ﺗﯘﻧﺠﻰ ﯞﻩ ﺑﻪﻟﻜﻰ ﺋﺎﺧﯩﺮﻗﻰ ﺭﻩﺳﻤﯩﻲ ﺋﯘﭼﺮﯨﺸﯩﺶ

ﺧﻮﻛﻜﺎﻳﺪﻭﺩﺍ ﺋﯚﺗﻜﯜﺯﯛﻟﮕﻪﻥ ﺑﯘ ﻗﯧﺘﯩﻤﻘﻰ ﻳﯩﻐﯩﻦ ﺟﻪﺭﻳﺎﻧﯩﺪﺍ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺑﯩﻠﻪﻥ ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﺩﻣﯩﺘﺮﯨﻲ ﻣﯧﺪﯞﯦﺪﯦﯟ ﺗﯘﻧﺠﻰ ﻗﯧﺘﯩﻢ ﺭﻩﺳﻤﯩﻲ ﺋﯘﭼﺮﯨﺸﯩﭗ ﺳﯚﻫﺒﻪﺗﻠﻪﺷﺘﻰ. ﺑﯘ ﺳﯚﻫﺒﻪﺕ ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﻩﺗﻠﯩﺮﻯ ﺋﯜﭼﯜﻥ ﻣﯘﻫﯩﻢ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺑﻮﻟﯘﭖ، ﺋﯘﻻﺭ ﺋﯩﻜﻜﻰ ﻣﻪﻣﻠﯩﻜﻪﺕ ﺋﺎﺭﯨﺴﯩﺪﺍ ﺳﺎﺑﯩﻖ ﭘﺮﯦﺰﯨﺪﯦﻨﺖ ﯞﻻﺩﯨﻤﯩﺮ ﭘﯘﺗﯩﻦ ﺩﻩﯞﺭﯨﺪﯨﻦ ﺗﺎﺭﺗﯩﭗ ﻫﻪﻝ ﺑﻮﻟﻤﺎﻱ ﻛﯧﻠﯩﯟﺍﺗﻘﺎﻥ ﺋﺎﻣﯧﺮﯨﻜﯩﻨﯩﯔ ﺷﻪﺭﻗﯩﻲ ﻳﺎﯞﺭﻭﭘﺎﺩﺍ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﺪﯨﻦ ﻣﯘﺩﺍﭘﯩﺌﻪ ﻛﯚﺭﯛﺵ ﺳﯩﺴﺘﯧﻤﯩﺴﻰ ﺋﻮﺭﻧﯩﺘﯩﺶ ﻣﻪﺳﯩﻠﯩﺴﯩﻨﻰ ﺋﯚﺯ ﺋﯩﭽﯩﮕﻪ ﻣﯘﺯﺍﻛﯩﺮﻩ ﻗﯩﻠﻐﺎﻥ.

ﻣﻪﺯﻛﯘﺭ ﺗﯧﻤﺎ ﺋﯚﺗﻜﻪﻥ ﻳﯩﻠﻰ ﺳﻪﻛﻜﯩﺰ ﺳﺎﻧﺎﺋﻪﺕ ﺩﯙﻟﯩﺘﻰ ﺑﺎﺷﻠﯩﻘﻠﯩﺮﯨﻨﯩﯔ ﮔﯧﺮﻣﺎﻧﯩﻴﯩﺪﻩ ﺋﯚﺗﻜﯜﺯﯛﻟﮕﻪﻥ ﻳﯩﻐﯩﻨﻰ ﺟﻪﺭﻳﺎﻧﯩﺪﯨﻤﯘ ﺑﯘﺵ ﺑﯩﻠﻪﻥ ﺳﺎﺑﯩﻖ ﭘﺮﯦﺰﯨﺪﯦﻨﺖ ﭘﯘﺗﯩﻨﻨﯩﯔ ﺋﺎﻳﺮﯨﻢ ﺋﯘﭼﺮﯨﺸﯩﺸﯩﺪﺍ ﺷﯘﻧﯩﯖﺪﻩﻙ ﺋﯘﻧﯩﯖﺪﯨﻦ ﻛﯧﻴﯩﻨﻜﻰ ﺑﯩﺮ ﻗﺎﻧﭽﻪ ﻗﯧﺘﯩﻤﻠﯩﻖ ﻣﻪﺧﺴﯘﺱ ﺋﯘﭼﺮﯨﺸﯩﺸﻠﯩﺮﯨﺪﯨﻤﯘ ﻣﯘﺯﺍﻛﯩﺮﻩ ﻗﯩﻠﯩﻨﯩﭗ ﻛﻪﻟﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﻛﯚﺭﯛﻧﻪﺭﻟﯩﻚ ﻧﻪﺗﯩﺠﻪ ﺑﻮﻟﻤﺎﻱ، ﻳﯧﯖﻰ ﭘﺮﯦﺰﯨﺪﯦﻨﺖ ﻣﯧﺪﯞﯦﺪﯦﯟﻏﺎ ﻗﺎﻟﻐﺎﻥ ﺋﯩﺪﻯ. ﺭﯗﺳﯩﻴﯩﻨﯩﯔ "ﻧﻪﯞﺳﺮﯗ" ﺋﯘﭼﯘﺭ ﺗﻮﺭﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯘﺵ ﻣﯧﺪﯞﯦﺪﯦﯟﻧﻰ، "ﺋﯘﻧﯩﯔ ﻧﺎﻫﺎﻳﯩﺘﻰ ﺋﻪﻗﯩﻠﻠﯩﻖ، ﺋﺎﺳﺎﻥ ﺗﯩﻞ ﺗﺎﭘﻘﯩﻠﻰ ﺑﻮﻟﯩﺪﯨﻐﺎﻥ، ﺋﯩﺸﻪﻧﭽﯩﮕﻪ ﺗﻮﻟﻐﺎﻥ ﺋﺎﺩﻩﻡ" ﺩﻩﭖ ﻣﺎﺧﺘﯩﻐﺎﻥ.

ﺋﻮﺭﺗﺎﻗﻠﯩﺸﺎﻟﻤﯩﻐﺎﻥ ﺗﻪﺭﻩﭘﻠﻪﺭﻣﯘ ﻣﻪﯞﺟﯘﺕ

ﺭﯗﺳﯩﻴﯩﻨﯩﯔ "ﻧﻪﯞﺳﺮﯗ " ﺋﯘﭼﯘﺭ ﺗﻮﺭﯨﻨﯩﯔ ﻳﯧﺰﯨﺸﯩﭽﻪ، ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﺋﺎﻣﯧﺮﯨﻜﯩﻨﯩﯔ ﭼﯧﺨﯩﻴﻪ ﯞﻩ ﭘﻮﻟﺸﺎﺩﺍ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﺪﯨﻦ ﻣﯘﺩﺍﭘﯩﺌﻪ ﻛﯚﺭﯛﺵ ﺳﯩﺴﺘﯧﻤﯩﺴﻰ ﺋﻮﺭﻧﯩﺘﯩﺶ ﭘﯩﻼﻧﻰ ﻣﻪﺳﯩﻠﯩﺴﯩﺪﻩ ﻣﯧﺪﯞﯦﺪﯦﯟ ﻗﺎﺭﺷﻰ ﭘﯩﻜﯩﺮﯨﻨﻰ ﺋﯩﭙﺎﺩﯨﻠﯩﮕﻪﻥ ﺑﻮﻟﯘﭖ، ﺋﯘ ﻳﻪﻧﻪ ﺋﺎﻣﯧﺮﯨﻜﯩﻨﯩﯔ ﺑﯘ ﺧﯩﻞ ﺳﯩﺴﺘﯧﻤﯩﻨﻰ ﻟﯩﺘﯟﺍﻏﺎ ﺋﻮﺭﯗﻧﻼﺷﺘﯘﺭﯗﺷﯩﻐﺎ ﻗﻪﺗﺌﯩﻲ ﻗﻮﺷﯘﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺋﻪﻟﯟﻩﺗﺘﻪ، ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﺪﯨﻦ ﻣﯘﺩﺍﭘﯩﺌﻪ ﻛﯚﺭﯛﺵ ﺳﯩﺴﺘﯧﻤﯩﺴﻰ ﻣﻪﺳﯩﻠﯩﺴﻰ ﺋﯚﺗﻜﻪﻥ ﻳﯩﻠﯩﺪﯨﻦ ﺑﯘﻳﺎﻥ ﺋﺎﻣﯧﺮﯨﻜﺎ ﺑﯩﻠﻪﻥ ﺭﯗﺳﯩﻴﻪ ﺋﺎﺭﯨﺴﯩﺪﯨﻜﻰ ﺋﯩﺨﺘﯩﻼﭘﻠﯩﻖ ﻣﻪﺳﯩﻠﯩﮕﻪ ﺋﺎﻳﻼﻧﻐﺎﻥ ﺑﻮﻟﯘﭖ، ﮔﻪﺭﭼﻪ ﺋﺎﻣﯧﺮﯨﻜﺎ ﺗﻪﺭﻩﭖ ﺑﯘﻧﯩﯔ ﻫﻪﺭﮔﯩﺰ ﺭﯗﺳﯩﻴﯩﮕﻪ ﻗﺎﺭﯨﺘﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ ﺗﯘﺭﺳﯩﻤﯘ، ﻟﯧﻜﯩﻦ ﺭﯗﺳﯩﻴﻪ ﻳﻪﻧﯩﻼ ﺷﻪﺭﻗﯩﻲ ﻳﺎﯞﺭﻭﭘﺎﺩﺍ ﻣﯘﻧﺪﺍﻕ ﺳﯩﺴﺘﯧﻤﯩﻨﯩﯔ ﻗﯘﺭﯗﻟﯘﺷﯩﻨﻰ ﺋﯚﺯﯨﮕﻪ ﻧﯩﺴﺒﻪﺗﻪﻥ ﺗﻪﻫﺪﯨﺖ ﺩﻩﭖ ﻫﯧﺴﺎﺑﻠﯩﻐﺎﻥ. ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﯩﻨﯩﯔ ﺷﻪﺭﻗﻘﻪ ﻛﯧﯖﯩﻴﯩﺸﻰ، ﺷﻪﺭﻗﯩﻲ ﻳﺎﯞﺭﻭﭘﺎﺩﯨﻜﻰ ﯞﻩ ﺑﯩﺮ ﻗﯩﺴﯩﻢ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﯨﻦ ﺋﺎﻳﺮﯨﻠﻐﺎﻥ ﺟﯘﻣﻬﯘﺭﯨﻴﻪﺗﻠﻪﺭﻧﯩﯔ ﻣﻪﺯﻛﯘﺭ ﺋﻪﻫﺪﻯ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺑﻮﻟﯘﺷﻰ ﯞﻩ ﺋﻪﺯﺍﻟﯩﻘﻘﺎ ﺋﯩﻨﺘﯩﻠﯩﺸﯩﻤﯘ ﺋﻮﺧﺸﺎﺷﻼ ﺭﯗﺳﯩﻴﯩﻨﻰ ﺑﯩﺌﺎﺭﺍﻡ ﻗﯩﻠﻤﺎﻗﺘﺎ. ﺋﻪﻟﯟﻩﺗﺘﻪ، ﺋﯘﻛﺮﺍﺋﯩﻨﯩﻴﻪ ﺑﯩﻠﻪﻥ ﮔﺮﯗﺯﯨﻴﻪ ﻣﻪﺯﻛﯘﺭ ﺗﻪﺷﻜﯩﻼﺗﻘﺎ ﻛﯩﺮﯨﺸﻜﻪ ﺗﯩﺮﯨﺸﻘﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﺋﯘﻻﺭﻧﻰ ﻗﻮﻟﻼﺵ ﭘﻮﺯﯨﺘﺴﯩﻴﯩﺴﯩﻨﻰ ﺑﯩﻠﺪﯛﺭﮔﻪﻧﻠﯩﻜﯩﻢ ﺋﯜﭼﯜﻥ ﺭﯗﺳﯩﻴﻪ ﮔﺮﯗﺯﯨﻴﯩﺪﯨﻦ ﺋﺎﻳﺮﯨﻠﯩﭗ ﻣﯘﺳﺘﻪﻗﯩﻞ ﺑﻮﻟﯘﺷﻘﺎ ﺋﯩﻨﺘﯩﻠﯩﯟﺍﺗﻘﺎﻥ ﺋﺎﺑﺨﺎﺯﯨﻴﻪ ﯞﻩ ﺟﻪﻧﯘﺑﯩﻲ ﺋﺎﺳﺴﯧﺘﯩﻴﻪ ﺟﯘﻣﻬﯘﺭﯨﻴﻪﺗﻠﯩﺮﯨﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﻗﻮﻟﻼﺵ ﻣﻪﻳﺪﺍﻧﯩﻨﻰ ﺋﯩﭙﺎﺩﯨﻠﯩﮕﻪﻥ.
 
ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯩﻜﻜﻰ ﭘﺮﯦﺰﯨﺪﯦﻨﺖ ﺑﯘ ﻣﻪﺳﯩﻠﻪ ﯞﻩ ﺷﯩﻤﺎﻟﯩﻲ ﻛﻮﺭﯨﻴﻪ ﻳﺎﺩﺭﻭ ﻣﻪﺳﯩﻠﯩﺴﻰ ﻗﺎﺗﺎﺭﻟﯩﻘﻼﺭﻧﯩﻤﯘ ﺗﯩﻠﻐﺎ ﺋﺎﻟﻐﺎﻥ. ﺑﯘﺵ ﺑﯩﻠﻪﻥ ﻣﯧﺪﯞﯦﺪﯦﯟ ﺋﯘﭼﺮﺍﺷﻘﺎﻥ ﺑﯘ ﻛﯜﻧﻠﻪﺭﺩﻩ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﻮﻧﺪﺍﻟﯩﺰﺍ ﺭﺍﻳﯩﺲ ﻳﺎﯞﺭﻭﭘﺎﺩﯨﻜﻰ ﺗﯚﺕ ﺩﯙﻟﻪﺗﻜﻪ ﻗﺎﺭﺍﺗﻘﺎﻥ ﺯﯨﻴﺎﺭﯨﺘﯩﻨﻰ ﺑﺎﺷﻠﯩﻐﺎﻥ ﺑﻮﻟﯘﭖ، ﺋﯘ ﺑﯘ ﺳﻪﭘﻪﺭﺩﻩ ﭼﯧﺨﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﻣﯘﺩﺍﭘﯩﺌﻪ ﺳﯩﺴﺘﯧﻤﯩﺴﯩﻐﺎ ﻣﯘﻧﺎﺳﯩﯟﻩﺗﻠﯩﻚ ﻛﯧﻠﯩﺸﯩﻤﮕﻪ ﺋﯩﻤﺰﺍ ﻗﻮﻳﯩﺪﯨﻜﻪﻥ.

ﺋﯩﺮﺍﻧﻨﻰ ﺋﯘﺭﺍﻥ ﺗﺎﯞﻟﯩﻤﺎﺳﻠﯩﻘﻘﺎ ﺑﯩﺮﻟﯩﻜﺘﻪ ﺩﻩﯞﻩﺕ ﻗﯩﻠﯩﺪﯗ

ﭘﺮﯦﺰﯨﺪﯦﻨﺖ ﺑﯘﺵ ﺑﯩﻠﻪﻥ ﭘﺮﯦﺰﯨﺪﯦﻨﺖ ﻣﯧﺪﯞﯦﺪﯦﯟ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﻰ ﭼﻪﻛﻠﻪﺵ ﺟﯜﻣﻠﯩﺪﯨﻦ ﺋﯩﺮﺍﻧﻨﯩﯔ ﻳﺎﺩﺭﻭ ﭘﯩﻼﻧﻰ ﻣﻪﺳﯩﻠﯩﺴﻰ ﺋﯜﺳﺘﯩﺪﯨﻤﯘ ﭘﯩﻜﯩﺮ ﺋﺎﻟﻤﺎﺷﺘﯘﺭﻏﺎﻧﺪﺍ ﺋﯘﻻﺭ ﺑﯩﺮﺩﻩﻙ ﻫﺎﻟﺪﺍ ﻫﻪﻣﻜﺎﺭﻟﯩﺸﯩﭗ، ﺋﯩﺮﺍﻧﻨﯩﯔ ﺋﯘﺭﺍﻥ ﺗﺎﯞﻟﯩﺸﯩﻨﻰ ﺗﻮﺧﺘﯩﺘﯩﺸﻘﺎ ﭘﯜﺗﯜﺷﻜﻪﻥ. ﺭﯗﺳﯩﻴﻪ ﺋﻪﺳﻠﯩﺪﻩ ﺋﯩﺮﺍﻧﻨﯩﯔ ﻳﺎﺩﺭﻭ ﭘﯩﻼﻧﻰ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ ﺑﯩﻠﻪﻥ ﺋﻮﺧﺸﺎﺵ ﻣﻪﻳﺪﺍﻧﺪﺍ ﺗﯘﺭﯗﭖ، ﺋﺎﻣﯧﺮﯨﻜﺎ ﺑﺎﺷﻠﯩﻖ ﻏﻪﺭﺑﻨﯩﯔ ﺋﯩﺮﺍﻧﻨﻰ ﺟﺎﺯﺍﻻﺵ ﭘﻮﺯﯨﺘﺴﯩﻴﯩﺴﯩﮕﻪ ﻗﺎﺭﺷﻰ ﭼﯩﻘﻘﺎﻥ ﺋﯩﺪﻯ.

ﭘﺮﯦﺰﯨﺪﯦﻨﺖ ﺑﯘﺵ ﺋﯚﺯﯨﻨﯩﯔ ﻳﻪﻧﻪ ﺋﺎﻟﺘﻪ ﺋﺎﻳﺪﯨﻦ ﻛﯧﻴﯩﻦ ﯞﻩﺯﯨﭙﯩﺴﯩﺪﯨﻦ ﻗﺎﻟﯩﺪﯨﻐﺎﻧﻠﯩﻘﻰ، ﺷﯘﯕﺎ ﺑﯘ ﯞﺍﻗﯩﺖ ﺋﯩﭽﯩﺪﻩ ﻣﯧﺪﯞﯦﺪﯦﯟ ﺑﯩﻠﻪﻥ ﺋﻮﺭﺗﺎﻕ ﻣﻪﻧﭙﻪﺋﻪﺗﻠﻪﺭ ﻧﯘﻗﺘﯩﺴﯩﺪﯨﻦ ﭼﯩﻘﯩﺶ ﻗﯩﻠﯩﭗ ﻫﻪﻣﻜﺎﺭﻟﯩﺸﯩﭗ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. " ﺋﯩﻠﮕﯩﺮﻯ ﺭﯗﺳﯩﻴﻪ ﺑﯩﻠﻪﻥ ﺋﺎﻣﯧﺮﯨﻜﺎ ﻳﯧﻘﯩﻨﺪﯨﻦ ﻫﻪﻣﻜﺎﺭﻟﯩﺸﯩﺶ ﺋﯧﻠﯩﭗ ﺑﺎﺭﻏﺎﻥ، ﺑﯩﺰ ﺑﯘﻧﯩﯖﺪﯨﻦ ﻛﯧﻴﯩﻦ ﺋﯩﺮﺍﻥ ﻫﯚﻛﯜﻣﯩﺘﯩﻨﻰ ﺋﯘﺭﺍﻥ ﺗﺎﯞﻻﺵ ﭘﺎﺋﺎﻟﯩﻴﯩﺘﯩﻨﻰ ﺗﻮﺧﺘﯩﺘﯩﺶ ﺟﻪﻫﻪﺗﺘﻪ ﻗﺎﻳﯩﻞ ﻗﯩﻠﯩﺶ ﺋﯜﭼﯜﻥ ﺋﻮﺭﺗﺎﻕ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﻤﯩﺰ " ﺩﻩﻳﺪﯗ ﺋﯘ ﺳﯚﺯﯨﺪﻩ. ﺩﻣﯩﺘﺮﯨﻲ ﻣﯧﺪﯞﯦﺪﯦﯟﻣﯘ ﺟﺎﯞﺍﺑﻪﻥ ﺋﯚﺯﯨﻨﯩﯔ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﯨﻜﻰ ﺩﻭﺳﺘﺎﻧﻪ ﺩﯨﺌﺎﻟﻮﮔﻨﻰ ﻛﯜﭼﻪﻳﺘﯩﺸﻜﻪ ﺗﯩﺮﯨﺸﯩﺪﯨﻐﺎﻧﻠﯩﻘﻰ ﻫﻪﻣﺪﻩ ﺋﯚﺯﯨﻨﯩﯔ ﻛﯧﻠﻪﺭ ﻗﯧﺘﯩﻤﻘﻰ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯩﻠﻪﻥ ﺋﺎﻣﯧﺮﯨﻜﺎ - ﺭﯗﺳﯩﻴﻪ ﻣﯘﻧﺎﺳﯩﯟﻩﺗﻠﯩﺮﻯ ﺩﺍﯞﺍﻣﻠﯩﻖ ﺭﺍﯞﺍﺟﻼﻧﺪﯗﺭﯗﺷﻘﺎ ﺋﯩﺸﯩﻨﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺋﺎﻳﺮﯨﻢ ﺋﯘﭼﺮﯨﺸﯩﺸﻼﺭ

ﺳﻪﻛﻜﯩﺰ ﺳﺎﻧﺎﺋﻪﺗﻠﻪﺷﻜﻪﻥ ﺩﯙﻟﻪﺕ ﺑﺎﺷﻠﯩﻘﻠﯩﺮﻯ ﺋﻮﺭﺗﺎﻕ ﻫﺎﻟﺪﺍ ﺑﯩﺮ ﻗﺎﺗﺎﺭ ﺧﻪﻟﻘﺌﺎﺭﺍﻟﯩﻖ ﻫﻪﻡ ﺭﺍﻳﻮﻥ ﺧﺎﺭﺍﻛﺘﯧﺮﻟﯩﻖ ﻣﻪﺳﯩﻠﯩﻠﻪﺭﻧﻰ ﻣﯘﺯﺍﻛﯩﺮﻩ ﻗﯩﻠﻐﺎﻧﺪﯨﻦ ﺳﯩﺮﺕ ﻳﻪﻧﻪ ﺑﯩﺮ ﻗﯩﺴﯩﻢ ﺩﯙﻟﻪﺕ ﺑﺎﺷﻠﯩﻘﻠﯩﺮﻯ ﺋﺎﻳﺮﯨﻢ ﺋﯘﭼﺮﯨﺸﯩﭗ، ﺋﯚﺯﺍﺭﺍ ﻣﯘﻧﺎﺳﯩﯟﻩﺗﻠﯩﺮﻯ ﻫﻪﻗﻘﯩﺪﯨﻤﯘ ﭘﯩﻜﯩﺮ ﺋﺎﻟﻤﺎﺷﺘﯘﺭﺩﻯ. ﺑﯘ ﺋﻪﻧﺌﻪﻧﻪ ﻣﻪﺯﻛﯘﺭ ﺗﻪﺷﻜﯩﻼﺕ ﺋﯩﺶ ﺑﺎﺷﻠﯩﻐﺎﻧﺪﯨﻦ ﺑﯘﻳﺎﻥ ﺩﺍﯞﺍﻣﻠﯩﺸﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﻫﻪﺭ ﻗﯧﺘﯩﻤﻘﻰ ﺋﯘﭼﺮﯨﺸﯩﺸﻼﺭﺩﺍ ﻣﯘﻫﯩﻢ ﺋﯩﺨﺘﯩﻼﭘﻼﺭﻧﻰ ﻫﻪﻝ ﻗﯩﻠﯩﺸﻨﯩﯔ ﻗﻪﺩﻩﻣﻠﯩﺮﻯ ﺑﯧﺴﯩﻠﯩﺪﯗ ﯞﻩ ﻳﺎﻛﻰ ﺋﯘﻧﯩﯔ ﺋﯜﭼﯜﻥ ﺋﺎﺳﺎﺱ ﺳﯧﻠﯩﻨﯩﺪﯗ. ﺑﯘ ﻗﯧﺘﯩﻤﻘﻰ ﻳﯩﻐﯩﻦ ﺟﻪﺭﻳﺎﻧﯩﺪﺍ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺵ ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﺩﻣﯩﺘﺮﯨﻲ ﻣﯧﺪﯞﯦﺪﯦﯟ، ﻳﺎﭘﻮﻧﯩﻴﻪ ﺑﺎﺵ ﯞﻩﺯﯨﺮﻯ ﻫﻪﻡ ﺑﺎﺷﻘﯩﻼﺭ ﺑﯩﻠﻪﻥ ﺋﺎﻳﺮﯨﻢ ﻛﯚﺭﯛﺷﯜﭖ ﺳﯚﻫﺒﻪﺗﻠﻪﺷﻜﻪﻥ.

ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ ﻳﻪﻧﻪ ﺭﯗﺳﯩﻴﻪ ﭘﺮﯦﺰﯨﺪﯦﻨﺘﻰ ﻣﯧﺪﯞﯦﺪﯦﯟ ﺋﻪﻧﮕﯩﻠﯩﻴﻪ ﺑﺎﺵ ﯞﻩﺯﯨﺮﻯ ﺑﺮﻭﯞﻥ، ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﯨﻲ، ﮔﯧﺮﻣﺎﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻣﯧﺮﻛﯧﻞ ﻗﺎﺗﺎﺭﻟﯩﻘﻼﺭ ﺑﯩﻠﻪﻧﻤﯘ ﻣﻪﺯﻛﯘﺭ ﺩﯙﻟﻪﺗﻠﻪﺭﻧﯩﯔ ﺭﯗﺳﯩﻴﻪ ﺑﯩﻠﻪﻥ ﻛﯚﭖ ﺗﻪﺭﻩﭘﻠﯩﻤﯩﻠﯩﻚ ﻣﯘﻧﺎﺳﯩﯟﻩﺗﻠﯩﺮﻯ ﻫﻪﻗﻘﯩﺪﻩ ﭘﯩﻜﯩﺮ ﺋﺎﻟﻤﺎﺷﺘﯘﺭﻏﺎﻥ. ﺑﯘ ﺋﻪﻣﻪﻟﯩﻴﻪﺗﺘﻪ ﻣﯧﺪﯞﯦﺪﯦﯟﻧﯩﯔ ﺗﯘﻧﺠﻰ ﻗﯧﺘﯩﻢ ﺧﻪﻟﻘﺌﺎﺭﺍﻟﯩﻖ ﭼﻮﯓ ﺳﻮﺭﯗﻧﻐﺎ ﻗﺎﺗﻨﯩﺸﯩﺸﻰ ﻫﻪﻣﺪﻩ ﻫﻪﺭ ﻗﺎﻳﺴﻰ ﺋﻪﻝ ﺭﻩﻫﺒﻪﺭﻟﯩﺮﻯ ﺋﯘﭼﺮﯨﺸﯩﺸﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.

ﺋﺎﻣﯧﺮﯨﻜﺎ، ﺋﻪﻧﮕﯩﻠﯩﻴﻪ، ﻛﺎﻧﺎﺩﺍ، ﻓﺮﺍﻧﺴﯩﻴﻪ، ﺋﯩﺘﺎﻟﯩﻴﻪ، ﮔﯧﺮﻣﺎﻧﯩﻴﻪ، ﻳﺎﭘﻮﻧﯩﻴﻪ، ﺭﯗﺳﯩﻴﯩﺪﯨﻦ ﺋﯩﺒﺎﺭﻩﺕ ﺳﻪﻛﻜﯩﺰ ﺳﺎﻧﺎﺋﻪﺗﻠﻪﺷﻜﻪﻥ ﺩﯙﻟﻪﺕ ﺑﺎﺷﻠﯩﻘﻠﯩﺮﯨﺪﯨﻦ ﺑﺎﺷﻘﺎ ﻳﻪﻧﻪ، ﺧﯩﺘﺎﻱ، ﻫﯩﻨﺪﯨﺴﺘﺎﻥ ﻗﺎﺗﺎﺭﻟﯩﻖ ﺋﺎﺳﯩﻴﺎ - ﺋﺎﻓﺮﯨﻘﯩﻨﯩﯔ 20 ﺩﯨﻦ ﺋﺎﺭﺗﯘﻕ ﺩﯙﻟﯩﺘﯩﻨﯩﯔ ﺑﺎﺷﻠﯩﻘﻠﯩﺮﯨﻤﯘ ﺋﯩﺸﺘﯩﺮﺍﻙ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺳﻮﺭﯗﻧﺪﺍ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞﻣﯘ ﺑﺎﺭ ﺑﻮﻟﯘﭖ، ﺋﯘ ﻳﺎﭘﻮﻧﯩﻴﻪ ﺑﺎﺵ ﯞﻩﺯﯨﺮﻯ ﻳﺎﺳﯘﺋﻮ ﻓﯘﻛﯘﺩﺍ ﺑﯩﻠﻪﻥ ﺋﺎﻳﺮﯨﻢ ﺋﯘﭼﺮﺍﺷﺘﻰ. ﻳﺎﭘﻮﻧﯩﻴﻪ - ﺧﯩﺘﺎﻱ ﺭﻩﻫﺒﯩﺮﻯ ﻛﯚﺭﯛﺷﻜﻪﻥ ﺑﯘ ﻛﯜﻧﻰ ﺩﻩﻝ 1937 - ﻳﯩﻠﻰ ﻳﺎﭘﻮﻧﯩﻴﻪ ﺋﺎﺭﻣﯩﻴﯩﺴﻰ ﻟﯘﮔﻮﭼﺎﯞﺩﯨﻦ ﺋﯚﺗﯜﭖ، ﭘﯜﺗﯜﻥ ﺧﯩﺘﺎﻱ ﺋﻮﺗﺘﯘﺭﺍ ﺗﯜﺯﻟﻪﯕﻠﯩﻜﯩﮕﻪ ﻫﯘﺟﯘﻡ ﻗﻮﺯﻏﯩﻐﺎﻥ ﻛﯜﻥ ﺋﯩﺪﻯ. ﺋﻪﻟﯟﻩﺗﺘﻪ، ﺑﯘ ﺑﯩﺮ ﺗﻪﺳﺎﺩﯨﭙﯩﻲ ﺗﻮﻏﺮﺍ ﻛﯧﻠﯩﭗ ﻗﺎﻟﻐﺎﻥ ﺑﻮﻟﺴﺎ ﻛﯧﺮﻩﻙ.