ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﺘﻪ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﻧﺎﻣﺎﻳﯩﺸﺘﺎ ﺩﺍﻻﻱ ﻻﻣﺎﻧﯩﯔ ﺋﻪﻳﯩﺒﻠﯩﻚ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺩﺍﻻﻱ ﻻﻣﺎ ﺑﯜﮔﯜﻥ ﺩﺍﺭﺍﻣﺴﺎﻻﺩﺍ ﺋﯚﺯﯨﻨﯩﯔ ﺑﯘ ﻧﺎﻣﺎﻳﯩﺸﯩﻨﻰ ﺗﻪﺷﻜﯩﻠﻠﻪﺵ ﯞﻩ ﭘﯩﻼﻧﻼﺵ ﺑﯩﻠﻪﻥ ﺋﺎﻻﻗﯩﺴﻰ ﻳﻮﻗﻠﯘﻗﯩﻨﻰ ﻫﻪﻣﺪﻩ ﺋﻪﮔﻪﺭ ﺑﯘ ﻧﺎﻣﺎﻳﯩﺸﻨﯩﯔ ﺋﻪﻫﯟﺍﻟﻰ ﺗﯧﺨﯩﻤﯘ ﻳﺎﻣﺎﻧﻼﺷﺴﺎ ﯞﻩﺯﯨﭙﯩﺴﯩﺪﯨﻦ ﺋﯩﺴﺘﯧﭙﺎ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. AFP Photo

18 - ﻣﺎﺭﺕ ﻛﯜﻧﻰ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﯩﻴﺎﺑﺎﯞ ﺑﯧﻴﺠﯩﯖﺪﺍ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﺪﺍ 10 - ﻣﺎﺭﺗﺘﯩﻦ ﺑﯘﻳﺎﻥ ﺗﯩﺒﻪﺗﻨﯩﯔ ﻟﺨﺎﺳﺎ ﺷﻪﻫﯩﺮﻯ ﯞﻩ ﻗﻮﺷﻨﺎ ﺭﺍﻳﻮﻧﻼﺭﺩﺍ ﺩﺍﯞﺍﻣﻠﯩﺸﯩﭗ ﻛﯧﻠﯩﯟﺍﺗﻘﺎﻥ ﻧﺎﻣﺎﻳﯩﺶ ﯞﻩ ﺑﯩﺮ ﻗﺎﺗﺎﺭ ﺋﻪﮔﻪﺷﻤﻪ ﻫﻪﺭﯨﻜﻪﺗﻠﻪﺭ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﻪﺯﻛﯘﺭ ﻧﺎﻣﺎﻳﯩﺸﯩﻨﻰ ﺗﯩﺒﻪﺗﻠﻪﺭﻧﯩﯔ ﺭﻭﻫﺎﻧﯩﻲ ﺩﺍﻫﯩﻴﺴﻰ ﺩﺍﻻﻱ ﻻﻣﺎ ﮔﯘﺭﯗﻫﯩﻨﯩﯔ ﺑﺎﺵ ﺑﻮﻟﯘﭖ ﺗﻪﺷﻜﯩﻠﻠﯩﮕﻪﻧﻠﯩﻜﻰ، ﭘﯩﻼﻧﻠﯩﻐﺎﻧﻠﯩﻘﯩﻨﻰ ﯞﻩ ﻗﻮﺯﻏﺎﺗﻘﺎﻧﻠﯩﻘﯩﻨﻰ ﺋﯩﺴﭙﺎﺗﻼﻳﺪﯨﻐﺎﻥ ﻳﯧﺘﻪﺭﻟﯩﻚ ﺋﯩﺴﭙﺎﺕ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﯛﭖ " ﺩﺍﻻﻱ ﮔﯘﺭﯗﻫﻰ ﺋﻪﺯﻩﻟﺪﯨﻦ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﻘﺎﻥ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﻤﺎﻳﻤﯩﺰ، ﭘﻪﻗﻪﺕ ﺗﯩﻨﭻ ﻳﻮﺳﯘﻧﺪﺍ ﺩﯨﺌﺎﻟﻮﮒ ﺋﯧﻠﯩﭗ ﺑﯧﺮﯨﺸﻨﻰ ﺋﯩﺰﺩﻩﻳﻤﯩﺰ ﺩﯦﮕﻪﻧﻠﯩﺮﯨﻨﯩﯔ ﻫﻪﻣﻤﯩﺴﯩﻨﯩﯔ ﻳﺎﻟﻐﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﺪﻯ" ﺩﯦﺪﻯ.

ﺩﺍﻻﻱ ﻻﻣﺎ:" ﺋﻪﮔﻪﺭ ﺋﯩﺸﻼﺭﻧﻰ ﻛﻮﻧﺘﺮﻭﻝ ﻗﯩﻠﻐﯩﻠﻰ ﺑﻮﻟﻤﺎﻱ ﻗﺎﻟﺴﺎ، ﻣﻪﻧﺪﻩ ﺳﯩﻴﺎﺳﯩﻲ ﻫﺎﻳﺎﺗﺘﯩﻦ ﭼﯧﻜﯩﻨﻤﻪﻛﺘﯩﻦ ﺋﯚﺯﮔﻪ ﺋﺎﻣﺎﻝ ﻳﻮﻕ"

ﺩﺍﻻﻱ ﻻﻣﺎ ﺑﯜﮔﯜﻥ ﺩﺍﺭﺍﻣﺴﺎﻻﺩﺍ ﺋﯚﺯﯨﻨﯩﯔ ﺑﯘ ﻧﺎﻣﺎﻳﯩﺸﯩﻨﻰ ﺗﻪﺷﻜﯩﻠﻠﻪﺵ ﯞﻩ ﭘﯩﻼﻧﻼﺵ ﺑﯩﻠﻪﻥ ﺋﺎﻻﻗﯩﺴﻰ ﻳﻮﻗﻠﯘﻗﯩﻨﻰ ﻫﻪﻣﺪﻩ ﺋﻪﮔﻪﺭ ﺑﯘ ﻧﺎﻣﺎﻳﯩﺸﻨﯩﯔ ﺋﻪﻫﯟﺍﻟﻰ ﺗﯧﺨﯩﻤﯘ ﻳﺎﻣﺎﻧﻼﺷﺴﺎ ﯞﻩﺯﯨﭙﯩﺴﯩﺪﯨﻦ ﺋﯩﺴﺘﯧﭙﺎ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺩﺍﻻﻱ ﻻﻣﺎ ﺯﻭﺭﺍﯞﺍﻧﻠﯩﻘﻨﯩﯔ ﺋﯩﻨﺴﺎﻥ ﺗﻪﺑﯩﺌﯩﺘﯩﮕﻪ ﻳﺎﺕ ﺋﯩﻜﻪﻧﻠﯩﻜﯩﻨﻰ ﻫﻪﻣﺪﻩ ﺧﯩﺘﺎﻱ ﺧﻪﻟﻘﻰ ﺑﯩﻠﻪﻥ ﺗﯩﻨﭻ ﻳﻮﺳﯘﻧﺪﺍ ﺑﯩﻠﻠﻪ ﻳﺎﺷﺎﺷﻨﻰ ﺋﯩﺰﺩﻩﻳﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﻪﭖ: " ﺋﻪﮔﻪﺭ ﺋﯩﺸﻼﺭﻧﻰ ﻛﻮﻧﺘﺮﻭﻝ ﻗﯩﻠﻐﯩﻠﻰ ﺑﻮﻟﻤﺎﻱ ﻗﺎﻟﺴﺎ، ﻣﻪﻧﺪﻩ ﺳﯩﻴﺎﺳﯩﻲ ﻫﺎﻳﺎﺗﺘﯩﻦ ﭼﯧﻜﯩﻨﻤﻪﻛﺘﯩﻦ ﺋﯚﺯﮔﻪ ﺋﺎﻣﺎﻝ ﻳﻮﻕ" ﺩﯦﺪﻯ.

ﺳﺎﻣﺪﻭﮒ ﺭﯨﻨﭙﻮﭼﯥ : " ﺑﯘﻧﻰ ﺋﺎﻟﺪﯨﻦ ﭘﯩﻼﻧﻼﻧﻐﺎﻥ ﺩﯦﻴﯩﺶ ﭘﯜﺗﯜﻧﻠﻪﻱ ﺧﺎﺗﺎ"

ﺗﯧﻨﭽﻠﯩﻖ ﻧﺎﻣﺎﻳﯩﺸﻰ ﺑﺎﺷﻠﯩﻐﺎﻥ ﺗﯩﺒﻪﺗﻠﯩﻜﻠﻪﺭ. AFP Photo

ﺑﯜﮔﯜﻥ ﺗﯩﺒﻪﺗﻠﻪﺭﻧﯩﯔ ﺳﯜﺭﮔﯜﻧﺪﯨﻜﻰ ﻫﯚﻛﯜﻣﯩﺘﯩﻨﯩﯔ ﺑﺎﺵ ﻣﯩﻨﯩﺴﺘﯩﺮﻯ ﺳﺎﻣﺪﻭﮒ ﺭﯨﻨﭙﻮﭼﯥ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞﻧﯩﯔ ﻳﯘﻗﯩﺮﯨﺪﺍ ﺋﯧﻴﺘﻘﺎﻧﻠﯩﺮﯨﻐﺎ ﻗﺎﺭﯨﺘﺎ ﺋﯩﻨﻜﺎﺱ ﻗﺎﻳﺘﯘﺭﺩﻯ ﯞﻩ ﺋﯚﺗﻜﻪﻧﻜﻰ ﺑﯩﺮ ﻧﻪﭼﭽﻪ ﻛﯜﻥ ﺟﻪﺭﻳﺎﻧﯩﺪﺍ ﺗﯩﺒﻪﺗﻨﯩﯔ ﻟﺨﺎﺳﺎ ﺷﻪﻫﯩﺮﯨﺪﻩ ﯞﻩ ﺑﺎﺷﻘﺎ ﻗﻮﺷﻨﺎ ﺭﺍﻳﻮﻧﻼﺭﺩﺍ ﻳﯜﺯ ﺑﻪﺭﮔﻪﻥ ﻧﺎﻣﺎﻳﯩﺸﻨﯩﯔ ﻫﻪﺭﮔﯩﺰﻣﯘ ﺋﺎﻟﺪﯨﻦ ﭘﯩﻼﻧﻼﻧﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ ﻣﯘﻧﺪﺍﻕ ﺩﯦﺪﻯ: " ﺑﯘﻧﻰ ﺋﺎﻟﺪﯨﻦ ﭘﯩﻼﻧﻼﻧﻐﺎﻥ ﺩﯦﻴﯩﺶ ﭘﯜﺗﯜﻧﻠﻪﻱ ﺧﺎﺗﺎ."

ﺋﯘ ﻳﻪﻧﻪ، ﺗﯩﺒﻪﺗﺘﻪ ﻳﯜﺯ ﺑﻪﺭﮔﻪﻥ ﻣﻪﺯﻛﯘﺭ ﯞﻩﻗﻪﻧﯩﯔ 10 - ﻣﺎﺭﺕ 7 - 8 ﻧﻪﭘﻪﺭ ﺗﯩﺒﻪﺕ ﺭﺍﻫﯩﺒﯩﻨﯩﯔ ﺗﯩﻨﭻ ﻳﻮﺳﯘﻧﺪﺍ ﺋﯧﻠﯩﭗ ﺑﺎﺭﻏﺎﻥ ﻧﺎﻣﺎﻳﯩﺸﯩﻨﻰ ﺧﯩﺘﺎﻱ ﻫﯚﻛﯜﻣﯩﺘﻰ ﻗﺎﺗﺘﯩﻖ ﻗﻮﻟﻠﯘﻕ ﺑﯩﻠﻪﻥ ﺑﺎﺳﺘﯘﺭﻏﺎﻧﺪﯨﻦ ﻛﯧﻴﯩﻦ، ﺋﺎﻧﺪﯨﻦ ﻣﻪﻳﺪﺍﻧﻐﺎ ﭼﯩﻘﻘﺎﻧﻠﯩﻘﯩﻨﻰ، ﺧﯩﺘﺎﻱ ﻫﯚﻛﯜﻣﻪﺕ ﺗﻪﺭﻩﭖ ﺗﯩﺒﻪﺕ ﻧﺎﻣﺎﻳﯩﺸﭽﯩﻼﺭﻏﺎ ﺯﻭﺭﺍﯞﺍﻥ ﯞﺍﺳﯩﺘﯩﻠﻪﺭﻧﻰ ﺋﯩﺸﻠﻪﺗﻜﻪﻧﺪﯨﻦ ﻛﯧﻴﯩﻦ ﻧﺎﻣﺎﻳﯩﺸﻨﯩﯔ ﺑﺎﺭﺍ - ﺑﺎﺭﺍ ﺯﻭﺭﺍﯞﺍﻧﻠﯩﻖ ﺗﯜﺳﯩﻨﻰ ﺋﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﯞﯦﻦ ﺟﯩﻴﺎﺑﺎﯞ: " ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﺘﻪ ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ ﺩﯦﻴﯩﺶ ﭘﯜﺗﯜﻧﻠﻪﻱ ﻳﺎﻟﻐﺎﻥ ﮔﻪﭖ"

ﺋﺎﻟﺪﯨﻨﻘﻰ ﻛﯜﻧﻰ ﺩﺍﻻﻱ ﻻﻣﺎ ﺗﯩﺒﻪﺗﺘﻪ ﻳﯜﺯ ﺑﻪﺭﮔﻪﻥ ﻧﺎﻣﺎﻳﯩﺶ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻧﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯚﺗﻜﻪﻥ 49 ﻳﯩﻞ ﺟﻪﺭﻳﺎﻧﯩﺪﺍ ﺗﯩﺒﻪﺗﺘﻪ ﻳﯜﺭﮔﯜﺯﮔﻪﻥ ﺳﯩﻴﺎﺳﯩﺘﯩﻨﻰ ﺋﻪﻳﯩﺒﻠﻪﭖ ﺋﯘﻧﻰ " ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ"ﺩﻩﭖ ﺋﺎﺗﯩﻐﺎﻥ ﺋﯩﺪﻯ. ﺑﯜﮔﯜﻥ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﯩﻴﺎﺑﺎﯞ ﺑﯧﻴﺠﯩﯔ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﺪﺍ ﺩﺍﻻﻱ ﻻﻣﺎﻧﯩﯔ ﺋﯧﻴﺘﻘﺎﻧﻠﯩﺮﯨﻐﺎ ﺭﻩﺩﺩﯨﻴﻪ ﺑﯧﺮﯨﭗ ﺗﯩﺒﻪﺕ ﺗﯩﻨﭻ ﻳﻮﻝ ﺑﯩﻠﻪﻥ ﺋﺎﺯﺍﺕ ﻗﯩﻠﯩﻨﯩﭗ ﺗﯩﺒﻪﺗﺘﻪ ﺩﯦﻤﻮﻛﺮﺍﺗﯩﻚ ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﻠﻐﺎﻧﺪﯨﻦ ﻛﯧﻴﯩﻦ، ﺗﯩﺒﻪﺗﻨﯩﯔ ﺗﻪﺭﻩﻗﻘﯩﻲ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ ﯞﻩ " ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﺘﻪ ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ ﺩﯦﻴﯩﺶ ﭘﯜﺗﯜﻧﻠﻪﻱ ﻳﺎﻟﻐﺎﻥ ﮔﻪﭖ" ﺩﯦﺪﻯ.

ﺑﻪﻥ ﻛﺎﺭﺩﯗﺱ: "ﺗﯩﺒﻪﺕ ﺑﯘﺩﺩﯨﺰﻣﻰ ﺗﯩﺒﻪﺕ ﻣﻪﺩﻩﻧﯩﻴﯩﺘﯩﻨﯩﯔ ﻧﯧﮕﯩﺰﻯ"

ﺑﯘ ﻫﻪﻗﺘﻪ ﺋﯩﻨﻜﺎﺱ ﻗﺎﻳﺘﯘﺭﻏﺎﻥ ﺗﯩﺒﻪﺕ ﻫﻪﺭﯨﻜﯩﺘﻰ ﺗﻪﺷﻜﯩﻼﺗﯩﺪﯨﻜﻰ ﺗﻪﺗﻘﯩﻘﺎﺗﭽﻰ ﺑﻪﻥ ﻛﺎﺭﺩﯗﺱ ﻣﻪﺯﻛﯘﺭ ﺗﻪﺷﻜﯩﻼﺗﯩﻨﯩﯔ ﺩﺍﻻﻱ ﻻﻣﺎ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻫﺎﺯﯨﺮ "ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﺘﻪ ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ" ﺩﯦﮕﻪﻥ ﻣﻪﻳﺪﺍﻧﯩﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

"ﺑﯩﺰ ﺩﺍﻻﻱ ﻻﻣﺎﻧﯩﯔ ﺗﯩﺒﻪﺗﺘﻪ ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻖ ﺋﯧﻠﯩﭗ ﺑﯧﺮﯨﻠﯩﯟﺍﺗﯩﺪﯗ ﺩﯦﮕﻪﻥ ﺑﺎﻳﺎﻧﺎﺗﯩﻨﻰ ﻗﻮﻟﻼﻳﻤﯩﺰ. ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺕ ﺋﯩﭽﯩﺪﯨﻜﻰ ﺩﺍﻻﻱ ﻻﻣﺎﻧﯩﯔ ﺗﻪﺳﯩﺮﯨﻨﻰ ﻳﻮﻗﯩﺘﯩﺶ ﺋﺎﺭﻗﯩﻠﯩﻖ ﺗﯩﺒﻪﺕ ﺑﯘﺩﺩﯨﺰﻣﯩﻨﻰ ﯞﻩﻳﺮﺍﻥ ﻗﯩﻠﯩﺸﻘﺎ ﺋﯩﺰ ﭼﯩﻞ ﺗﯩﺮﯨﺸﯩﭗ ﻛﻪﻟﺪﻯ. ﺗﯩﺒﻪﺕ ﺑﯘﺩﺩﯨﺰﻣﻰ ﺗﯩﺒﻪﺕ ﻣﻪﺩﻩﻧﯩﻴﯩﺘﯩﻨﯩﯔ ﻧﯧﮕﯩﺰﻯ. ﺗﯩﺒﻪﺕ ﺑﯘﺩﺩﯨﺰﻣﯩﺪﯨﻦ ﺋﺎﻳﺮﯨﻠﻐﺎﻥ ﺗﯩﺒﻪﺕ ﻣﻪﺩﻩﻧﯩﻴﯩﺘﻰ ﺋﯚﺯ ﻧﯩﺸﺎﻧﯩﻨﻰ ﻳﻮﻗﺎﺗﻘﺎﻥ ﺑﻮﻟﯩﺪﯗ."

ﺑﻪﻥ ﻳﻪﻧﻪ، ﻳﻪﻧﻪ ﺑﯩﺮ ﺟﻪﻫﻪﺗﺘﯩﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ ﺧﯩﺘﺎﻳﻨﯩﯔ ﻫﺎﺯﯨﺮ ﺗﯩﺒﻪﺗﻠﻪﺭﻧﯩﯔ ﺗﯩﺒﻪﺕ ﺗﯩﻠﯩﻨﻰ ﺋﯩﺸﻠﯩﺘﯩﺸﯩﮕﻪ ﻗﺎﺗﺘﯩﻖ ﭼﻪﻙ ﻗﻮﻳﯘﭖ ﻛﻪﻟﮕﻪﻧﻠﯩﻜﯩﻨﻰ، ﺷﯘﻧﯩﯔ ﺑﯩﻠﻪﻥ ﺋﯚﺯ ﺑﺎﻟﯩﻠﯩﺮﯨﻨﻰ ﺗﯩﺒﻪﺕ ﺗﯩﻠﯩﺪﺍ ﯞﻩ ﺗﯩﺒﻪﺕ ﻣﻪﺩﻩﻧﯩﻴﯩﺘﯩﺪﻩ ﺗﻪﺭﺑﯩﻴﯩﻠﻪﺵ ﭘﯘﺭﺳﯩﺘﯩﺪﯨﻦ ﻣﻪﻫﺮﯗﻡ ﻗﺎﻟﻐﺎﻥ ﺋﺎﺗﺎ - ﺋﺎﻧﯩﻼﺭﻧﯩﯔ ﭘﻪﺭﺯﻩﻧﺘﻠﯩﺮﯨﻨﻰ ﻫﯩﻨﺪﯨﺴﺘﺎﻧﻐﺎ ﺋﻪﯞﻩﺗﯩﺸﻜﻪ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ، ﻣﯘﺷﯘ ﻧﯘﻗﺘﯩﻼﺭﺩﯨﻦ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﺧﯩﺘﺎﻳﻨﻰ ﺗﯩﺒﻪﺗﺘﻪ ﻣﻪﺩﻩﻧﯩﻴﻪﺕ ﻗﯩﺮﻏﯩﻨﭽﯩﻠﯩﻘﻰ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ ﺩﯦﻴﯩﺶ ﻳﯧﺘﻪﺭﻟﯩﻚ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻖ ﻧﺎﻣﺎﻳﯩﺸﯩﻨﯩﯔ ﺋﻮﺗﯩﻨﻰ ﺧﯩﺘﺎﻱ ﭘﺎﻳﺘﻪﺧﺘﯩﮕﻪ ﻳﻪﺗﺘﻰ

ﻣﻪﻟﯘﻡ ﺑﻮﻟﯘﺷﯩﭽﻪ، 10 - ﻣﺎﺭﺕ ﺗﯩﺒﻪﺗﺘﻪ ﺑﺎﺷﻼﻧﻐﺎﻥ ﻧﺎﻣﺎﻳﯩﺶ ﻫﺎﺯﯨﺮ ﺗﯩﺒﻪﺗﻜﻪ ﻗﻮﺷﻨﺎ ﭼﯩﯖﺨﻪﻱ، ﮔﻪﻧﺴﯘ ﯞﻩ ﺳﯩﭽﯜﻩﻥ ﺋﯚﻟﻜﯩﻠﯩﺮﯨﺪﯨﻜﻰ ﺗﯩﺒﻪﺗﻠﻪﺭ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﻼﺭﻏﺎ ﻛﯧﯖﯩﻴﯩﭙﻼ ﻗﺎﻟﻤﺎﻱ، ﺗﯩﺒﻪﺕ ﺋﻮﻗﯘﻏﯘﭼﯩﻼﺭ ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﯟﺍﺗﻘﺎﻥ ﺧﯩﺘﺎﻱ ﺋﯩﭽﯩﺪﯨﻜﻰ ﻣﻪﻛﺘﻪﭘﻠﻪﺭﮔﯩﭽﻪ ﻛﯧﯖﯩﻴﯩﺸﻜﻪ ﺑﺎﺷﻠﯩﺪﻯ.

ﺋﺎﻟﺪﯨﻨﻘﻰ ﻛﯜﻧﻰ ﻏﻪﺭﺑﯩﻲ ﺷﯩﻤﺎﻝ ﻣﯩﻠﻠﻪﺗﻠﻪﺭ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺗﯩﺒﻪﺗﻠﯩﻚ ﺋﻮﻗﯘﻏﯘﭼﯩﻼﺭ ﻣﻪﻛﺘﻪﭖ ﻗﻮﺭﯗﺳﯩﻐﺎ ﻳﯩﻐﯩﻠﯩﭗ ﻧﺎﻣﺎﻳﯩﺶ ﻗﯩﻠﻐﺎﻥ ﺑﻮﻟﺴﺎ، ﺑﯜﮔﯜﻥ ﺑﯧﻴﺠﯩﯖﺪﯨﻜﻰ ﻣﻪﺭﻛﯩﺰﯨﻲ ﻣﯩﻠﻠﻪﺗﻠﻪﺭ ﺋﯘﻧﯩﯟﯦﺮﺳﯩﺘﯧﺘﻰ ﻗﻮﺭﯗﺳﯩﺪﺍ ﻧﻪﭼﭽﯩﻠﯩﮕﻪﻥ ﺗﯩﺒﻪﺕ ﺋﻮﻗﯘﻏﯘﭼﯩﻼﺭ ﺟﯩﻢ ﺋﻮﻟﺘﯘﺭﯗﺵ ﻧﺎﻣﺎﻳﯩﺸﻰ ﺋﯧﻠﯩﭗ ﺑﯧﺮﯨﭗ ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻖ ﻧﺎﻣﺎﻳﯩﺸﯩﻨﯩﯔ ﺋﻮﺗﯩﻨﻰ ﺧﯩﺘﺎﻱ ﭘﺎﻳﺘﻪﺧﺘﯩﮕﻪ ﺋﯧﻠﯩﭗ ﻛﻪﻟﺪﻯ.

ﺭﻭﻳﯧﺘﯩﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﻛﯚﺭﺳﯩﺘﯩﺸﯩﭽﻪ، 40 ﻧﻪﭘﻪﺭﮔﻪ ﻳﯧﻘﯩﻦ ﺗﯩﺒﻪﺗﻠﯩﻚ ﺋﻮﻗﯘﻏﯘﭼﻰ ﻣﻪﺭﻛﯩﺰﯨﻲ ﻣﯩﻠﻠﻪﺗﻠﻪﺭ ﺋﯘﻧﯩﯟﯦﺮﺳﯩﺘﯧﺘﻰ ﻗﻮﺭﯗﺳﯩﺪﺍ ﻳﯩﻐﯩﻠﯩﭗ ﻧﺎﻣﺎﻳﯩﺶ ﺋﯧﻠﯩﭗ ﺑﺎﺭﻏﺎﻥ ﺑﻮﻟﯘﭖ، ﺋﻮﻗﯘﺗﻘﯘﭼﯩﻼﺭ ﺋﯘﻻﺭﻧﻰ ﻗﺎﻳﺘﯩﭗ ﻛﯧﺘﯩﺸﻜﻪ ﻗﯩﺴﺘﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺗﯩﺒﻪﺗﻠﯩﻚ ﺋﻮﻗﯘﻏﯘﭼﯩﻼﺭ ﻗﺎﻳﺘﯩﭗ ﻛﯧﺘﯩﺸﻨﻰ ﺭﻩﺕ ﻗﯩﻠﻐﺎﻥ.

ﻧﺎﻣﺎﻳﯩﺸﭽﯩﻼﺭﻧﻰ ﺭﻩﺳﯩﻤﮕﻪ ﺗﺎﺭﺗﻤﺎﻗﭽﻰ ﺑﻮﻟﻐﺎﻧﻼﺭﻧﻰ ﻗﻮﻏﺪﯨﻐﯘﭼﯩﻼﺭ ﻳﯧﻘﯩﻦ ﻛﻪﻟﺘﯜﺭﻣﯩﮕﻪﻥ. (ﺟﯜﻣﻪ)