ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﺩﺍ ﺋﺎﻳﺮﻭﭘﯩﻼﻥ ﯞﻩﻗﻪﺳﯩﻰ ﻣﯘﻧﺎﺯﯨﺮﻩ ﻗﯩﻠﯩﻨﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﺋﯚﻣﻪﺭ ﻗﺎﻧﺎﺗﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻳﻨﯩﯔ ﺟﻪﻧﯘﺑﯩﻲ ﻫﺎﯞﺍ ﻳﻮﻟﻠﯩﺮﻯ ﺷﯩﺮﻛﯩﺘﯩﻨﯩﯔ ﺑﯩﺮ ﺋﺎﻳﺮﯗﭘﯩﻼﻧﻰ ﺑﯧﻴﺠﯩﯔ ﺋﺎﻳﺮﻭﺩﺭﯗﻣﯩﺪﯨﻦ ﺋﯘﭼﯘﺵ ﺋﺎﻟﺪﯨﺪﺍ. AFP Photo

11‏ - ﻣﺎﺭﺕ ﻛﯜﻧﻰ ﺋﺎﻣﯧﺮﯨﻜﯩﻨﯩﯔ ﻛﺮﯨﺴﺘﯩﻴﺎﻥ ﺳﻴﺎﯨﻨﺲ ﻣﻮﻧﯩﺘﻮﺭ ﮔﯧﺰﯨﺘﯩﺪﻩ، ﺳﯩﻤﻮﻥ ﻣﻮﻧﺘﻠﯧﻚ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ " ﺗﻪﻧﻘﯩﺪ ﻗﯩﻠﻐﯘﭼﯩﻼﺭ، ﺧﯩﺘﺎﻳﻨﯩﯔ ﺗﯧﺮﺭﻭﺭﻟﯘﻕ ﺳﯘﻳﯩﻘﻪﺳﺘﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻤﺎﻗﺘﺎ" ﻣﺎﯞﺯﯗﻟﯘﻕ ﻣﺎﻗﺎﻟﯩﺪﻩ، ﺑﯩﺮ ﺧﯩﺘﺎﻱ ﻳﻮﻟﯘﭼﻰ ﺋﺎﻳﺮﻭﭘﯩﻼﻧﯩﻨﻰ ﭘﺎﺭﺗﻼﺗﻤﺎﻗﭽﻰ ﺑﻮﻟﻐﺎﻥ ﺋﯩﻜﻜﻰ ﻳﻮﻟﯘﭼﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﻨﯩﯔ ﯞﻩﻗﻪﻧﻰ ﺋﯧﻼﻥ ﻗﯩﻠﯩﺶ ﺑﯩﻠﻪﻧﻼ ﭼﻪﻛﻠﯩﻨﯩﭗ، ﻟﯧﻜﯩﻦ ﯞﻩﻗﻪﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯩﺴﭙﺎﺗﻼﻳﺪﯨﻐﺎﻥ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﺑﻪﺭﻣﯩﮕﻪﻧﻠﯩﻜﻰ، ﺷﯘﻧﯩﯖﺪﻩﻙ ﻟﻪﻧﺠﯘ ﺋﺎﻳﺮﻭﺩﺭﻭﻣﯩﻐﺎ ﭼﯜﺷﯜﺷﻜﻪ ﻣﻪﺟﺒﯘﺭ ﺑﻮﻟﻐﺎﻥ ﻣﻪﺯﻛﯘﺭ ﺋﺎﻳﺮﻭﭘﯩﻼﻧﻨﯩﯔ ﻧﯧﻤﻪ ﺋﯜﭼﯜﻥ ﺑﯧﻴﺠﯩﯖﻐﺎ ﻗﺎﺭﺍﭖ ﻗﺎﻳﺘﯩﺪﯨﻦ ﺋﯘﭼﯘﺷﯩﻐﺎ ﺭﯗﺧﺴﻪﺕ ﺑﯧﺮﯨﻠﮕﻪﻧﻠﯩﻜﻰ ﻫﻪﻗﻘﯩﺪﻩ ﺋﯩﺰﺍﻫﺎﺕ ﺑﻪﺭﻣﯩﮕﻪﻧﻠﯩﻜﻰ، ﻣﯘﻻﻫﯩﺰﯨﭽﯩﻠﻪﺭ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﯩﯔ ﯞﻩﻗﻪﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﮔﯘﻣﺎﻧﯩﻨﻰ ﺗﯧﺨﯩﻤﯘ ﻛﯜﭼﻪﻳﺘﻤﻪﻛﺘﻪ. ﺋﯘﻻﺭ ﺷﯘﻧﺪﺍﻗﻼ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﻰ ﻣﯩﻠﯩﺘﺎﻧﺘﻠﯩﺮﻯ، ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﻫﯘﺟﯘﻡ ﻗﯩﻠﯩﺸﯩﻨﻰ ﭘﯩﻼﻧﻠﯩﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭﻟﯩﺮﯨﮕﯩﻤﯘ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻤﺎﻗﺘﺎ. ﭼﻪﺗﺌﻪﻟﻠﻪﺭﺩﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺑﻮﻟﺴﺎ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﺎﻳﺎﻧﺎﺗﯩﻨﻰ، ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﺩﯗﻧﻴﺎﺩﯨﻜﻰ ﺋﯩﺘﯩﺒﺎﺭﯨﻨﻰ ﭼﯜﺷﯜﺭﯛﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺗﯚﻫﻤﻪﺕ ﺩﻩﭖ ﻛﯚﺭﺳﻪﺗﺘﻰ" ﺩﯦﻴﯩﻠﮕﻪﻥ.

ﯞﺍﯓ ﻟﯩﭽﯜﻩﻥ ﯞﻩ ﻧﯘﺭ ﺑﻪﻛﺮﻯ ﻗﺎﺗﺎﺭﻟﯩﻖ ﺧﯩﺘﺎﻱ ﺭﻩﻫﺒﻪﺭﻟﻪﺭ ﺗﻪﺭﯨﭙﯩﺪﯨﻦ ﺩﯗﻧﻴﺎﻏﺎ ﺗﯧﺮﺭﻭﺭﻟﯘﻕ ﯞﻩﻗﻪﺳﻰ ﺩﻩﭖ ﺗﻮﻧﯘﺷﺘﯘﺭﯗﻟﻐﺎﻥ ﺋﺎﻳﺮﻭﭘﯩﻼﻥ ﯞﻩﻗﻪﺳﯩﻨﯩﯔ ﺋﺎﺩﺩﻯ ﺑﯩﺮ ﯞﻩﻗﻪ ﺑﻮﻟﯘﺷﻰ ﻣﯘﻣﻜﯩﻨﻠﯩﻜﻰ ﺗﻪﻛﯩﺘﻠﻪﻧﮕﻪﻥ ﻣﺎﻗﺎﻟﯩﺪﻩ، ﺋﻮﻛﺴﻔﻮﺭﺩ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺳﺘﯩﯟﯦﻦ ﺳﺎﻧﯖﻨﯩﯔ ﺋﯧﻴﺘﯩﺸﯩﭽﻪ، ﺑﯘ ﯞﻩﻗﻪ ﺑﯩﺮ ﺗﯧﺮﺭﻭﻟﯘﻕ ﯞﻩﻗﻪﺳﻰ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ. ﭼﯜﻧﻜﻰ ﺋﻪﮔﻪﺭ ﺑﯘ ﺑﯩﺮ ﺗﯧﺮﺭﻭﺭﻟﯘﻕ ﯞﻩﻗﻪﺳﻰ ﺑﻮﻟﺴﺎ، ﺳﺎﻗﭽﯩﻼﺭﻧﯩﯔ ﺋﺎﻳﺮﻭﭘﯩﻼﻥ ﯞﻩ ﻳﻮﻟﯘﭼﯩﻼﺭﻧﻰ ﺑﯘﻧﺪﺍﻕ ﺗﯧﺰ ﻗﻮﻳﯘﭖ ﺑﯧﺮﯨﺸﻰ ﯞﻩ ﻳﻮﻟﯘﭼﯩﻼﺭﻧﯩﯔ ﻫﻪﻣﻤﯩﺴﻰ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﻣﻪﻱ ﯞﻩ ﺋﺎﻳﺮﻭﭘﯩﻼﻧﻨﻰ ﺑﺎﺷﺘﯩﻦ ‏- ﺋﺎﻳﺎﻕ ﺗﻪﻛﺸﯜﺭﯛﺷﺘﯩﻦ ﺋﯚﺗﻜﯜﺯﻣﻪﻱ، ﺋﯘﻻﺭﻧﯩﯔ ﻗﺎﻳﺘﯩﺪﯨﻦ ﺑﯧﻴﺠﯩﯖﻐﺎ ﻗﺎﺭﺍﭖ ﺋﯘﭼﯘﺷﯩﻐﺎ ﺭﯗﺧﺴﻪﺕ ﺑﯧﺮﯨﺸﻰ ﻣﯘﻣﻜﯩﻦ ﺋﻪﻣﻪﺱ ﺋﯩﻜﻪﻥ" ﺩﯦﻴﯩﻠﮕﻪﻥ.

ﻣﺎﻗﺎﻟﯩﺪﻩ ﻳﻪﻧﻪ ﻣﯘﻧﺪﺍﻕ ﺩﯦﻴﯩﻠﮕﻪﻥ " ﺑﯩﺨﻪﺗﻪﺭﻟﯩﻚ ﻣﯘﺗﻪﺧﻪﺳﺴﯩﺴﻠﯩﺮﻯ ﺋﯧﻴﺘﯩﺸﯩﭽﻪ، ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺷﯘﻧﯩﯖﺪﻩﻙ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﻗﺎﺗﺎﺭﻟﯩﻖ ﻧﯘﺭﻏﯘﻧﻠﯩﻐﺎﻥ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﯩﯔ 2008‏- ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻧﻠﯩﻘﻰ، ﺧﯩﺘﺎﻳﻨﻰ ﺧﻪﻟﻘﺌﺎﺭﺍﻟﯩﻖ ﺭﺍﺩﯨﻜﺎﻝ ﺗﻪﺷﻜﯩﻼﺗﻼﺭ ﯞﻩ ﮔﯘﺭﯗﭘﭙﯩﻼﺭﻧﯩﯔ ﺋﺎﺳﺎﺳﻠﯩﻖ ﻫﯘﺟﯘﻡ ﻧﯩﺸﺎﻧﯩﻐﺎ ﺋﺎﻳﻼﻧﺪﯗﺭﻏﺎﻧﻠﯩﻘﻰ ﺑﯩﺮ ﻫﻪﻗﯩﻘﻪﺕ. ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ، ﺑﻪﺯﻯ ﯞﻩﻗﻪﻟﻪﺭﻧﻰ ﺋﻮﻟﯩﻤﭙﯩﻜﻘﺎ ﻗﺎﺭﺷﻰ ﻫﯘﺟﯘﻡ ﭘﯩﻼﻧﻠﯩﺮﯨﻐﺎ ﭼﯧﺘﯩﺶ ﺋﺎﺭﻗﯩﻠﯩﻖ، ﺧﯩﺘﺎﻱ ﺋﯩﭽﯩﺪﯨﻜﻰ ﺋﯚﻛﺘﯩﭽﻰ ﻛﯜﭼﻠﻪﺭﻧﻰ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ ﺑﺎﺳﺘﯘﺭﯗﺷﻘﺎ ﺗﯩﺮﯨﺸﯩﯟﺍﺗﻘﺎﻧﻠﯩﻘﻰ ﺑﯩﺮ ﺭﯨﺌﺎﻟﻠﯩﻘﺘﯘﺭ."

ﻣﺎﻗﺎﻟﯩﺪﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ، ﺧﯩﺘﺎﻱ ﻣﻪﺗﺒﯘﺋﺎﺗﯩﺪﺍ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ، ﻫﻪﺭ ﻛﯜﻥ ﺩﯦﮕﯜﺩﻩﻙ ﺷﯩﻨﺠﺎﯕﺪﯨﻜﻰ ﺗﯧﺮﺭﻭﺭﻟﯘﻕ ﺗﻪﻫﺪﯨﺘﻰ ﻫﻪﻗﻘﯩﺪﻩ ﭼﯩﻘﯩﯟﺍﺗﻘﺎﻥ ﺧﻪﯞﻩﺭﻟﻪﺭ ﺳﻪﯞﻩﺑﯩﺪﯨﻦ، ﺋﯜﺭﯛﻣﭽﯩﺪﯨﻦ ﺋﯘﭼﻘﺎﻥ ﺋﺎﻳﺮﻭﭘﯩﻼﻧﺪﯨﻜﻰ ﺑﯩﺮ ﻛﯜﺗﻜﯜﭼﻰ ﻫﻪﺩﺩﯨﺪﯨﻦ ﺗﺎﺷﻘﯩﺮﻯ ﺳﻪﺯﮔﯜﺭﻟﯩﺸﯩﭗ، ﺋﺎﻳﺮﻭﭘﯩﻼﻧﻨﯩﯔ ﻫﺎﺟﻪﺗﺨﺎﻧﯩﺴﯩﺪﺍ ﻗﺎﻟﻐﺎﻥ ﺑﯩﺮ ﻳﯜﺯ ﻣﺎﻳﻨﻰ ﺑﻮﻣﺒﯩﻐﺎ ﺋﻮﺧﺸﯩﺘﯩﭗ ﻗﺎﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ، ﺩﯦﻴﺸﻤﻪﻛﺘﻪ.

ﺋﻪﻧﮕﯩﻠﯩﻴﯩﻨﯩﯔ ﺩﺍﯕﻠﯩﻖ " ﺩﯦﻠﻰ ﺗﯧﻠﯧﮕﺮﺍﻑ" ﮔﯧﺰﯨﺘﯩﺪﻩ ﺭﯨﭽﺎﺭﺩ ﺳﯩﭙﻪﻧﺴﻪﺭ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺪﻩ ﺑﻮﻟﺴﺎ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯩﺮ ﺋﯘﻳﻐﯘﺭ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺗﯩﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﻫﯘﺟﯘﻡ ﭘﯩﻼﻧﻼﯞﺍﺗﻘﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺑﺎﻳﺎﻧﺎﺗﯩﺪﯨﻦ، ﺋﺎﺭﻗﯩﻐﺎ ﭼﯧﻜﯩﻨﯩﺸﻜﻪ ﺑﺎﺷﻠﯩﻐﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ.

ﻣﺎﻗﺎﻟﯩﺪﻩ ﺑﯩﻠﺪﯛﺭﯛﻟﯜﺷﯩﭽﻪ، ﯞﺍﯓ ﻟﯧﭽﯜﻩﻧﻨﯩﯔ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﻰ ﺋﻪﺯﺍﻟﯩﺮﯨﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻗﺎﺭﺷﻰ ﻫﯘﺟﯘﻡ ﭘﯩﻼﻧﻠﯩﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭ ﺩﻩﺳﻠﻪﭘﺘﻪ، ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺋﯧﻨﮕﻠﯩﺰﭼﻪ ﺧﻪﯞﻩﺭﻟﯩﺮﯨﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﺧﯩﺘﺎﻳﭽﻪ ﺧﻪﯞﻩﺭﻟﯩﺮﯨﺪﻩ ﺑﯧﺮﯨﻠﻤﯩﮕﻪﻥ. ﺑﯩﺮ ﻛﯜﻥ ﻛﯧﻴﯩﻦ، ﺑﯘ ﺧﻪﯞﻩﺭ ﺷﯩﻨﺨﯘﺍﻧﯩﯔ ﺋﯧﻨﮕﻠﯩﺰﭼﻪ ﺧﻪﯞﻩﺭ ﺗﻮﺭ ﺑﯧﺘﯩﺪﯨﻦ ﺋﯧﻠﯩﯟﯨﺘﯩﻠﮕﻪﻥ.

ﺑﯘ ﺧﻪﯞﻩﺭ ﺧﯩﺘﺎﻱ ﻫﯚﻛﯜﻣﯩﺘﻰ ﯞﻩ ﻛﻮﻣﭙﺎﺭﺗﯩﻴﯩﻨﯩﯔ ﺯﯗﯞﺍﻧﻰ ﺑﻮﻟﻐﺎﻥ،ﺧﯩﺘﺎﻱ ﻛﯜﻧﺪﯨﻠﯩﻚ ﮔﯧﺰﯨﺘﯩﻨﯩﯔ ﺋﯧﻨﮕﻠﯩﺰﭼﻪ ﻧﯘﺳﺨﯩﺴﯩﺪﯨﻤﯘ ﺋﯧﻼﻥ ﻗﯩﻠﯩﻨﻤﯩﻐﺎﻥ. ﺋﯘﻧﯩﯔ ﺋﻮﺭﻧﯩﻐﺎ ﮔﯧﺰﯨﺘﺘﻪ، ﯞﺍﯓ ﻟﯧﭽﯜﻩﻧﻨﯩﯔ " ﺗﯧﺮﺭﻭﺭﭼﯩﻼﺭ ﯞﻩ ﺑﯚﻟﮕﯜﻧﭽﯩﻠﻪﺭ" ﮔﻪ ﻗﺎﺭﺷﻰ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﻨﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﻰ ﻳﻪﺭ ﺋﺎﻟﻐﺎﻥ.

ﯞﺍﯓ ﻟﯧﭽﯜﻩﻧﻨﯩﯔ ﻣﻪﺯﻛﯘﺭ ﺑﺎﻳﺎﻧﺎﺗﯩﺪﯨﻦ ﻛﯧﻴﯩﻦ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﺷﻜﯩﻠﻠﻪﺵ ﻛﻮﻣﯩﺘﯧﺘﻰ ﻗﯩﺴﻘﺎ ﺑﯩﺮ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﺧﺎﺗﯩﺮﺟﻪﻣﻠﯩﻚ ﺋﯩﭽﯩﺪﻩ ﺋﯚﺗﻜﯜﺯﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻧﻠﯩﻜﻰ ﺋﻪﺳﻜﻪﺭﺗﯩﻠﮕﻪﻥ ﻣﺎﻗﺎﻟﯩﺪﻩ، "ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﺯﻛﯘﺭ ﯞﻩﻗﻪ ﻫﻪﻗﻘﯩﺪﯨﻜﻰ ﻏﻪﻳﺮﻯ ﻧﻮﺭﻣﺎﻝ ﭘﻮﺯﯨﺘﺴﯩﻴﯩﺴﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﻰ، ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﯨﻜﻰ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﻪﺭﺩﯨﻦ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺵ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﻗﺎﺭﯨﻼﺵ ﺋﯜﭼﯜﻥ ﭘﺎﻳﺪﯨﻠﯩﻨﯩﯟﺍﺗﯩﺪﯗ"، ﺩﯦﮕﻪﻥ ﮔﯘﻣﺎﻧﯩﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﺪﯗ" ﺩﯦﻴﯩﻠﮕﻪﻥ. (ﺋﯚﻣﻪﺭ ﻗﺎﻧﺎﺕ)