ﻓﺮﺍﻧﻜﻔﻮﺭﺗﺘﯩﻜﻰ ﺋﯘﻳﻐﯘﺭﻻﺭ ﺩﺍﻻ ﺳﻪﻳﻠﯩﺴﻰ ﺋﯚﺗﻜﯜﺯﺩﻯ

• ﻣﯘﺧﺒﯩﺮﯨﻤﯩﺰ ﺋﻪﻛﺮﻩﻣﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺑﺎﺵ ﺷﯩﺘﺎﺑﻰ ﮔﯧﺮﻣﺎﻧﯩﻴﯩﻨﯩﯔ ﻣﻴﯘﻧﺨﯧﻦ ﺷﻪﻫﯩﺮﯨﺪﯨﻜﻰ ﻳﺎﯞﺭﯗﭘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﺗﻪﺷﻜﯩﻼﺗﯩﻨﯩﯔ ﻓﺮﺍﻧﻜﻔﯘﺭﺕ ﺷﯚﺑﯩﺴﻰ 8 - ﺋﺎﻳﻨﯩﯔ 11 - ﻛﯜﻧﻰ ﻓﺮﺍﻧﻜﻔﯘﺭﺕ ﺷﻪﻫﺮﯨﺪﻩ ﺩﺍﻻ ﺳﻪﻳﻠﯩﺴﻰ ﺋﯘﻳﯘﺷﺘﯘﺭﯗﭖ، ﻛﯚﭖ ﻣﻪﺯﻣﯘﻧﻠﯘﻕ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﺎﺭﻏﺎﻥ ﺑﻮﻟﯘﭖ، ﺑﯘ ﭘﺎﺋﺎﻟﯩﻴﻪﺗﻜﻪ ﺩ ﯗ ﻕ ﺭﻩﻫﺒﻪﺭﻟﯩﺮﻯ ﯞﻩ ﺋﻪﺯﺍﻟﯩﺮﯨﺪﯨﻦ ﺑﺎﺷﻘﺎ، ﻛﯚﭘﻠﯩﮕﻪﻥ ﺋﯘﻳﻐﯘﺭﻻﺭ ﻗﺎﺗﻨﺎﺷﻘﺎﻥ.

ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﺘﻪ ﺋﯘﻳﻐﯘﺭ ﺋﯚﺳﻤﯜﺭﻟﯩﺮﻯ ﻫﻪﺭ ﺧﯩﻞ ﻣﻪﺩﻩﻧﯩﻴﻪﺕ - ﺳﻪﻧﺌﻪﺕ ﻧﻮﻣﯘﺭﻟﯩﺮﯨﻨﻰ ﺋﻮﺭﯗﻧﻼﭖ، ﭘﺎﺋﺎﻟﯩﻴﻪﺕ ﺋﯩﺸﺘﯩﺮﺍﻛﭽﯩﻠﯩﺮﯨﻨﻰ ﺗﻪﺳﯩﺮﻟﻪﻧﺪﯛﺭﮔﻪﻥ.

ﭼﻪﺕ ﺋﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭﻏﺎ ﻧﯩﺴﺒﻪﺗﻪﻥ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ ﺳﺎﻗﻼﭖ ﻗﯧﻠﯩﺸﻨﯩﯔ ﻣﯘﻫﯩﻤﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﻳﺎﯞﺭﯗﭘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﻓﺮﺍﻧﻜﻔﯘﺭﺕ ﺷﯚﺑﯩﺴﯩﻨﯩﯔ ﺭﻩﺋﯩﺴﻰ ﻛﯜﺭﻩﺵ ﺋﺎﺗﺎﺧﺎﻥ ﺋﻪﭘﻪﻧﺪﻯ، ﺋﯘﻳﻐﯘﺭ ﺋﯚﺳﻤﯜﺭﻟﯩﺮﯨﮕﻪ ﻗﺎﺭﯨﺘﺎ ﻗﻮﻳﯘﻕ ﻣﯩﻠﻠﯩﻲ ﺗﻪﺭﺑﯩﻴﻪ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﻫﻪﻣﺪﻩ ﺑﯘ ﭘﺎﺋﺎﻟﯩﻴﻪﺕ ﺟﻪﺭﻳﺎﻧﯩﺪﺍ ﻣﯩﻠﻠﯩﻲ ﻣﻪﺳﯩﻠﯩﻠﻪﺭ ﺑﻮﻳﯩﭽﻪ ﺯﯦﻬﯩﻦ ﺳﯩﻨﺎﺵ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﮔﻪﻧﻠﯩﻜﯩﻨﻰ ﺳﻪﻣﯩﻤﯩﺰﮔﻪ ﺳﺎﻟﺪﻯ.

ﺑﯘ ﻗﯧﺘﯩﻤﻘﻰ ﺩﺍﻻ ﺳﻪﻳﻠﯩﺴﯩﺪﯨﻦ ﺋﯘﻳﻐﯘﺭ ﺟﺎﻣﺎﺋﯩﺘﻰ ﻛﯚﭖ ﺧﯘﺭﺳﻪﻥ ﺑﻮﻟﻐﺎﻥ ﺑﻮﻟﯘﭖ، ﺑﯘ ﺧﯩﻠﺪﯨﻜﻰ ﺳﯩﻴﺎﺳﯩﻲ، ﻣﻪﺩﻩﻧﯩﻲ، ﺋﯩﺠﺘﯩﻤﺎﺋﯩﻲ ﻣﻪﺯﻣﯘﻧﻼﺭ ﺋﯚﺯﺍﺭﺍ ﺑﯩﺮ ﮔﻪﯞﺩﯨﮕﻪ ﺋﺎﻳﻼﻧﻐﺎﻥ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺗﯧﺨﯩﻤﯘ ﻛﯚﭘﻠﻪﭖ ﺋﯧﻠﯩﭗ ﺑﯧﺮﯨﻠﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ. ﺋﯘﻳﻐﯘﺭﻻﺭﻧﯩﯔ ﭘﺎﺋﺎﻟﯩﻴﻪﺗﻠﯩﺮﯨﺪﯨﻦ ﺯﻭﻕ ﺋﺎﻟﻐﺎﻥ ﯞﻩ ﻫﻪﯞﻩﺱ ﻗﯩﻠﻐﺎﻥ ﭼﻪﺕ ﺋﻪﻟﻠﯩﻜﻠﻪﺭﮔﻪ ﻗﺎﺭﯨﺘﺎ، ﺗﻪﺷﻜﯩﻼﺕ ﺧﺎﺩﯨﻤﻠﯩﺮﻯ ﺗﻪﺷﯟﯨﻘﺎﺕ ﭘﺎﺋﺎﻟﯩﻴﻪﺗﻠﯩﺮﻯ ﺋﯧﻠﯩﭗ ﺑﯧﺮﯨﭗ، ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﻳﻪﻧﯩﻤﯘ ﺋﯩﻠﮕﯩﺮﻟﯩﮕﻪﻥ ﻫﺎﻟﺪﺍ ﺗﻮﻧﯘﻟﯘﺷﯩﻐﺎ ﺋﺎﻻﻫﯩﺪﻩ ﻛﯜﭺ ﻗﻮﺷﻘﺎﻥ.

ﺑﯘ ﻗﯧﺘﯩﻤﻘﻰ ﭘﺎﺋﺎﻟﯩﻴﻪﺗﻜﻪ ﺗﻪﻛﻠﯩﭗ ﺑﯩﻠﻪﻥ ﻗﺎﺗﻨﺎﺷﻘﺎﻥ ﺗﯜﺭﻙ ﺗﻪﺷﻜﯩﻼﺗﻠﯩﺮﯨﻨﯩﯔ ﺭﻩﻫﺒﻪﺭﻟﯩﺮﻯ ﯞﻩ ﻫﻪﺭ ﺳﺎﻫﻪ ﻣﯘﺧﺒﯩﺮﻻﺭ، ﺋﯘﻳﻐﯘﺭﻻﺭﻧﯩﯔ ﺑﯘﻧﺪﯨﻦ ﻛﯧﻴﯩﻨﻜﻰ ﺗﯜﺭﻟﯜﻙ ﻫﻪﺭﯨﻜﻪﺗﻠﯩﺮﯨﻨﻰ ﻣﺎﺩﺩﯨﻲ ﻫﻪﻡ ﻣﻪﻧﯩﯟﯨﻲ ﺗﻪﺭﻩﭘﻠﻪﺭﺩﯨﻦ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﻜﻪﻥ.(ﺋﻪﻛﺮﻩﻡ)