ﺳﻮﺕ ﺳﺘﻮﻛﻬﻮﻟﯩﻢ ﯞﺍﻗﺘﻰ ﺳﺎﺋﻪﺕ 12 ﺩﻩ ﺑﺎﺷﻠﯩﻨﯩﭗ 1 ﺩﻩ ﺋﺎﺧﯩﺮﻻﺷﺘﻰ. ﺳﻮﺕ ﺋﯧﭽﯩﺸﻨﻰ ﮔﯘﻣﺎﻧﺪﺍﺭ ﺑﺎﺑﯘﺭ ﻣﻪﺧﺴﯘﺗﻨﯩﯔ ﺋﺎﺩﯞﻭﻛﺎﺗﻰ ﺗﻪﻟﻪﭖ ﻗﯩﻠﻐﺎﻥ ﺑﻮﻟﯘﭖ، ﺋﺎﺩﯞﻭﻛﺎﺕ ﺳﻮﺗﺘﺎ ﺷﯩﯟﯦﺘﺴﯩﻴﻪ ﻗﺎﻧﯘﻧﻰ ﺑﯘﻳﯩﭽﻪ ﮔﯘﻣﺎﻧﺪﺍﺭﻧﻰ ﻫﯚﻛﯜﻣﯩﺴﯩﺰ ﺗﯘﺗﯘﭖ ﺗﯘﺭﯗﺵ ﯞﺍﻗﺘﻰ ﺋﯧﺸﯩﭗ ﻛﻪﺗﻜﻪﻧﻠﯩﻜﯩﻨﻰ ﺋﺎﺳﺎﺱ ﻗﯩﻠﯩﭗ ﺗﯘﺭﯗﭖ، ﮔﯘﻣﺎﻧﺪﺍﺭﻧﻰ ﺋﺎﺋﯩﻠﯩﺴﯩﮕﻪ ﻗﻮﻳﯩﯟﯦﺘﯩﭗ ﺗﻪﻛﺸﯜﺭﯛﺷﻨﻰ ﺩﺍﯞﺍﻣﻼﺷﺘﯘﺭﯗﺷﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺳﻮﺕ ﺑﺎﺑﯘﺭﻧﯩﯔ ﺋﺎﺩﯞﻭﻛﺎﺗﯩﻨﯩﯔ ﺗﻪﻟﯩﭙﯩﻨﻰ ﯞﻩ ﺑﺎﺑﯘﺭﻧﯩﯔ ﺩﯦﻠﻮﺳﯩﻐﺎ ﻣﻪﺳﺌﯘﻝ ﺑﺎﺵ ﺗﻪﭘﺘﯩﺸﻨﯩﯔ ﭘﯩﻜﯩﺮﯨﻨﻰ ﺋﺎﯕﻠﯩﻐﺎﻧﺪﯨﻦ ﻛﯧﻴﯩﻦ ، ﺳﻮﺗﭽﻰ ﺳﻮﺕ ﻫﯚﻛﯜﻣﯩﻨﻰ ﺋﻮﻗﯘﭖ ﺋﯚﺗﺘﻰ. ﺳﻮﺗﭽﻰ ﺷﯩﯟﯦﺘﺴﯩﻴﻪ ﻗﺎﻧﯘﻧﻰ ﺑﯘﻳﯩﭽﻪ ﮔﯘﻣﺎﻧﺪﺍﺭﻧﻰ ﻳﻪﻧﻪ ﺩﺍﯞﺍﻣﻠﯩﻖ ﺗﯘﺗﯘﭖ ﺗﯘﺭﯨﯟﻩﺭﺳﻪ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺳﻮﺕ ﺋﺎﺧﯩﺮﻻﺷﻘﺎﻥ ﻫﺎﻣﺎﻥ ﺋﯚﻳﯩﮕﻪ ﻗﺎﻳﺘﯩﭗ ﺩﺍﯞﺍﻣﻠﯩﻖ ﺗﻪﻛﺸﯜﺭﯛﺷﻨﻰ ﻗﻮﺑﯘﻝ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺋﻪﻣﻤﺎ ﺑﯩﺮ ﻗﺎﻧﭽﻪ ﺷﻪﺭﺗﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﺩﻯ.

ﮔﯘﻣﺎﻧﺪﺍﺭ ﺑﺎﺑﯘﺭ ﻣﻪﺧﺴﯘﺕ ﺷﯩﯟﯦﺘﺴﯩﻴﻪ ﻗﺎﻧﯘﻧﻰ ﺑﯘﻳﯩﭽﻪ ﻫﺎﺯﯨﺮﺩﯨﻦ ﺑﺎﺷﻼﭖ ﺋﻪﺭﻛﯩﻦ، ﺋﻪﻣﻤﺎ ﻧﺎﺯﺍﺭﻩﺕ ﺋﺎﺳﺘﯩﺪﺍ ﺩﺍﯞﺍﻣﻠﯩﻖ ﺗﻪﻛﺸﯜﺭﯛﺷﻨﻰ ﻗﻮﺑﯘﻝ ﻗﯩﻠﯩﺪﯗ. ﺑﺎﺑﯘﺭ ﻣﻪﺧﺴﯘﺗﻨﯩﯔ ﭘﺎﺳﭙﻮﺭﺗﻰ ﺗﺎﺭﺗﯩﯟﯦﻠﯩﻨﯩﭗ، ﺳﺘﻮﻛﻬﻮﻟﻤﺪﯨﻦ ﺳﯩﺮﺕ ﺟﺎﻳﻼﺭﻏﺎ ﺑﯧﺮﯨﺸﻰ ﭼﻪﻛﻠﯩﻨﯩﺪﯗ. ﻫﻪﺭ ﻫﻪﭘﺘﯩﺪﻩ 3 ﻛﯜﻥ ﻳﻪﻧﻰ ﺩﯛﺷﻪﻧﺒﻪ، ﭼﺎﺭﺷﻪﻧﺒﻪ ﯞﻩ ﺟﯜﻣﻪ ﻛﯜﻧﻠﯩﺮﻯ ﻛﯩﭽﯩﻜﻜﻪﻧﺪﻩ ﻛﻪﭺ ﺳﺎﺋﻪﺕ 5 ﺗﯩﻦ ﺑﯘﺭﯗﻥ ﺳﺎﻗﭽﯩﻐﺎﻧﯩﻐﺎ ﺑﯧﺮﯨﭗ ﺋﻪﻧﮕﻪ ﺋﺎﻟﺪﯗﺭﯨﺪﯗ. ﻛﯩﻠﻪﺭ ﻗﯧﺘﯩﻤﻠﯩﻖ ﺳﻮﺕ 9 - ﺋﺎﻳﻨﯩﯔ 25 - ﻛﯜﻧﻰ ﺳﺎﺋﻪﺕ 11 ﺩﻩ ﺋﯧﭽﯩﻠﯩﺪﯗ.

ﺳﻮﺕ ﺟﻪﺭﻳﺎﻧﯩﺪﯨﻦ ﻣﻪﻟﯘﻡ ﺑﻮﻟﯘﺷﭽﻪ ، ﺋﯩﺸﭙﯩﻴﻮﻥ ﮔﯘﻣﺎﻧﺪﺍﺭﻯ ﺑﺎﺑﯘﺭ ﻣﻪﺧﺴﯘﺗﻨﯩﯔ ﺋﺎﺧﯩﺮﻗﻰ ﺳﻮﺕ ﻫﯚﻛﯜﻣﯩﻨﯩﯔ ﻛﯧﭽﯩﻜﺘﯜﺭﯛﻟﯘﺷﻰ، ﺋﯘﻧﯩﯔ ﺩﯦﻠﻮﺳﯩﻨﯩﯔ ﺟﻪﺭﻳﺎﻧﻰ ﺑﯩﺮ ﻗﻪﺩﻩﺭ ﻣﯘﺭﻩﻛﻜﻪﭖ، ﭼﯧﺘﯩﺸﻠﯩﻖ ﺩﺍﺋﯩﺮﯨﺴﻰ ﻛﻪﯕﺮﻯ، ﺑﻪﺯﻯ ﻣﻪﺳﯩﻠﯩﻠﻪﺭ ﺋﯩﻨﭽﯩﻜﻪ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺗﻪﭘﺴﯩﻠﯩﻲ ﺗﻪﻛﺸﯜﺭﯛﺵ ﯞﻩ ﺗﻪﻗﯩﻘﻠﻪﺷﻨﻰ ﺗﻪﻟﻪﭖ ﻗﯩﻠﯩﺪﯨﻜﻪﻥ.

ﺑﻪﺯﻯ ﺋﯘﭼﯘﺭﻻﺭﺩﯨﻦ ﻣﻪﻟﯘﻡ ﺑﻮﻟﯘﺷﭽﻪ، ﮔﯘﻣﺎﻧﺪﺍﺭ ﺑﺎﺑﯘﺭ ﻣﻪﺧﺴﯘﺗﻨﯩﯔ ﺋﯩﺸﭙﯩﻴﻮﻧﻠﯘﻕ ﻫﻪﺭﯨﻜﯩﺘﻰ ﻳﺎﻟﻐﯘﺯ ﺷﯩﯟﯦﺘﺴﯩﻴﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻣﺎﺗﯧﺮﯨﻴﺎﻟﯩﻨﻰ ﺧﯩﺘﺎﻱ ﻛﻮﻧﺴﯘﻟﯩﻐﺎ ﻳﻪﺗﻜﯜﺯﯛﺵ ﺑﯩﻠﻪﻥ ﭼﻪﻛﻠﻪﻧﻤﻪﺳﺘﯩﻦ ﻳﻪﻧﻪ ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭﻻﺭﻧﯩﻤﯘ ﻳﻪﺗﻜﯜﺯﯛﺷﻜﻪ ﭼﯧﺘﯩﻠﯩﺪﯨﻜﻪﻥ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.