ﺋﯘﻳﻐﯘﺭ ﺋﯧﻠﯩﺪﻩ ﺩﻩﺭﻳﺎ ﻛﯚﻟﻠﻪﺭﻧﯩﯔ ﺑﯘﻟﻐﯩﻨﯩﺸﻰ ﺋﯧﻐﯩﺮ ﺑﯩﺮ ﻣﻪﺳﯩﻠﯩﮕﻪ ﺋﺎﻳﻼﻧﺪﻯ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺧﯩﺘﺎﻱ ﻣﯘﻫﯩﺖ ﺋﺎﺳﺮﺍﺵ ﺑﺎﺵ ﺋﯩﺪﺍﺭﯨﺴﻰ ﻫﻪﻣﺪﻩ ﺋﯘﻳﻐﯘﺭ ﺋﺎﭘﺘﻮﻧﯘﻡ ﺭﺍﻳﻮﻧﻠﯘﻕ ﻣﯘﻫﯩﺖ ﺋﺎﺳﺮﺍﺵ ﺋﻮﺭﯗﻧﻠﯩﺮﯨﻨﯩﯔ ﺗﻮﺭ ﺑﻪﺗﻠﯩﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻱ ﻣﯘﻫﯩﺖ ﺋﺎﺳﺮﺍﺵ ﺋﻮﺭﮔﺎﻧﻠﯩﺮﻯ ﺋﯘﻳﻐﯘﺭ ﺋﯧﻠﯩﻨﯩﯔ ﺳﯘ ﻣﻪﻧﺒﻪﻟﯩﺮﯨﻨﯩﯔ ﻣﯘﻫﯩﺖ ﺑﯘﻟﻐﯩﻨﯩﺸﯩﻨﻰ ﻛﻮﻧﺘﻮﺭﻝ ﻗﯩﻠﯩﺸﺘﺎ ﺟﯩﺪﺩﻯ ﺗﻪﺩﺑﯩﺮ ﻗﻮﻟﻠﯩﻨﯩﺸﻘﺎ ﺋﺎﮔﺎﻫﻼﻧﺪﯗﺭﻏﺎﻥ. ﭼﯜﻧﻜﻰ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﺎﺳﺎﺳﻠﯩﻖ ﺩﻩﺭﻳﺎ ﻫﻪﻡ ﻛﯚﻟﻠﻪﺭﺩﻩ ﺋﯧﻠﯩﭗ ﺑﺎﺭﻏﺎﻥ ﻣﻪﺧﺴﯘﺱ ﺗﻪﻛﺸﯜﺭﯛﺷﯩﺪﯨﻦ ﺑﺎﻏﺮﺍﺵ ﻛﯚﻟﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺟﻪﻣﺌﯩﻲ 8 ﻛﯚﻝ ﻫﻪﻡ ﺳﯘ ﺋﺎﻣﺒﺎﺭﻟﯩﺮﯨﻨﯩﯔ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﻐﺎﻥ.

ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﺪﻩ ﭼﺎﺭﺷﻪﻧﺒﻪ ﺑﯘﻧﯩﯖﻐﺎ ﺩﺍﺋﯩﺮ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ ﻣﯘﻧﺎﺳﯩﯟﻩﺗﻠﯩﻚ ﺗﻪﻛﺸﯜﺭﯛﺵ ﺋﻮﺭﯗﻧﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﯨﻜﻰ 26 ﻛﯚﻝ ﯞﻩ ﺩﻩﺭﻳﺎﺩﺍ ﺋﯧﻠﯩﭗ ﺑﺎﺭﻏﺎﻥ ﺗﻪﻛﺸﯜﺭﯛﺷﯩﮕﻪ ﻗﺎﺭﯨﻐﺎﻧﺪﺍ، ﺑﯘﻻﺭﻧﯩﯔ ﺳﯘ ﺳﯜﭘﯩﺘﻰ ﻛﯩﺸﯩﻨﻰ ﭼﯚﭼﯜﺗﻜﯩﺪﻩﻙ ﺩﻩﺭﯨﺠﯩﺪﻩ ﺋﻮﻣﯘﻣﻴﯜﺯﻟﯜﻙ ﻧﺎﭼﺎﺭ ﭼﯩﻘﻘﺎﻥ. ﺑﯘﻻﺭﻧﯩﯔ ﺋﯩﭽﯩﺪﻩ ﺑﺎﻏﺮﺍﺵ ﻛﯚﻟﻰ، ﺗﯜﻣﻪﻥ ﺩﻩﺭﻳﺎﺳﻰ، ﺳﺎﻳﺮﺍﻡ ﻫﻪﻣﺪﻩ ﻗﺎﻧﺎﺱ ﻛﯚﻟﻠﯩﺮﯨﻨﯩﯔ ﺑﯘﻟﻐﯩﻨﯩﺶ ﺩﻩﺭﯨﺠﯩﻠﯩﺮﻯ ﺑﯩﺮ ﻗﻪﺩﻩﺭ ﻳﯘﻗﯩﺮﻯ ﺋﯩﻜﻪﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺳﯘ ﺑﯘﻟﻐﯩﻨﯩﺸﯩﻐﺎ ﺳﻪﯞﻩﭖ ﺑﻮﻟﻐﺎﻥ ﺋﺎﺳﺎﺳﻠﯩﻖ ﺋﺎﻣﯩﻞ، ﻣﯘﻫﯩﺖ ﻗﻮﻏﺪﺍﺵ ﻗﺎﻧﯘﻥ-ﺑﻪﻟﮕﯩﻠﯩﻤﯩﻠﯩﺮﯨﻨﯩﯔ ﻳﺎﺧﺸﻰ ﺋﯩﺠﺮﺍ ﻗﯩﻠﯩﻨﻤﺎﺳﻠﯩﻘﻰ ﯞﻩ ﺧﯩﻼﭘﻠﯩﻖ ﻫﻪﺭﯨﻜﻪﺗﻠﻪﺭﻧﯩﯔ ﻛﯚﭖ ﻳﯜﺯ ﺑﯧﺮﯨﺸﻰ ﺋﯩﻜﻪﻥ.

ﺑﺎﻏﺮﺍﺵ -ﺗﺎﺗﻠﯩﻖ ﺳﯘ ﻛﯚﻟﯩﺪﯨﻦ ﺗﯘﺯﻟﯘﻕ ﻛﯚﻟﮕﻪ ﺋﺎﻳﻠﯩﻨﯩﭗ ﻗﺎﻟﺪﻯ

ﺋﺎﭼﭽﯩﻖ ﻣﯩﺴﺎﻝ، ﺑﻮﻟﯘﭘﻤﯘ ﺧﯩﺘﺎﻳﺪﯨﻜﻰ ﺋﯩﻜﻜﯩﻨﭽﻰ ﭼﻮﯓ ﺗﺎﺗﻠﯩﻖ ﺳﯘ ﻛﯚﻟﻰ ﻫﯧﺴﺎﺑﻼﻧﻐﺎﻥ، ﺷﯘﻧﺪﺍﻗﻼ ﮔﯜﺯﻩﻟﻠﯩﻜﻰ ﺑﯩﻠﻪﻥ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻫﺎﯞﺍﻳﻰ ﺩﻩﭖ ﻧﺎﻡ ﺋﺎﻟﻐﺎﻥ ﺑﺎﻏﺮﺍﺵ ﻛﯚﻟﻰ ﺋﻪﺳﻠﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻪﯓ ﻣﯘﻫﯩﻢ ﺗﺎﺗﻠﯩﻖ ﺳﯘ ﻛﯚﻟﻰ ﺑﻮﻟﺴﯩﻤﯘ، ﻧﯚﯞﻩﺗﺘﻪ ﺑﯘ ﻛﯚﻝ ﻳﯩﻠﯩﻐﺎ 480 ﻣﯩﻠﻴﻮﻥ ﺗﻮﻧﻨﺎ ﭘﺎﺳﻜﯩﻨﺎ ﺳﯘ ﯞﻩ 7 ﻣﯩﻠﻴﻮﻥ ﺗﻮﻧﻨﺎ ﺳﺎﻧﺎﺋﻪﺕ ﻛﯧﺮﻩﻛﺴﯩﺰ ﺳﯘﻻﺭﻧﯩﯔ ﻗﻮﻳﯘﻟﯩﺸﻰ ﻫﻪﻣﺪﻩ ﻫﻪﺩﺩﯨﺪﯨﻦ ﺯﯨﻴﺎﺩﻩ ﻛﯚﭖ ﺳﺎﻳﺎﻫﻪﺕ ﺋﻪﺧﻠﻪﺗﻠﯩﺮﻯ ﺗﯜﭘﻪﻳﻠﻰ ﺗﯘﺯﻟﯘﻕ ﻛﯚﻟﮕﻪ ﺋﺎﻳﻠﯩﻨﯩﭗ ﻗﺎﻟﻐﺎﻥ. ﺑﯘ ﻛﯚﻟﻨﯩﯔ ﺋﺎﺳﺎﺳﻠﯩﻖ ﺳﯘ ﻣﻪﻧﺒﻪﺳﻰ ﻛﯚﻧﭽﻰ ﺩﻩﺭﻳﺎﺳﻰ ﺋﻪﺗﺮﺍﭘﯩﻐﺎ ﺋﺎﺳﺎﺳﻪﻥ ﺧﯩﺘﺎﻱ ﺋﯩﺸﻠﻪﭘﭽﯩﻘﯩﺮﯨﺶ ﻗﯘﺭﯗﻟﯘﺵ ﺋﺎﺭﻣﯩﻴﯩﺴﻰ ﺑﯩﺮﯨﻨﭽﻰ ﺩﯦﯟﯨﺰﯨﻴﯩﺴﯩﻨﯩﯔ ﺋﯩﺸﻠﻪﭘﭽﯩﻘﯩﺮﯨﺶ ﻣﻪﻳﺪﺍﻧﻠﯩﺮﻯ ﻫﻪﻣﺪﻩ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﻪﻏﻪﺯ ﺯﺍﯞﯗﺗﻰ ﻫﻪﻣﺪﻩ ﺑﺎﺷﻘﺎ ﺯﺍﯞﯗﺕ ﻛﺎﺭﺧﺎﻧﯩﻼﺭﻧﯩﯔ ﻗﻮﻳﯘﭖ ﺑﻪﺭﮔﻪﻥ ﻛﯧﺮﻩﻛﺴﯩﺰ ﺳﯘﻟﯩﺮﯨﻨﻰ ﭘﯜﺗﯜﻧﻠﻪﻱ ﻛﯜﻧﭽﻪ ﺩﻩﺭﻳﺎﺳﯩﻐﺎ ﻗﻮﻳﯩﺪﯨﻜﻪﻥ.

ﺋﯘﻧﯩﯖﺪﯨﻦ ﺑﺎﺷﻘﺎ ﻳﯧﻘﯩﻨﻘﻰ ﺋﻮﻥ ﻳﯩﻠﺪﯨﻦ ﺑﯘﻳﺎﻥ ﺑﺎﻏﺮﺍﺵ ﻛﯚﻟﯩﻨﯩﯔ ﺑﯧﻠﯩﻘﭽﯩﻠﯩﻖ ﻣﻪﻳﺪﺍﻧﻰ ﻗﯩﻠﯩﻨﯩﭗ ﺳﺎﻳﺎﻫﻪﺗﭽﯩﻠﻪﺭﮔﻪ ﻛﻪﯓ ﺋﯧﭽﯩﯟﯦﺘﯩﺸﻰ ﺑﯩﻠﻪﻧﻤﯘ ﻣﯘﻫﯩﺘﻰ ﺋﯧﻐﯩﺮ ﺩﻩﺭﯨﺠﯩﺪﻩ8ﺩﻩ ﺑﯘﻟﻐﯩﻨﯩﺸﻘﺎ ﺋﯘﭼﺮﯨﻐﺎﻥ ﺑﻮﻟﯘﭖ ﻳﯧﻘﯩﻨﺪﺍ ﻣﻪﺧﺴﯘﺱ ﺑﺎﻏﺮﺍﺵ ﻛﯚﻟﻰ ﺳﺎﻳﺎﻫﻪﺕ ﺭﺍﻳﻮﻧﯩﻐﺎ ﻫﺎﯞﺍ ﻗﺎﺗﻨﯩﺸﯩﻤﯘ ﻳﻮﻟﻐﺎ ﻗﻮﻳﯘﻟﻐﺎﻥ ﺋﯩﺪﻯ.

ﺑﺎﻏﺮﺍﺵ ﻛﯚﻟﻰ ﻫﺎﺯﯨﺮ ﺧﯩﺘﺎﻳﺪﯨﻜﻰ ﺋﯩﻜﻜﯩﻨﭽﻰ ﭼﻮﯓ ﻗﻮﻣﯘﺵ ﺋﯩﺸﻠﻪﭘﭽﯩﻘﯩﺮﯨﺶ ﻣﻪﻳﺪﺍﻧﻰ ﺑﻮﻟﻐﺎﻧﺪﯨﻦ ﺳﯩﺮﺕ ﺋﻪﯓ ﭼﻮﯓ ﺗﺎﺗﻠﯩﻖ ﺳﯘ ﺑﯧﻠﯩﻘﭽﯩﻠﯩﻖ ﻣﻪﻳﺪﺍﻧﯩﻨﯩﯔ ﺑﯩﺮﻯ ﻗﯩﻠﯩﭗ ﺋﯧﭽﯩﻠﻤﺎﻗﺘﺎ. ﺷﯘﻧﺪﺍﻗﻼ ﺋﯩﻠﮕﯩﺮﻯ ﺑﺎﻏﺮﺍﺵ ﻳﯧﺰﯨﺴﯩﺪﺍ ﺋﻮﻟﺘﯘﺭﯗﺷﻠﯘﻕ ﺋﯘﻳﻐﯘﺭﻻﺭ ﺋﺎﺳﺎﺳﻪﻥ ﺗﺎﺭﻗﺎﻗﻠﯩﺸﯩﭗ ﻛﯚﻟﻨﻰ ﺋﺎﺳﺎﺳﻪﻥ ﺧﯩﺘﺎﻳﻼﺭ ﻣﻮﻧﻮﭘﯘﻝ ﻗﯩﻠﯩﯟﺍﻟﻐﺎﻥ ﺋﯩﻜﻪﻥ.

ﺑﺎﻏﺮﺍﺵ ﻛﯚﻟﻰ ﻳﻪﻧﻪ ﺋﺎﻗﻘﯘ، ﺗﯘﺭﻧﺎ ﻗﺎﺗﺎﺭﻟﯩﻖ ﺋﻮﺗﺘﯘﺯ ﻧﻪﭼﭽﻪ ﺧﯩﻞ ﻗﯩﻤﻤﻪﺗﻠﯩﻚ ﻳﺎﯞﺍﻳﻰ ﻫﺎﻳﯟﺍﻥ ﻫﻪﻡ ﺋﯘﭼﺎﺭ ﻗﺎﻧﺎﺗﻼﺭﻧﯩﯔ ﻣﺎﻛﺎﻧﻰ ﺑﻮﻟﯘﭖ ﻛﻪﻟﮕﻪﻥ، ﻛﯚﻝ ﺋﻪﺗﺮﺍﭘﯩﺪﺍ ﺋﻮﻟﺘﯘﺭﺍﻗﻼﺷﻘﺎﻥ ﻛﯚﻝ ﺳﯜﻳﯩﻨﯩﯔ ﻫﻪﻡ ﻣﯘﻫﯩﺘﯩﻨﯩﯔ ﺑﯘﻟﻐﯩﻨﯩﺸﻨﯩﯔ ﺋﯧﻐﯩﺮﻟﯩﺸﯩﺸﻰ ﺑﯩﻠﻪﻥ ﺑﯘ ﺟﺎﻧﯩﯟﺍﺭﻻﺭﻣﯘ ﺋﺎﺯﺍﻳﻐﺎﻥ.

ﺑﺎﻏﺮﺍﺷﻨﯩﯔ ﺑﺎﺭﻏﺎﻧﭽﻪ ﺑﯘﻟﻐﯩﻨﯩﺸﻰ ﻛﻮﻧﺘﻮﺭﻝ ﻗﯩﻠﯩﻨﻤﯩﺪﻯ

1997 - ﻫﻪﻡ 1998 - ﻳﯩﻠﻠﯩﺮﻯ ﺑﺎﻏﺮﺍﺵ ﻛﯚﻟﯩﺪﻩ ﺳﯘ ﺑﯘﻟﻐﯩﻨﯩﺶ ﺳﻪﯞﻩﺑﯩﺪﯨﻦ 80 ﺗﻮﻧﻨﺎ ﺋﻪﺗﺮﺍﭘﯩﺪﺍ ﺑﯧﻠﯩﻘﻼﺭ ﺋﯚﻟﯜﭖ ﻛﯚﻟﻨﻰ ﺋﺎﺩﻩﻡ ﺗﯩﻨﻐﯘﺳﯩﺰ ﻫﺎﻟﺪﺍ ﺳﯧﺴﯩﻘﭽﯩﻠﯩﻖ ﻗﺎﭘﻠﯩﻐﺎﻧﻠﯩﻘﻰ ﺧﻪﯞﻩﺭ ﻗﯩﻠﯩﻨﻐﺎﻥ.

ﺑﻪﺯﻯ ﻫﯚﺟﺠﻪﺗﻠﻪﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ ﺧﯩﺘﺎﻱ ﻣﯘﻫﯩﺖ ﺋﺎﺳﺮﺍﺵ ﺋﯩﺪﺍﺭﯨﺴﻰ 2004 - ﻳﯩﻠﯩﻼ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﻧﻰ ﺑﯩﯖﺘﯘﺋﻪﻥ ﻣﻪﻳﺪﺍﻧﻠﯩﺮﯨﺪﯨﻦ ﻫﻪﻣﺪﻩ ﺯﺍﯞﯗﺗﻼﺭﺩﯨﻦ ﻗﻮﻳﯘﭖ ﺑﯧﺮﯨﻠﮕﻪﻥ ﻛﯧﺮﻩﻛﺴﯩﺰ ﭘﺎﺳﻜﯩﻨﺎ ﺳﯘﻻﺭﻧﯩﯔ ﻛﯚﻧﭽﻰ ﺩﻩﺭﻳﺎﺳﯩﻐﺎ ﻗﻮﻳﯘﭖ ﺑﯧﺮﯨﻠﯩﺸﻰ ﺑﯩﻠﻪﻥ ﺑﺎﻏﺮﺍﺵ ﻛﯚﻟﯩﻨﯩﯔ ﺋﯧﻐﯩﺮ ﺑﯘﻟﻐﺎﻧﻐﺎﻧﻠﯩﻘﯩﻨﻰ ﺑﯘﻧﻰ ﺗﯜﺯﻩﺵ ﺋﯜﭼﯜﻥ ﺟﯩﺪﺩﻯ ﺗﻪﺩﺑﯩﺮ ﺋﯧﻠﯩﺸﯩﻨﻰ ﺋﺎﮔﺎﻫﻼﻧﺪﯗﺭﻏﺎﻥ ﻫﻪﻣﺪﻩ ﺑﯘﻧﯩﯔ ﺋﯜﭼﯜﻥ 600ﻣﯩﻠﻴﻮﻥ ﻳﯜﺋﻪﻥ ﺋﺎﺟﺮﺍﺗﻘﺎﻥ.

ﺑﯘ ﺟﻪﺭﻳﺎﻧﺪﺍ ﮔﻪﺭﭼﻪ ﻛﻮﺭﻟﯩﺪﯨﻜﻰ ﺋﯜﭺ ﭼﻮﯓ ﻗﻪﻏﻪﺯ ﺯﺍﯞﯗﺗﻰ 2000 - ﻳﯩﻠﻰ ﻗﻮﻳﯘﭖ ﺑﯧﺮﯨﺪﯨﻐﺎﻥ ﻛﯧﺮﻩﻛﺴﯩﺰ ﺳﯘ ﻣﯩﻘﺪﺍﺭﯨﻨﻰ ﻫﻪﻡ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﯩﻨﻰ ﺗﯚﯞﻩﻧﻠﯩﺘﯩﺶ ﺑﯘﻳﺮﯗﻗﻰ ﺑﯩﻠﻪﻥ ﺗﺎﻗﯩﯟﯦﺘﯩﻠﮕﻪﻥ ﺑﻮﻟﺴﯩﻤﯘ ﻛﯧﻠﯩﻦ ﺋﯘﺯﯗﻧﻐﺎ ﺑﺎﺭﻣﺎﻱ ﺗﯧﺨﯩﻤﯘ ﻛﯧﯖﻪﻳﺘﯩﭗ ﻗﯘﺭﯗﻟﯘﭖ ﺑﺎﺷﻘﯩﺪﯨﻦ ﺋﯩﺶ ﺑﺎﺷﻠﯩﻐﺎﻥ. ﺑﯘ ﺧﯩﻠﺪﯨﻜﻰ ﺯﺍﯞﯗﺗﻼﺭ ﺑﺎﺭﻟﯩﻖ ﻛﯧﺮﻩﻛﺴﯩﺰ ﺯﻩﻫﻪﺭﻟﯩﻚ ﺳﯘﻟﯩﺮﯨﻨﻰ ﭘﯜﺗﯜﻧﻠﻪﻱ ﻛﯚﻧﭽﻰ ﺩﻩﺭﻳﺎﺳﯩﻐﺎ ﻗﻮﻳﯘﭖ ﺑﻪﺭﻣﻪﻛﺘﻪ. ﺋﯩﻜﻜﻰ ﻳﯩﻠﺪﯨﻦ ﻛﯧﻴﯩﻨﻜﻰ ﻳﯧﻘﯩﻨﻘﻰ ﺗﻪﻛﺸﯜﺭﯛﺷﺘﻪ ﺑﺎﻏﺮﺍﺷﻨﯩﯔ ﺑﯘﻟﻐﯩﻨﯩﺸﻰ ﻛﻮﻧﺘﻮﺭﻝ ﻗﯩﻠﯩﻨﻤﺎﻱ ﻫﻪﺗﺘﺎ ﺗﯧﺨﯩﻤﯘ ﺋﯧﻐﯩﺮﻟﯩﻐﺎﻥ ﺋﯩﻜﻪﻥ.

ﺑﺎﻏﺮﺍﺵ ﻛﯚﻟﯩﻨﯩﯔ ﺋﯧﻐﯩﺮ ﺑﯘﻟﻐﯩﻨﯩﺸﻰ ﻳﻪﻧﻪ ﺗﺎﺭﯨﻢ ﺩﻩﺭﻳﺎﺳﻰ ﺳﯜﻳﯩﻨﯩﯔ ﺑﯘﻟﻐﯩﻨﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﯟﺍﺗﻘﺎﻥ ﺳﻪﯞﻩﺑﻨﯩﯔ ﺑﯩﺮﻯ ﺑﻮﻟﯘﭖ ﻗﺎﻟﻐﺎﻥ.

ﺑﯩﺰ ﺑﺎﻏﺮﺍﺵ ﻛﯚﻟﻰ ﺟﺎﻳﻼﺷﻘﺎﻥ ﻛﻮﺭﻻ ﺷﻪﻫﺮﯨﻨﯩﯔ ﻣﯘﻫﯩﺖ ﺋﺎﺳﺮﺍﺵ ﺋﯩﺪﺍﺭﯨﺴﯩﮕﻪ ﺗﯧﻠﯧﻔﻮﻥ ﻗﯩﻠﯩﭗ ﺑﺎﻏﺮﺍﺵ ﻛﯚﻟﯩﻨﯩﯔ ﺑﯘﻟﻐﯩﻨﯩﺶ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺟﺎﯞﺍﺏ ﺋﯧﻠﯩﺸﻘﺎ ﺋﯘﺭﯗﻧﻐﺎﻥ ﺑﻮﻟﺴﺎﻗﻤﯘ ﺋﻪﻣﻤﺎ ﺋﯘﻻﺭ ﺳﻮﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﯧﺮﯨﺸﻨﻰ ﺭﻩﺕ ﻗﯩﻠﯩﭗ، " ﺑﺎﻏﺮﺍﺵ ﻛﯚﻟﯩﻨﯩﯔ ﻣﯘﻫﯩﺖ ﻣﻪﺳﯩﻠﯩﺴﻰ ﺑﯩﺰ ﺑﯩﻠﻪﻥ ﻣﯘﻧﺎﺳﯩﯟﻩﺗﺴﯩﺰ" ﺩﯦﺪﻯ.

ﻏﻪﺭﺑﻨﻰ ﺋﯧﭽﯩﺶ ﺳﯩﻴﺎﺳﯩﺘﯩﻨﯩﯔ ﺋﯧﻠﯩﭗ ﻛﻪﻟﮕﻪﻥ ﺗﻪﺳﯩﺮﻯ

ﺑﻪﺯﻯ ﺋﯘﻳﻐﯘﺭﻻﺭ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺩﻩﺭﻳﺎ ﻛﯚﻟﻠﻪﺭﻧﯩﯔ ﺑﯘﻟﻐﯘﻧﯩﺸﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﻏﻪﺭﺑﻨﻰ ﺋﯧﭽﯩﺶ ﺳﯩﻴﺎﺳﯩﺘﯩﻨﻰ ﻳﯜﺭﮔﯜﺯﮔﻪﻧﺪﯨﻦ ﻛﯧﻴﯩﻦ ﺗﯧﺨﯩﻤﯘ ﺋﯧﻐﯩﺮﻻﺷﻘﺎﻧﻠﯩﻘﯩﻨﻰ ﻛﯚﺭﺳﻪﺗﻤﻪﻛﺘﻪ.

ﻣﺎﺗﯧﺮﯨﻴﺎﻟﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﻟﻠﯩﻚ ﻳﯩﻞ ﺟﻪﺭﻳﺎﻧﯩﺪﺍ ﺋﯘﻳﻐﯘﺭ ﺋﯧﻠﯩﻐﺎ ﺧﯩﺘﺎﻱ ﺋﯩﺸﻠﻪﭘﭽﯩﻘﯩﺮﯨﺶ ﻗﯘﺭﯗﻟﯘﺵ ﺋﺎﺭﻣﯩﻴﯩﺴﯩﻨﻰ ﺋﻮﺭﯗﻧﻼﺷﺘﯘﺭﯗﺵ ﺋﯜﭼﯜﻥ ﺟﻪﻣﻰ 16 ﻣﯩﻠﻴﻮﻥ ﻣﻮ ﺑﻮﺯ ﻳﻪﺭ ﺋﺎﭼﻘﺎﻥ. ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﻨﯩﯔ ﻣﻪﺧﺴﯘﺱ ﺋﺎﺷﻠﯩﻖ ﺋﯩﺸﻠﻪﭘﭽﯩﻘﯩﺮﯨﺶ ﺩﯦﻬﻘﺎﻧﭽﯩﻠﯩﻖ ﻳﻪﺭ ﻣﻪﻳﺪﺍﻧﯩﻨﯩﯔ ﻛﯚﻟﯩﻤﻰ 21ﻣﯩﻠﻴﻮﻥ 37ﻣﯩﯔ ﻣﻮﻏﺎ ﻳﻪﺗﻜﻪﻥ ﺑﻮﻟﯘﭖ ﺋﯚﺗﻜﻪﻥ ﻳﯩﻠﻐﺎ ﻗﺎﺭﯨﻐﺎﻧﺪﺍ ﻳﻪﻧﻪ ﺑﯩﺮ ﻣﯩﻠﻴﻮﻥ ﻣﻮ ﻳﯧﯖﯩﺪﯨﻦ ﺋﯧﭽﯩﻠﻐﺎﻥ. ﺋﯘﻳﻐﯘﺭ ﺋﯧﻠﯩﺪﻩ ﺗﯧﺰ ﺳﯜﺭﺋﻪﺗﺘﻪ، ﭘﯩﻼﻧﻠﯩﻖ ﯞﻩ ﭘﯩﻼﻧﺴﯩﺰ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺑﻮﺯ ﻳﻪﺭ ﺋﯧﭽﯩﺶ، ﺋﯘﻳﻐﯘﺭ ﺋﯧﻠﯩﻨﯩﯔ ﻧﯘﺭﻏﯘﻥ ﺳﯘ ﯞﻩ ﺗﯘﭘﺮﺍﻕ ﺑﺎﻳﻠﯩﻘﻠﯩﺮﻯ ﺑﯘﺯﻏﯘﻧﭽﯩﻠﯩﻘﻼﺭﻏﺎ ﺋﯘﭼﺮﺍﺗﻤﺎﻗﺘﺎ.

ﺳﯘ ﻗﯩﺲ ﺑﻮﻟﯘﺵ ﺑﯩﻠﻪﻥ ﺗﻪﯓ ﭼﻪﻛﻠﯩﻚ ﺳﯘ ﻣﻪﻧﺒﻪﻟﯩﺮﯨﻤﯘ ﺑﯘﻟﻐﺎﻧﺪﻯ

ﺋﯘﻳﻐﯘﺭ ﺋﯧﻠﻰ ﻣﯘﻫﯩﺖ ﺋﺎﺳﺮﺍﺵ ﺗﻮﺭ ﺑﻪﺗﻠﯩﺮﯨﺪﯨﻦ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﯘ ﻣﻪﻧﺒﻪﻟﯩﺮﯨﻨﯩﯔ ﻣﯘﻫﯩﺘﻰ ﺋﺎﺳﺮﺍﺵ ﯞﻩ ﺋﯘﻧﻰ ﺑﺎﺷﻘﯘﺭﯗﺵ ﻗﺎﻧﯘﻥ ﺑﻪﻟﮕﯩﻠﯩﻤﯩﻠﯩﺮﻯ ﻧﻪﭼﭽﻪ ﺋﻮﻥ ﺗﯜﺭﮔﻪ ﺑﺎﺭﯨﺪﯗ. ﺋﻪﻣﻤﺎ ﻣﺎﻧﺎ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﻗﺎﻧﯘﻥ-ﺑﻪﻟﮕﯩﻠﯩﻤﯩﻠﻪﺭﮔﻪ ﺋﻪﻣﻪﻝ ﻗﯩﻠﻤﺎﺳﻠﯩﻖ ﯞﻩ ﺑﯘ ﻗﺎﻧﯘﻧﻨﻰ ﻳﺎﺧﺸﻰ ﺋﯩﺠﺮﺍ ﻗﯩﻠﻤﺎﺳﻠﯩﻘﻰ ﻗﺎﺗﺎﺭﻟﯩﻖ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺩﻩﺭﻳﺎ-ﻛﯚﻟﻠﻪﺭﻧﯩﯔ ﺳﯘ ﻣﯘﻫﯩﺘﻰ ﻛﯩﺸﯩﻨﻰ ﭼﯚﭼﯜﺗﯩﺪﯨﻐﺎﻥ ﺩﻩﺭﯨﺠﯩﺪﻩ ﺑﯘﻟﻐﺎﻧﻤﺎﻗﺘﺎ. ﺑﯘ ﻗﯧﺘﯩﻢ ﺗﻪﻛﺸﯜﺭﯛﺷﺘﻪ ﺑﯘﻟﻐﯩﻨﯩﺶ ﺩﻩﺭﯨﺠﯩﺴﻰ ﺋﯧﻐﯩﺮ ﭼﯩﻘﻘﺎﻥ ﺑﺎﺷﻘﺎ ﻛﯚﻝ ﺩﻩﺭﻳﺎ ﻫﻪﻣﺪﻩ ﺳﯘ ﺋﺎﻣﺒﺎﺭﻟﯩﺮﯨﻨﯩﯔ ﺑﯘﻟﻐﯩﻨﯩﺶ ﺳﻪﯞﻩﺑﻠﯩﺮﯨﻤﯘ ﻳﯘﻗﺎﺭﻗﯩﺪﯨﻐﺎ ﺋﻮﺧﺸﺎﺵ ﺑﻮﻟﯘﭖ ﺋﺎﺳﺎﺳﻪﻥ ﺋﺎﺩﻩﻣﻠﻪﺭ ﻫﻪﻣﺪﻩ ﻛﯧﺮﻩﻛﺴﯩﺰ ﺳﯘﻻﺭ ﺗﻪﺭﯨﭙﯩﺪﯨﻦ ﺑﯘﻟﻐﺎﻧﻐﺎﻥ. ﺋﯘﻳﻐﯘﺭ ﺋﯧﻠﯩﺪﻩ ﺋﻪﺳﻠﯩﻼ ﺳﯘ ﻣﻪﻧﺒﻪﺳﻰ ﻛﻪﻣﭽﯩﻞ ﺑﻮﻟﻐﺎﻧﺪﯨﻦ ﺳﯩﺮﺕ ﺋﺎﺳﺎﺳﻠﯩﻖ ﺗﺎﺗﻠﯩﻖ ﺳﯘ ﻳﻪﻧﻰ ﺋﯩﭽﯩﻤﻠﯩﻚ ﺳﯘ ﻣﻪﻧﺒﻪﻟﯩﺮﯨﻨﯩﯔ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﺎﻧﻐﺎﻧﻠﯩﻘﻰ ﻣﯘﻫﯩﺖ ﺋﺎﺳﺮﺍﺵ ﺋﻮﺭﯗﻧﻠﯩﺮﯨﻼ ﺋﻪﻣﻪﺱ، ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯖﻤﯘ ﺋﻪﻧﺪﯨﺸﯩﺴﯩﻨﻰ ﻗﻮﺯﻏﯩﻤﺎﻗﺘﺎ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻫﯩﺖ ﺩﻭﻛﻼﺗﻼﺭﺩﯨﻦ ﻣﻪﻟﯘﻡ ﺑﻮﻟﻐﺎﻧﺪﻩﻙ، ﻧﯚﯞﻩﺗﺘﻪ ﺗﺎﺭﯨﻢ ﯞﻩ ﺋﯩﻠﻰ ﺩﻩﺭﻳﺎﺳﻰ ﺋﻮﺧﺸﺎﺷﻼ ﺋﯧﻐﯩﺮ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺖ ﺑﯘﻟﻐﯩﻨﯩﺶ ﻣﻪﺳﯩﻠﯩﻠﯩﺮﯨﮕﻪ ﺩﯗﭺ ﻛﻪﻟﻤﻪﻛﺘﻪ. ﺩﻩﺭﻳﺎ ﯞﺍﺩﯨﻠﯩﺮﯨﻤﯘ ﺗﯘﭘﺮﺍﻗﻨﯩﯔ ﻗﯘﻣﻠﯩﺸﯩﺶ ﯞﻩ ﺷﻮﺭﻟﯩﺸﯩﺶ ﻣﻪﺳﯩﻠﯩﻠﯩﺮﯨﮕﻪ ﻳﻮﻟﯘﻗﻤﺎﻗﺘﺎ. ﺋﯘﻳﻐﯘﺭ ﺋﯧﻠﯩﺪﻩ ﻳﻪﻧﯩﻼ 5ﻣﯩﻠﻴﻮﻧﻐﺎ ﻳﯧﻘﯩﻦ ﺩﯦﻬﻘﺎﻧﻨﯩﯔ ﺋﯩﭽﯩﻤﻠﯩﻚ ﺳﯘ ﻣﻪﺳﯩﻠﯩﺴﻰ ﻫﻪﻝ ﺑﻮﻟﻤﯩﺪﻯ. ﺋﯘﻳﻐﯘﺭ ﺋﯧﻠﯩﺪﻩ ﺳﯘ ﺑﺎﻳﻠﯩﻘﻰ ﻗﯩﺲ ﺑﻮﻟﯘﺵ ﺑﯩﻠﻪﻥ ﺑﯩﺮﮔﻪ، ﺳﯘﻧﻰ ﺋﯩﺴﺮﺍﭖ ﻗﯩﻠﯩﺶ ﺋﻪﻫﯟﺍﻟﻰ ﺋﯧﻐﯩﺮ ﺑﻮﻟﻤﺎﻗﺘﺎ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﺋﯧﻼﻥ ﻗﯩﻠﻐﺎﻥ ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، 2004‏-ﻳﯩﻠﺪﯨﻜﻰ ﺳﺎﻧﻠﯩﻖ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ، ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﻛﯩﺸﻰ ﺑﯧﺸﯩﻐﺎ ﺗﻮﻏﺮﺍ ﻛﯧﻠﯩﺪﯨﻐﺎﻥ ﺳﯘ ﺋﯩﺸﻠﯩﺘﯩﺶ ﻣﯩﻘﺪﺍﺭﻯ 2 ﻣﯩﯔ 500 ﻛﯘﭖ ﻣﯧﺘﯩﺮﺩﯨﻦ ﺋﺎﺭﺗﯘﻕ ﺑﻮﻟﯘﭖ، ﭘﯜﺗﯜﻥ ﺧﯩﺘﺎﻳﺪﯨﻜﻰ ﺋﻮﺗﺘﯘﺭﯨﭽﻪ ﺳﻪﯞﯨﻴﯩﻨﯩﯔ 5 ﻫﻪﺳﺴﯩﺪﯨﻦ ﻛﯚﭘﺮﻩﻙ ﻛﯧﻠﯩﺪﯨﻜﻪﻥ.

ﺑﯘﻧﺪﺍﻕ ﺑﻮﻟﯘﺷﯩﺪﯨﻜﻰ ﺳﻪﯞﻩﺑﻠﻪﺭ ﺑﻮﻟﺴﺎ، ﺋﯘﻳﻐﯘﺭ ﺋﯧﻠﯩﻨﯩﯔ ﻧﯘﺭﻏﯘﻥ ﺟﺎﻳﻠﯩﺮﯨﺪﺍ ﺳﯘ ﺗﯧﺠﻪﺵ ﺗﯩﭙﯩﺪﯨﻜﻰ ﺟﻪﻣﺌﯩﻴﻪﺕ ﻗﯘﺭﯗﺵ ﻗﺎﺭﯨﺸﻰ ﻛﻪﻣﭽﯩﻞ ﺑﻮﻟﯘﭖ، ﺳﯘ ﺗﯧﺠﻪﺵ ﺗﯜﺯﯛﻟﻤﯩﺴﻰ ﯞﻩ ﺳﯘ ﺗﯧﺠﻪﺵ ﺗﻪﺩﺑﯩﺮﻟﯩﺮﻯ ﻣﯘﻛﻪﻣﻤﻪﻝ ﺋﻪﻣﻪﺱ ﺋﯩﻜﻪﻥ. ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺋﯩﺸﻠﯩﺘﯩﺶ ﻣﯩﻘﺪﺍﺭﯨﻐﺎ ﻗﺎﺭﺍﭖ ﻫﻪﻕ ﺋﯧﻠﯩﺶ، ﭘﯩﻼﻥ ﻧﻮﺭﻣﯩﺴﯩﺪﯨﻦ ﺋﺎﺷﯘﺭﯗﭖ ﺋﯩﺸﻠﯩﺘﯩﺸﻜﻪ ﻗﺎﺭﯨﺘﺎ ﻫﻪﻕ ﻗﻮﺷﯘﭖ ﺋﯧﻠﯩﺶ ﺗﯜﺯﯛﻟﻤﯩﺴﯩﻤﯘ ﻳﺎﺧﺸﻰ ﺋﻪﻣﯩﻠﯩﻠﯩﻴﻪﺷﻤﯩﮕﻪﻥ.

ﺷﯘﻧﺪﺍﻗﻼ ﺳﺎﻧﺎﺋﻪﺕ ﻛﺎﺭﺧﺎﻧﯩﻠﯩﺮﯨﻨﯩﯔ ﺗﯧﺨﻨﯩﻜﺎ ﺋﯚﺯﮔﻪﺭﺗﯩﺶ ﺧﯩﺰﻣﯩﺘﻰ ﺋﺎﺭﻗﯩﺪﺍ ﺑﻮﻟﻐﺎﻧﻠﯩﻘﺘﯩﻦ، ﺑﯩﺮﻟﯩﻚ ﻣﻪﻫﺴﯘﻻﺕ ﺋﯩﺸﻠﻪﭘﭽﯩﻘﯩﺮﯨﺶ ﯞﻩ ﻫﻪﺭ ﺋﻮﻥ ﻣﯩﯔ ﻳﯜﺋﻪﻧﻠﯩﻚ ﺋﯩﭽﻜﻰ ﺋﯩﺸﻠﻪﭘﭽﯩﻘﯩﺮﯨﺶ ﻗﯩﻤﻤﯩﺘﯩﻨﻰ ﻳﺎﺭﯨﺘﯩﺶ ﺋﯜﭼﯜﻥ ﺋﯩﺸﻠﯩﺘﯩﻠﯩﺪﯨﻐﺎﻥ ﺳﯘ ﻣﯩﻘﺪﺍﺭﻯ ﭘﯜﺗﯜﻥ ﺧﯩﺘﺎﻳﺪﯨﻜﻰ ﺋﻮﺗﺘﯘﺭﯨﭽﻪ ﺳﻪﯞﯨﻴﯩﺪﯨﻦ ﺯﻭﺭ ﺩﻩﺭﯨﺠﯩﺪﻩ ﻳﯘﻗﯩﺮﻯ ﺑﻮﻟﻐﺎﻥ. ﺑﯘﻧﯩﯖﺪﯨﻦ ﺳﯩﺮﺕ ﻳﻪﻧﻪ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﺎﻧﺎﺋﻪﺕ ﺋﯩﺸﻠﻪﭘﭽﯩﻘﯩﺮﯨﺸﻰ ﯞﻩ ﺷﻪﻫﻪﺭﻟﻪﺭﺩﯨﻦ ﭼﯩﻘﻘﺎﻥ ﭘﺎﺳﻜﯩﻨﺎ ﺳﯘﻻﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﭗ ﻗﺎﻳﺘﺎ ﭘﺎﻳﺪﯨﻠﯩﻨﯩﺶ ﻧﯩﺴﺒﯩﺘﻰ ﺋﺎﺭﺍﻥ 12% ﺑﻮﻟﻤﺎﻗﺘﺎ. ﺑﯘﻧﯩﯖﻐﺎ ﻗﻮﺷﯘﻟﻐﺎﻥ ﺳﯘ ﻣﻪﻧﺒﻪﻟﯩﺮﯨﻨﯩﯔ ﺋﯧﻐﯩﺮ ﺩﻩﺭﯨﺠﯩﺪﻩ ﺑﯘﻟﻐﯩﻨﯩﺶ ﻣﻪﺳﯩﻠﯩﺴﻰ ﻧﯚﯞﻩﺗﺘﻪ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭﻧﯩﯔ ﺟﯩﺪﺩﻯ ﺗﻪﺩﺑﯩﺮ ﻗﻮﻟﻠﯩﻨﯩﺸﻨﻰ ﻛﯜﺗﯜﯞﺍﺗﻘﺎﻥ ﺗﻪﺧﯩﺮﺳﯩﺰ ﻣﻪﺳﯩﻠﯩﮕﻪ ﺋﺎﻳﻼﻧﻐﺎﻥ. (ﮔﯜﻟﭽﯧﻬﺮﻩ)