ﺧﯩﺘﺎﻱ ﺋﯩﻘﺘﯩﺴﺎﺩﯨﺪﯨﻜﻰ ﻳﻮﺷﯘﺭﯗﻥ ﻣﻪﺧﭙﯩﻴﻪﺗﻠﯩﻚ

• ﻣﯘﺧﺒﯩﺮﯨﻤﯩﺰ ﻣﯧﻬﺮﯨﺒﺎﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﻳﯧﻘﯩﻨﺪﺍ ﺋﺎﻣﯧﺮﯨﻜﯩﻨﯩﯔ ﻫﻪﭘﺘﯩﻠﯩﻚ ﺳﻮﺩﺍ ‏- ﺳﺎﻧﺎﺋﻪﺕ ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ "ﺧﯩﺘﺎﻱ ﺋﯩﻘﺘﯩﺴﺎﺩﯨﺪﯨﻜﻰ ﻳﻮﺷﯘﺭﯗﻥ ﻣﻪﺧﭙﯩﻴﻪﺗﻠﯩﻚ " ﺩﯦﮕﻪﻥ ﺗﯧﻤﯩﺪﯨﻜﻰ ﻣﺎﻗﺎﻟﯩﺪﻩ، ﻳﯘﻗﯩﺮﻯ ﺳﯜﺭﺋﻪﺗﺘﻪ ﺗﻪﺭﻩﻗﻘﻰ ﻗﯩﻠﯩﯟﺍﺗﻘﺎﻥ ﺧﯩﺘﺎﻱ ﺋﯩﻘﺘﯩﺴﺎﺩﯨﻨﯩﯔ ﺋﺎﺭﻗﯩﺴﯩﺪﺍ ﻳﻮﺷﯘﺭﯗﻥ ﻣﻪﯞﺟﯘﺕ ﺑﻮﻟﯘﭖ ﺗﯘﺭﯗﯞﺍﺗﻘﺎﻥ ﻣﯘﻫﯩﺖ ﻣﻪﺳﯩﻠﯩﺴﻰ ﭘﯜﺗﯜﻧﻠﻪﻱ ﺋﺎﺷﻜﺎﺭﯨﻼﻧﻐﺎﻥ. ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﺪﯨﻜﻰ ﺑﯘﻟﻐﯩﻨﯩﺶ ﺋﺎﭘﯩﺘﯩﮕﻪ ﻫﻪﺭ ﻳﯩﻠﻰ ﺳﻪﺭﭖ ﻗﯩﻠﯩﻨﯩﯟﺍﺗﻘﺎﻥ ﭘﯘﻟﻨﯩﯔ ﺋﯚﺯﻯ 200 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﻯ ﺑﻮﻟﯘﭖ، ﺑﯘ ﭘﯘﻝ ﺧﯩﺘﺎﻱ ﺩﯙﻟﻪﺕ ﺋﯩﺸﻠﻪﭘﭽﯩﻘﯩﺮﯨﺶ ﺋﻮﻣﯘﻣﯩﻲ ﻗﯩﻤﻤﯩﺘﯩﻨﯩﯔ 10% ﺋﯩﮕﻪ ﺗﻪﯓ ﺋﯩﻜﻪﻥ. ﺧﯩﺘﺎﻳﺪﯨﻜﻰ ﺑﯘ ﺧﯩﻞ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﻰ 2020 ‏- ﻳﯩﻠﯩﻐﺎ ﺑﺎﺭﻏﺎﻧﺪﺍ، ﻫﺎﺯﯨﺮﻗﯩﺪﯨﻦ ﺗﯚﺕ ﻫﻪﺳﺴﻪ ﺋﯧﻐﯩﺮﻻﻳﺪﯨﻜﻪﻥ.

ﺋﯩﻘﺘﯩﺴﺎﺩ ﺗﻪﺭﻩﻗﻘﻰ ﻗﯩﻠﺪﻯ، ﺋﯧﻜﻮﻟﻮﮔﯩﻴﻪ ﯞﻩﻳﺮﺍﻥ ﺑﻮﻟﺪﻯ

ﻫﻪﭘﺘﯩﻠﯩﻚ ﺳﻮﺩﺍ -ﺳﺎﻧﺎﺋﻪﺕ ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﻣﺎﻗﺎﻟﯩﺪﻩ ﺋﯩﻠﮕﯩﺮﻯ ﺳﯜﺭﯛﻟﯜﺷﯩﭽﻪ، ﺧﯩﺘﺎﻱ ﻫﺎﺯﯨﺮ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﻪ ﺯﻭﺭ ﺗﻪﺭﻩﻗﻘﻰ ﻗﯩﻠﺪﻯ. ﻟﯧﻜﯩﻦ، ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﯘ ﻳﻪﻧﻪ ﺋﯧﻜﻮﻟﻮﮔﯩﻴﻪ ﺟﻪﻫﻪﺗﺘﻪ ﭘﯜﺗﯜﻧﻠﻪﻱ ﯞﻩﻳﺮﺍﻥ ﺑﻮﻟﻐﺎﻥ ﺑﯩﺮ ﺩﯙﻟﻪﺗﻜﻪ ﺋﺎﻳﻼﻧﺪﻯ. ﻳﻪﻧﻰ ﺩﯗﻧﻴﺎ ﺑﻮﻳﯩﭽﻪ ﺋﯩﺲ - ﺗﯜﺗﻪﻙ ﺋﻪﯓ ﻛﯚﭖ ﺑﻮﻟﯩﺪﯨﻐﺎﻥ، ﻛﯩﺴﻼﺗﺎﻟﯩﻖ ﻳﺎﻣﻐﯘﺭ ﺋﻪﯓ ﺟﯩﻖ ﻳﺎﻏﯩﺪﯨﻐﺎﻥ، ﺩﻩﺭﻳﺎ- ﺋﯧﻘﯩﻨﻼﺭ ﺋﻪﯓ ﻛﯚﭖ ﺑﯘﻟﻐﺎﻧﻐﺎﻥ، ﺋﻮﺭﻣﺎﻧﻠﯩﻘﻼﺭ ﺋﻪﯓ ﺋﯧﻐﯩﺮ ﺩﻩﺭﯨﺠﯩﺪﻩ ﯞﻩﻳﺮﺍﻥ ﺑﻮﻟﻐﺎﻥ ﺩﯙﻟﻪﺗﻜﻪ ﺋﺎﻳﻼﻧﻐﺎﻥ. ﻫﺎﺯﯨﺮ ﺧﯩﺘﺎﻳﺪﺍ ﻫﻪﺭ ﻳﯩﻠﻰ ﻣﯘﻫﯩﺖ ﻣﻪﺳﯩﻠﯩﺴﻰ ﺗﯜﭘﻪﻳﻠﯩﺪﯨﻦ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﯩﯟﺍﺗﻘﺎﻧﻼﺭﻧﯩﯔ ﺳﺎﻧﻰ 300 ﻣﯩﯖﺪﯨﻦ ﺋﺎﺷﻘﺎﻥ.

"ﺧﯩﺘﺎﻱ ﺋﯩﻘﺘﯩﺴﺎﺩﯨﺪﯨﻜﻰ ﻳﻮﺷﯘﺭﯗﻥ ﻣﻪﺧﭙﯩﻴﻪﺗﻠﯩﻚ" ﺩﯦﮕﻪﻥ ﺗﯧﻤﯩﺪﯨﻜﻰ ﺑﯘ ﻣﺎﻗﺎﻟﯩﺪﻩ، ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻥ ﺧﯩﺘﺎﻱ ﺑﯩﻠﻪﻥ ﺋﻪﻳﻨﻰ ﭼﺎﻏﺪﯨﻜﻰ ﻳﺎﭘﻮﻧﯩﻴﻪ ﺳﯧﻠﯩﺸﺘﯘﺭﯗﻟﻐﺎﻥ ﺑﻮﻟﯘﭖ، "ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﻫﺎﻟﯩﺘﻰ ﺋﻪﻳﻨﻰ ﯞﺍﻗﯩﺘﺘﯩﻜﻰ ﻳﺎﭘﻮﻧﯩﻴﯩﺪﯨﻨﻤﯘ ﺋﯧﻐﯩﺮ. ﺧﯩﺘﺎﻱ ﺋﯚﺯﯨﻨﯩﯔ ﺳﺎﻧﺎﺋﯩﺘﯩﻨﻰ ﺗﻪﺭﻩﻗﻘﻲ ﻗﯩﻠﺪﯗﺭﯗﺷﺘﺎ، ﻛﯚﭘﻠﻪﭖ ﻧﯧﻔﯩﺖ ﺋﯩﻤﭙﻮﺭﺕ ﻗﯩﻠﯩﺶ ﯞﻩ ﻛﯚﻣﯜﺭ ﻛﯚﻳﺪﯛﺭﯛﺷﻜﻪ ﺗﺎﻳﺎﻧﻐﺎﻥ. ﻛﯚﻣﯜﺭ ﺑﻮﻟﺴﺎ ﻛﺎﺭﺑﻮﻥ ﺗﯚﺕ ﺋﻮﻛﺴﯩﺪﻯ ﯞﻩ ﺧﯩﻤﯩﻴﯩﯟﻯ ﮔﯘﯕﮕﯘﺭﺗﻠﯜﻙ ﻣﺎﺩﺩﯨﻼﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﯘﻟﻐﯩﻨﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺋﻪﮔﻪﺭ ﺑﯧﻴﺠﯩﯔ ﻫﯚﻛﯜﻣﯩﺘﻰ ﺑﯘ ﻣﻪﺳﯩﻠﯩﮕﻪ ﻳﻪﻧﯩﻼ ﺳﯘﺱ ﻗﺎﺭﺍﻳﺪﯨﻜﻪﻥ، ﺋﯘﻧﺪﺍﻗﺘﺎ ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﺴﻰ ﻛﻮﻣﻤﯘﻧﯩﺴﺖ ﺧﯩﺘﺎﻳﻨﯩﯔ ﺧﻪﻟﻘﺌﺎﺭﺍﺩﯨﻜﻰ ﺋﻮﺑﺮﺍﺯﯨﻨﻰ ﻳﻮﻕ ﻗﯩﻠﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺑﯘﻧﺪﯨﻦ ﻛﯧﻴﯩﻨﻜﻰ 10 ﻳﯩﻞ ﺋﯩﭽﯩﺪﯨﻜﻰ ﭘﺎﺭﺗﻼﺵ ﺧﺎﺭﺍﻛﺘﯧﺮﻟﯩﻚ ﺳﯩﻴﺎﺳﯩﻲ ﻣﻪﺳﯩﻠﯩﮕﻪ ﺋﺎﻳﻠﯩﻨﯩﺪﯗ.

ﺳﯩﻴﺎﺳﯩﻲ ﻣﻪﺳﯩﻠﯩﮕﻪ ﺋﺎﻳﻠﯩﻨﯩﺸﻰ ﻣﯘﻣﻜﯩﻦ

ﻣﻪﺯﻛﯘﺭ ﻣﺎﻗﺎﻟﯩﺪﻩ ﻳﻪﻧﻪ، ﺧﯩﺘﺎﻱ ﺋﯩﻘﺘﯩﺴﺎﺩﯨﻨﯩﯔ ﺋﻮﻣﯘﻣﯩﻲ ﻣﯩﻘﺪﺍﺭﻯ ﺋﺎﻣﯧﺮﯨﻜﯩﻨﯩﯖﻜﻰ ﺑﯩﻠﻪﻥ ﺳﯧﻠﯩﺸﺘﯘﺭﯗﻟﻐﺎﻧﺪﺍ، ﭘﻪﻗﻪﺕ 5 ﺗﯩﻦ ﺑﯩﺮ ﻗﯩﺴﻤﯩﻐﺎ ﺗﻪﯓ ﻛﯧﻠﯩﺪﯨﻐﺎﻧﻠﯩﻘﻰ، ﻟﯧﻜﯩﻦ ﺧﯩﺘﺎﻱ ﻛﺎﺭﺑﻮﻥ 4 ﺋﻮﻛﺴﯩﺪﯨﻨﻰ ﺗﺎﺭﻗﯩﺘﯩﺸﺘﺎ، ﺩﯗﻧﻴﺎ ﺑﻮﻳﯩﭽﻪ ﺋﯩﻜﻜﯩﻨﭽﻰ ﺋﻮﺭﯗﻧﺪﺍ ﺗﯘﺭﯗﯞﺍﺗﻘﺎﻥ ﺩﯙﻟﻪﺕ ﺋﯩﻜﻪﻧﻠﯩﻜﻰ ﺋﺎﻻﻫﯩﺪﻩ ﺗﻪﻛﯩﺘﻠﻪﻧﮕﻪﻥ ﺑﻮﻟﯘﭖ، "2002 ‏- ﻳﯩﻠﯩﺪﯨﻦ ﺋﯩﻠﮕﯩﺮﯨﻜﻰ 10 ﻳﯩﻞ ﺋﯩﭽﯩﺪﻩ، ﺧﯩﺘﺎﻱ ﻛﺎﺭﺑﻮﻥ 4 ﺋﻮﻛﺴﯩﺪﻯ ﭼﯩﻘﯩﺮﯨﺸﺘﺎ ﺋﺎﻣﯧﺮﯨﻜﯩﺪﯨﻦ ﻗﺎﻟﺴﺎ ﺋﯩﻜﻜﯩﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺩﯙﻟﻪﺕ ﺑﻮﻟﯘﭖ ﻛﻪﻟﻤﻪﻛﺘﻪ. ﺧﯩﺘﺎﻳﺪﯨﻜﻰ ﻛﺎﺭﺑﻮﻥ 4 ﺋﻮﻛﺴﯩﺪﯨﻨﯩﯔ ﺗﺎﺭﻗﯩﻠﯩﺸﻰ ﺑﯘ 10 ﻳﯩﻞ ﺋﯩﭽﯩﺪﻩ 33% ﻛﯜﭼﻪﻳﮕﻪﻥ. ﻫﺎﺯﯨﺮ ﺑﻮﻟﺴﺎ، ﺧﯩﺘﺎﻳﺪﯨﻜﻰ ﺑﯘ ﺧﯩﻞ ﺯﻩﻫﻪﺭ ﺗﻪﺭﻛﯩﺒﻠﯩﻚ ﭘﺎﺳﻜﯩﻨﺎ ﻫﺎﯞﺍ ﺷﻪﺭﻗﻰ ﺋﺎﺳﯩﻴﺎﺩﯨﻦ ﺋﯚﺗﯜﭖ، ﺋﺎﻣﯧﺮﯨﻜﯩﻨﯩﯔ ﻏﻪﺭﺑﯩﻲ ﺩﯦﯖﯩﺰ ﻗﯩﺮﻏﯩﻘﯩﻐﺎ ﻳﯧﺘﯩﭗ ﻛﻪﻟﺪﻯ" ﺩﻩﭖ ﻛﯚﺭﺳﯩﺘﯩﻠﮕﻪﻥ ﻫﻪﻣﺪﻩ " ﺋﻪﮔﻪﺭ ﺑﯧﻴﺠﯩﯔ ﻫﯚﻛﯜﻣﯩﺘﻰ ﺑﯘ ﻣﻪﺳﯩﻠﯩﮕﻪ ﻳﻪﻧﯩﻼ ﺳﯘﺱ ﻗﺎﺭﺍﻳﺪﯨﻜﻪﻥ، ﺋﯘﻧﺪﺍﻗﺘﺎ ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﺴﻰ ﻛﻮﻣﻤﯘﻧﯩﺴﺖ ﺧﯩﺘﺎﻳﻨﯩﯔ ﺧﻪﻟﻘﺌﺎﺭﺍﺩﯨﻜﻰ ﺋﻮﺑﺮﺍﺯﯨﻨﻰ ﻳﻮﻕ ﻗﯩﻠﯩﺶ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺑﯘﻧﺪﯨﻦ ﻛﯧﻴﯩﻨﻜﻰ 10 ﻳﯩﻞ ﺋﯩﭽﯩﺪﯨﻜﻰ ﭘﺎﺭﺗﻼﺵ ﺧﺎﺭﺍﻛﺘﯧﺮﻟﯩﻚ ﺳﯩﻴﺎﺳﯩﻲ ﻣﻪﺳﯩﻠﯩﮕﻪ ﺋﺎﻳﻠﯩﻨﯩﺪﯗ " ﺩﻩﭖ ﺋﻪﺳﻜﻪﺭﺗﯩﻠﮕﻪﻥ.

ﺧﯩﺘﺎﻱ ﻣﯘﻫﯩﺘﻨﻰ ﻗﻮﻏﺪﺍﺵ ﺑﺎﺵ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﭘﻪﻥ ﭼﻴﯘ ﺑﯘﻟﺘﯘﺭ ﺑﯧﻴﺠﯩﯖﺪﺍ ﺋﯧﭽﯩﻠﻐﺎﻥ ﺑﯩﺮ ﻗﯧﺘﯩﻤﻠﯩﻖ ﻣﯘﻫﯩﺘﻨﻰ ﻗﻮﻏﺪﺍﺵ ﻳﯩﻐﯩﻨﯩﺪﺍ، ﺧﯩﺘﺎﻳﺪﯨﻜﻰ ﻣﯘﻫﯩﺖ ﻣﻪﺳﯩﻠﯩﺴﯩﻨﯩﯔ ﻫﻪﻗﯩﻘﻪﺗﻪﻥ ﻧﺎﻫﺎﻳﯩﺘﻰ ﺋﯧﻐﯩﺮ ﺋﯩﻜﻪﻧﻠﯩﻜﯩﮕﻪ ﺋﯩﻘﺮﺍﺭ ﺑﻮﻟﯘﭖ "ﺋﻪﮔﻪﺭ ﺟﯩﺪﺩﯨﻲ ﭼﺎﺭﻩ -ﺗﻪﺩﺑﯩﺮﻟﻪﺭﻧﻰ ﻗﻮﻟﻼﻧﻤﯩﺴﺎﻕ، 2020 - ﻳﯩﻠﯩﻐﺎ ﺑﺎﺭﻏﺎﻧﺪﺍ، ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺶ ﻫﺎﻟﯩﺘﻰ ﻫﺎﺯﯨﺮﻗﯩﺪﯨﻦ 4 ﻫﻪﺳﺴﻪ ﻛﯜﭼﯩﻴﯩﺪﯗ" ﺩﻩﭖ ﻛﯚﺭﺳﻪﺗﻜﻪﻥ.

ﺧﯩﺘﺎﻳﺪﺍ ﺋﯧﻨﯧﺮﮔﯩﻴﯩﻨﯩﯔ ﺯﺍﻳﺎ ﻗﯩﻠﯩﻨﯩﺸﻰ ﺋﯧﻐﯩﺮ

ﺧﯩﺘﺎﻱ ﺩﯙﻟﻪﺕ ﻣﯘﻫﯩﺘﻨﻰ ﻗﻮﻏﺪﺍﺵ ﺋﯩﺪﺍﺭﯨﺴﯩﻨﯩﯔ ﭘﻪﺭﯨﺰﯨﺪﻩ، ﻫﺎﺯﯨﺮ ﺧﯩﺘﺎﻳﺪﺍ، ﺋﻪﯓ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻥ ﺭﺍﻳﻮﻧﻼﺭﺩﺍ ﻳﺎﺷﺎﯞﺍﺗﻘﺎﻥ ﺋﺎﻫﺎﻟﯩﻠﻪﺭ ﺋﺎﺯ ﺩﯦﮕﻪﻧﺪﻩ ﺋﻮﻣﯘﻣﯩﻲ ﻧﻮﭘﯘﺳﻨﯩﯔ 20% ﻧﻰ ﺋﯩﮕﯩﻠﻪﻳﺪﯨﻜﻪﻥ. ﺑﯘﻧﯩﯖﺪﯨﻦ ﺑﺎﺷﻘﺎ ﻫﺎﺯﯨﺮ ﺧﯩﺘﺎﻳﺪﯨﻜﻰ 70 ﺗﯩﻦ ﺋﺎﺭﺗﯘﻕ ﺩﻩﺭﻳﺎ -ﺋﯧﻘﯩﻨﻼﺭ ﻗﻮﺭﻗﯘﻧﭽﻠﯘﻕ ﺩﻩﺭﯨﺠﯩﺪﻩ ﺑﯘﻟﻐﯩﻨﯩﭗ ﻛﻪﺗﻜﻪﻥ.

"ﺧﯩﺘﺎﻱ ﺋﯩﻘﺘﯩﺴﺎﺩﯨﺪﯨﻜﻰ ﻳﻮﺷﯘﺭﯗﻥ ﻣﻪﺧﭙﯩﻴﻪﺗﻠﯩﻚ " ﺩﯦﮕﻪﻥ ﺗﯧﻤﯩﺪﯨﻜﻰ ﺑﯘ ﻣﺎﻗﺎﻟﯩﺪﻩ " ﺑﯧﻴﺠﯩﯔ ﻫﯚﻛﯜﻣﯩﺘﻰ ﻣﯘﻫﯩﺘﻨﻰ ﻳﺎﺧﺸﯩﻼﺵ ﺋﯜﭼﯜﻥ ﺋﺎﻟﺪﻯ ﺑﯩﻠﻪﻥ ﺗﺎﺯﯨﻼﺵ ﺗﯧﺨﻨﯩﻜﯩﺴﯩﻨﻰ ﺋﯚﺯﮔﻪﺭﺗﯩﭗ، ﺋﯧﻠﯧﻜﺘﯩﺮ ﻛﯜﭼﯩﻨﯩﯔ ﺋﯜﻧﯜﻣﯩﻨﻰ ﻳﺎﺧﺸﯩﻼﺷﻘﺎ ﺗﯩﺮﯨﺸﯩﺸﻰ ﻛﯧﺮﻩﻙ ﺋﯩﺪﻯ. ﻟﯧﻜﯩﻦ ﻫﺎﺯﯨﺮ ﺑﯧﻴﺠﯩﯔ ﻫﯚﻛﯜﻣﯩﺘﻰ ﺋﯚﺯﯨﻨﯩﯔ ﺋﯧﻨﯧﺮﮔﯩﻴﯩﮕﻪ ﺑﻮﻟﻐﺎﻥ ﻧﻪﭘﺴﯩﻨﻰ ﻳﯩﻐﺎﻟﻤﯩﻐﯩﺪﻩﻙ ﻫﺎﻟﻪﺗﻜﻪ ﻳﻪﺗﺘﻰ، ﺋﯧﻨﯧﺮﮔﯩﻴﻪ ﻣﻪﻧﺒﻪﺳﯩﻨﯩﯔ ﺋﯜﻧﯜﻣﺪﺍﺭﻟﯩﻘﻰ ﺗﯚﯞﻩﻥ ﺑﻮﻟﻐﺎﻧﻠﯩﻘﺘﯩﻦ، ﺧﯩﺘﺎﻳﺪﺍ ﺋﯩﺸﻠﻪﭘﭽﯩﻘﯩﺮﯨﻠﯩﯟﺍﺗﻘﺎﻥ ﺑﯩﺮ ﺩﻭﻟﻼﺭﻟﯩﻖ ﻣﻪﻫﺴﯘﻻﺕ ﺋﯜﭼﯜﻥ ﺳﻪﺭﭖ ﻗﯩﻠﯩﻨﯩﺪﯨﻐﺎﻥ ﺋﯧﻨﯧﺮﮔﯩﻴﻪ ﺋﻮﺭﺗﺎ ﻫﯧﺴﺎﺑﺘﺎ ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯖﻜﯩﺪﯨﻦ 3 ﻫﻪﺳﺴﻪ ﺋﯧﺸﯩﭗ ﻛﻪﺗﻜﻪﻥ ﺷﯘﻧﺪﺍﻗﻼ ﺋﺎﻣﯧﺮﯨﻜﯩﻨﯩﯖﻜﯩﺪﯨﻦ 5 ﻫﻪﺳﺴﻪ، ﮔﯧﺮﻣﺎﻧﯩﻴﯩﻨﯩﯖﻜﯩﺪﯨﻦ 8 ﻫﻪﺳﺴﻪ، ﻳﺎﭘﻮﻧﯩﻴﻪﻧﯩﯖﻜﯩﺪﯨﻦ 12 ﻫﻪﺳﺴﻪ ﺋﯧﺸﯩﭗ ﻛﻪﺗﻜﻪﻥ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

"ﺧﯩﺘﺎﻱ ﺋﯩﻘﺘﯩﺴﺎﺩﯨﺪﯨﻜﻰ ﻳﻮﺷﯘﺭﯗﻥ ﻣﻪﺧﭙﯩﻴﻪﺗﻠﯩﻚ " ﺩﯦﮕﻪﻥ ﺗﯧﻤﯩﺪﯨﻜﻰ ﺑﯘ ﻣﺎﻗﺎﻟﯩﻨﯩﯔ ﺋﺎﺧﯩﺮﻯ ﻣﯘﻧﺪﺍﻕ ﺋﺎﻳﺎﻏﻼﺷﻘﺎﻥ: ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯩﭽﻜﻰ ﻗﯩﺴﻤﯩﺪﯨﻜﻰ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭﺩﻩ ' ﺋﺎﻟﺪﻯ ﺑﯩﻠﻪﻥ ﺩﯙﻟﻪﺗﻨﻰ ﺑﯧﻴﯩﺘﯩﭗ ﺋﺎﻧﺪﯨﻦ ﻣﯘﻫﯩﺖ ﻣﻪﺳﯩﻠﯩﺴﯩﻨﻰ ﺋﻮﻳﻼﺷﺴﯩﻤﯘ ﺑﻮﻟﯩﺪﯗ ' ﺩﯦﮕﻪﻥ ﺋﯩﺪﯨﻴﻪ ﺧﯩﻠﯩﻼ ﺋﯧﻐﯩﺮ. ﺑﯘ ﺧﯩﻞ ﻛﯚﺯ ﻗﺎﺭﺍﺵ ﺋﺎﺩﻩﻣﻨﻰ ﺷﯘﻧﺪﺍﻕ ﮔﯘﻣﺎﻧﺪﺍ ﻗﻮﻳﯩﺪﯗﻛﻰ، ﺑﯧﻴﺠﯩﯖﺪﺍ ﺋﯧﭽﯩﻠﯩﺪﯨﻐﺎﻥ ﺋﻮﻟﯩﻤﭙﯩﻚ ﻳﯩﻐﯩﻨﯩﺪﯨﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﻪﻟﻜﯩﻢ ﻣﯘﻫﯩﺘﻨﻰ ﻳﺎﺧﺸﯩﻼﺵ ﻣﻪﺳﯩﻠﯩﺴﯩﮕﻪ ﺗﯧﺨﯩﻤﯘ ﻛﯚﯕﯜﻝ ﺑﯚﻟﻤﻪﺳﻠﯩﻜﻰ ﻣﯘﻣﻜﯩﻦ. (ﻣﯧﻬﺮﯨﺒﺎﻥ)