ﻛﺎﻧﺎﺩﺍ ﭘﺎﺭﻻﻣﯧﻨﺖ ﯞﻩﻛﯩﻠﻠﻪﺭ ﺋﯚﻣﯩﻜﻰ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﻤﺎﻗﭽﻰ

• ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﻛﺎﻧﺎﺩﺍ ﭘﺎﺭﻻﻣﯧﻨﺖ ﯞﻩﻛﯩﻠﻠﻪﺭ ﺋﯚﻣﯩﻜﻰ ﺑﯘ ﻫﻪﭘﺘﻪ ﺋﺎﺧﯩﺮﻯ ﺧﯩﺘﺎﻳﺪﺍ ﺯﯨﻴﺎﺭﻩﺗﺘﻪ ﺑﻮﻟﯩﺪﯗ. ﺑﯘ ﺋﯩﻜﻜﻰ ﺩﯙﻟﻪﺕ ﺋﯘﭼﺮﯨﺸﯩﺸﯩﺪﯨﻜﻰ ﻣﯘﻫﯩﻢ ﯞﻩﻗﻪ ﻫﯧﺴﺎﺑﻠﯩﻨﯩﺪﯗ.

ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ Stephen Harper ﻧﯩﯔ ﭘﺎﺭﻻﻣﯧﻨﺖ ﺋﯩﺸﻠﯩﺮﻯ ﺳﯧﻜﺮﯦﺘﺎﺭﻯ، ﭘﺎﺭﻻﻣﯧﻨﺖ ﺋﻪﺯﺍﺳﻰ Jason Kenney ﻛﺎﻧﺎﺩﺍﺩﺍ ﭼﯩﻘﯩﺪﯨﻐﺎﻥ ‘ﺷﯩﯖﺪﺍﯞ’ ﮔﯧﺰﯨﺘﯩﻨﯩﯔ ﺟﯜﻣﻪ ﻛﯜﻧﯩﺪﯨﻜﻰ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ ﺑﯘ ﺳﯚﺯﻟﻪﺭﻧﻰ ﻗﯩﻠﺪﻯ. ﺋﯘ ﺳﯚﺯﯨﺪﻩ ﻳﻪﻧﻪ ‘ﺋﺎﻣﯧﺮﯨﻜﺎ ﺋﺎﯞﺍﺯﻯ’ ﺭﺍﺩﯨﺌﻮﺳﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ، ﻛﺎﻧﺎﺩﺍﻧﯩﯔ ﺧﯩﺘﺎﻱ ﺑﯩﻠﻪﻥ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﯩﻤﯩﺰ ﯞﺍﻗﺘﯩﻨﭽﻪ ﺗﻮﺧﺘﺎﺗﻤﺎﻗﭽﻰ ﺑﻮﻟﻐﺎﻧﻠﯩﻘﻰ ﯞﻩ ﺧﯩﺘﺎﻳﻨﯩﯔ ﺩﯦﻤﻮﻛﺮﺍﺗﯩﻴﻪ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﻛﺎﻧﺎﺩﺍ ﻫﻪﺭ ﻳﯩﻠﻰ ﺧﯩﺘﺎﻳﮕﺎ ﺑﯧﺮﯨﯟﺍﺗﻘﺎﻥ 60 ﻣﯩﻠﻴﻮﻥ ﺩﻭﻟﻼﺭﻟﯩﻖ ﻫﻪﻗﺴﯩﺰ ﻳﺎﺭﺩﻩﻣﻨﻰ ﺗﻮﺧﺘﯩﺘﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﯩﯖﻤﯘ ﺗﻮﻏﺮﺍ ﺋﻪﻣﻪﺳﻠﯩﻜﯩﻨﻰ ﺋﺎﻻﻫﯩﺪﻩ ﺋﻪﺳﻜﻪﺭﺗﺘﻰ.

ﺧﯩﺘﺎﻱ ﺑﯩﻠﻪﻥ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﯩﻤﯩﺰﻧﯩﯔ ﺋﯜﻧﯜﻣﻠﯜﻙ ﻧﻪﺗﯩﺠﯩﺴﻰ ﺑﻮﻟﻐﺎﻥ ﺳﯚﻫﺒﻪﺕ ﺑﻮﻟﯘﺷﯩﻨﻰ ﺋﺎﺭﺯﯗ ﻗﯩﻠﯩﻤﯩﺰ

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﻰ ﺋﺎﻟﺪﯨﻨﻘﻰ ﻫﻪﭘﺘﯩﺪﻩ ﻛﺎﻧﺎﺩﺍ ﺑﺎﺵ ﻣﯩﻨﯩﺴﺘﯩﺮﻯ Stephen Harper ﻧﯩﯔ ﭘﺎﺭﻻﻣﯧﻨﺖ ﺋﯩﺸﻠﯩﺮﻯ ﺳﯧﻜﺮﯦﺘﺎﺭﻯ Jason Kenney، ﻛﺎﻧﺎﺩﺍ ﺧﯩﺘﺎﻱ ﺋﻪﻣﻪﻟﺪﺍﺭﻟﯩﺮﻯ ﺑﯩﻠﻪﻥ ﺑﯘ ﻳﯩﻞ ﻛﯜﺯﺩﻩ ﺋﯚﺗﻜﯜﺯﻣﻪﻛﭽﻰ ﺑﻮﻟﻐﺎﻥ ﻛﯩﺸﯩﻠﯩﻚ ﻫﻮﻗﯘﻗﻰ ﺳﯚﻫﺒﯩﺘﯩﻨﻰ ﺋﯚﺗﻜﯜﺯﻣﻪﻳﺪﯨﻐﺎﻧﻠﯩﻘﻰ ﯞﻩ ﻛﺎﻧﺎﺩﺍﻧﯩﯔ ﻫﻪﺭ ﻳﯩﻠﻰ ﺧﯩﺘﺎﻳﻐﺎ ﺑﯧﺮﯨﺪﯨﻐﺎﻥ 60 ﻣﯩﻠﻴﻮﻥ ﺩﻭﻟﻼﺭﻟﯩﻖ ﻫﻪﻗﺴﯩﺰ ﻳﺎﺭﺩﯨﻤﯩﻨﻰ ﺗﻮﺧﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ، ﺩﻩﭖ ﺧﻪﯞﻩﺭ ﺑﻪﺭﮔﻪﻧﯩﺪﻯ.

ﺟﺎﺳﻮﻥ ﻛﻪﻧﻨﻪﻱ ‘ﺷﯩﯖﺪﺍﯞ’ ﮔﯧﺰﯨﺘﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﻣﻪﻥ ﻛﺎﻧﺎﺩﺍ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﺳﯩﻴﺎﺳﯩﺘﯩﻨﻰ ﺋﯚﺯﮔﻪﺭﺗﺘﻰ، ﺩﯦﻤﯩﺪﯨﻢ، ﻫﻪﻡ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﻰ ﯞﻩ ﺋﯩﺨﺘﯩﺴﺎﺩﯨﻲ ﻳﺎﺭﺩﻩﻡ ﻫﻪﻗﻘﯩﺪﯨﻜﻰ ﺳﯩﻴﺎﺳﻪﺗﻨﯩﯔ ﺋﯚﺯﮔﯜﺭﯨﺪﯨﻐﺎﻧﻠﯩﻘﯩﻨﯩﻤﯘ ﺋﯧﻼﻥ ﻗﯩﻠﻤﯩﺪﯨﻢ، ﻣﻪﻥ ﭘﻪﻗﻪﺕ ﺧﯩﺘﺎﻱ ﺑﯩﻠﻪﻥ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﯩﻤﯩﺰﻧﯩﯔ ﺋﻪﻫﻤﯩﻴﻪﺗﺴﯩﺰ ﺋﯘﭼﺮﯨﺸﯩﺶ ﺋﻪﻣﻪﺱ، ﺋﯜﻧﯜﻣﻠﯜﻙ ﻧﻪﺗﯩﺠﯩﺴﻰ ﺑﻮﻟﻐﺎﻥ ﺳﯚﻫﺒﻪﺕ ﺑﻮﻟﯘﺷﯩﻨﻰ ﺋﺎﺭﺯﯗ ﻗﯩﻠﯩﻤﯩﺰ، ﺑﯘ ﻣﻪﻗﺴﻪﺗﻜﻪ ﻳﯧﺘﯩﺶ ﺋﯜﭼﯜﻥ ﻳﯧﯖﻰ ﺋﯘﺳﺴﯘﻝ ﺋﯜﺳﺘﯩﺪﻩ ﺋﯩﺰﺩﯨﻨﯩﯟﺍﺗﯩﻤﯩﺰ ﺩﯦﮕﻪﻧﯩﺪﯨﻢ، ﺩﻩﻳﺪﯗ.

ﻛﺎﻧﺎﺩﺍ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﻰ 1997-ﻳﯩﻠﻰ ﻛﺎﻧﺎﺩﺍﻧﯩﯔ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮﻯ Jene Kristian ﺑﯩﻠﻪﻥ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﯩﯔ ﻗﺎﺭﺍﺭﻯ ﺑﯩﻠﻪﻥ ﻳﻮﻟﻐﺎ ﻗﻮﻳﯘﻟﻐﺎﻧﯩﺪﻯ. 1997-ﻳﯩﻠﯩﺪﯨﻦ ﻫﺎﺯﯨﺮﻏﯩﭽﻪ ﺑﻮﻟﻐﺎﻥ 8 ﻳﯩﻞ ﺟﻪﺭﻳﺎﻧﯩﺪﺍ، ﺋﯩﻜﻜﻰ ﺩﯙﻟﻪﺕ ﺩﯨﭙﻠﻮﻣﺎﺗﯩﻴﻪ ﻣﯩﻨﯩﺴﺘﯩﺮﻟﯩﻘﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻘﺎ ﻣﻪﺳﺌﯘﻝ ﺧﺎﺩﯨﻤﻼﺭ ﻫﻪﺭ ﻳﯩﻠﻰ ﺑﯩﺮ ﻗﯧﺘﯩﻢ، ﺑﯩﺮ ﻳﯩﻞ ﺋﯩﭽﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺳﯚﻫﺒﻪﺕ ﺋﯚﺗﻜﯜﺯﯛﭖ ﻛﻪﻟﻤﻪﻛﺘﻪ.

ﻛﺎﻧﺎﺩﺍ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺶ ﻳﻮﻟﯩﻨﻰ ﺋﯩﺰﻟﯩﻤﻪﻛﺘﻪ

ﺑﯘﻧﯩﯖﺪﯨﻦ ﺋﯩﻠﮕﯩﺮﻯ Jason Kenney ﻛﺎﻧﺎﺩﺍ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ ﻛﺎﻧﺎﺩﺍ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺩﯨﺌﺎﻟﻮﮔﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ:

"ﺑﯩﺰ ﺧﯩﺘﺎﻳﻨﯩﯔ ﺩﻭﺳﺘﻰ ﺑﻮﻟﯘﺷﻨﻰ ﺋﺎﺭﺯﯗ ﻗﯩﻠﯩﻤﯩﺰ، ﺋﯩﻜﻜﻰ ﺩﯙﻟﻪﺕ ﺧﻪﻟﻘﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﺋﯩﺠﺎﺑﯩﻲ ﯞﻩ ﻧﻪﺗﯩﺠﯩﻠﯩﻚ ﺑﻮﻟﻐﺎﻥ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ. ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﻐﺎ ﺋﺎﻻﻫﯩﺪﻩ ﺩﯨﻘﻘﻪﺕ ﻗﯩﻠﯩﺸﯩﻤﯩﺰﻧﯩﯔ ﺳﻪﯞﻩﺑﻰ ﺑﯘ، ﺩﯦﮕﻪﻧﯩﺪﻯ.

Jason Kenney ﻧﯩﯔ "ﺷﯩﯖﺪﺍﯞ" ﮔﯧﺰﯨﺘﯩﮕﻪ ﺑﯩﻠﺪﯛﺭﯨﺸﯩﭽﻪ، ﻛﺎﻧﺎﺩﺍ ﺧﯩﺘﺎﻱ ﺑﯩﻠﻪﻥ ﺑﻮﻟﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺳﯚﻫﺒﯩﺘﻰ ﯞﻩ ﺋﯩﺨﺘﯩﺴﺎﺩﯨﻲ ﻳﺎﺭﺩﻩﻣﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﯨﺪﯨﻜﻪﻥ، ﺋﺎﻣﻤﺎ ﺋﯘﻧﯩﯔ ﻗﺎﺭﯨﺸﯩﭽﻪ، ﻛﺎﻧﺎﺩﺍ ﻛﯩﺸﯩﻠﯩﻚ ﻫﻮﻗﯘﻗﺘﯩﻦ ﺋﯩﺒﺎﺭﻩﺕ ﻧﺎﺯﯗﻙ ﻣﻪﺳﯩﻠﯩﺪﻩ ﺋﻪﯓ ﻳﺎﺧﺸﻰ ﺋﯜﻧﯜﻡ ﺑﯧﺮﯨﺪﯨﻐﺎﻥ ﻫﻪﻝ ﻗﯩﻠﯩﺶ ﺋﯘﺳﯘﻟﯩﻨﻰ ﺗﯧﭙﯩﭗ ﭼﯩﻘﯩﺶ ﺋﯜﺳﺘﯩﺪﻩ ﺋﯩﺰﺩﻩﻧﻤﻪﻛﺘﻪ ﺋﯩﻜﻪﻥ. Jason Kenney ﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﻛﯧﯖﻪﺵ ﯞﻩ ﺋﺎﯞﺍﻡ ﭘﺎﻻﺗﺎﺳﻰ ﺋﻪﺯﺍﻟﯩﺮﯨﺪﯨﻦ ﺗﻪﺷﻜﯩﻠﻠﻪﻧﮕﻪﻥ 10 ﻛﯩﺸﯩﻠﯩﻚ ﺑﯘ ﻫﻪﻳﺌﻪﺕ ﺟﯜﻣﻪ ﻛﯜﻧﻰ ﺧﯩﺘﺎﻳﻐﺎ ﻳﻮﻟﻐﺎ ﭼﯩﻘﯩﺪﯨﻜﻪﻥ. ﺑﯘ ﺋﯚﻣﻪﻙ ﻫﺎﻛﯩﻤﯩﻴﻪﺕ ﺑﯧﺸﯩﺪﯨﻜﻰ ﻛﻮﻧﺴﯧﺮﯞﺍﺗﯩﭗ ﭘﺎﺭﺗﯩﻴﯩﺴﻰ ﯞﻩ ﺋﯚﻛﺘﯩﭽﻰ ﭘﺎﺭﺗﯩﻴﯩﻠﻪﺭ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﯨﺪﯨﻦ ﺗﻪﺷﻜﯩﻠﻠﻪﻧﮕﻪﻧﯩﻜﻪﻥ. ﺋﯘﻻﺭ ﺧﯩﺘﺎﻳﺪﺍ ﺑﯩﺮ ﻫﻪﭘﺘﻪ ﺯﯨﻴﺎﺭﻩﺗﺘﻪ ﺑﻮﻟﯩﺪﯨﻜﻪﻥ. Jason Kenney ﺑﯘ ﺋﯚﻣﻪﻛﻨﯩﯔ ﺧﯩﺘﺎﻳﺪﯨﻜﻰ ﺑﯩﺮﻗﺎﻧﭽﻪ ﺷﻪﻫﻪﺭﻧﻰ ﺯﯨﻴﺎﺭﻩﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺑﻮﻟﺴﯩﻤﯘ، ﺋﺎﻣﻤﺎ ﺋﯘﻻﺭﻧﯩﯔ ﺋﯜﺭﯛﻣﭽﯩﮕﻪ ﺑﺎﺭﯨﺪﯨﻐﺎﻥ ﺑﺎﺭﻣﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻤﯩﮕﻪﻥ.

ﻳﯧﯖﻰ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﻰ ﺧﯩﺘﺎﻳﺪﺍ ﺗﯘﺗﯘﭖ ﺗﯘﺭﯨﻠﯩﯟﺍﺗﻘﺎﻥ ﻫﯜﺳﻪﻳﯩﻦ ﺟﯧﻠﯩﻞ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﻛﺎﻧﺎﺩﺍﻧﯩﯔ ﺧﯩﺘﺎﻳﻐﺎ ﺑﯩﺮ ﯞﻩﻛﯩﻠﻠﻪﺭ ﺋﯚﻣﯩﻜﻰ ﺋﻪﯞﻩﺗﯩﺸﯩﻨﻰ ﺗﻪﺷﻪﺑﺒﯘﺱ ﻗﯩﻠﯩﭗ ﻛﻪﻟﮕﻪﻧﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﻛﺎﻧﺎﺩﺍ ﻫﯚﻛﯜﻣﯩﺘﻰ ﺧﺎﺩﯨﻤﻠﯩﺮﯨﻨﯩﯔ ﺧﯩﺘﺎﻳﺪﺍ ﺗﯘﺗﯘﭖ ﺗﯘﺭﯗﻟﯩﯟﺍﺗﻘﺎﻥ ﻫﯜﺳﻪﻳﯩﻦ ﺟﯧﻠﯩﻞ ﺑﯩﻠﻪﻥ ﻛﯚﺭﯛﺷﯩﺸﯩﻨﻰ ﺭﻩﺕ ﻗﯩﻠﯩﭗ ﻛﻪﻟﻤﻪﻛﺘﻪ.

ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﺋﺎﻳﺎﻟﻰ ﻛﺎﻣﯩﻠﻪ ﺧﺎﻧﯩﻤﻨﯩﯔ ﺋﯧﻴﺘﯩﺸﯩﭽﻪ، ﻫﯜﺳﻪﻳﯩﻦ ﺟﯧﻠﯩﻞ ﻫﺎﺯﯨﺮ ﺧﯩﺘﺎﻳﻨﯩﯔ ﺋﯜﺭﯛﻣﭽﯩﺪﯨﻜﻰ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﻧﺎﺯﺍﺭﯨﺘﯩﻨﯩﯔ ﺗﯜﺭﻣﯩﺴﯩﺪﻩ ﺗﯘﺗﯘﭖ ﺗﯘﺭﯗﻟﻤﺎﻗﺘﺎ.

ﻗﺎﺭﯨﻬﺎﺟﯩﻤﻨﯩﯔ ﺋﺎﻧﯩﺴﻰ، ﺋﺎﭼﯩﺴﻰ، ﺋﺎﻛﯩﺴﻰ ﺋﯜﺭﯛﻣﭽﯩﺪﻩ ﺑﯩﺮ ﻫﻪﭘﺘﻪ ﺗﯘﺭﯗﭖ، ﻫﻪﺭﻗﺎﻳﺴﻰ ﺗﯜﺭﻣﯩﻠﻪﺭﮔﻪ ﺑﯧﺮﯨﭗ ﻫﯜﺳﻪﻳﯩﻦ ﻗﺎﺭﯨﻬﺎﺟﯩﻤﻨﯩﯔ ﺋﯩﺰ- ﺩﯦﺮﯨﻜﯩﻨﻰ ﻗﯩﭙﺘﯘ، ﺋﺎﻣﻤﺎ ﺗﺎﭘﺎﻟﻤﺎﭘﺘﯘ. ﺋﺎﺧﯩﺮﻯ ﺗﯜﺭﻣﯩﺪﯨﻜﻰ ﺳﺎﻗﭽﯩﻼﺭ ﺋﯘﻻﺭﻏﺎ ﺧﯩﺘﺎﻱ ﺩﯙﻟﻪﺕ ﺧﻪﯞﯨﭙﺴﯩﺰﻟﯩﻚ ﻧﺎﺯﺍﺭﯨﺘﯩﻨﯩﯔ ﺗﯜﺭﻣﯩﺴﯩﺪﯨﻦ ﺳﯜﺭﯛﺷﺘﯜﺭﯛﺷﻨﻰ ﺋﯧﻴﺘﯩﭙﺘﯘ. ﺋﯘﻻﺭ ﺑﯘ ﺗﯜﺭﻣﯩﮕﻪ ﺑﺎﺭﺳﺎ ﻫﯚﺳﻪﻳﯩﻦ ﻗﺎﺭﺍﺟﯩﻢ ﺷﯘ ﺗﯜﺭﻣﯩﺪﻩ ﺋﯩﻜﻪﻥ. ﺑﯘ ﺗﯜﺭﻣﯩﺪﯨﻜﻰ ﺧﺎﺩﯨﻤﻼﺭ ﻗﺎﺭﺍﺟﯩﻤﻨﯩﯔ ﺳﺎﻻﻣﻪﺗﻠﯩﻜﯩﻨﯩﯔ ﻳﺎﺧﺸﻰ ﺋﯩﻜﻪﻧﻠﯩﻜﯩﻨﻰ، ﻗﯩﻴﯩﻦ-ﻗﯩﺴﺘﺎﻗﻘﺎ ﺋﯧﻠﯩﻨﻤﯩﻐﺎﻧﻠﯩﻘﯩﻨﻰ، ﺋﯘﻧﯩﯔ ﺋﯜﺳﺘﯩﺪﯨﻜﻰ ﺳﯘﺋﺎﻝ-ﺳﻮﺭﺍﻗﻨﯩﯔ ﺩﺍﯞﺍﻣﻠﯩﺸﯩﯟﺍﺗﻘﺎﻧﻠﯩﻘﯩﻨﻰ، ﺳﻮﺗﻨﯩﯔ ﺗﯧﺨﻰ ﺑﻮﻟﻤﯩﻐﺎﻧﻠﯩﻘﯩﻨﻰ ﺋﯧﻴﺘﯩﭙﺘﯘ. ﺗﺎﻣﺎﻕ ﯞﻩ ﻛﯧﻴﯩﻢ ﻛﯧﭽﻪﻙ ﺋﯧﻠﯩﺸﻨﻰ ﺭﻩﺕ ﻗﯩﻠﯩﭙﺘﯘ. ﻛﯚﺭﯛﺷﺘﯜﺭﯛﺷﻜﻪ ﺭﯗﺧﺴﻪﺕ ﻗﯩﻠﻤﺎﭘﺘﯘ. ﺳﻮﺕ ﺑﻮﻟﻐﺎﻧﺪﺍ ﺋﯘﺭﯗﻕ-ﺗﯘﻏﻘﺎﻧﻠﯩﺮﻯ ﺑﯩﻠﻪﻥ ﻛﯚﺭﯛﺷﺘﯜﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭘﺘﯘ.

ﻛﺎﻧﺎﺩﺍ ﻫﯚﻛﯜﻣﯩﺘﻰ ﻫﯜﺳﻪﻳﯩﻦ ﺟﯧﻠﯩﻞ ﻣﻪﺳﯩﻠﯩﺴﯩﺪﻩ ﺋﯚﻛﺘﯩﭽﻰ ﭘﺎﺭﺗﯩﻴﯩﻠﻪﺭﻧﯩﯔ ﺑﯧﺴﯩﻤﯩﻐﺎ ﯞﻩ ﺗﻪﻧﻘﯩﺪﯨﮕﻪ ﺋﯘﭼﺮﯨﻤﺎﻗﺘﺎ

Jason Kenney ﻫﯜﺳﻪﻳﯩﻦ ﺟﯧﻠﯩﻞ ﻣﻪﺳﯩﻠﯩﺴﯩﺪﻩ ﺗﻮﺧﺘﯩﻠﯩﭗ، ﺋﯩﻜﻜﻰ ﻫﻪﭘﺘﻪ ﺋﯩﻠﮕﯩﺮﻯ ﻛﺎﻧﺎﺩﺍ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ Peter Mackay ﻧﯩﯔ ﻧﻴﯘﻳﻮﺭﻛﺘﺎ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﮔﻪﻧﻠﯩﻜﯩﻨﻰ ﯞﻩ ﺋﯚﺯﯨﻨﯩﯔ ﺋﺎﻟﺪﯨﻨﻘﻰ ﻫﻪﭘﺘﯩﺪﻩ ﺋﯚﺯ ﺋﯩﺸﺨﺎﻧﯩﺴﯩﺪﺍ ﺧﯩﺘﺎﻳﻨﯩﯔ ﻛﺎﻧﺎﺩﺍﺩﺍ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺴﻰ ﻟﻰ ﺷﯘﻣﯧﻦ ﺑﯩﻠﻪﻥ ﻛﯚﺭﯛﺷﻜﻪﻧﻠﯩﻜﻰ ﯞﻩ ﺋﯩﻜﻜﻰ ﺩﯙﻟﻪﺕ ﻫﯚﻛﯜﻣﻪﺗﻠﯩﺮﯨﻨﯩﯔ ﺑﯘ ﻣﻪﺳﯩﻠﯩﺪﻩ ﺩﺍﯞﺍﻣﻠﯩﻖ ﺋﯘﭼﺮﯨﺸﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﻛﺎﻧﺎﺩﺍ Regena ﺋﯘﻧﯩﯟﯦﺮﺳﯩﺘﯩﻨﯩﯔ ﺳﯩﻴﺎﺳﻪﺕ ﭘﻪﻧﻠﯩﺮﻯ ﭘﺮﻭﻓﯧﺴﺴﻮﺭﻯ ﺯﻫﯘﻳﯘﭼﺎﯞ ﻛﻮﻧﺴﯧﺮﯞﺍﺗﯩﭗ ﭘﺎﺭﺗﯩﻴﯩﺴﻰ ﻫﯚﻛﯜﻣﯩﺘﯩﻨﯩﯔ ﺋﺎﺯ ﺳﺎﻧﻠﯩﻘﻼﺭ ﻫﯚﻛﯜﻣﯩﺘﻰ ﺋﯩﻜﻪﻧﻠﯩﻜﯩﻨﻰ، ﺋﯚﻛﺘﯩﭽﻰ ﭘﺎﺭﺗﯩﻴﯩﻠﻪﺭ ﺑﯩﺮﻟﯩﺸﯩﯟﺍﻟﺴﺎ، ﺑﯘ ﻫﯚﻛﯜﻣﻪﺗﻨﯩﯔ ﺋﺎﻏﺪﯗﺭﯗﻟﯘﭖ ﻛﯧﺘﯩﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﺑﯘ ﻫﯚﻛﯜﻣﻪﺗﻨﯩﯔ ﺳﺎﻳﻼﻣﺪﯨﻦ ﺑﯘﺭﯗﻥ ﺩﯦﭙﻠﻮﻣﺎﺗﯩﻴﻪ ﺟﻪﻫﻪﺗﺘﻪ ﭼﻮﯓ ﺋﯚﺯﮔﯩﺮﯨﺶ ﻗﯩﻼﻟﻤﺎﻳﺪﯨﻐﺎﻧﻠﯩﻘﻰ ﯞﻩ ﺧﯩﺘﺎﻱ ﺳﯩﻴﺎﺳﯩﺘﯩﺪﯨﻤﯘ ﭼﻮﯓ ﺗﻪﯕﺸﻪﺵ ﺋﯧﻠﯩﭗ ﺑﺎﺭﺍﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﻩﻳﺪﯗ: "ﻛﻮﻧﺴﯧﺮﯞﺍﺗﯩﭗ ﭘﺎﺭﺗﯩﻴﯩﺴﻰ ﻫﯚﻛﯜﻣﯩﺘﻰ ﺑﯩﺮ ﺋﯩﻜﻜﻰ ﻳﯩﻞ ﺋﯩﭽﯩﺪﻩ ﺋﻮﻣﯘﻣﻰ ﺳﺎﻳﻼﻡ ﺋﯧﻠﯩﭗ ﺑﯧﺮﯨﺸﻰ ﻣﯘﻣﻜﯩﻦ. ﺋﯘﻻﺭ ﺧﯩﺘﺎﻱ ﺳﯩﻴﺎﺳﯩﺘﯩﺪﻩ ﭼﻮﯓ ﺋﯚﺯﮔﯩﺮﯨﺶ ﺋﯧﻠﯩﭗ ﺑﺎﺭﺳﺎ، ﺳﺎﻳﻼﻣﺪﺍ ﺋﯚﺯﻟﯩﺮﯨﮕﻪ ﺳﯩﻴﺎﺳﻰ ﺟﻪﻫﻪﺗﺘﯩﻦ ﭘﺎﻳﺪﯨﺴﯩﺰ ﺑﻮﻟﯩﺪﯗ، ﺩﻩﭖ ﻗﺎﺭﯨﻤﺎﻗﺘﺎ. ﺋﺎﻣﻤﺎ ﺋﯘﻻﺭﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺑﻮﻟﻐﺎﻥ ﭘﻮﺯﯨﺘﺴﯩﻴﯩﺴﻰ ﺋﺎﻟﺪﯨﻨﻘﻰ ﻫﯚﻛﯜﻣﻪﺕ ﺑﯩﻠﻪﻥ ﺭﻭﺷﻪﻥ ﭘﻪﺭﻟﯩﻨﯩﺪﯗ. ﺋﺎﻻﻳﻠﯘﻕ، ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺩﺍﻻﻱ ﻻﻣﺎ ﻣﻪﺳﯩﻠﯩﺴﻰ ﻗﺎﺗﺎﺭﻟﯩﻘﻼﺭﺩﺍ ﻛﯚﺭﯛﻟﯩﺪﯗ. ﺑﯘ ﻫﯚﻛﯜﻣﻪﺗﻨﯩﯔ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﻨﻰ ﺗﻪﻧﻘﯩﺖ ﻗﯩﻠﯩﺸﻰ ﻛﯚﭘﻪﻳﺪﻯ".

ﺑﯘﻧﯩﯖﺪﯨﻦ ﺋﯩﻠﮕﯩﺮﻯ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ Peter Mackay ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﻨﻰ ﻗﺎﺗﺘﯩﻖ ﺗﻪﻧﻘﯩﺖ ﻗﯩﻠﻐﺎﻧﯩﺪﻯ. (ﻛﺎﻣﯩﻞ ﺗﯘﺭﺳﯘﻥ)