ﺩﺍﻻﻱ ﻻﻣﺎﻧﯩﯔ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺋﺎﺭﺯﯗﺳﻰ ﺋﻪﻣﻪﻟﮕﻪ ﺋﺎﺷﺎﻣﺪﯗ ؟

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻨﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺵ 2001-ﻳﯩﻠﻰ 23-ﻣﺎﻱ ﻛﯜﻧﻰ ﺩﺍﻻﺋﻰ ﻻﻣﺎﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺪﻯ. AFP

ﺧﯩﺘﺎﻳﺪﺍ ﺋﯩﻨﮕﯩﻠﯩﺰ ﺗﯩﻠﯩﺪﺍ ﭼﯩﻘﯩﺪﯨﻐﺎﻥ "ﺟﯘﯕﮕﻮ ﮔﯧﺰﯨﺘﻰ" ﺋﯚﺗﻜﻪﻥ ﺩﯛﺷﻪﻧﺒﻪ ﻛﯜﻧﻰ ﺧﯩﺘﺎﻱ ﺩﯙﻟﻪﺕ ﻛﺎﺑﯧﻨﺘﻰ ﺩﯨﻨﯩﻲ ﺋﯩﺸﻼﺭ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﻳﯧﻲ ﺷﻴﺎﯞﯞﯦﻨﻨﯩﯔ ﺑﺎﻳﺎﻧﺎﺗﯩﻨﻰ ﺋﯧﻼﻥ ﻗﯩﻠﯩﭗ، ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﻴﺴﻰ ﺩﺍﻻﻱ ﻻﻣﺎﻧﯩﯔ ﺧﯩﺘﺎﻳﺪﯨﻜﻰ ﺗﺎﺭﯨﺨﯩﻲ ﺑﯘﺩﺩﺍ ﺗﺎﯞﺍﺑﮕﺎﻫﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺋﺎﺭﺯﯗﺳﯩﻐﺎ ﻳﻮﻝ ﻗﻮﻳﯩﺪﯨﻐﺎﻧﻠﯩﻘﯩﻨﯩﯔ ﺑﯩﺸﺎﺭﯨﺘﯩﻨﻰ ﺑﻪﺭﺩﻯ. ﻳﯧﻲ ﺷﻴﺎﯞﯞﯦﻦ ﺑﺎﻳﺎﻧﺎﺗﯩﺪﺍ، ﺋﻪﮔﻪﺭ ﺩﺍﻻﻱ ﻻﻣﺎ ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻘﻰ ﺋﯩﺪﯨﻴﯩﺴﯩﺪﯨﻦ ﭘﯜﺗﯜﻧﻠﻪﻱ ﯞﺍﺯ ﻛﻪﭼﺴﻪ، ﺋﯘﻧﯩﯔ ﺟﯘﯕﮕﻮﻧﻰ ﺯﯨﻴﺎﺭﻩﺕ ﻗﯩﻠﯩﺸﯩﻐﺎ ﻳﻮﻝ ﻗﻮﻳﯘﻟﯘﺷﻰ ﻣﯘﻣﻜﯩﻦ، ﺩﻩﭖ ﺟﺎﻛﺎﺭﻟﯩﻐﺎﻥ.

ﺧﯩﺘﺎﻳﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﻰ – ﻣﯘﺳﺘﻪﻗﯩﻠﻠﯩﻘﺘﯩﻦ ﯞﺍﺯ ﻛﯧﭽﯩﺶ

ﻳﯧﻲ ﺷﻴﺎﯞﯞﯦﻦ، "ﭘﻪﻗﻪﺕ ، ﺩﺍﻻﻱ ﻻﻣﺎ ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻘﯩﺪﯨﻦ ﭘﯜﺗﯜﻧﻠﻪﻱ ﯞﺍﺯ ﻛﻪﭼﻜﻪﻧﻠﯩﻜﯩﻨﻰ ﺋﯧﻨﯩﻖ ﺑﯩﻠﺪﯛﺭﮔﻪﻧﺪﯨﻼ، ﺋﺎﻧﺪﯨﻦ ﺑﯩﺰ ﺋﯘﻧﯩﯔ ﺟﯘﯕﮕﻮﻧﻰ ﺯﯨﻴﺎﺭﻩﺕ ﻗﯩﻠﯩﺸﯩﻨﻰ ﺋﻮﻳﻠﯩﺸﯩﺸﯩﻤﯩﺰ ﻣﯘﻣﻜﯩﻦ " ﺩﻩﻳﺪﯗ.

ﻳﯧﻲ ﺷﻴﺎﯞﯞﯦﻨﻨﯩﯔ ﺑﺎﻳﺎﻧﺎﺗﻰ ﻫﺎﺯﯨﺮﻏﯩﭽﻪ ﺩﺍﻻﻱ ﻻﻣﺎﻧﻰ ﺑﯚﻟﮕﯜﻧﭽﯩﻠﯩﻚ ﺑﯩﻠﻪﻥ ﺋﻪﻳﯩﺒﻠﻪﭖ ﻛﯧﻠﯩﯟﺍﺗﻘﺎﻥ ﺟﯘﯕﮕﻮ ﺩﺍﺋﯩﺮﯨﻠﯩﺮﯨﻨﯩﯔ ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﯩﻐﺎ ﻗﺎﻳﺘﯘﺭﻏﺎﻥ ﺑﯩﺮ ﻗﻪﺩﻩﺭ ﻣﯚﺗﯩﺪﯨﻞ ﺋﯩﻨﻜﺎﺳﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺧﯩﺘﺎﻱ ﺗﻪﺭﻩﭘﻨﯩﯔ ﺑﺎﻳﺎﻧﺎﺗﻰ ﯞﺍﻗﯩﺖ ﺟﻪﻫﻪﺗﺘﻪ ﺑﯩﺮ ﻗﻪﺩﻩﺭ ﺳﻪﺯﮔﯜﺭ ﻣﻪﺯﮔﯩﻠﮕﻪ ﺗﻮﻏﺮﺍ ﻛﻪﻟﮕﻪﻧﻠﯩﻜﻰ، ﺑﻮﻟﯘﭘﻤﯘ ﺧﯩﺘﺎﻱ ﺩﯙﻟﻪﺕ ﺭﻩﺋﯩﺴﻰ ﺧﯘ ﺟﯩﻨﺘﺎﯞ 4 - ﺋﺎﻳﻨﯩﯔ 20 - ﻛﯜﻧﻰ ﺋﺎﻕ ﺳﺎﺭﺍﻳﺪﺍ ﭘﺮﯦﺰﯨﺪﯦﻨﺖ ﺑﯘﺵ ﺑﯩﻠﻪﻥ ﻛﯚﺭﯛﺷﯜﺷﻜﻪ ﺋﺎﺯ ﻗﺎﻟﻐﺎﻥ ﺑﯩﺮ ﭼﺎﻏﺪﺍ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﻰ ﺧﻪﻟﻘﺌﺎﺭﺍﺩﺍ ﻛﯜﭼﻠﯜﻙ ﺋﯩﻨﻜﺎﺱ ﻗﻮﺯﻏﯩﻤﺎﻗﺘﺎ. ﺗﯩﺒﻪﺕ ﻣﻪﺳﯩﻠﯩﺴﻰ ﺋﯩﻜﻜﻰ ﺩﯙﻟﻪﺕ ﺭﻩﻫﺒﯩﺮﯨﻨﯩﯔ ﺋﺎﻕ ﺳﺎﺭﺍﻳﺪﺍ ﺋﯚﺗﻜﯜﺯﯨﺪﯨﻐﺎﻥ ﺳﯚﻫﺒﯩﺘﯩﺪﯨﻜﻰ ﻣﯘﺯﺍﻛﯩﺮﻩ ﺗﯧﻤﯩﻠﯩﺮﯨﻨﯩﯔ ﺑﯩﺮﻯ.

ﺧﯩﺘﺎﻱ ﺋﻪﺭﻛﯩﻦ ﺑﺎﺯﺍﺭﺩﯨﻦ ﻗﻮﺭﻗﻤﯩﻐﺎﻧﺪﻩﻙ، ﺋﻪﺭﻛﯩﻦ ﺟﻪﻣﺌﯩﻴﻪﺗﺘﯩﻨﻤﯘ ﻗﻮﺭﻗﻤﺎﺳﻠﯩﻘﻰ ﻛﯧﺮﻩﻙ

ﺑﯘ ﺗﻮﻏﺮﯨﺴﯩﺪﺍ ﭘﺮﯦﺰﯨﺪﯦﻨﺖ ﺑﯘﺵ ﺋﯚﺗﻜﻪﻥ ﻫﻪﭘﺘﻪ ﯞﺍﺷﯩﻨﮕﺘﻮﻧﺪﯨﻜﻰ ﺋﺎﻣﯧﺮﯨﻜﺎ ﺋﻪﺭﻛﯩﻨﻠﯩﻚ ﺳﺎﺭﯨﻴﯩﺪﺍ ﺳﯚﺯﻟﯩﮕﻪﻥ ﻧﯘﺗﯘﻗﯩﺪﺍ، ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﯚﺗﻜﯜﺯﯨﺪﯨﻐﺎﻥ ﺳﯚﻫﺒﻪﺕ ﻣﻪﺯﻣﯘﻧﻠﯩﺮﯨﻨﻰ ﺋﺎﺷﻜﺎﺭﯨﻼﭖ، ﺋﯘﻧﯩﯔ ﺑﯩﻠﻪﻥ "ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﻴﺴﻰ ﺩﺍﻻﻱ ﻻﻣﺎ ﯞﻩ ﺭﯨﻢ ﯞﺍﺗﯩﻜﺎﻧﯩﻨﯩﯔ ﺧﯩﺘﺎﻳﺪﯨﻜﻰ ﻛﺎﺗﻮﻟﯩﻚ ﻣﯘﺭﯨﺘﻠﯩﺮﯨﻨﯩﯔ ﺗﻪﻗﺪﯨﺮﯨﺪﯨﻦ ﺋﻪﻧﺴﯩﺮﻩﯞﺍﺗﻘﺎﻧﻠﯩﻘﻰ" ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭﻧﯩﯔ ﻣﯘﺯﺍﻛﯩﺮﻩ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺑﯘﺵ ﻧﯘﺗﯘﻗﯩﺪﺍ ﺧﯘ ﺟﯩﻨﺘﺎﯞﻧﯩﯔ "ﺋﻪﺭﻛﯩﻦ ﺑﺎﺯﺍﺭﺩﯨﻦ ﻗﻮﺭﻗﻤﯩﻐﺎﻧﻐﺎ ﺋﻮﺧﺸﺎﺷﻼ ﺋﻪﺭﻛﯩﻦ ﺟﻪﻣﺌﯩﻴﻪﺗﺘﯩﻨﻤﯘ ﻗﻮﺭﻗﻤﺎﺳﻠﯩﻘﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ" ﺩﻩﻳﺪﯗ.

ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﻮﻧﺪﯨﻠﯩﺰﺍ ﺭﺍﻳﯩﺲ، ﺳﻪﻳﺸﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ، ﺧﯘ ﺟﯩﻨﺘﺎﯞ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﻣﯘﺯﺍﻛﯩﺮﯨﻨﯩﯔ "ﻧﯘﺭﻏﯘﻥ ﻧﺎﺯﯗﻙ ﻣﻪﺳﯩﻠﯩﻠﻪﺭ" ﮔﻪ ﭼﯧﺘﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﺎﻣﯧﺮﯨﻜﺎ ﺩﺍﻻﻱ ﻻﻣﺎ ﯞﻩ ﺗﯩﺒﻪﺕ ﻣﻪﺳﯩﻠﯩﺴﯩﻨﯩﯔ ﺧﻪﻟﻘﺌﺎﺭﺍﺩﯨﻜﻰ ﺋﻪﯓ ﻛﯜﭼﻠﯜﻙ ﻗﻮﻟﻠﯩﻐﯘﭼﯩﺴﻰ ﺑﻮﻟﯘﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﯘﺯﯗﻧﺪﯨﻦ ﺑﯧﺮﻯ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﭼﺎﻗﯩﺮﯨﭗ ﻛﻪﻟﻤﻪﻛﺘﻪ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺟﯘﯕﮕﻮ ﺋﯜﭼﯜﻥ ﻛﯩﭽﯩﻚ ﻣﻪﺳﯩﻠﻪ ﺋﻪﻣﻪﺱ. ﭼﯜﻧﻜﻰ ﺑﯘ ﭘﯜﺗﯜﻥ ﺋﯩﺴﻼﻡ ﺩﯗﻧﻴﺎﺳﻰ ﺑﯩﻠﻪﻥ ﭼﯧﺘﯩﻠﯩﺪﯨﻐﺎﻥ ﻣﻪﺳﯩﻠﻪ، ﺷﯘﯕﺎ ﺟﯘﯕﮕﻮ ﻫﯚﻛﯜﻣﯩﺘﻰ ﺋﯜﭼﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺸﻘﺎ ﻗﺎﺭﯨﻐﺎﻧﺪﺍ ﺗﯧﺨﯩﻤﯘ ﻣﯘﺭﻩﻛﻜﻪﭖ.

ﺋﻪﮔﻪﺭ ﺩﺍﻻﻱ ﻻﻣﺎﻧﯩﯔ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺶ ﭘﯩﻼﻧﻰ ﺋﻪﻣﻪﻟﮕﻪ ﺋﯧﺸﯩﭗ ﻗﺎﻟﺴﺎ، ﺑﯘ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﺩﺍﺋﯩﺮﯨﺴﯩﺪﻩ ﺑﯩﺮ ﺗﻪﺭﻩﭖ ﻗﯩﻠﯩﺶ ﻳﻮﻟﯩﺪﯨﻜﻰ ﺩﻩﯞﺭ ﺑﯚﻟﮕﯜﭺ ﯞﻩﻗﻪ ﺑﻮﻟﯘﭖ ﻗﯧﻠﯩﺸﻰ ﻣﯘﻣﻜﯩﻦ. ﺧﯩﺘﺎﻱ ﺩﯙﻟﻪﺗﻠﯩﻚ ﺩﯨﻨﯩﻲ ﺋﯩﺸﻼﺭ ﺋﯩﺪﺍﺭﯨﺴﻰ ﺑﺎﺷﻠﯩﻘﻰ ﻳﯧﻲ ﺷﻴﺎﯞﯞﯦﻦ، ﺋﻪﮔﻪﺭ ﺩﺍﻻﻱ ﻻﻣﺎ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﻨﻰ ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻘﯩﺪﯨﻦ ﯞﺍﺯ ﻛﻪﭼﻜﻪﻧﻠﯩﻜﯩﮕﻪ ﺋﯩﺸﻪﻧﺪﯛﺭﻩﻟﯩﺴﻪ، "ﺋﯩﻜﻜﻰ ﺗﻪﺭﻩﭖ ﺩﺍﻻﻱ ﻻﻣﺎﻧﯩﯔ ﺟﯘﯕﮕﻮﻧﻰ ﺯﯨﻴﺎﺭﻩﺕ ﻗﯩﻠﯩﺶ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﻣﯘﺯﺍﻛﯩﺮﻩ ﺋﯧﻠﯩﭗ ﺑﺎﺭﺳﺎ ﺑﻮﻟﯩﺪﯗ " ﺩﻩﻳﺪﯗ.

ﻟﻴﯘ ﺷﻴﺎﯞﺟﯘﻥ: ﻛﯩﺸﯩﻨﻰ ﺋﯩﻠﻬﺎﻣﻼﻧﺪﯗﺭﯨﺪﯨﻐﺎﻥ ﻳﯜﺯﻟﯩﻨﯩﺶ

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﺎﺭﯨﺸﯩﭽﻪ، ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﻨﯩﯔ ﺩﺍﻻﻱ ﻻﻣﺎﻧﯩﯔ 3 ‏- ﺋﺎﻳﻨﯩﯔ 30 ‏- ﻛﯜﻧﻰ ﺩﺍﺭﺍﻣﺴﺎﻻﺩﺍ ﺋﯧﻼﻥ ﻗﯩﻠﻐﺎﻥ ﺟﯘﯕﮕﻮﻧﻰ ﺯﯨﻴﺎﺭﻩﺕ ﻗﯩﻠﯩﺶ ﺋﺎﺭﺯﯗﺳﯩﻐﺎ ﻗﺎﻳﺘﯘﺭﻏﺎﻥ ﺋﯩﻨﻜﺎﺳﻰ "ﻛﯩﺸﯩﻨﻰ ﺋﯩﻠﻬﺎﻣﻼﻧﺪﯗﺭﯨﺪﯨﻐﺎﻥ ﻳﯜﺯﻟﯩﻨﯩﺶ" ﻫﯧﺴﺎﺑﻠﯩﻨﯩﺪﯨﻜﻪﻥ. ﺋﺎﻣﯧﺮﯨﻜﯩﺪﯨﻜﻰ ﺟﯘﯕﮕﻮ ﺋﯩﺴﺘﯩﺮﺍﺗﯧﮕﯩﻴﻪ ﻣﻪﺳﯩﻠﯩﻠﯩﺮﻯ ﺗﻪﺗﻘﯩﻘﺎﺕ ﺋﻮﺭﻧﯩﺪﯨﻜﻰ ﻟﻴﯘ ﺷﻴﺎﯞﺟﯘ ، "ﻣﯧﻨﯩﯖﭽﻪ ﺑﯘ ﻛﯩﺸﯩﻨﻰ ﺋﯩﻠﻬﺎﻣﻼﻧﺪﯗﺭﯨﺪﯨﻐﺎﻥ ﺑﯩﺮ ﻳﯜﺯﻟﯩﻨﯩﺶ. ﺑﯘ ﺟﯘﯕﮕﻮ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﯨﻜﻰ ﻣﻪﻳﺪﺍﻧﯩﺪﺍ ﻳﯘﻣﺸﺎﺵ ﺑﻮﻟﻐﺎﻧﻠﯩﻘﯩﻨﻰ ﯞﻩ ﺩﺍﻻﻱ ﻻﻣﺎ ﺑﯩﻠﻪﻥ ﻳﺎﺭﯨﺸﯩﺶ ﭘﻮﺯﯨﺘﺴﯩﻴﯩﺴﯩﻨﻰ ﻛﯚﺭﺳﯩﺘﯩﺪﯗ" ﺩﻩﭖ ﻛﯚﺭﺳﻪﺗﺘﻰ. ﻟﯧﻜﯩﻦ ﻟﻴﯘ ﺷﻴﺎﯞﺟﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯩﻜﻜﻰ ﺗﻪﺭﻩﭖ ﺋﻮﺗﺘﯘﺭﯨﺴﯩﺪﯨﻜﻰ ﻳﺎﺭﯨﺸﯩﺸﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﺋﯜﭼﯜﻥ ﺩﺍﻻﻱ ﻻﻣﺎ ﺑﯩﻠﻪﻥ ﻧﯘﺭﻏﯘﻥ ﻛﻮﻧﻜﺮﯦﺖ ﻣﻪﺳﯩﻠﯩﻠﻪﺭﺩﻩ ﻣﯘﺯﺍﻛﯩﺮﯨﻠﯩﺸﯩﺸﻜﻪ ﯞﻩ ﻣﯘﺭﻩﺳﺴﻪﻟﯩﺸﯩﺸﻜﻪ ﺗﻮﻏﺮﺍ ﻛﯧﻠﯩﺪﯨﻜﻪﻥ.

ﻛﯚﺯﻩﺗﻜﯜﭼﯩﻠﻪﺭ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﺎﻳﺎﻧﺎﺗﻰ ﺗﯩﺒﻪﺕ ﺳﻪﺭﮔﻪﺭﺩﺍﻥ ﻫﯚﻛﯜﻣﯩﺘﻰ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺸﻘﺎ ﻣﻪﺳﺌﯘﻝ ﺑﻮﻟﻐﺎﻥ ﻣﻪﺭﻛﯩﺰﻯ ﺑﯩﺮﻟﯩﻜﺴﻪﭖ ﺑﯚﻟﯜﻣﻰ ﺗﻪﺭﯨﭙﯩﺪﯨﻦ ﺋﻪﻣﻪﺱ، ﺑﻪﻟﻜﻰ ﺩﯙﻟﻪﺗﻠﯩﻚ ﺩﯨﻨﯩﻲ ﺋﯩﺸﻼﺭ ﺋﯩﺪﺍﺭﯨﺴﻰ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻧﻠﯩﻘﯩﻐﺎ ﺩﯨﻘﻘﻪﺕ ﻗﯩﻠﻤﺎﻗﺘﺎ. ﻟﻴﯘ ﺷﻴﺎﯞﺟﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﻣﻪﺳﯩﻠﯩﻨﻰ ﺑﯘ ﺋﯘﺳﯘﻟﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﺵ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﯜﺯﯛﻟﻤﻪ ﻟﻮﮔﯩﻜﯩﺴﯩﻐﺎ ﺋﯘﻳﻐﯘﻥ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ . ﻟﻴﯘ ﺷﻴﺎﯞﺟﯘ "ﺩﺍﻻﻱ ﻻﻣﺎ ﺑﯩﺮ ﺗﻪﺭﻩﭘﺘﯩﻦ ﺩﯨﻨﯩﻲ ﺩﺍﻫﻰ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺑﯩﺮ ﺳﯩﻴﺎﺳﯩﻲ ﺭﻩﻫﺒﻪﺭ. ﻟﯧﻜﯩﻦ ﺳﯩﻴﺎﺳﯩﻲ ﻣﻪﺳﯩﻠﯩﻠﻪﺭ ﺟﯘﯕﮕﻮﻧﯩﯔ ﺋﯩﭽﻜﻰ ﻗﯩﺴﯩﻤﯩﺪﺍ ﻫﻪﺭ ﺧﯩﻞ ﺳﻪﺯﮔﯜﺭﻟﯜﻛﻠﻪﺭﮔﻪ ﺋﯩﮕﻪ، ﭼﻪﻛﻠﻪﻧﮕﻪﻥ ﺭﺍﻳﻮﻧﻠﯩﺮﻯ ﺑﺎﺭ. ﺷﯘﻧﯩﯔ ﺋﯜﭼﯜﻥ ﻣﻪﺳﯩﻠﯩﻨﻰ ﺩﯨﻨﯩﻲ ﻧﯘﻗﺘﯩﺪﯨﻦ ﺑﺎﺷﻼﺵ ﺟﯘﯕﮕﻮ ﻛﻮﻣﭙﺎﺭﺗﯩﻴﻪ ﺩﺍﺋﯩﺮﯨﻠﯩﺮﻯ ﺋﯜﭼﯜﻥ ﺋﯘﻧﯩﯔ ﺳﯩﺴﺘﯧﻤﯩﺴﯩﻨﯩﯔ ﻟﻮﮔﯩﻜﯩﺴﯩﻐﺎ ﺋﯘﻳﻐﯘﻥ ﻛﯧﻠﯩﺪﯨﻐﺎﻥ ﺗﻪﺭﻩﭘﻠﯩﺮﻯ ﺑﺎﺭ ﭼﺎﺭﻩ "ﺩﻩﻳﺪﯗ.

ﺋﺎﻣﯧﺮﯨﻜﺎ ﺧﯘ ﺟﯩﻨﺘﺎﯞ ﺑﯩﻠﻪﻥ ﺩﯨﻨﯩﻲ ﻣﻪﺳﯩﻠﯩﻠﻪﺭ ﻫﻪﻗﻘﯩﺪﻩ ﺳﯚﻫﺒﻪﺗﻠﯩﺸﯩﺪﯗ

ﺧﯩﺘﺎﻱ ﻫﯚﻛﯜﻣﯩﺘﻰ 4 - ﺋﺎﻳﻨﯩﯔ 13 - ﻛﯜﻧﯩﺪﯨﻦ 17 - ﻛﯜﻧﯩﮕﯩﭽﻪ ﺟﯧﻴﺠﺎﯕﺪﺍ ﺗﯘﻧﺠﻰ ﻧﯚﯞﻩﺗﻠﯩﻚ ﺩﯗﻧﻴﺎ ﺑﯘﺩﺩﺍ ﺩﯨﻨﯩﻲ ﻣﯘﻧﺒﯩﺮﻯ ﻳﯩﻐﯩﻨﻰ ﭼﺎﻗﯩﺮﯨﺸﻨﻰ ﭘﯩﻼﻧﻠﯩﻤﺎﻗﺘﺎ. ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺋﺎﻧﺎﻟﯩﺰ ﻗﯩﻠﯩﺸﯩﭽﻪ، ﺑﯘ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺑﯘ ﺧﯩﻞ ﺧﻪﻟﻘﺌﺎﺭﺍ ﺩﯨﻨﯩﻲ ﻳﯩﻐﯩﻨﻨﻰ 1949 - ﻳﯩﻠﻰ ﺟﯘﯕﮕﻮﺩﺍ ﻫﺎﻛﯩﻤﯩﻴﻪﺗﻨﻰ ﺗﺎﺭﺗﯩﯟﺍﻟﻐﺎﻧﺪﯨﻦ ﺑﯧﺮﻯ ﺗﯘﻧﺠﻰ ﻗﯧﺘﯩﻢ ﺋﯘﻳﯘﺷﺘﯘﺭﯗﺷﻰ ﺑﻮﻟﯘﭖ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻜﻪ ﺟﯘﯕﮕﻮﻧﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﻜﻪ ﻛﻪﯕﺮﻯ ﻣﯘﺋﺎﻣﯩﻠﻪ ﻗﯩﻠﯩﺪﯨﻐﺎﻧﻠﯩﻘﯩﺪﯨﻦ ﺑﯩﺸﺎﺭﻩﺕ ﺑﯧﺮﯨﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ.

ﺟﯘﯕﮕﻮ ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﻏﻪﺭﺏ ﺩﯙﻟﻪﺗﻠﯩﺮﻯ ﯞﻩ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺋﻮﺭﮔﺎﻧﻠﯩﺮﻯ ﺗﻪﺭﯨﭙﯩﺪﯨﻦ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺩﯨﻨﯩﻲ ﺋﯩﺒﺎﺩﻩﺕ ﺋﻪﺭﻛﯩﻨﻠﯩﻜﯩﻨﻰ ﺑﻮﻏﯘﺵ ﺑﯩﻠﻪﻥ ﺋﻪﻳﯩﺒﻠﻪﻧﻤﻪﻛﺘﻪ.

ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﻮﻧﺪﯨﻠﯩﺰﺍ ﺭﺍﻳﯩﺲ، ﺳﻪﻳﺸﻪﻧﺒﻪ ﻛﯜﻧﻰ ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﮔﯘﯞﺍﻫﻠﯩﻖ ﺳﯚﺯﯨﺪﻩ، ﺧﯘ ﺟﯩﻨﺘﺎﯞ ﺋﺎﻣﯧﺮﯨﻜﯩﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ ﺋﯧﻠﯩﭗ ﺑﺎﺭﯨﺪﯨﻐﺎﻥ "ﻧﯘﺭﻏﯘﻥ ﻧﺎﺯﯗﻙ ﻣﻪﺳﯩﻠﯩﻠﻪﺭ" ﺩﯨﻜﻰ ﺳﯚﻫﺒﯩﺘﯩﻨﯩﯔ ﺩﯨﻨﯩﻲ ﺋﻪﺭﻛﯩﻨﻠﯩﻜﻜﻪ ﭼﯧﺘﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﯘ، "ﻣﻪﻥ ﺭﻩﺋﯩﺲ ﺧﯘ ﺟﯩﻨﺘﺎﯞ ﺑﯩﻠﻪﻥ ﺩﯨﻨﯩﻲ ﺋﻪﺭﻛﯩﻨﻠﯩﻚ ﻣﻪﺳﯩﻠﯩﺴﯩﺪﻩ ﺗﻪﭘﺴﯩﻠﻰ ﻣﯘﺯﺍﻛﯩﺮﻩ ﺋﯧﻠﯩﭗ ﺑﯧﺮﯨﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ" ﺩﻩﻳﺪﯗ.

ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺗﯩﺒﻪﺕ ﻣﻪﺳﯩﻠﯩﺴﯩﺪﯨﻦ ﻣﯘﺭﻩﻛﻜﻪﭖ

ﺟﯘﯕﮕﻮ ﺋﯩﺴﺘﯩﺮﺍﺗﯧﮕﯩﻴﻪ ﻣﻪﺳﯩﻠﯩﻠﯩﺮﻯ ﺗﻪﺗﻘﯩﻘﺎﺕ ﺋﻮﺭﻧﯩﺪﯨﻜﻰ ﻟﻴﯘ ﺷﻴﺎﯞﺟﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﯨﻜﻰ ﻳﯜﺯﻟﯩﻨﯩﺸﻰ ﻛﯩﺸﯩﻨﻰ ﺋﯩﻠﻬﺎﻣﻼﻧﺪﯗﺭﺳﯩﻤﯘ، ﻟﯧﻜﯩﻦ ﺋﯘﻻﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﭘﯜﺗﯜﻧﻠﻪﻱ ﺋﻮﺧﺸﯩﻤﺎﻳﺪﯨﻐﺎﻥ ﺳﯩﻴﺎﺳﻪﺕ ﺗﯘﺗﻤﺎﻗﺘﺎ.

ﻟﻴﯘ ﺷﻴﺎﯞﺟﯘ "ﺗﯩﺒﻪﺕ ﻣﻪﺳﯩﻠﯩﺴﻰ ﺑﯩﻠﻪﻥ ﺷﯩﻨﺠﺎﯓ ﻣﻪﺳﯩﻠﯩﺴﯩﻨﯩﯔ ﺋﻪﯓ ﭼﻮﯓ ﭘﻪﺭﻗﻰ ﺩﯨﻨﯩﻲ ﺟﻪﻫﻪﺗﺘﯩﻜﻰ ﯞﻩ ﭼﯧﮕﺮﺍ ﺳﯩﺮﺗﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﺘﯩﻜﻰ ﺋﻮﺧﺸﺎﺷﻤﺎﺳﻠﯩﻘﯩﺪﺍ. ﺗﯩﺒﻪﺕ ﺋﻪﻣﻪﻟﯩﻴﻪﺗﺘﻪ ﻳﻪﻙ - ﻳﯩﮕﺎﻧﻪ ﺑﯩﺮ ﻫﺎﺩﯨﺴﻪ. ﻻﻣﺎ ﺩﯨﻨﯩﻨﯩﯔ ﺋﯩﭽﻜﯩﺮﻯ ﺑﯩﻠﻪﻥ ﻗﻮﻳﯘﻕ ﻣﯘﻧﺎﺳﯩﯟﯨﺘﻰ ﺑﺎﺭ ﯞﻩ ﺑﯘ ﺩﯨﻦ ﺧﻪﻟﻘﺌﺎﺭﺍ ﺧﺎﺭﺍﻛﺘﯧﺮﻟﯩﻚ ﺩﯨﻦ ﺋﻪﻣﻪﺱ. ﺑﯘ ﺟﻪﻫﻪﺗﺘﻪ ﺷﯩﻨﺠﺎﯓ ﺗﯩﺒﻪﺗﻜﻪ ﭘﯜﺗﯜﻧﻠﻪﻱ ﺋﻮﺧﺸﯩﻤﺎﻳﺪﯗ'' ﺩﻩﭖ ﻛﯚﺭﺳﻪﺗﺘﻰ.

ﻟﻴﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، "ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺟﯘﯕﮕﻮ ﺋﯜﭼﯜﻥ ﻛﯩﭽﯩﻚ ﻣﻪﺳﯩﻠﻪ ﺋﻪﻣﻪﺱ. ﭼﯜﻧﻜﻰ ﺑﯘ ﭘﯜﺗﯜﻥ ﺋﯩﺴﻼﻡ ﺩﯗﻧﻴﺎﺳﻰ ﺑﯩﻠﻪﻥ ﭼﯧﺘﯩﻠﯩﺪﯨﻐﺎﻥ ﻣﻪﺳﯩﻠﻪ" ﺷﯘﯕﺎ ﺩﻩﻳﺪﯗ ﻟﻴﯘ ﺷﻴﺎﯞﺟﯘ، "ﺟﯘﯕﮕﻮ ﻫﯚﻛﯜﻣﯩﺘﻰ ﺋﯜﭼﯜﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺸﻘﺎ ﻗﺎﺭﯨﻐﺎﻧﺪﺍ ﺗﯧﺨﯩﻤﯘ ﻣﯘﺭﻩﻛﻜﻪﭖ " . (ﺋﻪﺭﻛﯩﻦ)