ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰﻧﯩﯔ ﻳﺎﻣﺮﯨﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﻛﯧﭽﯩﻜﯩﭗ ﺑﯧﺴﯩﻠﻐﺎﻥ ﺑﯩﺮ ﻗﻪﺩﻩﻡ

ﺋﯘﻳﻐﯘﺭ ﺋﯧﻠﻰ ﻧﯚﯞﻩﺗﺘﻪ ﺧﯩﺘﺎﻱ ﺑﯘﻳﯩﭽﻪ ﺋﻪﻳﺪﯨﺰﻧﯩﯔ ﻳﺎﻣﺮﺍﺵ ﺳﯜﺭﺋﯩﺘﻰ ﺋﻪﯓ ﺗﯧﺰ ﺑﻮﻟﯘﯞﺍﺗﻘﺎﻥ ﺭﺍﻳﻮﻥ. ﺷﯘﻧﺪﺍﻗﻼ ﻳﯧﻘﯩﻨﻘﻰ ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ ، ﺋﻪﻳﺪﯨﺰ ﺋﯘﻳﻐﯘﺭ ﺋﯧﻠﯩﻨﯩﯔ 15 ﺷﻪﻫﻪﺭ ﻫﻪﻡ ﺋﻮﺑﻼﺳﺖ ‏- ﯞﯨﻼﻳﻪﺕ ﯞﻩ 83 ﻧﺎﻫﯩﻴﻪ ، ﻳﯧﺰﺍ ‏- ﺑﺎﺯﺍﺭﻟﯩﺮﯨﻐﯩﭽﻪ ﻳﺎﻣﺮﯨﻐﺎﻥ . ﺷﯘﻧﺪﺍﻗﻼ ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﻛﯚﭖ ﻗﯩﺴﻤﯩﻨﻰ ﻳﻪﻧﯩﻼ ﺋﯘﻳﻐﯘﺭﻻﺭ ﺋﯩﮕﯩﻠﻪﻳﺪﯗ . ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﻣﺪﻯ ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰﻧﯩﯔ ﻳﺎﻣﺮﯨﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﺩﯨﻨﺪﯨﻦ ﺑﺎﺷﻼﭖ ﻗﻮﻝ ﺗﯩﻘﻤﯩﺴﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﻫﯧﺲ ﻗﯩﻠﯩﭗ ﻳﻪﺗﻜﻪﻥ ﺑﻮﻟﯘﭖ ،ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﻣﻪﺧﺴﯘﺱ ﺳﯩﻴﺎﺳﻪﺕ ﭼﯜﺷﯜﺭﯛﭖ ،ﺋﯘﻳﻐﯘﺭ ﺋﯧﻠﻰ ﺩﯨﻨﯩﻲ ﻫﻪﻡ ﻣﯩﻠﻠﯩﻲ ﺋﯩﺸﻼﺭ ﺋﻮﺭﮔﺎﻧﻠﯩﺮﯨﻨﻰ ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﻘﺎ ﺳﻪﭘﻪﺭﯞﻩﺭ ﻗﯩﻠﻐﺎﻥ. ﺋﯘﻳﻐﯘﺭ ﺋﯧﻠﯩﺪﯨﻜﻰ ﺩﯨﻨﯩﻲ ﻫﻪﻡ ﻣﯩﻠﻠﯩﻲ ﺋﯩﺸﻼﺭ ﻛﻮﻣﯩﺘﯧﺘﻠﯩﺮﻯ ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﭼﯜﺷﯜﺭﮔﻪﻥ ﺑﯘ ﺑﯘﻳﺮﯗﻗﯩﻐﺎ ﻗﺎﻧﺪﺍﻕ ﺋﻪﻣﻪﻝ ﻗﯩﻠﻤﺎﻗﭽﻰ ؟

ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺸﻰ ﺋﯩﻨﺘﺎﻳﯩﻦ ﺟﯩﺪﺩﯨﻲ ﯞﻩﺯﯨﻴﻪﺗﺘﻪ

ﺋﯘﻳﻐﯘﺭ ﺋﯧﻠﯩﻨﯩﯔ ﺋﻪﻳﺪﯨﺰ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺋﻪﯓ ﻳﯧﯖﻰ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ ، ﻳﻪﻧﻰ 2007 - ﻳﯩﻠﻰ 3 - ﺋﺎﻳﻐﯩﭽﻪ ﺋﯘﻳﻐﯘﺭ ﺋﯧﻠﯩﺪﻩ ﺑﺎﻳﻘﺎﻟﻐﺎﻥ ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﻯ 19ﻣﯩﯔ 202 ﻧﻪﭘﻪﺭﮔﻪ ﻳﻪﺗﻜﻪﻥ. ﻣﯘﺷﯘ ﺑﯘﻳﯩﭽﻪ ﺗﻪﺧﻤﯩﻨﻰ ﻫﯧﺴﺎﺑﻠﯩﻐﺎﻧﺪﺍ ﺋﻪﻣﻪﻟﯩﻲ ﻳﯘﻗﯘﻣﺪﺍﺭﻻﺭ ﻳﯜﺯ ﻣﯩﯖﺪﯨﻨﻤﯘ ﺋﯧﺸﯩﭗ ﻛﯧﺘﯩﺪﯨﻜﻪﻥ. ﻧﯚﯞﻩﺗﺘﻪ ﺋﻪﻳﺪﯨﺰ ﯞﯨﺮﯗﺳﻰ ﭘﯜﺗﯜﻥ ﺋﯘﻳﻐﯘﺭ ﺋﯧﻠﯩﻨﯩﯔ ﺑﯘﻟﯘﯓ ‏-ﭘﯘﺷﻘﺎﻗﻠﯩﺮﯨﻐﯩﭽﻪ ﺗﺎﺭﺍﻟﻐﺎﻥ ﺑﻮﻟﯘﭖ، ﺟﻪﻣﻰ 15 ﺷﻪﻫﻪﺭ ، ﺋﻮﺑﻼﺳﺖ ‏- ﯞﯨﻼﻳﻪﺕ ﻫﻪﻣﺪﻩ ﻳﻪﻧﻪ 83 ﻧﺎﻫﯩﻴﻪ ﻫﻪﻡ ﻳﯧﺰﯨﻼﺭﺩﯨﻤﯘ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭ ﺑﺎﻳﻘﺎﻟﻐﺎﻥ .

ﺑﻮﻟﯘﭘﻤﯘ ﺋﯜﺭﯛﻣﭽﻰ ﻫﻪﻣﺪﻩ ﻏﯘﻟﺠﺎ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﯘﭼﯩﻼﺭ ﺋﻪﯓ ﻛﯚﭖ ﺑﺎﻳﻘﺎﻟﻐﺎﻥ ﺷﻪﻫﻪﺭﻟﻪﺭ ﺑﻮﻟﯘﭖ 7000ﺩﯨﻦ ﺋﺎﺷﯩﺪﯨﻜﻪﻥ ، ﺋﯘﻧﯩﯖﺪﯨﻦ ﻗﺎﻟﺴﺎ ﺋﺎﻗﺴﯘ ﻫﻪﻣﺪﻩ ﻗﻪﺷﻘﻪﺭ ﺋﯩﻜﻪﻥ. ﺗﻪﯕﺮﯨﺘﺎﻍ ﺗﻮﺭﯨﻨﯩﯔ 17 - ﺋﯩﻴﯘﻟﺪﯨﻜﻰ ﺧﻪﯞﯨﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ ، ﻧﯚﯞﻩﺗﺘﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ، ﺧﯩﺘﺎﻱ ﺑﯘﻳﯩﭽﻪ ﺋﻪﻳﺪﯨﺰ ﺋﻪﯓ ﻛﻪﯓ ﺗﺎﺭﻗﺎﻟﻐﺎﻥ ﺗﯚﺗﯩﻨﭽﻰ ﺭﺍﻳﻮﻥ ﺑﻮﻟﯘﭖ ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻣﻪﻟﯘﻡ ﺑﻮﻟﻐﺎﻥ ﺋﻪﻳﺪﯨﺰﻟﻪﺭ ﺳﺎﻧﻰ ﺧﯩﺘﺎﻳﺪﺍ ﻣﻪﻟﯘﻡ ﺑﻮﻟﻐﺎﻥ ﺋﻪﻳﺪﯨﺰﻟﻪﺭﻧﯩﯔ % 10ﻧﻰ ﺗﻪﺷﻜﯩﻞ ﻗﯩﻠﯩﺪﯨﻜﻪﻥ.

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ 2006 - ﻳﯩﻠﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ، ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﺋﯜﻧﯜﻣﻠﯜﻙ ﭼﺎﺭﻩ ‏- ﺗﻪﺩﺑﯩﺮ ﻗﻮﻟﻼﻧﻤﺎﻳﺪﯨﻜﻪﻥ 2010 - ﻳﯩﻠﯩﻐﺎ ﺑﺎﺭﻏﺎﻧﺪﺍ ﺧﯩﺘﺎﻳﺪﺍ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻼﺭﻧﯩﯔ 10 ﻣﯩﻠﻴﻮﻧﺪﯨﻦ ﺋﯧﺸﯩﭗ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﻏﺎﻧﯩﺪﻯ .

ﺷﯘﻧﯩﯖﺪﯨﻦ ﺑﺎﺷﻼﭖ ﺧﯩﺘﺎﻱ ﻫﯚﻛﯜﻣﯩﺘﻰ ﺟﯘﯕﮕﻮﺩﺍ ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯩﺴﯩﺘﯩﺮﺍﺗﯧﮕﯩﻴﯩﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ ، ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﺪﻩ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ ، ﻣﻪﺯﻛﯘﺭ ﺋﯩﺴﺘﯩﺮﺍﺗﯧﮕﯩﻴﻪ ﺋﯩﭽﯩﮕﻪ ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰﻧﯩﯔ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﻣﯩﻠﻠﯩﻲ ﻫﻪﻣﺪﻩ ﺩﯨﻨﯩﻲ ﺋﯩﺸﻼﺭ ﺋﻮﺭﮔﺎﻧﻠﯩﺮﯨﻨﯩﯔ ﺭﻭﻟﯩﻨﻰ ﺟﺎﺭﻯ ﻗﯩﻠﺪﯗﺭﯗﺵ ﻛﯩﺮﮔﯜﺯﯛﻟﮕﻪﻥ ﺑﻮﻟﯘﭖ ، ﻳﯧﻘﯩﻨﺪﺍ ﻣﻪﺭﻛﯩﺰﻯ ﻫﯚﻛﯜﻣﻪﺕ ﺑﯘ ﻫﻪﻗﺘﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯩﻠﻠﯩﻲ ﻫﻪﻡ ﺩﯨﻨﯩﻲ ﺋﯩﺸﻼﺭ ﻧﺎﺯﺍﺭﯨﺘﯩﮕﻪ ﻣﻪﺧﺴﯘﺱ ﺳﯩﻴﺎﺳﻪﺕ ﭼﯜﺷﯜﺭﮔﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﻣﯩﻠﻠﯩﻲ ﻫﻪﻡ ﺩﯨﻨﯩﻲ ﺩﺍﺋﯩﺮﯨﻠﻪﺭﮔﻪ ﻣﻪﺧﺴﯘﺱ ﺳﯩﻴﺎﺳﻪﺕ ﭼﯜﺷﯜﺭﺩﻯ

7 ‏- ﺋﺎﻳﻨﯩﯔ31 - ﻛﯜﻧﻰ ﺋﯘﻳﻐﯘﺭ ﺋﯧﻠﻰ ﺩﯨﻨﯩﻲ ﻫﻪﻡ ﻣﯩﻠﻠﯩﻲ ﺋﯩﺸﻼﺭ ﺋﻮﺭﮔﺎﻧﻠﯩﺮﻯ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﻣﻪﺯﻛﯘﺭ ﺳﯩﻴﺎﺳﯩﺘﯩﻨﻰ ﺋﯩﺠﺮﺍ ﻗﯩﻠﯩﺶ ﻫﻪﻗﻘﯩﺪﻩ ﻣﻪﺧﺴﯘﺱ ﻳﯩﻐﯩﻦ ﭼﺎﻗﯩﺮﻏﺎﻥ ﻫﻪﻣﺪﻩ ﺋﯘﻳﻐﯘﺭ ﺋﯧﻠﯩﻨﯩﯔ 15 ﺷﻪﻫﻪﺭ ، ﯞﯨﻼﻳﻪﺕ ﻫﻪﻡ ﺋﻮﺑﻼﺳﺘﯩﻠﯩﺮﯨﺪﯨﻦ ﯞﻩ 98 ﻧﺎﻫﯩﻴﻪ ‏- ﺑﺎﺯﺍﺭﻟﯩﺮﯨﻨﯩﯔ ﺩﯨﻨﯩﻲ ﻫﻪﻡ ﻣﯩﻠﻠﯩﻲ ﺋﯩﺸﻼﺭ ﺋﻮﺭﮔﺎﻧﻠﯩﺮﯨﺪﯨﻦ ﻛﻪﻟﮕﻪﻥ ﺟﻪﻣﺌﯩﻲ ﻳﯜﺯﺩﯨﻦ ﺋﺎﺭﺗﯘﻕ ﻣﯘﻧﺎﺳﯩﯟﻩﺗﻠﯩﻚ ﻛﺎﺩﯨﺮﻻﺭﻧﻰ ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺧﯩﺰﻣﯩﺘﻰ ﺗﻪﺭﺑﯩﻴﯩﻠﻪﺵ ﻛﯘﺭﺳﯩﻐﺎ ﻗﺎﺗﻨﺎﺷﺘﯘﺭﻏﺎﻥ.

ﺧﻪﯞﻩﺭﺩﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﯩﻠﻠﯩﻲ ﺋﯩﺸﻼﺭ ﻛﻮﻣﯩﺘﯧﺘﻰ ﺩﯨﻨﯩﻲ ﺋﯧﺘﯩﻘﺎﺩ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﻰ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﻟﻴﯘ ﻧﯩﯔ ﻣﻪﺯﻛﯘﺭ ﻛﯘﺭﺳﺎﻧﺘﻼﺭﻏﺎ ﻗﯩﻠﻐﺎﻥ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ : ﺩﯨﻨﯩﻲ ﯞﻩ ﻣﯩﻠﻠﯩﻲ ﺋﯩﺸﻼﺭﻏﺎ ﻣﻪﺳﺌﯘﻝ ﻛﺎﺩﯨﺮﻻﺭﻏﺎ ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺧﯩﺰﻣﯩﺘﻰ ﻫﻪﻗﻘﯩﺪﻩ ﻛﯘﺭﺱ ﺋﯧﭽﯩﺶ ، ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﺟﯩﺪﺩﯨﻲ ﺋﻪﻳﺪﯨﺰ ﯞﻩﺯﯨﻴﯩﺘﯩﻨﻰ ﻛﻮﻧﺘﺮﻭﻝ ﻗﯩﻠﯩﭗ ﺋﻪﻳﺪﯨﺰﻧﯩﯔ ﻳﻪﻧﯩﻤﯘ ﺋﯧﻐﯩﺮ ﺩﻩﺭﯨﺠﯩﺪﻩ ﻳﺎﻣﺮﯨﺸﯩﻨﻰ ﺋﻪﯓ ﺗﯚﯞﻩﻥ ﭼﻪﻛﺘﻪ ﻛﻮﻧﺘﺮﻭﻝ ﻗﯩﻠﯩﺸﺘﺎ ﻳﻮﻟﻐﺎ ﻗﻮﻳﻐﺎﻥ ﺗﻪﺩﺑﯩﺮﻯ ﺑﻮﻟﯘﭖ ، ﻛﯘﺭﺳﺎﻧﺘﻼﺭﺩﯨﻦ ﻳﯜﻛﺴﻪﻙ ﻣﻪﺳﺌﯘﻟﯩﻴﻪﺗﭽﺎﻧﻠﯩﻖ ﺑﯩﻠﻪﻥ ﺋﻪﻳﺪﯨﺰﻧﯩﯔ ﻳﺎﻣﺮﯨﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﺋﺎﺯ ﺳﺎﻧﻠﯩﻖ ﺋﯧﺘﯩﻘﺎﺩﭼﻰ ﺋﺎﻣﻤﯩﻐﺎ ﺗﻪﺷﯟﯨﻖ ﺗﻪﺭﺑﯩﻴﻪ ﺧﯩﺰﻣﯩﺘﻰ ﺋﯧﻠﯩﭗ ﺑﯧﺮﯨﺶ ، ﺷﯘ ﺋﺎﺭﻗﯩﻠﯩﻖ ﺋﯘﻻﺭﻧﯩﯔ ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ، ﺋﯚﺯﯨﻨﻰ ﻗﻮﻏﺪﺍﺵ ﻫﻪﻣﺪﻩ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﺘﯩﻦ ﻳﯩﺮﺍﻕ ﺗﯘﺭﯗﺵ ، ﻫﺎﻳﺎﺗﻨﻰ ﻗﻪﺩﯨﺮﻟﻪﭖ ، ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﯩﻐﺎ ﺗﯚﻫﭙﻪ ﻗﻮﺷﯘﭖ ، ﺋﯩﻨﺎﻕ ﺟﻪﻣﺌﯩﻴﻪﺕ ﻳﺎﺭﯨﺘﯩﺸﻘﺎ ﻳﯧﺘﻪﻛﻠﻪﺵ ﺗﻪﻟﻪﭖ ﻗﯩﻠﯩﻨﯩﺪﯨﻜﻪﻥ.

ﻛﯧﺴﻪﻟﻨﻰ ﻳﻮﺷﯘﺭﺳﺎﯓ ﺋﯚﻟﯜﻡ ﺋﺎﺷﻜﺎﺭﺍ

ﺋﯩﻠﮕﯩﺮﻯ ﺋﺎﯕﻼﺗﻘﺎﻥ ﻣﻪﻟﯘﻣﺎﺗﻠﯩﺮﯨﻤﯩﺰﺩﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﻰ ﮔﻪﺭﭼﻪ ﺧﯩﺘﺎﻱ ﺑﯘﻳﯩﭽﻪ ﺋﻪﻳﺪﯨﺰ ﺗﺎﺭﻗﯩﻠﯩﺶ ﺗﯧﺰﻟﯩﻜﻰ ﺋﻪﯓ ﺟﯩﺪﺩﯨﻲ ﺑﻮﻟﯘﯞﺍﺗﻘﺎﻥ ﺟﺎﻱ ﺑﻮﻟﺴﯩﻤﯘ ، ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰﻧﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﺋﯜﻧﯜﻣﻠﯜﻙ ﺗﻪﺩﺑﯩﺮ ﻗﻮﻟﻼﻧﻤﺎﻳﯟﺍﺗﻘﺎﻧﻠﯩﻘﻰ ﺷﯘﻧﺪﺍﻗﻼ ﻫﺎﺯﯨﺮﻏﺎ ﻗﻪﺩﻩﺭ ﺋﻪﻳﺪﯨﺰﻟﻪﺭﮔﻪ ﻛﯚﯕﯜﻝ ﺑﯚﻟﯩﺪﯨﻐﺎﻥ ، ﺋﯘﻻﺭﻧﯩﯔ ﺩﺍﯞﺍﻟﯩﻨﯩﺸﯩﻐﺎ ﻳﺎﺭﺩﻩﻡ ﺑﯧﺮﯨﺪﯨﻐﺎﻥ ﺑﯩﺮﻩﺭ ﻣﻪﺧﺴﯘﺱ ﺩﻭﺧﺘﯘﺭﺧﺎﻧﯩﻨﯩﯖﻤﯘ ﻗﯘﺭﯗﻟﻤﯩﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻖ ﺋﯩﻨﻜﺎﺳﻠﯩﺮﯨﻨﻰ ﺋﺎﯕﻼﺗﻘﺎﻥ ﺋﯩﺪﯗﻕ .

ﺷﯘﻧﺪﺍﻗﻼ ﺋﯘﻳﻐﯘﺭﻻﺭﺩﺍ ﺩﯨﻨﯩﻲ ﺋﯧﺘﯩﻘﺎﺩﻧﯩﯔ ﺳﯘﺳﻠﯩﺸﯩﺸﯩﻨﯩﯔ ﺋﯘﻳﻐﯘﺭﻻﺭﺩﺍ ﺋﻪﻳﺪﯨﺰ ﻫﻪﻣﺪﻩ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﯩﯔ ﻳﺎﻣﺮﯨﺸﯩﻐﺎ ﻳﻮﻝ ﺋﺎﭼﻘﺎﻧﻠﯩﻘﯩﻨﻰ ﺷﯘﯕﺎ ﺋﯘﻳﻐﯘﺭﻻﺭﻧﯩﯔ ﺋﯩﺴﻼﻡ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﻛﯜﭼﻪﻳﺘﯩﺶ ﻫﻪﻣﺪﻩ ﺩﯨﻨﯩﻲ ﺳﻮﺭﯗﻧﻼﺭﺩﺍ ﺗﻪﺷﯟﯨﻖ ﺗﻪﺭﺑﯩﻴﻪ ﺋﯧﻠﯩﭗ ﺑﯧﺮﯨﺸﻨﯩﯔ ﺯﻩﻫﻪﺭ ﻫﻪﻡ ﺋﻪﻳﺪﯨﺰﻧﻰ ﭼﻪﻛﻠﻪﺷﺘﻪ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻛﻪﻟﮕﻪﻥ ﺑﻮﻟﺴﯩﻤﯘ ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﻗﺎﺗﺘﯩﻖ ﺑﺎﺳﺘﯘﺭﯗﭖ ﻫﻪﻡ ﭼﻪﻛﻠﻪﭖ ﻛﻪﻟﮕﻪﻥ ﺋﯩﺪﻯ .

ﻧﯚﯞﻩﺗﺘﻪ ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩﯨﻨﯩﻲ ﯞﻩ ﻣﯩﻠﻠﯩﻲ ﺋﯩﺸﻼﺭ ﺩﺍﺋﯩﺮﯨﻠﯩﺮﯨﻨﻰ ﻳﻪﻧﻰ ﺩﯨﻨﯩﻲ ﺗﻪﺷﯟﯨﻘﺎﺗﻨﻰ ﺋﻪﻳﺪﯨﺰﻧﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ ﻣﯘﻫﯩﻢ ﺋﻮﺭﯗﻧﻐﺎ ﻗﻮﻳﯘﺷﻰ ،ﻛﻮﻣﻤﯘﻧﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩﯨﻨﯩﻲ ﺋﯧﺘﯩﻘﺎﺩﻧﯩﯔ ﺭﻭﻟﯩﻨﻰ ﻫﻪﻡ ﺋﻪﻫﻤﯩﻴﯩﺘﯩﻨﻰ ﺗﻮﻧﯘﭖ ﻳﻪﺗﻜﻪﻧﻠﯩﻜﯩﻨﯩﯔ ﺋﯩﭙﺎﺩﯨﺴﯩﻤﯘ ؟ ﺧﯩﺘﺎﻳﻨﯩﯔ ﻣﻪﺯﻛﯘﺭ ﺳﯩﻴﺎﺳﯩﺘﯩﻨﯩﯔ ﻧﯧﻤﯩﺪﯨﻦ ﺩﯦﺮﻩﻙ ﺑﯧﺮﯨﺪﯨﻐﺎﻧﻠﯩﻘﻰ ﺷﯘﻧﺪﺍﻗﻼ ﺋﯘﻧﯩﯔ ﻛﯜﻧﺴﺎﻳﯩﻦ ﻳﺎﻣﺮﺍﯞﺍﺗﻘﺎﻥ ﺋﻪﻳﺪﯨﺰ ﺗﺎﺭﻗﯩﻠﯩﺸﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺘﺎ ﺋﻮﻳﻨﺎﻳﺪﯨﻐﺎﻥ ﺭﻭﻟﯩﻐﺎ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﭘﺎﺋﺎﻟﯩﻴﻪﺗﭽﯩﻠﻪﺭﻧﯩﯔ ﻗﺎﻧﺪﺍﻕ ﺑﺎﻫﺎﻻﺭ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ، ﺑﯩﺰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﻰ ﺯﯨﻴﺎﺭﻩﺕ ﻗﯩﻠﺪﯗﻕ. (ﮔﯜﻟﭽﯧﻬﺮﻩ)