ﺑﯘ ﻛﯩﺸﻰ ﯞﻩﺗﻪﻧﺪﻩ 7 - ﺋﺎﻳﻨﯩﯔ ﺋﺎﺧﯩﺮﯨﺪﯨﻦ 8 - ﺋﺎﻳﻨﯩﯔ ﺋﻮﺗﺘﯘﺭﯨﻠﯩﺮﯨﻐﯩﭽﻪ ﺗﻪﺧﻤﯩﻨﻪﻥ 3 ﻫﻪﭘﺘﻪ ﺋﻪﺗﺮﺍﭘﯩﺪﺍ ﺗﯘﺭﻏﺎﻥ ﺑﻮﻟﯘﭖ، ﺋﯘ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺋﯜﺭﯛﻣﭽﻰ ﯞﻩﺯﯨﻴﯩﺘﯩﻨﯩﯔ ﻳﻪﻧﯩﻼ ﺟﯩﺪﺩﯨﻲ ﻫﺎﻟﻪﺗﺘﻪ ﺑﻮﻟﯘﭖ ﻛﻮﭼﯩﻼﺭﺩﺍ ﻗﻮﺭﺍﻟﻠﯩﻖ ﺳﺎﻗﭽﯩﻼﺭﻧﯩﯔ ﯞﻩ ﺳﺎﻗﭽﻰ ﺋﺎﭘﺘﻮﻣﻮﺑﯩﻠﻠﯩﺮﯨﻨﯩﯔ ﭼﺎﺭﻻﭖ ﻳﯜﺭﮔﻪﻧﻠﯩﻜﯩﻨﻰ، ﺋﯜﺭﯛﻣﭽﻰ ﺷﻪﻫﯩﺮﯨﻨﯩﯔ ﺋﯘﻳﻐﯘﺭﻻﺭ ﻧﯩﺴﺒﻪﺗﻪﻥ ﺯﯨﭻ ﺋﻮﻟﺘﯘﺭﺍﻗﻼﺷﻘﺎﻥ ﺑﻪﺯﻯ ﺭﺍﻳﻮﻧﻠﯩﺮﯨﻨﯩﯔ ﻗﺎﻣﺎﻝ ﻗﯩﻠﯩﻨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

ﺑﯘ ﻛﯩﺸﻰ ﺋﯚﺯﯨﻨﯩﯔ ﯞﻩﺗﻪﻧﺪﻩ ﻳﻮﻟﯘﻗﻘﺎﻥ ﻛﻪﭼﯜﺭﻣﯩﺸﻠﯩﺮﯨﻨﻰ ﺋﻪﺳﻠﻪﭖ، ﺋﯚﺯﻟﯩﺮﯨﻨﯩﯔ ﻳﻪﻧﺌﻪﻥ ﻳﻮﻟﯩﺪﯨﻜﻰ ﻣﯘﺳﯘﻟﻤﺎﻧﻼﺭ ﻗﻪﺑﺮﯨﺴﺘﺎﻧﻠﯩﻘﻰ ﺗﻪﺭﻩﭘﺘﯩﻜﻰ ﺗﯘﻏﻘﺎﻧﻠﯩﺮﯨﻨﯩﯔ ﺋﯚﻳﯩﮕﻪ ﺑﯧﺮﯨﺶ ﻳﻮﻟﯩﺪﺍ ﺳﺎﻗﭽﯩﻼﺭﻧﯩﯔ ﻳﻮﻟﻨﻰ ﺗﻮﺳﯩﯟﻩﺗﻜﻪﻧﻠﯩﻜﻰ ﺋﯘﭼﯘﻥ ﺑﺎﺷﻘﺎ ﻳﻮﻟﺪﯨﻦ ﺋﺎﻳﻠﯩﻨﯩﭗ ﻣﯧﯖﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ، ﺑﺎﺷﻘﯩﻼﺭﺩﯨﻦ ﺋﺎﯕﻠﯩﺸﯩﭽﻪ، ﺑﯘ ﻗﻪﺑﺮﯨﺴﺘﺎﻧﻠﯩﻘﻨﻰ ﻗﻮﺭﺍﻟﻠﯩﻖ ﺳﺎﻗﭽﯩﻼﺭ ﻗﻮﻏﺪﺍﯞﺍﺗﻘﺎﻥ ﺑﻮﻟﯘﭖ، "5 - ﺋﯩﻴﯘﻝ ﯞﻩﻗﻪﺳﻰ"ﺩﯨﻦ ﻛﯧﻴﯩﻦ ﺑﯘ ﺟﺎﻳﻐﺎ ﻧﺎﻣﻪﻟﯘﻡ ﺋﯘﻳﻐﯘﺭﻻﺭﺩﯨﻦ ﺧﯧﻠﻰ ﺟﯩﻖ ﻛﯩﺸﻰ ﺩﻩﭘﻨﻪ ﻗﯩﻠﯩﻨﻐﺎﻧﻠﯩﻘﻰ ﺋﯘﭼﯘﻥ ﺳﺎﻗﭽﯩﻼﺭﻧﯩﯔ ﺋﯘﻳﻐﯘﺭﻻﺭ ﻗﻪﺑﺮﯨﺴﺘﺎﻧﻠﯩﻘﯩﻨﻰ ﻗﺎﻣﺎﻝ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

ﺑﯘ ﻛﯩﺸﻰ ﺑﯩﺰﮔﻪ ﯞﻩﻗﻪﺩﯨﻦ ﻛﯧﻴﯩﻦ، ﺧﯧﻠﻰ ﺟﯩﻖ ﺋﯘﻳﻐﯘﺭﻻﺭﻧﯩﯔ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﯩﻨﻰ ﺋﺎﯕﻠﯩﻐﺎﻧﻠﯩﻘﯩﻨﻰ، ﺗﻮﻧﯘﺷﻠﯩﺮﯨﺪﯨﻦ ﺋﺎﯕﻠﯩﺸﯩﭽﻪ،ﺗﻪﺧﻤﯩﻨﻪﻥ 10 ﻣﯩﯖﺪﻩﻙ ﺋﯘﻳﻐﯘﺭﻧﯩﯔ ﺗﯘﺗﻘﯘﻥ ﻗﯩﻠﯩﻨﻐﺎﻧﻠﯩﻘﯩﻨﻰ، ﻫﯚﻛﯜﻣﻪﺗﻨﯩﯔ ﺋﯜﺭﯛﻣﭽﯩﻨﯩﯔ ﻗﯩﺰﯨﻠﺘﺎﻍ ﺗﯧﻐﻰ ﺋﻪﺗﺮﺍﭘﯩﺪﯨﻜﻰ ﺋﯩﻠﮕﯩﺮﻯ ﺳﺎﻳﺎﻫﻪﺗﭽﯩﻠﻪﺭ ﺋﯘﭼﯘﻥ ﺗﻪﻳﻴﺎﺭﻻﻧﻐﺎﻥ ﻛﯩﭽﯩﻚ ﺋﯚﻳﻠﻪﺭﻧﻰ ﭼﯧﻘﯩﯟﯦﺘﯩﭗ ﺋﯘﻧﯩﯔ ﺋﻮﺭﻧﯩﻐﺎ ﯞﺍﻗﯩﺘﻠﯩﻖ ﺋﯚﻳﻠﻪﺭ ﻳﺎﺳﺎﭖ، ﯞﻩﻗﻪﺩﻩ ﺗﯘﺗﯘﻟﻐﺎﻥ ﺋﯘﻳﻐﯘﺭﻻﺭﻧﻰ ﺷﯘ ﺟﺎﻳﻐﺎ ﻗﺎﻣﺎﭖ ﺳﻮﺭﺍﻕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﺎﯕﻠﯩﻐﺎﻧﻠﯩﻘﯩﻨﻰ ﺳﯚﺯﻟﻪﭖ ﺑﻪﺭﺩﻯ.

ﺑﯘ ﻛﯩﺸﻰ ﺑﯩﺰﮔﻪ ﺗﯧﻠﯧﯟﯨﺰﻭﺭﻻﺭﺩﺍ ﺑﯧﺮﯨﻠﮕﻪﻥ ﻫﯚﻛﯜﻣﻪﺕ ﺧﻪﯞﻩﺭﻟﯩﺮﯨﺪﻩ ﺋﯜﺭﯛﻣﭽﻰ ﯞﻩﻗﻪﺳﯩﺪﻩ ﺋﯚﻟﮕﻪﻥ ﺧﯩﺘﺎﻳﻼﺭ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭ ﯞﻩ ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﻫﻪﻗﻘﯩﺪﯨﻜﻰ ﺗﻪﺷﯟﯨﻘﺎﺗﻼﺭ ﺑﯧﺮﯨﻠﯩﯟﺍﺗﻘﺎﻧﻠﯩﻘﯩﻨﻰ، 7 - ﺋﯩﻴﯘﻝ ﻛﯜﻧﻰ ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻥ ﺋﯘﻳﻐﯘﺭﻻﺭ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﯩﯔ ﺑﯧﺮﯨﻠﻤﯩﮕﻪﻧﻠﯩﻜﯩﻨﻰ، ﺋﻪﻣﻤﺎ ﺋﯘﻳﻐﯘﺭﻻﺭﻧﯩﯔ ﺋﯚﺯ - ﺋﺎﺭﺍ ﭘﺎﺭﺍﯕﻠﯩﺮﯨﺪﺍ ﯞﻩﻗﻪﺩﻩ ﺧﯧﻠﻰ ﺟﯩﻖ ﺋﯘﻳﻐﯘﺭﻻﺭﻧﯩﯔ ﺋﯚﻟﯜﭖ ﻛﻪﺗﻜﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﮔﻪﭘﻠﻪﺭﻧﯩﯔ ﺑﻮﻟﯘﻧﯩﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

ﺑﯘ ﻛﯩﺸﻰ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﻳﻪﻧﻪ، ﻫﺎﺯﯨﺮ ﮔﻪﺭﭼﻪ ﻫﯚﻛﯜﻣﻪﺗﻨﯩﯔ ﻣﻪﺟﺒﯘﺭﻟﯩﺸﻰ ﺑﯩﻠﻪﻥ ﺋﯘﻳﻐﯘﺭﻻﺭﻧﯩﯔ ﺳﻮﺩﺍ ﺩﯗﻛﺎﻧﻠﯩﺮﻯ ﺋﯧﭽﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺳﯩﺮﺗﺘﯩﻦ ﺋﯜﺭﯛﻣﭽﯩﮕﻪ ﻛﯧﻠﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺋﯘﻳﻐﯘﺭﻻﺭ ﺗﯜﺭﻛﯜﻡ - ﺗﯜﺭﻛﯜﻣﻠﻪﭖ ﺋﯚﺯ ﻳﯘﺭﺗﻠﯩﺮﯨﻐﺎ ﻗﺎﻳﺘﯩﭗ ﻛﻪﺗﻜﻪﻧﻠﯩﻜﻰ ﺋﯘﭼﯘﻥ ﺑﯘ ﺩﯗﻛﺎﻧﻼﺭﺩﺍ ﺗﯩﺠﺎﺭﻩﺕ ﺑﻮﻟﻤﯩﻐﺎﻧﻠﯩﻘﯩﻨﻰ، ﺷﻪﻫﻪﺭ ﻛﻮﭼﯩﻠﯩﺮﯨﺪﺍ ﺋﯚﺯﻯ ﺋﯩﻠﮕﯩﺮﯨﻜﻰ ﻳﯩﻠﻼﺭﺩﺍ ﯞﻩﺗﻪﻥ ﺯﯨﻴﺎﺭﯨﺘﯩﺪﻩ ﻛﯚﺭﯨﺪﯨﻐﺎﻥ ﻗﺎﻳﻨﺎﻕ ﻫﺎﻟﻪﺗﻨﯩﯔ ﺗﺎﻣﺎﻣﻪﻥ ﻳﻮﻗﯩﻠﯩﭗ ﺷﻪﻫﻪﺭ ﭼﯚﻟﺪﻩﺭﻩﭖ ﻗﺎﻟﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﺪﻯ.

ﺋﯘ ﺑﯩﺰﮔﻪ ﺋﯜﺭﯛﻣﭽﯩﺪﯨﻜﻰ ﻣﻪﺯﮔﯩﻠﯩﺪﻩ ﻫﯚﻛﯜﻣﻪﺕ ﺗﻮﺭ ﺋﺎﻻﻗﯩﺴﯩﻨﻰ ﭘﯜﺗﯜﻧﻠﻪﻱ ﺋﯜﺯﯛﯞﻩﺗﻜﻪﻧﻠﻜﻰ ﺋﯘﭼﯘﻥ ﺋﺎﻳﺮﻭﭘﯩﻼﻥ ﺑﯧﻠﯩﺘﻰ ﺋﯧﻠﯩﺸﺘﺎ ﺋﺎﻳﺮﻭﺩﺭﻭﻣﻐﺎ ﺗﯧﻠﯧﻔﻮﻥ ﺋﯘﺭﯗﺵ ﺋﺎﺭﻗﯩﻠﯩﻖ ﺋﺎﻳﺮﻭﭘﯩﻼﻥ ﺑﯧﻠﯩﺘﻰ ﺋﯧﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ، ﺋﻪﻣﻤﺎ ﭼﻪﺗﺌﻪﻝ ﺑﯩﻠﻪﻥ ﺑﻮﻟﻐﺎﻥ ﺗﯧﻠﯧﻔﻮﻥ ﺋﺎﻻﻗﯩﺴﯩﻨﯩﯔ ﻗﺎﻣﺎﻝ ﻗﯩﻠﯩﻨﻐﺎﻧﻠﯩﻘﯩﻨﻰ، ﺗﻮﻱ - ﺗﯚﻛﯜﻥ ﻗﺎﺗﺎﺭﻟﯩﻖ ﻳﯩﻐﯩﻠﯩﺸﻼﺭﻧﯩﯔ ﺋﺎﺯﯨﻴﯩﭗ ﻛﻪﺗﻜﻪﻧﻠﯩﻜﯩﻨﻰ، 3 - 4 ﺋﺎﺩﻩﻡ ﺗﻮﭘﻠﯩﺸﯩﭗ ﺋﻮﻟﺘﯘﺭﺳﺎ ﺳﺎﻗﭽﯩﻼﺭﻧﯩﯔ ﺩﻩﺭﻫﺎﻝ ﺷﯘ ﺟﺎﻳﻐﺎ ﻳﯧﺘﯩﭗ ﻛﯧﻠﯩﭗ، ﺋﯘﻻﺭﻧﯩﯔ ﮔﯘﯞﺍﻫﻨﺎﻣﯩﺴﯩﻨﻰ ﺗﻪﻛﺸﯜﺭﮔﻪﻧﻠﯩﻜﻰ ﺋﯘﭼﯘﻥ ﻛﯩﺸﯩﻠﻪﺭﻧﯩﯔ ﺋﯚﺯ - ﺋﺎﺭﺍ ﺗﻮﭘﻠﯩﺸﯩﭗ ﺋﻮﻟﺘﯘﺭﯨﺪﯨﻐﺎﻥ ﺋﻪﻫﯟﺍﻟﯩﻨﯩﯖﻤﯘ ﻧﺎﻫﺎﻳﯩﺘﻰ ﺋﺎﺯﻟﯩﻘﯩﻨﻰ، ﻛﻮﭼﯩﻼﺭﺩﺍ ﺋﯘﭼﺮﯨﻐﺎﻥ ﻳﺎﺵ ﺋﯘﻳﻐﯘﺭ ﺑﺎﻟﯩﻠﯩﺮﯨﻨﻰ ﺳﺎﻗﭽﯩﻼﺭ ﻛﯚﺭﮔﻪﻧﻼ ﻳﻪﺭﺩﻩ ﺗﻮﺧﺘﯩﺘﯩﭗ ﺳﻮﺭﺍﻕ ﻗﯩﻠﯩﺪﯨﻐﺎﻧﻠﯩﻘﯩﻨﻰ،ﻛﻮﭼﯩﻼﺭﺩﯨﻼ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺗﯘﺗﯘﭖ ﻛﯧﺘﯩﻠﯩﺪﯨﻐﺎﻥ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺧﻪﯞﯨﺮﯨﻨﻰ ﻫﻪﺭ ﻛﯜﻧﻰ ﺋﺎﯕﻼﭖ ﺗﯘﺭﻏﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ ﺑﻪﺭﺩﻯ.

ﺋﯘ ﺑﯩﺰﮔﻪ ﺗﻮﻧﯘﺷﻠﯩﺮﯨﺪﯨﻦ ﺋﺎﯕﻠﯩﺸﯩﭽﻪ، ﺭﯦﺴﺘﻮﺭﺍﻧﺪﺍ ﺋﯚﺗﻜﯜﺯﯛﻟﮕﻪﻥ ﻣﻪﻟﯘﻡ ﺑﯩﺮ ﺗﻮﻳﺪﺍ، ﺯﯨﻴﺎﭘﻪﺕ ﺯﺍﻟﯩﻐﺎ ﺳﺎﻗﭽﯩﻼﺭ ﻗﻮﻟﯩﻐﺎ ﻗﻮﻳﺰﺍ ﺳﯧﻠﯩﻨﻐﺎﻥ 2 ﻧﻪﭘﻪﺭ ﺋﯘﻳﻐﯘﺭ ﺑﺎﻟﯩﺴﯩﻨﻰ ﺋﯧﻠﯩﭗ ﻛﯧﻠﯩﭗ، ﺋﯘﻻﺭﻏﺎ ﺗﻮﻳﺪﯨﻜﻰ ﻳﺎﺷﻼﺭﻧﻰ ﻛﯚﺭﺳﯩﺘﯩﭗ، ﺋﯘﻻﺭ ﺋﯩﭽﯩﺪﯨﻦ "5 - ﺋﯩﻴﯘﻝ ﻧﺎﻣﺎﻳﯩﺸﻰ"ﻏﺎ ﻗﺎﺗﻨﺎﺷﻘﺎﻥ ﺋﯘﻳﻐﯘﺭﻻﺭﻧﻰ ﺗﻮﻧﯘﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻧﻠﯩﻘﯩﻨﻰ، ﻧﻪﺗﯩﺠﯩﺪﻩ ﺭﯦﺴﺘﻮﺭﺍﻧﺪﯨﻜﻰ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﯞﻩﻫﯩﻤﻪ ﭘﻪﻳﺪﺍ ﺑﻮﻟﻐﺎﻧﻠﯩﻘﯩﻨﻰ ﺳﯚﺯﻟﻪﭖ ﺑﻪﺭﺩﻯ.

ﺋﯘ ﺑﯩﺰﮔﻪ ﻳﻪﻧﻪ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ"ﺩﯨﻦ ﻛﯧﻴﯩﻦ،ﺋﯘ ﺑﯩﺰﮔﻪ ﺋﯜﺭﯛﻣﭽﯩﺪﻩ ﺋﯚﺯﻯ ﻛﯚﺭﮔﻪﻥ ﺋﯘﻳﻐﯘﺭﻻﺭﻧﯩﯔ ﻫﯚﻛﯜﻣﻪﺗﻨﯩﯔ ﺑﯩﺮ ﺗﻪﺭﻩﭘﻠﯩﻤﻪ ﺗﻪﺷﯟﯨﻘﺎﺗﯩﻐﺎ ﻧﯩﺴﺒﻪﺗﻪﻥ ﻧﺎﺭﺍﺯﯨﻠﯩﻖ ﻛﻪﻳﭙﯩﻴﺎﺗﯩﺪﺍ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ، ﻛﯩﺸﯩﻠﻪﺭﻧﯩﯔ ﻛﻪﻳﭙﯩﻴﺎﺗﯩﻨﯩﯔ ﺗﯚﯞﻩﻥ،ﻫﻪﺳﺮﻩﺕ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻧﻠﯩﻘﯩﻨﻰ،ﺳﺎﻗﭽﻰ ﺋﯩﺪﺍﺭﯨﻠﯩﺮﯨﺪﻩ ﺋﯩﺸﻠﻪﻳﺪﯨﻐﺎﻥ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭﻧﯩﯔ ﺋﯚﺯ ﻗﯧﺮﯨﻨﺪﺍﺷﻠﯩﺮﻯ ﺋﯘﭼﺮﺍﯞﺍﺗﻘﺎﻥ ﭘﺎﺟﯩﺌﻪﻟﯩﻚ ﻗﯩﺴﻤﻪﺗﻠﻪﺭﮔﻪ ﭼﯩﺪﯨﻤﯩﻐﺎﻧﻠﯩﻘﻰ ﺋﯘﭼﯘﻥ ﺧﯩﺰﻣﯩﺘﯩﺪﯨﻦ ﺋﯩﺴﺘﯧﭙﺎ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭﻧﯩﻤﯘ ﺋﺎﯕﻠﯩﻐﺎﻧﻠﯩﻘﯩﻨﻰ، ﻫﺎﺯﯨﺮ ﻫﯚﻛﯜﻣﻪﺗﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭﻧﻰ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ"ﺩﻩ ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﻰ ﺳﻮﺭﺍﻕ ﻗﯩﻠﯩﺶ ﺋﯘﭼﯘﻥ ﺋﯜﺭﯛﻣﭽﯩﮕﻪ ﻳﯚﺗﻜﻪﭖ ﻛﻪﻟﮕﻪﻧﻠﯩﻜﯩﻨﻰ ﺋﺎﯕﻠﯩﻐﺎﻧﻠﯩﻘﯩﻨﻰ ﺳﯚﺯﻟﻪﭖ ﺑﻪﺭﺩﻯ.

ﺳﯚﻫﺒﯩﺘﯩﻤﯩﺰ ﺋﺎﺧﯩﺮﯨﺪﺍ ﺋﯘ ﺑﯩﺰﮔﻪ، ﺋﯜﺭﯛﻣﭽﯩﺪﯨﻦ ﺋﺎﻳﺮﯨﻠﯩﺶ ﺋﺎﻟﺪﯨﺪﺍ ﺋﺎﻳﺮﻭﺩﺭﻭﻣﺪﺍ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﻗﺎﺗﺘﯩﻖ ﺗﻪﻛﺸﯜﺭﯛﻟﮕﻪﻧﻠﯩﻜﯩﻨﻰ، ﭼﻪﺗﺌﻪﻝ ﭘﺎﺳﭙﻮﺭﺗﻰ ﺑﻮﻟﻐﯩﻨﻰ ﺋﯜﭼﯜﻧﻼ ﺋﺎﺧﯩﺮﻯ ﺋﺎﻳﺮﻭﭘﯩﻼﻧﻐﺎ ﭼﯩﻘﯩﺶ ﺋﯩﻤﻜﺎﻧﯩﻴﯩﺘﻰ ﺑﻮﻟﻐﺎﻧﻠﯩﻘﯩﻨﻰ، ﺋﯚﺯﯨﻨﯩﯔ ﺑﯘ ﻗﯧﺘﯩﻤﻠﯩﻖ ﺋﯜﺭﯛﻣﭽﻰ ﺳﻪﭘﯩﺮﯨﺪﻩ ﺋﯩﻠﮕﯩﺮﯨﻜﻰ ﺳﻪﭘﻪﺭﻟﯩﺮﯨﮕﻪ ﻫﯧﭻ ﺋﻮﺧﺸﯩﻤﺎﻳﺪﯨﻐﺎﻥ ﺋﯧﻐﯩﺮ ﻫﯧﺲ - ﺗﯘﻳﻐﯘﻻﺭ ﺋﯩﭽﯩﺪﻩ ﯞﻩﺗﻪﻧﺪﯨﻦ ﺋﺎﻳﺮﯨﻠﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ ﺳﯚﻫﺒﯩﺘﯩﻤﯩﺰﻧﻰ ﺋﺎﺧﯩﺮﻻﺷﺘﯘﺭﺩﻯ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﺳﯚﻫﺒﯩﺘﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.