ﺧﯩﺘﺎﻳﻨﯩﯔ ﻛﺎﻧﺎﺩﺍ ﻣﻪﻫﺴﯘﻻﺗﻠﯩﺮﯨﻐﺎ ﺑﻮﻟﻐﺎﻥ ﺗﻪﻟﯩﭙﻰ ﺋﺎﺷﺘﻰ

• ﻣﯘﺧﺒﯩﺮﯨﻤﯩﺰ ﻛﺎﻣﯩﻞ ﺗﯘﺭﺳﯘﻧﻨﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﻛﺎﻧﺎﺩﺍ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺳﯩﻴﺎﺳﯩﻲ ﺋﯩﺨﺘﯩﻼﭘﻼﺭ ﺑﺎﺭﻏﺎﻧﺴﯧﺮﻯ ﺋﯚﺗﻜﯜﺭﻟﯩﺸﯩﭗ ﺑﺎﺭﻏﺎﻥ ﺑﻮﻟﺴﯩﻤﯘ،ﻟﯧﻜﯩﻦ ﺑﯘ ﻳﯩﻠﻨﯩﯔ ﺩﻩﺳﻠﻪﭘﻜﻰ ﺋﺎﻳﻠﯩﺮﯨﺪﺍ ﻛﺎﻧﺎﺩﺍﻧﯩﯔ ﺧﯩﺘﺎﻳﻐﺎ ﻗﯩﻠﻐﺎﻥ ﺋﯧﻜﺴﭙﻮﺭﺗﯩﺪﺍ ﺋﯧﺸﯩﺶ ﻛﯚﺭﯛﻟﺪﻯ. ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻫﺎﺭﭘﯩﺴﯩﺪﺍ ﻛﺎﻧﺎﺩﺍﻧﯩﯔ ﻣﯧﺘﺎﻝ، ﻧﯧﻔﯩﺖ، ﺧﯧﻤﯩﻴﯩﻠﯩﻚ ﺑﻮﻳﯘﻣﻠﯩﺮﻯ ﯞﻩ ﻳﯧﺰﺍ ﺋﯩﮕﯩﻠﯩﻚ ﻣﻪﻫﺴﯘﻻﺗﻠﯩﺮﯨﻐﺎ ﺑﻮﻟﻐﺎﻥ ﺗﻪﻟﯩﭙﻰ ﻫﻪﺳﺴﯩﻠﻪﭖ ﺋﺎﺷﺘﻰ.

ﻛﺎﻧﺎﺩﺍ ﺳﺘﺎﺗﯩﺴﺘﯩﻜﺎ ﺋﯩﺪﺍﺭﯨﺴﯩﻨﯩﯔ ﻳﯧﻘﯩﻨﺪﺍ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﻐﺎ ﻗﺎﺭﯨﻐﺎﻧﺪﺍ، ﻛﺎﻧﺎﺩﺍﻧﯩﯔ ﺑﯘ ﻳﯩﻠﻨﯩﯔ ﺋﺎﻟﺪﯨﻨﻘﻰ ﻳﯧﺮﯨﻤﯩﺪﯨﻜﻰ ﺧﯩﺘﺎﻳﻐﺎ ﻗﯩﻠﻐﺎﻥ ﺋﯧﻜﺴﭙﻮﺭﺗﻰ ﺋﯩﻤﭙﻮﺭﺗﻘﺎ ﻗﺎﺭﯨﻐﺎﻧﺪﺍ ﺋﯩﻜﻜﻰ ﻫﻪﺳﺴﻪ ﺋﺎﺷﻘﺎﻥ ﻳﻪﻧﻰ ﺑﯘ ﻳﯩﻠﻨﯩﯔ ﺋﺎﻟﺪﯨﻨﻘﻰ 6 ﺋﯧﻴﯩﺪﺍ ﻛﺎﻧﺎﺩﺍﻧﯩﯔ ﺧﯩﺘﺎﻳﻐﺎ ﻗﯩﻠﻐﺎﻥ ﺋﯧﻜﺴﭙﻮﺭﺗﻰ ﺋﯚﺗﻜﻪﻥ ﻳﯩﻠﻨﯩﯔ ﺋﻮﺧﺸﺎﺵ ﻣﻪﺯﮔﯩﻠﺪﯨﻜﯩﺪﯨﻦ %43 ﻛﯚﭘﯩﻴﯩﭗ، ﺳﺎﻧﺎﺋﻪﺗﻠﻪﺷﻜﻪﻥ 7 ﻏﻪﺭﺏ ﺩﯙﻟﯩﺘﻰ ﺋﯩﭽﯩﺪﻩ 1 - ﺋﻮﺭﯗﻧﻐﺎ ﺋﯚﺗﻜﻪﻥ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ، ﺧﯩﺘﺎﻳﻨﯩﯔ ﻛﺎﻧﺎﺩﺍﻏﺎ ﻗﯩﻠﻐﺎﻥ ﺋﯧﻜﺴﭙﻮﺭﺗﯩﻨﯩﯔ ﺳﻮﻣﻤﯩﺴﻰ ﺑﻮﻟﺴﺎ %17 ﻻ ﻛﯚﭘﻪﻳﮕﻪﻥ. ﺋﯧﻜﺴﭙﻮﺭﺗﺘﯩﻜﻰ ﺑﯘ ﺗﯩﺰ ﺋﯧﺸﯩﺶ ﺑﯩﻠﻪﻥ ﺧﯩﺘﺎﻱ ﻳﺎﭘﻮﻧﯩﻴﯩﮕﻪ ﺋﻮﺧﺸﺎﺷﻼ ﻛﺎﻧﺎﺩﺍﻧﯩﯔ ﺋﯜﭼﯩﻨﭽﻰ ﭼﻮﯓ ﺳﺎﺩﺍ ﺑﺎﺯﯨﺮﯨﻐﺎ ﺋﺎﻳﻼﻧﻐﺎﻥ.

ﻛﺎﻧﺎﺩﺍ : ﺧﯩﺘﺎﻳﻨﯩﯔ ﻛﺎﻧﺎﺩﺍ ﺗﻪﺑﯩﺌﯩﻲ ﺑﺎﻳﻠﯩﻘﻠﯩﺮﯨﻐﺎ ﺋﯧﻬﺘﯩﻴﺎﺟﻰ ﺑﺎﺭ

ﻛﺎﻧﺎﺩﺍ ﺳﺘﺎﺗﯩﺴﺘﯩﻜﺎ ﺋﯩﺪﺍﺭﯨﺴﯩﻨﯩﯔ ﺩﻭﻛﻼﺗﯩﺪﺍ ﺋﺎﺷﻜﺎﺭﯨﻠﯩﺸﯩﭽﻪ، ﻛﺎﻧﺎﺩﺍﻧﯩﯔ ﺧﯩﺘﺎﻳﻐﺎ ﻗﯩﻠﻐﺎﻥ ﺋﯧﻜﺴﭙﻮﺭﺗﯩﻨﯩﯔ ﺳﻮﻣﻤﯩﺴﻰ 2002 - ﻳﯩﻠﻰ 4 ﻣﯩﻠﻴﺎﺭﺩ ﺩﻭﻟﻼﺭ ﺑﻮﻟﻐﺎﻥ ﺑﻮﻟﺴﺎ، 2006 - ﻳﯩﻠﯩﻐﺎ ﻛﻪﻟﮕﻪﻧﺪﻩ، 8 ﻣﯩﻠﻴﺎﺭﺩ ﺩﻭﻟﻼﺭﻏﺎ ﻳﯜﻛﺴﻪﻟﮕﻪﻥ. ﺩﻭﻛﻼﺗﺘﺎ ﺋﻪﺳﻜﻪﺭﺗﯩﻠﯩﺸﯩﭽﻪ، ﻛﺎﻧﺎﺩﺍ ﺋﯧﻜﺴﭙﻮﺭﺗﯩﺪﯨﻜﻰ ﺑﯘ ﺋﯧﺸﯩﺶ ﺧﯩﺘﺎﻳﻨﯩﯔ ﻛﺎﻧﺎﺩﺍﻧﯩﯔ ﺗﻪﺑﯩﺌﯩﻲ ﺑﺎﻳﻠﯩﻘﻠﯩﺮﯨﻐﺎ ﺑﻮﻟﻐﺎﻥ ﺗﻪﻟﯩﭙﯩﻨﯩﯔ ﺋﯧﺸﯩﭗ ﺑﯧﺮﯨﺸﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﻜﻪﻥ. ﻳﻪﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﻫﺎﺭﭘﯩﺴﯩﺪﯨﻜﻰ ﺧﯩﺘﺎﻳﺪﺍ ﭘﻮﺭﺕ، ﻛﯚﯞﺭﯛﻙ ﯞﻩ ﺗﻪﻧﺘﻪﺭﺑﯩﻴﻪ ﺯﺍﻟﯩﻐﺎ ﺋﻮﺧﺸﺎﺵ ﭼﻮﯓ ﺗﯩﭙﺘﯩﻜﻰ ﺋﺎﻣﻤﯩﯟﻯ ﺋﻪﺳﻠﯩﻬﻪﻟﻪﺭﻧﯩﯔ ﻛﯚﭘﻠﻪﭖ ﺳﯧﻠﯩﻨﯩﺸﻰ ﺑﯩﻠﻪﻥ ﺋﯘﻧﯩﯔ ﻣﯧﺘﺎﻝ ﯞﻩ ﺧﯧﻤﯩﻴﯩﻠﯩﻚ ﺑﯘﻳﯘﻣﻼﺭﻏﺎ ﺑﻮﻟﻐﺎﻥ ﺗﻪﻟﯩﭙﻰ ﻫﻪﺳﺴﯩﻠﻪﭖ ﺋﺎﺷﻘﺎﻥ.

ﺋﯘﻧﯩﯔ ﺋﯜﺳﺘﯩﮕﻪ ﺩﯗﻧﻴﺎ ﺑﺎﺯﯨﺮﯨﺪﺍ ﺗﻪﺑﯩﺌﻲ ﺑﺎﻳﻠﯩﻘﻼﺭ ﺑﺎﻫﺎﺳﯩﻨﯩﯔ ﺗﯩﺰ ﺳﯜﺭﺋﻪﺗﺘﻪ ﺋﯚﺭﻟﯩﺸﯩﻤﯘ ﻛﺎﻧﺎﺩﺍﻧﯩﯔ ﺧﯩﺘﺎﻳﻐﺎ ﻗﯩﻠﻐﺎﻥ ﺋﯧﻜﺴﭙﻮﺭﺕ ﺳﻮﻣﻤﯩﺴﯩﻨﯩﯔ ﺋﯧﺸﯩﺸﯩﺪﯨﻜﻰ ﺳﻪﯞﻩﺑﻠﻪﺭﻧﯩﯔ ﻳﻪﻧﻪ ﺑﯩﺮﻯ ﺑﻮﻟﻐﺎﻥ. ﺧﯩﺘﺎﻳﻨﯩﯔ 2007 - ﻳﯩﻠﯩﻨﯩﯔ ﺋﺎﻟﺪﯨﻨﻘﻰ ﻳﯧﺮﯨﻤﯩﺪﯨﻜﻰ ﻛﺎﻧﺎﺩﺍﺩﯨﻦ ﻗﯩﻠﻐﺎﻥ ﻣﯧﺘﺎﻝ ﺋﯩﻤﭙﻮﺭﺗﻰ ﺋﯚﺗﻜﻪﻥ ﻳﯩﻠﻨﯩﯔ ﺋﻮﺧﺸﺎﺵ ﻣﻪﺯﮔﯩﻠﯩﮕﻪ ﻗﺎﺭﯨﻐﺎﻧﺪﺍ %70 ﻛﯚﭘﻪﻳﮕﻪﻥ. ﻛﺎﻧﺎﺩﺍ ‏- ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﯨﻨﯩﯔ ﻛﯚﺭﯛﻧﻪﺭﻟﯩﻚ ﺩﻩﺭﯨﺠﯩﺪﻩ ﺋﯧﺸﯩﺸﻰ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﯩﻴﺎﺳﯩﻲ ﯞﻩ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺗﻠﻪﺭﺩﯨﻜﻰ ﻳﯧﺮﯨﻜﻠﯩﻜﻜﻪ ﺗﻪﺗﯜﺭ ﺗﺎﻧﺎﺳﯩﭗ ﺑﻮﻟﻐﺎﻥ.

ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﻫﻮﻗﯘﻗﻠﯩﺮﯨﻨﯩﯔ ﺭﻩﺕ ﻗﯩﻠﯩﻨﯩﺸﻰ ﺑﯩﻠﻪﻥ ﻛﺎﻧﺎﺩﺍ ‏- ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﻯ ﺑﯘﺯﯗﻟﺪﻯ

ﺳﺘﯧﭙﻬﯧﻦ ﻫﺎﺭﭘﯧﺮ 2006 - ﻳﯩﻠﯩﻨﯩﯔ ﺑﺎﺷﻠﯩﺮﯨﺪﺍ ﻫﺎﻛﯩﻤﯩﻴﻪﺕ ﺑﯧﺸﯩﻐﺎ ﻛﻪﻟﮕﻪﻧﺪﯨﻦ ﺑﯧﺮﻯ، ﻛﺎﻧﺎﺩﺍ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺳﯩﻴﺎﺳﯩﻲ ﯞﻩ ﺩﯨﭙﻠﻮﻣﺎﺗﯩﻴﻪ ﺳﺎﻫﻪﻟﯩﺮﯨﺪﯨﻜﻰ ﺗﻮﻗﯘﻧﯘﺵ ﺑﺎﺭﻏﺎﻧﺴﯧﺮﻯ ﺋﯚﺗﻜﯜﺭﻟﻪﺷﻜﻪﻧﯩﺪﻯ. ﻛﺎﻧﺎﺩﺍ ﻫﯚﻛﯜﻣﯩﺘﯩﻨﯩﯔ ﺧﯩﺘﺎﻳﻨﯩﯔ ﻛﺎﻧﺎﺩﺍﺩﯨﻜﻰ ﺟﺎﺳﯘﺳﻠﯘﻕ ﭘﺎﺋﺎﻟﯩﻴﻪﺗﻠﯩﺮﻯ ﯞﻩ ﺋﯘﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﻨﻰ ﺋﯧﻐﯩﺮ ﺩﻩﭘﺴﻪﻧﺪﻩ ﻗﯩﻠﯩﺶ ﻗﯩﻠﻤﯩﺸﻠﯩﺮﯨﻨﻰ ﻗﺎﺗﺘﯩﻖ ﺗﻪﻧﻘﯩﺖ ﻗﯩﻠﯩﺸﻰ ﺑﯩﻠﻪﻥ ﺑﺎﺷﻼﻧﻐﺎﻥ ﺑﯘ ﺯﯨﺪﺩﯨﻴﻪﺕ ﻛﺎﻧﺎﺩﺍ ﭘﯘﻗﺮﺍﺳﻰ ﺋﯘﻳﻐﯘﺭ ﻫﯜﺳﻪﻳﯩﻦ ﺟﯧﻠﯩﻠﻨﯩﯔ ﻫﻮﻗﯘﻗﻠﯩﺮﯨﻨﯩﯔ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﺭﻩﺕ ﻗﯩﻠﯩﻨﯩﺸﻰ ﺑﯩﻠﻪﻥ ﻳﯘﻗﯩﺮﻯ ﭘﻪﻟﻠﯩﮕﻪ ﭼﯩﻘﻘﺎﻥ ﺋﯩﺪﻯ.

ﻛﺎﻧﺎﺩﺍ ﻫﯚﻛﯜﻣﯩﺘﯩﻨﯩﯔ ﺋﺎﻟﺪﯨﻨﻘﻰ ﺋﺎﻳﺪﺍ ﺗﯩﺒﻪﺗﻨﯩﯔ ﺳﯜﺭﮔﯜﻧﺪﯨﻜﻰ ﺩﺍﻫﯩﺴﻰ ﺩﺍﻻﻱ ﻻﻣﺎﻧﻰ ﺩﯙﻟﻪﺕ ﺭﻩﻫﺒﯩﺮﻯ ﺳﯜﭘﯩﺘﯩﺪﻩ ﻛﯜﺗﯩﯟﯦﻠﯩﺸﻰ ﺑﻮﻟﺴﺎ ﺧﯩﺘﺎﻳﻨﯩﯔ ﺳﻪﯞﺭﻯ ﻗﺎﭼﯩﺴﯩﻨﻰ ﺗﻮﻟﺪﯗﺭﻏﺎﻧﯩﺪﻯ. ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺧﯩﺰﻣﻪﺕ ﮔﯘﺭﯗﭘﭙﯩﺴﯩﻨﯩﯔ ﻳﯩﻐﯩﻨﯩﻨﻰ ﺋﯚﺯ ﺋﺎﻟﺪﯨﻐﺎ ﺋﻪﻣﻪﻟﺪﯨﻦ ﻗﺎﻟﺪﯗﺭﻏﺎﻥ.

ﻣﯘﻧﺎﺳﯩﯟﻩﺗﺘﯩﻜﻰ ﻧﺎﭼﺎﺭﻟﯩﻖ ﺋﯜﭼﯜﻥ ﻳﻪﻧﻪ ﺑﯩﺮ ﺑﻪﻟﮕﻪ

ﺧﯩﺘﺎﻱ ‏- ﻛﺎﻧﺎﺩﺍ ﻣﯘﻧﺎﺳﯩﯟﻩﺗﻠﯩﺮﯨﻨﯩﯔ ﻳﺎﻣﺎﻧﻼﺷﻘﺎﻧﻠﯩﻘﯩﻨﯩﯔ ﻳﻪﻧﻪ ﺑﯩﺮ ﺑﻪﻟﮕﯩﺴﻰ ﺑﻮﻟﺴﺎ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﻟﺪﯨﻨﻘﻰ ﺋﺎﻳﺪﺍ ﺑﯧﻴﺠﯩﯖﻐﺎ ﺯﯨﻴﺎﺭﻩﺗﻜﻪ ﺑﺎﺭﻏﺎﻥ ﻛﺎﻧﺎﺩﺍﻧﯩﯔ ﻣﯘﺋﺎﯞﯨﻦ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻟﯧﺌﻮﻧﺎﺭﺩ ﺋﯧﺪﯞﺍﺭﺩﺱ ﺑﯩﻠﻪﻥ ﻛﯚﺭﯛﺷﯜﺷﻨﻰ ﺭﻩﺕ ﻗﯩﻠﻐﺎﻧﻠﯩﻘﻰ ﺑﻮﻟﺪﻯ.

ﺑﯘ ﻣﯩﻨﯩﺴﺘﯩﺮ ﺑﯧﻴﺠﯩﯖﺪﺍ 3 ﻛﯜﻥ ﺗﯘﺭﻏﺎﻥ ﺑﻮﻟﺴﯩﻤﯘ، ﻫﯧﭽﻘﺎﻧﺪﺍﻕ ﺧﯩﺘﺎﻱ ﺋﻪﻣﻪﻟﺪﺍﺭﻯ ﺑﯩﻠﻪﻥ ﻛﯚﺭﯛﺷﯜﺵ ﭘﯘﺭﺳﯩﺘﻰ ﺗﺎﭘﺎﻟﻤﺎﻱ ﻛﺎﻧﺎﺩﺍﻏﺎ ﻗﯘﺭﯗﻕ ﻗﻮﻝ ﻗﺎﻳﺘﻘﺎﻧﯩﺪﻯ.ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻛﺎﻧﺎﺩﺍ ‏- ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﻫﻪﺭﻗﺎﻧﺪﺍﻕ ﺳﻮﻏﯘﻗﻠﯘﻗﻨﯩﯔ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﺍ - ﺗﯩﺠﺎﺭﻩﺕ ﻣﯘﻧﺎﺳﯩﯟﻩﺗﻠﯩﺮﯨﮕﻪ ﺋﯧﻐﯩﺮ ﺯﯨﻴﺎﻥ ﻳﻪﺗﻜﯜﺯﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﻛﺎﻧﺎﺩﺍﻏﺎ ﺋﯩﺰﭼﯩﻞ ﺗﻪﻫﺪﯨﺖ ﻗﯩﻠﯩﭗ ﻛﻪﻟﮕﻪﻧﯩﺪﻯ.

ﺋﯧﻨﯧﺮﮔﯩﻴﯩﮕﻪ ﺑﻮﻟﻐﺎﻥ ﺋﯧﻬﺘﯩﻴﺎﺝ ﺧﯩﺘﺎﻳﻨﻰ ﺋﺎﻟﺪﯨﺮﯨﺘﯩﺪﯗ

ﻛﺎﻧﺎﺩﺍ ﺳﺘﺎﺗﯩﺴﺘﯩﻜﺎ ﺋﯩﺪﺍﺭﯨﺴﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ،ﺧﯩﺘﺎﻱ ﻳﻪﻧﻪ ﻛﺎﻧﺎﺩﺍﻧﯩﯔ ﻧﯧﻔﯩﺖ ﺋﯧﻜﺴﭙﻮﺭﺕ ﻗﯩﻠﯩﺪﯨﻐﺎﻥ ﺋﯩﻜﻜﯩﻨﭽﻰ ﭼﻮﯓ ﺑﺎﺯﯨﺮﯨﻐﺎ ﺋﺎﻳﻼﻧﻐﺎﻥ. ﺧﯩﺘﺎﻱ ﺑﯘ ﻳﯩﻠﻨﯩﯔ ﺋﺎﻟﺪﯨﻨﻘﻰ ﺋﺎﻟﺘﻪ ﺋﯧﻴﯩﺪﺍ ﻛﺎﻧﺎﺩﺍﺩﯨﻦ 150 ﻣﯩﻠﻴﻮﻥ ﺩﻭﻟﻼﺭﻟﯩﻖ ﻧﯧﻔﯩﺖ ﺳﯧﺘﯩﯟﺍﻟﻐﺎﻥ.

ﻛﺎﻧﺎﺩﺍﻟﯩﻖ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺗﻪﻫﻠﯩﻠﻠﯩﺮﯨﮕﻪ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﺋﯩﻘﺘﯩﺴﺎﺩﯨﻨﯩﯔ ﺋﯧﺸﯩﭗ ﺑﯧﺮﯨﺸﻰ ﺑﯩﻠﻪﻥ ﺋﯘﻧﯩﯔ ﺋﯧﻨﯧﺮﮔﯩﻴﯩﮕﻪ ﺑﻮﻟﻐﺎﻥ ﺋﯩﺸﺘﯩﻬﺎﺳﻰ ﺑﺎﺭﻏﺎﻧﺴﯧﺮﻯ ﻳﻮﻏﯩﻨﯩﻐﺎﻥ ﯞﻩ ﺋﯘﻧﯩﯔ ﻧﯧﻔﯩﺘﻜﻪ ﺑﻮﻟﻐﺎﻥ ﺗﻪﻟﯩﭙﻰ ﻛﯜﻧﺪﯨﻦ-ﻛﯜﻧﮕﻪ ﻛﯚﭘﻪﻳﮕﻪﻥ. ﺋﯘﻻﺭﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻳﺪﺍ ﺋﯧﻨﯧﺮﮔﯩﻴﻪ ﻳﯧﺘﯩﺸﻤﻪﺳﻠﯩﻚ ﻫﺎﺩﯨﺴﯩﺴﻰ ﻳﻪﻧﻪ 35 ﻳﯩﻞ ﺋﻪﺗﺮﺍﭘﯩﺪﺍ ﺩﺍﯞﺍﻡ ﻗﯩﻠﯩﺪﯨﻜﻪﻥ.

ﺋﯩﻜﻜﻰ ﺩﯙﻟﻪﺕ ﺳﻮﺩﯨﺴﯩﺪﯨﻜﻰ ﻗﯩﺰﯨﻞ ﺭﻩﻗﻪﻡ ﻳﻪﻧﯩﻼ ﻳﯘﻗﯩﺮﻯ

2006 - ﻳﯩﻠﯩﺪﺍ ﻛﺎﻧﺎﺩﺍ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺋﻮﻣﯘﻣﻰ ﺳﻮﺩﺍ 42 ﻣﯩﻠﻴﺎﺭﺩ ﺩﻭﻟﻼﺭ ﺑﻮﻟﯘﭖ، ﺳﻮﺩﯨﺪﯨﻜﻰ ﺗﻪﺗﯜﺭ ﺑﺎﻻﻧﯩﺲ 26 ﻣﯩﻠﻴﺎﺭﺩ 800 ﻣﯩﯔ ﺩﻭﻟﻼﺭﻏﺎ ﻳﻪﺗﻜﻪﻧﯩﺪﻯ. ﻛﺎﻧﺎﺩﺍﻧﯩﯔ ﺋﻮﻣﯘﻣﻰ ﺋﯧﻜﺴﭙﻮﺭﺗﯩﻨﯩﯔ %80 ﻧﻰ ﺋﺎﻣﯧﺮﯨﻜﯩﻐﺎ ﻗﯩﻠﻐﺎﻥ ﺋﯧﻜﺴﭙﻮﺭﺕ ﺋﯩﮕﯩﻠﻪﻳﺪﯗ. ﻛﺎﻧﺎﺩﺍ ﺑﯩﻠﻪﻥ ﺋﺎﻣﯧﺮﯨﻜﺎ ﺋﻮﺗﺘﯘﺭﯨﺴﯩﺪﯨﻜﻰ ﻳﯩﻠﻠﯩﻖ ﺋﻮﻣﯘﻣﻰ ﺳﻮﺩﺍ ﺳﻮﻣﻤﯩﺴﻰ 500 ﻣﯩﻠﻴﺎﺭﺩ ﺩﻭﻟﻼﺭﺩﯨﻦ ﺋﺎﺷﯩﺪﯗ. ﺷﯘﯕﺎ ﺋﺎﻣﯧﺮﯨﻜﺎ ﻛﺎﻧﺎﺩﺍﻧﯩﯔ ﺋﻪﯓ ﭼﻮﯓ ﺳﻮﺩﺍ ﺷﯧﺮﯨﻜﻰ ﻫﯧﺴﺎﺑﻠﯩﻨﯩﺪﯗ. ﻳﺎﯞﺭﻭﭘﺎ ﺑﯩﺮﻟﯩﻜﻰ ﺑﻮﻟﺴﺎ ﻛﺎﻧﺎﺩﺍﻧﯩﯔ ﺋﺎﻣﯧﺮﯨﻜﯩﺪﯨﻦ ﻗﺎﻟﺴﺎ ﺋﯩﻜﻜﯩﻨﭽﻰ ﭼﻮﯓ ﺳﻮﺩﺍ ﺷﯧﺮﯨﻜﻰ ﻫﯧﺴﺎﺑﻠﯩﻨﯩﺪﯗ.

ﻳﯧﻘﯩﻨﻘﻰ ﺋﺎﻳﻼﺭﺩﯨﻦ ﺑﯧﺮﻯ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﺪﺍ ﻛﯚﺭﯛﻟﮕﻪﻥ ﺋﺎﺳﺘﯩﻼﺵ ﻫﺎﺩﯨﺴﯩﺴﻰ ﯞﻩ ﻛﺎﻧﺎﺩﺍ ﺩﻭﻟﻠﯩﺮﻯ ﻗﯩﻤﻤﯩﺘﯩﻨﯩﯔ ﺗﯩﺰ ﺋﯚﺭﻟﯩﺸﻰ ﻧﻪﺗﯩﺠﯩﺴﯩﺪﻩ ﺋﺎﻣﯧﺮﯨﻜﺎ ﺑﯩﻠﻪﻥ ﻛﺎﻧﺎﺩﺍ ﺋﻮﺗﺘﯘﺭﯨﺴﯩﺪﯨﻜﻰ ﺳﻮﺩﯨﺪﺍ ﺑﯩﺮ ﺋﺎﺯ ﺋﺎﺯﯨﻴﯩﺶ ﻛﯚﺭﯛﻟﺪﻯ. ﮔﻪﺭﭼﻪ ﺑﯘ ﻳﯩﻠﻨﯩﯔ ﺋﺎﻟﺪﯨﻨﻘﻰ ﻳﯧﺮﯨﻤﯩﺪﺍ ﻛﺎﻧﺎﺩﺍﻧﯩﯔ ﺧﯩﺘﺎﻳﻐﺎ ﻗﯩﻠﻐﺎﻥ ﺋﯧﻜﺴﭙﻮﺭﺕ ﺳﻮﻣﻤﯩﺴﯩﺪﺍ ﺋﯧﺸﯩﺶ ﻛﯚﺭﯛﻟﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺭﻩﻗﻪﻡ ﺧﯩﺘﺎﻳﻨﯩﯔ ﻛﺎﻧﺎﺩﺍﻏﺎ ﻗﯩﻠﻐﺎﻥ ﺋﻮﻣﯘﻣﻰ ﺋﯧﻜﺴﭙﻮﺭﺗﯩﻐﺎ ﻗﺎﺭﯨﻐﺎﻧﺪﺍ ﻳﻪﻧﯩﻼ ﺗﯚﯞﻩﻥ ﻫﯧﺴﺎﺑﻠﯩﻨﯩﺪﯗ. ﻳﻪﻧﻰ ﻛﺎﻧﺎﺩﺍ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﻛﺎﻧﺎﺩﺍﻏﺎ ﭘﺎﻳﺪﯨﺴﯩﺰ ﺳﻮﺩﺍ ﻗﯩﺰﯨﻞ ﺭﻩﻗﻪﻡ ﺑﺎﺭﻏﺎﻧﺴﯧﺮﻯ ﻳﻮﻏﯩﻨﯩﺪﻯ. (ﻛﺎﻣﯩﻞ ﺗﯘﺭﺳﯘﻥ)