ﺑﻪﺷﺘﻪ ﻛﺎﭘﺎﻟﻪﺗﻠﯩﻚ ﻗﯩﻠﻐﯘﭼﻰ ﻛﺎﺩﯨﺮﻻﺭ ﺋﺎﻳﻜﯚﻝ ﻳﯧﺰﯨﺴﯩﺪﺍ ﻧﯧﻤﻪ ﺋﯩﺶ ﻗﯩﻠﯩﺪﯗ؟

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﻮﻗﯘﻏﯘﭼﯩﻼﺭ، ﺋﯜﺭﯛﻣﭽﯩﺪﯨﻜﻰ ﺋﯩﺴﻼﻡ ﺋﯩﻨﯩﺴﺘﯩﺘﯘﺗﯩﺪﯨﻜﻰ ﺧﯩﺘﺎﻱ ﺩﯙﻟﻪﺕ ﺑﺎﻳﺮﯨﻘﻰ ﺋﯧﺴﯩﻠﻐﺎﻥ ﺑﯩﺮ ﺳﯩﻨﯩﭙﺘﺎ ﺗﻪﻟﯩﻢ ﺋﺎﻟﻤﺎﻗﺘﺎ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﺋﯩﺪﯦﺌﻮﻟﻮﮔﯩﻴﻪ ﺗﻪﺭﺑﯩﻴﯩﺴﯩﻨﻰ ﺑﺎﺭﻏﺎﻧﺴﯧﺮﻯ ﻛﯜﭼﻪﻳﺘﻤﻪﻛﺘﻪ. AFP

ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ، ﺋﯘﻳﻐﯘﺭ ﺋﯧﻠﯩﺪﻩ ﻫﻪﺭ ﺗﯜﺭﻟﯜﻙ ﺳﯩﻴﺎﺳﯩﻲ ﺗﻪﺷﯟﯨﻘﺎﺕ ﺋﯚﮔﯩﻨﯩﺸﻠﯩﺮﯨﻨﻰ ﻛﯜﭼﻪﻳﺘﻜﻪﻧﺪﯨﻦ ﺳﯩﺮﺕ، ﻳﯧﺰﯨﻼﺭﻏﺎ ﻛﺎﺩﯨﺮ ﺋﻪﯞﻩﺗﯩﺸﺘﻪﻙ ﺋﯘﺳﯘﻟﻼﺭ ﺋﺎﺭﻗﯩﻠﯩﻖ، ﺋﯘﻳﻐﯘﺭﻻﺭ ﺗﻮﭘﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺟﺎﻳﻼﺭﻧﯩﯔ ﺳﯩﻴﺎﺳﯩﻲ، ﺋﯩﺠﺘﯩﻤﺎﺋﯩﻲ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺵ ﺋﯜﭼﯜﻥ ﻫﻪﺭﯨﻜﻪﺕ ﻗﯩﻠﻤﺎﻗﺘﺎ.

ﻫﻪﻗﯩﻘﻰ ﻣﻪﻗﺴﻪﺕ

ﻳﯧﻘﯩﻨﺪﺍ ﺋﺎﻗﺴﯘﺩﯨﻜﻰ ﺋﺎﻳﻜﯚﻝ ﻳﯧﺰﯨﺴﯩﻐﺎ "ﺑﻪﺷﺘﻪ ﻛﺎﭘﺎﻟﻪﺗﻠﻪﻧﺪﯛﺭﮔﯜﭼﻰ ﻛﺎﺩﯨﺮﻻﺭ "ﻧﺎﻣﯩﺪﺍ 85 ﻧﻪﭘﻪﺭ ﻛﺎﺩﯨﺮ ﺋﺎﻻﻫﯩﺪﻩ ﯞﻩﺯﯨﭙﯩﮕﻪ ﻗﻮﻳﯘﻟﻐﺎﻥ. ﺋﺎﻳﻜﯚﻝ ﻳﯧﺰﯨﺴﻰ ﺋﺎﻗﺴﯘ ﺷﻪﻫﯩﺮﯨﮕﻪ ﻗﺎﺭﺍﺷﻠﯩﻖ 35 ﻣﯩﯔ ﺋﯘﻳﻐﯘﺭ ﻧﻮﭘﯘﺳﯩﻐﺎ ﺋﯩﮕﻪ ﭼﻮﯓ ﻳﯧﺰﯨﻨﯩﯔ ﺑﯩﺮﻯ ﺑﻮﻟﯘﭖ، ﺑﻪﺷﺘﻪ ﻛﺎﭘﺎﻟﻪﺗﻠﻪﻧﺪﯛﺭﯛﺵ ﯞﻩﺯﯨﭙﯩﺴﯩﻨﻰ ﺋﺎﻟﻐﺎﻥ ﻛﺎﺩﯨﺮﻻﺭ،ﻳﯧﺰﯨﺪﯨﻜﻰ ﺩﯦﻬﻘﺎﻧﻼﺭﻧﯩﯔ ﺋﺎﺋﯩﻠﯩﺴﯩﺪﻩ ﻳﯧﺘﯩﭗ ‏- ﻗﻮﭘﯘﭖ ﯞﻩﺯﯨﭙﯩﺴﯩﻨﻰ ﺋﯚﺗﻪﻳﺪﯨﻜﻪﻥ.

ﺋﺎﻗﺴﯘ ﺗﻮﺭ ﺑﯧﺘﯩﺪﯨﻜﻰ ﺋﯘﭼﯘﺭﺩﺍ، ﺑﻪﺷﺘﻪ ﻛﺎﭘﺎﻟﻪﺗﻠﻪﻧﺪﯛﺭﮔﯜﭼﻰ ﻛﺎﺩﯨﺮﻻﺭﻧﯩﯔ ﯞﻩﺯﯨﭙﯩﺴﻰ، ﻛﺎﭘﺎﻟﻪﺗﻜﻪ ﺋﺎﻟﻐﺎﻥ ﺩﯦﻬﻘﺎﻧﻼﺭﻧﯩﯔ ﺋﯚﻳﯩﺪﻩ ﺗﯘﺭﯗﭖ، ﻛﯜﻧﺪﯨﻠﯩﻚ ﺗﯘﺭﻣﯘﺵ ﯞﻩ ﺋﯩﺸﻠﻪﭘﭽﯩﻘﯩﺮﯨﺶ ﺟﻪﺭﻳﺎﻧﯩﺪﺍ ﺩﯦﻬﻘﺎﻧﻼﺭﻧﯩﯔ ﺳﯩﻴﺎﺳﯩﻲ ﺋﯩﺪﯨﻴﯩﺴﯩﻨﻰ ﺗﺎﺯﯨﻼﭖ ﺭﻭﺷﻪﻧﻠﻪﺷﺘﯜﺭﯛﺵ،ﭘﻪﻥ ﺗﯧﺨﻨﯩﻜﺎ ﺟﻪﻫﻪﺗﺘﯩﻦ ﻳﯧﺘﻪﻛﻠﻪﺵ، ﺑﯧﻴﯩﺶ ﻳﻮﻟﯩﻐﺎ ﻳﯧﺘﻪﻛﻠﻪﺵ، ﭘﺎﺭﺗﯩﻴﻪ، ﻫﯚﻛﯜﻣﻪﺗﻨﯩﯔ ﺳﯩﻴﺎﺳﻪﺗﻠﯩﺮﯨﻨﻰ ﻳﻪﺗﻜﯜﺯﯛﺵ ﻫﻪﻣﺪﻩ ﺩﯦﻬﻘﺎﻧﻼﺭﻧﯩﯔ ﭘﯩﻜﯩﺮﻟﯩﺮﯨﻨﻰ ﺋﯩﮕﯩﻠﻪﺵ ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﻪﺷﺘﻪ ﻛﺎﭘﺎﻟﻪﺗﻠﻪﻧﺪﯛﺭﯛﺵ ﻛﺎﺩﯨﺮﻟﯩﺮﯨﻨﻰ ﺩﯦﻬﻘﺎﻧﻼﺭﻧﯩﯔ ﺋﯚﻳﯩﮕﯩﭽﻪ ﺋﻪﯞﻩﺗﯩﺸﻨﯩﯔ ﺋﻪﻫﻤﯩﻴﯩﺘﻰ، ﺷﯘﻧﺪﺍﻗﻼ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯔ ﺋﯚﺯ ﺋﺎﺋﯩﻠﯩﺴﯩﮕﻪ ﻛﻪﻟﮕﻪﻥ ﺑﯘ ﭼﺎﻗﯩﺮﯨﻠﻤﯩﻐﺎﻥ ﻣﯧﻬﻤﺎﻧﻼﺭﻏﺎ ﻗﺎﻧﺪﺍﻕ ﻗﺎﺭﺍﻳﺪﯨﻐﺎﻧﻠﯩﻘﻰ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭ ﺑﯩﺰﻧﻰ ﻗﯩﺰﯨﻘﺘﯘﺭﺩﻯ. ﻣﻪﺯﻛﯘﺭ ﺳﻮﺋﺎﻟﻼﺭﻏﺎ ﺟﺎﯞﺍﺏ ﺗﯧﭙﯩﺶ ﻣﻪﻗﺴﯩﺘﯩﺪﻩ ﺋﺎﻗﺴﯘ ﺋﺎﻳﻜﯚﻝ ﻳﯧﺰﯨﺴﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﻳﯧﺰﯨﻠﯩﻖ ﻫﯚﻛﯜﻣﻪﺗﺘﯩﻜﻰ ﺑﯩﺮﻩﻳﻠﻪﻧﻨﯩﯔ ﺳﯚﺯﯨﺪﯨﻦ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩﯦﻬﻘﺎﻧﻼﺭﻧﯩﯔ ﺋﺎﺋﯩﻠﯩﻠﯩﺮﯨﮕﻪ ﺑﻪﺷﺘﻪ ﻛﺎﭘﺎﻟﻪﺗﻠﻪﻧﺪﯛﺭﯛﺵ ﻛﺎﺩﯨﺮﻟﯩﺮﯨﻨﻰ ﺋﻪﯞﻩﺗﯩﺸﺘﯩﻜﻰ ﻣﻪﻗﺴﯩﺘﻰ ﺋﯧﻨﯩﻘﻼﻧﺪﻯ.

ﺋﺎﻳﻜﯚﻝ ﻳﯧﺰﯨﻠﯩﻖ ﻫﯚﻛﯜﻣﻪﺗﻨﯩﯔ ﺑﯩﺮ ﺧﺎﺩﯨﻤﻰ، ﺑﻪﺷﺘﻪ ﻛﺎﭘﺎﻟﻪﺗﻠﻪﻧﺪﯛﺭﯛﺵ ﻛﺎﺩﯨﺮﻟﯩﺮﯨﻨﯩﯔ ﺋﺎﺳﺎﺳﻠﯩﻖ ﯞﻩﺯﯨﭙﯩﺴﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺋﯘﻻﺭﻧﯩﯔ ﺋﺎﺳﺎﺳﻠﯩﻘﻰ ﻣﯘﻗﯩﻤﻠﯩﻘﻨﻰ ﺗﯘﺗﯘﺵ، ﻗﺎﻧﯘﻧﺴﯩﺰ ﺩﯨﻨﯩﻲ ﻫﻪﺭﯨﻜﻪﺗﻠﻪﺭﻧﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﺋﻪﯞﻩﺗﯩﻠﮕﻪﻧﻠﯩﻜﯩﻨﻰ ﺋﯧﻴﺘﺘﻰ.

ﺩﯦﻬﻘﺎﻧﻼﺭﻧﯩﯔ ﺋﯩﻨﻜﺎﺳﻰ

ﺑﯩﺰ ﻳﻪﻧﻪ ﺑﯘ ﻳﯧﺰﯨﺪﯨﻜﻰ ﺩﯦﻬﻘﺎﻧﻼﺭﺩﯨﻦ ﺋﺎﺋﯩﻠﯩﺴﯩﮕﻪ ﯞﻩﺯﯨﭙﻪ ﺑﯩﻠﻪﻥ ﻛﻪﻟﮕﻪﻥ ﺑﯘ ﺋﺎﻻﻫﯩﺪﻩ ﻣﯧﻬﻤﺎﻧﻼﺭﻧﻰ ﻗﺎﺭﺷﻰ ﺋﺎﻟﯩﺪﯨﻐﺎﻥ، ﺋﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺳﻮﺭﯨﺪﯗﻕ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺩﯦﻬﻘﺎﻥ "ﻳﺎﺭﺩﻩﻣﮕﻪ ﻛﻪﻟﮕﻪﻥ" ﻛﺎﺩﯨﺮﻻﺭﻧﯩﯔ ﺩﯦﻬﻘﺎﻧﻼﺭﻏﺎ ﻫﻪﻗﯩﻘﻰ ﻳﺎﺭﺩﻩﻡ ﻗﯩﻼﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺋﯘﻻﺭﻧﯩﯔ ﻳﺎﺧﺸﻰ ﻧﺎﻣﻐﺎ ﺋﯧﺮﯨﺸﯩﺶ ﺋﯜﭼﯜﻥ ﻛﻪﻟﮕﻪﻧﻠﯩﻜﯩﻨﻰ، ﺩﯦﻬﻘﺎﻧﻼﺭﻧﯩﯔ ﻛﯩﺮﯨﻤﻰ 2000 ﻳﯜﻩﻧﺪﯨﻦ ﺋﺎﺷﯩﺪﯗ، ﺩﯦﮕﻪﻥ ﺗﻪﺷﯟﯨﻘﺎﺗﻼﺭﻧﯩﯔ ﻳﺎﻟﻐﺎ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺷﯟﯨﻘﺎﺗﯩﺪﺍ،"ﻳﯧﺰﯨﻼﺭﻏﺎ ﭼﯜﺷﯜﺭﮔﻪﻥ ﻛﺎﺩﯨﺮﻻﺭ، ﺑﺎﺭﻏﺎﻥ ﺟﺎﻳﻠﯩﺮﯨﺪﺍ ﺩﯦﻬﻘﺎﻧﻼﺭﻧﯩﯔ ﺩﯦﻬﻘﺎﻧﭽﯩﻠﯩﻖ ﺗﯧﺨﻨﯩﻜﯩﻠﯩﺮﯨﻨﻰ ﺋﯩﮕﯩﻠﻪﭖ، ﺑﯧﻴﯩﺸﯩﻐﺎ، ﻛﯩﺮﯨﻤﯩﻨﯩﯔ ﺋﯚﺳﯜﺷﯩﮕﻪ ﺋﺎﻻﻫﯩﺪﻩ ﻳﺎﺭﺩﻩﻣﺪﻩ ﺑﻮﻟﻐﺎﭼﻘﺎ، ﺩﯦﻬﻘﺎﻧﻼﺭ، ﺑﯘ ﻛﺎﺩﯨﺮﻻﺭﺩﯨﻦ ﺑﻪﻙ ﻣﯩﻨﻨﻪﺗﺪﺍﺭ ﺑﻮﻟﻤﺎﻗﺘﺎ "ﺩﻩﭖ ﻛﯚﺭﺳﻪﺗﻜﻪﻥ ﺑﻮﻟﺴﺎ، ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺩﯦﻬﻘﺎﻧﻼﺭ ﺋﻪﻛﺴﯩﭽﻪ ﺋﯩﻨﻜﺎﺱ ﻗﺎﻳﺘﯘﺭﺩﻯ.

ﺋﯘﻳﻐﯘﺭ ﺋﯧﻠﯩﻨﯩﯔ ﺑﺎﺷﻘﺎ ﻳﻪﺭﻟﯩﻚ ﻫﯚﻛﯜﻣﻪﺕ ﺗﻮﺭ ﺑﻪﺗﻠﯩﺮﯨﺪﯨﻦ ﺋﯩﮕﻪ ﺑﻮﻟﯘﺷﯩﻤﯩﺰﭼﻪ، ﺑﻪﺷﺘﻪ ﻛﺎﭘﺎﻟﻪﺗﻠﻪﻧﺪﯛﺭﮔﯜﭼﻰ ﻧﺎﻣﯩﺪﯨﻜﻰ ﻛﺎﺩﯨﺮﻻﺭ، ﻧﯚﯞﻩﺗﺘﻪ ﺋﯘﻳﻐﯘﺭﻻﺭ ﻛﯚﭘﺮﻩﻙ ﺋﻮﻟﺘﯘﺭﺍﻗﻼﺷﻘﺎﻥ ﻳﯧﺰﯨﻼﺭﻧﯩﯔ ﻫﻪﻣﻤﯩﺴﯩﺪﻩ ﺩﯦﮕﯜﺩﻩﻙ ﺋﻮﺭﯗﻧﻠﯩﺸﯩﭗ ﺑﻮﻟﻐﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﺗﯜﭖ ﯞﻩﺯﯨﭙﯩﺴﻰ ﺩﯦﻬﻘﺎﻧﻼﺭ ﺋﯧﻴﺘﻘﺎﻧﺪﻩﻙ، ﺋﯘﻳﻐﯘﺭ ﻳﯧﺰﯨﻠﯩﺮﯨﻨﯩﯔ ﺳﯩﻴﺎﺳﯩﻲ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺵ ﺑﻮﻟﻤﺎﻗﺘﺎ ﺋﯩﻜﻪﻥ. ﺩﯦﻬﻘﺎﻧﻼﺭﻧﯩﯔ ﺋﯩﻨﻜﺎﺳﯩﻐﺎ ﻗﺎﺭﯨﻐﺎﻧﺪﺍ، ﺑﯘ ﺋﺎﻻﻫﯩﺪﻩ ﯞﻩﺯﯨﭙﻪ ﺑﯩﻠﻪﻥ ﭼﯜﺷﻜﻪﻥ ﻛﺎﺩﯨﺮﻻﺭ، ﻛﯜﻥ ﺑﻮﻳﻰ ﺩﯦﻬﻘﺎﻧﻼﺭﻧﯩﯔ ﻫﻪﺭﯨﻜﯩﺘﻰ ﯞﻩ ﺋﯩﺪﯨﻴﯩﻠﯩﺮﯨﻨﻰ ﻛﯚﺯﯨﺘﯩﭗ ﺗﯘﺭﻏﺎﻧﺪﯨﻦ ﺑﺎﺷﻘﺎ، ﺋﺎﺋﯩﻠﯩﺴﯩﺪﻩ ﻳﯧﺘﯩﭗ ‏- ﻗﻮﭘﯘﭖ ﻳﯜﺭﮔﻪﭼﻜﻪ ﺩﯦﻬﻘﺎﻧﻼﺭﻏﺎ ﺭﻭﻫﯩﻲ ﻫﻪﻡ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﻠﻪﺭﺩﯨﻦ ﺋﺎﺭﺗﯘﻗﭽﻪ ﺑﯧﺴﯩﻢ ﺋﯧﻠﯩﭗ ﻛﯧﻠﯩﭗ، ﺋﯘﻻﺭﻧﻰ ﺑﯩﺰﺍﺭ ﻗﯩﻠﻤﺎﻗﺘﺎ ﺋﯩﻜﻪﻥ. (ﮔﯜﻟﭽﯧﮭﺮﻩ)