ﺋﯩﻠﻰ ﺩﻩﺭﻳﺎ ﯞﺍﺩﯨﺴﯩﺪﺍ ﻛﻪﻟﻜﯜﻥ ﺋﺎﭘﯩﺘﻰ ﺋﯧﻐﯩﺮﻻﺷﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﭘﻪﺭﯨﺪﻩﻧﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺋﺎﻟﺪﯨﻨﻘﻰ ﻳﯩﻠﻼﺭﻧﯩﯖﻜﯩﺪﻩﻙ ﺋﯘﻳﻐﯘﺭ ﺋﯧﻠﯩﻨﯩﯔ ﺷﯩﻤﺎﻟﯩﻲ ﻗﯩﺴﯩﻤﻠﯩﺮﯨﺪﺍ ﺑﯘ ﻳﯩﻠﻤﯘ ﻫﯚﻝ-ﻳﯩﻐﯩﻦ ﺳﻪﯞﻩﺑﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﻛﻪﻟﻜﯜﻥ ﺋﺎﭘﻪﺗﻠﯩﺮﻯ ﺋﺎﺭﻗﺎ-ﺋﺎﺭﻗﯩﺪﯨﻦ ﻛﯚﺭﯛﻟﯜﺷﻜﻪ ﺑﺎﺷﻠﯩﺪﻯ. ﺑﯘ ﺋﻪﻫﯟﺍﻝ ﺑﻮﻟﯘﭘﻤﯘ ﺋﯩﻠﻰ ﺩﻩﺭﻳﺎ ﯞﺍﺩﯨﺴﯩﺪﺍ ﺑﯩﺮ ﻗﻪﺩﻩﺭ ﺋﯧﻐﯩﺮ ﺑﻮﻟﺪﻯ. ﺑﯘ ﺭﺍﻳﻮﻧﺪﺍ 16‏- ﺋﯩﻴﯘﻥ ﻛﯜﻧﯩﺪﯨﻦ ﺑﺎﺷﻼﭖ ﺋﯘﺩﺍ ﻳﺎﻏﻘﺎﻥ ﻳﺎﻣﻐﯘﺭ ﺳﻪﯞﻩﺑﻠﯩﻚ، ﻫﺎﺯﯨﺮ ﺋﯩﻠﻰ ﺩﻩﺭﻳﺎ ﯞﺍﺩﯨﺴﯩﺪﯨﻜﻰ ﻏﯘﻟﺠﺎ، ﺗﻮﻗﻘﯘﺯﺗﺎﺭﺍ، ﻛﯜﻧﻪﺱ ﯞﻩ ﻧﯩﻠﻘﺎ ﻗﺎﺗﺎﺭﻟﯩﻖ ﻧﺎﻫﯩﻴﯩﻠﯩﺮﯨﺪﻩ ﻛﻪﻟﻜﯜﻥ ﺋﺎﭘﯩﺘﻰ ﻳﯜﺯ ﺑﯧﺮﯨﭗ، 200 ﻣﯩﯖﺪﯨﻦ ﻛﯚﭖ ﻛﯩﺸﻰ ﺋﺎﭘﻪﺕ ﺯﯨﻴﯩﻨﯩﻐﺎ ﺋﯘﭼﺮﯨﻐﺎﻥ.

ﺋﯜﭺ ﺋﺎﺩﻩﻡ ﺋﯚﻟﮕﻪﻥ

ﺧﯩﺘﺎﻱ ﺧﻪﯞﻩﺭ ﺋﺎﮔﯧﻨﺘﻠﯩﻘﯩﻨﯩﯔ ﻣﻪﻟﯘﻡ ﻗﯩﻠﯩﺸﯩﭽﻪ، ﺑﯘﻧﯩﯖﻐﺎ ﻗﻮﺷﯘﻟﯘﭖ ﺗﺎﻏﻼﺭﺩﯨﻦ ﻻﻱ-ﻻﺗﻘﺎ ﯞﻩ ﺷﯧﻐﯩﻠﻼﺭﻧﯩﯔ ﺳﯧﺮﯨﻠﯩﺶ ﺋﻪﻫﯟﺍﻟﯩﻤﯘ ﺋﯧﻐﯩﺮ ﺑﻮﻟﻐﺎﻥ. ﺋﺎﭘﻪﺕ ﺗﻪﺳﯩﺮﯨﺪﯨﻦ ﻫﺎﺯﯨﺮﻏﯩﭽﻪ 3 ﻛﯩﺸﯩﻨﯩﯔ ﺋﯚﻟﮕﻪﻧﻠﯩﻜﻰ ﺧﻪﯞﻩﺭ ﻗﯩﻠﯩﻨﺪﻯ. ﻏﯘﻟﺠﺎ ﻧﺎﻫﯩﻴﯩﺴﯩﺪﻩ ﻗﺎﺯﺍ ﻗﯩﻠﻐﺎﻥ ﺑﯩﺮ ﻛﯩﺸﻰ ﺧﯩﺶ ﻳﺎﺳﺎﺵ ﺋﯩﺸﭽﯩﺴﻰ ﺑﻮﻟﯘﭖ، ﻛﻪﻟﻜﯜﻥ ﻛﻪﻟﮕﻪﻧﺪﻩ ﺑﯘ ﻛﯩﺸﻰ ﻗﯧﭽﯩﺸﻘﺎ ﺋﯜﻟﮕﯜﺭﻣﻪﻱ ﺋﯘﻧﻰ ﺳﯘ ﺋﯧﻘﯩﺘﯩﭗ ﻛﻪﺗﻜﻪﻥ. ﻗﺎﻟﻐﺎﻥ ﺋﯩﻜﻜﯩﺴﻰ ﺗﻮﻗﻘﯘﺯﺗﺎﺭﺍ ﻧﺎﻫﯩﻴﯩﺴﯩﻨﯩﯔ ﺗﺎﺷﺘﯚﭘﻪ ﻳﯧﺰﯨﺴﯩﺪﯨﻦ ﺑﻮﻟﯘﭖ، ﺋﯘﻻﺭﻧﻰ ﺋﯚﻱ ﺋﯚﺭﯛﻟﯜﭖ ﭼﯜﺷﯜﭖ ﺑﯧﺴﯩﯟﺍﻟﻐﺎﻥ ﺋﯩﻜﻪﻥ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺗﻮﻗﻘﯘﺯﺗﺎﺭﺍ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺋﯩﺸﺨﺎﻧﯩﺴﻰ ﺧﺎﺩﯨﻤﻰ ﻛﻪﻟﻜﯜﻧﻨﯩﯔ ﻣﻪﺯﻛﯘﺭ ﻧﺎﻫﯩﻴﯩﻨﯩﯔ ﺑﻪﺯﻯ ﻳﯧﺰﯨﻠﯩﺮﯨﺪﺍ ﺑﯩﺮ ﻗﻪﺩﻩﺭ ﺋﯧﻐﯩﺮ ﺑﻮﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯘ ﺧﺎﺩﯨﻤﻨﯩﯔ ﺋﯧﻴﺘﯩﺸﯩﭽﻪ، ﺋﯘﻻﺭ ﻫﺎﺯﯨﺮ ﻗﯘﺗﻘﯘﺯﯗﺵ ﺋﯩﺸﻠﯩﺮﯨﻨﻰ ﺩﺍﯞﺍﻣﻠﯩﻖ ﺋﯧﻠﯩﭗ ﺑﺎﺭﻣﺎﻗﺘﺎ ﺋﯩﻜﻪﻥ. ﺑﯘ ﺭﺍﻳﻮﻧﻼﺭﺩﯨﻜﻰ 90% ﻛﻪ ﻳﯧﻘﯩﻦ ﺋﺎﻫﺎﻟﯩﻠﻪﺭﻧﯩﯔ ﺋﯚﻳﻠﯩﺮﻯ ﻻﻱ ﻛﯧﺴﻪﻙ ﺋﯚﻳﻠﻪﺭ ﺑﻮﻟﻐﺎﭼﻘﺎ، ﺋﺎﺳﺎﺳﻪﻥ ﻛﯚﭘﯜﻧﭽﯩﺴﯩﺪﻩ ﺳﯘ ﺋﯚﺗﯜﺵ ﯞﻩ ﺩﻩﺯ ﻛﯧﺘﯩﺶ ﺋﻪﻫﯟﺍﻟﻠﯩﺮﻯ ﻛﯚﺭﯛﻟﯜﭖ ﺧﻪﺗﻪﺭﻟﯩﻚ ﺋﯚﻳﻠﻪﺭﮔﻪ ﺋﺎﻳﻼﻧﻐﺎﻥ.

ﺋﯩﻘﺘﯩﺴﺎﺩﯨﻲ ﺯﯨﻴﺎﻥ

ﺧﯩﺘﺎﻱ ﺧﻪﯞﻩﺭ ﺋﺎﮔﯧﻨﺘﻠﯩﻘﯩﻨﯩﯔ ﻣﻪﻟﯘﻣﺎﺗﯩﻐﺎ ﻗﺎﺭﯨﻐﺎﻧﺪﺍ ﻛﻪﻟﻜﯜﻥ، ﺋﯩﻠﻰ ﺩﻩﺭﻳﺎ ﯞﺍﺩﯨﺴﯩﺪﯨﻜﻰ ﺭﺍﻳﻮﻧﻼﺭﻏﺎ ﻛﻪﯓ-ﻛﯚﻟﻪﻣﺪﻩ ﺗﻪﺳﯩﺮ ﻛﯚﺭﺳﯩﺘﯩﭗ، ﻫﺎﺯﯨﺮﻏﯩﭽﻪ 60 ﻣﯩﻠﻴﻮﻥ ﻳﯜﺋﻪﻥ ﺑﯩﯟﺍﺳﺘﻪ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ. ﺷﯘﻧﺪﺍﻗﻼ ﻧﯩﻠﻘﺎ ﻧﺎﻫﯩﻴﯩﺴﯩﻨﯩﯔ ﺋﯘﻻﺳﺘﺎﻱ ﻳﯧﺰﯨﺴﯩﺪﯨﻼ ﻣﯩﯔ ﺋﯧﻐﯩﺰﻏﺎ ﻳﯧﻘﯩﻦ ﺋﯚﻳﻨﻰ ﺳﯘ ﺑﯧﺴﯩﭗ ﯞﻩﻳﺮﺍﻥ ﻗﯩﻠﻐﺎﻥ ﻫﻪﻣﺪﻩ 800 ﺩﯨﻦ ﻛﯚﭖ ﭼﺎﺭﯞﺍ ﻣﺎﻟﻨﻰ ﺳﯘ ﺋﯧﻘﯩﺘﯩﭗ ﻛﻪﺗﻜﻪﻥ. ﻫﺎﺯﯨﺮ ﺋﺎﭘﻪﺕ ﺋﯧﻐﯩﺮﺭﺍﻕ ﻧﺎﻫﯩﻴﯩﻠﻪﺭﺩﻩ، ﺋﺎﻣﻤﺎ ﻣﻪﻛﺘﻪﭖ ﯞﻩ ﺑﺎﺷﻘﺎ ﺋﯩﺪﺍﺭﻩ ﺑﯩﻨﺎﻟﯩﺮﯨﺪﺍ ﺋﺎﭘﻪﺕ ﺋﯚﺗﯜﭖ ﻛﻪﺗﻜﯜﭼﻪ ﯞﺍﻗﯩﺘﻠﯩﻖ ﭘﺎﻧﺎﻻﻧﻤﺎﻗﺘﺎ ﺋﯩﻜﻪﻥ.

ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻛﻪﻟﻜﯜﻧﺪﯨﻦ ﻣﯘﺩﺍﭘﯩﺌﻪﻟﯩﻨﯩﺶ ﺋﯩﺪﺍﺭﯨﺴﻰ ﻧﯚﯞﻩﺗﺘﻪ ﻛﻪﻟﻜﯜﻥ ﺋﺎﭘﯩﺘﯩﻨﯩﯔ ﺋﺎﺳﺎﺳﯩﻲ ﺟﻪﻫﻪﺗﺘﯩﻦ ﻛﻮﻧﺘﺮﻭﻝ ﻗﯩﻠﯩﻨﯩﭗ ﺑﻮﻟﯘﭖ ﺋﻪﻣﺪﻯ ﻗﯘﺗﻘﯘﺯﯗﺵ ﺋﯩﺸﻠﯩﺮﯨﻨﯩﯔ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﯘ ﺳﯚﺯﯨﺪﻩ "ﻗﯘﺗﻘﯘﺯﯗﺵ ﺋﯩﺸﻠﯩﺮﻯ ﻫﺎﺯﯨﺮ ﻳﻪﺭﻟﯩﻚ ﺋﻮﺭﯗﻧﻼﺭﻧﯩﯔ ﺗﻪﻟﯩﯟﻯ ﺑﻮﻳﯩﭽﻪ ﺋﯧﻠﯩﭗ ﺑﯧﺮﯨﻠﯩﯟﺍﺗﯩﺪﯗ. ﻛﻪﻟﻜﯜﻥ ﺋﺎﺳﺎﺳﯩﻲ ﺟﻪﻫﻪﺗﺘﯩﻦ ﻛﻮﻧﺘﺮﻭﻝ ﻗﯩﻠﯩﯟﯦﻠﯩﻨﺪﻯ" ﺩﯦﺪﻯ. ﺑﯩﺰ ﻳﻪﻧﻪ ﺋﯘﻧﯩﯖﺪﯨﻦ ﺋﺎﭘﻪﺕ ﺯﯨﻴﯩﻨﯩﻐﺎ ﺋﯘﭼﺮﯨﻐﺎﻥ ﺧﻪﻟﻘﻠﻪﺭﻧﯩﯔ ﻗﺎﻧﺪﺍﻕ ﻳﺎﺭﺩﻩﻣﻠﻪﺭﮔﻪ ﺋﯧﺮﯨﺸﯩﯟﺍﺗﻘﺎﻧﻠﯩﻘﯩﻨﻰ ﺳﻮﺭﯨﻐﯩﻨﯩﻤﯩﺰﺩﺍ، ﺋﯘ، ﺋﺎﭘﻪﺕ ﺯﯨﻴﯩﻨﯩﻐﺎ ﺋﯘﭼﺮﯨﻐﺎﻥ 200 ﻣﯩﯔ ﻛﯩﺸﯩﻨﯩﯔ ﻫﻪﻣﻤﯩﺴﯩﻼ ﺋﯚﻳﺴﯩﺰ ﻗﺎﻟﻤﯩﻐﺎﭼﻘﺎ، ﯞﻩﺯﯨﻴﻪﺗﻨﯩﯔ ﺋﯘﻧﭽﯩﻠﯩﻚ ﺟﯩﺪﺩﯨﻲ ﺋﻪﻣﻪﺳﻠﯩﻜﯩﻨﻰ، ﻫﺎﺯﯨﺮ ﻳﻪﺭﻟﯩﻚ ﺧﻪﻟﻖ ﺋﯩﺸﻠﯩﺮﻯ ﺋﯩﺪﺍﺭﯨﻠﯩﺮﯨﻨﯩﯔ ﻛﻪﻟﻜﯜﻧﺪﻩ ﺋﯚﻳﯩﺪﯨﻦ ﺋﺎﻳﺮﯨﻠﯩﭗ ﻗﺎﻟﻐﺎﻥ ﺧﻪﻟﻘﻠﻪﺭﻧﻰ ﺋﻮﺭﯗﻧﻼﺷﺘﯘﺭﯨﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﺘﻰ.

ﻛﻪﻟﻜﯜﻥ ﺑﺎﺷﻘﺎ ﻳﯩﻠﻼﺭﻏﺎ ﻗﺎﺭﯨﻐﺎﻧﺪﺍ ﺋﯧﻐﯩﺮ

ﻛﻪﻟﻜﯜﻥ ﺋﺎﭘﯩﺘﯩﻨﯩﯔ ﺑﯘ ﺭﺍﻳﻮﻧﻼﺭﻏﺎ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺯﯨﻴﺎﻧﻠﯩﺮﻯ ﺋﯧﻐﯩﺮ ﺑﻮﻟﯘﭖ، ﺋﯚﻳﻠﻪﺭﻧﻰ ﺳﯘ ﺋﯧﻠﯩﭗ ﻛﯧﺘﯩﺸﺘﯩﻦ ﺳﯩﺮﺕ ﻳﻪﻧﻪ، ﺑﯘ ﻳﻪﺭﺩﯨﻜﻰ 1400 ﮔﯧﻜﺘﺎﺭﻏﺎ ﻳﯧﻘﯩﻦ ﺩﯦﻬﻘﺎﻧﭽﯩﻠﯩﻖ ﻣﻪﻳﺪﺍﻧﯩﻨﻰ ﺳﯘ ﺑﯧﺴﯩﭗ ﻛﻪﺗﻜﻪﻥ ﻫﻪﻣﺪﻩ ﻧﯘﺭﻏﯘﻥ ﻗﺎﺗﻨﺎﺵ ﻳﻮﻟﻠﯩﺮﻯ ﺗﻮﺳﯩﻠﯩﭗ، ﺑﯩﺮ ﻗﯩﺴﯩﻢ ﺟﺎﻳﻼﺭﻧﯩﯔ ﻫﻪﺗﺘﺎ ﺋﯩﭽﯩﻤﻠﯩﻚ ﺳﯘ ﺗﻪﻣﯩﻨﺎﺗﻰ ﺋﯜﺯﯛﻟﯜﭖ ﻗﺎﻟﻐﺎﻥ. ﺷﯘﻧﺪﺍﻗﻼ ﻣﯩﯖﺪﯨﻦ ﺋﻮﺷﯘﻕ ﭼﺎﺭﯞﺍ ﻣﺎﻝ ﺋﯚﻟﮕﻪﻥ. ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﺎﭘﻪﺕ ﺭﺍﻳﻮﻧﯩﺪﯨﻜﻰ ﺧﻪﻟﻘﻠﻪﺭ ﻫﺎﺯﯨﺮ ﻳﻪﻧﯩﻼ ﺗﯘﺭﺍﻟﻐﯘ ﺟﺎﻱ ﯞﻩ ﻳﺎﻣﻐﯘﺭﺩﯨﻦ ﻣﯘﺩﺍﭘﯩﺌﻪﻟﯩﻨﯩﺶ ﺋﻪﺳﻠﯩﻬﻪﻟﯩﺮﻯ ﻫﻪﻣﺪﻩ ﺑﺎﺷﻘﺎ ﺋﺎﭘﻪﺗﺘﯩﻦ ﻗﯘﺗﻘﯘﺯﯗﺵ ﺑﯘﻳﯘﻣﻠﯩﺮﯨﻐﺎ ﺟﯩﺪﺩﯨﻲ ﺋﯧﻬﺘﯩﻴﺎﺟﻠﯩﻖ ﺑﻮﻟﻤﺎﻗﺘﺎ ﺋﯩﻜﻪﻥ.

ﺋﯘﻳﻐﯘﺭ ﺋﯧﻠﯩﻨﯩﯔ ﺋﯩﻠﻰ ﺋﻮﺑﻼﺳﺘﻰ ﻛﻪﻟﻜﯜﻥ ﺋﺎﭘﯩﺘﯩﮕﻪ ﺑﯩﺮ ﻗﻪﺩﻩﺭ ﻛﯚﭖ ﺋﯘﭼﺮﺍﻳﺪﯨﻐﺎﻥ ﺭﺍﻳﻮﻧﻼﺭ ﺑﻮﻟﯘﭖ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻛﻪﻟﻜﯜﻧﺪﯨﻦ ﻣﯘﺩﺍﭘﯩﺌﻪﻟﯩﻨﯩﺶ ﺋﯩﺪﺍﺭﯨﺴﯩﻨﯩﯔ ﺧﺎﺩﯨﻤﻰ ﺑﯘ ﻳﯩﻞ ﻣﻪﺯﻛﯘﺭ ﺭﺍﻳﻮﻧﺪﯨﻜﻰ ﻛﻪﻟﻜﯜﻥ ﺋﻪﻫﯟﺍﻟﯩﻨﯩﯔ ﺋﺎﻟﺪﯨﻨﻘﻰ ﻳﯩﻠﻼﺭﻧﯩﯖﻜﯩﮕﻪ ﻗﺎﺭﯨﻐﺎﻧﺪﺍ ﺋﯧﻐﯩﺮﺭﺍﻕ ﺑﻮﻟﻐﺎﻧﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﺪﻯ.

ﺋﯘ ﻳﻪﻧﻪ، ﻛﻪﻟﻜﯜﻥ ﺋﺎﭘﯩﺘﯩﻨﻰ ﺋﺎﺳﺎﺳﻠﯩﻘﻰ ﻫﯚﻝ-ﻳﯩﻐﯩﻨﻨﯩﯔ ﻛﯚﭖ ﺑﻮﻟﯩﺸﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻧﻠﯩﻘﯩﻨﻰ ﺋﻪﻣﻤﺎ ﺑﯘﻧﯩﯖﻐﺎ ﻗﻮﺷﯘﻟﯘﭖ، ﺩﯗﻧﻴﺎﯞﯨﻲ ﺋﯩﻘﻠﯩﻢ ﺋﯚﺯﮔﯜﺭﯛﺷﯩﻨﯩﯔ ﺗﻪﺳﯩﺮﯨﻨﯩﻤﯘ ﻧﻪﺯﻩﺭﺩﯨﻦ ﺳﺎﻗﯩﺖ ﻗﯩﻠﯩﺸﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. (ﭘﻪﺭﯨﺪﻩ)