ﺋﯘﻳﻐﯘﺭ ﺋﯧﻠﯩﺪﻩ ﻛﻪﻟﻜﯜﻥ ﺋﺎﭘﯩﺘﻰ ﺩﺍﯞﺍﻣﻼﺷﻤﺎﻗﺘﺎ

• ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩﻧﯩﯔ ﺑﯘ ﻫﻪﻗﺘﯩﻜﻰ ﺗﻮﻟﯘﻕ ﻣﻪﻟﯘﻣﺎﺗﻰ
• Download story audio

ﺋﯘﻳﻐﯘﺭ ﺋﯧﻠﯩﻨﯩﯔ ﺑﯩﺮ ﻗﯩﺴﯩﻢ ﺟﺎﻳﻠﯩﺮﯨﺪﺍ 16 ‏- ﺋﯩﻴﯘﻝ ﻛﯜﻧﯩﺪﯨﻦ ﺑﯘﻳﺎﻥ ﻳﺎﻗﻘﺎﻥ ﻗﺎﺗﺘﯩﻖ ﻳﺎﻣﻐﯘﺭ، ﻛﻪﻟﻜﯜﻥ ﺋﺎﭘﯩﺘﻰ ﭘﻪﻳﺪﺍ ﻗﯩﻠﯩﭗ، ﻗﺎﺗﻨﺎﺷﻨﯩﯔ ﺋﯧﻐﯩﺮ ﺩﻩﺭﯨﺠﯩﺪﻩ ﺗﻮﺳﯘﻟﯘﭖ ﻗﯧﻠﯩﺸﯩﻨﻰ ﻫﻪﺗﺘﺎ ﺑﯩﺮ ﻛﯩﺸﯩﻨﯩﯔ ﺋﯚﻟﯜﻣﯩﻨﻰ، 5 ﻛﯩﺸﯩﻨﯩﯔ ﺋﯩﺰ - ﺩﯦﺮﻩﻛﺴﯩﺰ ﻳﻮﻗﺎﭖ ﻛﯧﺘﯩﺸﯩﻨﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﮔﻪﻥ.

ﺋﯩﺴﺘﺎﻧﺴﯩﻤﯩﺰ ﻛﻪﻟﻜﯜﻥ ﺋﺎﭘﯩﺘﻰ ﺋﯧﻐﯩﺮ ﺩﻩﺭﯨﺠﯩﺪﻩ ﻳﯜﺯ ﺑﻪﺭﮔﻪﻥ ﻗﯘﻣﯘﻝ، ﺗﯘﺭﭘﺎﻥ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻦ ﻣﻪﻟﯘﻣﺎﺕ ﺋﯩﮕﯩﻠﻪﺵ ﺋﯜﭼﯜﻥ، ﻗﯘﻣﯘﻝ ﯞﯨﻼﻳﻪﺗﻠﯩﻚ ﻫﺎﯞﺍ ﺭﺍﻳﻰ ﺋﯩﺪﺍﺭﯨﺴﻰ ﯞﻩ ﻗﯘﻣﯘﻝ ﺷﻪﻫﻪﺭ ﺋﺎﻫﺎﻟﯩﺴﻰ ﺷﯘﻧﯩﯖﺪﻩﻙ ﺗﯘﺭﭘﺎﻧﺪﯨﻜﻰ ﺋﺎﻫﺎﻟﯩﻠﻪﺭﮔﻪ ﺗﯧﻠﯧﻔﯘﻥ ﺋﯘﺭﺩﻯ.

ﺋﺎﭘﻪﺕ ﺋﺎﺳﺎﺳﻪﻥ ﺋﯘﻳﻐﯘﺭ ﺋﯧﻠﯩﻨﯩﯔ ﺷﻪﺭﻗﻰ ﺷﯩﻤﺎﻝ ﺭﺍﻳﻮﻧﯩﺪﺍ

ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ، ﺋﯘﻳﻐﯘﺭ ﺋﯧﻠﯩﻨﯩﯔ ﻗﯘﻣﯘﻝ ﯞﻩ ﺗﯘﺭﭘﺎﻥ ﯞﯨﻼﻳﻪﺗﻠﯩﺮﻯ، ﺳﺎﻧﺠﻰ ﺋﻮﺑﻼﺳﺘﻰ ﯞﻩ ﻗﺎﻧﺎﺱ ﺳﺎﻳﺎﻫﻪﺕ ﺭﺍﻳﻮﻧﻠﯩﺮﯨﺪﺍ ﺋﯧﻐﯩﺮ ﻛﻪﻟﻜﯜﻥ ﺋﺎﭘﯩﺘﻰ ﻳﯜﺯ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ، ﻫﻪﺗﺘﺎ ﻣﻮﺭﻯ ﻧﺎﻫﯩﻴﯩﺴﯩﺪﻩ ﺑﯩﺮ ﻛﯩﺸﯩﻨﯩﯔ ﻗﺎﺯﺍ ﻗﯩﻠﯩﭗ، 4 ﻛﯩﺸﯩﻨﯩﯔ ﻛﯚﻣﯜﻟﯜﭖ ﻗﺎﻟﻐﺎﻧﻠﯩﻘﯩﻨﻰ 5 ﻛﯩﺸﯩﻨﯩﯔ ﺋﯩﺰ - ﺩﯦﺮﻩﻛﺴﯩﺰ ﻳﻮﻗﺎﭖ ﻛﻪﺗﻜﻪﻧﻠﯩﻜﯩﻨﻰ ﻫﻪﻣﺪﻩ ﺋﺎﭘﻪﺕ ﻳﯜﺯ ﺑﻪﺭﮔﻪﻥ ﺟﺎﻳﻼﺭﺩﯨﻜﻰ ﺗﺎﺵ ﻳﻮﻟﻼﺭﻧﯩﯔ ﺑﯘﺯﯗﻟﻐﺎﻧﻠﯩﻘﯩﺪﯨﻦ ﻧﻪﭼﭽﻪ ﻳﯜﺯﻟﯩﮕﻪﻥ ﺋﺎﭘﺘﻮﻣﻮﺑﯩﻞ ﯞﻩ ﻧﻪﭼﭽﻪ ﻳﯜﺯﻟﯩﮕﻪﻥ ﻳﻮﻟﯘﭼﯩﻼﺭﻧﯩﯔ ﻧﯩﺸﺎﻧﯩﻐﺎ ﻳﯧﺘﻪﻟﻤﻪﻱ ﺗﻮﺧﺘﺎﭖ ﻗﯧﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻤﺎﻗﺘﺎ.

ﺋﯩﺴﺘﺎﻧﺴﯩﻤﯩﺰ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﺎﯞﺍ ﺭﺍﻳﻰ ﺋﯩﺪﺍﺭﯨﺴﻰ ﯞﻩ ﻛﻪﻟﻜﯜﻧﺪﯨﻦ ﻣﯘﺩﺍﭘﯩﺌﻪ ﻛﯚﺭﯛﺵ ﺋﯩﺸﺨﺎﻧﯩﺴﻰ ﻗﺎﺗﺎﺭﻟﯩﻖ ﺋﻮﺭﯗﻧﻼﺭﺩﯨﻦ ﻳﯜﺯ ﺑﻪﺭﮔﻪﻥ ﻛﻪﻟﻜﯜﻥ ﺋﺎﭘﯩﺘﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﻛﯚﭖ ﺋﯩﺰﺩﻩﻧﮕﻪﻥ ﺑﻮﻟﺴﺎﻗﻤﯘ ، ﺋﻪﻣﻤﺎ ﺗﯧﻠﯧﻔﯘﻥ ﺗﯘﺭﯗﭘﻜﯩﺴﯩﻨﻰ ﺋﺎﻟﯩﺪﯨﻐﺎﻥ ﻛﯩﺸﻰ ﭼﯩﻘﻤﯩﺪﻯ.

ﺯﯨﻴﺎﺭﯨﺘﯩﻤﯩﺰ ﺟﺎﯞﺍﺑﺴﯩﺰ ﻗﺎﻟﺪﻯ

ﺑﯩﺰ ﻳﻪﻧﻪ ﺋﺎﭘﻪﺕ ﺋﻪﯓ ﺋﯧﻐﯩﺮ ﻳﯜﺯ ﺑﻪﺭﮔﻪﻥ ﻗﯘﻣﯘﻝ ﯞﯨﻼﻳﯩﺘﯩﺪﯨﻦ ﻣﻪﻟﯘﻣﺎﺕ ﺋﯩﮕﯩﻠﻪﺵ ﺋﯜﭼﯜﻥ، ﻗﯘﻣﯘﻝ ﯞﯨﻼﻳﻪﺗﻠﯩﻚ ﻫﺎﯞﺍ ﺭﺍﻳﻰ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﯞﯦﻲ ﮔﯧﻨﭽﯧﯖﻨﻰ ﺯﯨﻴﺎﺭﻩﺕ ﻗﯩﻠﺪﯗﻕ.

ﯞﯦﻲ ﮔﯧﯖﭽﯧﯔ ﺑﯩﺰﺩﯨﻦ ﺋﺎﻟﺪﻯ ﺑﯩﻠﻪﻥ، ﺳﯩﻠﻪﺭ ﻗﺎﻳﺴﻰ ﺋﺎﺧﺒﺎﺭﺍﺕ ﺋﯩﺪﺍﺭﯨﺴﯩﻨﯩﯔ ﺩﻩﭖ ﺳﻮﺭﯨﺪﻯ.

ﺋﺎﻣﯧﺮﯨﻜﯩﺪﯨﻜﻰ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﺪﯨﻦ ﺗﯧﻠﯧﻔﯘﻥ ﺋﯘﺭﯗﯞﺍﺗﻘﺎﻧﻠﯩﻘﯩﻤﯩﺰﺩﯨﻦ ﺧﻪﯞﻩﺭﺩﺍﺭ ﺑﻮﻟﻐﺎﻥ ﻫﺎﯞﺍ ﺭﺍﻳﻰ ﺋﯩﺪﺍﺭﯨﺴﯩﻨﯩﯔ ﺑﯘ ﻣﻪﺳﺌﯘﻟﻰ، "ﺳﺎﻻﻫﯩﻴﯩﺘﯩﯖﻼﺭ ﺋﯧﻨﯩﻖ ﺋﻪﻣﻪﺱ ﺋﯩﻜﻪﻥ، ﺑﯩﺰﻧﯩﯔ ﺳﯩﺮﺗﻘﺎ ﻣﻪﻟﯘﻣﺎﺕ ﺑﯧﺮﯨﺸﺘﻪ ﺑﯩﺮ ﻗﺎﺗﺎﺭ ﻗﺎﺋﯩﺪﻩ - ﭘﺮﯨﻨﺴﯩﭙﻠﯩﺮﯨﻤﯩﺰ ﺑﺎﺭ، ﺋﯘﻧﯩﯔ ﺋﯜﺳﺘﯩﮕﻪ ﻫﺎﺯﯨﺮ ﺋﺎﭘﻪﺕ ﺋﻪﻫﯟﺍﻟﯩﺪﯨﻦ ﺗﯧﺨﻰ ﺋﯧﻨﯩﻖ ﺧﯘﻻﺳﻪ ﭼﯩﻘﯩﺮﯨﺶ ﻗﯧﻴﯩﻦ، ﻣﻪﻥ ﺳﯩﺰﮔﻪ ﻫﯧﭽﻨﻪﺭﺳﻪ ﺋﯧﻴﺘﯩﭗ ﺑﯧﺮﻩﻟﻤﻪﻳﻤﻪﻥ" ﺩﻩﭖ، ﺑﯩﺰﻧﯩﯔ ﻗﯘﻣﯘﻝ ﯞﯨﻼﻳﯩﺘﯩﺪﻩ ﻳﯜﺯ ﺑﻪﺭﮔﻪﻥ ﺋﺎﭘﻪﺕ ﺋﻪﻫﯟﺍﻟﻰ، ﺋﺎﭘﻪﺗﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺯﯨﻴﺎﻥ، ﻛﻪﻟﻜﯜﻧﮕﻪ ﺋﯘﭼﺮﯨﻐﺎﻥ ﺋﺎﻫﺎﻟﯩﻼﺭﻧﯩﯔ ﻫﺎﺯﯨﺮﻗﻰ ﯞﻩﺯﯨﻴﯩﺘﻰ ﯞﻩ ﻛﻪﻟﻜﯜﻥ ﻳﻪﻧﻪ ﺩﺍﯞﺍﻣﻼﺷﺴﺎ ﺋﯘﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﭼﺎﺭﻩ - ﺗﻪﺩﺑﯩﺮﻟﯩﺮﻯ ﻫﻪﻗﻘﯩﺪﻩ ﺳﻮﺭﯨﻐﺎﻥ ﺳﯘﺋﺎﻟﻠﯩﺮﯨﻤﯩﺰﻧﯩﯔ ﺑﯩﺮﯨﮕﯩﻤﯘ ﺟﺎﯞﺍﺏ ﺑﻪﺭﻣﯩﺪﻯ.

ﺋﯘﻳﻐﯘﺭ ﭘﯘﺧﺮﺍﻟﯩﺮﯨﻨﯩﯔ ﺟﺎﯞﺍﺑﻰ

ﺑﯩﺰ ﻗﯘﻣﯘﻝ ﺷﻪﻫﯩﺮﯨﺪﯨﻜﻰ ﺑﯩﺮ ﻗﺎﻧﭽﻪ ﺋﺎﻫﺎﻟﯩﮕﻪ ﺗﯧﻠﯧﻔﯘﻥ ﺋﯘﺭﯗﭖ، ﻛﻪﻟﻜﯜﻥ ﺗﻮﻏﺮﯨﺴﯩﺪﺍ ﺋﯧﻨﯩﻘﺮﺍﻕ ﺋﯘﭼﯘﺭ ﺋﯩﮕﯩﻠﻪﺷﻜﻪ ﺗﯩﺮﯨﺸﻘﺎﻥ ﺑﻮﻟﺴﺎﻗﻤﯘ، ﺑﯩﺮ ﺧﯩﺘﺎﻱ ﭘﯘﻗﺮﺍﺳﻰ"ﻣﯧﻨﯩﯔ ﻛﻪﻟﻜﯜﻧﺪﯨﻦ ﺋﯧﻨﯩﻖ ﺧﻪﯞﯨﺮﯨﻢ ﻳﻮﻕ " ﺩﯦﺪﻯ. ﻳﻪﻧﻪ ﺑﯩﺮ ﺋﯘﻳﻐﯘﺭﻣﯘ ﺑﯩﺰﮔﻪ ﻗﺎﻧﺎﺋﻪﺗﻠﯩﻨﻪﺭﻟﯩﻚ ﺟﺎﯞﺍﺏ ﺑﻪﺭﻣﯩﺪﻯ.

ﺑﯩﺰ ﻳﻪﻧﻪ ﻛﻪﻟﻜﯜﻧﻨﯩﯔ ﺗﯘﺭﭘﺎﻥ ﯞﯨﻼﻳﯩﺘﯩﺪﯨﻜﻰ ﻳﯧﺰﯨﻼﺭﻏﺎ ﺋﯧﻐﯩﺮ ﺯﯨﻴﺎﻧﻼﺭﻧﻰ ﺋﯧﻠﯩﭗ ﻛﻪﻟﮕﻪﻧﻠﯩﻜﯩﺪﯨﻦ ﺧﻪﯞﻩﺭﺩﺍﺭ ﺑﻮﻟﻐﺎﻥ ﺋﯩﺪﯗﻕ، ﺗﯘﺭﭘﺎﻥ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﺑﯩﺮ ﺋﯘﻳﻐﯘﺭ ﻗﯩﺰ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﻛﻪﻟﻜﯜﻧﻨﯩﯔ ﻫﻪﻗﯩﻘﻪﺗﻪﻥ ﭼﻪﺕ ﻳﯧﺰﯨﻼﺭﺩﯨﻜﻰ ﺩﯦﻬﻘﺎﻧﻼﺭﻏﺎ ﺋﯧﻐﯩﺮ ﺯﯨﻴﺎﻥ ﻳﻪﺗﻜﯜﺯﮔﻪﻧﻠﯩﻜﯩﻨﻰ ﺋﯧﻴﺘﺘﻰ. (ﺋﻪﻗﯩﺪﻩ)