ﺋﯩﻨﺪﯨﺌﺎﻧﻼﺭ ﭼﯩﯖﮕﯩﺰﺧﺎﻧﺪﯨﻦ ﻗﺎﭼﻘﺎﻥ ﺋﯘﻳﻐﯘﺭﻻﺭﻣﯘ؟

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻤﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

"ﻫﯚﺭﯨﻴﻪﺕ" ﮔﯧﺰﯨﺘﯩﺪﻩ ﺋﯩﻨﺪﯨﺌﺎﻧﻼﺭ ﺭﺍﺳﺘﯩﻨﻼ ﭼﯩﯖﮕﯩﺰﺧﺎﻧﺪﯨﻦ ﻗﯧﭽﯩﭗ ﺋﺎﻣﯧﺮﯨﻜﯩﻐﺎ ﺑﯧﺮﯨﭗ ﻗﺎﻟﻐﺎﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻣﯘ؟` ﺗﯧﻤﯩﺴﯩﺪﺍ ﺧﻪﯞﻩﺭ ﺋﯧﻼﻥ ﻗﯩﻠﯩﻨﺪﻯ. Source: "ﻫﯚﺭﯨﻴﻪﺕ" Erkin Tarim

1 - ﺋﺎﻳﻨﯩﯔ 26 - ﻛﯜﻧﻰ ﻧﻴﯘﻳﻮﺭﻛﺘﯩﻜﻰ ﺗﯜﺭﻙ ﺋﯚﻳﯩﺪﻩ ﺋﺎﻧﺘﺮﻭﭘﻮﻟﻮﮔﻼﺭ، ﺗﯩﻠﺸﯘﻧﺎﺳﻼﺭ ﯞﻩ ﺋﯩﻨﺪﯨﺌﺎﻧﻼﺭﻧﯩﯔ ﻗﺎﺗﻨﯩﺸﯩﺸﻰ ﺑﯩﻠﻪﻥ `ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺋﯩﻨﺪﯨﺌﺎﻧﻼﺭ ﺋﻮﺗﺘﯘﺭﯨﺴﯩﺪﯨﻜﻰ ﺋﻮﺭﺗﺎﻗﻠﯩﻘﻼﺭ` ﻣﺎﯞﺯﯗﻟﯘﻕ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻰ ﺋﯚﺗﻜﯜﺯﯛﻟﮕﻪﻥ. ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺋﯩﺴﺘﺎﻧﺒﯘﻝ ﺗﯧﺨﻨﯩﻜﺎ ﺋﯘﻧﯩﯟﯦﺮﺳﯩﺘﯧﺘﯩﻨﻰ ﭘﯜﺗﺘﯜﺭﮔﻪﻧﻠﻪﺭ ﺟﻪﻣﺌﯩﻴﯩﺘﻰ ﺗﻪﺭﯨﭙﯩﺪﯨﻦ ﭼﺎﻗﯩﺮﯨﻠﻐﺎﻥ ﺑﯘ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﯩﺪﺍ، ﺋﯩﻨﺪﯨﺌﺎﻧﻼﺭﻧﯩﯔ ﭼﯩﯖﮕﯩﺰﺧﺎﻧﺪﯨﻦ ﻗﯧﭽﯩﭗ ﺑﯧﺮﯨﻨﮓ ﺑﻮﻏﯘﺯﯨﺪﯨﻦ ﺋﯚﺗﯜﭖ ﺋﺎﻣﯧﺮﯨﻜﺎ ﻗﯩﺘﺌﻪﺳﯩﮕﻪ ﻛﯧﻠﯩﭗ ﻳﻪﺭﻟﯩﺸﯩﭗ ﻗﺎﻟﻐﺎﻥ ﺋﯘﻳﻐﯘﺭﻻﺭ ﺋﯩﻜﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ. ﺑﻪﺯﻯ ﺑﯩﻠﯩﻢ ﺋﺎﺩﻩﻣﻠﯩﺮﻯ ﺑﯘ ﻛﯚﺯ ﻗﺎﺭﺍﺷﻘﺎ ﺋﯧﻬﺘﯩﻴﺎﺗﭽﺎﻧﻠﯩﻖ ﺑﯩﻠﻪﻥ ﻗﺎﺭﯨﻐﺎﻥ.

ﺑﯘ ﻳﯩﻐﯩﻨﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﯘ ﻛﯚﺯ ﻗﺎﺭﺍﺷﻘﺎ ﺗﯜﺭﻙ ﻣﻪﺗﺒﯘﺋﺎﺗﻠﯩﺮﯨﺪﺍ ﻛﻪﯓ ﻛﯚﻟﻪﻣﺪﻩ ﻳﻪﺭ ﺑﯧﺮﯨﻠﺪﻯ. ﺗﯜﺭﻛﯩﻴﯩﺪﯨﻜﻰ ﭘﯜﺗﯜﻥ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﯨﺪﺍ ﺑﯧﺮﯨﻠﮕﻪﻧﺪﯨﻦ ﺑﺎﺷﻘﺎ، ﺗﯜﺭﻛﯩﻴﯩﻨﯩﯔ ﺋﻪﯓ ﻧﻮﭘﯘﺯﻟﯘﻕ ﮔﯧﺰﯨﺘﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ "ﻫﯚﺭﯨﻴﻪﺕ" ﮔﯧﺰﯨﺘﯩﺪﻩ ﺋﯩﻨﺪﯨﺌﺎﻧﻼﺭ ﺭﺍﺳﺘﯩﻨﻼ ﭼﯩﯖﮕﯩﺰﺧﺎﻧﺪﯨﻦ ﻗﯧﭽﯩﭗ ﺋﺎﻣﯧﺮﯨﻜﯩﻐﺎ ﺑﯧﺮﯨﭗ ﻗﺎﻟﻐﺎﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻣﯘ؟` ﺗﯧﻤﯩﺴﯩﺪﺍ، ﺭﺍﺩﯨﻜﺎﻝ ﮔﯧﺰﯨﺘﯩﺪﻩ ﺑﻮﻟﺴﺎ `ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺋﯩﻨﺪﯨﺌﺎﻧﻼﺭﻣﯘ؟ ﻳﺎﻛﻰ ﺋﯩﻨﺪﯨﺌﺎﻧﻼﺭ ﺗﯜﺭﻛﯩﻲ ﻣﯩﻠﻠﯩﺘﯩﻤﯘ؟` ﺗﯧﻤﯩﺴﯩﺪﺍ، ﻣﯩﻠﻠﯩﻴﻪﺕ ﮔﯧﺰﯨﺘﯩﺪﻩ ﺑﻮﻟﺴﺎ `ﺑﯩﺮ ﺑﯩﺮﯨﻤﯩﺰﺩﯨﻦ ﭘﻪﺭﻗﯩﻤﯩﺰ ﻳﻮﻕ` ﺗﯧﻤﯩﺴﯩﺪﺍ ﺧﻪﯞﻩﺭﻟﻪﺭﮔﻪ ﻳﻪﺭ ﺑﯧﺮﯨﻠﺪﻯ.

ﺭﺍﺩﯨﻜﺎﻝ ﮔﯧﺰﯨﺘﯩﺪﯨﻜﻰ ﺧﻪﯞﻩﺭﺩﻩ ﺋﯩﻨﺪﯨﺌﺎﻧﻼﺭﻧﯩﯔ ﭼﯩﯖﮕﯩﺰﺧﺎﻧﺪﯨﻦ ﻗﯧﭽﯩﭗ ﺋﺎﻣﯧﺮﯨﻜﺎ ﻗﯩﺘﺌﻪﺳﯩﮕﻪ ﺑﯧﺮﯨﭗ ﺋﻮﻟﺘﯘﺭﺍﻗﻠﯩﺸﯩﭗ ﻗﺎﻟﻐﺎﻥ ﺋﯘﻳﻐﯘﺭﻻﺭ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﻟﯜﭖ ﻣﯘﻧﺪﺍﻕ ﺩﻩﭖ ﻳﯧﺰﯨﻠﻐﺎﻥ:"ﮔﻪﺋﻮﺭﮔﻪﺗﻮﯞﻥ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﭘﺮﻭﻑ. ﺩﺭ. ﺗﯜﺭﻛﻪﺭ ﺋﯚﺯﺩﻭﮔﺎﻥ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺳﯩﺒﯩﺮﯨﻴﯩﺪﯨﻜﻰ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺩ ﻥ ﺋﺎ ﺗﻪﻫﻠﯩﻠﻰ ﻧﻪﺗﯩﺠﯩﺴﯩﺪﻩ ﺑﯘﻻﺭﻧﯩﯔ ﺋﯩﻨﺪﯨﺌﺎﻧﻼﺭ ﺑﯩﻠﻪﻥ ﺑﯩﺮ ﺗﯘﻏﻘﺎﻥ ﺋﯩﻜﻪﻧﻠﯩﻜﻰ ﺋﯩﺴﭙﺎﺗﻼﻧﻐﺎﻥ. ﺋﯩﻨﺪﯨﺌﺎﻧﻼﺭ ﺑﯧﺮﯨﻨﮓ ﺑﻮﻏﯘﺯﯨﺪﯨﻦ ﺋﯚﺗﯜﭖ ﺋﺎﻣﯧﺮﯨﻜﺎ ﻗﯩﺘﺌﻪﺳﯩﮕﻪ ﺑﯧﺮﯨﭗ ﻗﺎﻟﻐﺎﻥ ﻛﯩﺸﯩﻠﻪﺭﺩﯗﺭ. 1233 - ﻳﯩﻠﯩﺪﺍ ﻛﯚﭼﯜﭖ ﻛﻪﻟﮕﻪﻧﻠﻪﺭ ﺑﻮﻟﺴﺎ ﭼﯩﯖﮕﯩﺰﺧﺎﻧﺪﯨﻦ ﻗﯧﭽﯩﭗ ﻛﯧﻠﯩﭗ ﻗﺎﻟﻐﺎﻥ ﺋﯘﻳﻐﯘﺭﻻﺭﺩﯗﺭ."

ﺭﺍﺩﯨﻜﺎﻝ ﮔﯧﺰﯨﺘﯩﺪﯨﻜﻰ ﺧﻪﯞﯨﺮﯨﺪﻩ ﭘﺮﻭﻑ. ﺩﺭ. ﺋﯚﺯﺩﻭﻏﺎﻥ ﺋﻪﭘﻪﻧﺪﯨﻨﯩﯔ ﺋﯩﻨﺪﯨﺌﺎﻧﻼﺭﻧﯩﯔ ﺋﺎﻣﯧﺮﯨﻜﯩﺪﺍ ﺗﯜﺭﻛﯩﻲ ﺗﯩﻠﻠﯩﺮﯨﻐﺎ ﺋﻮﺧﺸﺎﭖ ﻛﯧﺘﯩﺪﯨﻐﺎﻥ ﺑﯩﺮ ﺗﯩﻠﺪﺍ ﺳﯚﺯﻟﯩﺸﯩﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺋﺎﻣﯧﺮﯨﻜﯩﺪﯨﻜﻰ` ﻫﺎﯞﺍﺳﯘ` ﻧﺎﻣﻠﯩﻖ ﻛﻪﻧﺘﻨﯩﯔ ﺋﯩﺴﻤﯩﻨﯩﯖﻤﯘ ﺗﯜﺭﻛﭽﻪ ﺳﯚﺯ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﻘﺎﻥ.

ﻳﯩﻐﯩﻨﺪﺍ ﺳﯚﺯ ﻗﯩﻠﻐﺎﻥ ﮔﯧﺌﻮﺭﮔﯩﺘﻮﯞﻥ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﭘﺮﻭﻑ. ﺩﺭ. ﻣﺎﺭﺟﻮﺭﯨﺌﻪ ﻣﺎﻧﺪﻩﻟﺴﺘﺎﻡ ﺑﺎﻟﺰﻩﺭ، ﺋﯩﻨﺪﯨﺌﺎﻧﻼﺭ ﺑﯩﻠﻪﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺑﯩﺮ ﺗﯘﻏﻘﺎﻥ ﻣﯩﻠﻠﻪﺕ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺧﺎﺗﺎ ﺑﻮﻟﺴﯩﻤﯘ، ﺑﻪﺯﻯ ﺋﯩﻨﺪﯨﺌﺎﻥ ﻗﻪﺑﯩﻠﯩﻠﯩﺮﻯ ﺑﯩﻠﻪﻥ ﺑﻪﺯﻯ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﻧﯩﯔ ﺑﯩﺮ ﺗﯘﻏﻘﺎﻥ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺋﯘ ﺋﯩﻨﺪﯨﺌﺎﻥ ﻗﻪﺑﯩﻠﯩﻠﯩﺮﯨﺪﯨﻦ ﺑﻪﺯﯨﻠﯩﺮﯨﻨﯩﯔ ﭼﯩﯖﮕﯩﺰﺧﺎﻧﺪﯨﻦ ﻗﯧﭽﯩﭗ ﺑﯧﺮﯨﻨﮓ ﺑﻮﻏﯘﺯﯨﺪﯨﻦ ﺋﯚﺗﯜﭖ ﺋﺎﻣﯧﺮﯨﻜﺎ ﻗﯩﺘﺌﻪﺳﯩﮕﻪ ﻛﯧﻠﯩﭗ ﻗﺎﻟﻐﺎﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺋﯩﻜﻪﻧﻠﯩﻜﻰ ﺗﻮﻏﺮﯨﺴﯩﺪﯨﻜﻰ ﻛﯚﺯ ﻗﺎﺭﺍﺷﻘﺎ ﻗﻮﺷﯘﻟﯩﺪﯨﻐﺎﻧﻠﯩﻘﯩﻨﻰ، ﺋﯩﻨﺪﯨﺌﺎﻧﻼﺭ ﺑﯩﻠﻪﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﻩ ﺋﯧﻴﯩﻖ، ﺑﯚﺭﻩ، ﻗﺎﺭﭼﯘﻏﯩﻐﺎ ﺋﻮﺧﺸﺎﺵ ﺋﻮﺭﺗﺎﻕ ﺗﻮﺗﯧﻤﻠﻪﺭﻧﯩﯔ ﺑﺎﺭﻟﯩﻘﯩﻨﻰ، ﺳﯩﺒﯩﺮﯨﻴﯩﺪﯨﻜﻰ ﻳﺎﻗﯘﺗﯩﺴﺘﺎﻧﺪﺍ ﻳﺎﺷﺎﻳﺪﯨﻐﺎﻥ ﺗﯜﺭﻛﯩﻲ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺋﯩﻨﺪﯨﺌﺎﻧﻼﺭ ﺋﻮﺗﺘﯘﺭﯨﺴﯩﺪﺍ ﺋﻮﺧﺸﺎﺷﻠﯩﻘﻼﺭﻧﯩﯔ ﻛﯚﭘﻠﯩﻜﯩﻨﻰ، ﺋﺎﻻﺳﻜﺎﺩﺍ ﺗﯘﺭﯗﺷﻠﯘﻕ ﺋﯩﻨﺪﯨﺌﺎﻧﻼﺭﻧﯩﯔ ﺗﯚﻣﯜﺭﭼﯩﻠﯩﻜﻜﻪ ﺋﯘﺳﺘﺎ ﺑﻮﻟﯘﺷﯩﻨﯩﯔ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﻛﻪﻟﮕﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺋﯘ ﻳﻪﻧﻪ ﺳﯚﺯﯨﺪﻩ ﺷﺎﻣﺎﻧﻼﺭﻧﯩﯔ ﻗﻪﺩﯨﻤﻘﻰ ﺗﯜﺭﻛﻠﻪﺭﻧﯩﯔ ﺩﻭﺧﺘﯘﺭﻯ ﺋﯩﻜﻪﻧﻠﯩﻜﯩﻨﻰ، ﺑﯜﮔﯜﻧﻜﻰ ﻛﯜﻧﺪﻩ ﻛﺎﻟﯩﻔﻮﺭﻧﯩﻴﺎﺩﯨﻤﯘ ﺑﯘﻻﺭﻧﯩﯔ ﻣﻪﯞﺟﯘﺗﻠﯘﻗﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﺋﺎﻣﯧﺮﯨﻜﺎ ﻣﯩﺸﯩﮕﯧﻦ ﺩﯙﻟﻪﺕ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﭼﻪﺗﺌﻪﻟﻠﯩﻚ ﻣﯘﺗﻪﺧﻪﺳﺴﯩﺲ ﺑﻮﻟﯘﭖ ﯞﻩﺯﯨﭙﻪ ﺋﯚﺗﻪﯞﺍﺗﻘﺎﻥ ﭘﺮﻭﻑ. ﺩﺭ. ﺗﯩﻤﯘﺭ ﻛﻮﺟﺎﺋﻮﻏﻠﻰ ﺋﻪﭘﻪﻧﺪﻯ ﻳﯩﻐﯩﻨﺪﺍ ﻗﯩﻠﻐﺎﻥ ﺳﯚﺯﯨﺪﻩ، ﺋﯩﻨﺪﯨﺌﺎﻧﻼﺭﻧﯩﯔ ﺗﯩﻠﻰ ﺑﯩﻠﻪﻥ ﺗﯜﺭﻛﯩﻲ ﺗﯩﻠﻼﺭ ﺋﺎﺭﯨﺴﯩﺪﺍ ﭘﻪﻗﻪﺗﻼ ﻟﯧﻜﺴﯩﻜﺎ ﺟﻪﻫﻪﺗﺘﯩﻦ ﺋﻮﺧﺸﺎﺷﻠﯩﻖ ﺑﻮﻟﯘﭘﻼ ﻗﺎﻟﻤﺎﻱ، ﺳﯩﻨﺘﺎﻛﺴﯩﺲ ﺟﻪﻫﻪﺗﺘﯩﻨﻤﯘ ﺋﻮﺧﺸﺎﺷﻠﯩﻘﻼﺭ ﺑﺎﺭﻟﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺭﺍﺳﺘﯩﻨﻼ ﺋﺎﻣﯧﺮﯨﻜﯩﺪﯨﻜﻰ ﺋﯩﻨﺪﯨﺌﺎﻧﻼﺭ ﭼﯩﯖﮕﯩﺰﺧﺎﻧﺪﯨﻦ ﻗﯧﭽﯩﭗ ﺋﺎﻣﯧﺮﯨﻜﺎ ﻗﯩﺘﺌﻪﺳﯩﮕﻪ ﺑﯧﺮﯨﭗ ﺋﻮﻟﺘﯘﺭﺍﻗﻠﯩﺸﯩﭗ ﻗﺎﻟﻐﺎﻥ ﺋﯘﻳﻐﯘﺭﻻﺭﻣﯘ؟ ﺑﯘﻻﺭﻧﯩﯔ ﺋﯘﻳﻐﯘﺭﻻﺭ ﺑﯩﻠﻪﻥ ﻧﯧﻤﻪ ﺋﻮﺭﺗﺎﻗﻠﯩﻘﻠﯩﺮﻯ ﺑﺎﺭ؟ ﺑﯘ ﻫﻪﻗﺘﻪ ﻛﯚﺯ ﻗﺎﺭﯨﺸﯩﻨﻰ ﺋﯧﻠﯩﺶ ﺋﯜﭼﯜﻥ ﺋﻪﮔﻪ ﺋﯘﻧﯩﯟﯦﺮﺳﯩﺘﯧﺘﻰ ﺋﻮﻗﯘﺗﻘﯘﭼﯩﺴﻰ ﭘﺮﻭﻑ. ﺩﺭ. ﺋﺎﻟﯩﻤﺠﺎﻥ ﺋﯩﻨﺎﻳﻪﺕ ﺋﻪﭘﻪﻧﺪﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ. ( ﺋﻪﺭﻛﯩﻦ ﺗﺎﺭﯨﻢ)