ﺩﺍﻻﻱ ﻻﻣﺎ ﭘﯘﺭﺳﻪﺕ ﭘﯩﺸﯩﭗ ﻳﯧﺘﯩﻠﮕﻪﻧﺪﻩ ﺳﯚﻫﺒﻪﺗﻜﻪ ﺗﻪﻳﻴﺎﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ

• ﻣﯘﺧﺒﯩﺮﯨﻤﯩﺰ ﺟﯜﻣﻪﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

20 - ﻣﺎﺭﺕ ﭘﻪﻳﺸﻪﻧﺒﻪ ﻛﯜﻧﻰ ﺗﯩﺒﻪﺗﻠﻪﺭﻧﯩﯔ ﺭﻭﻫﺎﻧﯩﻲ ﺩﺍﻫﯩﻴﺴﻰ ﺩﺍﻻﻱ ﻻﻣﺎ، ﺋﻪﮔﻪﺭ ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺗﯩﺒﻪﺕ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺸﻘﺎ ﺗﻪﻛﻠﯩﭗ ﻗﯩﻠﯩﻨﺴﺎ ﺧﺎﻻﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﺧﯩﻞ ﺳﯚﻫﺒﻪﺗﻨﻰ ﺋﯧﻠﯩﭗ ﺑﯧﺮﯨﺸﺘﺎ ﻫﻪﻗﯩﻘﯩﻲ ﺋﯩﻠﮕﯩﺮﯨﻠﻪﺵ ﻫﺎﺳﯩﻞ ﻗﯩﻠﯩﻨﯩﺸﺘﯩﻦ ﺋﯩﻠﮕﯩﺮﻯ ﺧﯩﺘﺎﻱ ﺗﻪﺭﻩﭖ ﺑﯩﻠﻪﻥ ﻛﯚﺭﯛﺷﻨﻰ ﻣﯘﯞﺍﭘﯩﻖ ﻛﯚﺭﻣﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺩﺍﻻﻱ ﻻﻣﺎ: " ﭘﯘﺭﺳﻪﺕ ﭘﯩﺸﯩﭗ ﻳﯧﺘﯩﻠﮕﻪﻧﺪﻩ ﻣﻪﻥ ﺗﻪﻳﻴﺎﺭ"

ﺩﺍﻻﻱ ﻻﻣﺎ ﺩﺍﺭﺍﻣﺴﺎﻻﺩﯨﻜﻰ ﺋﯩﺸﺨﺎﻧﯩﺴﯩﺪﺍ ﻣﯘﺧﺒﯩﺮﻻﺭﻧﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﺑﯘ ﺧﯩﻠﺪﯨﻜﻰ ﺳﯚﻫﺒﻪﺗﻠﻪﺭﺩﯨﻦ ﻧﯘﺭﻏﯘﻧﻠﯩﻐﺎﻥ ﺗﯩﺒﻪﺗﻠﻪﺭﻧﯩﯔ ﺋﻪﻣﻪﻟﯩﻴﻪﺗﻜﻪ ﺋﯘﻳﻐﯘﻥ ﺑﻮﻟﻤﯩﻐﺎﻥ ﺋﯜﻣﯩﺪﻟﻪﺭﻧﻰ ﻛﯜﺗﯩﺪﯨﻐﺎﻧﻠﯩﻘﯩﻨﻰ، ﺋﯘﻻﺭﻧﻰ ﻧﺎﺋﯜﻣﯩﺪ ﻗﻮﻳﻤﺎﺳﻠﯩﻖ ﺋﯜﭼﯜﻥ ﺑﯘﻧﺪﺍﻕ ﺳﯚﻫﺒﻪﺗﻠﻪﺭﻧﻰ ﺋﯧﻠﯩﭗ ﺑﯧﺮﯨﺸﺘﺎ ﺋﯚﺯﯨﻨﯩﯔ ﺋﯩﻨﺘﺎﻳﯩﻦ ﺋﯧﻬﺘﯩﻴﺎﺗﭽﺎﻥ ﺑﻮﻟﻤﯩﺴﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﻫﻪﻗﯩﻘﯩﻲ ﭘﯘﺭﺳﻪﺕ ﭘﯩﺸﯩﭗ ﻳﯧﺘﯩﻠﮕﻪﻧﺪﻩ ﺋﯚﺯﯨﻨﯩﯔ ﻫﻪﺭﺩﻩﻡ ﺗﻪﻳﻴﺎﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺋﯘ ﻣﯘﻧﺪﺍﻕ ﺩﯦﺪﻯ " ﻣﻪﻥ ﺋﯩﻠﮕﯩﺮﻯ ﺋﯧﻴﺘﻘﯩﻨﯩﻤﺪﻩﻙ، ﭘﯘﺧﺘﺎ ﺷﻪﻛﯩﻠﺪﯨﻜﻰ ﺋﺎﻻﻣﻪﺗﻠﻪﺭ ﻛﯚﺭﯛﻧﺴﻪ ﻫﻪﻣﺪﻩ ﺑﯩﺰ ﯞﺍﻗﺘﯩﻨﯩﯔ ﭘﯩﺸﯩﭗ ﻳﯧﺘﯩﻠﮕﻪﻧﻠﯩﻜﯩﻨﻰ ﺗﻮﻧﯘﭖ ﻳﻪﺗﺴﻪﻙ. ﻣﻪﻥ ﺗﻪﻳﻴﺎﺭ."

ﺩﺍﻻﻱ ﻻﻣﺎ ﺋﻪﺯﻩﻟﺪﯨﻦ ﺋﯚﺯﯨﻨﯩﯔ ﺗﯩﺒﻪﺕ ﺋﯘﭼﯘﻥ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﯩﺪﯨﻦ ﺋﯚﺯﮔﻪ ﺗﻪﻟﯩﭙﻰ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﯛﭖ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﺩﺍﻻﻱ ﻻﻣﺎ ﻣﯘﺳﺘﻪﻗﯩﻠﻠﯩﻖ ﻣﻪﻳﺪﺍﻧﯩﺪﯨﻦ ﯞﺍﺯ ﻛﯧﭽﯩﺸﻰ ﻛﯧﺮﻩﻛﻠﯩﻜﯩﻨﻰ ﻫﻪﻣﺪﻩ ﺗﯩﺒﻪﺗﻨﯩﯔ ﺧﯩﺘﺎﻳﻨﯩﯔ ﺋﺎﻳﺮﯨﻠﻤﺎﺱ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ، ﻣﺎﻧﺎ ﻣﯘﺷﯘ ﺷﻪﺭﺗﻠﻪﺭ ﺋﺎﺳﺘﯩﺪﺍ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺸﻘﺎ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﭼﯩﻦ ﮔﺎﯓ: " ﺩﺍﻻﻱ ﻻﻣﺎ ﺋﺎﺗﺎﻟﻤﯩﺶ ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻘﻰ ﻣﻪﻳﺪﺍﻧﯩﺪﯨﻦ ﯞﺍﺯ ﻛﯧﭽﯩﺸﻰ ﻛﯧﺮﻩﻙ"

ﺑﯜﮔﯜﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯓ ﺑﯧﻴﺠﯩﯖﺪﺍ ﻣﯘﺧﺒﯩﺮﻻﺭﻏﺎ، ﺗﯩﺒﻪﺕ ﻣﻪﺳﯩﻠﯩﺴﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﻳﺪﺍﻧﯩﻨﯩﯔ ﺋﯚﺯﮔﻪﺭﻣﻪﻳﺪﯨﻐﺎﻧﻠﯩﻘﯩﻨﻰ، ﺑﯘﻧﻰ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞﻧﯩﯖﻤﯘ ﺋﯩﻠﮕﯩﺮﻯ ﺳﯜﺭﮔﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺋﯘ ﻣﯘﻧﺪﺍﻕ ﺩﯦﺪﻯ: " ﺑﯩﺰﻧﯩﯔ ﺩﺍﻻﻱ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺸﯩﻤﯩﺰ ﺋﯜﭼﯜﻥ، ﺋﯘ ﭼﻮﻗﯘﻡ ﺋﯚﺯﯨﻨﯩﯔ ﺋﺎﺗﺎﻟﻤﯩﺶ ﺗﯩﺒﻪﺕ ﻣﯘﺳﺘﻪﻗﯩﻠﻠﯩﻘﻰ ﻣﻪﻳﺪﺍﻧﯩﺪﯨﻦ ﯞﺍﺯ ﻛﯧﭽﯩﺸﻰ ﻛﯧﺮﻩﻙ. ﯞﻩﺗﻪﻧﻨﻰ ﭘﺎﺭﭼﯩﻼﻳﺪﯨﻐﺎﻥ ﻫﻪﺭﯨﻜﻪﺗﻠﯩﺮﯨﻨﻰ ﺋﯜﺯﯛﻝ ‏ - ﻛﯧﺴﯩﻞ ﺗﻮﺧﺘﯩﺘﯩﺸﻰ ﻫﻪﻣﺪﻩ ﺗﯩﺒﻪﺗﻨﻰ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺩﻩﭖ ﺋﯧﺘﯩﺮﺍﭖ ﻗﯩﻠﯩﺸﻰ ﻛﯧﺮﻩﻙ".

ﭼﯩﻦ ﮔﺎﯓ ﻳﻪﻧﻪ، ﺩﺍﻻﻱ ﻻﻣﺎ ﺗﯩﺒﻪﺗﻨﯩﯔ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﭙﻼ ﻗﺎﻟﻤﺎﻱ، ﺗﻪﻳﯟﻩﻧﻨﯩﯖﻤﯘ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻰ ﻛﯧﺮﻩﻛﻠﯩﻜﯩﻨﻰ، ﻣﺎﻧﺎ ﻣﯘﺷﯘﻧﺪﺍﻕ ﺷﻪﺭﺗﻠﻪﺭ ﺋﺎﺳﺘﯩﺪﺍ ﺋﺎﻧﺪﯨﻦ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺩﺍﻻﻱ ﻻﻣﺎ:" ﭘﯜﺗﯜﻥ ﺩﯗﻧﻴﺎ ﺩﺍﻻﻱ ﻻﻣﺎﻧﯩﯔ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﯩﺪﯗ"

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﺪﺍ ﻧﻪﻗﯩﻞ ﺋﯧﻠﯩﻨﯩﺸﯩﭽﻪ، ﺩﺍﻻﻱ ﻻﻣﺎ ﺳﯚﺯﯨﺪﻩ، ﺗﯩﺒﻪﺕ ﻣﻪﺳﯩﻠﯩﺴﯩﻨﯩﯔ ﺗﯩﺒﻪﺕ ﺧﻪﻟﻘﻰ ﺑﯩﻠﻪﻥ ﺧﯩﺘﺎﻱ ﺧﻪﻟﻘﻰ ﺋﺎﺭﯨﺴﯩﺪﺍ ﻫﻪﻝ ﻗﯩﻠﯩﻨﯩﺸﻰ ﻛﯧﺮﻩﻛﻠﯩﻜﯩﻨﻰ، ﺋﯚﺯﯨﻨﯩﯔ ﺗﯩﺒﻪﺗﻜﻪ ﭘﻪﻗﻪﺕ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﻫﻪﻣﺪﻩ " ﭘﯜﺗﯜﻥ ﺩﯗﻧﻴﺎ ﺩﺍﻻﻱ ﻻﻣﺎﻧﯩﯔ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﯩﺪﯗ. ﻣﻪﻥ ﺑﯘﻧﻰ ﻳﯧﻨﯩﺶ ‏ - ﻳﯧﻨﯩﺸﻼﭖ ﺗﻪﻛﺮﺍﺭﻻﭖ ﻛﻪﻟﺪﯨﻢ. ﺑﯘ ﻣﯧﻨﯩﯔ ﻣﯘﻧﺎﺟﺎﺗﯩﻢ. ﺑﯩﺰ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﻤﺎﻳﻤﯩﺰ"ﺩﯦﮕﻪﻥ

ﺧﯩﺘﺎﻱ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﻳﻪﻧﯩﻼ ﺩﺍﻻﻱ ﻻﻣﺎﻧﻰ ﺋﻪﻳﯩﺒﻠﻪﺷﻨﻰ ﺩﺍﯞﺍﻣﻼﺷﺘﯘﺭﻣﺎﻗﺘﺎ

ﺋﻪﻣﻤﺎ ﺧﯩﺘﺎﻱ ﺗﺎﺷﯩﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯓ، ﻗﯘﺭﯗﻕ ﮔﻪﭘﻨﯩﯔ ﻳﯧﺘﻪﺭﻟﯩﻚ ﺋﻪﻣﻪﺳﻠﯩﻜﯩﻨﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻧﯩﯔ ﻧﯧﻤﻪ ﺩﯦﮕﻪﻧﻠﯩﺮﯨﺪﯨﻦ ﻛﯚﺭﻩ، ﺑﻪﻟﻜﻰ ﺋﯘﻧﯩﯔ ﻧﯧﻤﻪ ﻫﻪﺭﯨﻜﻪﺗﻠﻪﺭﺩﻩ ﺑﻮﻟﯘﺷﯩﻐﺎ ﺑﻪﻛﺮﻩﻙ ﺩﯨﻘﻘﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

18 - ﻣﺎﺭﺕ ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﯩﻴﺎﺑﺎﯞ ﺑﯧﻴﺠﯩﯖﺪﺍ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ 10 - ﻣﺎﺭﺗﺘﯩﻦ ﺑﯘﻳﺎﻥ ﺗﯩﺒﻪﺗﺘﻪ ﯞﻩ ﺧﯩﺘﺎﻳﻨﯩﯔ ﺗﯩﺒﻪﺕ ﻳﺎﺷﺎﻳﺪﯨﻐﺎﻥ ﺟﺎﻳﻠﯩﺮﯨﺪﺍ ﺋﺎﺭﻗﺎ - ﺋﺎﺭﻗﯩﺪﯨﻦ ﻳﯜﺯ ﺑﯧﺮﯨﭗ ﻛﯧﻠﯩﯟﺍﺗﻘﺎﻥ ﻣﯘﺳﺘﻪﻗﯩﻠﻠﯩﻖ ﻧﺎﻣﺎﻳﯩﺸﻠﯩﺮﯨﻨﻰ ﺩﺍﻻﻱ ﻻﻣﺎ ﮔﯘﺭﯗﻫﯩﻨﯩﯔ ﺑﺎﺵ ﺑﻮﻟﯘﭖ ﺗﻪﺷﻜﯩﻠﻠﯩﮕﻪﻧﻠﯩﻜﯩﻨﻰ، ﺑﯘﻻﺭﻧﻰ ﺋﯩﺴﭙﺎﺗﻼﺷﻘﺎ ﻳﯧﺘﻪﺭﻟﯩﻚ ﺋﯩﺴﭙﺎﺗﯩﻨﯩﯔ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﮔﻪﻥ ﻫﻪﻣﺪﻩ ﺗﯩﺒﻪﺗﺘﯩﻜﻰ ﯞﻩﻗﻪﻟﻪﺭ ﺋﯘﭼﯘﻥ ﺩﺍﻻﻱ ﻻﻣﺎﻧﻰ ﺋﻪﻳﯩﺒﻠﯩﻚ ﻛﯚﺭﺳﻪﺗﻤﻪﻛﭽﻰ ﺑﻮﻟﻐﺎﻥ ﺋﯩﺪﻯ.

ﺷﯘ ﻛﯜﻧﻰ ﺩﺍﻻﻱ ﻻﻣﺎ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ ﺋﯚﺯﯨﻨﯩﯔ ﺗﯩﺒﻪﺗﺘﻪ ﺋﯧﻠﯩﭗ ﺑﯧﺮﯨﻠﻐﺎﻥ ﻣﯘﺳﺘﻪﻗﯩﻠﻠﯩﻖ ﻧﺎﻣﺎﻳﯩﺸﻰ ﺑﯩﻠﻪﻥ ﺋﺎﻻﻗﯩﺴﯩﻨﯩﯔ ﻳﻮﻗﻠﯘﻗﯩﻨﻰ ﺑﯩﻠﺪﯛﺭﮔﻪﻥ ﻫﻪﻣﺪﻩ ﺑﯘ ﺋﯩﺶ ﺋﯘﺳﺘﯩﺪﯨﻦ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻰ ﻛﯧﺮﻩﻛﻠﯩﻜﯩﻨﻰ ﻣﯘﺭﺍﺟﯩﺌﻪﺕ ﻗﯩﻠﻐﺎﻥ ﺋﯩﺪﻯ.

ﺋﻪﻣﻤﺎ، ﺧﯩﺘﺎﻱ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ ﻳﻪﻧﯩﻼ ﺩﺍﻻﻱ ﻻﻣﺎﻧﻰ ﺋﻪﻳﯩﺒﻠﻪﺷﻨﻰ ﺗﻮﺧﺘﺎﺗﻤﯩﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﯞﺍﻗﯩﺖ ﮊﯗﺭﻧﯩﻠﻰ ﻣﯘﺧﺒﯩﺮﻯ ﻧﻰ ﭼﯩﯖﭽﯩﯖﻨﯩﯔ ﺑﯧﻴﺠﯩﯖﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﺗﯩﺒﻪﺕ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯦﺘﺎﺭﻯ ﺟﺎﯓ ﭼﯩﯖﻠﻰ ﺩﺍﻻﻱ ﻻﻣﺎﻧﻰ: " ﺭﺍﻫﯩﺐ ﺗﻮﻧﯩﻐﺎ ﺋﻮﺭﯨﻨﯩﯟﺍﻟﻐﺎﻥ ﭼﯩﻠﺒﯚﺭﻩ. ﺋﺎﺩﻩﻡ ﻳﯜﺯﻟﯜﻙ ﺋﯩﺒﻠﯩﺲ ﻳﯜﺭﻩﻛﻠﯩﻚ ﻳﺎﻟﻤﺎﯞﯗﺯ"ﺩﻩﭖ ﺗﯩﻠﻠﯩﻐﺎﻥ.

ﺩﺍﻻﻱ ﻻﻣﺎ: " ﺳﯩﺮﺗﻘﻰ ﺩﯗﻧﻴﺎ ﻣﯧﻨﯩﯔ ﺋﯩﺒﻠﯩﺲ ﺋﯩﻜﻪﻧﻠﯩﻜﯩﻤﮕﻪ ﺋﯩﺸﻪﻧﻤﻪﻳﺪﯗ"

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﺪﺍ ﻧﻪﻗﯩﻞ ﻗﯩﻠﯩﻨﯩﺸﯩﭽﻪ، ﺑﯩﺮ ﺭﺍﻫﯩﺐ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺋﯘﻧﻰ ﻧﯧﻤﻪ ﺩﻩﭖ ﺋﺎﺗﯩﺸﻰ ﺑﯩﻠﻪﻥ ﭘﻪﺭﯞﺍﻳﻰ ﭘﻪﻟﻪﻙ ﺋﯩﻜﻪﻧﻠﯩﻜﯩﻨﻰ، ﺋﻪﻣﻤﺎ ﺧﯩﺘﺎﻱ ﺗﻪﺭﻩﭘﻨﯩﯔ ﺷﯘﻧﺪﺍﻕ ﺑﺎﻫﺎﻟﯩﺮﯨﻨﯩﯔ ﺧﯩﺘﺎﻱ ﺋﯩﭽﯩﺪﯨﻜﻰ ﺗﯩﺒﻪﺗﻠﻪﺭﺩﻩ ﺧﯩﺘﺎﻳﻐﺎ ﻗﺎﺭﺷﻰ ﻫﯧﺴﺴﯩﻴﺎﺗﻨﻰ ﻛﯜﭼﻪﻳﺘﯩﯟﯦﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺩﺍﻻﻱ ﻻﻣﺎ ﺋﺎﺩﺩﻯ ﻗﯩﻠﯩﭗ: " ﺳﯩﺮﺗﻘﻰ ﺩﯗﻧﻴﺎ ﻣﯧﻨﯩﯔ ﺋﯩﺒﻠﯩﺲ ﺋﯩﻜﻪﻧﻠﯩﻜﯩﻤﮕﻪ ﺋﯩﺸﻪﻧﻤﻪﻳﺪﯗ"ﺩﯦﮕﻪﻥ.

ﻫﺎﺯﯨﺮ ﺋﺎﺳﺎﺳﻠﯩﻖ ﻏﻪﺭﺏ ﺩﯙﻟﻪﺗﻠﯩﺮﻯ ﻫﻪﻣﻤﯩﺴﻰ ﺩﯦﮕﯜﺩﻩﻙ ﺗﯩﺒﻪﺗﻨﯩﯔ ﻧﯚﯞﻩﺗﺘﯩﻜﻰ ﺋﻪﻫﯟﺍﻟﯩﻐﺎ ﺟﯩﺪﺩﯨﻲ ﻛﯚﯕﯜﻝ ﺑﻮﻟﯘﯞﺍﺗﻘﺎﻥ ﺑﻮﻟﯘﭖ، ﺗﯜﻧﯜﮔﯜﻥ ﮔﯧﺮﻣﺎﻧﯩﻴﻪ ﺗﻪﺭﻩﻗﻘﯩﻴﺎﺕ ﻣﯩﻨﯩﺴﺘﯩﺮﻯ ﻫﯩﻴﺪﻣﺎﻏﻰ ﯞﯨﻴﮋﻭﻏﻪﻙ ﺋﻪﮔﻪﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﺘﻪ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺯﻭﺭﺍﯞﺍﻧﻠﯩﻘﻰ ﻫﻪﺭﯨﻜﻪﺗﻠﯩﺮﯨﻨﻰ ﺗﻮﺧﺘﺎﺗﻤﯩﺴﺎ ﺋﯚﺯ ﻣﯩﻨﯩﺴﺘﯩﺮﻟﯩﻘﯩﻨﯩﯔ ﺧﯩﺘﺎﻱ ﺗﻪﺭﻩﻗﻘﯩﻴﺎﺕ ﻣﯩﻨﯩﺴﺘﯩﺮﻟﯩﻘﻰ ﺑﯩﻠﻪﻥ ﺋﯧﻠﯩﭗ ﺑﯧﺮﯨﺶ ﭘﯩﻼﻧﻼﻧﻐﺎﻥ ﺳﯚﻫﺒﯩﺘﯩﻨﻰ، ﺗﯩﺒﻪﺗﺘﻪ ﺗﯩﻨﭽﻠﯩﻖ ﺋﻮﺭﻧﯩﺘﯩﻠﻐﺎﻧﻐﺎ ﻗﻪﺩﻩﺭ ﻛﻪﻳﻨﯩﮕﻪ ﺳﯜﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﺎ، ﺑﯜﮔﯜﻥ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﺎﻧﺪﯨﻠﯩﺰﺍ ﺭﺍﻳﺲ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺗﯩﺒﻪﺗﻠﻪﺭﻧﯩﯔ ﺭﻭﻫﺎﻧﯩﻲ ﺩﺍﻫﯩﻴﺴﻰ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺸﻘﺎ ﭼﺎﻗﯩﺮﻏﺎﻥ ﺋﯩﺪﻯ.

ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻫﺎﺯﯨﺮ ﻫﯩﻨﺪﯨﺴﺘﺎﻧﺪﺍ ﺯﯨﻴﺎﺭﻩﺗﺘﻪ ﺑﻮﻟﯘﯞﺍﺗﻘﺎﻥ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺋﺎﯞﺍﻡ ﭘﺎﻻﺗﺎ ﺭﻩﺋﯩﺴﻰ ﻧﻪﻧﺴﻲ ﭘﯧﻠﻮﺳﻲ ﺩﺍﺭﺍﻣﺴﺎﻻﻏﺎ ﺑﯧﺮﯨﭗ ﺩﺍﻻﻱ ﻻﻣﺎ ﺑﯩﻠﻪﻥ ﻛﯚﺭﯛﺷﯜﺷﻨﻰ ﭘﯩﻼﻧﻠﯩﻐﺎﻥ. (ﺟﯜﻣﻪ)

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)