ﻗﻮﺭﻏﺎﺱ ﻧﺎﮬﯩﻴﯩﺴﻰ ﻗﺎﺗﺘﯩﻖ ﻛﻪﻟﻜﯜﻥ ﺋﺎﭘﯩﺘﯩﮕﻪ ﺋﯘﭼﺮﯨﺪﻯ

• ﻣﯘﺧﺒﯩﺮﯨﻤﯩﺰ ﮔﯜﻟﭽﯧﮭﺮﻩﻧﯩﯔ ﺑﯘ ﮬﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺑﯘ ﻳﯩﻞ ﺑﺎﮬﺎﺭ ﺑﺎﺷﻠﯩﻨﯩﺸﻰ ﺑﯩﻠﻪﻥ ﺋﯘﻳﻐﯘﺭ ﺋﯧﻠﯩﺪﻩ، ﺑﻮﻟﯘﭘﻤﯘ ﺗﻪﯕﺮﻯ ﺗﯧﻐﯩﻨﯩﯔ ﺷﯩﻤﺎﻟﯩﻲ ﺋﯧﺘﻪﻛﻠﯩﺮﯨﺪﻩ ﻛﻪﻟﻜﯜﻥ ﺋﺎﭘﻪﺗﻠﯩﺮﻯ ﭘﻪﯞﻗﯘﻟﺌﺎﺩﺩﻩ ﻛﯚﭖ ﻛﯚﺭﯛﻟﻤﻪﻛﺘﻪ. ﺑﯘ ﻛﻪﻟﻜﯜﻥ ﺋﺎﭘﻪﺗﻠﯩﺮﯨﻨﻰ ﺋﺎﺳﺎﺳﻪﻥ ﻗﺎﺗﺘﯩﻖ ﻳﺎﻣﻐﯘﺭ ﭘﻪﻳﺪﺍ ﻗﯩﻠﻐﺎﻥ.

50 ﻳﯩﻠﺪﯨﻦ ﺑﯘﻳﺎﻧﻘﻰ ﺋﯧﻐﯩﺮ ﺋﺎﭘﻪﺕ

13- ﺋﯩﻴﻮﻧﺪﺍ، ﺋﯩﻠﯩﻨﯩﯔ ﻗﻮﺭﻏﺎﺱ ﻧﺎﮬﯩﻴﯩﺴﯩﻨﯩﯔ ﺋﺎﻟﻤﯩﻠﯩﻖ ﮬﻪﻡ ﻟﯘﺳﯩﮕﻮﯓ ﺑﺎﺯﺍﺭﻟﯩﺮﻯ ﻗﺎﺗﺘﯩﻖ ﻳﺎﻣﻐﯘﺭ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﻛﻪﻟﻜﯜﻥ ﺋﺎﭘﯩﺘﯩﮕﻪ ﺋﯘﭼﺮﯨﺪﻯ. ﺋﺎﭘﻪﺕ ﺭﺍﻳﻮﻧﯩﺪﯨﻦ ﺋﯩﮕﻪ ﺑﻮﻟﻐﺎﻥ ﺋﻪﯓ ﻳﯧﯖﻰ ﺋﯘﭼﯘﺭﻻﺭﻏﺎ ﺋﺎﺳﺎﺳﻼﻧﻐﺎﻧﺪﺍ، ﺑﯘ ﻛﻪﻟﻜﯜﻥ ﺋﺎﭘﯩﺘﯩﺪﻩ ﮬﺎﺯﯨﺮﻏﺎ ﻗﻪﺩﻩﺭ ﺗﯚﺕ ﺋﺎﺩﻩﻡ ﺋﯚﻟﮕﻪﻥ، ﺗﯚﺕ ﺋﺎﺩﻩﻡ ﻳﺎﺭﯨﻼﻧﻐﺎﻥ ﻳﻪﻧﻪ 15 ﻳﺎﺷﻼﺭﺩﯨﻜﻰ ﺑﯩﺮ ﻗﯩﺰ ﻳﻮﻗﺎﭖ ﻛﻪﺗﻜﻪﻥ.

ﻳﻪﺭﻟﯩﻜﻠﻪﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ 50 ﻳﯩﻠﺪﯨﻦ ﺑﯘﻳﺎﻥ ﻳﯜﺯ ﺑﻪﺭﮔﻪﻥ ﺋﻪﯓ ﺋﯧﻐﯩﺮ ﻛﻪﻟﻜﯜﻥ ﺋﺎﭘﯩﺘﻰ ﺑﻮﻟﯘﭖ، ﻟﯘﺳﯩﮕﻮﯕﻨﯩﯔ ﺑﯩﺮﯨﻨﭽﻰ ﮬﻪﻡ ﺳﻪﻛﻜﯩﺰﯨﻨﭽﻰ ﻛﻪﻧﺘﻠﯩﺮﯨﺪﻩ ﺋﺎﭘﻪﺕ ﮬﻪﻣﻤﯩﺪﯨﻦ ﺋﯧﻐﯩﺮ ﺑﻮﻟﻐﺎﻥ.

ﺋﯩﻠﻰ ﺋﻮﺑﻼﺳﺘﻰ ﺧﻪﯞﻩﺭ ﺗﻮﺭﯨﺪﺍ ﺑﯧﺮﯨﻠﮕﻪﻥ ﻣﻪﻟﯘﻣﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﻗﻮﺭﻏﺎﺳﻨﯩﯔ ﺋﺎﻟﻤﯩﻠﯩﻖ، ﻟﯘﺳﯩﮕﻮﯓ ﻗﺎﺗﺎﺭﻟﯩﻖ ﺋﺎﻟﺘﻪ ﻛﻪﻧﺘﯩﺪﻩ ﺟﻪﻣﺌﯩﻲ 200 ﺋﺎﺋﯩﻠﯩﻠﯩﻜﻨﯩﯔ ﺋﯚﻳﻰ ﺋﯚﺭﯛﻟﮕﻪﻥ.10 ﻣﯩﻠﻴﻮﻥ ﻳﯘﺋﻪﻥ ﻗﯩﻤﻤﯩﺘﯩﺪﯨﻜﻰ ﺳﯘ ﺋﯩﻨﺸﺎﺋﺎﺕ ﻗﯘﺭﯗﻟﯘﺷﻠﯩﺮﻯ ﺋﯧﻐﯩﺮ ﯞﻩﻳﺮﺍﻧﭽﯩﻠﯩﻘﻘﺎ ﺋﯘﭼﺮﯨﻐﺎﻥ،30 ﻣﯩﯔ ﻣﻮ ﺗﯧﺮﯨﻠﻐﯘ ﻳﻪﺭﻟﻪﺭﻧﻰ ﺋﺎﺳﺎﺳﻪﻥ ﺳﯘ ﺑﺎﺳﻘﺎﻥ. ﮬﺎﺯﯨﺮﻏﯩﭽﻪ ﺗﻪﺧﻤﯩﻨﻠﻪﻧﮕﻪﻥ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ 50 ﻣﯩﻠﻴﻮﻥ ﻳﯘﺋﻪﻧﺪﯨﻦ ﺋﺎﺷﯩﺪﯨﻜﻪﻥ. ﻛﻪﻟﻜﯜﻧﺪﻩ ﺩﯦﮭﻘﺎﻥ- ﭼﺎﺭﯞﯦﭽﯩﻼﺭﻧﯩﯔ ﻗﺎﻧﭽﯩﻠﯩﻚ ﻣﺎﻝ- ﯞﺍﺭﺍﻧﻠﯩﺮﯨﻨﯩﯔ ﺋﯚﻟﮕﻪﻧﻠﯩﻜﻰ ﮬﻪﻗﻘﯩﺪﻩ ﺗﯧﺨﻰ ﺳﺎﻧﻠﯩﻖ ﻣﻪﻟﯘﻣﺎﺕ ﭼﯩﻘﯩﺮﯨﻠﻤﯩﻐﺎﻥ.

ﻗﻮﺭﻏﺎﺱ ﻧﺎﮬﯩﻴﻪ ﺑﺎﺯﯨﺮﯨﺪﯨﻜﻰ ﺑﯩﺮ ﻛﯩﺸﻰ ﻛﻪﻟﻜﯜﻥ ﺋﺎﭘﯩﺘﯩﻨﯩﯔ، ﻧﺎﮬﯩﻴﻪ ﺑﺎﺯﯨﺮﯨﻐﺎ ﺋﺎﻧﭽﻪ ﺗﻪﺳﯩﺮﻯ ﺑﻮﻟﻤﯩﻐﺎﻥ ﺑﻮﻟﺴﯩﻤﯘ ﺋﻪﻣﻤﺎ، ﺋﺎﻟﻤﯩﻠﯩﻖ ﮬﻪﻡ ﻟﯘﺳﯩﮕﻮﯓ ﺑﺎﺯﺍﺭﻟﯩﺮﻯ ﻛﻪﻟﻜﯜﻥ ﺋﯧﻐﯩﺰﻯ ﺑﻮﻟﻐﺎﭼﻘﺎ ﮬﻪﺭ ﻳﯩﻠﻰ ﻣﯘﺷﯘﻧﺪﺍﻕ ﺋﺎﭘﻪﺗﻠﻪﺭ ﻳﯜﺯ ﺑﯧﺮﯨﭗ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯩﺰ ﻳﻪﻧﻪ، ﮔﻮﺯﯨﮕﯘﯞ ﻳﻪﻧﻰ ﺋﺎﻟﻤﯩﻠﯩﻘﻘﺎ ﺗﯧﻠﯧﻔﻮﻥ ﻗﯩﻠﯩﭗ، ﺋﺎﭘﻪﺗﺘﯩﻜﻰ ﺋﺎﻣﻤﯩﻨﯩﯔ ﺋﻪﮬﯟﺍﻟﯩﻨﻰ ﺳﻮﺭﯨﺪﯗﻕ. ﺑﯩﺮ ﻗﺎﺯﺍﻕ ﺋﺎﻳﺎﻝ ﺑﯘ ﻛﻪﻟﻜﯜﻥ ﺋﺎﭘﯩﺘﯩﺪﻩ ﺋﯚﺯﯨﻨﯩﯔ ﺋﯚﻳﯩﮕﯩﻤﯘ ﺳﯘ ﻛﯩﺮﮔﻪﻧﻠﯩﻜﻰ، ﻗﻮﺷﻨﯩﺴﯩﻨﯩﯔ ﺋﯚﻳﯩﻨﯩﯔ ﺋﯚﺭﯛﻟﮕﻪﻧﻠﯩﻜﻰ، ﻧﯘﺭﻏﯘﻥ ﭼﺎﺭﯞﯨﭽﯩﻼﺭﻧﯩﯔ ﻣﺎﻟﻠﯩﺮﯨﻨﯩﯔ ﺋﯧﻘﯩﭗ ﻛﻪﺗﻜﻪﻧﻠﯩﻜﻰ ﻗﺎﺗﺎﺭﻟﯩﻖ ﺋﻪﮬﯟﺍﻟﻼﺭﻧﻰ ﺳﯚﺯﻟﻪﭖ ﻛﯧﻠﯩﭗ "ﺑﯘ ﻣﻪﻥ ﺗﯘﻏﯘﻟﯘﭖ 48 ﻳﺎﺷﻘﺎ ﻛﯩﺮﮔﯩﭽﻪ ﻛﯚﺭﮔﻪﻥ ﺋﻪﯓ ﺋﯧﻐﯩﺮ ﺑﯩﺮ ﺋﺎﭘﻪﺕ ﺑﻮﻟﺪﻯ" ﺩﻩﭖ ﺑﯩﻠﺪﯛﺭﺩﻯ.

ﺋﯧﻐﯩﺮ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ

ﺑﯩﺰ ﻛﻪﻟﻜﯜﻥ ﺋﺎﭘﯩﺘﻰ ﮬﻪﻣﻤﯩﺪﯨﻦ ﺋﯧﻐﯩﺮ ﺑﻮﻟﻐﺎﻥ ﻟﻮﺳﯩﮕﻮﯓ ﺑﺎﺯﺍﺭﻟﯩﻖ ﮬﯚﻛﯜﻣﻪﺗﻜﻪ ﺗﯧﻠﯧﻔﻮﻥ ﻗﯩﻠﺪﯗﻕ. ﻛﯧﭽﯩﻠﯩﻚ ﻛﯚﺯﻩﺗﺘﻪ ﺗﯘﺭﯨﯟﺍﺗﻘﺎﻥ ﺑﯩﺮ ﻗﺎﺯﺍﻕ ﺧﺎﺩﯨﻢ، ﻟﯘﺳﯩﮕﻮﯕﺪﺍ 8- ﻛﻪﻧﺘﻨﯩﯔ ﺋﻪﮬﯟﺍﻟﯩﻨﯩﯔ ﺑﻪﻛﺮﻩﻙ ﺋﯧﻐﯩﺮﻟﯩﻘﯩﻨﻰ ﺋﻪﻣﻤﺎ ﮬﯚﻛﯜﻣﻪﺗﻨﯩﯔ ﻳﺎﺭﺩﻩﻣﻠﯩﺮﯨﻨﯩﯔ ﺗﯧﺨﻰ ﻳﯧﺘﯩﭗ ﻛﻪﻟﻤﯩﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺑﯘ ﻛﯩﺸﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﺎﭘﻪﺗﺘﻪ 15 ﻳﺎﺷﻼﺭﺩﺍ ﺑﯩﺮ ﻗﯩﺰ ﻳﻮﻗﺎﭖ ﻛﻪﺗﻜﻪﻥ، ﻛﻪﻧﺘﺘﯩﻜﻰ ﺋﺎﻣﻤﺎ ﮬﺎﺯﯨﺮﻏﺎ ﻗﻪﺩﻩﺭ ﺋﯘﻧﯩﯔ ﺋﯩﺰ ﺩﯦﺮﯨﻜﯩﻨﻰ ﺋﺎﻻﻟﻤﯩﻐﺎﻥ ﺋﯩﻜﻪﻥ.

ﺋﯩﺴﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﻏﺎ ﺋﺎﺳﺎﺳﻼﻧﻐﺎﻧﺪﺍ، ﺑﯘ ﻳﯩﻞ ﺑﯧﺸﯩﺪﯨﻦ ﮬﺎﺯﯨﺮﻏﺎ ﻗﻪﺩﻩﺭ ﺋﯘﻳﻐﯘﺭ ﺋﯧﻠﯩﺪﻩ ﻛﻪﻟﻜﯜﻥ ﺳﻪﯞﻩﺑﯩﺪﯨﻦ ﺋﯚﻟﮕﻪﻥ ﺋﺎﺩﻩﻣﻠﻪﺭ ﺳﺎﻧﻰ ﻳﯩﮕﯩﺮﻣﯩﮕﻪ ﻳﻪﺗﻜﻪﻥ. ﻛﯧﻠﯩﭗ ﭼﯩﻘﻘﺎﻥ ﺑﯩﯟﺍﺳﺘﻪ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ ﻳﯜﺯ ﻣﯩﻠﻴﻮﻥ ﻳﯘﺋﻪﻧﺪﯨﻨﻤﯘ ﺋﯧﺸﯩﭗ ﻛﻪﺗﻜﻪﻥ.

ﻣﯘﺷﯘ ﺋﺎﻳﻨﯩﯔ -1 ﮬﻪﻡ -2 ﻛﯜﻧﻠﯩﺮﻯ ﺋﺎﻟﺘﺎﻱ ﺷﻪﮬﻪﺭ ﺋﯩﭽﻰ ﮬﻪﻡ ﺋﺎﻟﺘﻪ ﻧﺎﮬﯩﻴﯩﺪﻩ ﻳﺎﻣﻐﯘﺭ ﺳﻪﯞﻩﺑﯩﺪﯨﻦ ﺑﯩﺮﺍﻗﻼ ﻛﻪﻟﻜﯜﻥ ﻛﯧﻠﯩﭗ، ﻧﯘﺭﻏﯘﻥ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ ﻛﻪﻟﺘﯜﺭﮔﻪﻥ ﺋﯩﺪﻯ. ﺑﯘ ﺋﯩﻜﻜﻰ ﮬﻪﭘﺘﻪ ﺋﯩﭽﯩﺪﻩ، ﺋﺎﺭﻗﯩﺪﯨﻨﻼ ﻗﻮﺭﻏﺎﺳﺘﯩﻤﯘ ﺯﻭﺭ ﻛﻪﻟﻜﯜﻥ ﺋﺎﭘﯩﺘﻰ ﻳﯜﺯ ﺑﻪﺭﺩﻯ.

ﺑﯩﺰ ﺋﺎﻟﺘﺎﻳﺪﺍ ﻛﻪﻟﻜﯜﻥ ﺋﺎﭘﯩﺘﻰ ﻳﯜﺯ ﺑﻪﺭﮔﻪﻥ ﭘﻪﻳﺘﺘﻪ، ﺋﯘﻳﻐﯘﺭ ﺋﯧﻠﻰ ﻣﯧﺘﯩﺮﻭﻟﻮﮔﯩﻴﻪ ﺋﯩﺪﺍﺭﯨﺴﯩﺪﯨﻦ ﺋﯩﮕﯩﻠﯩﮕﻪﻥ ﺋﺎﺧﺒﺎﺭﺍﺗﯩﻤﯩﺰﻏﺎ ﺋﺎﺳﺎﺳﻪﻥ، ﻳﯧﻘﯩﻦ ﺋﺎﺭﯨﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﺷﯩﻤﺎﻟﯩﺪﺍ ﻗﺎﺗﺘﯩﻖ ﻳﺎﻣﻐﯘﺭ ﻳﯧﻐﯩﭗ، ﺗﯧﺨﯩﻤﯘ ﺯﻭﺭ ﻛﻪﻟﻜﯜﻥ ﺋﺎﭘﻪﺗﻠﯩﺮﯨﻨﯩﯔ ﻳﯜﺯ ﺑﯧﺮﯨﺶ ﺋﯧﮭﺘﯩﻤﺎﻟﻠﯩﻘﻰ ﮬﻪﻗﻘﯩﺪﻩ ﺧﻪﯞﻩﺭ ﺑﻪﺭﮔﻪﻥ ﺋﯩﺪﯗﻕ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﻛﻪﻟﻜﯜﻧﺪﯨﻦ ﻣﯘﺩﺍﭘﯩﺌﻪﻟﯩﻨﯩﺶ ﺗﺎﺭﻣﺎﻗﻠﯩﺮﯨﺪﯨﻦ ﺋﯩﮕﯩﻠﯩﺸﯩﻤﯩﺰﭼﻪ، ﺑﯘ ﻳﯩﻞ ﺋﯘﻳﻐﯘﺭ ﺋﯧﻠﻰ ﺋﯩﻠﮕﯩﺮﯨﻜﻰ ﻳﯩﻠﻼﺭﻏﺎ ﻗﺎﺭﯨﻐﺎﻧﺪﺍ ﺋﯧﻐﯩﺮ ﺑﻮﻟﻐﺎﻥ ﺗﻪﺑﯩﺌﯩﻲ ﺋﺎﭘﻪﺗﻠﻪﺭﮔﻪ ﻳﯜﺯﻟﻪﻧﻤﻪﻛﺘﻪ ﺋﯩﻜﻪﻥ. (ﮔﯜﻟﭽﯧﮭﺮﻩ)