ﺧﯩﺘﺎﻱ ﻫﯚﻛﯜﻣﯩﺘﻰ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺗﯘﺭﯗﺵ ﻧﺎﻣﻰ ﺑﯩﻠﻪﻥ ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﻣﺎﻗﺘﺎ

• ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﻛﺎﻧﺎﺩﺍﺩﯨﻜﻰ Aberfoyle ﺧﻪﻟﻘﺌﺎﺭﺍ ﺧﻪﯞﻩﭘﺴﯩﺰﻟﯩﻚ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﻣﻪﺳﺌﯘﻟﻰ Andrew McGregor ﺧﯩﺘﺎﻳﻨﯩﯔ ﻫﯚﻛﯜﻣﯩﺘﻰ 11-ﺳﯩﻨﺘﻪﺑﯩﺮﺩﯨﻦ ﻛﯧﻴﯩﻦ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺳﯩﻴﺎﺳﻪﺗﻠﯩﺮﻯ ﻫﻪﻗﻘﯩﺪﻩ ﻣﺎﻗﺎﻟﻪ ﺋﯧﻼﻥ ﻗﯩﻠﺪﻯ. ﺋﯘﻧﯩﯔ ﻣﺎﻗﺎﻟﯩﺴﻰ ﻣﯘﻧﺪﺍﻕ ﺑﺎﺷﻠﯩﻨﯩﺪﯗ:

"ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﻛﯧﻠﻪﺭ ﻳﯩﻠﻰ ﺑﯧﻴﺠﯩﯖﺪﺍ ﺋﻮﻟﯩﻤﭙﯩﻚ ﺋﯚﺗﻜﯜﺯﯨﻠﯩﺪﯨﻐﺎﻥ ﯞﻩ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﻨﯩﯔ ﻳﯘﻗﯘﺭﻯ ﻗﺎﺗﻠﯩﻤﻰ ﺋﯩﭽﯩﺪﯨﻜﻰ ﻫﻮﻗﯘﻕ ﺗﺎﻟﯩﺸﯩﺶ ﻛﯚﺭﯛﺷﻰ ﺋﻪﯞﺟﯩﮕﻪ ﭼﯩﻘﻘﺎﻥ ﻳﺎﻧﯟﺍﺭ ﺋﯧﻴﯩﻨﯩﯔ ﺑﺎﺷﻠﯩﺮﯨﺪﺍ، ﺧﯩﺘﺎﻱ ﻗﻮﺭﺍﻟﻠﯩﻖ ﻛﯜﭼﻠﯩﺮﯨﻨﯩﯔ ﺋﯘﻳﻐﯘﺭ ﺭﺍﻳﯘﻧﯩﺪﺍ ﺋﺎﺗﺎﻟﻤﯩﺶ ﺗﯧﺮﺭﻭﺭﭼﯩﻼﺭﻧﯩﯔ ﻣﻪﺷﯩﻖ ﺑﺎﺯﯨﺴﯩﻐﺎ ﺗﯘﻳﯘﻗﺴﯩﺰ ﻫﯘﺟﯘﻡ ﻗﯩﻠﯩﭗ، 18 ﺗﯧﺮﺭﻭﺭﭼﻰ ﮔﯘﻣﺎﻧﺪﺍﺭﯨﻨﻰ ﺋﯚﻟﺘﯜﺭﮔﻪﻧﻠﯩﻜﻰ، ﺑﯩﺮ ﺳﺎﻗﭽﯩﻨﯩﯔ ﺋﯚﻟﮕﻪﻧﻠﯩﻜﻰ، 17 ﮔﯘﻣﺎﻧﺪﺍﺭﻧﻰ ﺗﯩﺮﯨﻚ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﯩﻨﻰ ﻫﻪﯞﻩﺭ ﻗﯩﻠﺪﻯ ﯞﻩ ﺑﯘ ﺗﯘﻳﯘﻗﺴﯩﺰ ﻫﯘﺟﯘﻡ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﻛﯩﺘﻰ ﺗﻪﺷﻜﯩﻼﺗﻰ ﺑﯩﻠﻪﻥ ﺧﻪﻟﻘﺌﺎﺭﺍ ﺗﯧﺮﺭﻭﺭﭼﻰ ﻛﯜﭼﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﺑﺎﻏﻠﯩﻨﯩﺸﻨﻰ ﻳﯧﯖﻰ ﻳﯩﭗ ﺋﯘﭼﻠﯩﺮﻯ ﺑﯩﻠﻪﻥ ﺗﻪﻣﯩﻨﻠﯩﺪﻯ، ﺩﯦﺪﻯ. ﺑﯘ ﯞﻩﻗﻪ ﻗﺎﻧﺪﺍﻗﻼ ﺑﻮﻟﻤﯩﺴﯘﻥ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﺑﯩﻠﻪﻥ ﺧﯩﺘﺎﻱ ﻗﻮﺭﺍﻟﻠﯩﻖ ﻗﯩﺴﯩﻤﻠﯩﺮﻯ ﺋﻮﺗﺘﯘﺭﯨﺴﯩﺪﺍ، ﻳﯧﻘﯩﻨﺪﺍ ﻳﯜﺯ ﺑﻪﺭﮔﻪﻥ ﺑﯩﺮ ﻗﯧﺘﯩﻤﻠﯩﻖ ﺗﻮﻗﯘﻧﯘﺷﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯗ".

ﺋﯘﻳﻐﯘﺭﻻﺭ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﯘﻧﯩﺪﺍ ﺋﺎﺯﺳﺎﻧﻠﯩﻖ ﻫﺎﻟﻐﺎ ﭼﯜﺷﯜﺭﯛﻟﻤﻪﻛﺘﻪ

ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺗﭽﯩﺴﻰ ﺑﻮﻟﻐﺎﻥ Andrew McGregor ﻣﺎﻗﺎﻟﯩﺴﯩﺪﻩ، ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻗﯩﺴﻘﯩﭽﻪ ﻣﻪﻟﯘﻣﺎﺕ ﺑﯧﺮﯨﭗ "ﺋﯘﻳﻐﯘﺭﻻﺭ ﺋﯚﺯﻟﯩﺮﻯ ﻣﻪﺭﻛﻪﺯﻟﯩﻚ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﯩﻨﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ، ﺩﻩﭖ ﺋﺎﺗﯩﺴﺎ، ﺧﯩﺘﺎﻳﻼﺭ ﺑﯘ ﺭﺍﻳﯘﻧﻨﻰ ﻳﯧﯖﻰ ﺗﯧﺮﺭﯨﺘﻮﺭﯨﻴﻪ ﻣﻪﻧﯩﺴﯩﺪﯨﻜﻰ ﺷﯩﻨﺠﺎﯓ ﺩﯦﮕﻪﻥ ﺋﯩﺴﯩﻢ ﺑﯩﻠﻪﻥ ﺋﺎﺗﺎﻳﺪﯗ. ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺑﯘ ﺭﺍﻳﻮﻧﻐﺎ ﺩﺍﯞﺍﻣﻠﯩﻖ ﯞﻩ ﻛﻪﯓ ﻛﯚﻟﻪﻣﺪﻩ ﻛﯚﭼﯜﭖ ﻛﯧﻠﯩﯟﻩﺭﮔﻪﻧﻠﯩﻜﺘﯩﻦ، ﺋﯘﻳﻐﯘﺭﻻﺭ ﺑﯘ ﺭﺍﻳﻮﻧﺪﯨﻜﻰ 18 ﻣﯩﻠﻴﻮﻧﻠﯘﻕ ﻧﻮﭘﯘﺳﻨﯩﯔ 45% ﻧﯩﻼ ﺋﯩﮕﯩﻠﻪﻳﺪﯨﻐﺎﻥ ﻫﺎﻟﻐﺎ ﭼﯜﺷﯜﭖ ﻗﺎﻟﺪﻯ"، ﺩﻩﻳﺪﯗ.

ﻣﺎﻗﺎﻟﻪ ﺋﺎﭘﺘﻮﺭﻯ ﺧﯩﺘﺎﻱ ﺩﺍﺋﯩﺮﻟﯩﺮﯨﻨﯩﯔ ﭘﺎﻣﯩﺮ ﺋﯩﮕﯩﺰﻟﯩﻜﯩﮕﻪ ﺟﺎﻳﻼﺷﻘﺎﻥ ﺋﺎﻗﺘﯘ ﻧﺎﻫﯩﻴﯩﺴﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻧﯩﯔ ﺧﺎﺭﺍﻛﺘﯧﺮﯨﻨﻰ ﺑﯘﺭﻣﯩﻼﯞﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ:

"ﺧﯩﺘﺎﻳﻨﯩﯔ ﻫﯚﻛﯜﻣﻪﺕ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺋﺎﻝ-ﻗﺎﺋﯩﺪﻩ ﺑﯩﻠﻪﻥ ﺷﻪﺭﻗﻰ ﺗﯘﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﺑﯘ ﺭﺍﻳﻮﻧﻐﺎ "ﻗﻮﻝ ﺗﯩﻘﯩﯟﺍﺗﻘﺎﻧﻠﯩﻘﻰ" ﺩﯨﻦ ﺑﯩﺸﺎﺭﻩﺕ ﺑﻪﺭﻣﻪﻛﺘﻪ، ﺋﺎﻣﻤﺎ ﺋﯘﻻﺭ ﺋﯘﻳﻐﯘﺭﻻﺭﻧﯩﯔ ﺋﯚﺯ ﺯﯦﻤﯩﻨﯩﺪﻩ ﻧﯧﻤﻪ ﺋﯜﭼﯜﻥ ﺑﯘﻧﺪﺍﻕ ﺑﯩﺮ ﻳﺎﺭﺩﻩﻣﮕﻪ ﺋﯧﻬﺘﯩﻴﺎﺟﻰ ﺑﺎﺭﻟﯩﻘﯩﻨﻰ ﺗﯩﻠﻐﺎ ﺋﺎﻟﻤﯩﺪﻯ. 1990-ﻳﯩﻠﻰ ﺋﺎﻗﺘﯘ ﻧﺎﻫﯩﻴﯩﺴﯩﺪﻩ ﺯﻩﻳﺪﯨﻦ ﻳﯜﺳﯜﭖ ﺑﺎﺷﭽﯩﻠﯩﻘﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﻛﯚﺗﯜﺭﯛﻟﮕﻪﻥ ﻗﻮﺭﺍﻟﻠﯩﻖ ﻗﻮﺯﻏﯩﻼﯕﺪﯨﻤﯘ 50 ﻧﻪﭘﻪﺭ ﻗﻮﺯﻏﯩﻼﯕﭽﻰ ﺋﯚﻟﺘﯜﺭﯛﻟﮕﻪﻧﯩﺪﻯ"، ﺩﻩﻳﺪﯗ.

ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﺋﻪﻳﯩﺒﻠﻪﺷﻠﯩﺮﻯ ﺋﺎﺳﺎﺳﺴﯩﺰ

ﻣﺎﻗﺎﻟﻪ ﺋﺎﭘﺘﻮﺭﻯ ﺋﯩﺴﻼﻣﻨﯩﯔ ﺳﯜﻧﻨﯩﻲ ﻣﻪﺯﻫﯩﭙﯩﮕﻪ ﺗﻪﯞﻩ ﺑﻮﻟﻐﺎﻥ ﺋﯘﻳﻐﯘﺭﻻﺭﻧﯩﯔ، ﯞﺍﻫﺎﺑﻰ ﺋﯩﺪﯦﺌﻮﻟﻮﮔﯩﻴﻪﺳﯩﺪﯨﻜﻰ ﺋﺎﻝ-ﻗﺎﺋﯩﺪﻩ ﺑﯩﻠﻪﻥ ﻳﯧﻘﯩﻨﭽﯩﻠﯩﻘﻰ ﻳﻮﻗﻠﯩﻘﯩﻨﻰ، ﺑﻪﺯﻯ ﺋﯘﻳﻐﯘﺭﻻﺭ ﺋﺎﻓﻐﺎﻧﯩﺴﺘﺎﻧﺪﺍ ﻣﻪﺷﯩﻖ ﺋﯧﻠﯩﭗ ﺑﺎﺭﻏﺎﻥ ﺑﻮﻟﺴﯩﻤﯘ، ﺋﯘﻻﺭﻧﯩﯔ ﺑﯩﻦ ﻻﺩﯨﻦ ﺋﺎﻣﯧﺮﯨﻜﯩﻐﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﺟﯩﻬﺎﺗﻘﺎ ﺋﻪﻣﻪﺱ، ﺑﻪﻟﻜﻰ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﻣﯘﺳﺘﻪﻗﯩﻠﻠﯩﻖ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﻳﺎﺯﯨﺪﯗ. ﺋﯘ ﻣﺎﻗﺎﻟﯩﺴﯩﺪﻩ ﻳﻪﻧﻪ ﺑﻪﺯﻯ ﺋﯘﻳﻐﯘﺭﻻﺭﻧﯩﯔ ﭘﺎﻛﯩﺴﺘﺎﻥ ﻫﻪﺭﺑﻰ ﺋﯩﺴﺘﯩﻐﺒﺎﺭﺍﺗﻰ (Inter-Services Intelligence) ﺗﻪﺭﯨﭙﯩﺪﯨﻦ ﺗﻪﺭﺑﯩﻴﻪﻟﻪﻧﮕﻪﻧﻠﯩﻜﯩﻨﯩﻤﯘ ﺗﯩﻠﻐﺎ ﺋﺎﻟﯩﺪﯗ. ﺋﺎﻣﻤﺎ ﺋﯘ ﭘﺎﻛﯩﺴﺘﺎﻧﻨﯩﯔ ﺑﯘ ﺋﯘﻳﻐﯘﺭﻻﺭﻧﻰ ﻧﯩﻤﻪ ﻣﻪﻗﺴﻪﺗﺘﻪ ﺗﻪﺭﺑﯩﻴﯩﻠﯩﮕﻪﻧﻠﯩﻜﯩﻨﻰ ﺋﻪﺳﻜﻪﺭﺗﻤﻪﻳﺪﯗ.

ﺋﯘ 11-ﺳﯩﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﻠﯩﺮﯨﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ، ﺋﯘﻳﻐﯘﺭﻻﺭﻧﯩﯔ ﺋﺎﻓﻐﺎﻧﯩﺴﺘﺎﻧﺪﺍ ﺗﻪﻟﯩﻢ ﺋﺎﻟﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ، ﺑﯩﺮ ﺑﯩﺮﯨﮕﻪ ﺯﯨﺖ ﺳﺎﻥ- ﺳﯧﻔﯩﺮﻻﺭﻧﯩﯔ ﻛﯚﭘﺘﯜﺭﯛﻟﻤﻪ ﯞﻩ ﺋﯘﻧﯩﯔ ﭘﺎﻛﯩﺖ ﺋﺎﺳﺎﺳﯩﻨﯩﯔ ﮔﯘﻣﺎﻧﻠﯩﻖ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﭗ:

"ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩﻭﻛﻼﺗﯩﺪﺍ ﻫﻪﺳﻪﻥ ﻣﻪﺧﺴﯘﻣﻨﯩﯔ ﺋﻮﺳﺎﻣﺎ ﺑﯩﻦ ﻻﺩﯨﻦ ﺑﯩﻠﻪﻥ 1999-ﻳﯩﻠﻰ ﻛﯚﺭﯛﺷﻜﻪﻧﻠﯩﻜﻰ ﯞﻩ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﻛﯩﺘﻰ ﺗﻪﺷﻜﯩﻼﺗﯩﻨﯩﯔ ﺋﺎﻝ-ﻗﺎﺋﯩﺪﻩﻧﯩﯔ ﻳﺎﺭﺩﯨﻤﯩﮕﻪ ﺋﯧﺮﯨﺸﻜﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺗﻪﺷﻜﯩﻼﺗﻨﯩﯔ ﺭﻩﻫﺒﯩﺮﻯ ﺑﻮﻟﻐﺎﻥ ﻫﻪﺳﻪﻥ ﻣﻪﺧﺴﯘﻡ ﺋﯘﻻﺭ ﺑﯩﻠﻪﻥ ﻫﯧﭽﻘﺎﻧﺪﺍﻕ ﺋﺎﻻﻗﯩﺴﻰ ﻳﻮﻗﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺧﯩﺘﺎﻳﻨﯩﯔ ﺋﻪﻳﯩﺒﻠﻪﺷﻠﯩﺮﯨﻨﻰ ﺭﻩﺕ ﻗﯩﻠﻐﺎﻧﯩﺪﻯ"، ﺩﻩﭖ ﻳﺎﺯﯨﺪﯗ. ﺋﯘ ﻳﻪﻧﻪ ﻫﻪﺳﻪﻥ ﻣﻪﺧﺴﯘﻣﻨﯩﯔ 2003-ﻳﯩﻠﻰ 10-ﺋﺎﻳﺪﺍ ﭘﺎﻛﯩﺴﺘﺎﻥ ﺋﺎﺭﻣﯩﻴﯩﺴﻰ ﺗﻪﺭﯨﭙﯩﺪﯨﻦ ﺋﻪﺗﯩﭗ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺗﯩﻠﻐﺎ ﺋﺎﻟﯩﺪﯗ.

ﺧﯩﺘﺎﻱ ﺋﯘﻳﻐﯘﺭﻻﺭﻧﻰ ﺗﯧﺮﺭﻭﺭﭼﻰ ﻗﯩﻠﯩﭗ ﻛﯚﺭﺳﯩﺘﯩﺸﻜﻪ ﺋﯘﺭﯗﻧﻤﺎﻗﺘﺎ

ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺗﭽﯩﺴﻰ ﺑﻮﻟﻐﺎﻥ Andrew McGregor ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﺗﯧﺮﺭﻭﺭﭼﻰ ﺗﻪﺷﻜﯩﻼﺕ ﺗﯩﺰﯨﻤﻠﯩﻜﯩﮕﻪ ﻛﯩﺮﯨﭗ ﻗﯩﻠﯩﺶ ﺳﻪﯞﻩﺑﻠﯩﺮﯨﻨﻰ ﺗﻮﻧﯘﺷﺘﯘﺭﯗﭖ:

"2002-ﻳﯩﻠﻰ ﺋﺎﯞﻏﯘﺳﺘﺘﺎ ﺋﺎﻣﯧﺮﯨﻜﺎ ﻗﻮﺷﻤﺎ ﺷﺘﺎﺗﻠﯩﺮﻯ ﺧﯩﺘﺎﻳﻨﯩﯔ ﺑﯧﺴﯩﻤﻰ ﺑﯩﻠﻪﻥ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﺘﯩﻨﻰ ﺗﯧﺮﺭﻭﺭﭼﻰ ﺗﻪﺷﻜﯩﻼﺕ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﺩﻯ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﯩﯖﻐﺎ ﻣﯘﻧﺎﺳﯩﭗ ﻫﺎﻟﺪﺍ، ﺋﯩﺮﺍﻧﻐﺎ ﺋﻮﺧﺸﺎﺵ ﺩﯙﻟﻪﺗﻠﻪﺭﻧﻰ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﺗﯧﺨﻨﯩﻜﯩﺴﻰ ﺑﯩﻠﻪﻥ ﺗﻪﻣﯩﻨﻠﯩﻤﻪﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﺩﻯ. ﺑﯩﺮ ﺋﺎﻳﺪﯨﻦ ﻛﯧﻴﯩﻦ BDT ﻣﯘ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﺘﯩﻨﻰ ﺗﯧﺮﺭﻭﺭﭼﻰ ﺗﻪﺷﻜﯩﻼﺗﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﺩﻯ. ﺧﯩﺘﺎﻱ ﻳﻪﻧﻪ 4 ﺋﯘﻳﻐﯘﺭ ﺗﻪﺷﻜﯩﻼﺗﯩﻨﯩﻤﯘ ﺗﯧﺮﺭﻭﺭﭼﻰ ﺗﻪﺷﻜﯩﻼﺕ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﻣﻪﻛﭽﻰ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﺎﻣﻤﺎ ﺧﻪﻟﻘﺌﺎﺭﺍﻧﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﻪﻟﻤﯩﺪﻯ"، ﺩﻩﻳﺪﯗ.

ﻣﺎﻗﺎﻟﻪ ﺋﺎﭘﺘﻮﺭﻯ ﺧﯩﺘﺎﻳﻨﯩﯔ ﺋﯘﻳﻐﯘﺭﻻﺭﻧﻰ ﺧﻪﻟﻘﺌﺎﺭﺍﻏﺎ ﺗﯧﺮﺭﻭﺭﭼﻰ ﻗﯩﻠﯩﭗ ﻛﯚﺭﺳﯩﺘﯩﺸﻜﻪ ﺋﯘﺭﯗﻧﯩﯟﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ:

ﺑﯧﻴﺠﯩﯔ ﺋﯘﻳﻐﯘﺭﻻﺭﻧﯩﯔ 2008-ﻳﯩﻠﯩﺪﯨﻜﻰ ﺋﻮﻟﯩﻤﭙﯩﻚ ﻣﻪﺯﮔﯩﻠﯩﺪﻩ ﺗﯧﺮﺭﻭﺭﻟﯘﻕ ﻫﻪﺭﯨﻜﻪﺗﻠﯩﺮﻯ ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ. ﺋﯘﻻﺭﻧﯩﯔ ﺑﯘ ﺧﯩﻞ ﺋﯘﻳﯘﻧﻨﻰ ﺋﻮﻳﻨﯩﺸﯩﺪﯨﻜﻰ ﻣﻪﻗﺴﯩﺘﻰ ﭼﻪﺗﺌﻪﻟﻠﯩﻚ ﺯﯨﻴﺎﺭﻩﺗﭽﯩﻠﻪﺭﻧﯩﯔ ﻣﯘﺳﺘﻪﻗﯩﻠﻠﯩﻘﻨﻰ ﺗﻪﺷﻪﺑﺒﯘﺱ ﻗﯩﻠﯩﺪﯨﻐﺎﻥ ﺋﯘﻳﻐﯘﺭ ﺭﺍﻳﻮﻧﯩﻐﺎ ﺑﯧﺮﯨﺸﯩﻨﻰ ﺗﻮﺳﯘﺵ"، ﺩﻩﻳﺪﯗ.

ﺋﯘ ﻣﺎﻗﺎﻟﯩﺴﯩﺪﺍ ﻳﻪﻧﻪ ﺩﯙﻟﻪﺕ ﻫﺎﻟﻘﯩﻐﺎﻥ ﺗﻪﺷﻜﯩﻼﺕ - ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﻗﯘﺭﯗﻟﯘﺵ ﻣﺎﻫﯩﻴﯩﺘﻰ ﯞﻩ ﺧﯩﺘﺎﻳﻨﯩﯔ ﺑﯘ ﺗﻪﺷﻜﯩﻼﺕ ﺋﺎﺭﻗﯩﻠﯩﻖ، ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﭼﻪﻛﻠﯩﮕﻪﻧﻠﯩﻜﻰ ﻗﺎﺗﺎﺭﻟﯩﻘﻼﺭﻧﻰ ﺋﻪﺳﻜﻪﺭﺗﯩﭗ:

"90-ﻳﯩﻠﻼﺭﻧﯩﯔ ﺑﺎﺷﻠﯩﺮﯨﺪﺍ ﺗﯜﺭﻛﯩﻲ ﺗﯩﻠﺪﺍ ﺳﯚﺯﻟﯩﺸﯩﺪﯨﻐﺎﻥ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺩﯙﻟﻪﺗﻠﯩﺮﯨﺪﻩ ﭘﺎﻥ ﺗﯘﺭﻛﯩﺰﻡ ﻗﯩﺴﻘﺎ ﯞﺍﻗﯩﺖ ﻣﻮﺩﯨﻐﺎ ﺋﺎﻳﻼﻧﻐﺎﻧﯩﺪﻯ. 21-ﺋﻪﺳﯩﺮﻧﯩﯔ ﻛﯩﺮﯨﺸﻰ ﺑﯩﻠﻪﻥ ﺋﯘﻻﺭ ﺭﯦﺌﺎﻟﻠﯩﻘﻘﺎ ﻳﯜﺯﻟﻪﻧﺪﻯ،، ﺋﯘﻳﻐﯘﺭ ﺭﺍﻳﯘﻧﯩﺪﺍ ﭘﺎﻥ ﺋﯩﺴﻼﻣﯩﺰﯨﻤﻠﯩﻖ ﻫﯧﺴﺴﯩﻴﺎﺕ ﻣﻪﯞﺟﯘﺕ ﺑﻮﻟﺴﯩﻤﯘ، ﺑﯘ ﻗﺎﺭﺍﺵ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﺋﺎﺭﯨﺴﯩﺪﺍ ﺋﯜﺳﺘﯜﻧﻠﯜﻛﻨﻰ ﺋﯩﮕﻪﻟﻠﯩﻴﻪﻟﻤﯩﺪﻯ"، ﺩﻩﭖ ﻳﺎﺯﯨﺪﯗ.

ﺋﯘﻳﻐﯘﺭ ﺋﻪﻣﻪﻟﺪﺍﺭﻻﺭ ﻗﻮﺭﭼﺎﻕ

Andrew McGregor ﺋﯩﺸﺴﯩﺰﻟﯩﻖ، ﺩﯨﻨﯩﻲ ﺑﯧﺴﯩﻢ ﯞﻩ ﺋﺎﺳﺴﯩﻤﯩﻠﻴﺎﺗﺴﯩﻴﻪﻟﻪﺭﻧﯩﯔ ﺋﯘﻳﻐﯘﺭﻻﺭﻧﯩﯔ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﻰ ﻛﯜﭼﻪﻳﺘﯩﯟﻩﺗﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﭗ:

"ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﯘﻧﻠﯘﻕ ﻫﯚﻛﯜﻣﻪﺕ (which includes nominally Muslim Uyghurs. ﺑﯘﻧﯩﯔ ﺋﯩﭽﯩﺪﻩ ﺋﯩﺴﻤﻰ ﺑﺎﺭ ﺋﺎﻣﻤﺎ ﻫﯧﺴﺎﺑﺘﺎ ﻳﻮﻕ ﺋﯘﻳﻐﯘﺭ ﺋﻪﻣﻪﻟﺪﺍﺭﻟﯩﺮﻯ ﺑﻮﻟﺴﯩﻤﯘ) ﻛﻪ ﻗﺎﺭﯨﻐﺎﻧﺪﺍ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﻰ ﻛﻮﻣﯩﺘﯧﺘﻰ ﺑﯘ ﺭﺍﻳﻮﻧﺪﺍ ﺳﯩﻴﺎﺳﻰ ﺟﻪﻫﻪﺗﺘﻪ ﻫﯚﻛﯜﻣﺮﺍﻥ ﺋﻮﺭﯗﻧﺪﺍ ﺗﯘﺭﯨﺪﯗ. ﺑﯘﻻﺭ ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﻛﻮﻧﺘﺮﻭﻝ ﻗﯩﻠﯩﻨﯩﺪﯗ" ، ﺩﻩﻳﺪﯗ.

ﺋﯘ ﺧﯘ ﺟﯩﻨﺘﺎﯞﻧﯩﯔ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﻨﯩﯔ ﺋﯘﻳﻐﯘﺭ ﺭﺍﻳﯘﻧﻰ ﺑﯩﻠﻪﻥ ﺗﯩﺒﻪﺗﺘﯩﻜﻰ ﻣﯘﺗﻠﻪﻕ ﻫﯚﻛﯜﻣﺮﺍﻧﻠﯩﻘﯩﻨﻰ ﺗﯧﺨﯩﻤﯘ ﻛﯜﭼﻪﻳﺘﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﺪﯗ.

ﻛﺎﻧﺎﺩﺍ Aberfoyle ﺧﻪﻟﻘﺌﺎﺭﺍ ﺧﻪﯞﻩﭘﺴﯩﺰﻟﯩﻚ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﻣﻪﺳﺌﯘﻟﻰ ﺑﻮﻟﻐﺎﻥ Andrew McGregor ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﯨﻜﻰ ﺋﺎﺗﺎﻟﻤﯩﺶ ﺗﯧﺮﺭﻭﺭﻟﯘﻕ ﯞﻩ ﺯﻭﺭﺍﯞﺍﻧﻠﯩﻖ ﻫﻪﺭﯨﻜﻪﺗﻠﻪﺭﻧﯩﯔ ﺋﺎﺯﯨﻴﯩﯟﺍﻧﻠﯩﻘﯩﻨﻰ ﺗﻪﻛﯩﺘﻠﯩﺴﯩﻤﯘ، ﺋﺎﻣﻤﺎ ﺧﯩﺘﺎﻱ ﻗﻮﺭﺍﻟﻠﯩﻖ ﻛﯜﭼﻠﯩﺮﯨﻨﯩﯔ ﻗﻪﺭﻩﻟﻠﯩﻚ ﺗﯜﺭﺩﻩ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﯩﯔ ﻛﯩﺸﯩﻠﻪﺭﻧﻰ ﮔﺎﯕﮕﯩﺮﯨﺘﯩﭗ ﻗﻮﻳﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﭗ:

"ﺧﯩﺘﺎﻱ ﺩﺍﺋﯩﺮﻟﯩﺮﻯ ﻗﺎﺭﺷﻠﯩﻖ ﻛﯚﺭﺳﻪﺗﻜﯜﭼﻰ ﺋﯘﻳﻐﯘﺭﻻﺭﻧﻰ ﺭﻩﻫﯩﻤﺴﯩﺰﻟﯩﻚ ﺑﯩﻠﻪﻥ ﺑﺎﺳﺘﯘﺭﯗﺵ ﺋﺎﺭﻗﯩﻠﯩﻖ، ﻳﺎﺷﻼﺭﻏﺎ ﺧﯩﺘﺎﻱ ﻣﻪﺩﻩﻧﯩﻴﯩﺘﯩﮕﻪ ﺳﯩﯖﯩﭗ ﻛﯧﺘﯩﺸﻨﯩﯔ ﺑﯩﺮﺩﯨﻦ ﺑﯩﺮ ﺗﻮﻏﺮﺍ ﻳﻮﻝ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﺩﻩﺭﺱ ﺑﻪﺭﻣﻪﻛﭽﻰ. ﺑﯧﻴﺠﯩﯖﻨﯩﯔ ﺋﯩﺨﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻰ ﯞﻩ ﺧﯩﺘﺎﻱ ﻛﯚﭼﻤﻪﻧﻠﯩﺮﻯ ﺋﺎﺧﯩﺮﻗﻰ ﻫﯧﺴﺎﺑﺘﺎ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﺋﯜﭼﯜﻥ ﺋﺎﯞﺍﺭﯨﭽﯩﻠﯩﻖ ﺗﯘﻏﺪﯗﺭﯨﺪﯗ"، ﺩﻩﻳﺪﯗ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻏﺎ ﺭﻩﻫﯩﻢ ﻗﯩﻠﻤﺎﻳﺪﯗ

ﻛﺎﻧﺎﺩﺍﻟﯩﻖ ﺗﻪﺗﻘﯩﻘﺎﺗﭽﻰ ﻣﺎﻗﺎﻟﯩﺴﯩﻨﯩﯔ ﺋﺎﺧﯩﺮﯨﺪﺍ ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ، ﺩﯗﻧﻴﺎ ﺧﯩﺘﺎﻳﻐﺎ ﻛﯚﺯ ﺗﯩﻜﯩﯟﺍﺗﻘﺎﻥ ﻣﻪﺯﮔﯩﻠﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﻧﯩﯔ، ﺑﯧﻴﺠﯩﯖﻨﯩﯔ ﺋﻮﺑﺮﺍﺯﯨﻨﻰ ﺗﯧﺨﯩﻤﯘ ﺧﯘﻧﯩﻜﻠﻪﺷﺘﯜﺭﯨﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ:

"ﻗﺎﻧﯘﻧﺴﯩﺰ ﻛﺎﻥ ﺋﯧﭽﯩﺶ ﻫﻪﺭﯨﻜﻪﺗﻠﯩﺮﯨﮕﻪ ﺯﻩﺭﺑﻪ ﺑﯧﺮﯨﺸﻨﻰ ﺗﯧﺮﺭﻭﺭﯨﺰﯨﻤﻐﺎ ﻗﺎﺭﺷﻰ ﺳﯩﻴﺎﺳﻰ ﻫﻪﺭﯨﻜﻪﺕ ﻗﯩﻠﯩﭗ ﺑﯘﺭﻣﯩﻼﭖ ﻛﯚﺭﺳﯩﺘﯩﻠﮕﻪﻥ ﺑﻮﻟﯩﺸﻰ ﻣﯜﻣﻜﯩﻨﻤﯘ؟ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﻛﯜﭼﻠﯩﺮﻯ ﺑﯘ ﻫﯘﺟﯘﻣﻨﯩﯔ ﺗﻪﭘﺴﯩﻼﺗﯩﻨﻰ ﺋﺎﺷﻜﺎﺭﯨﻠﯩﻐﯩﻨﻰ ﻳﻮﻕ. ﺧﯩﺘﺎﻳﺪﺍ ﻗﺎﻧﯘﻧﺴﯩﺰ ﻳﻮﻝ ﺑﯩﻠﻪﻥ ﻛﺎﻥ ﺋﯧﭽﯩﺶ ﺋﻮﻣﯘﻣﯩﻴﯜﺯﻟﯜﻙ ﺋﻪﻫﯟﺍﻝ. ﭘﺎﺭﺗﯩﻼﺗﻘﯘﭼﻰ ﺩﻭﺭﯨﻼﺭﻧﻰ ﺑﻮﻟﺴﺎ ﺋﺎﺩﻩﺗﺘﻪ ﻛﺎﻥ ﺋﺎﭼﻘﯘﭼﯩﻼﺭ ﺋﯩﺸﻠﯩﺘﯩﺪﯗ. ﻫﯘﺟﯘﻣﺪﺍ ﺋﯚﻟﮕﻪﻥ ﺋﯘﻳﻐﯘﺭﻻﺭ ﺳﺎﻧﯩﻨﯩﯔ ﻛﯚﭖ ﺑﻮﻟﯩﺸﻰ، ﺑﯧﻴﺠﯩﯖﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻳﯧﻘﯩﻨﻠﯩﺸﯩﯟﺍﺗﻘﺎﻥ ﻣﻪﺯﮔﯩﻠﺪﻩ، ﺋﯘﻳﻐﯘﺭﻻﺭﻧﯩﯔ ﻫﻪﺭﻗﺎﻧﺪﺍﻕ ﺷﻪﻛﯩﻠﺪﯨﻜﻰ ﻣﯘﺳﺘﻪﻗﯩﻠﻠﯩﻖ ﻫﻪﺭﻛﻪﺗﻠﯩﺮﯨﮕﻪ ﺗﺎﻗﻪﺕ ﻗﯩﻠﯩﭗ ﺗﯘﺭﺍﻟﻤﺎﻳﺪﯨﻐﺎﻧﻠﯩﻘﯩﻨﻰ ﻛﯩﺸﯩﻠﻪﺭﻧﯩﯔ ﺳﻪﻣﯩﮕﻪ ﺳﺎﻟﯩﺪﯗ، ﺩﻩﭖ ﻳﺎﺯﯨﺪﯗ. (ﻛﺎﻣﯩﻞ ﺗﯘﺭﺳﯘﻥ)