ﻛﺎﻧﺎﺩﺍ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻰ ﻛﯧﺮﻩﻙ

• ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺗﻪﻳﯟﻩﻥ ﭘﺮﻩﺯﯨﺪﯦﻨﺘﻰ ﭼﯧﻦ ﺷﯜﻳﺒﻴﻪﻥ. AFP Photo

ﻛﺎﻧﺎﺩﺍﻟﯩﻖ ﺑﯩﺮ ﻧﻪﭘﻪﺭ ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ ﺳﺘﯧﭙﻬﯧﻦ ﺧﺎﺭﭘﻪﺭﺩﯨﻦ ﻛﺎﻧﺎﺩﺍﻧﯩﯔ ﺧﻪﻟﻘﺌﺎﺭﺍ ﺳﻪﻫﻨﯩﺪﻩ ﺑﯧﻴﺠﯩﯖﻨﯩﯔ ﺑﯧﺴﯩﻤﯩﻐﺎ ﺗﺎﻗﺎﺑﯩﻞ ﺗﯘﺭﯗﭖ، ﺗﻪﻳﯟﻩﻧﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻐﺎ ﻛﯩﺮﯨﺸﯩﻨﻰ ﻗﻮﻟﻼﺷﻨﻰ ﺷﯘﻧﺪﺍﻗﻼ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﺪﺍ ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺸﺘﺎ ﻛﺎﻧﺎﺩﺍﻧﯩﯔ ﺋﺎﻛﺘﯩﭗ ﺭﻭﻝ ﺋﻮﻳﻨﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﻪﻟﻪﭖ ﻗﯩﻠﺪﻯ.

ﻛﺎﻧﺎﺩﺍﺩﺍ ﭼﯩﻘﯩﺪﯨﻐﺎﻥ "ﻛﺎﻟﮕﺎﺭﻳﺴﯘﻥ" ﻳﻪﻧﻰ "ﻛﺎﻟﮕﺎﺭﻯ ﻗﯘﻳﺎﺷﻰ" ﮔﯧﺰﯨﺘﯩﻨﯩﯔ ﺳﺘﻮﻥ ﻳﺎﺯﻏﯘﭼﯩﺴﻰ ﭘﺎﺋﯘﻝ ﺟﺎﻛﻜﺴﻮﻥ ﻣﻪﺯﻛﯘﺭ ﮔﯧﺰﯨﺘﺘﻪ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺴﯩﺪﻩ، ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ ﺳﺘﯧﭙﻬﯧﻦ ﺧﺎﺭﭘﻪﺭﻧﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﻰ ﺗﻪﺭﺗﯩﭙﻜﻪ ﺳﯧﻠﯩﺸﻨﻰ ﻛﺎﻧﺎﺩﺍ ﺩﯨﭙﻠﻮﻣﺎﺗﯩﻴﯩﺴﯩﻨﯩﯔ ﻛﯜﻥ ﺗﻪﺭﺗﯩﭙﯩﮕﻪ ﻛﯩﺮﮔﯜﺯﯛﺷﻰ ﻛﯧﺮﻩﻛﻠﯩﻜﯩﻨﻰ، ﺑﯘﻧﯩﯔ ﺋﯜﭼﯜﻥ ﺑﯩﺮﯨﻨﭽﻰ ﺑﻮﻟﯘﭖ ﻛﺎﻧﺎﺩﺍ ﺗﻪﻳﯟﻩﻧﻨﯩﯔ ﻣﯘﺳﺘﻪﻗﯩﻞ ﺑﯩﺮ ﺩﯙﻟﻪﺕ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻰ ﯞﻩ ﺋﯘﻧﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻐﺎ ﻗﺎﻳﺘﯩﺪﯨﻦ ﻛﯩﺮﯨﺸﯩﮕﻪ ﻳﺎﺭﺩﻩﻡ ﺑﯧﺮﯨﺸﯩﻨﯩﯔ ﺯﯙﺭﯛﺭﻟﯜﻛﯩﻨﻰ ﺋﻪﺳﻜﻪﺭﺗﺘﻰ.

ﺏ ﺩ ﺕ ﺩﯨﻜﺘﺎﺗﻮﺭ ﺩﯙﻟﻪﺗﻠﻪﺭﻧﯩﯔ ﻛﻮﻧﺘﺮﻭﻟﻠﯘﻗﯩﺪﺍ

ﺗﻪﻳﯟﻩﻧﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺳﯩﺮﺗﯩﺪﺍ ﻗﺎﻟﺪﯗﺭﯗﻟﯘﺷﻰ ﻧﻪﺗﯩﺠﯩﺴﯩﺪﻩ، 24 ﻣﯩﻠﻴﻮﻥ ﺧﻪﻟﻘﻨﯩﯔ ﺳﯩﻴﺎﺳﯩﻲ ﻫﺎﻳﺎﺗﯩﻨﯩﯔ ﺗﻪﻫﺪﯨﺘﻜﻪ ﺋﯘﭼﺮﺍﯞﺍﺗﻘﺎﻧﻠﯩﻘﻰ ﯞﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺋﯚﺯﯨﻨﯩﯔ ﺳﯩﻴﺎﺳﯩﻲ ﻏﺎﻳﯩﺴﯩﺪﯨﻦ ﺑﺎﺭﻏﺎﻧﺴﯧﺮﻯ ﻳﯩﺮﺍﻗﻠﯩﺸﯩﯟﺍﺗﻘﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﻐﺎﻥ ﻣﺎﻗﺎﻟﯩﺪﻩ: ﺋﯩﺮﺍﻗﻨﯩﯔ ﻧﯧﻔﯩﺘﯩﻨﻰ ﺋﺎﺷﻠﯩﻘﻘﺎ ﺋﺎﻟﻤﺎﺷﺘﯘﺭﯗﺵ ﺳﻪﺗﭽﯩﻠﯩﻜﻰ ﻗﺎﺗﺎﺭﻟﯩﻖ ﻧﯘﺭﻏﯘﻥ ﯞﻩﻗﻪﻟﻪﺭﺩﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﻣﯘﺋﻪﺳﺴﻪﺳﯩﺴﻪﻟﯩﺮﯨﻨﯩﯔ ﺋﺎﺳﺎﺳﻪﻥ ﻛﺎﺭﺩﯨﻦ ﭼﯩﻘﻘﺎﻧﻠﯩﻘﻰ ﯞﻩ ﺑﯘ ﺋﻮﺭﮔﺎﻧﺪﺍ ﭘﺎﺭﯨﺨﻮﺭﻟﯘﻗﻨﯩﯔ ﺑﺎﺵ ﻛﯚﺗﯜﺭﮔﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﭼﯩﻘﺘﻰ.

1945-ﻳﯩﻠﻰ ﺩﯦﻤﻮﻛﺮﺍﺗﯩﻚ ﭘﺮﯨﻨﺴﯩﭙﻼﺭﻧﻰ ﺋﺎﺳﺎﺱ ﻗﯩﻠﯩﭗ ﻗﯘﺭﯗﻟﻐﺎﻥ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ، ﻧﯚﯞﻩﺗﺘﻪ ﺋﻮﺗﺘﯘﺭﺍ ﺷﻪﺭﻕ، ﺋﺎﻓﺮﯨﻘﺎ ﯞﻩ ﺋﺎﺳﯩﻴﺎﺩﯨﻜﻰ ﺑﯩﺮ ﺗﻮﭖ ﺩﯨﻜﺘﺎﺗﻮﺭ ﺩﯙﻟﻪﺗﻠﻪﺭﻧﯩﯔ ﻛﻮﻧﺘﺮﻭﻟﻠﯘﻗﯩﻐﺎ ﭼﯜﺷﯜﭖ ﻗﺎﻟﺪﻯ. ﺑﯘ ﺩﯙﻟﻪﺗﻠﻪﺭﻧﯩﯔ ﺋﯩﭽﯩﺪﻩ ﺋﻪﯓ ﭼﻮﯕﻰ ﯞﻩ ﺋﻪﯓ ﻣﯘﺷﺘﯘﻣﺰﻭﺭﻻﺭﺩﯨﻦ ﺑﯩﺮﻯ ﺧﯩﺘﺎﻱ ﻫﯧﺴﺎﺑﻠﯩﻨﯩﺪﯗ، ﺩﯦﻴﯩﻠﯩﺪﯗ.

ﻧﯚﯞﻩﺗﺘﻪ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺗﯜﺯﯛﻟﻤﯩﺴﯩﺪﻩ ﺩﯨﻜﺘﺎﺗﻮﺭ ﺩﯙﻟﻪﺗﻠﻪﺭﻧﯩﯔ ﺋﺎﺳﺎﺳﻠﯩﻖ ﺳﯚﺯ ﺳﺎﻫﯩﺒﻰ ﺑﻮﻟﯘﯞﺍﺗﻘﺎﻧﻠﯩﻘﻰ، ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭﻧﯩﯔ ﻗﺎﺭﺍﺷﻠﯩﺮﯨﻨﯩﯔ ﻫﻪﺗﺘﺎ ﭼﻪﺗﻜﻪ ﻗﯧﻘﯩﻠﯩﯟﺍﺗﻘﺎﻧﻠﯩﻘﻰ ﯞﻩ ﺑﯘ ﺋﻮﺭﮔﺎﻧﺪﺍ ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺸﻨﯩﯔ ﺯﯙﺭﯛﺭﻟﯜﻛﯩﻨﻰ ﺋﻪﺳﻜﻪﺭﺗﻜﻪﻥ ﭘﺎﺋﯘﻝ ﺟﺎﻛﻜﺴﻮﻥ: "ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻗﯘﺭﯗﻟﯘﺵ ﻧﯩﺰﺍﻣﻨﺎﻣﯩﺴﯩﺪﻩ ﺗﯩﻨﭽﻠﯩﻘﻨﻰ ﺗﻪﺷﻪﺑﺒﯘﺱ ﻗﯩﻠﯩﺶ ﺑﯩﻠﻪﻥ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﻮﻣﯘﻣﻼﺷﺘﯘﺭﯗﺷﺘﯩﻦ ﺋﯩﺒﺎﺭﻩﺕ ﺋﯩﻜﻜﻰ ﻧﯘﻗﺘﺎ ﺋﺎﻻﻫﯩﺪﻩ ﺗﻪﻛﯩﺘﻠﻪﻧﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﻮﺗﺘﯘﺭﺍ ﺷﻪﺭﻕ، ﺋﺎﻓﺮﯨﻘﺎ ﯞﻩ ﻛﻮﻣﻤﯘﻧﯩﺴﺖ ﺧﯩﺘﺎﻳﺪﯨﻜﻰ ﺧﻪﻟﻘﻠﻪﺭ 60 ﻳﯩﻠﺪﯨﻦ ﻛﯧﻴﯩﻨﻜﻰ ﺑﯜﮔﯜﻧﻜﻰ ﻛﯜﻧﺪﻩ، ﻳﻪﻧﯩﻼ ﺑﯘ ﻫﻮﻗﯘﻗﻼﺭﺩﯨﻦ ﺑﻪﻫﺮﯨﻤﻪﻥ ﺑﻮﻟﻐﯩﻨﻰ ﻳﻮﻕ. ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﺪﺍ ﭘﯘﻗﺮﺍﻻﺭﻧﯩﯔ ﻫﻮﻗﯘﻗﻠﯩﺮﯨﻨﻰ ﺋﺎﻳﺎﻕ-ﺋﺎﺳﺘﻰ ﻗﯩﻠﯩﺪﯨﻐﺎﻥ ﺩﯙﻟﻪﺗﻠﻪﺭ ﻛﻮﭖ ﺳﺎﻧﻠﯩﻘﻨﻰ ﺗﻪﺷﻜﯩﻞ ﻗﯩﻠﯩﺪﯗ. ﺑﯘ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻫﻪﺭ ﺑﯩﺮ ﭘﺮﯨﻨﺴﯩﭙﻰ ﺋﯜﭼﯜﻥ ﻧﻮﻣﯘﺳﺘﯘﺭ،" ﺩﻩﭖ ﻳﺎﺯﯨﺪﯗ.

ﻏﻪﺭﺏ ﺩﯙﻟﻪﺗﻠﯩﺮﻯ ﺩﯦﻤﻮﻛﺮﺍﺗﯩﻚ ﺗﯜﺯﯛﻣﺪﯨﻜﻰ ﺗﻪﻳﯟﻩﻧﻨﻰ ﻗﻮﻟﻠﯩﺸﻰ ﻛﯧﺮﻩﻙ

ﻛﻮﻣﻤﯘﻧﯩﺴﺘﯩﻚ ﺗﯜﺯﯛﻣﺪﯨﻦ ﺋﯘﺯﺍﻕ ﺗﯘﺭﻏﺎﻥ ﺗﻪﻳﯟﻩﻧﺪﻩ ﺩﯦﻤﻮﻛﺮﺍﺗﯩﻚ ﺗﯜﺯﯛﻣﻨﯩﯔ ﺑﻪﺭﭘﺎ ﻗﯩﻠﯩﻨﻐﺎﻧﻠﯩﻘﻰ ﻟﯧﻜﯩﻦ ﺗﻪﻳﯟﻩﻧﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﺪﯨﻦ ﭼﻪﺗﻜﻪ ﻗﯧﻘﯩﻠﻐﺎﻧﻠﯩﻘﻰ، ﺑﯘ ﺩﯦﻤﻮﻛﺮﺍﺗﯩﻚ ﺗﯜﺯﯛﻣﻨﯩﯔ ﻛﺎﻧﺎﺩﺍﻏﺎ ﺋﻮﺧﺸﺎﺵ ﺩﯙﻟﻪﺗﻠﻪﺭ ﺗﻪﺭﯨﭙﯩﺪﯨﻦ ﻗﻮﻏﺪﯨﻠﯩﺸﻰ ﻛﯧﺮﻩﻛﻠﯩﻜﻰ ﺗﯩﻠﻐﺎ ﺋﯧﻠﯩﻨﻐﺎﻥ ﺑﯘ ﻣﺎﻗﺎﻟﯩﺪﻩ: " ﻛﯩﺸﯩﻨﻰ ﺋﻪﺟﻪﭘﻠﻪﻧﺪﯗﺭﯨﺪﯨﻐﯩﻨﻰ، ﻛﯩﺸﯩﻠﯩﻚ ﻫﻮﻗﯘﻗﻘﺎ ﻫﯚﺭﻣﻪﺕ ﻗﯩﻠﻐﺎﻥ، ﺋﻪﺭﻛﯩﻦ ﺳﺎﻳﻼﻡ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ، ﺋﻪﺭﻛﯩﻦ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻐﺎ ﺋﯩﮕﻪ ﺑﻮﻟﻐﺎﻥ ﯞﻩ ﻏﻪﺭﺏ ﺩﯙﻟﻪﺗﻠﯩﺮﻯ ﺑﯩﻠﻪﻥ ﺋﻮﺧﺸﺎﺵ ﺗﯜﺯﯛﻣﺪﯨﻜﻰ ﺗﻪﻳﯟﻩﻥ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺳﯩﺮﺗﯩﺪﺍ ﻗﺎﻟﺪﯗﺭﯗﻟﻤﺎﻗﺘﺎ. ﺟﯘﯕﺨﯘﺍ ﻣﯩﻨﮕﻮ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﻰ ﻗﯘﺭﻏﯘﭼﻰ 5 ﺩﯙﻟﻪﺗﻨﯩﯔ ﺑﯩﺮﻯ ﺋﯩﺪﻯ. ﻛﯧﻴﯩﻦ ﻗﯩﺰﯨﻞ ﺧﯩﺘﺎﻳﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺑﻮﻟﯘﭖ ﻛﯩﺮﯨﺸﻰ ﻧﻪﺗﯩﺠﯩﺴﯩﺪﻩ ﻛﯚﭘﻠﯩﮕﻪﻥ ﺩﯙﻟﻪﺕ ﺑﯧﻴﺠﯩﯖﻨﯩﯔ ﺗﻪﻫﺪﯨﺘﻰ ﺑﯩﻠﻪﻥ ﺗﻪﻳﯟﻩﻥ ﺑﯩﻠﻪﻥ ﺑﻮﻟﻐﺎﻥ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺗﻨﻰ ﺋﯜﺯﺩﻯ. ﺋﺎﺯ ﺳﺎﻧﺪﯨﻜﻰ ﺩﯙﻟﻪﺕ ﺑﯩﻠﻪﻧﻼ ﻗﺎﻟﻐﺎﻥ ﺗﻪﻳﯟﻩﻥ، ﺑﺎﺭﻏﺎﻧﺴﯧﺮﻯ ﻳﯧﺘﯩﻢ ﻫﺎﻟﻐﺎ ﻛﻪﻟﻤﻪﻛﺘﻪ،" ﺩﻩﻳﺪﯗ.

ﭘﺎﺋﯘﻝ ﺟﺎﻛﻜﺴﻮﻥ ﻣﺎﻗﺎﻟﯩﺴﯩﺪﻩ ﺧﯩﺘﺎﻱ ﺑﯩﻠﻪﻥ ﺗﻪﻳﯟﻩﻧﻨﯩﯔ ﺳﯩﻴﺎﺳﯩﻲ ﺗﯜﺯﯛﻟﻤﯩﺴﯩﺪﯨﻜﻰ ﭘﻪﺭﻗﻠﻪﺭ ﺋﯜﺳﺘﯩﺪﻩ ﺗﻪﻫﻠﯩﻞ ﺋﯧﻠﯩﭗ ﺑﯧﺮﯨﭗ: "ﺑﯧﻴﺠﯩﯔ ﻛﻮﻣﻤﯘﻧﯩﺴﺘﻠﯩﺮﻯ ﻫﺎﻛﯩﻤﯩﻴﻪﺗﻨﻰ ﻗﻮﻟﯩﻐﺎ ﺋﺎﻟﻐﺎﻥ 1949-ﻳﯩﻠﯩﺪﯨﻦ ﺑﯧﺮﻯ، ﻫﯚﻛﯜﻣﺮﺍﻧﻠﯩﻘﯩﻨﻰ ﻗﺎﻧﯘﻧﻼﺷﺘﯘﺭﯗﺵ ﺋﯜﭼﯜﻥ ﺑﻮﻟﺴﯩﻤﯘ ﺳﺎﻳﻼﻡ ﺋﯚﺗﻜﯜﺯﯛﭖ ﺑﺎﻗﻤﯩﺪﻯ. ﺗﻪﻳﯟﻩﻧﺪﻩ ﺑﻮﻟﺴﺎ ﺋﻮﺧﺸﯩﻤﯩﻐﺎﻥ ﺳﯩﻴﺎﺳﯩﻲ ﻛﯚﺯ ﻗﺎﺭﺍﺷﺘﯩﻜﻰ 100ﺩﯨﻦ ﺋﻮﺷﯘﻕ ﺳﯩﻴﺎﺳﯩﻲ ﭘﺎﺭﺗﯩﻴﻪ ﺑﺎﺭ. ﺧﯩﺘﺎﻱ ﭼﻮﯓ ﻗﯘﺭﯗﻗﻠﯘﻗﺘﺎ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺪﯨﻐﺎﻧﻼﺭ، ﺟﺎﺯﺍ ﻻﮔﯩﺮﻟﯩﺮﯨﻐﺎ ﺳﯜﺭﮔﯜﻥ ﻗﯩﻠﯩﻨﯩﭗ ﺟﺎﺯﺍﻟﯩﻨﯩﺪﯗ. ﺗﻪﻳﯟﻩﻧﺪﻩ ﺑﻮﻟﺴﺎ، ﺩﯨﻨﯩﻲ ﺋﻪﺭﻛﯩﻨﻠﯩﻚ ﺗﻮﻟﯘﻕ ﺑﻪﻫﺮﯨﻤﻪﻥ ﻗﯩﻠﯩﻨﻐﺎﻥ،" ﺩﻩﻳﺪﯗ.

ﺗﻪﻳﯟﻩﻥ ﺩﯗﻧﻴﺎﺩﯨﻜﻰ ﻛﯜﭼﻠﯜﻙ ﺋﯩﻘﺘﯩﺴﺎﺩﻯ ﺩﯙﻟﻪﺕ

ﺳﯩﻴﺎﺳﯩﻲ ﻣﯘﻻﻫﯩﺰﯨﭽﻰ ﭘﺎﺋﯘﻝ ﺟﺎﻛﻜﺴﻮﻥ ﻣﺎﻗﺎﻟﯩﺴﯩﺪﻩ ﺗﻪﻳﯟﻩﻧﻨﯩﯔ ﺩﯗﻧﻴﺎﺩﯨﻜﻰ ﺋﯩﻘﺘﯩﺴﺎﺩﻯ ﻛﯜﭼﻰ ﯞﻩ ﺧﯩﺘﺎﻳﻨﯩﯔ ﺩﯗﻧﻴﺎﻏﺎ ﺗﻪﻫﺪﯨﺖ ﺑﻮﻟﯘﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ: "ﺗﻪﻳﯟﻩﻥ ﺩﯗﻧﻴﺎ ﺋﯩﻘﺘﯩﺴﺎﺩﯨﺪﺍ 17- ﺋﻮﺭﯗﻧﺪﺍ، ﺷﯘﻧﺪﺍﻗﻼ ﺩﯗﻧﻴﺎ ﺳﻮﺩﯨﺴﯩﺪﺍ 14- ﺋﻮﺭﯗﻧﺪﺍ ﺗﯘﺭﯨﺪﯗ. ﺋﯘ ﻫﻪﺭﺧﯩﻞ ﺧﻪﻟﻘﺌﺎﺭﺍﻟﯩﻖ ﭘﺮﯨﻨﺴﯩﭙﻼﺭﻏﺎ ﻫﯚﺭﻣﻪﺕ ﻗﯩﻠﯩﭗ ﻛﻪﻟﻤﻪﻛﺘﻪ. ﺧﯩﺘﺎﻱ ﺑﻮﻟﺴﺎ ﻧﻪﺷﺮ ﻫﻮﻗﯘﻗﻰ ﯞﻩ ﺋﻪﻗﻠﯩﻲ ﻣﯜﻟﯜﻙ ﻫﻮﻗﯘﻗﻰ ﺩﯦﮕﻪﻧﻠﻪﺭﻧﻰ ﻣﻪﻧﺴﯩﺘﻤﻪﻳﻼ ﻗﺎﻟﻤﺎﺳﺘﯩﻦ، ﻳﻪﻧﻪ ﺋﯚﺯ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﻣﻪﻗﺴﻪﺗﻠﯩﻚ ﺗﯚﯞﻩﻥ ﺗﯘﺗﯘﭖ، ﺩﯗﻧﻴﺎ ﺑﺎﺯﯨﺮﯨﻐﺎ ﻧﺎﻫﺎﻳﯩﺘﻰ ﻛﯚﭖ ﺳﯜﭘﻪﺗﺴﯩﺰ ﻣﺎﻟﻼﺭﻧﻰ ﺳﯧﻠﯩﭗ، ﺧﯧﺮﯨﺪﺍﺭﻻﺭﻧﻰ ﺋﺎﻟﺪﯨﻤﺎﻗﺘﺎ ﯞﻩ ﺋﺎﻣﯧﺮﯨﻜﺎ، ﻳﺎﯞﺭﻭﭘﺎ ﺑﯩﺮﻟﯩﻜﻰ ﯞﻩ ﻛﺎﻧﺎﺩﺍﺩﺍ ﻧﺎﻫﺎﻳﯩﺘﻰ ﺋﯧﻐﯩﺮ ﺋﯩﺸﺴﯩﺰﻟﯩﻖ ﺋﻪﻫﯟﺍﻟﻠﯩﺮﯨﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﻗﺘﺎ،" ﺩﻩﻳﺪﯗ.

ﭘﺎﺋﯘﻝ ﺟﺎﻛﻜﺴﻮﻥ ﻣﺎﻗﺎﻟﯩﺴﯩﺪﻩ ﻫﻪﺭ ﺧﯩﻞ ﺧﻪﻟﻘﺌﺎﺭﺍﻟﯩﻖ ﻣﻪﺟﺒﯘﺭﯨﻴﻪﺗﻠﻪﺭﻧﻰ ﺋﺎﺩﺍ ﻗﯩﻠﯩﭗ ﻛﻪﻟﮕﻪﻥ ﺑﯩﺮ ﺩﯙﻟﻪﺗﻨﻰ ﺟﺎﺯﺍﻻﭖ، ﺧﻪﻟﻘﺌﺎﺭﺍ ﭘﺮﯨﻨﺴﯩﭙﻼﺭﻧﻰ ﺋﺎﻳﺎﻕ ﺋﺎﺳﺘﻰ ﻗﯩﻠﻐﺎﻥ ﺩﯙﻟﻪﺗﻨﻰ ﺑﻮﻟﺴﺎ ﻣﯘﻛﺎﭘﺎﺗﻼﺵ ﺋﺎﺩﺍﻟﻪﺕ ﻫﯧﺴﺎﺑﻠﯩﻨﺎﻣﺪﯗ، ﺩﻩﭖ ﺳﻮﺋﺎﻝ ﻗﻮﻳﯩﺪﯗ.

ﭘﺎﺋﯘﻝ ﺟﺎﻛﻜﺴﻮﻥ ﻣﺎﻗﺎﻟﯩﺴﯩﺪﻩ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﻰ ﻧﺎﺗﺴﯧﺴﺘﻼﺭ ﻫﯚﻛﯜﻣﺮﺍﻧﻠﯩﻘﯩﺪﯨﻜﻰ ﮔﯩﺘﻠﯧﺮ ﮔﯧﺮﻣﺎﻧﯩﻴﯩﺴﯩﮕﻪ ﺳﯧﻠﯩﺸﺘﯘﺭﯗﭖ:"ﺑﯧﻴﺠﯩﯔ ﺋﯩﺰﭼﯩﻞ ﺗﯜﺭﺩﻩ ﺳﯩﺮﺗﻘﺎ ﻗﺎﺭﯨﺘﺎ ﺗﻪﻳﯟﻩﻧﻨﻰ ﺧﯩﺘﺎﻳﻨﯩﯔ ﺯﯦﻤﯩﻦ ﭘﯜﺗﯜﻧﻠﯜﻛﯩﮕﻪ ﺋﺎﺳﯩﻴﻠﯩﻖ ﻗﯩﻠﯩﯟﺍﺗﻘﺎﻥ ﺑﯩﺮ ﺋﯚﻟﻜﻪ ﻗﯩﻠﯩﭗ ﺗﻪﺷﯟﯨﻖ ﻗﯩﻠﻤﺎﻗﺘﺎ ﻳﻪﻧﻰ ﺗﯩﺒﻪﺗﻨﻰ ﺧﯩﺘﺎﻱ ﺯﯦﻤﯩﻨﯩﻨﯩﯔ ﺑﯩﺮ ﻗﯩﺴﻤﻰ ﺩﯦﮕﯩﻨﯩﮕﻪ ﺋﻮﺧﺸﺎﺵ. ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﻯ ﺗﯩﺒﻪﺗﻜﻪ ﺗﺎﺟﺎﯞﯗﺯ ﻗﯩﻠﯩﭗ ﻛﯩﺮﮔﻪﻧﺪﻩ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﻛﯚﺯﯨﻨﻰ ﭘﺎﺭﻗﯩﺮﯨﺘﯩﭗ ﻗﺎﺭﺍﭖ ﺗﯘﺭﯗﭖ، ﻫﯧﭽﻘﺎﻧﺪﺍﻕ ﺑﯩﺮ ﻧﻪﺭﺳﻪ ﻗﯩﻠﻤﯩﻐﺎﻧﯩﺪﻯ. ﺧﯘﺩﺩﻯ ﮔﯩﺘﻠﯧﺮ ﮔﯧﺮﻣﺎﻧﯩﻴﯩﺴﻰ ﭼﯧﺨﯩﺴﻼﯞﺍﻛﯩﻴﯩﮕﻪ ﺑﺎﺳﺘﯘﺭﯗﭖ ﻛﯩﺮﮔﻪﻧﺪﻩ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﻛﯚﺭﺳﻪﺗﻜﻪﻥ ﭘﺎﺳﺴﯩﭙﻠﯩﻘﻠﯩﺮﯨﻐﺎ ﺋﻮﺧﺸﺎﺵ،" ﺩﻩﭖ ﻳﺎﺯﯨﺪﯗ.

ﻛﺎﻧﺎﺩﺍ ﺏ ﺩ ﺕ ﺩﻩ ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺸﻘﺎ ﺭﻩﻫﺒﻪﺭﻟﯩﻚ ﻗﯩﻠﯩﺸﻰ ﻛﯧﺮﻩﻙ

ﭘﺎﺋﯘﻝ ﺟﺎﻛﻜﺴﻮﻥ ﻣﺎﻗﺎﻟﯩﺴﯩﻨﯩﯔ ﺋﺎﺧﯩﺮﯨﺪﺍ ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﯨﻐﺎ ﺧﯩﺘﺎﺏ ﻗﯩﻠﯩﭗ: "ﺑﯧﻴﺠﯩﯔ ﺩﺍﺋﯩﺮﯨﻠﯩﺮﻯ ﻛﯜﻧﻠﻪﺭﻧﯩﯔ ﺑﯩﺮﯨﺪﻩ ﺗﻪﻳﯟﻩﻧﻨﻰ ﺋﯚﺯﻟﯩﺮﻯ ﭘﯩﻼﻧﻠﯩﻐﺎﻥ ﺗﯘﺯﺍﻗﻘﺎ ﭼﯜﺷﯜﺭﯛﺵ ﺋﯜﭼﯜﻥ، ﺋﯘﻧﯩﯔ ﺩﯗﻧﻴﺎﺩﯨﻜﻰ ﺑﺎﺷﻘﺎ ﺩﯙﻟﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺑﯘﺯﻏﯘﻧﭽﯩﻠﯩﻖ ﺳﺎﻟﻤﺎﻗﺘﺎ. ﺷﯘﯕﺎ ﺳﺘﯧﭙﻬﯧﻦ ﺧﺎﺭﭘﻪﺭ ﺳﯩﺰ ﻧﯧﻤﻪ ﺋﯜﭼﯜﻥ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﮕﻪ ﻗﺎﺭﺷﻰ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﺪﺍ ﺋﻮﻣﯘﻣﻴﯜﺯﻟﯜﻙ ﺋﯩﺴﻼﻫﺎﺕ ﺋﯧﻠﯩﭗ ﺑﯧﺮﯨﺸﻘﺎ ﺭﻩﻫﺒﻪﺭﻟﯩﻚ ﻗﯩﻠﻤﺎﻳﺴﯩﺰ؟ ﺑﯩﺰ ﺩﯙﻟﯩﺘﯩﻤﯩﺰﻧﯩﯔ ﺧﻪﻟﻘﺌﺎﺭﺍ ﺳﻪﻫﻨﯩﺪﻩ ﺋﯚﺯﯨﻨﻰ ﻧﺎﻣﺎﻳﺎﻥ ﻗﯩﻠﯩﺸﯩﻨﻰ ﺋﯩﻨﺘﺎﻳﯩﻦ ﺋﺎﺭﺯﯗ ﻗﯩﻠﯩﻤﯩﺰ،" ﺩﻩﭖ ﻣﺎﻗﺎﻟﯩﺴﯩﻨﻰ ﺋﺎﺧﯩﺮﻻﺷﺘﯘﺭﯨﺪﯗ. (ﻛﺎﻣﯩﻞ ﺗﯘﺭﺳﯘﻥ)