ﺳﺎﻳﺎﻫﻪﺗﭽﯩﻠﻪﺭ ﺗﻪﯕﺮﯨﺘﯧﻐﯩﻨﯩﯔ ﻣﯘﺯ ﭼﻮﻗﻘﯩﻠﯩﺮﯨﻨﯩﻤﯘ ﺋﻪﺧﻠﻪﺗﺨﺎﻧﯩﻐﺎ ﺋﺎﻳﻼﻧﺪﯗﺭﻣﺎﻗﺘﺎ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﮭﺮﻩﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺋﯜﺭﯛﻣﭽﯩﻨﯩﯔ ﺩﻩﻝ ﺷﻪﺭﻗﯩﮕﻪ ﻧﻪﺯﻩﺭ ﺳﺎﻟﺴﺎﻕ ﻗﯩﺸﻤﯘ ﻳﺎﺯ ﺋﺎﻕ ﻗﺎﺭ ﺑﯩﻠﻪﻥ ﻗﺎﭘﻠﯩﻨﯩﭗ ﺗﯘﺭﯨﺪﯨﻐﺎﻥ، ﻫﻪﻳﯟﻩﺗﻠﯩﻚ ﺑﯘﻏﺪﺍ ﭼﻮﻗﻘﯩﻠﯩﺮﻯ ﻛﯚﺭﯛﻧﯜﭖ ﺗﯘﺭﯨﺪﯗ. ﻗﺎﺭﯨﻤﺎﻗﻘﺎ ﺋﯘ ﺋﺎﺩﻩﻡ ﺋﺎﻳﯩﻐﻰ ﺑﺎﺳﻤﯩﻐﺎﻥ، ﺑﯘﻟﻐﺎﻧﻤﯩﻐﺎﻥ، ﺧﺎﺗﯩﺮﺟﻪﻡ ﺋﯘﺧﻼﭖ ﻳﺎﺗﻘﺎﻧﺪﻩﻙ ﻛﯚﺭﯛﻧﺴﯩﻤﯘ ﺋﻪﻣﻤﺎ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺷﯩﺪﺩﻩﺕ ﺑﯩﻠﻪﻥ ﻛﯧﻠﯩﯟﺍﺗﻘﺎﻥ ﺳﺎﻳﺎﻫﻪﺗﭽﯩﻠﻪﺭ، ﺗﻪﻟﯟﻩ ﻗﯩﺰﯨﻘﻘﯘﭼﯩﻼﺭ ﻣﺎﻧﺎ ﺑﯘ ﺩﯦﯖﯩﺰ ﻳﯜﺯﯨﺪﯨﻦ ﺗﯚﺕ ﻣﯩﯔ ﻣﯧﺘﯩﺮ ﺋﯧﮕﯩﺰﻟﯩﻜﺘﯩﻜﻰ ﻗﺎﺭﻟﯩﻖ ﭼﻮﻗﻘﯩﻼﺭﻧﯩﯖﻤﯘ ﺟﯩﻤﺠﯩﺘﻠﯩﻘﯩﻨﻰ ﺑﯘﺯﺩﻯ. ﺟﯩﻤﺠﯩﺘﻠﯩﻘﯩﻨﯩﻼ ﺋﻪﻣﻪﺱ ﻣﯘﻫﯩﻤﻰ ﺋﯘﻧﯩﯔ ﺋﻪﺳﻠﻰ ﻗﯩﻴﺎﭘﯩﺘﻰ، ﺳﺎﭖ ﻣﯘﻫﯩﺘﻰ، ﭘﺎﻙ ﺧﯩﺴﻠﯩﺘﯩﻨﻰ ﻧﺎﺑﯘﺕ ﻗﯩﻠﻤﺎﻗﺘﺎ.

ﭘﯩﻼﻧﺴﯩﺰ ﺳﺎﻳﺎﻫﻪﺗﭽﯩﻠﯩﻚ ﯞﻩ ﺳﺎﭘﺎﺳﯩﺰ ﺳﺎﻳﺎﻫﻪﺗﭽﯩﻠﻪﺭ ﻣﯘﻫﯩﺘﻨﻰ ﺑﯘﻟﻐﯩﻤﺎﻗﺘﺎ

ﺑﯘﻏﺪﺍ ﺗﯧﯖﻰ ﻫﻪﻳﯟﻩﺗﻠﯩﻚ ﺗﻪﯕﺮﯨﺘﺎﻏﻠﯩﺮﯨﻨﯩﯔ ﺷﻪﺭﻗﯩﻲ ﺗﺎﻍ ﻗﯩﺴﯩﻤﻠﯩﺮﻯ ﻫﯧﺴﺎﺑﻠﯩﻨﯩﺪﯗ. ﺑﯘﻏﺪﺍ ﭼﻮﻗﻘﯩﻠﯩﺮﻯ ﺋﺎﺩﻩﺗﺘﻪ ﺩﯦﯖﯩﺰ ﻳﯜﺯﯨﺪﯨﻦ 4000 ﻣﯧﺘﯩﺮﺩﯨﻦ ﺋﯧﮕﯩﺰﻟﯩﻜﺘﻪ. ﺋﯘﻧﯩﯔ ﺷﯩﻤﺎﻟﯩﻲ ﺑﺎﻏﺮﯨﺪﺍ ﺋﯘﻧﯩﯔ ﻫﻪﻳﺌﻪﺗﻠﯩﻜﯩﮕﻪ ﮔﯜﺯﻩﻟﻠﯩﻚ ﻗﻮﺷﯘﭖ ﺗﯘﺭﻏﯘﭼﻰ ﺗﻪﯕﺮﻯ ﻛﯚﻟﻠﯩﺮﻯ ﺧﯘﺩﺩﻯ ﺋﺎﻟﺘﯘﻥ ﺋﯜﺯﯛﻛﻜﻪ ﻳﺎﻗﯘﺕ ﻛﯚﺯ ﻗﻮﻳﻐﺎﻧﺪﻩﻙ ﺗﻮﻟﯩﻤﯘ ﻳﺎﺭﺍﺷﻘﺎﻥ.

ﺑﯘﻏﺪﺍ ﭼﻮﻗﻘﯩﻠﯩﺮﻯ ﻫﻪﻣﺪﻩ ﺑﯘﻏﺪﺍ ﻛﯚﻟﻰ ﺳﺎﻳﺎﻫﻪﺕ ﺭﺍﻳﻮﻧﻰ ﻗﯩﻠﯩﭗ ﺋﯧﭽﯩﻠﻐﺎﻧﺪﯨﻦ ﺑﯘﻳﺎﻥ ﻣﯚﺟﯩﺰﯨﻠﯩﻚ ﮔﯜﺯﻩﻟﻠﯩﻜﻰ ﺑﯩﻠﻪﻥ ﺳﺎﻳﺎﻫﻪﺗﭽﯩﻠﻪﺭﻧﻰ ﺋﯚﺯﯨﮕﻪ ﺟﻪﻟﭗ ﻗﯩﻠﯩﭗ ﻛﻪﻟﮕﻪﻥ.

ﺋﯜﺭﯛﻣﭽﯩﻨﯩﯔ ﺷﻪﺭﻗﯩﮕﻪ ﻓﯘﻛﺎﯕﻨﯩﯔ ﺟﻪﻧﯘﺑﯩﻐﺎ ﺟﺎﻳﻼﺷﻘﺎﻥ ﺗﻪﯕﺮﻯ ﻛﯚﻟﻰ ﺳﺎﻳﺎﻫﻪﺕ ﺭﺍﻳﻮﻧﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﯓ ﻧﯘﻗﺘﯩﻠﯩﻖ ﺳﺎﻳﺎﻫﻪﺕ ﺋﻮﺭﯗﻧﻠﯩﺮﯨﺪﯨﻦ ﺑﻮﻟﯘﭖ ﻛﻪﻟﻤﻪﻛﺘﻪ. ﺋﺎﺩﻩﺗﺘﻪ 20 ﻳﯜﺋﻪﻧﻠﯩﻚ ﺑﯧﻠﻪﺕ ﺑﯩﻠﻪﻧﻼ ﻫﻪﺭ ﻗﺎﻧﺪﺍﻕ ﺋﺎﺩﻩﻡ ﺑﯘﻏﺪﺍ ﭼﻮﻗﻘﯩﻠﯩﺮﯨﻐﺎ ﺋﯩﺨﺘﯩﻴﺎﺭﻯ ﺳﺎﻳﺎﻫﻪﺗﻜﻪ ﭼﯩﻘﺎﻻﻳﺪﯨﻜﻪﻥ. ﻓﯘﻛﺎﯓ ﺗﻮﺭ ﺑﯧﺘﯩﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ ﺑﯘ ﻳﯩﻞ 31 - ﺋﺎﯞﻏﯘﺳﺘﻘﯩﭽﻪ ﺑﯘﻏﺪﺍ ﻛﯚﻟﻰ ﺳﺎﻳﺎﻫﻪﺕ ﺋﻮﺭﯗﻧﻠﯩﺮﻯ ﺟﻪﻣﺌﯩﻲ 577 ﻣﯩﯔ ﺳﺎﻳﺎﻫﻪﺗﭽﻰ ﻛﯜﺗﯜﯞﺍﻟﻐﺎﻥ ﺑﻮﻟﯘﭖ، 53 ﻣﯩﻠﻴﻮﻥ ﻳﯜﺋﻪﻥ ﻛﯩﺮﯨﻢ ﻗﯩﻠﻐﺎﻥ. ﺑﯘﻏﺪﺍ ﺳﺎﻳﺎﻫﻪﺕ ﺭﺍﻳﻮﻧﯩﻨﯩﯔ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﻛﯚﭖ ﺋﯩﻘﺘﯩﺴﺎﺩﯨﻲ ﻗﯩﻤﻤﻪﺕ ﻳﺎﺭﯨﺘﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ، ﺑﯘ ﺟﺎﻳﻨﯩﯔ ﺗﺎﺯﯨﻠﯩﻖ ﻣﯘﻫﯩﺖ ﺋﺎﺳﺮﺍﺵ ﺋﻪﺳﻠﯩﻬﻪﻟﯩﺮﻯ ﯞﻩ ﺗﯜﺯﯛﻟﻤﯩﻠﯩﺮﻯ ﻧﺎﻫﺎﻳﯩﺘﻰ ﻛﻪﻣﭽﯩﻞ ﺑﻮﻟﯘﭖ ﻛﻪﻟﻤﻪﻛﺘﻪ.

ﺋﯚﺗﻜﻪﻥ ﻳﯩﻠﻰ ﺋﯩﻴﯘﻧﺪﺍ ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﺪﻩ ﺑﯘﻏﺪﺍ ﭼﻮﻗﻘﯩﺴﯩﺪﯨﻦ 6 - ﺗﻮﻧﻨﺎ ﺋﻪﺗﺮﺍﭘﯩﺪﺍ ﺳﺎﻳﺎﻫﻪﺗﭽﯩﻠﻪﺭ ﺗﺎﺷﻠﯩﻐﺎﻥ ﺋﻪﺧﻠﻪﺗﻠﻪﺭ ﺑﺎﻳﻘﺎﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﻪﯞﻩﺭ ﺋﯧﻼﻥ ﻗﯩﻠﻐﺎﻥ ﺋﯩﺪﻯ. ﮔﻪﺭﭼﻪ ﺋﯘ ﻧﯚﯞﻩﺕ ﺑﯘ ﺋﻪﺧﻠﻪﺗﻠﻪﺭﻧﯩﯔ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﯗﻧﻼﺭ ﯞﻩ ﺑﻪﺯﻯ ﺧﺎﻟﯩﺲ ﻛﯩﺸﯩﻠﻪﺭﻧﯩﯔ ﻳﺎﺭﺩﯨﻤﻰ ﺑﯩﻠﻪﻥ ﺗﺎﺯﯨﻼﻧﻐﺎﻧﻠﯩﻘﻰ ﻗﻪﻳﺖ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ ﺋﻪﻣﻤﺎ، ﺋﯘﻧﯩﯖﺪﯨﻦ ﻛﯧﻴﯩﻦ ﺑﯘﻏﺪﺍ ﺋﯧﺘﻪﻛﻠﯩﺮﻯ ﻫﻪﺗﺘﺎ ﻣﯘﺯ ﭼﻮﻗﻘﯩﻠﯩﺮﯨﺪﯨﻜﻰ ﻣﯘﻫﯩﺖ ﺑﯘﻟﻐﯩﻨﯩﺶ ﻳﻪﻧﻪ ﺩﺍﯞﺍﻣﻼﺷﻤﺎﻗﺘﺎ ﺋﯩﻜﻪﻥ.

ﻳﯧﻘﯩﻨﺪﺍ ﻳﻪﻧﻪ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻣﯘﻫﯩﺖ ﻗﻮﻏﺪﺍﺵ ﺋﯩﺪﺍﺭﯨﺴﻰ، ﺳﯘ ﺋﯩﺸﻠﯩﺮﻯ ﺋﯩﺪﺍﺭﯨﺴﻰ ﻗﺎﺗﺎﺭﻟﯩﻖ ﺋﻮﺭﮔﺎﻧﻼﺭ، 1 - ﻧﻮﻣﯘﺭﻟﯘﻕ ﻣﯘﺯ ﭼﻮﻗﻘﯩﻨﯩﯔ ﻣﯘﻫﯩﺖ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﯩﻨﻰ ﺗﻪﻛﺸﯜﺭﯛﺵ ﺟﻪﺭﻳﺎﻧﯩﺪﺍ ﻣﯘﺯ ﭼﻮﻗﻘﯩﺪﯨﻦ ﺋﯧﺮﯨﮕﻪﻥ ﺳﯘﻻﺭﺩﯨﻦ ﭘﻪﻳﺪﺍ ﺑﻮﻟﻐﺎﻥ، ﻛﯩﭽﯩﻚ ﺩﻩﺭﻳﺎﻧﯩﯔ ﺋﯩﻜﻜﻰ ﻛﯩﻠﻮﻣﯧﺘﯩﺮﻏﺎ ﻳﻪﺗﻤﯩﮕﻪﻥ ﺋﺎﺭﻟﯩﻘﯩﺪﯨﻼ، ﭼﻮﯓ ﺗﯩﭙﺘﯩﻜﻰ ﻣﻮﮔﯘ ﺗﯧﺮﯨﻠﻐﺎﻥ ﭘﺎﺭﻧﯩﻜﺘﯩﻦ 80 ﻧﻰ ﺑﺎﻳﻘﯩﻐﺎﻥ. ﺑﯘ ﭘﺎﺭﻧﯩﻜﻼﺭﻧﻰ ﻳﯩﮕﯩﺮﻣﯩﺪﻩﻙ ﺧﯩﺘﺎﻱ ﺋﺎﻗﻘﯘﻧﻠﯩﺮﻯ ﺑﺎﺷﻘﯘﺭﯗﯞﺍﺗﻘﺎﻥ ﺑﻮﻟﯘﭖ، ﺋﯘﻻﺭ ﭘﻪﻗﻪﺗﻼ ﻣﯘﺯﻟﯘﻕ ﭼﻮﻗﻘﯩﻼﺭﺩﺍ ﺋﯚﺳﯩﺪﯨﻐﺎﻥ ﻣﻮﮔﯘ ﭘﺎﺭﻧﯩﻜﻠﯩﺮﯨﻨﻰ ﻗﯘﺭﯗﺵ ﺟﻪﺭﻳﺎﻧﯩﺪﺍ، ﻣﯘﻫﯩﺖ ﺋﺎﺳﺮﺍﺵ ﯞﻩ ﺑﺎﺷﻘﺎ ﻣﯘﻧﺎﺳﯩﯟﻩﺗﻠﯩﻚ ﺋﻮﺭﮔﺎﻧﻼﺭﻧﯩﯔ ﺭﯗﺧﺴﯩﺘﯩﻨﻰ ﺋﺎﻟﻤﺎﻱ، ﻗﺎﻧﯘﻧﺴﯩﺰ ﻣﻪﺷﻐﯘﻻﺕ ﻗﯩﻠﻐﺎﻧﺪﯨﻦ ﺳﯩﺮﺕ، ﺗﯘﺭﻣﯘﺵ ﯞﻩ ﺋﯩﺸﻠﻪﭘﭽﯩﻘﯩﺮﯨﺶ ﺋﻪﺧﻠﻪﺗﻠﯩﺮﻯ ﺑﯩﻠﻪﻥ ﻣﯘﺯ ﭼﻮﻗﻘﯩﻨﯩﯔ ﻣﯘﻫﯩﺘﯩﻨﻰ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﯩﻐﺎﻥ.

ﻣﯘﻫﯩﺖ ﺋﯩﺪﺍﺭﯨﺴﻰ: ﻫﺎﺯﯨﺮﭼﻪ ﺳﺎﻳﺎﻫﻪﺗﭽﯩﻠﻪﺭﻧﻰ ﺗﻮﺳﯘﭖ ﻗﯧﻠﯩﺶ ﻣﯘﻣﻜﯩﻦ ﺋﻪﻣﻪﺱ، ﻛﯧﻠﻪﻱ ﻳﯩﻠﻰ ﺑﻪﻟﮕﯩﻠﯩﻤﻪ ﭼﯜﺷﯜﭖ ﻗﺎﻻﺭ

ﭼﺎﺭﺷﻪﻧﺒﻪ ﻛﯜﻧﻰ ﻳﻪﻧﻰ 1 - 3 ﺳﯧﻨﺘﻪﺑﯩﺮ ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺧﻪﻟﻖ ﯞﻩﻛﯩﻠﻠﯩﺮﻯ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﺋﯩﺸﻼﺭ ﻛﻮﻣﯩﺘﯧﺘﻰ ﺑﯘﻏﺪﺍ ﭼﻮﻗﻘﯩﻠﯩﺮﯨﻨﻰ ﺳﺎﻳﺎﻫﻪﺗﭽﯩﻠﻪﺭﮔﻪ ﺋﯧﭽﯩﺸﻨﻰ ﺗﻮﺧﺘﯩﺘﯩﺸﻨﻰ ﻛﯚﺭﺳﻪﺗﻜﻪﻥ. ﺑﯩﺰ ﺧﻪﻟﻖ ﯞﻩﻛﯩﻠﻠﯩﺮﻯ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﺋﯩﺸﻼﺭ ﻛﻮﻣﯩﺘﯧﺘﯩﻨﯩﯔ ﻣﻪﺯﻛﯘﺭ ﭘﯩﻜﯩﺮﻧﯩﯔ ﻗﺎﭼﺎﻧﺪﯨﻦ ﺑﺎﺷﻼﭖ ﻣﻪﺧﺴﯘﺱ ﺗﻪﺩﺑﯩﺮ ﺳﯜﭘﯩﺘﯩﺪﻩ ﻳﻮﻟﻐﺎ ﻗﻮﻳﯘﻟﯩﺪﯨﻐﺎﻧﻠﯩﻘﯩﻐﺎ ﺩﺍﺋﯩﺮ ﻣﻪﺳﯩﻠﯩﻠﻪﺭﮔﻪ ﺟﺎﯞﺍﺏ ﺋﯧﻠﯩﺶ ﺋﯜﭼﯜﻥ، ﺑﯘﻏﺪﺍ ﺳﺎﻳﺎﻫﻪﺕ ﺭﺍﻳﻮﻧﯩﻨﯩﯔ ﻣﯘﻫﯩﺘﯩﻨﻰ ﺑﺎﺷﻘﯘﺭﻏﯘﭼﻰ، ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻣﯘﻫﯩﺖ ﺋﺎﺳﺮﺍﺵ ﺋﯩﺪﺍﺭﯨﺴﯩﮕﻪ ﺗﯧﻠﯧﻔﻮﻥ ﻗﯩﻠﺪﯗﻕ.

ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺧﺎﺩﯨﻢ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺋﯘﻳﻐﯘﺭ ﺋﯧﻠﯩﻐﺎ ﻛﯧﻠﯩﯟﺍﺗﻘﺎﻥ ﺳﺎﻳﺎﻫﻪﺗﭽﯩﻠﻪﺭﻧﯩﯔ ﻛﯚﭘﯩﻴﯩﺸﯩﮕﻪ ﺋﻪﮔﯩﺸﯩﭗ ﺗﻪﯕﺮﯨﺘﺎﻍ ﺋﯧﺘﻪﻛﻠﯩﺮﯨﺪﯨﻜﻰ ﺳﺎﻳﺎﻫﻪﺕ ﺋﻮﺭﯗﻧﻠﯩﺮﯨﻨﯩﯖﻼ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﯩﺪﺍ ﺋﯧﻐﯩﺮ ﺑﯘﻟﻐﯘﻧﯘﺷﻼﺭ ﻛﯚﺭﯛﻧﯜﭘﻼ ﻗﺎﻟﻤﺎﻱ، ﻗﺎﺭ ﻣﯘﺯ ﭼﻮﻗﻘﯩﻠﯩﺮﯨﻨﯩﯖﻤﯘ ﻗﺎﺭﺍ ﻗﻮﻳﯘﻕ ﺳﺎﻳﺎﻫﻪﺗﭽﯩﻠﯩﻜﻜﻪ ﺋﯧﭽﯩﯟﯦﺘﯩﻠﯩﺸﻰ، ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻫﯩﻢ ﺳﯘ ﻣﻪﻧﺒﻪﺳﻰ ﺑﻮﻟﻐﺎﻥ ﺑﯘ ﻣﯘﺯ ﭼﻮﻗﻘﯩﻼﺭﻧﯩﻤﯘ ﺋﻪﺳﻠﯩﮕﻪ ﻛﻪﻟﺘﯜﺭﮔﯜﺳﯩﺰ ﺯﯨﻴﺎﻧﻐﺎ ﺋﯘﭼﺮﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺋﯘﻧﯩﯔ ﺋﯧﻴﺘﯩﺸﯩﭽﻪ ﺑﻮﻟﯘﭘﻤﯘ ﺋﯜﺭﯛﻣﭽﯩﮕﻪ ﻳﯧﻘﯩﻦ ﺑﻮﻟﻐﺎﻥ ﺑﯘﻏﺪﺍ ﭼﻮﻗﻘﯩﺴﯩﻨﯩﯔ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺸﻰ ﻫﻪﻣﻤﯩﺪﯨﻦ ﺋﯧﻐﯩﺮ ﺑﻮﻟﻤﺎﻗﺘﺎ ﺋﯩﻜﻪﻥ. ﺋﯘ ﻳﻪﻧﻪ ﺑﯩﺮﯨﻨﭽﻰ ﻧﻮﻣﯘﺭﻟﯘﻕ ﻣﯘﺯ ﭼﻮﻗﻘﯩﻨﯩﯔ ﺋﯜﺭﯛﻣﭽﯩﻨﯩﯔ ﺋﺎﺳﺎﺳﻠﯩﻖ ﺋﯩﭽﯩﻤﻠﯩﻚ ﺳﯘ ﻣﻪﻧﺒﻪﺳﻰ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﺘﻰ.

ﺑﯘ ﺧﺎﺩﯨﻢ ﻳﻪﻧﻪ ﮔﻪﺭﭼﻪ ﻧﯚﯞﻩﺗﺘﻪ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﺳﺎﻳﺎﻫﻪﺗﭽﯩﻠﻪﺭﻧﯩﯔ ﺑﯘﻏﺪﺍ ﭼﻮﻗﻘﯩﻠﯩﺮﯨﻐﺎ ﭼﯩﻘﯩﺸﯩﻐﺎ ﺭﯗﺧﺴﻪﺕ ﻗﯩﻠﻤﺎﺳﻠﯩﻘﻨﻰ ﺗﻪﯞﺳﯩﻴﻪ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﻫﻪﻗﺘﻪ ﺭﻩﺳﻤﯩﻲ ﺑﯩﺮ ﻫﯚﺟﺠﻪﺕ ﭼﯜﺷﻤﯩﮕﻪﻧﻠﯩﻜﻰ ﺋﯜﭼﯜﻥ ﺳﺎﻳﺎﻫﻪﺗﭽﯩﻠﻪﺭﻧﻰ ﺗﻮﺳﯘﭖ ﻗﯧﻠﯩﺸﻨﯩﯔ ﻫﺎﺯﯨﺮﭼﻪ ﻣﯘﻣﻜﯩﻦ ﺋﻪﻣﻪﺳﻠﯩﻜﯩﻨﻰ، ﺑﻪﻟﻜﯩﻢ ﻛﯧﻠﻪﺭ ﻳﯩﻠﯩﺪﯨﻦ ﺑﺎﺷﻼﭖ ﺑﯘ ﻫﻪﻗﺘﻪ ﻣﻪﺧﺴﯘﺱ ﺑﻪﻟﮕﯩﻠﯩﻤﯩﻠﻪﺭﻧﯩﯔ ﻳﻮﻟﻐﺎ ﻗﻮﻳﯩﻠﯩﺸﯩﻨﯩﯔ ﻣﯘﻣﻜﯩﻨﻠﯩﻜﯩﻨﻰ ﺑﯩﻠﺪﯛﺭﺩﻯ. ﺳﺎﻳﺎﻫﻪﺗﭽﯩﻠﻪﺭﻧﯩﯔ ﺑﯘﻏﺪﺍ ﭼﻮﻗﻘﯩﻠﯩﺮﯨﻨﯩﻐﺎ ﭼﯩﻘﯩﺸﯩﻨﻰ ﺗﯧﺨﻰ ﻫﺎﺯﯨﺮﭼﻪ ﺗﻮﺳﯘﭖ ﻗﺎﻟﻐﯩﻠﻰ ﺑﻮﻟﻤﺎﻳﺪﯨﻜﻪﻥ. ﺋﺎﻟﺪﯨﻤﯩﺰﺩﺍ ﺧﯩﺘﺎﻳﻨﯩﯔ ﺋﻪﯓ ﭼﻮﯓ ﺳﺎﻳﺎﻫﻪﺕ ﺩﻭﻟﻘﯘﻧﻰ ﻗﻮﺯﻏﯩﻠﯩﺪﯨﻐﺎﻥ ﺋﯚﻛﺘﻪﺑﯩﺮ ﺋﺎﻟﺘﯘﻥ ﻫﻪﭘﺘﯩﻠﯩﻜﻰ ﻳﯧﺘﯩﭗ ﻛﯧﻠﯩﺶ ﺋﺎﻟﺪﯨﺪﺍ ﺗﯘﺭﯨﺪﯗ. ﺑﻪﻟﻜﯩﻢ ﺑﯘﻏﺪﺍ ﺳﺎﻳﺎﻫﻪﺕ ﺭﺍﻳﻮﻧﯩﻨﻰ ﺑﺎﺷﻘﯘﺭﻏﯘﭼﯩﻼﺭ، ﺑﯘ ﭘﻪﻳﺘﺘﯩﻦ ﭘﺎﻳﺪﯨﻠﯩﻨﯩﭗ ﺗﯧﺨﯩﻤﯘ ﻳﯘﻗﯩﺮﻯ ﭘﺎﻳﺪﺍ ﺋﯧﻠﯩﺸﻨﻰ ﻛﯚﺯﻟﻪﯞﺍﺗﻘﺎﻧﺪﯗ ﺑﻪﻟﻜﯩﻢ، ﺋﻪﻣﻤﺎ ﺑﯘﻏﺪﺍ ﭼﻮﻗﻘﯩﻠﯩﺮﯨﻨﻰ ﻳﻪﻧﻪ ﻗﺎﻧﺪﺍﻕ ﻗﯩﺴﻤﻪﺗﻠﻪﺭ ﻛﯜﺗﯜﯞﺍﺗﯩﺪﯗ؟ (ﮔﯜﻟﭽﯧﮭﺮﻩ)