯩﻠﻰ 5 - ﺋﺎﻳﻨﯩﯔ 18 ‏ - ﻛﯜﻧﻰ ﺗﺎﺭﻗﯩﺘﯩﻠﻐﺎﻥ ﺑﯩﺮ ﻫﯚﺟﺠﻪﺗﺘﻪ "ﺑﯘﻧﯩﯖﺪﯨﻦ ﻛﯧﻴﯩﻦ ﺑﯩﺮ ﻣﻪﺯﮔﯩﻠﮕﯩﭽﻪ ﻳﯘﻗﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﯩﺸﻘﺎ ﺋﺎﺷﯘﺭﯗﺵ ﺋﯩﺴﺘﺮﺍﺗﯧﮕﯩﻴﯩﺴﻰ ﺋﺎﺳﺎﺳﻪﻥ "ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ ﻗﯘﺭﯗﻟﯘﺷﯩﻨﻰ ﻳﯜﺭﯛﺷﻠﻪﺷﺘﯜﺭﯛﺵ، ﺗﻪﺑﺌﯩﻲ ﮔﺎﺯ، ﻧﯧﻔﯩﺖ، ﻛﯚﻣﯜﺭ ﯞﻩ ﺑﺎﺷﻘﺎ ﻳﻪﺭ ﺋﺎﺳﺘﻰ ﺑﺎﻳﻠﯩﻘﻼﺭﻧﻰ ﺋﯧﭽﯩﺶ ﯞﻩ ﭘﺎﻳﺪﯨﻠﯩﻨﯩﺸﻨﻰ ﻛﯜﭼﻪﻳﺘﯩﺶ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭙﻨﻰ ﻛﯜﭼﻪﻳﺘﯩﭗ ﺧﯩﺘﺎﻱ ﻫﻪﻡ ﻣﯩﻠﻠﯩﻲ ﻣﻪﻛﺘﻪﭘﻠﻪﺭﻧﻰ ﺑﯩﺮﻟﻪﺷﺘﯜﺭﯛﺵ، ﺷﯩﻨﺠﺎﯓ ﺳﯩﻨﯩﭙﻠﯩﺮﯨﻨﯩﯔ ﻛﯚﻟﯩﻤﯩﻨﻰ ﻛﯧﯖﻪﻳﺘﯩﺶ، ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﺸﻨﻰ ﺩﺍﯞﺍﻣﻠﯩﻖ ﺑﻮﺷﺎﺷﺘﯘﺭﻣﺎﺳﻠﯩﻖ" ﻻﺭﻧﻰ ﺋﺎﺳﺎﺱ ﻗﯩﻠﯩﺪﯗ. ﺑﯘ ﻣﻪﺭﻛﻪﺯﻧﯩﯔ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﯩﺸﻘﺎ ﺋﺎﺷﯘﺭﯗﺷﺘﯩﻜﻰ ﺋﯘﺯﯗﻕ ﻣﯘﺩﺩﻩﺗﻠﯩﻚ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻼﻧﻰ ﺩﯦﻴﯩﻠﮕﻪﻥ.

ﺷﯩﻨﺠﺎﯓ ﺳﯩﻨﯩﭙﻰ ﺋﻮﻗﯘﻏﯘﭼﯩﻠﯩﺮﯨﻨﻰ ﻧﯧﻤﯩﻠﻪﺭ ﻛﯜﺗﯜﭖ ﺗﯘﺭﯨﺪﯗ؟

ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﻰ ﺳﯩﻴﺎﺳﯩﻲ ﺑﻴﯘﺭﻭﺳﯩﻨﯩﯔ ﺋﻪﺯﺍﺳﻰ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺳﯧﻜﺮﯦﺘﺎﺭﻯ ﯞﺍﯓ ﻟﯧﭽﯘﺋﻪﻥ 2005 - ﻳﯩﻠﻰ 6 - ﺋﺎﻳﻨﯩﯔ 24 - ﻛﯜﻧﻰ ﺋﯧﭽﯩﻠﻐﺎﻥ "ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻨﻰ ﻛﯧﯖﻪﻳﺘﯩﺶ" ﻳﯩﻐﯩﻨﯩﺪﺍ "ﺷﯩﻨﺠﺎﯓ ﺳﯩﻨﯩﭙﻠﯩﺮﻯ ﺳﯩﻴﺎﺳﯩﻲ ﺋﯩﺪﯨﻴﯩﯟﻯ ﺗﻪﺭﺑﯩﻴﯩﺴﻰ ﺑﯧﺮﯨﺸﻨﻰ ﺋﺎﻟﺪﯨﻨﻘﻰ ﯞﻩﺯﯨﭙﻪ ﻗﯩﻠﯩﺶ ﻛﯧﺮﻩﻙ" ﺩﯦﮕﻪﻧﻨﻰ ﻗﺎﻳﺘﺎ ﺗﯩﻠﻐﺎ ﺋﯧﻠﯩﭗ "ﻣﻪﻣﻠﯩﻜﯩﺘﯩﻤﯩﺰ 2000 - ﻳﯩﻠﯩﺪﯨﻦ ﺑﺎﺷﻼﭖ ﺷﯩﻨﺠﺎﯓ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﻯ ﺗﻪﺳﯩﺲ ﻗﯩﻠﻐﺎﻧﺪﯨﻦ ﺑﯘﻳﺎﻥ ﭼﻪﺗﺌﻪﻟﻠﻪﺭﺩﯨﻜﻰ ﺋﯜﭺ ﺧﯩﻞ ﻛﯜﭼﻠﻪﺭ، ﺑﯘ ﺳﯩﻨﯩﭙﻼﺭﺩﯨﻜﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺋﯩﺪﯨﻴﯩﺴﯩﺪﻩ ﺳﯩﯖﯩﭗ ﻛﯩﺮﯨﺸﻨﻰ ﻣﻪﻗﺴﻪﺕ ﻗﯩﻠﯩﭗ ﻛﻪﻟﺪﻯ، ﺷﯘﯕﺎ ﻫﺎﺯﯨﺮﻗﯩﺪﻩﻙ ﻣﯘﺭﻩﻛﻜﻪﭖ ﺳﯩﻴﺎﺳﯩﻲ ﯞﻩﺯﯨﻴﻪﺗﺘﻪ ﺷﯩﻨﺠﺎﯓ ﺳﯩﻨﯩﭙﻰ ﺋﻮﻗﯘﻏﯘﭼﯩﻠﯩﺮﯨﻐﺎ ﺳﯩﻴﺎﺳﯩﻲ ﺋﯩﺪﯨﻴﯩﯟﻯ ﺗﻪﺭﺑﯩﻴﯩﻨﻰ ﻛﯜﭼﻪﻳﺘﯩﺶ ﺋﯩﻨﺘﺎﻳﯩﻦ ﺯﯙﺭﯛﺭ، ﺋﻮﻗﯘﻏﯘﭼﯩﻼﺭﻧﯩﯔ ﺳﯩﻴﺎﺳﯩﻲ ﺋﯩﺪﯨﻴﯩﺴﯩﺪﯨﻜﻰ ﺋﯚﺯﮔﯩﺮﯨﺸﻠﻪﺭﻧﻰ ﻳﺎﺧﺸﻰ ﺋﯩﮕﯩﻠﻪﭖ، ﺋﯘﻻﺭﻏﺎ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻜﻜﻪ ﻗﻪﺗﺌﯩﻲ ﻗﺎﺭﺷﻰ ﺗﯘﺭﯗﺵ، ﻫﻪﺭ ﻗﺎﻧﺪﺍﻕ ﺩﯨﻨﯩﻲ ﭘﺎﺋﺎﻟﯩﻴﻪﺗﻜﻪ ﻗﺎﺗﻨﺎﺷﻤﺎﺳﻠﯩﻖ، ﻣﺎﺭﻛﯩﺴﯩﺰﻡ ﺗﻪﺭﺑﯩﻴﯩﺴﻰ، ﺩﯙﻟﻪﺕ ﭘﯜﺗﯜﻧﻠﯜﻛﻰ ﺗﻪﺭﺑﯩﻴﯩﺴﻰ ﻫﻪﻡ ﺗﻪﺷﯟﯨﻘﺎﺗﻠﯩﺮﯨﻨﻰ ﻛﯜﭼﻪﻳﺘﯩﭗ، ﺑﯚﻟﮕﯜﻧﭽﯩﻠﯩﻚ ﺋﯩﺪﯨﻴﯩﻠﯩﺮﯨﻨﯩﯔ ﺳﯩﯖﯩﭗ ﻛﯩﺮﯨﺸﯩﻨﯩﯔ ﺋﺎﻟﺪﯨﻨﻰ ﺗﻮﺳﺎﺵ ﻛﯧﺮﻩﻙ" ﺩﻩﭖ ﺟﯩﺪﺩﯨﻲ ﺗﻪﻛﯩﺘﻠﯩﮕﻪﻥ.

ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﻫﻪﻣﺪﻩ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﻯ ﺑﯩﺮﺩﻩﻙ، ﺧﯩﺘﺎﻳﻨﯩﯔ ﺷﯩﻨﺠﺎﯓ ﺳﯩﻨﯩﭙﻠﯩﺮﯨﻨﻰ ﺋﯧﭽﯩﺸﻨﯩﯔ، ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺑﺎﻟﯩﻠﯩﺮﯨﻨﻰ ﺗﯩﻞ، ﻣﺎﺋﺎﺭﯨﭗ، ﺋﯚﺭﭖ ﺋﺎﺩﻩﺕ ﻫﻪﺗﺘﺎ ﺋﯩﺪﯨﻴﻪ ﺟﻪﻫﻪﺗﺘﯩﻦ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﯩﭗ، ﻛﻪﻟﮕﯜﺳﯩﺪﻩ ﺋﯘﻻﺭﻧﻰ ﺋﯘﻳﻐﯘﺭ ﺋﯧﻠﻰ ﻫﻪﻡ ﺧﻪﻟﻘﻰ ﺋﯜﺳﺘﯩﺪﯨﻦ ﺩﺍﯞﺍﻣﻠﯩﻖ ﻣﯘﺳﺘﻪﻣﻠﯩﻜﻪ ﺳﯩﻴﺎﺳﯩﺘﯩﻨﻰ ﻳﯜﺭﮔﯜﺯﯛﺷﺘﻪ ﻗﯘﻝ ﻗﯩﻠﯩﭗ ﺋﯩﺸﻠﯩﺘﯩﺸﺘﻪﻙ ﻳﺎﯞﯗﺯ ﻣﻪﻗﺴﻪﺗﻠﻪﺭ ﻳﻮﺷﯘﺭﯗﻧﻐﺎﻥ ﭘﯩﻼﻥ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ.

ﺋﯚﺯ ﻳﯘﺭﺗﯩﺪﯨﻦ، ﻣﯧﻬﺮﯨﺒﺎﻥ ﺋﺎﺗﺎ ‏ - ﺋﺎﻧﯩﺴﯩﺪﯨﻦ ﺋﺎﻳﺮﯨﻠﯩﭗ ﭘﯜﺗﯜﻧﻠﻪﻱ ﻳﺎﺩ ﻣﯘﻫﯩﺘﻘﺎ ﺑﯧﺮﯨﭗ ﺋﻮﻗﯘﺷﻘﺎ ﻣﻪﺟﺒﯘﺭ ﺑﻮﻟﯘﯞﺍﺗﻘﺎﻥ ﺑﺎﻟﯩﻼﺭﻧﯩﯔ ﻗﻪﻟﺒﯩﺪﻩ ﺑﻮﻟﺴﺎ ﭘﻪﻗﻪﺕ ﺗﯩﺮﯨﺸﯩﭗ ﺋﯚﮔﯩﻨﯩﭗ ﺋﻮﻗﯘﺷﻨﻰ ﺗﺎﻣﺎﻣﻼﭖ ﺋﺎﺗﺎ ‏ - ﺋﺎﻧﯩﺴﯩﻨﯩﯔ ﻗﻮﻳﻨﯩﻐﺎ ﻗﺎﻳﺘﯩﺶ، ﻳﺎﺭﺍﻣﻠﯩﻖ ﺋﺎﺩﻩﻡ ﺑﻮﻟﯘﭖ ﻳﯘﺭﺗﯩﻨﻰ ﮔﯜﻟﻠﻪﻧﺪﯛﺭﯛﺵ، ﻛﻪﻟﮕﯜﺳﯩﺪﯨﻜﻰ ﮔﯜﺯﻩﻝ ﺋﺎﺭﺯﯗﻟﯩﺮﯨﻐﺎ ﻳﯧﺘﯩﺸﺘﻪﻙ ﺋﺎﺭﻣﺎﻧﻼﺭ ﻳﻮﺷﯘﺭﯗﻧﻐﺎﻥ. ﺋﻪﻣﻤﺎ ﺋﯘﻻﺭ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﯧﭽﯩﻠﻐﺎﻥ ﺷﯩﻨﺠﺎﯓ ﺳﯩﻨﯩﭙﯩﺪﯨﻦ ﺋﯩﺒﺎﺭﻩﺕ ﺋﺎﻻﻫﯩﺪﻩ ﺳﯩﻴﺎﺳﯩﻲ ﺧﺎﺭﺍﻛﺘﯧﺮﯨﻨﻰ ﺋﺎﻟﻐﺎﻥ ﻣﯘﻫﯩﺘﻘﺎ ﻛﯧﻠﯩﺸﻰ ﺑﯩﻠﻪﻧﻼ ﺋﯘﭼﺮﺍﯞﺍﺗﻘﯩﻨﻰ ﺧﯩﺘﺎﻳﻨﯩﯔ ﻳﯘﻗﯩﺮﯨﻘﯩﺪﻩﻙ ﺳﯩﻴﺎﺳﯩﻲ ﺋﯩﺴﺘﯩﺮﺍﺗﯧﮕﯩﻴﯩﻠﯩﻚ ﭘﯩﻼﻧﯩﻐﺎ ﺋﺎﺳﺎﺳﻪﻥ ﺑﯧﻜﯩﺘﯩﻠﮕﻪﻥ ﺗﯜﮔﯩﻤﻪﺱ ﺳﯩﻴﺎﺳﯩﻲ ﺗﻪﺭﺑﯩﻴﯩﻠﻪﺭ.

ﺋﯘﻧﺪﺍﻗﺘﺎ ﺋﻮﻗﯘﺷﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ ﺋﯘﻻﺭﻧﻰ ﻳﻪﻧﻪ ﻧﯧﻤﯩﻠﻪﺭ ﻛﯜﺗﯜﭖ ﺗﯘﺭﯨﺪﯗ؟ ﺷﯩﻨﺠﺎﯓ ﺳﯩﻨﯩﭙﻰ ﺋﻮﻗﯘﻏﯘﭼﯩﻠﯩﺮﻯ ﺋﯧﻴﺘﻘﺎﻧﺪﻩﻙ "ﻫﯚﻛﯜﻣﻪﺗﻨﯩﯔ ﻏﻪﻣﺨﻮﺭﻟﯘﻗﯩﻐﺎ ﺟﺎﯞﺍﺏ ﻗﺎﻳﺘﯘﺭﯗﺵ". ﺋﯘﻧﺪﺍﻗﺘﺎ ﻗﺎﻧﺪﺍﻕ ﻗﺎﻳﺘﯘﺭﯗﺵ ﻛﯧﺮﻩﻙ؟ ﺋﻮﻗﯘﻏﯘﭼﯩﻼﺭ ﺑﯘﻧﻰ ﺑﻪﻟﮕﯩﻠﯩﻴﻪﻟﻪﻣﺪﯗ؟ ﺑﻪﻟﮕﯩﻠﻪﺵ ﻫﻮﻗﯘﻗﯩﻤﯘ ﻳﻮﻕ، ﭼﯜﻧﻜﻰ ﺑﯘﻧﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺑﻪﻟﮕﯩﻠﻪﻳﺪﯗ. ﺋﻮﻗﯘﻏﯘﭼﯩﻼﺭﻧﯩﯔ ﺗﻪﻗﺪﯨﺮﯨﻨﯩﭽﯘ؟..... (ﮔﯜﻟﭽﯧﮭﺮﻩ)