ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ "ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﮬﻪﺭﯨﻜﯩﺘﻰ" ﻧﻰ ﻗﺎﻳﺘﺎ ﺑﺎﺷﻠﯩﺪﻯ

• ﻣﯘﺧﺒﯩﺮﯨﻤﯩﺰ ﺋﺎﺭﺯﯗﻧﯩﯔ ﺑﯘ ﮬﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﻰ ﻗﺎﺯﺍﻗﯩﺴﺘﺎﻥ ﭼﯧﮕﺮﯨﺴﯩﺪﯨﻜﻰ ﺋﺎﻻﺗﺎﯞ ﺋﯧﻐﯩﺰﯨﺪﺍ ﻣﻪﺷﻖ ﻗﯩﻠﻤﺎﻗﺘﺎ. AFP

ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ "ﺷﯩﻨﺠﺎﯓ ﮔﯧﺰﯨﺘﻰ" ﻧﯩﯔ ﭼﺎﺭﺷﻪﻧﺒﻪ ﻛﯜﻧﯩﺪﯨﻜﻰ ﺧﻪﯞﯨﺮﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﻰ ﻗﯘﺭﯗﻟﻐﺎﻧﻠﯩﻘﯩﻨﯩﯔ 50 ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﺷﻨﯩﯔ ﮬﺎﺭﭘﯩﺴﯩﺪﺍ، ﺋﯘﻳﻐﯘﺭ ﺋﯧﻠﯩﺪﻩ " ﺑﯚﻟﮕﯜﻧﭽﻰ، ﺗﯧﺮﺭﻭﺭﭼﻰ ﯞﻩ ﺩﯨﻨﯩﻲ ﺭﺍﺩﯨﻜﺎﻟﺪﯨﻦ ﺋﯩﺒﺎﺭﻩﺕ ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﮬﻪﺭﯨﻜﯩﺘﻰ" ﻧﻰ ﺑﺎﺷﻠﯩﻐﺎﻥ.

ﺧﯩﺘﺎﻱ، ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﺵ ﺑﯩﻠﻪﻥ "ﺋﺎﭘﺘﻮﻧﯘﻡ ﺭﺍﻳﻮﻥ" ﻗﯘﺭﯗﻟﻐﺎﻧﻠﯩﻘﯩﻨﻰ ﻛﯜﺗﯜﯞﺍﻟﻤﺎﻗﭽﻰ

ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﺗﻪﺷﯟﯨﻘﺎﺕ ﺑﯚﻟﯜﻣﻰ "ﺷﯩﻨﺠﺎﯓ ﮔﯧﺰﯨﺘﻰ" ﺩﻩ ﺋﯧﻼﻥ ﻗﯩﻠﻐﺎﻥ ﺑﺎﺵ ﻣﺎﻗﺎﻟﯩﺴﯩﺪﻩ،" ﺋﯜﭺ ﺧﯩﻞ ﻛﯜﭼﻠﻪﺭ" ﻧﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻗﯩﻤﻠﯩﻘﻰ ﯞﻩ ﺑﯩﺨﻪﺗﻪﺭﻟﯩﻜﻰ ﺋﯜﭼﯜﻥ " ﭼﻮﯓ ﺗﻪﮬﺪﯨﺪ" ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﻜﻪﻥ ﮬﻪﻣﺪﻩ " ﺋﯜﭺ ﺧﯩﻞ ﻛﯜﭼﻠﻪﺭ" ﮔﻪ ﻗﺎﺭﺷﻰ ﻳﯘﻗﯩﺮﻯ ﺑﯧﺴﯩﻤﻠﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﺩﺍﯞﺍﻣﻠﯩﻖ ﻛﯧﯖﻪﻳﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺑﯘﻧﯩﯔ ﺋﺎﻟﺪﯨﺪﺍ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯘﭼﯘﺭ ﻣﻪﺭﻛﯩﺰﻯ، ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﻠﯘﻕ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﯩﻨﯩﯔ 18 - ﻣﺎﻱ ﻛﯜﻧﻰ ﺋﻮﻗﺘﯘﺭﯗﺵ ﭼﯩﻘﯩﺮﯨﭗ، ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﻰ ﻗﯘﺭﯗﻟﻐﺎﻧﻠﯩﻘﯩﻨﯩﯔ 50 ﻳﯩﻠﻠﯩﻘﯩﻨﻰ ﺗﻪﺑﺮﯨﻜﻠﻪﺷﻨﯩﯔ ﺋﺎﻟﺪﻯ- ﻛﻪﻳﻨﯩﺪﻩ " ﮬﻪﺭ ﺧﯩﻞ ﺟﯩﻨﺎﻳﻰ ﮬﻪﺭﯨﻜﻪﺗﻠﻪﺭﮔﻪ ﺯﻩﺭﺑﻪ ﺑﯧﺮﯨﺶ ﮬﻪﺭﯨﻜﯩﺘﻰ" ﺋﯧﻠﯩﭗ ﺑﯧﺮﯨﺸﻨﻰ ﺋﻮﺭﯗﻧﻼﺷﺘﯘﺭﻏﺎﻧﻠﯩﻘﯩﻨﻰ ﺧﻪﯞﻩﺭ ﻗﯩﻠﻐﺎﻥ ﺋﯩﺪﻯ.

ﺋﺎﭘﺘﻮﻧﯘﻡ ﺭﺍﻳﻮﻧﻠﯘﻕ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻧﺎﺯﺍﺭﯨﺘﻰ ﺯﻩﺭﺑﻪ ﺑﯧﺮﯨﺶ ﮬﻪﺭﯨﻜﯩﺘﯩﻨﯩﯔ ﻛﻮﻧﻜﯧﺮﺕ ﻣﻪﺯﻣﯘﻧﻰ ﯞﻩ ﺷﻪﻛﻠﻰ ﻗﺎﺗﺎﺭﻟﯩﻘﻼﺭ ﮬﻪﻗﻘﯩﺪﻩ ﺳﻮﺭﯨﻐﺎﻥ ﺳﻮﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﯧﺮﯨﺸﻨﻰ ﺭﻩﺕ ﻗﯩﻠﺪﻯ.

ﺧﯩﺘﺎﻱ ﺧﻪﻟﻘﻨﻰ ﺑﺎﺳﺘﯘﺭﯗﺵ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﻛﯜﭼﻠﯜﻛﻠﯩﻜﯩﻨﻰ ﺋﯩﭙﺎﺩﯨﻠﯩﻤﻪﻛﭽﻰ

ﺋﯘﻳﻐﯘﺭ ﺋﯧﻠﻰ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻏﺎ ﻣﻮﻝ ﺑﯩﺮ ﺭﺍﻳﻮﻥ. ﺋﯘﻧﯩﯔ ﻧﯧﻔﯩﺖ، ﻛﯧﯟﻩﺯ ﯞﻩ ﻧﯘﺭﻏﯘﻥ ﻣﯧﻨﯩﺮﺍﻝ ﺑﺎﻳﻠﯩﻘﻠﯩﺮﻯ ﻣﻮﻝ ﺑﻮﻟﻐﺎﭼﻘﺎ، ﺧﯩﺘﺎﻱ ﮬﯚﻛﯜﻣﯩﺘﻰ ﺑﯘ ﺭﺍﻳﻮﻧﻨﻰ ﻗﺎﺗﺘﯩﻖ ﺗﯘﺗﻤﯩﺴﺎﻕ، ﺑﯘ ﺑﺎﻳﻠﯩﻘﻼﺭﺩﯨﻦ ﻗﯘﺭﯗﻕ ﻗﯧﻠﯩﺸﯩﻤﯩﺰ ﻣﯘﻣﻜﯩﻦ ﺩﻩﭖ ﺋﻪﻧﺴﯩﺮﻩﻳﺪﯗ.

ﺋﺎﻣﯧﺮﯨﻜﺎ ﻣﺎﻳﺌﻪﻣﻰ ﺋﯘﻧﯩﯟﯦﺮﺳﯩﺘﯧﺘﻰ ﺳﯩﻴﺎﺳﻪﺕ ﭘﺮﻭﻓﯧﺴﺴﻮﺭﻯ، ﺋﯘﻳﻐﯘﺭ ﺋﯩﺸﻠﯩﺮﻯ ﻣﯘﺗﻪﺧﻪﺳﺴﯩﺴﻰ ﺟﯘﻥ ﺟﯜﺋﻪﻳﯧﺮ ﺧﺎﻧﯩﻢ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ، ﮬﺎﺯﯨﺮﻗﻰ ﭘﻪﻳﺘﺘﻪ ﺋﯘﻳﻐﯘﺭ ﺋﯧﻠﯩﺪﻩ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﮬﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﺸﯩﺪﺍ، ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺧﻪﻟﻖ ﻗﺎﺭﺷﯩﻠﯩﻖ ﮬﻪﺭﯨﻜﻪﺗﻠﯩﺮﯨﺪﯨﻦ ﺋﻪﻧﺪﯨﺸﻪ ﻗﯩﻠﻐﺎﻥ ﺑﻮﻟﯩﺸﻰ ﻣﯘﻣﻜﯩﻨﻠﯩﻜﯩﻨﻰ ﻛﯚﺭﺳﻪﺗﺘﻰ. ﺋﯘ ﻣﯘﻧﺪﺍﻕ ﺩﯦﺪﻯ:

- ﻣﯧﻨﯩﯖﭽﻪ، ﺧﯩﺘﺎﻱ ﮬﯚﻛﯜﻣﯩﺘﻰ ﺋﯚﺯﯨﻨﻰ ﺑﯩﺨﻪﺗﻪﺭ ﮬﯩﺲ ﻗﯩﻠﻤﺎﻳﯟﺍﺗﯩﺪﯗ. ﺋﯚﺯﯨﻨﯩﯔ ﻗﺎﻧﭽﯩﻠﯩﻚ " ﻛﯜﭼﻠﯜﻙ" ﻟﯩﻜﯩﻨﻰ ﻣﯘﺷﯘﻧﺪﺍﻕ ﮬﻪﺭﯨﻜﻪﺗﻠﻪﺭ ﺑﯩﻠﻪﻥ ﺧﻪﻟﻘﻨﯩﯔ ﺳﻪﻣﯩﮕﻪ ﺳﺎﻟﻤﺎﻗﭽﻰ ﺑﻮﻟﯩﯟﺍﺗﯩﺪﯗ. ﺑﻮﻟﯘﭘﻤﯘ، ﺋﯚﺯﺑﯧﻜﯩﺴﺘﺎﻥ ﯞﻩ ﻗﯩﺮﻏﯩﺰﯨﺴﺘﺎﻧﺪﺍ ﻳﯧﻘﯩﻨﺪﺍ ﻳﯜﺯ ﺑﻪﺭﮔﻪﻥ ﮬﯚﻛﯜﻣﻪﺗﻜﻪ ﻗﺎﺭﺷﻰ ﺧﻪﻟﻖ ﮬﻪﺭﯨﻜﻪﺗﻠﯩﺮﻯ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺗﯧﺨﯩﻤﯘ ﺷﯘﻧﺪﺍﻕ. ﺷﯘﯕﯩﻤﯘ ﺧﻪﻟﻘﺌﺎﺭﺍ ﺋﯩﺴﻼﻡ ﻛﻪﺭﯨﻤﻮﻓﻨﻰ ﺋﻪﻳﯩﺒﻠﯩﺴﻪ، ﺧﯩﺘﺎﻱ ﺋﯘﻧﻰ ﻗﻮﻟﻼﯞﺍﺗﯩﺪﯗ. ﻣﯧﻨﯩﯖﭽﻪ ﺑﯘﻧﯩﯖﺪﯨﻦ ﺳﯩﺮﺕ ﻳﻪﻧﻪ، ﺋﻪﺗﯩﻴﺎﺯﺩﺍ ﮬﺎﯞﺍ ﻳﺎﺧﺸﻰ ﺑﻮﻟﻐﺎﭼﻘﺎ، ﺧﯩﺘﺎﻱ ﮬﯚﻛﯜﻣﯩﺘﻰ ﻛﯩﺸﯩﻠﻪﺭﻧﯩﯔ ﺭﻭﮬﯩﻲ ﺟﻪﮬﻪﺗﺘﯩﻦ ﻳﯩﻨﯩﻜﻠﯩﻚ ﮬﯧﺲ ﻗﯩﻠﯩﭗ، ﻗﺎﺭﺷﯩﻠﯩﻖ ﮬﻪﺭﯨﻜﻪﺗﻠﯩﺮﯨﻨﻰ ﺋﯧﻠﯩﭗ ﺑﯧﺮﯨﺸﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﺪﯗ. ﻳﻪﻧﻪ ﺑﯩﺮ ﺳﻪﯞﻩﺏ، 4 - ﺋﯩﻴﯘﻥ ﻳﯧﻘﯩﻨﻼﺷﺘﻰ. ﺑﯧﻴﺠﯩﯖﺪﺍ 4 - ﺋﯩﻴﻮﻥ ﺗﻴﻪﻧﺌﻪﻧﻤﯩﻦ ﯞﻩﻗﻪﺳﻰ ﻳﯜﺯ ﺑﯧﺮﯨﺸﻨﯩﯔ ﺋﺎﻟﺪﯨﺪﺍ، ﺋﯘﻳﻐﯘﺭ ﺋﯧﻠﯩﺪﯨﻤﯘ ﮬﯚﻛﯜﻣﻪﺗﻜﻪ ﻗﺎﺭﺷﻰ ﻧﺎﻣﺎﻳﯩﺶ ﻳﯜﺯ ﺑﻪﺭﮔﻪﻥ. ﺧﯩﺘﺎﻱ ﮬﯚﻛﯜﻣﯩﺘﻰ ﺑﯘﻧﺪﺍﻕ ﯞﻩﻗﻪﻟﻪﺭﻧﯩﯔ ﺧﺎﺗﯩﺮﻩ ﻛﯜﻧﯩﮕﻪ ﺋﯩﻨﺘﺎﻳﯩﻦ ﺳﻪﺯﮔﯜﺭ ﻛﯧﻠﯩﺪﯗ.

ﺧﯩﺘﺎﻱ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺑﺎﻳﻠﯩﻘﻼﺭﻧﻰ ﻗﻮﻟﺪﯨﻦ ﺑﯧﺮﯨﭗ ﻗﻮﻳﯘﺷﻨﻰ ﺧﺎﻟﯩﻤﺎﻳﺪﯗ

ﺧﯩﺘﺎﻱ ﮬﯚﻛﯜﻣﯩﺘﻰ ﺋﻪﻳﻨﻰ ﯞﺍﻗﯩﺘﺘﺎ ﺋﯘﻳﻐﯘﺭ ﺋﯧﻠﯩﻨﻰ ﺋﯚﺯﯨﮕﻪ ﻗﻮﺷﯩﯟﺍﻟﻐﺎﻧﺪﺍ، ﺋﯘﻳﻐﯘﺭﻻﺭﻧﯩﯔ ﺗﯩﻞ- ﻳﯧﺰﯨﻘﯩﻨﻰ ﯞﻩ ﻣﻪﺩﻩﻧﯩﻴﯩﺘﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﻘﺎ ﯞﻩﺩﻩ ﺑﻪﺭﮔﻪﻥ. ﮬﺎﻟﺒﯘﻛﻰ، ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯘﻳﻐﯘﺭ ﺗﯩﻠﯩﺪﺍ ﺩﻩﺭﺱ ﺑﯧﺮﯨﺶ ﻗﺎﻟﺪﯗﺭﯗﻟﺪﻯ.

ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﮔﻪﺭﭼﻪ ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﻨﻰ ﺧﯩﺘﺎﻳﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﭼﻮﯓ ﺗﻪﮬﺪﯨﺪ ﺩﻩﭖ ﻛﯚﺭﺳﯩﺘﯩﯟﺍﺗﻘﺎﻥ ﺑﻮﻟﺴﯩﻤﯘ، ﺑﯩﺮﺍﻕ ﺋﻪﻣﻪﻟﯩﻴﻪﺗﺘﻪ ﺋﻪﮬﯟﺍﻝ ﺋﯘﻧﭽﻪ ﺋﯧﻐﯩﺮ ﺋﻪﻣﻪﺱ ﺋﯩﻜﻪﻥ. ﺋﯘ ﺑﯘ ﮬﻪﻗﺘﻪ ﻣﯘﻧﺪﺍﻕ ﺩﯦﺪﻯ:

" ﺧﯩﺘﺎﻱ ﮬﯚﻛﯜﻣﯩﺘﻰ ﺋﯚﺯﻯ ﺋﯘﻳﻐﯘﺭ ﺋﯧﻠﯩﻨﻰ ﺗﻪﮬﺪﯨﺪ ﺩﻩﭖ ﺗﻮﻧﯘﻳﺪﯗ. ﮔﻪﺭﭼﻪ ﺋﯘﻳﻐﯘﺭ ﺋﯧﻠﯩﺪﻩ ﮬﯚﻛﯜﻣﻪﺗﻨﻰ ﻳﺎﺧﺸﻰ ﻛﯚﺭﻣﻪﻳﺪﯨﻐﺎﻥ ﻛﯩﺸﯩﻠﻪﺭ ﺑﻮﻟﺴﯩﻤﯘ، ﺑﯩﺮﺍﻕ ﺋﯘﻻﺭﻧﯩﯔ ﻛﯚﭘﯩﻨﭽﯩﺴﻰ ﺗﯧﺮﺭﻭﺭﭼﻰ ﺋﻪﻣﻪﺱ. ﺋﯘﻳﻐﯘﺭ ﺋﯧﻠﻰ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻏﺎ ﻣﻮﻝ ﺑﯩﺮ ﺭﺍﻳﻮﻥ. ﺋﯘﻧﯩﯔ ﻧﯧﻔﯩﺖ، ﻛﯧﯟﻩﺯ ﯞﻩ ﻧﯘﺭﻏﯘﻥ ﻣﯧﻨﯩﺮﺍﻝ ﺑﺎﻳﻠﯩﻘﻠﯩﺮﻯ ﻣﻮﻝ ﺑﻮﻟﻐﺎﭼﻘﺎ، ﺧﯩﺘﺎﻱ ﮬﯚﻛﯜﻣﯩﺘﻰ ﺑﯘ ﺭﺍﻳﻮﻧﻨﻰ ﻗﺎﺗﺘﯩﻖ ﺗﯘﺗﻤﯩﺴﺎﻕ، ﺑﯘ ﺑﺎﻳﻠﯩﻘﻼﺭﺩﯨﻦ ﻗﯘﺭﯗﻕ ﻗﯧﻠﯩﺸﯩﻤﯩﺰ ﻣﯘﻣﻜﯩﻦ ﺩﻩﭖ ﺋﻪﻧﺴﯩﺮﻩﻳﺪﯗ" .

ﺟﯘﻥ ﺟﯜﺋﻪﻳﯧﺮ ﺧﺎﻧﯩﻤﻨﯩﯔ ﺑﯩﻠﺪﯛﺭﯨﺸﯩﭽﻪ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ، ﺧﯩﺘﺎﻱ ﮬﯚﻛﯜﻣﯩﺘﻰ ﺋﯘﻳﻐﯘﺭ ﺭﺍﻳﻮﻧﯩﻨﻰ ﺑﻪﻙ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﻐﺎﻧﺪﺍ، ﻳﻪﺭﻟﯩﻚ ﺧﻪﻟﻘﻨﯩﯔ ﺗﯧﺨﯩﻤﯘ ﻗﺎﺭﺷﯩﻠﯩﻘﯩﻨﻰ ﻗﻮﺯﻏﺎﺷﺘﯩﻦ ﺋﻪﻧﺪﯨﺸﻪ ﻗﯩﻠﯩﺪﯨﻜﻪﻥ.

ﺧﯩﺘﺎﻱ ﮬﯚﻛﯜﻣﯩﺘﻰ 1996 - ﻳﯩﻠﻰ، ﺋﯘﻳﻐﯘﺭ ﺋﯧﻠﯩﺪﻩ " ﺟﯩﻨﺎﻳﻰ ﺋﯩﺸﻼﺭﻏﺎ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﮬﻪﺭﯨﻜﯩﺘﻰ" ﻧﻰ ﺑﺎﺷﻠﯩﻐﺎﻥ ﺋﯩﺪﻯ. ﻛﯩﺸﯩﻠﯩﻚ ﮬﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺑﯘ ﮬﻪﺭﯨﻜﻪﺕ ﺟﻪﺭﻳﺎﻧﯩﺪﺍ، ﻧﯘﺭﻏﯘﻥ ﺩﯨﻨﯩﻴﺰﺍﺗﻼﺭ، ﺋﯚﻛﺘﯩﭽﯩﻠﻪﺭ، ﮬﻪﺗﺘﺎ ﮬﯚﻛﯜﻣﻪﺗﻜﻪ ﻧﺎﺭﺍﺯﯨﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﻛﯩﺸﯩﻠﻪﺭﻧﯩﻤﯘ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ، ﺑﻪﺯﯨﻠﻪﺭﻧﻰ ﮬﻪﺗﺘﺎ ﺋﯚﻟﯜﻡ ﺟﺎﺯﺍﺳﯩﻐﺎ ﮬﯚﻛﯜﻡ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻳﻨﯩﯔ ﺳﯩﻴﺎﺳﯩﺘﻰ ﺋﯘﻳﻐﯘﺭﻻﺭﻧﯩﯔ ﻗﺎﺭﺷﯩﻠﯩﻘﯩﻨﻰ ﻛﯜﭼﻪﻳﺘﯩﺪﯗ

ﺟﯘﻥ ﺟﯜﺋﻪﻳﯧﺮ ﺧﺎﻧﯩﻢ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺋﻮﻥ ﻳﯩﻠﻐﺎ ﻳﯧﻘﯩﻦ ﺋﯧﻠﯩﭗ ﺑﺎﺭﻏﺎﻥ ﺑﯘ ﮬﻪﺭﯨﻜﯩﺘﯩﻨﯩﯔ ، ﺋﻪﻣﻪﻟﯩﻴﻪﺗﺘﻪ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻗﺎﺭﺷﯩﻠﯩﻘﻼﺭﻧﻰ ﻳﻮﻗﯩﺘﯩﺶ ﺋﻪﻣﻪﺱ، ﺑﻪﻟﻜﻰ ﺋﻪﻛﺴﯩﭽﻪ ﺭﻭﻝ ﺋﻮﻳﻨﯩﻐﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ:

- ﻣﯧﻨﯩﯖﭽﻪ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﺎﯞﺍﺗﻘﺎﻥ ﺋﺎﻣﯩﻞ، ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﺳﯩﻴﺎﺳﯩﺘﻰ. ﺋﯘﻳﻐﯘﺭﻻﺭ ﺧﯩﺘﺎﻱ ﮬﯚﻛﯜﻣﯩﺘﯩﻨﯩﯔ ﻏﻪﺭﺑﻨﻰ ﺋﯧﭽﯩﭗ ﺗﻪﺭﻩﻗﻘﻰ ﻗﯩﻠﺪﯗﺭﯨﻤﯩﺰ ﺩﯨﮕﻪﻥ ﮬﻪﺭﯨﻜﯩﺘﯩﺪﻩ ﺋﯚﺯﻟﯩﺮﯨﮕﻪ ﺗﻪﺭﻩﻗﻘﯩﻴﺎﺕ ﭘﯘﺭﺳﯩﺘﻰ ﺑﯧﺮﯨﻠﻤﯩﮕﻪﻧﻠﯩﻜﯩﻨﻰ ﮬﯩﺲ ﻗﯩﻠﻐﺎﻥ. ﻣﻪﻥ ﺋﯘﻳﻐﯘﺭﻻﺭﺩﯨﻦ ﻳﻪﻧﻪ، ﺋﯚﺯﻟﯩﺮﯨﻨﯩﯔ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ ﭘﻪﻗﻪﺕ ﭼﻮﺷﻘﺎ ﮔﯚﺷﻰ ﻳﯩﻤﻪﺳﻠﯩﻚ ﻳﻮﻟﻰ ﺑﯩﻠﻪﻥ ﺋﯩﭙﺎﺩﯨﻠﻪﯞﺍﺗﻘﺎﻧﻠﯩﻘﯩﻨﻰ، ﺑﺎﺷﻘﺎ ﻳﻮﻟﻼﺭ ﺑﯩﻠﻪﻥ ﺋﯩﭙﺎﺩﯨﻠﻪﺷﻜﻪ ﺋﺎﻣﺎﻟﺴﯩﺰ ﻗﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﺎﯕﻠﯩﺪﯨﻢ. ﺧﯩﺘﺎﻱ ﮬﯚﻛﯜﻣﯩﺘﻰ ﺋﻪﻳﻨﻰ ﯞﺍﻗﯩﺘﺘﺎ ﺋﯘﻳﻐﯘﺭ ﺋﯧﻠﯩﻨﻰ ﺋﯚﺯﯨﮕﻪ ﻗﻮﺷﯩﯟﺍﻟﻐﺎﻧﺪﺍ، ﺋﯘﻳﻐﯘﺭﻻﺭﻧﯩﯔ ﺗﯩﻞ- ﻳﯧﺰﯨﻘﯩﻨﻰ ﯞﻩ ﻣﻪﺩﻩﻧﯩﻴﯩﺘﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﻘﺎ ﯞﻩﺩﻩ ﺑﻪﺭﮔﻪﻥ. ﮬﺎﻟﺒﯘﻛﻰ، ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯘﻳﻐﯘﺭ ﺗﯩﻠﯩﺪﺍ ﺩﻩﺭﺱ ﺑﯧﺮﯨﺶ ﻗﺎﻟﺪﯗﺭﯗﻟﺪﻯ. ﻣﺎﻧﺎ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﺎﻳﺪﯨﻐﺎﻥ ﺋﻪﮬﯟﺍﻟﻼﺭ ﺋﯚﺯﮔﻪﺭﻣﯩﺴﻪ، ﺋﯘﻳﻐﯘﺭﻻﺭﻧﯩﯔ ﻗﺎﺭﺷﯩﻠﯩﻘﯩﻤﯘ ﻳﻮﻗﺎﻟﻤﺎﻳﺪﯗ. ﺧﯩﺘﺎﻱ ﮬﯚﻛﯜﻣﯩﺘﻰ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﮬﻪﺭﯨﻜﯩﺘﻰ ﺋﺎﺭﻗﯩﻠﯩﻖ ﮬﯚﻛﯜﻣﻪﺗﻜﻪ ﻧﺎﺭﺍﺯﻯ ﺑﻮﻟﻐﺎﻥ ﺑﯩﺮ ﻗﯩﺴﯩﻢ ﻛﯩﺸﻠﻪﺭﻧﻰ ﺗﯘﺗﻘﺎﻥ ﺑﯩﻠﻪﻥ، ﺗﯧﺨﯩﻤﯘ ﻛﯚﭖ ﻛﯩﺸﯩﻠﻪﺭ ﮬﯚﻛﯜﻣﻪﺗﺘﯩﻦ ﻧﺎﺭﺍﺯﻯ ﺑﻮﻟﯘﭖ، ﺋﯘﻻﺭﻧﯩﯔ ﺋﻮﺭﻧﯩﻨﻰ ﺋﯩﮕﯩﻠﻪﻳﺪﯗ.

ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﺋﻪﮔﻪﺭ ﺧﯩﺘﺎﻱ ﮬﯚﻛﯜﻣﯩﺘﻰ ﮬﻪﻗﯩﻘﻪﺗﻪﻥ ﺑﯩﺮ ﺑﻪﺧﯩﺘﻠﯩﻚ ﭼﻮﯓ ﺋﺎﺋﯩﻠﻪ ﻗﯘﺭﯗﺷﻨﻰ ﺧﺎﻟﯩﺴﺎ، ﭼﻮﻗﯘﻡ ﮬﻪﺭ ﺑﯩﺮ ﺋﺎﺋﯩﻠﻪ ﺋﻪﺯﺍﺳﯩﻐﺎ ﺗﻮﻏﺮﺍ ﻣﯘﺋﺎﻣﯩﻠﻪ ﻗﯩﻠﯩﺸﻰ ﻛﯧﺮﻩﻙ ﺋﯩﻜﻪﻥ. ﺧﯩﺘﺎﻱ ﻣﻪﺭﻛﯩﺰﯨﻲ ﮬﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﺗﻮﻏﺮﺍ ﺳﯩﻴﺎﺳﻪﺕ ﻳﯜﺭﮔﯜﺯﻣﯩﮕﻪﭼﻜﻪ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺧﻪﻟﻘﻠﻪﺭ ﺧﯩﺘﺎﻳﻨﯩﯔ ﮬﯚﻛﯜﻣﺮﺍﻧﻠﯩﻘﯩﺪﯨﻦ ﻗﯘﺗﯘﻟﯘﺷﻨﻰ ﺧﺎﻻﻳﺪﯨﻜﻪﻥ. (ﺋﺎﺭﺯﯗ)